وه‌زاره‌تا پێشمه‌رگه‌: ب توندی دێ به‌رسڤا تیرۆریستێن داعشێ ده‌ین

وه‌زاره‌تا پێشمه‌رگه‌: ب توندی دێ به‌رسڤا تیرۆریستێن داعشێ ده‌ین

ل دۆر هێرشا تیرۆرستێن داعشێ بۆ سه‌ر سه‌نگه‌رێن پێشمه‌رگه‌ی ل پردێ، وه‌زاره‌تا پێشمه‌رگه‌ ل هه‌رێما كوردستانێ راگه‌هاند، پێشتر چه‌ندین جاران مه‌ هوشداری ل دۆر مه‌ترسیێن تیرۆرستێن داعشێ ل وان ده‌ڤه‌رێن كوڤ الاهیا ئه‌منی تێدا هه‌ی دابوو، مخابن ئه‌گه‌رێ ب ده‌لیڤه‌ زانینا تیرۆرستان، هه‌بوونا وێ ڤالاهیا ئه‌منی یه‌ كو د ناڤبه‌را هێزا پێشمه‌رگه‌ی و له‌شكرێ عیراقی دا هه‌ی.

وه‌زاره‌تا پێشمه‌رگه‌ راگه‌هاند ژی” ژ ئه‌نجامێ هه‌بوونا ڤالاهیا ئه‌منی د ناڤبه‌را هێزا پێشمه‌رگێ كوردستانێ و له‌شكرێ عیراقێ، تیرۆرستێن داعشێ هێرشی سه‌نگه‌رێن لیوا 10 یا په‌یاده‌ ل سنوورێ میحوه‌رێ پێنج كر، ئه‌و هێرشه‌ ژلایێ هێزێن پێشمه‌رگه‌ی هاته‌ ژناڤبرن، ل ڤێرێ رادگه‌هینین كو هێزا پێشمه‌رگێ كوردستانێ هه‌میشه‌ یا به‌رهه‌ڤه‌ وئه‌و كریارا تیرۆرستی و درندانه‌، خه‌لكێ كوردستانێ و سه‌قامگیریێ و ئارامیێ و ئاسایشا هه‌رێما كوردستانێ و ده‌ڤه‌رێ نا شێوینیت”.

 

ده‌قێ به‌یانناما وه‌زاره‌تا پێشمه‌رگه‌:

ژ ئه‌نجامێ هه‌بوونا ڤالاهیا ئه‌منی د ناڤبه‌را هێزا پێشمه‌رگێ كوردستانێ و له‌شكرێ عیراقێ، تیرۆرستێن داعشێ هێرشی سه‌نگه‌رێن لیوا 10 یا په‌یاده‌ ل بلنداهیێن (زورگه‌زراو) ل سنورێ میحوه‌رێ پێنج كر، ئه‌و هێرشه‌ ژلایێ هێزێن پێشمه‌رگه‌ی هاته‌ ژناڤبرن.

ل ڤێرێ رادگه‌هینین، هێزا پێشمه‌رگێ كوردستانێ هه‌میشه‌ یا به‌رهه‌ڤه‌، ئه‌و كریارا درندانه‌ یا تیرۆرستان خه‌لكێ كوردستانێ و سه‌قامگیری و ئارامی و ئاسایشا هه‌رێما كوردستانێ و ده‌ڤه‌رێ نا شێوینیت.

پێشتر ژی چه‌ندین جاران مه‌ هوشداری ل دۆر مه‌ترسیێن تیرۆرستان ل وان ده‌ڤه‌رێن كو ڤالاهیا ئه‌منی تێدا هه‌ی دابوو، مخابن، ئه‌گه‌رێ ب ده‌لیڤه‌ زانینا تیرۆرستان، هه‌بوونا وێ ڤالاهیا ئه‌منی یه‌، كو د ناڤبه‌را هێزا پێشمه‌رگه‌ی و له‌شكرێ عیراقێ دا هه‌ی، بۆ ڤێ چه‌ندێ ژی دووپات دكه‌ین كو ئه‌و ده‌ڤه‌رانه‌ پێدڤی ب هێزا هه‌ڤپشك و هاریكاریێ و هه‌ماهه‌نگیا هه‌مه‌لایه‌نه‌ هیه‌ ل گه‌ل له‌شكرێ عیراقێ.

ب تیرۆرستان رادگه‌هینین، هێزا پێشمه‌رگێ كوردستانێ دێ به‌رسڤه‌كا توند هه‌بیت بۆ وێ هێرشا چه‌په‌ل و خه‌لكێ هه‌رێما كوردستانێ پشت راست دكه‌ین، كو ئاسایشا هه‌رێما كوردستانێ، وه‌كو هه‌میشه‌ دێ یا پاراستی بیت.

ژلایێ خوه‌ڤه‌، فه‌ریق (جه‌مال ئێمینكی)، سوپاسالارێ پێشمه‌رگه‌ی، ل دۆر هێرشا تیرۆرستێن داعشێ ل سنورێ پردێ و دوبز راگه‌هاند” داعشێ مفا ژ ڤالاهیا ئه‌منی د ناڤبه‌را هێزێن پێشمه‌رگه‌ی و هێزێن عیراقی وه‌رگرتیه‌ و پێشتر چه‌ندین جاران حوكمه‌تا هه‌رێما كوردستانێ داخوازا پركرنا وێ ڤالاهیا ئه‌منی كریه‌، به‌لێ هێزێن عیراقی هه‌تا نوكه‌ ئه‌و ڤالاهیا ئه‌منی پرنه‌كریه‌”.

جه‌مال ئێمینكی گۆت ژی” ژ خانه‌قینێ هه‌تا رۆژئاڤایێ دیجله‌ ڤالاهیا ئه‌منی د ناڤبه‌را هێزێن پێشمه‌رگه‌ی و هێزێن عیراقی دا یا هه‌ی، ئه‌ڤه‌ ژی بۆ هوكار چه‌كدارێن داعشێ خوه‌ رێك بێخن و هێرش و كریارێن تیرۆرستی زێده‌تر لێ بكه‌ن”.

گۆت ژی” چه‌ندین جاران مه‌ هێزێن عیراقی ئاگه‌هدار كرینه‌ كو هه‌بوونا ڤالاهیا ئه‌منی هه‌كاره‌ بۆ چالاكبوونا داعشێ، دڤێت ب هه‌ماهه‌نگی و هه‌ڤپشكی وێ ڤالاهیێ پر بكه‌ین، به‌لێ هوشداریێن مه‌ ب گرنگ نه‌هاتنه‌ وه‌رگرتن و لایه‌نێ عیراقی بۆ رێككه‌فتنێ نه‌هاته‌ پێش”.

جه‌مال ئێمینكی ئاماژه‌ كر” د كۆمبوونێن مه‌ دا ل گه‌ل لژنا وه‌زاره‌تا به‌رگریا عیراقێ، ل سه‌ر وێ چه‌ندێ رێككه‌فتبووین كو چار ناڤه‌ندێن هه‌ماهه‌نگیێ ڤه‌كه‌ین، به‌لێ هه‌تا نوكه‌ تنێ دو ناڤه‌ند یێن هاتینه‌ ڤه‌كرن، ئێك ل هه‌ولێرێ و یێ دی ژی ل به‌غدا”.

 

کۆمێنتا تە