پیشه‌كارێ‌ ئه‌مریكی هێزا زاخۆ ڤه‌گه‌ڕاند

پیشه‌كارێ‌ ئه‌مریكی هێزا زاخۆ ڤه‌گه‌ڕاند

6

زاخۆ،عه‌لی حاجی :

د داخویانیه‌كێ‌ دا راهێنه‌رێ‌ تیما باسكت بولا یانا زاخۆ دیاركر كو پشتی دو سه‌ركه‌فتنێن لدویڤ ئێك د خولا پلا نایابا عیراقێ‌ دا تۆماركرین هیڤیێن وان گه‌شتر لێكرینه‌ ژبۆ به‌رده‌وامیا ئه‌نجامێن باش پێخه‌مه‌ت پێشڤه‌چوون د رێزبه‌ندیا خولێ‌ دا.

زێده‌تر جوتیار عه‌لی بۆ رۆژناما ئه‌ڤرۆ گۆت: هه‌ردو سه‌ركه‌فتێن ڤێ‌ دووماهیێ‌ هه‌مبه‌ری یانێن حلله‌ و ته‌زامنا نه‌جه‌فی گوهۆرینه‌كا باش دناڤ تیمێ‌ دا په‌یداكریه‌ و هاتنا پیشه‌كارێ‌ ئه‌مریكی هێزه‌كا دی دایه‌ پێكهاتیێ‌ مه‌ له‌ورا نه‌خشه‌ و پلانێن مه‌ ژی بۆ رێزێن پێشیێ‌ د خولا عیراقێ‌ دا بن پێخه‌مه‌ت ده‌لیڤا وه‌رگرتنا پلێته‌كا قاره‌مانیا ده‌رڤه‌، له‌ورا بۆ یاریێن بهێت تایبه‌ت ل گه‌ل یانێن باژێرێ‌ كه‌ركووكێ‌ دێ‌ ب رژدی و پلانێن تایبه‌ت هێنه‌ دناڤ هه‌ڤڕكیێ‌ دا و گه‌شبینم بۆ سه‌ركه‌فتنا به‌رده‌وامین سه‌رباری ئاسته‌نگێن مه‌زن دناڤ خولێ‌ دا ماینه‌ .

ناڤهاتی گۆت ژی: د نوكه‌ دا تیم كه‌فتیه‌ سه‌ر رێكه‌كا باش ژبه‌ركو پێشتر مه‌ پێكگهورێ‌ یاریزانان نه‌بوو لێ‌ پشتی هاتنا پیشه‌كارێ‌ ئه‌مریكی ئه‌ڤ ئاریشه‌ چاره‌سه‌ر بوویه‌ و هێزه‌كا دی دایه‌ تیمێ‌، یا دشیانێن مه‌ دا هاتیه‌ ئه‌نجامدان و ب كوڕێن خابیری ئاسته‌كێ‌ باش نیشان دایه‌ و چاڤێ‌ مه‌ ل ئه‌نجامێن باشتره‌ و ئارمانجا مه‌ وه‌كو نوونه‌را پارێزگه‌هێ‌ باشترین ئه‌نجام خولێ‌ بدووماهی بینین.

کۆمێنتا تە