گرنگه‌ سترانبێژ ئافراندنێ‌ د هونه‌رێ‌ خوه‌ دا بكه‌ن

گرنگه‌ سترانبێژ ئافراندنێ‌ د هونه‌رێ‌ خوه‌ دا بكه‌ن

7

دهۆك، زنار تۆڤی:

سترانبێژ میكائیل عه‌زیز، كو د بنیات دا خه‌لكێ‌ باژێرێ‌ ئامه‌دێ‌ یه‌ ل باكۆرێ‌ كوردستانێ‌، لێ‌ ل وه‌لاتێ‌ ئه‌لمانیا ژ دایكبوویه‌ و نوكه‌ د ژیێ‌ 23 سالیێ‌ دایه‌، د دیداره‌كێ‌ دا بۆ رۆژناما ئه‌ڤرۆ دیاركر كو د ژیێ‌ 10 سالیێ‌ دا وی ده‌ست ب گۆتنا سترانان كریه‌ و هه‌تا نوكه‌ چه‌ندین كلیپ و سترانێن سینگل چێكرینه‌، نوكه‌ ژی یێ‌ به‌رهه‌ڤییان بۆ چێكرنا ئه‌لبۆما خوه‌ یا ئێكێ‌ دكه‌ت و ل به‌ره‌ ل سالا بهێت به‌لاڤ بكه‌ت، هه‌روه‌سا مژوولی تۆماركرنا سترانه‌كا نوویه‌ و سترانه‌كا دویت ژی ل گه‌ل سترانبێژ ناتالیایێ‌ گۆتییه‌.

ناڤهاتی گۆت: بۆ چێكرنا به‌رهه‌مێن هونه‌ری ل ئورۆپا ئه‌م گه‌له‌ك زه‌حمه‌تێ‌ دبینین، چونكو موزیكژه‌نێن كورد د دووری ئێكن و هه‌روه‌سا په‌یداكرنا ستۆدیۆیان ژی كاره‌كێ‌ ب زه‌حمه‌ته‌ و گه‌له‌ك ده‌م پێ‌ دڤێت هه‌تا ئه‌م كاره‌كێ‌ هونه‌ری به‌رهه‌م دئینین، دیسان نه‌بوونا سپۆنسه‌ران كاره‌كێ‌ ژ هه‌موویان ب زه‌حمه‌تتره‌، هه‌روه‌سا ئه‌ز حه‌ز دكه‌م مۆزیكا بیانی یا وه‌كو پۆپ و راپێ‌ و جۆرێن دی ژی دناڤ هونه‌رێ‌ كوردی دا هه‌بن، لێ‌ دڤێت روح و تاما مۆزیكا كوردی تێدا هه‌بیت

ل دووماهیێ‌ گۆت: گه‌نجێن نوكه‌ وه‌كو پێدڤی سترانان نابێژن و گه‌له‌ك ژ وان چه‌ندین سترانان تێكه‌لی ئێك دكه‌ن و كلیپ دكه‌ن، دیسان په‌یڤێن سترانان دروست نابیژن و كێماسی د سترانێن وان دا هه‌نه‌، هه‌روه‌سا گه‌له‌ك ژ وان سترانان دبێژن ب تنێ‌ دا خه‌لك بێژنێ‌ ئه‌ڤه‌ ژی سترانبێژن، ئه‌ڤ چه‌نده‌ خزمه‌تا سترانا كوردی ناكه‌ت، لێ‌ یا دروست ئه‌وه‌ دڤێت سترانبێژێن مه‌ بزاڤان بكه‌ن هه‌رده‌م كار و هونه‌ره‌كێ‌ نوو ب ئافرینن، هه‌رده‌م نوویاتیێ‌ د هونه‌رێ‌ كوردی دا بكه‌ن، هه‌روه‌سا د نوكه‌ دا سترانێن سینگل پتر ژ ئه‌لبۆمان رۆلێ‌ خوه‌ هه‌یه‌، له‌وما ژی ئه‌ز پتر سترانێن سینگل چێدكه‌م.

کۆمێنتا تە