٢٩١ جھێن کارکرنێ ل دھۆکێ ھاتینە سزادان و داخستن

٢٩١ جھێن کارکرنێ ل دھۆکێ ھاتینە سزادان و داخستن

79

دھۆک، لەزگین جۆقی:

رێڤەبەرێ پشکا چاڤدێری و سلامەتیا خۆراکی ل قەزا دھۆکێ دیار کر،  ٢٨ تەنێن مادێن جۆراوجۆر یێن خۆراکی ھاتینە دەستەسەرکرن و ھەموو دێ ھێنە ژناڤبرن.

د. ئاراز مستەفا، رێڤەبەرێ پشکا چاڤدێری و سلامەتیا خۆراکی ل قەزا دھۆکێ بۆ رۆژناما ئەڤرۆ راگەھاند، تیمێن ساخلەمیێ ب شەڤ و رۆژ چاڤدێریا بازاری دکەن و گۆت: “ئەڤ سالە ھەر ژ رۆژا ١/١/٢٠٢١ێ ھەتا دوھی ١/٣/٢٠٢١ێ ل دھۆکێ شەش ھزار و ٨٠٠ سەرەدان ژلایێ تیمێن چاڤدێریا بازاری ڤە ھاتینە کرن و د ئەنجام دا ژی دو ھزار و ٣٠٠ ھۆشداری ب وان جھێن نەپێگیر ب رێنمایان ھاتینەدان”.

د. ئاراز مستەفا ئاشکرا ژی کر، ٢٩١ جھێن کارکرنێ ل پارێزگەھا دھۆکێ ھاتینە سزادان، ژ وانا ژی ١٦٣ جە ھاتینە سزادان و ١٢٨ جھێن دێ یێن کارکرنێ ژی ھاتینە دائێخستن و ٢٨ تەنێن مادێن جۆراوجۆر یێن خوراکی ژی یێن ھاتینە دەستەسەرکرن و ھەموو دێ ھێنە ژناڤبرن.

کۆمێنتا تە