ژ به‌ر نه‌بوونا پشته‌ڤانیێ‌ نه‌شێت چو به‌رهه‌مێن نوو به‌لاڤ كه‌ت

  ژ به‌ر نه‌بوونا پشته‌ڤانیێ‌ نه‌شێت چو به‌رهه‌مێن نوو به‌لاڤ كه‌ت

7

ره‌مه‌زان هه‌رنی:

هونه‌رمه‌ندا سترانبێژ تارا ره‌سۆل، د دیداره‌كێ‌ دا بۆ رۆژناما ئه‌ڤرۆ گۆت : به‌رده‌وم من كارێ‌ هونه‌ری كریه‌ و نه‌راوه‌ستامه‌ سه‌ره‌رای كو ل ده‌رڤه‌ی وه‌لاتی دژیم ئه‌و سپۆنسه‌رێن ل كوردستانێ‌ بده‌ست دكه‌ڤن مخابن پتر ب رێكا په‌یوه‌ندیایه‌ من ئاریشا سپۆنسه‌را و ماددی ژی هه‌یه‌، چونكو من به‌رهه‌مێن تۆماركری هه‌نه‌، به‌لێ‌ به‌لێ‌ نه‌شێم چو كلیپان دروست بكه‌م .

ناڤهاتیێ‌ خویا كر كو به‌رهه‌مێن تۆماركری ل به‌ر ده‌ستن و ل هه‌یڤا ره‌مه‌زانا پیرۆز یا ئه‌ڤ ساله‌ من كلیپه‌كا ئاینی ژی به‌لاڤكر كو پێشوازیه‌كا باش لێ هاته‌ كرن، رۆژێن بووری بابێ‌ من ره‌سۆل وه‌غه‌را دووماهیێ‌ كر له‌وما من كاركرنا ل سه‌ر به‌رهه‌مێن خوه‌ راگرت، به‌لێ‌ سه‌ره‌دانا بهێت بزڤرمه‌ كوردستانێ‌ دێ‌ سپۆنسه‌را په‌یداكه‌م و به‌رهه‌مێن خوه‌ به‌لاڤكه‌م .

ناڤهاتیێ‌ ئاشكرا كر: چو جارا بۆ دروستكرنا به‌رهه‌مێن هونه‌ری نه‌چویمه‌ ده‌رڤه‌ی كوردستانێ‌ ئه‌ڤ چه‌نده‌ هه‌بوویه‌ ئه‌و هونه‌رمه‌ندێن ب ساناهی پاره‌ ب ده‌ست دكه‌ڤن دچنه‌ ده‌رڤه‌ ره‌نگه‌ ستدیۆ موزیك ل ده‌رڤه‌ كوالێتی باش بیت، به‌لێ‌ نوكه‌ ل كوردستانێ‌ ژی ستودیۆیێن باش هه‌نه‌ هونه‌رمه‌ندێن نو ژی ده‌ركه‌فتی ستۆدیۆ هه‌نه‌، به‌لێ‌ كار دگه‌ل ناكه‌م و كێم ئه‌زموونن هندی كو كار ل كوردستانێ‌ بهێته‌ كرن ناچمه‌ ده‌رڤه‌ بۆ دروستكرنا به‌رهه‌مێن خوه‌.

تارایێ‌ گۆت: “من ب شێوه‌زارێ‌ به‌هدینی ستران گۆتینه‌ و ئێك ژ وان سترانا یا هونه‌رمه‌ند محه‌مه‌د عارف جزیرییه‌ تۆمار كریه‌ و دێ‌ دووباره‌ به‌رهه‌م ئینمه‌ڤه‌ و به‌رهه‌مه‌كێ‌ دی ژی ب ناڤێ‌ لاوكێ‌ من به‌هدینی یه‌ من گوتیه‌ و من دیلانكر به‌هدینی یه‌ نوكه‌ كار لسه‌ر به‌رهه‌مه‌كێ‌ نوی دكه‌م بناڤێ‌ دادێ‌ لانكێ‌ بهه‌ژینه‌ به‌لێ‌ كۆرۆنا بۆ رێگر كو هاته‌ پاشخستن د هه‌مان ده‌م دا بریاربوو كۆنسێرته‌كێ‌ ل ده‌ڤه‌را به‌هدینا بگێرم كو خودان هونه‌ره‌كێ‌ ده‌وله‌مه‌ندێ‌ فۆلكۆرن هونه‌رمه‌ندێن باش هه‌نه‌ دخوازم پتر پشته‌ڤانیا من بهێت كرن ل ده‌ڤه‌را به‌هدینا.

ناڤهاتیێ‌ گۆت: ئه‌و سترانێن من گوتین به‌هرا پتر چیرۆكێن وان نێزیكی منن ئه‌گه‌ر خوه‌ دسترانه‌كێ‌ دا نه‌بینم نه‌شێم بێژم، من پشكا فولكلوری ل وه‌لاتی سوید دووماهیك ئینایه‌ ده‌رچووا زانكۆیا ستۆكهۆلم پشكا مۆزیكێ‌ فۆلكۆرێ‌ سویدیه‌ گه‌له‌ك گرنگی ب بابه‌تێن ره‌سه‌نایه‌تی دده‌ن پاراستنا سترانا فۆلكۆر گه‌له‌ك یا گرنگه‌، به‌لێ‌ هنده‌ك ژ سترانبێژان بهایێ‌ وێ‌ ناده‌نێ‌.

کۆمێنتا تە