چ ژ سه‌روكاتیا هه‌رێمێ دهێته‌ چاڤه‌رێكرن؟

چ ژ سه‌روكاتیا هه‌رێمێ دهێته‌ چاڤه‌رێكرن؟

13

جیهان كۆره‌ماركى
ده‌مێ به‌حسێ سه‌ركردان دهێته‌ كرن ئێكسه‌ر هزرا مه‌ دچیته‌ سه‌ر بابه‌تێ خزمه‌تێ و كا چه‌ند دێ شێن كاودانێن ملله‌تێ كورد به‌ره‌ڤ باشتر و باشتر به‌ن، به‌لێ كه‌سایه‌تیا كارێزمایا نێچیرڤان بارزانى و پێگه‌هێ وى ل سه‌ر ئاستێن ناڤخو و ده‌رڤه‌ و هه‌ولدانێن وى یێن به‌رده‌وام بۆ باشتركرنا ره‌وشا ژیارا خه‌لكى ب تایبه‌ت دڤان چه‌ند سالێن بورى دا و ئه‌و قه‌یرانا دژوارا دارایى یا ب سه‌ر ملله‌تێ مه‌دا هاتى ژ به‌ر نه‌دانا مووچان و برینا بودجا هه‌رێمێ ژلایێ به‌غداڤه‌ وه‌كریه‌ خه‌لكێ كوردستانێ، هه‌رده‌م بیر ل زه‌حمه‌ت و ماندیبوونا ڤێ بنه‌مالێ بكه‌ت كو جهێ شانازیێ نه‌ بۆ هه‌ر تاكه‌كێ كورد، ئه‌ڤرۆكه‌ نێچیرڤان بارزانى سه‌روكى َدویێ یێ هه‌رێما كوردستانێ درێژه‌ پێدانێ ب كار و كریارێن باب و باپێرێن خو دكه‌ت هه‌ر وه‌كو بابێ روحى یێ نه‌ته‌وا كورد مه‌لا مسته‌فا بارزانى و دووڤ دا مه‌سعود بارزانى خه‌باتا ل چیا كرى و شوره‌ش ل دووڤ شوره‌شێ سه‌رهلداین و سه‌ركه‌فتن ل دووڤ سه‌ركه‌فتنێ توماركرین ژ پێخه‌مه‌ت ئازادیا ملله‌تێ كورد و یا روون و ئاشكرایه‌ ژى مه‌زنترین زیان ب ڤێ بنه‌مالێ كه‌فتینه‌ ژ كوشتن و و ده‌ربه‌ده‌رى و تالانكرنا گوندێن وان، به‌لێ هه‌ر سه‌رێ خوه‌ نه‌ چه‌ماندیه‌ و رێ نه‌دایه‌ دوژمن هه‌یبه‌تا گه‌لێ كورد بشكێنیت، نێچیرڤان هه‌مان رێباز دگرته‌ به‌ر ب خوشكرنا ژیارا وه‌لاتیێن كوردستانێ كو ئارمانجا ڤێ بنه‌مالێ هه‌ر ئه‌ڤه‌ بوویه‌، بلا ژبیرا مه‌ نه‌چیت حوكمه‌تا عیراقێ چه‌ندین جاران گرفت و ئابلوقه‌یێن سیاسى و ئابوورى ب سه‌ر ملله‌تێ مه‌ سه‌پاندیه‌، به‌لێ ب سه‌ركێشیا سه‌ركردێ گه‌نج نێچیرڤان بارزانى شیا ڤى كاودانێ ب گوهۆریت و راستیان بۆ رایا گشتى دیار بكه‌ت ب رێیا ئه‌نجامدانا چاكسازیێ و نه‌هێلانا گه‌نده‌لیێ.
یا خویایه‌ نێچیرڤان بارزانى شیایه‌ وێ باوه‌ریێ بۆ هه‌ر لایه‌نه‌كى دروست بكه‌ت ب رێكا وان رێككه‌فتنێن دگه‌ل وه‌لاتێن جیران و زلهێزێن جیهانێ و سه‌ره‌دانا شاندێن ل سه‌ر ئاستێن بلند بۆ هه‌رێما كوردستانێ و چێكرنا په‌یوه‌ندیێن دبلوماسى یێن موكم ژ پێخه‌مه‌ت خوشكرنا ژیارا خه‌لكێ كوردستانێ و ئاڤاكرنا ئابووره‌كێ ب هێز و جهگیر نموونه‌ ژى زۆرن، ناهێته‌ ژبیركرن د وان كابینه‌یێن نێچیرڤان بارزانى كار تێدا كرى چه‌ندین خزمه‌تكگوزارى پێشكێشى وه‌لاتیێن هه‌رێما كوردستانێ كرن مینا دانا پێشینه‌یێن خانوبه‌ران و پێكئینانا خێزانێ و روخساندنا ده‌لیڤێن كارى بۆ گه‌نجان ب رێیا دانا قه‌رێن بچووك بۆ پرۆژێن بچووك.
كارێن هه‌ره‌ گرنگ یێن ڤێ كه‌سایه‌تیا كارێزما ئه‌نجام داین شیایه‌ ب راده‌كا به‌رچاڤ ئێش و ئازارێن كچ و ژنان كێم كه‌ت ب رێیا ده‌ركرنا یاسایێن د به‌رژه‌وه‌ندا خێزان و جڤاكى ب گشتى دا، له‌وما ژى باوه‌ریا مه‌ زۆره‌ ب سه‌ركردێن مینا نێچیرڤان بارزانى كو هه‌رده‌م هه‌ولێن وى ب رێكێن ئاشتیانه‌ بووینه‌ بۆ زامنكرنا مافێن گه‌لێ كورد.

کۆمێنتا تە