هژماره‌كا ده‌رمانخانان هاتنه‌ داخستن

هژماره‌كا ده‌رمانخانان هاتنه‌ داخستن

198

ئەڤرۆ نیوز، له‌زگین جوقی:

قایمقامێ‌ قه‌زا دهۆكێ‌ دیار كر كو ژبه‌ر گران كرنا بهایێ‌ ماسكا و نه‌به‌رهه‌ڤبوونا ده‌رمانساوان دناڤ ده‌رمانخانه‌یان دا ل رۆژا 23/2/2020 لیژنێن دووڤچوونێ‌ ل قایمقامیا دهۆكێ‌ هژماره‌كا ده‌رمانخانه‌یان داخستن.

جه‌هوه‌ر عه‌لی عه‌زیز قایمقامێ‌ قه‌زا دهۆكێ‌  دیار كر كو ئه‌ڤرۆكه‌ ده‌ست ب دووڤچوونا وان ده‌رمانخانا و جهێن فرۆتنا كه‌ره‌ستێن نۆژداری هاته‌ كرن ژ به‌ر بهایێ‌ ماسكا و تر پێگیریا وان ب رێنمایێن حكومه‌تی كو یێن بهایێ‌ كه‌ره‌ستێن نوژداری گران كرین یان ژی ده‌رمانسازی نه ‌یێ‌ به‌رهه‌ڤ ل به‌ر جهێ‌ كاركرنا خوه‌ ده‌رمانخانێ‌ دا هه‌تا نوكه‌ پێنچ ده‌رمانخانا و جهێن كه‌ره‌ستێن نۆشداری هاتینه‌ داخستن، ژبه‌ر فرۆتنا كه‌ره‌ستان بهایه‌كێ‌ گران و نه‌به‌رهه‌ڤبوونا ده‌رمانسازان دناڤ ده‌رمانخانه‌یان دا و گۆت: (چونكو دووڤ یاسایی پێدڤیه‌ ده‌رمانسازی ل جهێ‌ خوه‌ كاری ده‌رمانخانێ‌ دا یێ‌ به‌رهه‌ڤ بیت و نابیت ده‌رمان بێ‌ ده‌رمانساز و راچیتا نوشداری بهێنه‌ دان له‌ورا ژی ئه‌ڤ ده‌رمانخانا هاتنه‌ گرتن و كار دووڤچوون و لیگه‌ریان یێ‌ به‌رده‌وامه‌ بۆ باشتر كونترولكرنا بازاری و نه‌هێلانا گران فرۆتنا ماسكا).

ئاشكرا كر كو هه‌ر جهه‌كێ‌ ماسكێن نۆشداری گران بكه‌ت دێ‌ پیرابوون دگه‌لدا هێنه‌ وه‌رگرتن دی گه‌له‌ك ب هووری دوڤچوونێ‌ لسه‌ر ده‌رمانخانا و جهێن فرۆتنا كه‌ره‌ستێن نۆشداری كه‌ین دا كو بها ماسكا گران نه‌كه‌ن یێ‌ پێگیر نه‌بیت دێ جهێ وان هێته‌ داخستن.

کۆمێنتا تە