پێنچ پرۆژه‌یێن نوو دێ ل ناحیا فه‌یدیێ هێنه‌ ڤه‌كرن

پێنچ پرۆژه‌یێن نوو دێ ل ناحیا فه‌یدیێ هێنه‌ ڤه‌كرن

91

ئه‌ڤرۆ نیوز، نه‌وزاد هلۆرى:

لژێر چاڤدێرى و به‌رهه‌ڤبوونا پارێزگارێ دهۆكێ و هژماره‌كا رێڤه‌به‌رێن حوكمه‌تا هه‌رێما كوردستانێ، پێنچ پرۆژه‌ دێ ل ناحیا فه‌یدیێ هێنه‌ ڤه‌كرن. ئیسماعیل سلێمان، سه‌رۆكێ باژێرڤانیا فه‌یدیێ ئه‌ڤرۆ نیوز گۆت: بریاره‌ ئه‌ڤرۆ رۆژا ئێكشه‌مبى 26/1/2019 ل ده‌مژمێر 10:00 سپێدێ، لژێر چاڤدێرى و به‌رهه‌ڤبوونا پارێزگارێ دهۆكێ و هژماره‌كا رێڤه‌به‌ران، پێنچ پرۆژه‌یێن نوو دێ ل ناحیا فه‌یدیێ سه‌ر ب قه‌زا سێمێلێ ڤه‌ هێنه‌ ڤه‌كرن. زێده‌تر گۆت: پرۆژه‌یه‌كێ ڤه‌كرن و چێكرن و قێركرنا رێێن ناڤخۆه‌ ل فه‌یدیێ ب كۆژمێ 600 ملیۆن دیناران دێ به‌رێ بنیاتى بۆ هێته‌دانان، هه‌روه‌سا پرۆژه‌یه‌كێ دى یێ ڤه‌كرن و چێكرن و قێركرنا رێیێن ناڤخۆه‌ ل كۆمه‌لگه‌ها دۆمیز ب كۆژمێ 270 ملیۆن دیناران دێ به‌رێ بنیاتى بۆ هێته‌دانان، پرۆژه‌یه‌كێ دى ب كۆژمێ 450 ملیۆن دیناران یێ ڤه‌كرن و چێكرن و قێركرنا رێیێن ناڤخۆه‌ ل فه‌یدیێ ب دووماهى هاتیه‌ و ئه‌ڤرۆ دێ ب فه‌رمى هێته‌ ڤه‌كرن و به‌رێ بنیاتى بۆ دێ ئاڤاكرنا رێڤه‌به‌ریا چاندنێ ل فه‌یدیێ هێته‌ دانان، دیسان دێ به‌رێ بنیاتى بۆ قوتابخانه‌كێ ل ده‌ڤه‌رێ هێته‌دانان.

ناڤبرى دیاركر ژى كو ب چێكرنا ئه‌ڤان پرۆژان دێ خزمه‌ته‌كا باش بۆ خه‌لكێ ده‌ڤه‌رێ هێته‌كرن.

کۆمێنتا تە