په‌رله‌مانتاره‌ك: مامۆستایێن وانه‌بێژه‌ و شیاینه‌ وێ‌ ڤالاهیا ل كه‌رتێ په‌روه‌ردێ هه‌ی تژی...

په‌رله‌مانتاره‌ك: مامۆستایێن وانه‌بێژه‌ و شیاینه‌ وێ‌ ڤالاهیا ل كه‌رتێ په‌روه‌ردێ هه‌ی تژی بكه‌ن.

0

هه‌ولێر، قائید میرۆ

به‌ری نوكه‌ وه‌زیرێ په‌روه‌ردێ راگه‌هاند، كو ژلایێ په‌روه‌ردێ ڤه‌ دهۆك مه‌غدوورترین پارێزگه‌ها هه‌رێما كوردستانێ یه‌ و ئاریشه‌یا كێمیا میلاكێ مامۆستا هه‌یه‌، چونكه‌ زۆربه‌یا په‌روه‌ردێن دهۆكێ ب رێیا مامۆستایێن وانه‌بێژ میلاكێ وان هاتیه‌ تژیكرن، په‌رله‌مانتاره‌كژی دبێژیت، مه‌ نڤیسارا فه‌رمیی دایه‌ سه‌رۆكایه‌تیا حوكمه‌تێ بۆ دامه‌زراندنا وانه‌بێژان و نێزیكی هه‌ژده‌ هزار وانه‌بێژ لهه‌رێما كوردستانێ داخوازا دامه‌زراندنێ دكه‌ن.

گولستان باقی، ئه‌نداما لیژنا په‌روه‌ردێ ل په‌رله‌مانێ كوردستانێ بۆ به‌رپه‌رێ‌ په‌روه‌رده‌ و زانكۆ ب دیاركركو  ل سه‌رانسه‌ری هه‌رێما كوردستانێ نێزیكی 18 هزار مامۆستایێن وانه‌بێژ هه‌نه‌ و داخاز دكه‌ن بشێوه‌یێ گرێبه‌ست بهێنه‌ دامه‌زراندن، به‌ری نوكه‌ حه‌فت هزار مامۆستایێن گرێبه‌ست هه‌بوون و هاتینه‌ دامه‌زراندن و بووینه‌ هه‌میشه‌یی، به‌لێ مامۆستایێن وانه‌بێژ هێشتا نه‌بووینه‌ گرێبه‌ست و دامه‌زراندن، مامۆستایێن گرێبه‌ست چه‌ندین خۆنیشاندان ئه‌نجامداینه‌ و داخواز دكه‌ن بهێنه‌ دامه‌زراندن، مه‌ وه‌كی لیژنا په‌روه‌ردێ و خواندنا بلند ب نڤیسارا فه‌رمی داخواز ل حكومه‌تا هه‌رێما كوردستانێ كریه‌ مامۆستایێن وانه‌بێژ بهێنه‌ دامه‌زراندن چ بشێوه‌یێ هه‌میشه‌یی بیت، یان ژی گرێبه‌ست، چونكه‌ مافێ‌ وانایه‌ بهێنه‌ دامه‌زراندن و سالا بۆری ئه‌گه‌ر به‌هانه‌یا دانه‌مه‌زراندنا وان نه‌بوونا پاره‌ی بیت، یان ژی قه‌یرانا دارایی بیت ئه‌ڤه‌ بێگومان نوكه‌ ره‌وشا دارایی باشتره‌ ل هه‌رێما كوردستانێ، به‌لێ هه‌تا نوكه‌ چ به‌رسیڤێن فه‌رمیی و ئێكلاكه‌ر ژلایێ حكومه‌تا هه‌رێما كوردستانێ نه‌ هاتینه‌دان لدۆر دامه‌زراندنا مامۆستایێن وانه‌بێژ، هنده‌ك ژوان مامۆستایێن وانه‌بێژ چه‌ندین كیلۆمه‌تران رێكێ دچن هه‌تا ده‌وامێ دكه‌ن هه‌موو ژبه‌ر ڤێ چه‌ندێ هه‌گه‌ر دامه‌زراندن ڤه‌بیت بهێنه‌ دامه‌زراندن.

 

ئه‌نداما لیژنا په‌روه‌ردێ ل په‌رله‌مانێ كوردستانێ دازانین ژی كۆ ئه‌ركه‌كێ گران ل سه‌ر مامۆستایێن وانه‌بێژ هه‌یه‌، چونكه‌ هه‌مبه‌ر كریه‌كا كێم ده‌وامێ دكه‌ن و لسه‌رانسه‌ری هه‌رێما كوردستانێ نوكه‌ ئه‌ركێ رێڤه‌برنا كه‌رتێ په‌روه‌ردێ كه‌فتیه‌ سه‌ر ملێن مامۆستایێن وانه‌بێژ، بتایبه‌تی ل پارێزگه‌ها دهۆكێ هژماره‌كا به‌رچاف یا مامۆستایێن وانه‌بێژ هه‌نه‌ و هنده‌ك قوتابخانان زێده‌تر مامۆستایێن وانه‌بێژ هه‌نه‌ نه‌ك مامۆستایێن هه‌میشه‌یی، واته‌ ئه‌ركێ سه‌ره‌كیێ رێڤه‌برنا په‌روه‌ردێ ل سه‌ر ملێن مامۆستایێن وانه‌بێژه‌ و شیاینه‌ ئه‌ڤێ ڤالاهیا ل كه‌رتێ په‌روه‌ردێ هه‌یه‌ تژی بكه‌ن، ئه‌م ژی وه‌كی په‌رله‌مان پشته‌ڤانیا دامه‌زراندنا مامۆستایێن وانه‌بێژ دكه‌ین.

ئاماژه‌كره‌ ب وێ‌ یه‌كێ‌ ژی كركو ل هه‌رێما كوردستانێ چه‌ندین ساله‌ دامه‌زراندن هاتیه‌ راگرتن و ژبه‌ر قه‌یرانا دارایی نه‌بوونا بودجه‌ی دامه‌زراندن نه‌بوویه‌، ئه‌ڤه‌ ژی ئه‌گه‌ره‌ك بۆ بێكاربوونا هزاران ده‌رچوویێن زانكۆ په‌یمانگه‌هان، نوكه‌ زێده‌تری هه‌ر ده‌مه‌كێ چاڤێ وان ده‌رچوویان ل سه‌ر دامه‌زراندنێ هه‌یه‌، ب تایبه‌تی هه‌كه‌ به‌حسێ كه‌رتێ په‌روه‌ردێ بكه‌ین ڤالاهیه‌كا زۆر هه‌یه‌ ل كێمیا میلاكێ مامۆستا و سالانه‌ قوتابخانه‌ دهێنه‌ زێده‌كرن و هژمارا قوتابیان زێده‌ دبیت، به‌لێ د هه‌مبه‌ردا مامۆستا ناهێنه‌ زێده‌كرن ئه‌ڤه‌ ژی بوویه‌ ئه‌گه‌رێ په‌یدابوونا ئاریشا نه‌بوونا میلاكی، پێدڤیه‌ پێداچوون ب میلاكێ قوتابخانا بهێته‌كرن، چونكه‌ هنده‌ك قوتابخانا مامۆستایێن زێده‌ هه‌نه‌ و هنده‌كان ژی مامۆستا نینن، ده‌وروبه‌رێ دهۆكێ ئه‌ڤ ئاریشه‌ یا زۆره‌ و پێدڤی ب چاره‌سه‌ر كرنێ هه‌نه‌، دناڤ باژێڕێ دهۆكێ ره‌وش باشتره‌ و مامۆستا هه‌تا راده‌یه‌كی هه‌نه‌، هه‌كه‌ مامۆستایێن وانه‌بێژ نه‌بن ئه‌ڤه‌ بێگومان دێ ڤالاهیا زێده‌تر په‌یدابیت، چه‌ند پێشنیاره‌ك ژی هه‌نه‌ بۆ دامه‌زراندنا مامۆستایێن وانه‌بێژ ژوان ژی مامۆستایێن دهێنه‌ خانه‌نشینكرن وانه‌بێژ ل جهێ وانا بهێنه‌ دامه‌زراندن.

کۆمێنتا تە