کۆمپانی نەشێت د دەمێ خوە دا هەموو پیڤەرێن ئاڤێ گرێدەت

کۆمپانی نەشێت د دەمێ خوە دا هەموو پیڤەرێن ئاڤێ گرێدەت

319

ئەڤرۆ نیوز، عەلی حاجی :

نوونەرێ کومپانیا گوود وەی یا دانان پیڤەرێن ئاڤێ ل زاخۆ د داخویانیەکێ دا بۆ ئەڤرۆ نیوز دیار کر د شیان دا نینە هەتا ١/٣/٢٠٢٠ پیڤەرێن ئاڤێ بۆ هەمی هاولاتیێن ل زاخۆ ب دانین ژ بەر کو دەم گەلەک یێ کێمە.

غەریب مەجید ئەو چەندە ژی گوت: (ل دووف بریارا حکومەتا هەرێما کوردستانێ پێدڤی یە هەتا ١/٣/٢٠٢٠ هەمی هاولاتی پیڤەرێن ئاڤێ دانن و هەکە نەدانن دێ هێنە سزادان ب ١٠٠ هزار دیناران، ل زاخۆ ٥٠ هزار پشکدارێن ئاڤێ هەنە و هەتا نوکە ٢٥٪ ژ خەلکی ژبەری نوکە پیڤەرێن ئاڤێ دانا بوون بەلێ ژبەر وێ ئاریشەیا د پیڤەرێن ئاڤێ دا دروست بویی نێزیکی ٦٠٪ خەلکێ پیڤەرێن خوە ژێڤەکرینە یان ژی ژکارکەڤتی نە لەورا ل دویف وی دەمێ حکومەتێ دەست نیشان کری د شیان دانینە ئەم بشێن بۆ هەمی هاولاتیان پیڤەران بدانین ژبەرکو ئێدی خەلکێ ژی ئەو باوەری نەمایە پیڤەرێن ئاڤێ دانن و زێدەباری وێ چەندێ ب کێماسی مە پێدڤی ب سێ هەتا چار هەیڤان هەیە هەتا بشێن ل پرانیا باژێری زاخۆ پیڤەرێن ئاڤێ بدانن).

غەریب مەجید ئەو یەک ژی نەڤەشارت کو رێژەیا دانانا پیڤەران ل پارێزگەها دهوکێ ٤٠٪ ێ یە هەتا نوکە ٦٠٪ ژ خەلکی پیڤەر نەداناینە، ل زاخۆ کێمترین رێژەیا دانانا پیڤەران ل هەمی قەزایێن دیتر هاتیە تومار کرن و زاخۆ تایبەتمەندیا خوە هەیە ژ بەر کو ژ وێ رێژەیا هاتیە دیار کرن کێمتر  پیڤەر ماینە و هەمی هاتینە ژێڤەکرن.

کۆمێنتا تە