چەند رێنمایێن نوو بۆ ئینانا ترۆمبێلان هاتنە دەرکرن

چەند رێنمایێن نوو بۆ ئینانا ترۆمبێلان هاتنە دەرکرن

وەزارەتا ناڤخۆ و رێڤەبەرییا گشتی یا گومرگێن هەرێما کوردستانێ، چەند رێنمایێن نوو بۆ هاوردەکرنا ترۆمبێلان دەرکرن.
دەرکرنا وان رێنماییان پشتی کۆمبوونەکا دناڤبەرا رێڤەبەریێن گشتی یێن گومرکان و رێڤەبەرییا گشتی یا دیوانا وەزارەتا ناڤخۆ و رێڤەبەرییا گشتی یا هاتنوچوونێ، ب ئامادەبوونا رێڤەبەرێن هاتنوچوونا هەرسێ پارێزگەهێن هەولێرێ، سلێمانیێ و دهۆکێ هاتییە دان و تێدا هاتییە، ترۆمبێلێن ب کارهاتی دەمێ دئیننە هەرێما کوردستانێ، دڤێت ئەڤ کێماسییە نەبن:
. ژێرئاڤ نەبیت و یا سووتی نەبیت و نەهاتبیتە برین.
. شاسیێ وێ نەهاتبیتە برین و یا لە‌حیم کری نەبیت.
. دوکمەیێن دەرگەهی یان سەری نەهاتبنە برین.
. هەردو ئێرباگێن شوفێری و تەنیشت شوفێری کار بکەن.
هەروەسا گۆتییە، 10 جۆرێن ترۆمبێلان رێک پێ هاتییە دان بهێنە دناڤا هەرێما کوردستانێ دا.
هەر لدووڤ رێنماییان، رێک ب هاوردەکرنا تۆمبێلێن لێدایی دهێتە دان ب مەبەستا چێکرنێ، ب مەرجەکێ جۆرێ وێ لێکدانێ لدووڤ رێنمایێن ژمارە 4 یێن سالا 2020 یا راستڤەکری بیت، نابیت بەری چێکرنا وان ئەو ترۆمبێلە بچنە سەر جادان، بەرۆڤاژی دێ دەستب سەردا هێتە گرتن و دێ ب کوژمێ ملیۆن دیناران ژی هێنە سزا دان.

کۆمێنتا تە