کۆمپانیێن راپرسیان: ھەکە نھا ل تورکیا ھەلبژارتن بھێنە کرن دێ دەستھەلات ھێتە...

کۆمپانیێن راپرسیان: ھەکە نھا ل تورکیا ھەلبژارتن بھێنە کرن دێ دەستھەلات ھێتە گوھۆڕین

5

ب، سەرجان مەحمود:

ل گۆر راپۆرتەکا رۆژناما مللیەت یا تورکیا ل دووڤ دووماھی راپرسیێن کو ل تورکیا ھاتینە کرن دەنگێ ھەڤپەیمانیا جمھور یا ب سەرۆکاتیا ئەردۆگانی ١١% کێم بوویە و ئەو یەک بوویە جھێ دلگرانیا ئەردۆگانی و ئەردۆگان گەلەک توورە بوویە و بۆ ڤێ چەندێ ل ھندەک چارەسەریێن نوو دگەریت و یەک ژ بەرنامێن کو ئەردۆگان ل سەر کار دکەت ئەوە دا کو نەھێلن ھەدەپە پشکداریێ دا ھەلبژارتنان دا بکەت، یان ھەدەپە بھێتە داخستن یان ژی ب رەنگەکێ قانوونی ئاستەنگی ل ھەمبەر پشکداریا ھەدەپێ د ھەلبژارتنان دا بھێتە دروست کرن، ل ئالیێ دی ئەردۆگانی داخواز ژ سەرۆکاتیا ئاکپارتیێ و پارتا بزاڤا نەتەوەپەرست ژی کریە کو ل گەل ھندەک پارتێن دی یێن تورکیا دەست ب دانوستاندنان بکەن و وان رازی بکەن دا ببنە پشکەک ژ ھەڤپەیمانیا جمھور.

ل ئالیێ دی کەمال ئۆزکیراز سەرۆکێ کۆمپانیا ئاڤراسیا یا راپرسیان د ڤێ مژارێ دا بۆ دەزگەھێن راگەھاندنێ دیار کر کو راپرسیێن ژ پێنجێ مەھا یەک ھەتا ١٥ مەھا دو یا ئەڤسالە ھاتینە کرن، نیشا ددەن کو دەنگێ ھەڤپەیمانیا جمھور رۆژ ب رۆژێ کێمتر دبیت و گۆت: (ل دووڤ ئەنجامێن شەش کۆمپانیێن راپرسیان دەنگێ ھەڤپەیمانیا جمھور ١١% کێم بوویە و دەنگێ ئۆپۆزسیۆنێ ژی گەھشتیە ٥٥% و ئەو یەک ژی دسەلمینیت ھەکە نھا ل تورکیا ھەلبژارتن بھێنە کرن دێ دەستھەلات ھێتە گوھۆرین).

کۆمێنتا تە