موه‌فه‌ق گۆران: من دڤێت بێده‌نگیا خوه‌ ب چێكرنا به‌رهه‌مه‌كی بشكێنم

موه‌فه‌ق گۆران: من دڤێت بێده‌نگیا خوه‌ ب چێكرنا به‌رهه‌مه‌كی بشكێنم

11

ره‌مه‌زان هه‌رنی:

هونه‌رمه‌ندێ‌ سترانبێژ (موه‌فه‌ق گۆران) د دیداره‌كێ‌ دا بۆ رۆژناما ئه‌ڤرۆ راگه‌هاند كو ل هه‌یا ما بوری گه‌له‌ك تشت بوونه‌ ئه‌گه‌ر كو ئه‌و ب شێوه‌یه‌كێ‌ فه‌رمی به‌رهه‌م و سیدی و كلیپا دروست نه‌كه‌ت، به‌لێ‌ ژ بوارێ‌ هونه‌ری دوورنه‌كه‌فتیه‌ ب تنێ‌ ژ دروستكرنا به‌رهه‌ما دووركه‌فتیه‌ وه‌ك سیدی و كلیپ، كاودانێن ب سه‌ر كوردستانێ‌ دا هاتین ئه‌گه‌ربوون كو دووركه‌ڤیت وه‌ك دروستبوونا شه‌رێ‌ دژی تیرۆرستێن داعش و ره‌وشا ئابووریا وه‌لاتیان و ئه‌گه‌رێ‌ سه‌ره‌كی نه‌بوونا پاره‌ی یه‌ كو پتر ژ داواتان ب ده‌ستڤه‌ دئینا داوات ژی نینه‌ و ئه‌و كارێن دهێنه‌ كرن ژی ل سه‌ر ئه‌ركێ‌ هونه‌رمه‌ندیه‌ .

ناڤهاتی گۆت ژی: سترانێن من ڤیای تۆماربكه‌م و بێژم من كێم ژ ره‌نگێ‌ خوه‌ دیتنه‌ ئه‌و ستایلێ‌ من ڤیای ب ده‌ست من نه‌كه‌فتیه‌ وه‌ك په‌یڤ و ئاواز، من باوه‌ریا هه‌ی جه‌ماوه‌رێ‌ خوه‌ ب ده‌ستڤه‌ بینمه‌ ڤه‌ ئه‌گه‌ر به‌رهه‌مه‌كێ‌ دروستبكه‌م دێ‌ ب ره‌نگه‌كێ‌ سه‌رده‌میانه‌ دروستكه‌م، سترانێن به‌رێ‌ من گۆتین و هه‌تا نوكه‌ ساخ ماینه‌ به‌لێ‌ من دڤێت ب ستایله‌كێ‌ نوو ئه‌ڤ جاره‌ ده‌ركه‌ڤمه‌ڤه‌.

موه‌فه‌قی ئاشكرا كر نابیت هونه‌رمه‌ند بچیته‌ داواتان سه‌ره‌رای كو ئه‌ز دچم ژی هونه‌رمه‌ند نه‌ بتنێ‌ ده‌نگێ‌ خوه‌ دفرۆشیت به‌لكۆ زیانێ‌ ژی دگه‌هینیته‌ ده‌نگێ‌ خوه‌ ژ به‌ر كو بۆ ماوێ‌ پێنج ده‌مژمێرا مرۆڤ سترانا ل سه‌ر ئێك بێژیت ده‌نگ تێك دچیت، نه‌چارم بچمه‌ داواتان ئه‌گه‌ر نه‌شێم هونه‌رمه‌ند بمینم ژ به‌ر كو ئه‌ز ب هونه‌رێ‌ خوه‌ و ب داواتا دژیم داوات بووینه‌ ژێده‌ر بۆ هونه‌ر و هونه‌رمه‌ندی.

ناڤهاتی خویا كر كو: وه‌ك هزر كار ل سه‌ر به‌رهه‌مه‌كی دكه‌م و من دڤێت بێده‌نگیا خۆ ب به‌رهه‌مه‌كێ‌ بشكێنم كو سیدیه‌كی دروست بكه‌م و دو كلیپا ژی ژ به‌رهه‌می دروست بكه‌م ، هه‌موو هه‌لبه‌ستڤان نه‌شیانه‌ هونه‌رمه‌ندا ژ خوه‌ رازی بكه‌ن و شێوازێ‌ سترانێ‌ هاتیه‌ گوهرین سترانا نوو زوو دمریت هنده‌ك جارا بۆ په‌یڤ و ئاوازا زڤریت و نوكه‌ هونه‌رمه‌ند بزاڤێ‌ دكه‌ن ل گه‌ل سه‌رده‌می بگونجیت، نوكه‌ به‌هرا پتر هونه‌ر كه‌فتیه‌ ناڤ سوشیال میدیایێ‌ جه‌ماوه‌ره‌كێ‌ تایبه‌ت هه‌یه‌ بینه‌رێن هونه‌ری زیانه‌كا مه‌زن ژی گه‌هاندیه‌ بوارێ‌ هونه‌رێ‌ هنده‌ك هونه‌رمه‌ندان سوشیال میدیا بخو ب كارئینا و هونه‌ر تێكدا و بوونه‌ ئه‌گه‌ر هنده‌ك هونه‌رمه‌ند به‌رزه‌كرن، ل چو به‌رهه‌مێن خوه‌ په‌شیمان نه‌بوویمه‌ هه‌ر به‌رهه‌مه‌كێ‌ من گوت و تۆمار كربیت ژ به‌ر كو هه‌تا باوه‌ریێ‌ ب به‌رهه‌می نه‌ئینم نابێژم.

کۆمێنتا تە