هونه‌رمه‌نده‌كێ‌ دهۆكێ‌ خه‌لاتێ‌ باشترین ئه‌كته‌ر وه‌رگرت

هونه‌رمه‌نده‌كێ‌ دهۆكێ‌ خه‌لاتێ‌ باشترین ئه‌كته‌ر وه‌رگرت

8

زنار تۆڤی:

عادل عه‌بدولره‌حمان، ده‌رهێنه‌ر و ئه‌كته‌رێ‌ به‌رنیاسێ‌ باژێرێ‌ دهۆكێ‌ خه‌لاتێ‌ باشترین ئه‌كته‌ر د كورته‌ فلمێ‌ بارێ‌ گران دا ل فلمه‌ فیسته‌ڤالا دیاربه‌كرێ‌ یا سینه‌مایێ‌ ل باكورێ‌ كوردستانێ‌ وه‌رگرت.  ناڤهاتی د دیداره‌كێ‌ دا بۆ رۆژناما ئه‌ڤرۆ دیاركر كو وی رۆلێ‌ سه‌ره‌كی دوی كورته‌ فلمی دا گێڕایه‌ و ب خۆبه‌خش پشكداری  تێدا كریه‌.

عادل عه‌بدولره‌حمان گۆت: بۆ چێكرنا وی كورته‌ فلمی بۆ ده‌مێ‌ دو حه‌فتییان ئه‌ز مایمه‌ ل باژێرێ‌ مێردینێ‌ چنكو ل وێرێ‌ هاتیه‌ وێنه‌كرن، كورته‌ فلم ژ ده‌رهێنانا د. یه‌لماز ئۆزدلی یه‌، و بۆ من ئه‌كته‌ری گه‌له‌ك ژ كارێ‌ ده‌رهێنانێ‌ خۆشتره‌ و بۆ وی كارێ‌ ئه‌كته‌ریێ‌ سه‌رپشكێ‌ هه‌موو كارێن دی یه‌،

ل دووماهیێ‌ گۆت: ئه‌ڤه‌ دبیته‌ خه‌لاتێ‌ پێنجێ‌ ئه‌و دوی كورته‌ فلمی دا وه‌ردگریت، هه‌روه‌سا وه‌رگرتنا خه‌لاتان بارێ‌ مرۆڤی د بۆارێ‌ سینه‌مایێ‌ دا گرانتر لێ‌ دكه‌ت و ئه‌ڤه‌ وێ‌ چه‌ندێ‌ دگه‌هینیت، كو كوردان ژی ئه‌كته‌رێن خودان شیان هه‌نه‌، دیسان ئه‌و گه‌له‌ك یێ‌ كه‌یف خۆشه‌ ب وه‌رگرتنا ڤی خه‌لاتی و دێ‌ بزاڤان كه‌ت كو پتر خه‌لاتان ب ده‌ست خوه‌ڤه‌ بینیت و وی ڤێت هه‌رده‌م ب رێیا كارێ‌ ئه‌كتته‌ریێ‌ خزمه‌تا هونه‌ر و سینه‌ما كوردی بكه‌ت.

کۆمێنتا تە