NO IORG
Authors Posts by جوان عزه‌ت

جوان عزه‌ت

جوان عزه‌ت
70 POSTS 0 COMMENTS

130

مرۆڤ زۆر جاران بیر ل هنده‌ك پێشاهاتان دكه‌ت كو ئه‌و پێشهات دبنه‌ داكوكیكرن د ناڤ ناخێ مرۆڤى دا و به‌رده‌وام بزاڤێ دكه‌ن خوه‌ بكه‌نه‌ د ناڤا ژیواره‌كى دا و خوه‌ بگونجینن دگه‌ل وى ژیوارى، ل ڤێره‌ دیار دبیت د پۆچوونێن هه‌ر كه‌سه‌كى دا دهێته‌ دیاركرن، كو ئاڤاكرنه‌ك یا هه‌ى به‌رده‌وام جۆرێن ره‌گه‌زان دڤێت د ناڤه‌رۆكا لاپه‌رێن ژیانا خوه‌ دا بزاڤێن ئاڤاكرنا خوه‌ بكه‌ن و هه‌رده‌م ئارمانجه‌ك بۆ خوه‌ ده‌ستنیشان كریه‌ و ئه‌وێ ئارمانجێ بكه‌نه‌ ره‌نگڤه‌دانه‌ك بۆ پاشه‌رۆژا خوه‌ و ناخێ خوه‌ رۆژ بۆ رۆژێ ئاڤا بكه‌ن، لێ سه‌ره‌راى ڤێ چه‌ندێ ژى پرانیا گه‌نجێن ڤى سه‌رده‌مى بزاڤێ دكه‌ن دێ چاوا كه‌سایه‌تیا خوه‌ یا ره‌وشه‌نبیری ئاڤا كه‌ن و ب پیڤه‌رێن ڤێ ئاڤاكرنێ بنه‌ كه‌سێن ناڤدار و پله‌ بلند، ئه‌ڤه‌ ژى دیالۆكه‌كا هه‌رى مه‌زنه‌ كو ئه‌ڤرۆ كوردستانێ پێدڤیا ب قه‌له‌م و ره‌وشنبیریا گه‌نجان هه‌ی و هه‌ر ئه‌وێن یێن بنه‌ ئالیگرێن دۆز و نه‌ته‌وه‌یا خوه‌، لێ ل ڤێره‌ كو رێكێن هه‌رى ب ئاسانتر و پتر ب رۆنكرنێ ئه‌وه‌ من دڤێت كو ئاماژێ بده‌مێ!.
راسته‌ گه‌نجێ مه‌ دڤێت خوه‌ ئاڤا بكه‌ت ره‌وشنبیر بكه‌ت، لێ نزانیت چاوانیا ڤێ ئاڤاكرنێ دێ ب چ رێك و رێباز بیت و به‌رده‌وام دێ بزاڤێ كه‌ت كو چاڤلێكرنێ بكه‌ت و ل دووڤ زارڤه‌كرنا كه‌سێن ناڤدار دچیت ئه‌ڤه‌ ژى دبیته‌ ئه‌گه‌رێ شكه‌ستنێ (بۆ نموونه‌ چارلى چاپلن كه‌سه‌ ك بوو دڤیا خوه‌ بكه‌ته‌ مرۆڤه‌كێ ناڤدار ده‌مێ ده‌ست ب به‌رهه‌مئینانا فلمان كرى ده‌رهێنه‌رێ وى گه‌له‌ك بزاڤ كرن كو ئه‌و بیته‌ ئه‌كته‌ره‌كێ به‌رنیاس لێ وى ده‌مى، چارلى ب سه‌رنه‌كه‌فت، تاكو زارڤه‌كرنا كه‌سایه‌تیا خوه‌ ب خوه‌ كرى) ئه‌ڤجا ل ڤێره‌ ئه‌م چه‌ند دشێین كاریگه‌ریا زارڤه‌كرنا خوه‌ بێخینه‌ د ناڤا مشكێ خوه‌ دا، یان ژى د رۆژێن خوه‌ دا چه‌ند ده‌مژمێران ئه‌م بزاڤێ بكه‌ین پێزانینان وه‌رگرین، ئانكو ده‌ست ب نڤیسانه‌كێ بكه‌ین كو ئه‌و نڤیسین دێ مه‌ ئارام كه‌ت و مشكێ مه‌ به‌ر ب پێكهاته‌كا نووڤه‌ به‌ت، هه‌ر دیسان ئه‌م چه‌ند ماوێ خوه‌ ته‌رخان دكه‌ین بۆ خواندنا پرتووكان بۆ وى تشتى ئه‌وێ ئه‌م دزانین دێ بۆ مه‌ بیته‌ جهێ مفا وه‌رگرتنێ بێگومان ئه‌ڤه‌ رێژه‌یه‌كا هه‌رى كێمه‌ د ناڤا گه‌نجێ مه‌ دا كو رۆژانه‌ رابیت ب دانانا خشته‌یه‌كى كو ئه‌و خشته‌ یێ گرێداى بیت ب كارێن رۆژانه‌ڤه‌، له‌ورا یاگرنگه‌ تو مرۆڤه‌ك بى په‌یره‌وێ ته‌ ژ سالۆخه‌ت و شیانێن ته‌ دیار ببیت، چونكى ئه‌گه‌ر ئه‌م هزر بكه‌ین چ جاران سه‌رڤه‌یا دو كه‌سان وه‌كى ئێك نابیت و جوانیا ده‌نگێ ته‌ ئه‌وه‌ یێ ب تنێ بیت و باشترین گۆتنا ته‌ ئه‌وه‌ یا ئاشكرا ببیت، هه‌ر دگه‌ل ڤێ چه‌ندێ ژى مرۆڤێ زیره‌ك و چه‌له‌نگ ئه‌وه‌ یێ ڤیانا خوه‌ بۆ ئارمانجێن خوه‌ ته‌رخان بكه‌ت و به‌رده‌وام یێ بزاڤێ دكه‌ت كو شكه‌ستنان بگهۆریت و بكه‌ته‌ قازانج و مرۆڤێ نه‌زان ئه‌وه‌ یێ دو كاره‌ساتان ژ كاره‌ساته‌كێ دروست كه‌ت، له‌ورا هه‌رده‌م ب ئه‌رێنى به‌رێ خوه‌ بده‌ كاران هه‌ر كاره‌كێ پشتى دانپێدانا شاشیێن دیاربوونا وێ گومان تێدا نینه‌ دێ مفا و په‌ند ژ وێ شاشیێ هێته‌ وه‌رگرتن دێ بزاڤ هێته‌كرن جاره‌كا دی راستى وێ شاشیێ نه‌بى، هوسا دێ ژیانا خوه‌ كه‌یه‌ كه‌ته‌لوكه‌ك بۆ سه‌ركه‌فتنێ.
مانشێت: مروڤێ نه‌زان ئه‌وه‌ یێ دوو كاره‌ساتان ژكاره‌ساته‌كێ دروست كه‌ت

71

هه‌رده‌ما ئه‌م نێرینه‌كێ بوَ دیمه‌نێن سالێن بوورین دكه‌ین بیرا وێ داستانێ ل مه‌ دئینن كو ئه‌م وه‌لاته‌كین خوَدان دیرووكه‌كا دووم درێژین و د ناڤا شنگه‌سته‌یا وێ دیروكێ دا مه‌ دیواره‌ك ئاڤاكریه‌ كو پری ئیش و ئازار و مه‌ینه‌ت تێدا ب خوه‌ڤه‌ گرتینه‌ لێ ئه‌نجدایا وی دیواری بوَ مه‌ هێزه‌ك كریه‌ ده‌ستپێشخه‌ر كو ئه‌م ل سه‌ر ڤێ رێك و رێبازێ ده‌رنه‌كه‌ڤین و به‌ره‌ڤانیێ ژێ بكه‌ین. لێ ل ڤێره‌ ئه‌گه‌ر ئه‌م ته‌ماشه‌ بكه‌ین هه‌ر وه‌لاته‌كێ جیهانێ چ ئومێدێن وان بجه هاتبن یان ژی نه‌هاتبن خاترخاستنێ ژ سالا بوری دكه‌ن و پێشوازیێ ل سالا نووی دكه‌ن و زه‌نگا وێ دكه‌نه‌ شه‌مالكا ئازادی و دادپه‌روه‌ریێ بۆ خوه‌، لێ ب نێرینا من ملله‌تێ كورد ژی مینا هه‌موو وه‌لاتیێن جیهانێ ب چه‌ندین سالان ب ڤی ره‌نگی پێشوازی ل سالێن نووی دكرن و ب تایبه‌ت سالا (2013) پیروَزباهیێن گه‌رم ل هه‌ڤدوو دكرن و ب وی چاڤی ته‌ماشه‌ی ڤێ سالێ دكرن كو ئومێدێن گه‌شبین بۆ خوه‌ كربوونه‌ ئالاڤێ سه‌ركه‌ڤتنان؛ پێخه‌مه‌ت وێ چه‌ندێ دا كو ملله‌تێ كورد ژی وه‌كی هه‌رملله‌ته‌كێ جیهانێ ده‌وله‌تا خوه‌ هه‌بیت و د ناڤ سنوورێن ده‌وله‌تا كوردی دا ب سه‌رفرازی بژین و ژ كاڤلانكێ زوَلم، زوَرداری و بن ده‌ستیێ ده‌ركه‌ڤن. هزر و بیر و بوَچوونێن خوه‌ ب وێ چه‌ندێ گه‌شكربوون كو سالا داهاتی بۆ خوه‌ چ پلان و پروژان به‌رهه‌ڤبكه‌ن داكو سه‌روه‌ریا ملله‌تێ كورد بێ به‌هرنه‌كه‌ت ژ ده‌وله‌تبوونێ و ئاڤه‌دانكرنێ ئارامبوونێ. لێ ل سالا (2014) كوردستان جاره‌كادی كه‌ڤته‌ بن ڤشارا كێشه‌ و ئالوَزی و ده‌ربه‌ده‌ری بوونێ ڤه‌ ئه‌وژی دوژمن ب توَندترین شه‌ری هاته‌ د ناڤا كوردستانێ دا لێ ئه‌ڤ ساله‌ ژی بوَ سالا نه‌ئارابوونا وان ده‌ستكه‌ڤت و پێشهاتێن ملله‌تێ كورد كو ئه‌و ژی خوه‌ ببینن كوردستانه‌كا ئازاد وئارام هه‌بیت و ناڤێ وێ ده‌وله‌تا كوردستانێ بیت، كوردستان ژی یا پری شانازی و سه‌روه‌ری و خوَدان سنوور و ئالایه‌كێ دورپێجكری بیت ژ هه‌رچار ره‌نگان كو ئه‌و ره‌نگ رامانا نیشانێن هه‌ست و لڤاندنا وژدانا به‌رخوه‌دانا گه‌لێ كوردبیت و یێ تژی بیت ژوێ دلوڤانیێ ئه‌وا بوویه‌ سیبه‌ر بوَ خوونا شه‌هێدێن كورد كوردستانێ؛ لێ دوژمن ب چاڤ پێنه‌رابوونا ڤی ئالای خوه‌ كره‌ دادوه‌رێ مه‌ كوردان و ئه‌ڤ ساله‌ ژی ژمه‌ دزی. په‌یاما من دڤێت بگه‌هینم ملله‌تێ كورد ئه‌وه‌ كو لایه‌نێن سیاسی كه‌سایه‌تی یێن ئاینی و ره‌وشنبیر و شاره‌زا ێن كوردپه‌روه‌ر كو هه‌می ب هه‌ڤرا بریارا به‌ستنا گونگره‌یه‌كێ نه‌ته‌وه‌ی یێ مه‌زن سه‌رتاسه‌ری كوردستانێ بكه‌ن و تێدا بریارا چاره‌نڤیسێ ملله‌تێ كورد بده‌ن و هه‌می ژێك نه‌گرتن و ناكوَكیان بده‌نه‌ لایه‌كێ و ب تنێ به‌رژوه‌ندێن ملله‌تێ كورد و كوردستانا مه‌زن بپارێزن و ب چاڤه‌كێ ڤه‌كری ته‌ماشه‌ و پێشوازیێ ل سالا (2016) بكه‌ن. داكو ڤێ ئارامبوونێ و ب هه‌ژاندنا وان هه‌موو ده‌ستكه‌ڤت و پیشَهاتێن ملله‌تێ كورد ئه‌وێن ب چه‌ندین سالانه‌ راستی وێ ره‌نج و خه‌بات به‌رخودانێ هاتین و ئومێدێن خه‌ونا خوه‌ یا راستین و دگه‌ل بلندبوونا وێ روناهیا ئالایێ ژیانا كوردستانێ ببرسقیت كو ئه‌وژی ره‌نگێ سورێ خوونا شه‌هیدێن كوردستانێ، جانگورێن خاكا خوه‌ و ره‌نگێ سپیێ ئاشتیێ كو ئه‌وژی ملله‌تێ كورد ئاشتیخوازه‌ و ره‌نگێ كه‌سكێ چاندنێ كو ئێكه‌م جار باب كالێن چاندن نیشانی مرۆڤاتیێ داین و ژ شكه‌فتا ئیناینه‌ ده‌ر و ئاڤاهی كرینه‌ جهی َڤه‌حه‌وهان و پێنگاڤا ئێكێ ل سه‌ر رێكا شاراستانیێ داناین، ره‌نگێ زه‌ر ژی كو ژیان وه‌راركری ب رێڤه‌چووی نیشانا روَژه‌كا گه‌ش بوویه‌ و تێدا هاتیه‌ بلندكرن و ڤی ئالای دارا ئازادیێ شینكریه‌ و بكه‌نه‌ سمبوَلا ده‌وله‌تا كوردی. ب تامه‌زرۆیی ڤه‌ ل به‌ندا وێ چركه‌ ساتێی نه‌.

69

مێژوویا مه‌ كوردان دا گه‌له‌ك زولم و زورداری راستی باب پاپیرێن مه‌ هاتینه‌ ژ لایێ دوژمن و نه‌حه‌ز و نه‌یارێن مه‌ڤه‌ ب تایبه‌ت وه‌لاتێن ده‌وروبه‌رو وه‌ك توركیا، عیراق، سوریا و ئیرانێ ڤه‌ هه‌روه‌سا ئه‌و ژی بوینه‌ ئه‌گه‌ر كو وه‌لاتێ مه‌ كوردستان بهێته‌ پارچه‌ پارچه‌كرن و ل سه‌رخوه‌ دابه‌شكرن لێ سه‌ره‌رای وێ چه‌ندێ ژی بێهنا وان نه‌هات رابوون ب كوشتن، زیندانكرن و گرتن و هه‌روه‌سا وێرانكرنا گوند و باژێرێن مه‌ لێ هه‌ر د گه‌ل ڤێ چه‌ندێ ژی د به‌رده‌وامیا وێ زولم و زورداری و دوژمناكاریێ دا چه‌ندین شوره‌ش هاتنه‌ به‌رپاكرن لێ سه‌رنه‌دگرتن ژ به‌ر پیلانێن وان و ژبه‌ر نه‌زانین و نه‌ته‌خمینكرنا هزرێن مه‌ كوردان ب شێوه‌كێ نه‌دیمركراسیه‌تێ ئه‌م گه‌هشتنه‌ ڤی راده‌ی هه‌تا كو گه‌له‌ك جاران ژی ئه‌م خوه‌ بوینه‌ پالپشته‌ك بو نه‌حه‌ز و نه‌یارێن خوه‌ ئه‌ڤ ره‌وشه‌ یا به‌رده‌وام بوو هه‌تا گه‌هشتینه‌ سه‌رهلدانا پری هه‌ستا نه‌ته‌وایه‌تی كو ئه‌و ژی ل سالا (1991) هه‌می خه‌لكێ ب شه‌ره‌ڤ ودلسوَز و وه‌لات پارێز رابوون ده‌ستێن ئێك و د و گرتن و ب شێوه‌كێ دادپه‌روه‌ر به‌رسینگێ دوژمنی ره‌وستیان هه‌تا كو پارچا باشووری ل بن ده‌ستێن رژێما دكتاتورا به‌عس ئیناینه‌ده‌ر و ژ كاڤلانكێ زولم زورداریێ ده‌ركه‌ڤتین. پشتی هنگێ كورد ب هه‌موو ئول و مه‌زهه‌بان ڤه‌ ب شێوه‌كێ ده‌دپه‌روه‌رانه‌ د ناڤا كوردستانێ دا هه‌تا سالا(1992) رابون ب ده‌ستپێكرنا هه‌لبژارتنا بوَ حكومه‌تا هه‌رێمێ؛ وی ده‌می ب ئاوایه‌كێ فره‌ حزبی هاته‌ دامه‌زراندن و هێدی هێدی كوردستان به‌ره‌ڤ پێشڤه‌چوونێ چوو و وه‌راره‌كا گه‌شبین بخوڤه‌ دیت د روویێ ئاڤاكرن و گه‌شه‌كرن و ئاڤاكرنا سازیێن جڤاكی دا، ده‌مێ دوژمنێن مه‌ دیتی كوردستان یا ب پێشڤه‌ دچیت د هه‌ر بیاڤه‌كی دا و ب تایبه‌ت د وارێ ئاڤاكرنا ده‌وله‌تێ دا و شیانێن پارستنا ڤێ ده‌وله‌تێ ل ده‌ف كوردان رۆژ بۆ رۆژێ یا بهێز و خۆرت دبیت. دا كو ئه‌ڤ خه‌ونا تاكێ كورد نه‌هێته‌ ئه‌نجامدان و پشته‌ڤانێن ده‌ره‌كه‌ بۆ په‌یدا نه‌بن، به‌ری ئه‌ڤ خه‌ونه‌ ببیته‌ راستی رابوون ب دارێتنا نه‌خش و پلانێن خوه‌ یێن دووری ره‌وشتێ مرۆڤاتیێ ئه‌و ژی ب تێكدانا ره‌وشا ناڤخوه‌ یا هه‌رێما كوردستانێ و لاوازكرنا ئێكرێزیا مللله‌تێ مه‌، لێ نه‌شیان وه‌كو دلێ وان دخازت ئێكرێزیا ناڤمالا كورد تێك بده‌ن. لێ ب په‌یدا بوونا هێزا تاری په‌رێسا داعش و گڤاشتنێن حكومه‌تا مالكی ب قوتكرنا بودجا هه‌رێما كوردستانێ تێك و ده‌رز هێدی هێدی كه‌فتنه‌ ناڤ ئێكرێزیا ملله‌تێ كورد ب تایبه‌ت پشتی دیار بووی كو هنده‌ك كه‌س یێن ب سه‌ر هنده‌ لایه‌نه‌نێن سیاسی یێن كوردی ڤه‌ ده‌ست هه‌بوویه‌ د برینا بوَدجا هه‌رێما كوردستانێ دا ئه‌و ژی ژبه‌ر كو جه‌نابێ سه‌رۆكێ هه‌رێمێ رێزدار مه‌سعود بارزانی به‌رهه‌ڤیێن جاردانا ده‌وله‌تا كوردی كربوو ئامانج و د ئه‌جندا وی دا هه‌بوو و هه‌موو شیانێن هه‌رێما كوردستانێ د ڤی بیاڤی دا چڕ كربوون. ب درێژ بوونا ماوێ شه‌رێ داعش و برینا بۆدجێ هه‌رێمێ، سه‌ره‌رای خوه‌ ل به‌ر گرتنا خه‌لكێ هه‌رێمێ ب تایبه‌ت د به‌رهنگاریا تیرۆرستێن داعش و وان داستانێن پێشمه‌رگێ كوردستانێ توماركرین و ناڤێ پێشمه‌رگه‌ی وه‌ك تاكه‌ هێز ل ده‌ڤه‌رێ شیای خوه‌ ل به‌ر ڤان تاری په‌رێسێن داعشێ بگریت و ده‌ستكه‌ڤتێن مه‌ یێن سیاسی و نه‌ته‌وی پاراستن. ب مخابنی ڤه‌ ئه‌ڤروَ پشتی ڤێ ئه‌زموونا سه‌ركه‌فتی و نێزیك بوونا هه‌لاتنا رۆژا ده‌وله‌تا كوردستانێ هنده‌ك هێز و لایه‌ن دخازن ڤێ ئه‌زموونێ گوری مه‌ره‌مێن خوه‌ یێن خیال به‌لاڤ بكه‌ن و رادبن ب گه‌رمكرنا ناكۆكیێن ده‌م ب سه‌رڤه‌ چووی و گه‌نگه‌شه‌كرنه‌كا دی ڤه‌ د مژوولن و هێرشی سه‌ر پرۆژێ راگه‌هاندنا ده‌وله‌تا كوردی دكه‌ن و كارتا دوو ئیداره‌یێ بلند دكه‌ن. هه‌لبه‌ت ئه‌ڤه‌ داخازا مێژینا دوژمنێن كوردستانێ یه‌ و به‌رده‌وام ل سه‌ر كار دكر بۆ تێكدانا ئێكرێزیا ناڤمالا كوردی ژی له‌و ئه‌ڤرۆ ژ هه‌رده‌مه‌كی پێتر مه‌ پێدڤی ب ئێكرێزیی و ته‌بایا سیاسی هه‌یه‌ و فه‌ره‌ ئه‌م هه‌موو پێكڤه‌ رابین و ببین رێگر بۆ خرشكرنا پیلانێن دوژمنان و هێزێن تێكده‌رێن ناڤخوه‌یی بۆ ب ده‌ستڤه‌ ئینانا ئارمانجێن گه‌ل و وه‌لاتێ خوه‌ چونكو مه‌ ب هزاران خوین رژتیه‌ و چه‌ندین جانگوری كرینه‌ قوربانی بوَ روَژه‌كا هوسا داكو ڤێ پارچا كوردستانا خوه‌ یا ئازادكری جاره‌كادی نه‌ئێخینه‌ بن ده‌ستێن نه‌حه‌ز و دوژمن و نه‌یارێن خوه‌ ڤه‌، له‌ورا بلا ئه‌م ب هه‌می باوه‌ری و هزر و بیرو باوه‌رێن خوه‌ یێن نه‌ته‌وه‌یی ته‌ماشه‌ی وه‌لاتێ خوبكه‌ین و دگه‌ل وان كاربكه‌ین ئه‌وێن د به‌رژوه‌ندێن گه‌ل وه‌لاتێن مه‌ دا داكو كوردستنا خوه‌ رزگاربكه‌ین ژده‌ستێن ڤان هوَڤ و دراندان.

80

جڤاك ب هه‌بوونا پێشكه‌ڤتنا خوه‌ زانین وزانستێ خوه‌ هێته‌ پێشچاڤ و نیاسین  هه‌ر بیروبۆچوونه‌كا مرۆڤ ب عه‌قلێ خوه‌ داهێنانێ ل سه‌ر بكه‌ت، بێگومان دێ ئه‌و بیروبۆچوون یا سه‌ركه‌ڤتى بیت، جڤاك ژى ب وێ خالێ دێ هێته‌ زه‌نگینكرن هه‌كه‌ ئه‌م ته‌ماشه‌ى بیروبۆچوونێن جڤاكێ خوه‌ بكه‌ین ژ لایه‌نێ درامایى ڤه‌، ئانكو زنجیرا ڤێ گه‌له‌كا لاوازه‌ و نه‌ وه‌كى جڤاكێ بیانى یه‌ ئه‌ڤه‌ ژى ئیك ژ خه‌مساریا مه‌یه‌ د كارێ مه‌ دا ئه‌م هزر د وێ چه‌ندێ دا ناكه‌ین كو جڤاك ب گوهۆرینا هزرى كارى به‌ر ب پێشكه‌ڤتنێ ڤه‌ چیت، لێ هه‌كه‌ ئه‌م ب درێژیا خالێن وێ به‌حس بكه‌ین وێ ژى باشى و خرابێن خوه‌ هه‌نه‌ هنده‌ك دراما یا هه‌ى مفایێ وێ پترن ژ خرابیا وێ هنده‌ك ژى خرابیا وێ پتره‌ ژ مفایێ وێ، بێگومان ئه‌ڤه‌ ژى كارتێكرنێ ل گه‌نجى هه‌روه‌سا ل خێزانێ دكه‌ت و ژ لایه‌كێ دى ژى ڤه‌ كارتێكرنا ده‌روونێ جڤاكى ب گشتى ژى كه‌ت، لێ هه‌ر ل گه‌ل ڤێ چه‌ندێ ژى دراما جۆره‌كێ پێشكه‌ڤتنێ ژى یه‌ د ناڤا جڤاكى دا ئانكو جڤاك ب درامایێ دیاردبیت زه‌نگین بیت، ئه‌رێ بۆچى؟ ئه‌م پتر حه‌زژ دراما بیانى دكه‌ین ژ دراما ناڤخوه‌یى، ئه‌و ژى هه‌كه‌ هه‌مى بۆ وێ چه‌ندێ زڤریت كو دراما بیانى ل سه‌ر بنه‌ما و سیسته‌مه‌كێ ئه‌كادیمى دهێته‌ دروستكرن و نه‌ ب شێوه‌كێ لابه‌لا، له‌وما درامایا بیانى كارتێكرنا خوه‌ هه‌بوویه‌ ل سه‌ر جڤاكێ كوردى لێ دراما مه‌ هه‌مى ل سه‌ر بنیاته‌كێ نه‌رێكو پێكدهێت دروستكرن و رۆله‌كێ نه‌دروست گه‌هاندیه‌ ئه‌ڤه‌ ژى بیته‌ ئه‌گه‌رێ دووركه‌ڤتنێ ژ درامایا كوردى هه‌ر چه‌نده‌ جڤاكێ مه‌ یێ هه‌ولدانه‌كێ دكه‌ت كو رۆلێ خوه‌ ببینت د دراما كوردى دا لێ پا هیشتا ب دورستى نه‌گه‌هشتیه‌ ئه‌نجامێ سه‌رنجراكێشانێ، لێ سه‌ره‌راى وێ چه‌ندێ هه‌بوونا درامایێ بۆ جڤاكى یا گرنگه‌ ئه‌و ژى ببیته‌ ژیواره‌كێ پێكڤه‌ژیانێ بۆ ئاڤاكرنا خێزانێ و جڤاكى خوه‌ ژى، ژ لایه‌كێ دیڤه‌ هه‌كه‌ ئه‌و مه‌زاختنا ئه‌م ل درامایا بیانى بكه‌ین ئه‌م وێ مه‌زاختنێ ل یا كوردى بكه‌ین بێگومان ب دیتنا من دێ ئه‌ڤه‌ باشتر بیت هه‌م بۆ مه‌ هه‌م بۆ جڤاكێ مه‌، هه‌روه‌سا دێ بیته‌ رێیه‌ك كو جڤاكێ مه‌ ژى وه‌كى یێ بیانى بهێته‌ نیاسن ب دراما خوه‌ یا زه‌نگین بیت نه‌ یا بیانى چونكى مرۆڤ به‌رهه‌مێ خوه‌ دگه‌هینته‌ ئاڤاكرنێ سه‌ركه‌ڤتنێ.

67

ده‌مێ ئه‌م هزرا خوه‌ ل كوردستانێ دنێڕین، هه‌ستا مه‌ وه‌سا دهێته‌ به‌رچاڤ كو گولا ئازادیێ و ته‌ناهی ئارامیێ رۆپه‌رلێن خوێن كرینه‌ شاپه‌رێن وێنه‌كێ بێ روودان و بێ سنۆر ئه‌م د هه‌مبَیزا خوه‌ دا بینین كو مه‌ وه‌لاته‌ك یێ هه‌ی شایه‌نێ دیمه‌نه‌كێ بێ بوویه‌ر و بێ گله‌ و گازنده‌یه‌ و یێ ژ هه‌ژی ره‌نگڤه‌دانێ یه‌، لێ به‌روڤاژی وێ چه‌ندێ كو ئه‌ڤرۆ كوردستان یا بوویه‌ گۆرستانا قه‌یرانان و كێشه‌ و گرڤتان وجهێ ململانا سیاسی و كه‌ته‌ یه‌ د ناڤا بارودۆخه‌كێ مه‌ترسیدار دا، بێگومان ئه‌ڤه‌ ژی جهێ داخێ! یه‌ كو ئه‌ڤرۆ هنده‌ك لایه‌ن رابن ب دانانا هنده‌ك توخیبان و په‌یداكرنا كیشه‌ و ئاریشان و دناڤا وه‌لاتێ خوه‌ دا بیر ل وان ده‌ستكه‌ڤت و پێشهاتان ناكه‌ن وه‌كو ئه‌وێن ب چه‌ندین سالانه‌ راستی گران هاتین چه‌ندین قوربانی پێشكێشی ڤی وه‌لاتی كرین كو ئه‌ڤرۆ خه‌بات و ره‌نجا خوه‌ كریه‌ د ناڤا بازنێ هێله‌كا سۆر دا و نه‌هێلاینه‌ ئه‌ڤرۆ ب شێوه‌كێ دادپه‌روه‌رانه‌ ئه‌ڤ پرۆسه‌ و بهێنه‌ چاره‌سه‌ركرن لێ سه‌ره‌رای ڤێ چه‌ندێ ژی كو ئه‌ڤ چه‌نده‌ بوویه‌ ئاریشه‌كا هه‌ره‌ مه‌زن و گرنگ و هه‌تا كو كارتێكرن ل ده‌روونێ جڤاكی ژی بیت و وه‌لێ كریه‌ جڤاك به‌ر ب نه‌ ئارامیێ ڤه‌ بچیت و تایبه‌تی كێمكرنا وه‌رارا گه‌نجی بێگومان هه‌كه‌ ئه‌م وه‌سفا گه‌نجی بكه‌ین، گه‌نج شه‌نگستا ئاڤاكرنا هه‌ر جڤاكه‌كی یه‌ و وه‌لات ب پاشه‌رۆژا گه‌نجان بیته‌ سمبولا ئاشتی ته‌ڤای و سه‌ركه‌ڤتنا گه‌لان و گه‌نچ گه‌نجینه‌كا پر قازانجه‌ لێ ناهێته‌ مانده‌لكرن كو دكاریت رۆلێ خوه‌ د ناڤا جڤاكێ خوه‌ دا به‌رچاڤ بكه‌ت و چونكی گه‌نج شه‌مالكه‌ خوه‌ دحه‌لینت دا ملله‌تێ وی به‌ر رۆناهیا وی بژیت لێ ئه‌ڤرۆ ل كوردستانێ گه‌نج یێ بوویه‌ هێزه‌كا لاواز و خوه‌ دبینت تاكه‌ كه‌سه‌كێ بێ ئومێد و نه‌شێت داهێنانێ بكه‌ت ئه‌ڤه‌ ژی هه‌می بۆ وێ چه‌ندێ زڤریت كونه‌ پووته‌دان ب ئاوات و گه‌شه‌كرنا حه‌ز و ئاره‌زوێن وان دیسا ئه‌و كێشێن ل كورستانێ دا بووینه‌ توخیبَن بێ ئومێدی بێزاریا ڤی گه‌نجی هه‌تا كو بشێن وه‌لاتێ خوه‌ ب جهه‌ بهلێن و قه‌ستا وه‌لاته‌كێ بیانی بكه‌ت و رێیا مرنێ بۆ خوه‌ بهه‌لبژێریت و به‌ر ب ژیانا ده‌رده‌سه‌ریكرنێ بچن ئه‌ڤچا كوردستان بلا نه‌بیته‌ جهێ نه‌مانێ هه‌تا كو دوژمن ژی ب باندۆرا خوه‌ یا زال بیت ل سه‌ر بكارئینان په‌یداكرنا گرفت و ناكۆكیا له‌وما ژی بۆچوونا خوه‌ گه‌هنیمه‌ لایه‌نێن سیاسی كو نه‌هێلن كوردستان بكه‌ڤیته‌ بن پێلێن گرانتر دا بلاوان بیره‌وه‌ری ده‌ستكه‌ڤتنان بینه‌ بیراخوه‌ ده‌مێ خو كره‌ چه‌په‌رێ وێ رێیێ ئه‌وا گازی ده‌وله‌تبوونێ دكر. ..

53

هه‌ر جڤاكه‌ك ل سه‌ر بنیاتێ نه‌ته‌وه‌كێ هێته‌ هژمارتن و ئه‌و نه‌ته‌وه‌ بۆ بیته‌ ره‌نگڤه‌دانه‌ك بۆ سیاسه‌تا وان لێ سه‌ره‌رای وێ چه‌ندێ جڤاكێ مه‌ هه‌تا نوكه‌ یێ د ناڤا هنده‌ك قووناغێن جودا جودا دا مای ئه‌و ژی پرانیا وان نه‌گرێدای گورانكاریێ نه‌، بۆ نموونه‌ عه‌شیره‌تگه‌ری چاڤلێكرن، ئه‌ڤه‌ هێشتا ل سه‌ر مه‌ ده‌رباز نه‌بووینه‌، له‌وما بووینه‌ ئه‌گه‌ر كو ئه‌م ژ قووناغا سیاسه‌تێ دووربكه‌ڤین مه‌ره‌م ژ ڤێ چه‌ندێ ئه‌وه‌ ده‌مێ جڤاك ما جڤاكه‌كێ پاش كه‌ڤتی وی ده‌می ئه‌م چو جارا نه‌شێن بگه‌هینه‌ وێ ئارمانجا مه‌ بڤێت، نها ئه‌م یێ د ناڤا قووناغه‌كا هه‌ستیار دا دژین و مه‌ رێ بۆ ره‌وشه‌نبیركرنا خوه‌ نه‌ ده‌ستنیشانكرینه‌ كا ئه‌م دێ ب چ ئاوا سه‌رده‌ریێ ل گه‌ل ئیكودو كه‌ین و ب چ رێك جڤاكێ خوه‌ كه‌ینه‌ جڤاكه‌كێ سه‌قامگیر نه‌یێ ساده‌ و ساكار. جڤاك ب هه‌بوونا پێكڤه‌ ژیانێ و ئارامیێ و خوه‌ دگه‌هنیته‌ نیڤا سیاسیێ ته‌نانه‌ت وێ چه‌ندێ داكێم كاسیان د ناخێ مرۆڤان فۆرمارت بكه‌ت هه‌كه‌ ئه‌م ملله‌ته‌ك بین و حه‌ز ژ نه‌ته‌وا خوه‌ بكه‌ین و به‌رده‌وام خوكه‌ینه‌ مرۆڤێن پێشكه‌فتی و ل دووڤ وێ هێزێ بكه‌رین ئه‌وا دێ مه‌ به‌ر ب ئاینده‌كێ گه‌ش به‌ت بێ گومان ئه‌م دێ بینه‌ ملله‌ته‌كێ خوه‌ ئاڤاكار و پڕی مێشكه‌كێ هه‌ستا نه‌ته‌واتی و كوردیتی تێدا، لێ ئه‌م دێ چاوا خوه‌ گه‌هینه‌ وی ئاسته‌ی ئه‌وێ مه‌ بڤێت جڤاكێ یێ خوه‌ گوهۆرینێ ل ڤینێ په‌یدا كه‌ت پێدڤیه‌ هه‌ر ئێك ژمه‌ ب تاكه‌ كه‌سیا خوه‌ ده‌ستپێكه‌ت و بزاڤێ بكه‌ت خوه‌ دروست بكه‌ت و گوهۆرینێ په‌یدا بكه‌ت پاشی خێزانا خوه‌، پاشی دوروبه‌ر و جڤاكێ خوه‌ دورست بكه‌ین هه‌كه‌ ئه‌و ئاریشێن ئه‌م رۆژانه‌ تێدا بۆرین خوه‌ ژێ بده‌ینه‌ پاش و مێشكێ خوه‌ سافی بكه‌ین و ده‌مێ خوه‌ بۆ نه‌ته‌وا خوه‌ ته‌رخان بكه‌ین ده‌ست ب پتر پێشكه‌فتنا خوه‌ بكه‌ین د وارێ خوێندن و زانینێ دا ب رێژه‌یه‌كا زۆرا زانیاریان د ناخێ خوه‌ دا كۆم بكه‌ین، ئه‌ڤه‌ دێ بۆ مه‌ بیته‌ چه‌كه‌ك بۆ په‌یدابوونا سیاسه‌تا مه‌ وی ده‌می ئه‌م دێ بینه‌ خودان هێزه‌ك بۆ به‌رخودانا ژیانێ و دێ بیته‌ پالده‌ره‌ك بۆ په‌یدابوونا دیرۆكه‌كا دۆم درێژ ره‌نگه‌ ئه‌ڤه‌ ژی بۆ مه‌ پێشكه‌ڤتنه‌، له‌وما باشترین رێ ئه‌وه‌ هه‌تا ئه‌م گوند و باژێرێن خوه‌ پێش نه‌ئیخێن ئه‌م نه‌شێن گوهۆرینێن سیاسی ژی په‌یدا بكه‌ین پێدڤیه‌ ئه‌م داهێنانه‌كا ب دورستی د ناڤا سیاسه‌تێ بكه‌ین و پتر بزاڤێ بكه‌ین خوه‌ ژ بن ژیوارێ پاشكه‌ڤتنێ دوور بكه‌ین و هه‌ستا نه‌ته‌واتی بكه‌ینه‌ سمبولا ژیانێ داكو جڤاكێ خوه‌ به‌ر ب گوهۆرینێن سیاسی ببه‌ین.

216

هه‌ یڤا ره‌ مه‌ زانی هه‌ یڤه‌ كا پیروزه‌ مروڤی موسلمان كه‌ له‌ ك پی فه‌ ده‌ێته‌ گر ێدا ن و پێتدڤی یه‌ مروڤ به‌ ر ده‌ وا م یی ل سه‌ ر خو بیت و بیرا خو ل هه‌ ر كا ره‌ كی خێرخوازیی مروڤایه‌ تیێ بینت و مر وڤ به‌ ر ده‌ وا م خو ل وان خێزانێت ده‌ ست كورت بكه‌ ته‌ خودان جونكی ئه‌ ڤه‌ دی بیته‌ ئه‌ كه‌ ركو ڤالاه‌ی نه‌ مینیت و دلو ڤانی په‌ یدا بیت ب دیتنا ه‌اوه‌لاتیان ژی ئه‌ فه‌ ژی خا له‌ كا گرنكه‌ وئه‌ ركه‌ كی مر وڤایه‌ تی تایبه‌ت ئه‌ كه‌ ر كه‌ نالێت را گهه‌اندنی دڤی كاری دا ب مینن به‌ رده‌وام ل بشتی هه‌ یڤا ره‌ مه‌ زانی ژی
ل دور ڤی با به‌ تی روژنامه‌ ڤان مصلح یاسین بو ئه‌ڤرو دیاركر:هه‌ لبه‌ ت كارێن مروڤایه‌ تی ب راستی ئه‌ و كا رێت مروڤ پێ رادبیت زور گرنگن جو نكی ئه‌ ڤ كاره‌ ئێگرتنێ په‌ یدا كه‌ ن به‌ س ب ر ێكا كه‌ نالا ئه‌ ز نابینم چاره‌ سه‌ ریێت بن بر بوڤان خێزانێت كێم ده‌ رامه‌ ت و هه‌ ژارهه‌ بن، دبیت دڤی هه‌ یڤی دا مروڤ دی شێت ه‌اریكاریا ڤان خێزانا كه‌ ت پاره‌ كی بو دابین كه‌ ت كو تێرا وان بو ماوه‌ كی كێم بكه‌ ت به‌ لێ پشتی ه‌ینگی دی زڤرنه‌ حاله‌ تی خو یی به‌ ری ڤه‌ ، ناڤبری گوتژی: ده‌ می من به‌ رنا مێ ڤه‌ زین پێشكێش كر من سه‌ ره‌دانا گه‌ له‌ گ خێزانێت هه‌ ژار دكر گه‌ له‌ گ خێزان هه‌ بون ژئه‌ گه‌ ری شه‌ ر مێ ب رێكا جیرانێت خو ئه‌ م ئاگه‌ ه‌دار كرین و گه‌ له‌ كا ژی نه‌ ڤیا خو بێخنه‌ شاشی له‌ واما گه‌ له‌ ك براده‌ رو ره‌ وشنیرو هه‌ ڤالان گوته‌ مه‌ ه‌ین یی هه‌ ست و نه‌ ستێن خه‌ لكه‌ كی دئێشینن ول وی ده‌ می من هه‌ ست ب نه‌ خوشی یی وئێشانی دكر، دبه‌رده‌وامیا ئاخڤتنێن خوه‌دا مصلح یاسین دیار دكه‌ت كو ئه‌ گه‌ ر هه‌ می رێكخراو كه‌ نالان سالانه‌ پاره‌ی كوم بكه‌ن شیان خه‌ لكێ هه‌ ژار دڤی حالی دا قورتال بكه‌ ن ،

لدور هه‌مان بابه‌ت روژنامه‌ڤان نژیار نێره‌ وه‌ ی بوچونا خوه‌ دیار دكه‌ت و بووار دبێژیت : به‌ رنا مێت خێرخوازییی ب رێكا كه‌نالان باشترین رێكن كو ملله‌ تی مه‌ دڤی هه‌ یڤی دا داه‌ا ته‌ كی یان هه‌ ر جو ره‌ كه‌ لو په‌ له‌ كی نا ڤمالێ پێشكێشی ڤان خێزانێت ده‌ ست كورت بكه‌ ت، نژیاری گوت یاسه‌ یره‌ ئه‌ فروكه‌ نالێت ته‌ له‌ ڤزونێ تنی دڤی هه‌ یڤێ دا ڤی كاری مروڤایه‌ تی ئه‌ نجام بده‌ ن یا پێدڤیه‌ ئه‌ و به‌ رده‌ وا میی بده‌ نه‌ ڤی كاری جونكی گه‌ له‌ ك هه‌ ژارێت هه‌ین ناخازن ل شا شه‌ وتی ڤی یان خو دیاركه‌ ن ئه‌ ڤه‌ ژی ژ ئه‌ گه‌ ری داب و نه‌ ریتێت مه‌ ێت كه‌ ڤن و بی سه‌ رو به‌ ردترسیت كوچڤاك به‌ حساوی ب خرابی بكه‌ ت ،ناڤبری گوت پێدڤیه‌ ئه‌ ڤ پێشكێش كاریه‌ ب شێوه‌ یه‌ كی جودا جودا ڤی ه‌اریكاری پێشكێشی وان هه‌ ژاران بكه‌ ت ئه‌ ڤێت نه‌ ڤێن خول شاشه‌ یان دیار كه‌ ن ،
خێزانه‌ كا هه‌ ژاروده‌ ست كورت نه‌ ڤیا نا ڤی خو ده‌ ته‌ دیاره‌ كرن ئا ما ژه‌ ب گرنگیا ڤان جوره‌ به‌ رناماداو خوزیا وی ئه‌ و بو هه‌ ر 12 هه‌ یڤێن سالی ره‌ مه‌ زان بو چنكی دڤی هه‌ یڤی دا بو وان داه‌ا ته‌ ك ده‌اته‌ ما ل دا وپشتی ره‌ مه‌ زان خلاسبیت ئیدی خێربووان ب تلێن ده‌ ستان ده‌ێنه‌ كرن. .
ژلایێ خوژی ڤه‌ رێڤه‌به‌ ری گشتی یی ئه‌وقافا ده‌وكی دبێژیت :ئه‌ ز دبینم ئه‌ ڤ به‌ رنامه‌ ل هه‌ یڤا ره‌ مه‌ زانی دا كه‌ له‌ ك گرنگن و پێتدڤیه‌ خه‌ لكی ده‌وله‌مه‌ند رێژه‌یه‌كا زور ژسامانی خوبو ڤان به‌ رنامان مه‌ زێخیت پتر ش هه‌ یڤێن دی جو نكی خێروچاكی بو مروڤان زێده‌ تر لێ ده‌ێت دڤی هه‌ یڤا پیروز دا ، مه‌ لا جیه‌اد حسێن بو ئه‌ڤرو گوت: ئه‌ ڤ به‌ رنامه‌ پشتی ره‌ مه‌ زانی گه‌ له‌ ك كێم دبن و وه‌ كی وان مرڤان لێ ده‌ێن ئه‌ وێت ل هه‌ یڤا ره‌ مه‌ زانی كارێت خراب ده‌ێلن و پشتی ره‌ مه‌ زانێ دوماه‌یك ده‌یًن له‌ وما چا كی هه‌ ر چا كی یه‌ خێرانی چاكیێ ژی بازرگانیه‌ كا خساره‌ ت بون تێدا نینه‌ تنی زێده‌ بونه‌ ، ب بوچونا من ئه‌ ڤه‌ یا خه‌ له‌ ته‌ جونكی خێزانێت هه‌ ژار نه‌ به‌ س ره‌ مه‌ زا نی پێد ڤی ب سا ما نی نه‌ له‌ وما پێدڤیه‌ ئه‌ ڤ به‌ رنامه‌ هه‌ ر به‌ رده‌ وا مبن و ه‌اریكاریا هه‌ ژاران به‌ ر ده‌ وا م به‌یته‌ كرن.

68

ته‌كنوڵۆجییا ئێك ژگرنگترین ئامیرێت پێشكه‌ڤتی سه‌رده‌مه‌ ژبۆ وێ یه‌كێ مرۆڤی به‌ره‌ڤ ئاسته‌كێ به‌رز و بلند دبه‌ت بۆ ئاینده‌كێ گه‌ش و پرانیا كه‌سان ب رێیا ڤێ ته‌كنوڵۆژیایێ شیاینه‌ زانست و زانینه‌كا به‌رفره‌ه ب ده‌ست خوه‌ڤه‌ بینن و خزمه‌ته‌كا به‌رچاڤ بكه‌ن و گه‌له‌گ مفای ژێ وه‌رگرن كارل سه‌ربكه‌ن پێخه‌مه‌ت وێ چه‌ندێ كو ره‌وشنبیری پتر ل ده‌ڤ وان په‌یدابیت بیر و بۆچوونێت وان به‌ر فره‌ه ترلێ بهێن ئه‌ڤه‌ ژی باشترین رێكه‌ بۆ پێشكه‌ڤتنا كه‌سایه‌تیا مرۆڤان ، لێ ئه‌گه‌ر ئه‌م ب درێژایا خالێن وێ به‌حسبكه‌ین ژلایه‌كێ دی ڤه‌ باشیێن خوه‌ هه‌نه‌ و ژلایه‌كێ ڤه‌ خرابی ژی هه‌نه‌ لێ یا پێدڤی گرنگ ئه‌وه‌ ئه‌م دروست بكاربینین، دوو تشت به‌رده‌وام مرۆڤی توشی شكه‌ستنێ دكه‌ن یائیكێ هزاربێ كریار یادوویێ كریارا بێ هزر ئانكو هه‌ردوو ته‌مامكه‌رێن ئێكن له‌ورا ئێكا بتنێ بهایێ خوه‌ نینه‌، ئه‌گه‌ر ئه‌م به‌رێ خوه‌ ب ده‌ینه‌ وه‌لاتێن پێشكه‌ڤتی هندی ده‌ستكه‌ڤته‌ك و سه‌ركه‌ڤتنه‌ك هه‌بیت به‌رهه‌مێ دوو تشتایه‌ ئه‌وژی هزركرن و كاركرنه‌كا راسته‌قینه‌، لێ د وه‌لاتێ مه‌ دا پرانییا جڤاكێ مه‌ ته‌كنوڵۆجیایێ بۆ كارێن نه‌رێكوپێك ب كارئینن و ب شێیوه‌كێ نه‌شیرین جوان و سفكاتیكرن سه‌ره‌ده‌ریێ دگه‌ل كه‌سان كه‌ن و ب رێكا توَرێن كوَمه‌ڵایه‌تی ئه‌ڤه‌ ژی بۆ وێ چه‌ندێ ڤه‌دگه‌ریت هێشتا ئه‌م یێ دناڤ چارچوَڤه‌كێ نه‌راسته‌قینه‌ دا دژین و ره‌نگه‌ جاهێله‌تی نه‌زانین هێشتا یامایه‌ د ناڤ مه‌ دا و ئه‌م خوه‌یێ ده‌ربرینێ ژ شكاندنا كه‌سایه‌تیا خوه‌ بكه‌ین ئه‌م نزانین دێ ڤێ ته‌كنوڵۆژیایێ چاوا كارپێ كه‌ین و مفای ژێ وه‌رگرین، و ژ لایه‌كێ دی ژی ڤه‌ ئه‌ڤ توَرێن كوََمه‌لایه‌تی بووینه‌ جهێ ئاریشه‌ و دلگرانیێ دن اڤبه‌را خێزانان دا هه‌روه‌سا كارتێكرنه‌كا ئیكجار مه‌زن ل جڤاكی كریه‌ و بوویه‌ ئه‌گه‌رێ وێ چه‌ندێ كو ده‌روونێ جڤاكی تێك بریه‌ ، ئه‌گه‌ر ئه‌م به‌رێ خوه‌ بده‌ینێ زوَرینه‌یا خه‌لكێ مه‌ ده‌مێ وان ب ڤان توَران و تشتێن بێ مفا ڤه‌ چیت و تنێ وێ چه‌ندێ كه‌ن دا كو كه‌سایه‌تیا مرۆڤان بشكێنن و توخووبێن وان بكه‌نه‌ ره‌خنێت نه‌ ئاڤاكه‌ر سفكاتیه‌كا نه‌شیرین دگه‌ل كه‌سێن به‌رامبه‌ری خوه‌ بكاربینن ئه‌ڤه‌ ژی جهێ داخێ یه‌. له‌وما یا گرنگ ئه‌وه‌ ئه‌م پرانیا ده‌مێ خوه‌ ب ڤان توَرێن كوَمه‌ڵایه‌تی ته‌رخان نه‌كه‌ین نها تشتێن گرنگتر و مفاتر ل به‌ر ده‌ستێ مه‌ هه‌نه‌ ئه‌م هزرێ تێدا بكه‌ین داكو كارتێكرنێ ل ده‌روونێ مه‌ نه‌كه‌ن و زانستێ مه‌ به‌ره‌ڤ لاوازیێ نه‌به‌ن و خوه‌ بكه‌ینه‌ ئاڤاكه‌ر بۆ جڤاكێ خوه‌ دا هه‌رده‌م جڤاكه‌كێ پێشكه‌ڤتی و ساخ و ساخله‌م و سه‌قامگیرل مه‌ په‌یدابیت وه‌كی گوتنه‌كا مه‌زنا یا هه‌ی دبێژن ئه‌وێ (هزرهه‌بیت و كارپێ نه‌كه‌ت دێ وێ هزرێ دگه‌ل خوه‌ به‌ته‌ دگوریدا).

78

وه‌كو یا دیار خه‌لكێ كوردستانێ زۆلم زۆرداریه‌كا زۆر یا دیتی ل سه‌ر ده‌ستێ رژێمێن دكتاتورێن به‌رێ و نوكه‌ ژی زۆربه‌یا خه‌لكێ كوردستانێ ل هیڤییا وێ روژێ نه‌ كو كوردستان وه‌كی وه‌لاته‌كێ سه‌ربه‌خوَ لێ بهێت و ده‌وله‌تا كوردی بهێته‌ راگه‌هاندن، هه‌روه‌سا دورستبوونا ده‌وله‌تا كوردی خه‌ونه‌كا كه‌ڤنه‌ و دیروكه‌كا دوم درێژ هه‌یه‌ و هه‌ر دگه‌ل ڤێ چه‌ندێ ژی ئه‌ڤه‌ بوَ ماوێ چه‌ندین سالانه‌ رۆژ بۆ روژێ گورانكاری كه‌تینه‌ د ناڤا كوردستانێ دا و یا به‌ره‌ڤ ده‌وله‌تبوونێ ڤه‌ دچیت ئه‌ڤه‌ژی پێنگاڤه‌كا مه‌زنه‌ بوَ ناڤ ناخێ كوردی دا. لێ سه‌ره‌رای وێ چه‌ندێ كو راگه‌هاندنا ده‌وله‌تا كوردی یاب ساناهیی ژی نینه‌ و كاره‌كێ گه‌له‌ك ب زه‌حمه‌ته‌ لێ هه‌ر چه‌نده‌ ئه‌ م پێتدڤی ب گه‌له‌ك رێنیشانده‌راینه‌ هه‌تا ئه‌م بشێین ڤێ چه‌ندێ ب ده‌ستخوڤه‌ بینین.
یا گرنگ ئه‌وه‌ ئه‌م ئاماده‌كاریه‌كا باش بۆ بكه‌ین و بیر ل هه‌موو سیناریوَیا بكه‌ین چونكی پاراستنا ده‌وله‌تا كوردی زه‌حمه‌تتره‌ ژ راگه‌هاندنا وێ و ئێكه‌مین كار ئه‌وه‌ ئه‌م هه‌ڤبه‌ندیا ئێكگرتنێ و ئێكرێزیێ د ناڤبه‌را هه‌می لایه‌نێن خوێن سیاسی دا په‌یدا بكه‌ین و ب شێوه‌كێ دادپه‌روه‌رانه‌ ئاڤابكه‌ین و پاشی هێزێن خوه‌ یێن سیاسی و سه‌ربازی بكه‌ینه‌ سه‌روه‌ره‌ك و ل دووف بچین، ئه‌گه‌ر ئه‌م به‌رێ خوه‌ ب ده‌ینێ نهێنیا هێزێن سیاسی و سه‌ربازی ل هه‌ر وه‌لاته‌كێ هێزا ئابوری یه‌ ژ به‌ر كو ئابور گرێدایێ هێزێ یه‌، بۆ نموونه‌ وه‌لاتێ قه‌ته‌ر بچووكترین وه‌لاتێ عه‌ره‌بیه‌ هێزا وێ یا ئابووری ل سه‌ر بنیاته‌كێ راست و دروست هاتیه‌ ئاڤاكرن هه‌تا نوكه‌ هه‌ڤركیا وه‌لاتێن دی یێن عه‌ره‌بی دكه‌ت، گرنگترین تشت بوَ سه‌ربه‌خوَبوونا ئابوریا كوردستانێ رولێ ئابوری یه‌ ئه‌و ژی ب رێكا كه‌رتێن ئابوری ل هه‌رێما كوردستانێ ئه‌ڤه‌ ژی ب بیته‌ زه‌مینه‌یه‌ك بوَ خوه‌شكرنا ئاستێ خوشگوزه‌رانیێ ل هه‌رێما كوردستانێ.
كوردستان یا ئاڤه‌دانه‌ ب ده‌ستڤه‌ئینانا داهاته‌كێ باش و پێدڤیه‌ داهاتێ خوه‌ به‌رده‌وام به‌ره‌ف زێده‌بوونێ ببه‌ت و ب رێكا ڤی داهاتی دێ شێت رابیت ب دورست كرنا چه‌ندین پروژێن ئابوری وه‌كی كه‌رتێ كشتوكالی، پیشه‌سازی، گه‌شتیاری و گه‌له‌كێن دیتر ژی و ب رێكا ڤان پروژان دێ گه‌هیته‌ مه‌زنترین ئاست ل سه‌ر وه‌لاتێن دن یێن جیهانێ بوَ نموونه‌: ئه‌گه‌ر ئه‌م به‌رێ خو ب ده‌ینه‌ كه‌رتێ كشتوكالی ئه‌م هند گرنگیێ پێ ناده‌ین و مه‌ ئاخه‌كا زێرین هه‌یه‌ پرانیا تشتێ مه‌ ل ده‌رڤه‌ بو مه‌ دهێت و نه‌یێ خوَمالی یه‌ ئه‌ڤه‌ ژی ئێك ژ خه‌مساریا مه‌یه‌ یان هاتنا گه‌شتیاران بوَ كوردستانێ سالانه‌ رێژه‌كا زوَر دهێت به‌لێ ئه‌م هه‌تا راده‌كێ زوَر گرنگیێ ب جهێن خوه‌ یێن گه‌شتیاری ناده‌ین، ئه‌ڤه‌ ژی خاله‌كا گرنگه‌ ئه‌م ژینگه‌هه‌كا پاڤژ و سه‌رده‌مانه‌ ئاڤا بكه‌ین بێگومان ئه‌ڤ رێكه‌ بوَ مه‌ دێ بنه‌ جهێ سود و مفا وه‌رگرتنێ دا هه‌موو پێكڤه‌ ببنه‌ ته‌واكه‌رێن ئێك دو، هه‌روه‌سا مه‌ ژێده‌رێن وزێ ژی هه‌نه‌ وه‌كی نه‌فت و غاز، هتد.. .. تایبه‌ت ل كوردستانێ مه‌ نه‌فته‌كا زوَر یا هه‌ی ئه‌م دشێین ڤێ نه‌فتێ بكه‌ینه‌ نه‌فته‌كا سه‌ربه‌خوَ و پالده‌ركه‌ بوَ مه‌ و ئه‌م ب كاربینین د گه‌ل وه‌لاتێن دیتر ئه‌م دشێین ڤێ نه‌فتێ سه‌رنجا وه‌لاتێن دیترێن جیهانی بوَ خوه‌ رابكێشین چونكی نه‌فت ئه‌ڤروَ وه‌كی دوسته‌كێ یا لێ هاتی بوَ وه‌لاتێن جیهانی ئه‌ڤه‌ ژی زه‌مینه‌كا تایبه‌ته‌ بوَ ده‌وله‌تا كوردی ژ لایێ جوَگرا فیێ ژی ڤه‌ یا گوَنجایه‌ چونكی ئه‌گه‌ر ئه‌م به‌رێ خوه‌ ب ده‌ینه‌ وه‌لاتێن دی ژمارا ئاكنجیێن وان د زوَرن لێ روبه‌رێ زه‌ڤیێت وان گه‌له‌ك دكێمن وه‌كی كوێتێ به‌س ل كوردستانێ ژمارا دانیشتوانا یا كێمه‌ و رووبه‌رێ زه‌ڤیا یێ زوَره‌ و ژ لایه‌كێ دی ژی ڤه‌ پێدڤیه‌ هێزێن مه‌ یێن سه‌ربازی چاڤدێریه‌كا زوَر ل سه‌ر هه‌موو سنوورێت كوردستانێ بكه‌ت؛ ئه‌ڤه‌ ژی دبه‌رژه‌وه‌ندا مه‌دایه‌ چونكی چه‌ند وه‌لاته‌ك یێن هه‌ین پێدڤی ب مه‌ هه‌یه‌ ئه‌و ژی دشێن هاریكار و پشته‌ڤان بن دگه‌ل هێزێن كوردستانێ چونكی وان ئامیرێن پێشكه‌ڤتی ێت هه‌ین و هه‌روه‌سا یا ژ هه‌میا گرنگتر ئه‌وه‌ ئه‌م خوه‌ بگه‌ هینینه‌ ئاسته‌ كێ زورێ بلند دابشێین ب ئاوایه‌كێ زوَر سه‌رنجا وه‌لاتێن زلهێز بوَخوه‌ رابكێشین. دا به‌رژوه‌ندیا وه‌لاتێ مه‌ نه‌ كه‌ڤیته‌ د مه‌ترسیێ دا و هندی بشێین ئه‌م كارێ خوه‌ ل نافخوه‌یا خوه‌ دا دورست كه‌ین نه‌ ژ وه‌لاتێن دی دورست كه‌ین دائه‌ م ژی به‌ره‌ڤ وێ ئارمانجێ بچین ئه‌وا مه‌ چه‌ندین ساڵا خوون بوَ رێتی و ره‌نج و خه‌باته‌ كا هه‌ژی بوَ كری.

132

ژن ئێك ژ ئه‌ندامێت هه‌ره‌ گرنگه‌ د ئاڤاكرنا خێزانێ دا و ئێكه‌ ژ ئاڤاكه‌رێت وه‌لاتی ژی و ژن یا به‌رنیاسه‌ ب ناڤێ خویێ پیروز و هه‌روه‌سا ژن ئانكو (ئافره‌ت) بۆ مه‌ هه‌میان و بۆ جڤاكی رامانێت مه‌زن د ده‌ن و ژن نیڤا جڤاكی یه‌ لێ سه‌ره‌رای وێ چه‌ندێ ژی هێشتا جهێ وێ ب دروستی نه‌ هاتیه‌ دان و هه‌ر ئه‌و ژنه‌ وێ نیڤا دی په‌روه‌رده‌ دكه‌ت و ئاڤاكه‌ت، ژیان ب ژنێ یاگه‌ش و رونه‌ و جڤاك ب هه‌ بوونا وێ یێ ئاڤایه‌ چنكی ئه‌و ژی ته‌مامكه‌ره‌ و هاریكاره‌ بو كه‌سێ به‌رامبه‌ری خو، ئه‌گه‌ر ئه‌ م به‌رێ خوده‌ینێ تاراده‌یه‌كێ یا به‌ره‌ڤ پێشكه‌فتنێ چوو یال بن ژیوارێ نه‌زانینێ ده‌ركه‌ڤتی لێ پا هێشتا یا مای هه‌تا گه‌هیته‌ گوپیتكا مافێ خویێ حه‌قانه‌، لێ وه‌كی یا دیار كو د ناڤا جڤاكێ مه‌دا هنده‌ توخیب و داب ونه‌ریتێن هه‌ین كو ژن نه‌شێت خو ل به‌ر سینگێ وان توخیبان و نه‌ریتان بگریت و هه‌تا نوكه‌ هێشتا ب دروستی نه‌شیایه‌ خو ئازاد و ئارام ب بیینیت د ناڤ جڤاكێ خودا و یاد دناڤ چار دیواران دژیت و خو كه‌ته‌ قوربانێ مافێ خو ئه‌و ژی هه‌می بو وێ چه‌ندێ ڤه‌دگه‌ریت كو جڤاكێ مه‌ ب چاڤه‌كێ كێم به‌رێ خو ده‌ته‌ ژنێ و ژبه‌ر ڤان داب و نه‌ریتێن كه‌ڤن و هه‌روه‌سا مه‌سه‌لێن عه‌شائیری هه‌ر د كه‌ڤن دا هه‌تا نها ئه‌ڤه‌ بوینه‌ رێگر و ئاسته‌نگ ل به‌ر سینگێ ژنێ نه‌ هێلایه‌ ژن ب ته‌مامی بچیته‌ دناڤ مه‌یدانا شوره‌ شێ دا ب دروستی رابیت ب ئه‌نجامدانا كارێ خویێ روژانه‌.
دكه‌ڤن دا ژن ل سه‌ر هنده‌ك بنه‌مایا هاتیه‌ په‌روه‌رده‌كرن و هه‌ر یا به‌رده‌وام ب كارێ كابانیكرنێ ئه‌ڤه‌ ژی كارتێكرنه‌كا نێگه‌تیڤ یا ل سه‌ر ژنێ كری و ب شێوه‌كێ نه‌داپه‌روه‌ری سه‌ره‌ده‌ری دگه‌ل هاتیه‌ كرن هه‌تا گه‌ هشتیه‌ قووناغا ژیانا هه‌ڤژینیێ و دێ وێ قووناغێ ژی دا ب دروستی ده‌رباز نه‌بوویه‌ وسه‌ره‌ده‌ریا وێ ل سه‌ر وی بنیاتێ كه‌ڤن هاتیه‌ كرن له‌وما هه‌تا نوكه‌ ژی یا دناڤا زیندانه‌كا بێ دوماهیك دا مافێ وێ ب دروستی نه‌هاتیه‌ دان روژ بۆ روژێ توندوتیژیا به‌رامبه‌ر وێ یا به‌رده‌وامه‌ ئه‌ڤه‌ ژی هه‌می بۆ وێ ئێش و ئازارن له‌وما ئه‌ڤرۆ ئه‌و روژه‌ یا ژن رابیت ب ئه‌ نجامدانا شوره‌شه‌كا به‌رده‌وام و هیڤیا به‌رخودانێ و پێكڤه‌ژیانێ ئاڤا كرنا جڤاكێ خو رابیت و خو نه‌كه‌ته‌ قوربانیێ مافێ خو ئه‌ وژی مافێ ب دروستی بده‌ته‌ خو كار ل سه‌ر بكه‌ت.

website security
WP Facebook Auto Publish Powered By : XYZScripts.com