کیبوردێ کۆمپیوتەری و مۆبایل ژی پەرسیڤێ ڤەدگۆھێزن

کیبوردێ کۆمپیوتەری و مۆبایل ژی پەرسیڤێ ڤەدگۆھێزن

14

 

ئەڤرۆ نيوز:

ئەڤە وەرزێ پەرسیڤی و ھەستداریێ یە و پێدڤیە خوە ب پارێزین، ھەموو کەسێن دەوروبەرێن تە دبیت ب بێھنژن یان ب کوخن یان دفنا وان بسوژیت و گەوریا وان ب ئێشیت و ئەڤە ب کورتی نیشانێن پەرسیڤێ نە.

پەرسیڤ: تووشبۆنا بوریکێن ھەناسەدانێ یە و د پتریا دەمان دا گەلەک یا ب ئێشان نینە، گەلەک وەسا ھزر دکەن مەرج نینە ھەکە ھەڤالەکێ وی یان ئێک ژ خێزانا وی تووشی پەرسیڤی بوو، ئەو ژی تووش ببیت.
بەلێ گەلەک یا گرنگە ھەر کەسەک نیشانێن پەرسیڤی بزانیت داکو ل دەمێ پێدڤی خوه‌ ب پارێزیت و ئەو ژی ب رێیا ھندەک رێنمایێن خوه‌ پاراستنێ:

خوه‌ پاراستن ژ سەرمایێ و پەرسیڤی: بەرسەرمابوون و ئەنفلاوەنزا ژ ئەگەرێ ھندەک ڤایرۆسان دیاردبن کو ئەو ڤایرۆس د سەقایێ مالێ و ل سەر ھندەک کەرستەیان بەلاڤ دبن کو دشیاندایە نەخۆشیێ ڤەگوھێزنە کەسێن دیتر ھەکە دەست کرە وان تشتان، ب ڤی رێكێ خوه‌ بپارێزه‌:

. دەستێن خوە بەردەوام ب ئاڤەکا گەرم و سابوونێ بشوو بۆ دەمێ 10-20 چرکان.
. دەستێن خوە نەکە چاڤ و دفن و دەڤێ خوە، مادەم تە بەری ھینگی دەستێن خوە نەشووشتینە، ڤایرۆس دێ ب شێوەیەکێ ب ساناھیتر بەلاڤە بن، ئەڤجا بۆ چ كاران دەستێن خوە یێن نەشووشتی ب کارنەئینە.

. ھەموو کوژیێن تێلەفون و موبایلێ و کیبوردێ کومپیوتەری و ستێرنێ ترومبێلێ و تشتێن نڤیسینگەھێ ئەوێن پتر ژ کەسەکی ب کاردئینن باش و ب شێوەیەکێ رێکخستی پاقژ بکە.

. دەمەکێ تمام بنڤە داکو بەرگریا لەشێ تە کاریگەر بمینیت.
. گەلەک ئاڤێ ڤەخۆ و بزانە گەلەک یا ب ساناھییە مرۆڤ تووشی زکچوونێ ببیت، ھەتا ھەکە پلا گەرماتیا ژوور یا سار ژی بیت.
. ھەکە دونیا یا سار ژی بیت، راھێنانێن وەرزشی ئەنجام بدە و باشترە حەفتیانە سێ ھەتا چار جاران وەرزشێ بکەی.
. خوارنەکا ساخلەم بخۆ.

کۆمێنتا تە