پتری 29 هزار دۆنه‌مێن پتاتان ل پارێزگه‌ها دهۆكێ‌ هاتینه‌ چاندن

پتری 29 هزار دۆنه‌مێن پتاتان ل پارێزگه‌ها دهۆكێ‌ هاتینه‌ چاندن

11

دهۆك، له‌زگین جوقی:

رێڤه‌به‌رێ‌ گشتیێ‌ چاندنێ‌ ل پارێزگه‌ها دهۆكێ‌ دیار كر، ئه‌ڤ ساله‌ ل سنوورێ‌ پارێزگه‌ها دهۆكێ‌ پتر ژ 29 هزار دۆنه‌مێن پتاتان هاتینه‌ چاندن و دبێژیت: به‌رهه‌مێ‌ وان بۆ پارێزگه‌هێن ناڤه‌راست و ژێریا عیراقێ‌ دهێته‌ هنارتن.

ئه‌حمه‌د جه‌میل، رێڤه‌به‌رێ‌ گشتیێ‌ چاندنێ‌ ل پارێزگه‌ها دهۆكێ‌ بۆ رۆژناما ئه‌ڤرۆ راگه‌هاند، ئه‌ڤ ساله‌ جۆتیار به‌رهه‌مێ‌ پتاتان و باجانسۆركان ره‌وانه‌ی پارێزگه‌هێن ناڤه‌راست و ژێریا عیراقێ‌ دكه‌ن و گۆت: “هه‌تا نوكه‌ بهایێ‌ كڕین و فرۆتنا باجانسۆركان یێ‌ باشه‌، چونكو نه‌ بتنێ‌ د بازارێ‌ پارێزگه‌هێن هه‌رێما كوردستانێ‌ دا دهێنه‌ فرۆتن، به‌لكو بۆ بازارێ‌ پارێزگه‌هێن ناڤه‌راست و ژێریا عیراقێ‌ ژی دهێنه‌ ره‌وانه‌كرن، ئه‌ڤه‌ ب خوه‌ ژی پشته‌ڤانیه‌ بۆ جۆتیاران كو به‌رهه‌مێ‌ وان ب هه‌ده‌ر نه‌چیت و زیان نه‌گه‌هیته‌ جۆتیاران”.

ل دۆر گه‌نمی ژی ناڤهاتی ئاشكرا كر كو ئه‌و جۆتیارێن ئه‌ڤ ساله‌ گه‌نم چاندی به‌رهه‌مێ‌ وان گه‌له‌كێ‌ باش نه‌بوویه‌ و هه‌تا 50% گه‌نم نه‌هاتیه‌ دوورین، دیسا دوهی 8/6/2021 ده‌ست ب وه‌رگرتنا به‌رهه‌مێ‌ گه‌نمێ‌ جۆتیارێن دهۆكێ‌ ژلایێ‌ دو كۆمپانیێن ناڤخوه‌یی ڤه‌ هاته‌ كرن”.

کۆمێنتا تە