یانێن پارێزگەھێ د تاقیکرنێن ب زەحمەت دا

یانێن پارێزگەھێ د تاقیکرنێن ب زەحمەت دا

6

ئەڤرۆ،

پشتی ڤەقەتیانا زێدەتر دو حەفتیان دھێتە چاڤەڕێکرن ئەڤرۆ و سوبەھی ل دەمژمێر ٢:٤٥ پشتی نیڤرۆ دەست ب ھەڤڕکیێن خولا پلانایابا کوردستاتێ یا تەپاپیێ ب ئەنجامدانا حەفت یاریان بھێنە کرن، ھەردو یانێن پارێزگەھێ دھۆک و زاخۆ دێ مێڤانداریا یانێن ھەولێرا پایتەخت ل یاریگەھێن خوە کەن ژ چارچووڤێ یاریێن گەڕا نەھێ و بیێ ئامادەبوونا جەماوەری دناڤ یاریگەھان دا پشتی لژنا بەرھنگاربوونا دژی ڤایرۆسێ کورونایێ بڕیارا قەدەغەیا ئامادەبوونێ دایی ژبۆ خوە پاراستن ژ ڤێ پەژیا جیھانی.

یاریا ئەڤرۆ یانا دھۆک دێ مێڤانداریا یانا ئارارات ل یاریگەھا خوە یا سەرەکی کەت، خودانێن ئەردی د لاوازترین رێزبەندی و ئەنجامانە کو  ژ ھەشت یاریان پێنچ خووسارەتی، دو سەرکەفتن و ئێک وەکھەڤی ھەیە و ب حەفت خالان رێزا ھەشتێ و دووماھیێ ژ کۆما دوێ دھێت، ژلایێ خوەڤە یانا ئارارات ب دەە خالان رێزا پێنجێ دھێت، لەشکەرێ راھێنەرێ دھۆکێ ھەرمان سالحی داخوازکرینە چو خالان ژ دەست نەدەن و دوبارە ھێز و ئەنجامێن وێ د خولێ دا ڤەگەڕێنن و ژ رێزبەندیا داکەفتنێ دووربێخن، ئەو گوھۆرینێن یانا پارێزگەھێ کرین تایبەت ئینانا سێ یاریزانان ئەوژی زوئەلفەقار مالک و وریا کامیران یاریزانێن ھێلا ناڤین، یاسر ناجی یاریزانێ ھێرشبەر دبیت ھێزەکا دی بدەنە تیما وان ژبۆ چارەسەرکرنا کێماتیان، لێ ھەمبەری وێ یانا ئارارات گوھۆرینێن مەزن کرینە و دێ بۆ سێ خالان ھێتە دناڤ یاریێ دا ئەڤچا یاری بۆ خودانێن ئەردی تاقیکرنەکا دی یا بزەحمەتە.

ژلایێ خوەڤە یانا زاخۆ سوبەھی ل یاریگەھا دەلال دێ مێڤانداریا پێشمەرگەیا ھەولێرێ کەت ژ بھێزترین یاریێن ڤێ گەڕێ، یانا دوێ یا پارێزگەھێ خودانا ١٣ خالایە و رێزا دوێ دھێت و ھەڤڕکا وێ ب ١٦ خالان سەرێ لیستا کۆمێ یە، کوڕێن خابیری رژدن ژبۆ بەردەوامیا ئەنجامێن باش پێخەمەت وەرگرتنا سەرێ لیستێ و دەربازبوون بۆ قۆناغا دوێ، لێ ئەرکێ خوە ھەمبەری یانا پایتەختی ب سانەھی نابینن و مەزنترین ئاستەنگێن ڤێ ئارمانجێ نە لەورا سەرکەفتنا ڤێ یاریێ دێ ھیڤیێن وێ گەشتر لێکەت.

ژ یاریێن دی یێن ئەڤرۆ ، کۆما ئێکێ: برایەتی× سۆران، سیروانی نوو× ھەولێر، ھەلۆ× چەمچەمال، یاریێن سوبەھی کۆما دوێ: دەربەندیخان× نەوروز، پێشمەرگەیێ سلێمانی× ھندرین.

کۆمێنتا تە