پارێزگارێ دهۆکێ پێشوازیێ ل شاندەکێ سەندیکا رۆژنامەڤانێن کوردستانێ-دهۆک کر

پارێزگارێ دهۆکێ پێشوازیێ ل شاندەکێ سەندیکا رۆژنامەڤانێن کوردستانێ-دهۆک کر

ئەڤرۆ رۆژا چوارشەمبی رێکەفتی ٢٠٢١/٤/٢١ د.عەلی تەتەر پارێزگارێ دهۆکێ بهەلکەفتا رۆژا رۆژنامەڤانیا کوردی و بورینا ١٢٣ سالان ل سەر دەرکەفتنا ئێکەم رۆژناما کوردی”کوردستان” پێشوازی ل شاندەکێ سەندیکا رۆژنامەڤانێن کوردستانێ-لقێ دهۆک کر، درۆنشتنێدا بهەلکەفتا رۆژا رۆژنامەڤانیا کوردی پارێزگارێ دهۆکێ پیرۆزباهی ل شاندێ مێهڤان و هەمی رۆژنامەڤانێن کوردستانێ و پارێزگەها دهۆکێ کر و دپەیڤەکێدا رۆلێ رۆژنامەڤانیێ و رۆژنامەڤانان بلندنرخاند و ئاماژە ب گرنگیا رۆژنامەڤانیێ دگەهاندنا راستی و دروستی و پیشەییدا دا و راگەهاند: ئەم گەلەک ب گرنگی و باوەریی بەرێخوددەینە رۆژنامەڤانیێ و پشتەڤانێن ئازادیا رادەربرینێ و رۆژنامەڤانیێ نە دچوارچووڤێ یاسایێن بەرکارێن هەرێما کوردستانێ دا.

پاشان شاندێ سەندیکا رۆژنامەڤانان سۆپاسیا پارێزگارێ دهۆکێ کر و بەحس ل پێشڤەچوونێن رۆژنامەڤانی و چەوانیا کارکرنا سەندیکایێ و بەرەڤانیکرن ژ مافێن رۆژنامەڤان و پەیاما رۆژنامەڤانیێ کر، هەردوولا دۆپاتی ل هەماهەنگی و تەنسیقا بەردەوام بۆ خزمەتکرنا گشتی و وه‌لاتیان کر و پارێزگارێ دهۆکێ بهەلکەفتا رۆژا رۆژنامەڤانیا کوردی ب شاندێ سەندیکایێ راگەهاند: دووبارە پیرۆزباهیێ ل هەوە دکەین و درێکا هەوە را ژی پێشوەخت پیرۆزباهیێ ل هەمی رۆژنامەڤان و دەزگەهێن رۆژنامەڤانیێ دکەین.

کۆمێنتا تە