ھەی ئاڤ و ئاڤ و بەلایێن کومپانیا

ھەی ئاڤ و ئاڤ و بەلایێن کومپانیا

49

موسەدەق تۆڤی

پێگیریکرن ب رێنمایێن سازیێن حکومەتآ ئەرکەکآ پیروزە و د بەرژەوەندییا تەڤاییدایە، ب کریار من ئەڤ چەندە کریە، لێ گەلەک دبێژن ئەڤ پێگیریکرنە ڤی سەردەمی ئەڤە رەنگەکآ نەزانیآ یان بآ دەستەلاتیێیە، بەری دو سآ سالەکان گۆتن دآ کۆمپانییەک پیڤەرێن ئاڤآ بۆ مالان دانیت و دآ ھەر خێزانەک بھایآ وآ ئاڤآ دەت یا ئەو د مەزێخن و دەزگەھێن راگەھاندنآ ژی گەلەک ب بەژنا ڤی پرۆژەیدا گۆت و گرنگی پێدا، پیڤەر ژ کیستآ خودانآ مالێ بوون، من ژی حەقآ خۆ دا و پێڤەر دانا.

ھند بوو ھەتا دەست ب دانانا پیڤەران ھاتییەکرن، بگروڤەکێشان د ناڤبەرا تیمێن دانانا پیڤەران و وەلاتییان دەسپێکر گەلەک رازی نەبوون پارەی بدەن و پیڤەر نەدانان، ھەرچاوان بیت پیڤەر بۆ پشکەکا مالێن پشکدارێن تۆڕا ئاڤآ ھاتنەدانان. ھێژ پرۆسە ب دووماھی نەھاتی نەرێنیێن پیڤەران دیاربوون، پیڤەرێن زیرەک بآ سەروبەرترین پیڤەر بوون، ھندەک د بنیاتدا ژ کارکەفتی بوون، ھندەکان ژی بەروڤاژی نە دوقات بەلکی دەە قات پتر بھایێ ئاڤآ د خواند، یآ ھەتا وآ قوناغآ ھەیڤانە تنآ دەە ھزار دینار ددان، پیڤەرێن نەزیرەک سەدھزار و چەند سەدھزاری بۆ خواندن، د ئەنجامدا شوینا کلدەن کۆرەکرن، بگروڤەکێشەکا دی دەسپێکر، خەلکەک رازی نەبوو گۆژمەیێن خەیالی بدەت، مژار کەتە ناڤبەرا لایەنێن پەیوەندیدار و کومپانیا و سازیێن راگەھاندنآ و رۆژ ل دویڤ رۆژآ پتر ئالۆزییا. دھێتەگۆتن کومپانیا خودانا پێڤەرێن نەزیرەک خۆ دا لایەکی و پارەیێن ژ وەلاتییان وەرگرتین کرنە د بەریکا خۆدا و کەسەکآ ھێژ نە گۆتیآ بەرآ سمبێلا ھەوەیآ خوارە.

پاشتر ھاتە گۆتن دآ ل شوینا رێڤەبەرییا ئاڤآ کومپانییەک دیتر ب ئەرکآ کۆمکرنا بھایێن ئاڤآ رابیت، ھاتنوچوونەکا نوینەرێن کومپانیا نوو بۆ مالان و خواندن و ب ئەلکترونیکرنا پیڤەران دەسپێکر، د ڤان ھاتنوچووناندا ھەردەمآ دھاتنە مالا مە، من پرسیار ژێدکر چەند کەتییە سەر مە..؟ کەنگآ پارەیێ خۆ بدەین..؟ بلا پارە نەکەڤیتە سەرێک، د بێ بەرسڤ بوون، جار دا بێژن ھێژ ئەم یی بەرھەڤییان دکەین، جار دا بێژن چ نە خواندییە. ھەتا بەری چەند رۆژەکان یآ پیڤەران د خوینیت ھات پشتی لێنێرنەکآ گۆت: دڤێت سەرا رێڤەبەریی بدەی و کاغەزکەک بچویک دا دەستآ من، چوومە رێڤەبەریآ ھەتا بسەر ھەلبوویم و من کاغەزکا خۆ داڤآ، پشتی لێنێرینەکآ ژمارەکا تەلەفونآ دا من و گۆتن: تەلەفونا ڤآ ژمارآ بکە بلا بێت بەرآ خوە بدەتآ، پشتی رۆژەکآ دووان خودانآ ژمارا تەلەفونآ ھات و بەرآ خۆدایآ و گۆت: سەیدا پیڤەرآ تەیآ عاتلە و دڤێت ئێکآ نوو دانی.. نآ برا ئەڤ پیڤەرە من نەدانایە ھەوەیآ دانای و پارەیآ ژ من وەرگرتی.. گۆت: سەیدا ئەو کومپانی نەمایە و دڤێت پیڤەرەکآ نوو ل سەر حسێبا خۆ دانی.. ھەکە تە دڤێت ئەڤە پیڤەرێن دگەل من بھایآ ھەرئێکی ٦٠٠٠٠ ھزار دینارە، دیارە وی ژی دڤێت پیڤەرێن خۆ بفروشیت، پشتی پیڤەر دانای حەقێ خۆ وەرگرتی گۆت: دآ وێنەیآ ڤی پیڤەری دگەل ڤآ ژمارێ بەیەڤە رێڤەبەریآ کا دآ ئەو چ بێژن…!!

دیارە دڤێت ھێژ بەریکێن مە ڤالا کەن، چوومەڤە رێڤەبەریآ ژ ڤآ ژوورآ بۆ یا دآ ھەتا گەھشتیمە بەر پەنجەرێن ژوورا ٣١٣ ئەڤە ژوورا کوپانییەکا ئەھلییە یا ب کارآ کۆمکرنا پارەیێن ئاڤآ رادبیت لێ یا د ئاڤاھیآ حکومەتێڤە کو رێڤەبەرییا ئاڤآ یە..!! پشتی لێنێرینا کۆمپیۆتەرێ یآ بەرپەرنجەرکآ گۆت: سەیدا تو ٢٥٠٠٠٠ دیناران دەینداری دڤێت بدەی..!! برا ھوین ھاتینە مە نەدای.. چەند جاران من گۆتیە نوینەرآ ھەوە ھەرجارەکآ بەرسڤەک دایە من.. ھەکە پیڤەرآ ھەوە نە خواندبیت یان کارنەکەت ئەو نە گونەھا منە د ڤآ قەیرانێدا ٢٥٠٠٠٠ بدەمە ھەوە و دوھی من ٦٠٠٠٠ھزارێن داین.. د بەرسڤێدا ب ساری گۆت: سەیدا کومپانیا دی چوو، مە پەیوەندی پێڤە نینە پیڤەرێن وان باش بن یان خراب خواندبیت یان نە تو ٢٥ ھەیڤان دەینداری.. ئآ باشە ھوین ھاتینە مە نەدابیت.. ئەم نە ھاتینە سەبەب چ بیت ئەم نەھاتینە بەلێ یێ کەتیە سەرێک… برا ھەکە ھوین ھاتینە من نەدایە ئەز خەتابارم بەلێ ھوین نە ھاتینە.. ب ھەررەنگەکی بیت دڤێت بدەی.. من ژی کاغەزێن خۆ ھەلگرتن و بەرەف مالکا خۆ زڤریم.

دآ پرسیارکەم: بۆچی دەستەلات دآ سەردابرن و شکەستنێن خۆ بدەستێن ھندەک کومپانیێن فێلبار کەتە ستۆیێ وەلاتی.. کومپانییەکآ پارەیێن پیڤەران ژ دەھان ھزار خێزانا وەرگرتن و دەستەلات نەشیایآ.. رادەستی کومپانییەکا دیتر کر.. ئەو بکارآ خۆ نە رابوویە و لیستا کرێیا ئاڤآ نەئینایە یۆچی ئەزآ وەلاتی پارێن دو سالا سەرێک بدەم.. ئەرآ کیژ فەرمانبەرە د رەوشا نھادا بشێت ٢٥٠٠٠٠ دیناران سەرێکڤە بدەت…؟ ددەمەکیدا کو کومپانی ب ئەرکآ خۆ نەرابوویە نە وەلاتی پارە نەداینە.

کورت و کرمانجی بلا مەزنە بەرپرسێن ھەرێمآ ب چاڤآ بەریکێن وەلاتییان سەرەدەریآ دگەل خەلکآ بکەن نە تنآ د خەما دەولەمەندترکرنا خودانێن کومپانیاندا بن.

 

کۆمێنتا تە