نوشداره‌ك و هاریكاره‌ك بۆ دادگه‌هێ‌ هاتنە ره‌وانه‌ كرن

نوشداره‌ك و هاریكاره‌ك بۆ دادگه‌هێ‌ هاتنە ره‌وانه‌ كرن

600

ئه‌ڤرۆ نیوز، عه‌لی حاجی :

نوونه‌رێ‌ قاممقامیا زاخۆ د لژنا بلندا كونترولكرنا ده‌رمانان دا د داخویانیه‌كێ‌ دا بۆ ئه‌ڤرۆ نیوز ئاشكهرا كر ل سالا بوری ژبه‌ر نه‌پێگریا دو جهان ب رێنمایان بۆ دادگه‌هێ‌ هاتینه‌ ره‌وانه‌ كرن و هه‌ر دیسان چه‌ندین جه هاتینه‌ گرتن و سزادان .

زێده‌تر خه‌لات ئوسمان گوت: (د سالا 2019 لژنا مه‌ كومبون دگه‌ل 28 كومه‌لگه‌هێن پزیكشی ئه‌نجام داینه‌ ل دور پێگیركرنا وان رێنمایان و سالا بوری مه‌ شیایه‌ 10 ده‌رمانخانان بۆ ماوه‌یێ‌ سێ‌ روژان دائێخین و 11 ده‌رمانخانێن دیتر ب كوژمه‌كێ‌ پاره‌یی سزا بده‌ین و هه‌ر دیسان 11 كلینكێن هاریكارێن نوشدار بۆ ماوه‌یێ‌ حه‌فت روژان هاتنه‌ دائێخستن و كه‌سه‌ك هاته‌ ره‌وانه‌ كرن بۆ دادگه‌ها زاخۆ ژبه‌ر سه‌رپێچیا وان د رێنمایێن ئه‌نجوومه‌نێ‌ وه‌زیران دا كو تایبه‌تن ل دور كلینیك و كونترولكرنا ده‌رمانان).

و گوت ژی هه‌ر دیسان مه‌ شیابوو چار كلینیكێن نوشداری ل زاخۆ بۆ ماوه‌یێ‌ سێ‌ روژان دائێخین و هه‌ر دیسان ئێك ژ وان كلینیكان ب ئێكجاری هاته‌ دائێخستن و كه‌سه‌ك ژ وان هاته‌ ره‌وانه‌ كرن بۆ دادگه‌هێ‌ و ئه‌و كه‌سێن هاتینه‌ ره‌وانه‌ كرن بۆ دادگه‌هێ‌ ئێك نوشدار بوو و ئێكێ‌ دیتر ژی هاریكارێ‌ نوشداری بوو و بۆ سالا نوو دێ‌ ب رژدی كار ل سه‌ر وان كلینیك و ده‌رمانخانه‌یان كه‌ین پێخه‌مه‌تی كونترولكرنا ده‌رمانان و نه‌هێلانا سه‌رپێچیان .

کۆمێنتا تە