مه‌ شیان هه‌نه‌ درامایێن (80) خه‌له‌كه‌ چێكه‌ین

مه‌ شیان هه‌نه‌ درامایێن (80) خه‌له‌كه‌ چێكه‌ین

4

سلێمانیێ‌، عه‌زیز هه‌ورامی:

ده‌رهێنه‌ر ئۆمێد كه‌مال، د دیداره‌كێ‌ دا بۆ رۆژناما ئه‌ڤرۆ گۆت: ئه‌وا دڤێ‌ هه‌یڤێ‌ دا من ل چه‌ند كه‌نالێن ته‌له‌فزیۆنی دیتی كو هژماره‌كا زنجیره‌ دراما بۆ هه‌یڤا ره‌مه‌زانێ‌ هاتبوون چێكرن، هه‌تا راده‌كی جهێ‌ دلخۆشیێ‌ بوون، هه‌ر چه‌نده‌ هنده‌ك دبێ‌ به‌هر نه‌بوون ژ كێماسیان و مه‌ تێبینی ل سه‌ر هه‌نه‌، به‌س هه‌ر چاوا بیت ماده‌م كوردی نه‌ گه‌له‌ك ژوان زنجیره‌ درامایێن بیانی باشتره‌ ئه‌وێن هاتینه‌ دوبلاژكرن، چنكو ناڤه‌رۆكا پرانیا زنجیرێن بیانی ب تایبه‌ت ژی یێن توركی ل گه‌ل دابونه‌ریت و كلتۆرێ‌ مه‌ ناگونجن و زیانا وان گه‌له‌كه‌.

نڤهاتی گۆت: هنده‌ك چیرۆك و سه‌رهاتی دناڤ مه‌ كوردان دا هه‌نه‌ هه‌كه‌ بهێنه‌ نڤیسین دێ‌ شیێن درامایێن (80) خه‌له‌كه‌ ژێ‌ چێكه‌ین، لێ‌ ئاریشا مه‌ ئه‌وه‌ مه‌ نڤیسه‌رێن ب وی ره‌نگی گه‌له‌ك كێم یێن هه‌ین، ژ به‌ر هندێ‌ من خوه‌ ب نڤیسینێ‌ ژی ڤه‌كریه‌ لێ‌ نه‌بوونا پاره‌ی ژی ئاریشه‌كا مه‌زنتره‌، چنكو هه‌كه‌ ئه‌م زنجیره‌ دارامایه‌كا (80) خه‌له‌كه‌ چێكه‌ین وی ده‌می دێ‌ پێدڤی ب پاره‌كێ‌ زۆر بین بۆ به‌رهه‌مئینانا وان و ب راستی ژی ئه‌ڤه‌ یا ب زه‌حمه‌ت چنكو نه‌ وه‌زاره‌ت نه‌ ژی كه‌نالێن ته‌له‌فزیۆنی د به‌رهه‌ڤ نینن وی پاره‌ی بده‌ن، ئانكو هه‌كه‌ مه‌ بڤێت به‌رێ‌ بینه‌ران ژ زنجیرێن بیانی بۆ یێن حۆمالی ڤه‌گوهێزین پێدڤیه‌ پشته‌ڤانیێ‌ ل نڤیسه‌ر و ده‌رهێنه‌ر و ئه‌كته‌رێن خوه‌ بكه‌ین.

کۆمێنتا تە