هاندەرێن بارسێلۆنا جهگرێ ڤالڤێردی دەست نیشان دکەن

هاندەرێن بارسێلۆنا جهگرێ ڤالڤێردی دەست نیشان دکەن

93

 

ئەڤرۆ نیوز:

 

د راپرسیه‌كێ دا كو رۆژناما سپۆرت یا ئیسپانی ئه‌نجامدا یە زۆربەیا هانده‌رێن بارسێلۆنا داخواز د‌كه‌ن ماوریسیۆ پۆچێتینۆ ببیته‌ جهگرێ ئێرنێستۆ ڤالڤێردی.

 

د راپرسیا رۆژناما سپۆرت دا ژ‌ 22% یا هانده‌رێن بارسێلۆنا داخواز کریە، کو پۆچێتینۆ ببیته‌ راهێنه‌ر و ژ 14% یا هاندەران‌ گارسیا پێپێر راهێنه‌رێ دویێ یێ بارسێلۆنا شایسته‌یه‌ ببیته‌ جهگرێ ڤالڤێردی.

 

ژ‌ 13% یا هانده‌ران ده‌نگ بۆ ماسیمیلیانۆ ئالێگری راهێنه‌رێ بەرێ یێ یوڤێنتۆس دایه‌، هەروەسا تێری هێنری 9% یا ده‌نگان ب ده‌ستڤە ئینا یە.

 

پرانیا ژێدەرێن راگه‌هاندنا ئیسپانیا جه‌خت ل هندێ کریە، کو د كۆمبوونا ئه‌ڤرۆ یا جڤاتا كارگێریا بارسێلۆنا بڕیارا دوورخستنا ڤاڵڤێردی دایه‌ و ئاماژه‌ ب هندێ کریە، کو‌ ڤالڤێردی كه‌لوپه‌لێن خوە راپێچاینە و سوبەهی ب فەرمی دێ خاترا خوە ژ یاریکەران خوازیت.

 

ڤالڤێردی ل‌ هاڤینا 2017 وه‌كو راهێنه‌رێ نوو یێ بارسێلۆنا ده‌ست ب ‌كاربوویە، د‌ سه‌رجه‌م قارەمانیان دا سه‌رپه‌رشتیا 145 یاریان كریه‌، 97 سەرکەفتن‌، 32 به‌رامبه‌ربوون و 16 شكەستن هه‌نە‌ و 339 گۆل هه‌یه‌ و 128 گۆل لێ هاتینە کرن.

 

ڤالڤێردی ل ‌گه‌ل بارسێلۆنا دو ناسناڤێن لالیگا یێ، جاما سۆپه‌را ئیسپانیا و جاما شاهی بریە‌ و 5 ناسناڤ ژ ده‌ستداینە.

کۆمێنتا تە