NO IORG
نووترين نووچه
Authors Posts by زاگرۆس به‌رواری‮

زاگرۆس به‌رواری‮

زاگرۆس به‌رواری‮
20 POSTS 0 COMMENTS

1

زاگرۆس به‌رواری
كوردێن باشوورێ كوردستانێ،چ ل سه‌ر ده‌مێن ئه‌مبه‌راتۆریه‌تا عوسمانی، بیت چ ژی ل سه‌ر ده‌مێ سیسته‌مێ ده‌وله‌تا شاهێ عیراقێ و كۆمارێ! بیت. چ ده‌مه‌كێ ژ بۆ مافێن خوه‌ په‌نا نه‌ برییه به‌ر هێز و توند و تیژیان و هه‌ر رێیا لۆجیك و دیالۆگێ یا هه‌لبژارتی و باوه‌ری ب چاره‌سریێن ئاشتیانه‌ هه‌بوویه‌!
هه‌لبه‌ت دیرۆكێ گه‌له‌ك راستیێن ژیان و ره‌وشا كوردان یێن ل ناڤا لاپه‌رێن خوه‌دا تۆماركرین و دبێژیته‌ ئه‌ڤرۆكه‌ یا مه‌!. ئاها ئێكه‌م كۆمبوونا كوردان ل بهارا سالا (1907) ب ئاماده‌بوونا شێخ عبدالسلامێ دویێ یێ بارزان، و ل گوندێ بریفكا شێخان و ل مالا شێخ نورالدین بریفكانی ژ بۆ مافێن كوردان برێڤه‌چوو!
كوردان دخواستن ب رێیا یاداشته‌كێ و ب زمانه‌كێ ئاشتیخوازانه‌ داخوازیێن گه‌لێ كورد بگه‌هیننه‌ سولتانێ عوسمانیان كو پێكهاتبوون ژ چار خالان.ئێك: زمانێ كوردی بكه‌ن زمانێ فه‌رمی و ل ناڤچێ خواندنگه‌هێن كوردی ب زمانێ كوردی بن. دو:قایمقام رێڤه‌به‌ر و ناڤچه‌دارێن كوردستانێ زمانێ كوردی بزانن! سێ: چونكو ئۆلا ده‌وله‌تێ ئیسلامه‌ ل گۆر شه‌ریعه‌تا ئیسلامێ بریاران ده‌ربكه‌ن! چار: باجه‌یێن میر و ده‌ستهه‌لاتدار وه‌ردگرن ژ بۆ رێك و پر و خواندنگه‌هان بكاربینن!
لێ پشتی خواسته‌كێن خه‌لكێ گه‌هشتینه‌ سولتانی ل جهێ رێیا دیالۆگێ بگرن و به‌رسڤه‌كا ئاشتیانه‌ بده‌ن خوه‌سته‌كێن كوردان بهێزا ئوردیێن له‌شكرێن خوه‌ یێن داگیركه‌ر به‌رسڤا مافێن كوردان دان. مخابن وه‌كوو هه‌رجار و هه‌تا نووكه‌ ژی ئه‌و كه‌لتوورێ بێ ئیراده‌ی و نه‌ ئێكگرتن و ئێكرێزیا كوردان ژی یا به‌رده‌وامه‌ كو دوژمن و داگیركه‌ر وێ خالا مه‌ یا لاواز دزانن! پرانیا سه‌رۆك هۆز و كه‌ساتیان كو ژ تپلێن ده‌ستان ده‌ركه‌ڤن به‌رگری نه‌كر و ئیراده‌یا خوه‌ راده‌ستی داگیركه‌ران كرن.
شێخێ بارزان و هنده‌ك ژ شه‌ڕڤان و مریدێن وی به‌رگری ب خوینا خوه‌ ژیی كرن.!و ئیراده‌یا خوه‌ و یا ملله‌تێ كورد ژ نه‌مان و ژ ناڤچوونێ پاراستن!.
هه‌لبه‌ت ل ده‌ستپێكا دامه‌زراندنا ده‌وله‌تا عیراقێ یا ب زۆرداری كو ژ چه‌ند پارچه‌كێن ویلایه‌تا مووسل و به‌غدا و به‌سرا و چه‌ندین نه‌ته‌وه‌یێن ژ هه‌ڤ جودا جودا ل سالا (1921) ب ره‌زامه‌ندیا ده‌وله‌تا كۆلۆنیالست و داگیركه‌ر، ئینگیلته‌را هاتیه‌ دامه‌زراندن و شاه فه‌یسه‌ل بوویه‌ ده‌ستهه‌لاتدار.
هه‌لبه‌ت كوردان ده‌ست ژمافێن خوه‌ یێن نه‌ته‌وه‌یی به‌رنه‌دانه‌ و و گه‌له‌ك سه‌رهلدان و تێكۆشین ژ بۆ مافێن خوه‌ كرینه‌ ل هه‌مبه‌ر داگیركه‌رێن ئینگلیز ژی ب سه‌رۆكاتیا شێخ مه‌حمه‌ودێ به‌رزنجی ل شاره‌زۆر و سلێمانێێ ب پالپشتیا پرانیا كوردان ل سالێن (1919) شه‌رێ هه‌بوون و ئیراده‌ و مافێن خوه‌ كرینه‌. ئانكو ژ دامه‌زراندنا ده‌وله‌تا عیراقێ كوردان شه‌رێن ژ بۆ ئازادیێ و وه‌كهه‌ڤیا ژیانێ دگه‌ل عه‌ره‌ب و نه‌ته‌وه‌یێن ده‌ستهه‌لاتدارێن رۆژهه‌لاتا ناڤین یێن كرین و هه‌تا ئه‌ڤرۆیا مه‌ ژی ئه‌و شه‌ر و دیالۆگ و رێكێن ئاشتیانه‌ د به‌رده‌وامن.!
هه‌لبه‌ت ژ به‌ر وان گڤاشتن و سه‌رهلدانان ل سالێن (1925 ) كو ئێكه‌م ده‌ستوورێ بۆ عیراقێ هاتیه‌ دورستكرن و ئاماژه‌ ب مافێن كوردان هاتیه‌ دان.لێ پشتی شۆره‌شا (14) ته‌مووزێ ل (1958) ب رۆهنی ئاماژه‌ ب مافێن كوردان هاتیه‌ كرن كو ل عیراقێ دو نه‌ته‌وه‌یێن سه‌ره‌كی كورد و عه‌ره‌ب د گه‌ل پێكهاته‌یێن دی یێن نه‌ته‌وه‌ی و ئۆلی د ژین و د وه‌كهه‌ڤن د مافان دا.
لێ پرسیار ئه‌وه‌ بۆ وه‌كوو نوكه‌ ئه‌ڤرۆكه‌ یا ئه‌م تێدا د ژین شۆفینی و عه‌ره‌بێن داخله‌ دل شیان ئیراده‌یا خوه‌ ب سه‌ر ئیراده‌یا عبدالكریم قاسمێ سه‌رۆك كۆمارێ نوی و خوه‌دیێ سه‌رهلدانێ دا زال بكه‌ن؟ كو جاره‌كا دی كوردان نه‌جاری شۆره‌ش و سه‌رهه‌لدانێ بكه‌ن؟ چونكو به‌رسڤا ڤێ پرسیارێ یا دیاره‌ رژێم ب ئاوایه‌كێ ته‌كتیكی و پشتی پێگه‌هێ خوه‌ بهێز كرین و شیاین ده‌ستی ده‌یننه‌ سه‌ر هه‌موو داهاتێن عیراقێ.
جاره‌كا دی ژ ده‌ستووری باشگه‌ز بوون و ئه‌و خالێن گرێدای مافێن كوردان هه‌ر هه‌موو هاتنه‌ ژێر پێكرن و ژ وان سه‌ده‌مان جاره‌كا دی شۆره‌شه‌كا نوی ب رێبه‌ریا سه‌رۆكێ نه‌مر یێ نه‌ته‌وه‌یی بارزانیێ مه‌زن (11ـ ئیلۆنا ـ1961) ئێكه‌م چریسكا ئاگرێ ئازادیێ هه‌لبوو!
گه‌لێ كورد و كوردستانی ره‌ف ب ره‌ف جهێ خوه‌ د ناڤا شۆره‌شێ دا كرن شۆره‌ش ل سه‌ر ئاستێ رۆژهه‌لاتا ناڤین بوو ناسنامه‌یا گه‌لێ كورد و ل جیهانێ ده‌نگڤه‌دا. ل گه‌ل هندێ ژی كوردان، ئێكجار ژی په‌نا بۆ كارێن تیرۆرستی و ده‌رڤه‌ی مافێن مرۆڤان نه‌برن و شۆره‌ش بۆ هێلینا هه‌موو تێكۆشه‌رێن هه‌لگرێن ئازادیێ و وه‌كهه‌ڤیا ژین و ژیانێ، ب پێشه‌نگیا جینا پرۆلیتاریا.و گوند نشینێن وه‌لاتپارێزێن كوردستانێ.
ئاها هه‌ر ئه‌ڤ شۆره‌شه‌ بوو رژێما گۆربه‌گۆر سه‌دام حسین و دار و ده‌سته‌یێن وی یێن دورینده‌ و هووڤ ئینانه‌ سه‌ر چۆك ل هه‌مبه‌ر ئیراده‌یا گه‌لێ خوه‌راگرێ كوردستانێ! و دانوستاندن دگه‌ل سه‌رۆكاتیا شۆره‌شێ كرن و ل (11ـ ئادار 1970) ب داخوازی و مه‌رجێن شۆره‌شێ رازیبوون.
شۆره‌شێن كوردستانێ هه‌موو ژ بۆ ماف و ئازادی و ده‌مۆكراسیێ بوون. گه‌لێ كوردستانێ هه‌رجار و ب ئه‌خلاقانه‌ شۆره‌ش و ده‌رگه‌هێن شه‌ر و دیالۆگێ یێن داگیركه‌ران یێن قوتاین.! مخابن هه‌ر تم دوژمنێن غه‌دار و داگیركه‌رێن ئازادی و خاك و ژێرخانا ئابووریا وه‌لاتێ مه‌ ب ئاوایه‌كێ ته‌كتیكی یێن نێزیكی دۆزا ره‌وایا گه‌لێ مه‌ بووین.. گه‌له‌ك جاران ژی برێكا هنده‌ك پاتوخوه‌رو جاشێن كوردان یێن شیاین وه‌كو سالا (1988) شالاوێن ئه‌نفالان و ب هه‌موو چه‌كێن قه‌ده‌غه‌ كری ل هه‌له‌بچه‌ و هه‌موو كوردستانێ بكار بینن! باشه‌ گه‌لی هۆڤ و دورنده‌هان مانه‌ وه‌ گه‌له‌ك رێكێن ئانتی مرۆڤی و رێكێن ده‌رڤه‌ی مافێن مرۆڤی ل هه‌مبه‌ر كوردان یێن گرتینه‌ به‌ر ما گه‌لێ كورد ب كوشتن و ئه‌نفال و جینۆسایدێ ژناڤچوون؟؟
نه‌خێر به‌لكو ئیراده‌یا وان گه‌له‌ك مه‌زنتر و بهێزتر ژی لێهاتن و ده‌ست ژ دۆزا خوه‌ به‌رنه‌دان هه‌تا سه‌رهلدانا بهارا سالا (1991) و د شیان سه‌د به‌رامبه‌ر تۆل حه‌یفا خوه‌ ل له‌شكرێن وه‌ یێن دیل گرتی و بێ ئیراده‌ و ترسنۆك ئه‌وێن كوردستان داگیركرین،! ب ستینن! لێ ملله‌ت و گه‌لێ كوردستانێ به‌رۆڤاژی ده‌ستێ براتیێ بۆ وان درێژ كر و نان و ئاڤێن خوه‌ پێشكێشی وان كرن كو ئه‌ڤه‌ پره‌نسیپه‌كا دێرینه‌ د ناڤ گه‌ل وه‌لاتێ مه‌ دا ملله‌تێ مه‌ ب ڤان ره‌فتارێن بهادار شیایه‌ هه‌بوونه‌كا ب روومه‌ت ل سه‌ر ئاخا وه‌لاتی بپارێزیت!.
سالێن (2003)ێ كوردان ده‌رگه‌هێن ئه‌ڤان مه‌رگه‌سات و ئه‌نفال و رویباره‌كێ خوینێ یێ ب غه‌در و خیانه‌ت هاتیه‌ رژاندن گرتن و گیانێ تولڤه‌كرنێ دانا لایه‌كی و خوه‌ستن دگه‌ل ئۆپۆزسیۆنا عیراقێ ئه‌وا ب سایا وه‌لات و ئابووریا كوردستانێ ل سه‌ر لنگان ماین و ده‌ستێ خوه‌ بكه‌ن د ناڤ ده‌ستێن وان دا و ل جهێ شوینوارێن رژێما گۆربه‌گۆر و ئه‌وان برینێن خوین ژێ دهات. ب دله‌كێ سافی و د عیراقه‌كا نوی، ل ژێر ناڤێ عیراقا ده‌مۆكراتیك فره‌ نه‌ته‌وه‌ی و فه‌ده‌رال ل ژێر چاڤدێریا مه‌زمترین زلهێزا جیهانێ كو ئه‌مریكا یه‌ ژ نووڤه‌ بێته‌ ئاڤاكرن و دامه‌زراندن خوه‌دی هێز و سۆپا و له‌شكر و ده‌ستوور و دام و ده‌زگه‌هێن حكومی و سازیا په‌رله‌مانی و دادگه‌ها بلند و بلندكرنا چه‌ندین دوورشمێن مه‌زن كو ل داویێ هه‌موو بوونه‌ بلقێن سه‌ر ئاڤێ و د پراكتیكێ دا بۆ كوردان چ نه‌ هاتنه‌ بجههكرن.!
هه‌لبه‌ت ل سالێن (2005) كوردان رۆله‌كێ ئیكجار مه‌زن د نڤیسینا ده‌ستوورێ هه‌رتمی یێ عیراقێ دا هه‌بوو شیان شوین تبلێن خوه‌ ژ بۆ مافێن نه‌ته‌ووه‌یێن وه‌كوو توركمان و ئاشووری و كلدان و سریان و ئه‌رمه‌نیان ژی هه‌بیت. لێ دیسا لایه‌نێ ل سه‌ر مافێن ملله‌تێ مه‌ ل به‌غدا بووینه‌ ده‌ستهه‌لاتدار ل جهێ قه‌ربوویا مافێن مه‌ یێن ب ده‌ستێ رژیمێن ئیك ل دووڤ ئێكێن عیراقێ بكه‌ن!.
ئه‌وان ژی ده‌ست ب بنپێكرنا مافێن گه‌لێ مه‌ كرن و ژ ده‌ستووری و ب تایبه‌ت مادده‌یا (140) یا عه‌ره‌بكرنێ ده‌ستێن خوه‌ درێژی پرۆسێسا پێكڤه‌ژیانێ كرن و سال بۆ سالێ قه‌یران ل پێی قه‌رانێ و پالپشتی و چێكرنا كوسپ و ته‌گه‌ریان د رێیا مافێن ملله‌تێ مه‌ یێن ده‌ستووری و ئیستحقاقێن هه‌لبژارتنا و فشارێن ده‌رڤه‌ ژی بۆ سه‌ر هه‌رێما كوردستانێ ب رێكا داعشێن تیرۆرست و برینا قویتێ هه‌ژار و به‌له‌نگازێن ملله‌تێ مه‌ ژی ل سه‌ر هه‌موویێ دانان. تاكه‌ ده‌ستكه‌فتیێن پشتی پرۆسێسا ئازادیا عیراقێ یا كو گه‌لێ مه‌ شانازی پێ دكرن هه‌ر ئه‌ڤ ده‌ستووره‌ بوو. لێ ئه‌و ژی هه‌موو پێشێل كر، و ل داهاتویه‌كا نێزیك ژی ئه‌گه‌ر چاره‌سه‌ریا پرسگرێكان نه‌هێته‌ كرن و بۆ بچیته‌ سه‌ر،! دێ پرانیا مادده‌یێن ده‌ستووری ئه‌وێن گرێدای كوردان و ماف، ئازادیێن مرۆڤاتیێ، ل په‌رلامانێ عیراقێ ب بلندكرنا ده‌ستێن شۆفینیان دێ ژ ناڤ ده‌ستووری هێنه‌ لادان.
ئاها به‌رهه‌مێ عیراقا ده‌مۆكرات و عیراقا فیدرال یا نوی و براتیا كورد و عه‌ره‌بان، ل به‌ر چاڤێن مه‌سترین زلهێزا جیهانێ بوونه‌ ئه‌ڤا مه‌ ئاماژه‌ پێكرین.!
باشه‌ پرسیار ئه‌ڤه‌ یه‌ ما كیش ملله‌ت ل جهێ كوردا بیت! نه‌ ریفراندۆمێ به‌لكو دێ ئێكسه‌ر ب بریاره‌كا سیاسی راگه‌هاندنا ده‌وله‌ته‌كا نه‌ته‌وه‌یی، یا سه‌ربخوه‌ كه‌ت. لێ ل جهێ هندێ گه‌لێ مه‌ و ده‌ستهه‌لاتا سیاسیا كوردستانێ رێكا ئاشتیێ گرته‌ به‌ر و ریفراندۆم ب كار ئانی ژ بۆ چاره‌سه‌ریا ڤان كێشێن دوور و درێژ. لێ دیسا ب ئاسن و ئاگری به‌رسڤا ڤان خوه‌سه‌تاكان دان و مه‌ دیت ره‌وش هه‌تا چ ئاست یا مه‌ترسیدار بوو.
لێ دخوازم بالا خوه‌نده‌ڤانان بۆ خاله‌كا گرنگ بكێشم راسته‌ د ناڤ ڤان قووناغ و پرۆسه‌سێن دۆم درێژدا كوردان ژی ل ڤێره‌ و لایێ هه‌ ژی هنده‌ك كێماسی هه‌بوون. كو وێره‌كیێ بده‌نه‌ وان ده‌ستهه‌لاتدارێن ل به‌غدا. لێ نه‌ د ئاسته‌كێ بلند دا بوون ئه‌و لایه‌ن و كه‌سێن به‌رژه‌وه‌ند په‌رست و دار و ده‌سته‌یێن وه‌كوو وان د ناڤا گه‌له‌ك ملله‌تان دا یێن هه‌ین لێ ئیراده‌یا گه‌لێ كوردستانێ كو ژ سه‌رۆكاتیا هه‌رێم و حكوومه‌ت و په‌رله‌مانێ كوردستانێ پێكدهێن و نوێنه‌رێن راسته‌قینه‌نه‌ د شیان د رێكا وان دا هه‌موو پرسگرێكێن ده‌ستووری كو پشتی ریفراندۆمێ ئه‌و ژی وه‌كوو كارته‌كا فشارێ ل سه‌رخوه‌ ب په‌ژرینن و ل گه‌ل پێكبێن.!
لێ هه‌ر جار ل ژێر ناڤه‌كی و ناڤه‌رۆكه‌كا جوداتر ئه‌ڤ پرۆسێسه‌ بر و.كره‌ بازارێ شۆفینی و داخله‌دلێن عه‌ره‌ب و كه‌ڤنه‌ به‌عسی و شۆفینیێن گرێدای ئه‌ژندایێن ئیران و هتد.. كو ب مافێن كوردان بله‌یزن هه‌ر جار به‌هانه‌ كێ بینن و خه‌نجه‌ره‌كا ژه‌هركری ل دلێ كوردان بده‌ن؟ ب دیتنا من یا ژ ئه‌ڤرۆكه‌ و شویندا،! ژ ده‌ستهه‌لاتا كوردستانێ دهێته‌ خواستن ب كورت و كوردی.
ب هه‌لویسته‌كێ ئێكگرتی داخوازێن خوه‌ دوباره‌ بكه‌ن لێ ب مه‌رجێن ئێك: پێدڤیه‌ خالێن ل سه‌ر پێك تێن ل ده‌رڤه‌ی په‌رله‌مانێ عیراقێ بن.
دو: نابیت لایه‌نێن د ده‌ستوورێ عیراقێ دا رۆل هه‌ی و د نڤێسینێ دا واژوو ل سه‌ر كرین. و هه‌تا ئێخستیه‌ به‌ر راپرسیێ بكه‌ڤنه‌ ژێر باندۆرا شوفینیێن ره‌گه‌زپه‌رست.
سێ: ده‌مه‌كا كورت بۆ بجهكرنا ڤان خالان بێته‌ دانان.. چار: هه‌ر ده‌ما خالێن، مه‌ ئاماژه‌ پێكرین نه‌هاتنه‌ بجهه كرن؟ پێدڤیه‌ ب ئێك ده‌نگ و ره‌نگ خوه‌ ژ هه‌موو پرۆسێسا حوكمرانیا عیراقێ ڤه‌كێشن و به‌ژداری چ هه‌لبژارتنێن پێشوه‌خت نه‌بن. دا بزانن ریفراندۆم كارته‌كا زندیه‌ د ده‌ستێ كوردان دا.پێنچ: ل جهێ وێ حوكمه‌تا كوردستانێ درێژیێ ب چاكسازیان بده‌ت و كه‌سێن گه‌نده‌ل و ده‌رڤه‌ی قانوونێ بده‌ن دادگه‌هان و ل چاره‌سه‌ریه‌كا رویشه‌ی بگه‌رهن ژ بۆ دانا مووچه‌ و خوه‌شكرنا ژیانا ملله‌تێ خوه‌ ب ئاوایه‌كێ دادپه‌روه‌رانه‌ و چه‌ندین رێكارێن باش بێخنه‌ د ئه‌ژنده‌ و پلانێن خوه‌ دا. و ئێدی جاڤه‌رێی ده‌ستێن عه‌ره‌بێن شۆفینیێن سونی و شیعه‌ نه‌بن.

32

زاگرۆس به‌رواری

خۆیا یه‌ بێرێزی ل هه‌مبه‌ر ئۆل و تاكێن ئۆلی گه‌له‌كا جودایه‌ ژ شرۆڤه‌ و دیتنه‌كا لۆژیكی. هه‌لبه‌ت،بێی جوداهی ل گه‌ل چ بێرێزیا نینم، ل هه‌مبه‌ر ئۆل و پێغمبه‌ر و پێشه‌وایێن وان سلاڤێن خۆدێ ل سه‌ربن. بهێنه‌كرن.! ژ به‌ر هندێ پێدڤیه‌ د هشیاربین ل سه‌ر، ئه‌ژندایێن وه‌لاتێن داگیركه‌ر و رێكخستن و سازیێن تیرۆرستی و كریارێن ل فه‌ره‌نسا و ئه‌ورۆپا دهێنه‌كرن د ژی گه‌لێ سڤیل و سه‌ربرینا كه‌ساتیێن پسپۆر و بێگونه‌ه.ب دیتنا مه‌،یا دورست ئه‌وه‌ ل هه‌رێما مه‌ ل وه‌لاتێ مه‌،سازی و لایه‌نێن په‌یوه‌ندیدار د ڤی، بیاڤیدا داخوه‌یانیان بده‌ن رایا گشتی و كوردستانێ، ئه‌گه‌ر د ڤی واریدا، بێرێزیه‌ك هاتبیته‌كرن ژی! پێدڤیه‌ ب په‌یامه‌كا ئارام و ب رێكێن ئاشتیانه‌ بێته‌ پرۆته‌ستۆ كرن. د ڤێ خالێدا دخوازم بالا وه‌ بكێشمه‌ سه‌ر مژاره‌كێ كو ئیسلاما پاك و دلۆڤان گه‌له‌ك دووره‌ ژ وان كریار و ره‌فتارێن داگیركه‌ران ل سه‌ر ناڤێ ئیسلاما پیرۆز و خوه‌دایێ مه‌زن دژی نه‌ته‌وه‌یا كوردان كو پڕانی موسلمان،و نه‌ته‌وه‌یێن وه‌كو ئه‌رمه‌نی،ئۆلێن وه‌كوو جوهی،ئێزدی،كرستیان و زه‌رده‌شتی و…هتد.كرین و هێشتا دكه‌ن.! ژ جینۆساید و ئه‌نفال، هه‌تا سۆره‌تا فه‌تح ب ده‌ڤێن مه‌لایێن خوه‌ ل سه‌ر كوردێن عه‌فرینێ خواندن!. هه‌لبه‌ت رویێن وان یێن ڤه‌شارتی ژی تیرۆرستێن ده‌وله‌تا داعش بوون! ئه‌ڤه‌ هه‌موو كوردێن ساده‌ و دلپاك و موسلمانیا ژ دل دكه‌ن! ب ئاوێنه‌ یا هنده‌ك لایه‌نێن ئیسلاما چارچۆڤه‌كری یا سیاسی دانه‌ ژ بیركرن! خوه‌ ل جهێ داگیركه‌رێن زالم وهۆڤ،دكه‌نه‌ چه‌په‌ر ل دژی وه‌لاتێن ئه‌ورۆپی و ب تایبه‌تی فه‌ره‌نسا! لێ د هه‌مان ده‌م دا، ل وه‌لاتێ خوه‌ مه‌ لایه‌نێن هه‌یین نوونه‌ریا مه‌ دكه‌ن، مامۆستا و زانایێن ئۆلێ ئیسلامێ و وه‌زاره‌تا ئه‌وقافێ د شێن ل جهێ جڤاكا مه‌ داخوه‌یانیان بده‌ن! كو بخوه‌ ئه‌ركێ وانه‌. لێ مخابن هنده‌ك لایه‌ن یێن بنكه‌فشێن هه‌ژاران پری تێنتی دكه‌ن كو ب فیتا داگیركه‌ر و دوژمنان باخڤن و داخوه‌یانی و گۆتنێن:بێرێز،و نه‌ ژ دوور و نه‌ ژ نێزیك،نه‌ په‌یاما راسته‌قینه‌یا ملله‌تێ كورد یێ موسلمانه‌،ب دژی وه‌لاته‌كێ وه‌كو فه‌ره‌نسا كو ل سالێن ( 1988 ئه‌نفالێن ره‌ش و ل كۆچا ملیۆنیا سالا 1991 ) خوه‌ ل گه‌لێ مه‌ كریه‌ خودان. ب هه‌لویست و جامێریا وان ل جڤاتا ئاسایشا ناڤنه‌ته‌وه‌یی و ب بریارا (688) ملله‌تێ مه‌ ژ قڕكرن و دۆزا وان ژی ژ ناڤچوونێ ڕزگاركرین!. دوهی بوو! وه‌لاتێ فه‌ره‌نسا (محمد)ێ زارۆك ب نوێنه‌ریا كوردێن رۆژئاڤا و یێن هه‌موو جیهانێ،ئه‌و مه‌زلوۆمیه‌تا لاشێ هه‌موو كوردان ده‌رمان دكر!یا سێرتر ژی برینێن،سه‌رلاشێ وی ب بۆمبێن موسلمانێن ئه‌ردۆغانی بوون.! و فه‌ره‌نسیێن ئه‌و د بێژن:گاورن! ب چاڤه‌كی مرۆڤی و به دلۆڤانیا خوه‌ ده‌رمان دكرن.حه‌یف و مخابن بۆ كوردێ هه‌ژار، ب دیف فیتا، كرێگرتیان بكه‌ڤیت! و نزانیت كو ئه‌ڤه‌ نه‌ ئه‌ركێ وی یه‌! و باوه‌ری ب هه‌بوونا خوه‌ نه‌بیت و داگیركه‌ران وه‌كوو نوێنه‌رێن خوه‌ بزانیت!

5

زاگرۆس به‌رواری

د دیرۆكا كوردستانێ دا هۆز، عه‌شیره‌ت، لایه‌ن، ته‌ڤگه‌ر، پارت، هه‌رێم، هه‌ر هێزه‌كا عه‌شیره‌تگه‌ری، ئۆل،رێبازێن شێخ و ده‌ربه‌گیێ. و حزبایه‌تی و هه‌تا د گه‌هیته‌ ئه‌ڤرۆیا مه‌ ژی چ ده‌ڤه‌ره‌كا ڕزگار كری بیت! یان ژی هه‌رێم بیت! چه‌ندین هێزێن چه‌كدار ل جهێ ل هه‌مبه‌ری دوژمنێن خوه‌ یێن سه‌ره‌كی كو داگێركه‌رێن ئاخ و نشتیمانێ خوه‌،كوردستانێ بكارئینا بن، به‌لكو به‌روڤاژی د شه‌ڕێن ناڤخوه‌یدا هاتینه‌ بكارئینان و ده‌ستێن خوه‌ ب خوینا ئیكودو سۆر كرینه‌.
ئه‌ڤ هێزێن چه‌كدار هه‌ر ده‌م ل هه‌مبه‌ری به‌رژه‌وه‌ندیێن گشتی كو خاله‌كه‌ ملله‌تێ كورد پێكڤه‌ گرێده‌ت. گه‌ف بووینه‌ د خزمه‌تا داگیركه‌ران دا. هه‌لبه‌ت ئه‌ڤ هێزه‌ زێده‌تر ل سه‌رده‌مێن میر و به‌گێن كوردان د بوونه‌ سووارچاكێن كۆمكوژی و ژناڤبرنا ئێك ب تایبه‌تی ل سه‌رده‌مێ ئه‌مبه‌راتۆریه‌تا عوسمانیان.
هنده‌ك بوونه‌ دارده‌ستێن وان، ب ناڤێن سووارێن حه‌میدییان، ل دژی سه‌رهلدان و شۆره‌ش و تێكۆشه‌رێن كوردان و ب تایبه‌تی نه‌ته‌وه‌یا جیران و دۆست ئه‌رمه‌نیان ل گۆره‌یی به‌رژه‌وه‌ندیێن خوه‌ بكار ئیناینه‌، ژ بۆ سه‌ركۆتكرن و ژناڤبرنا نه‌ته‌وه‌یا ئه‌رمه‌نی، و هتد… ب ڤان هێزێن كرێگرتی ده‌ستێ دوژمنی بهێز بوو، ل هه‌مبه‌ر نه‌یارێن خوه‌.
ل سه‌رده‌م و قووناغێن شۆره‌شێن كوردی و كوردستانێ ژی. قووناغ ب قووناغ، ناڤێن ڤان كرێگرتیێن دگه‌ل داگیركه‌ران ژی، ناڤێن وان هاتینه‌ گوهارتن، وه‌كو جاش،چه‌ته‌، هاتینه‌ بناڤكرن ژی. سه‌ره‌رایی ڤێ چه‌ندێ ژی، گه‌له‌ك جاران لایه‌ن و پارتێن خوه‌دی ئارمانجێن نه‌ته‌وه‌یی و خوه‌دی دۆز پارێزڤانێن مافێن مرۆڤی ژی كه‌فتینه‌ داڤ و بووسه‌یێن دوژمنی و هاتینه‌ خاپاندن، ل سه‌ر ئه‌ژندایێن داگیركه‌ران.
هه‌لبه‌ت لایه‌نێن شه‌ڕێن ئێك د كر ژی خوه‌دی درووشمێن بریقه‌دارێن وه‌كو سه‌رخوه‌بوونا كوردستانێ، ئۆتۆنۆمیا راسته‌قینه‌، فیدرالیه‌ت، و هتد.. شۆڕه‌ش ل پێی شۆڕه‌شێ به‌رپا كرینه‌ ژ بۆ وان مافێن وه‌كو نه‌ته‌وه‌یێن دی كو ژ ده‌ست نه‌ته‌وه‌یا مه‌ چووینه‌. لێ حه‌یف و مخابن. خودانێن ڤان درووشمان خوه‌دیێن ڤان شۆره‌ش و ب هه‌زاران شه‌هیدان، ب ده‌هان جاران به‌رێ لولیێن چه‌كێن خوه‌ یێن داینه‌ سینگێ ئێك و ب سالان ژی ڤێ خوین رێتنا د خزمه‌تا داگیركه‌راندا یا ڤه‌كێشای.
گومان تێدا نینه‌ كوردان ئه‌ڤ شه‌ڕێن ناڤخوه‌ی نه‌ د ڤیان له‌وا ب ناڤێن شه‌ڕێن كوردكوژی، براكۆژی، خوه‌كوژی، بناڤكریینه‌. ل گه‌ل ڤێ چه‌ندێ ژی هه‌ر ل سه‌ر شه‌ڕێن خوه‌ د به‌رده‌وام بوون.
هه‌لبه‌ت ئه‌ڤ زێهنیه‌ت و سایكۆلۆژیا هه‌ ژی ب دیتنا من ژ وێ چه‌ندێ د هات! كو چه‌ندین گرۆپێن چه‌كدارن، ل جهێ ئارێشێن خوه‌ ب دیالۆگ و ئاشتیانه‌ چاره‌سه‌ر بكه‌ن!، په‌نا بۆ هێزێ دبر ژ به‌ر ئادیۆلۆژیێن خوه‌ یێن ژێكجودا جودا. كو ژ لایه‌نه‌كی ب تنێ ڤه‌ ناهێن برێڤه‌ برن. ئانكو ژ گه‌له‌ك لایه‌نان ڤه‌ دهێنه‌ كۆردینه‌كرن. كو د ناڤ هێزه‌كێ بخوه‌ دا ژی كۆردینه‌كا ناڤه‌ندی نینه‌، به‌لكو چه‌ندین كوردینه‌كرن یێن هه‌ین و ل (16) ئۆكتۆبه‌رێ ئه‌ڤچه‌نداهه‌ گه‌له‌ك ب باشی خوه‌یا بوو.
ژ به‌ر هندێ چه‌ندین جاران یێن كه‌فتینه‌ شه‌ڕێن روو ب رووبوونێ ل هه‌مبه‌ری هه‌ڤ شه‌ریَِن دۆم درێژ یێن كرین و هه‌تا یا گه‌هشتیه‌ وی ئاستی د شه‌ران دا دیلێن ئێك ژی بێیكو پره‌نسیپێن ناڤنه‌ته‌وه‌یی یێن دیلا ل به‌ر چاڤبگرن و ل دادگه‌هه‌كێ بریار ل سه‌ر چاره‌نڤیسێ وان بێته‌ دان. ل قادا شه‌ڕی هاتینه‌ گوله‌بارانكرن.!
هه‌لبه‌ت ل قووناغا عه‌شائیری، سنۆر و دستوورێن هۆزاتیێ و ئارمانجێن وان و یێن سووارێن حه‌مێدیان ددیارن.! ل ڤێره‌ جاشاتیا مودێرن و ل قووناغێن زانین و پێشكه‌فتنێ دا یا به‌رده‌وام بوو. و هه‌تا گه‌هشته‌ ئاستێ هه‌ری بلند كو ل هه‌مبه‌ری چه‌ند هزار پێشمه‌رگه‌یان ب سه‌دان هه‌زار جاش هاتبوونه‌ دورستكرن. و ل داویێ ژی د ناڤ زبلدان، و دیرۆكه‌كا ره‌شدا مان.
لێ مه‌ د ڤێت بێمه‌ سه‌ر خالا سه‌ره‌كی و ئاماژێ ب هێزێن كوردی یێن شۆره‌شگێر بكه‌ین! بۆ؟ هنده‌ شه‌ر و تاوان ل هه‌مبه‌ر ئێك كرینه‌؟ و ملله‌تێ خوه‌ كریه‌ قوربانی، هێشتا د رژدن و مه‌ترسینه‌ ل سه‌ر به‌رژه‌وه‌ندیێن هه‌ڤدو.
ئه‌و ژی بۆ چه‌ند خاله‌كان دزڤریت! ئێك: ل باشوورێ كوردستانێ چه‌ندین هێزێن چه‌كدار یێن هه‌یین! و پرانی گرێدای لایه‌نێن سیاسی نه‌.دو: د هه‌مانده‌م دا هێزێن چه‌كدار یێن پارچێن دی یێن كوردستانێ ژی وه‌كو (پ.ك.ك، حدك. حدكا، كۆمه‌له‌، پژاك، پاك) و.. هتد. هه‌ر چه‌نده‌ جهێ خه‌باتا وان و تێكۆشینا وان یا سیاسی، چه‌كداری، جڤاكی، ل پارچێن باكوور و رۆژهه‌لاتێن كوردستانێ نه‌. لێ ئه‌و ژی ژ به‌ر هێزا خوه‌ یا چه‌كدار یێن شیاین هنده‌ك ناڤه‌ندێن هه‌رێمێن پاراستنا مه‌دیا، ب وێ هێزا چه‌كدار خوه‌ حاكمێن هنده‌ك ده‌ڤه‌رێن چیای و سنۆری د بینن.! و ل ژێر كۆنترۆلا وان داینه‌. ئاها خالا مه‌ترسیدار ل ڤێرێ ده‌ستپێ دكه‌ت و زه‌مینه‌ زێده‌تر خوه‌ش د بیت بۆ شه‌رێن ناڤخوه‌یی.!
سێ:هه‌لبه‌ت پره‌نسیپ و قانوونێن هه‌رێمێ و یێن نه‌ته‌وه‌یی و ناڤنه‌ته‌وه‌یی، ل به‌رچاڤ وه‌رناگرن. خوه‌ دكه‌نه‌ پشكه‌ك ژ ئارێشه‌ و بوویه‌رێن هه‌رێما كوردستانێ و د پشترا دبنه‌ بارگرانی ژ بۆ هه‌رێما كوردستانێ و كارته‌كا لاواز د ده‌ستێ رایه‌دارێن هه‌رێما كورستانێ دا دهێلن.كو خوه‌ وان ژ فشارێن داگیركه‌ران پێ بپارێزن.!
چار: مخابن هه‌تا نوكه‌ د شیان دا نه‌بوویه‌ هه‌رێما كوردستانێ هێزه‌كا ئێكگرتی یا پێشمه‌رگێ كوردستانێ دورست بكه‌ت. كو ئه‌و ژی سنوورێن ده‌ستهه‌لاتداریا خوه‌ و سنوورێن باشوورێ كوردستانێ ب باشی پێ بپارێزن.
هه‌لبه‌ت هێزێن هه‌یین ژی نه‌ ل ئاستێ هندێ نه‌ كو ب سه‌رێ خوه‌ هنده‌ك بریاران بده‌ن. یا هه‌یی ژی ل ژێر باندۆرا حزب و لایه‌نێن خوه‌دا ینه‌. و ئه‌ڤ چه‌ندا هه‌ ژی نه‌ د خزمه‌تا ئاشتی و ئارامیا هه‌رێما كوردستانێ دا یه‌. چونكو هه‌رده‌م ئه‌ڤ نه‌خشه‌یێ پری چه‌كدار و هێز د بنه‌ گه‌فه‌كا مه‌زن ل سه‌ر به‌رژه‌وه‌ندیێن حوكمه‌تا كوردستانێ. ئه‌ڤ ره‌وشا هه‌ یا مه‌ترسیداره‌ و دبیت ژ نشكه‌كێ ڤه‌ بته‌قیت…!
لێ ب باوه‌ریا مه‌ یا دورست ئه‌وه‌ ل باشوور هه‌ولێن هێزه‌كا ئێكگرتی ل ژێر سه‌رۆكاتیا هه‌رێما كوردستانێ ب زووترین ده‌م بێته‌ دورستكرن، و لایه‌نێن دی یێن مه‌ ئاماژه‌ پێكرین ژی خوه‌ ژ كویراتیا باشوورێ كوردستانێ ڤه‌كێشن و خه‌باتا خوه‌ یا چه‌كداری و سیاسی ب بنه‌ قاد و مه‌یدانا خوه‌ یا راسته‌قینه‌ و درێژیێ ب شۆره‌شا خوه‌ بده‌ن، وی ده‌مێ دێ هه‌رێما كوردستانێ ژی، ژ مه‌ترسیا به‌ركه‌فتنا شه‌ریَِن ناڤخوه‌ی رزگار بیت.

17

زاگروس به‌رواری
ب هه‌لكه‌فتا بۆرینا سه‌د رۆژان ب سه‌ر ئه‌رك و كارێ حوكمه‌تا كوردستانێ كابینا نه‌هێ را ده‌رباز دبیت، سه‌رۆكێ حوكمه‌تا كوردستانێ مه‌سرۆر بارزانی ب گۆتار و په‌یامه‌كێ كارین خوه‌ و حوكمه‌تێ نرخاندنه‌كا بابه‌تیانه‌ بۆ كر، جاره‌كا دی ته‌كه‌زی و رژدیا خوه‌ دوباره‌كر ل سه‌ر كارنامه‌یا حوكمه‌تێ.
هه‌لبه‌ت حوكمه‌ت ژ بۆ هندێ هاتیه‌ ئاڤاكرن دا رێیێن ژیانێ ل به‌ر وه‌لاتیان خۆشتر و ب ساناهیتر لێ بكه‌ت! و د خزمه‌تا هه‌مى چین و ته‌خه‌یین وه‌لاتی دا و ب تایبه‌ت مالبات و كه‌سوكارین سه‌ربلندێن شه‌هید و جانگوریان دا، رۆژ بۆ رۆژێ گاڤێن وێره‌كانه‌تر باڤێژیت.
پێدڤیه‌ كابینا نوو گرنگیێ ب كه‌رتێ تایبه‌ت بده‌ت و ده‌رگه‌هێن خوه‌ بۆ ڤه‌كه‌ت كو ئه‌و ژی پتر گه‌شه‌یێ بكه‌ن ژ بۆ ئاڤه‌دانی و گرنگیدان ب به‌رهه‌مێن ناڤخوه‌ و ڤه‌كرنا كارگه‌هێن گرێدای به‌ر ب بۆمێ كوردستانێ كو د ڤی بیاڤی دا ب ده‌هان هزار كه‌سێن كورد ژ هه‌ردو ره‌گه‌زێن مێر و ژن، كاری ب گریبَه‌ستین دورست د رێیا وان دا بكه‌ن.
هه‌لبه‌ت ب ڤان رێیان، دێ شێین ژ لایه‌كی ڤه‌ گرنگیێ ب به‌رهه‌مێن ناڤخوه‌ ده‌ن و ژ لایێ دیڤه‌، دێ تاكێ كورد ژ بێكاری و ده‌ستكورتیێ رزگار بیت. و بیته‌ بارسڤكیه‌كێ رێخستی و ب پلان ژ بۆ حوكمه‌تا كوردستانێ.
ل چ ده‌ڤه‌رێن جیهانێ حوكمه‌ت نه‌شیاینه‌ ملله‌ت و وه‌لاتێ خوه‌ ل سه‌ر داهات و پشتا خوه‌ بخودان بكه‌ن. هه‌كه‌ نه‌ ب رێیا كه‌رتێ تایبه‌ت بیت، كو ب ڤێ رێیا هه‌، دێ حوكمه‌ت شێت ژ لایه‌كی ڤه‌ ژ قه‌یرانان رزگار بیت و ژ لایێ دیڤه‌ پتر رێ ل گه‌نده‌ل و گه‌نده‌لكاران گریت.
ژ گۆتارا سه‌رۆكێ حوكمه‌تێ دیاربوو كو پرۆسیسا دژی گه‌نده‌لكاران یا به‌رده‌وامه‌ و د ڤی واری دا گه‌له‌ك كه‌سێن گه‌نده‌ل باده‌ك و دۆسیێن بۆ هاتینه‌ ڤه‌كرن.
و دبیت ب ده‌هان یێن هاتینه‌ راپێچكرن بۆ به‌ر دادگه‌هان كو ب سه‌رێ خوه‌ ئه‌ڤه‌ باشترین پێنگاڤه‌ حوكمه‌تا كوردستانێ هاڤێتی.
لێ ب دیتنا من دڤێت حوكمه‌ت و سه‌رۆكاتیا وێ ل ریشالا ڤێ مژارێ بگه‌رێین كا چاوا دز كریه‌ د ناڤ داموده‌زگه‌هێن حوكمه‌تێ دا!
ئه‌م باش دزانین كه‌سێن دهێنه‌ به‌ربژاركرن ژ لایێ پارت و ئالی و ته‌ڤگه‌رێن كوردستانێ ڤه‌ دئێنه‌ به‌ربژاركرن ژ بۆ هه‌ر پۆسته‌كی ژ پۆستین حوكمه‌تێ.
گرنگه‌ هه‌ر ل ده‌ستپیكێ بزانن گه‌لۆ ئه‌ڤ كه‌سه‌. هه‌تا چ ئاست یێ ده‌ستپاك و دلسۆزێ گه‌ل و ولات و پارتیا خۆیه‌؟
داهات و سه‌روه‌ت و سامانێن وی بێنه‌دیاركرن و پاشی ل ده‌ف پارتی و لایه‌نێ وی ب رێیا پارێزه‌ر و راوێشكارێن قانوونی به‌لین نامه‌یه‌ك ل سه‌ر بێته‌ دورستكرن. كو هه‌ر ده‌ما پۆستێ خوه‌ وه‌رگرت، دێ ب دروستی و دلسۆزی كاری بۆ گه‌ل و ولاتێ خوه‌ كه‌ت.
ژ لایێ دی ڤه‌ پشتی پۆستی وه‌ردگریت ل گۆره‌یی قانوونێ پێدڤیه‌ جاره‌كا دی دووڤچوون ل داهاتێ وی بێته‌كرن كا هه‌تا چه‌ند زێده‌ و گورانكاری تێدا هاتینه‌كرن!
و دگونجیت ل گه‌ل مووچه‌ و داهاتێ بۆ هاتی! د وان چه‌ند سالێن ئه‌و پۆسته‌ وه‌رگرتی! یان زێده‌تره‌! و دشێن د وی واری دا دووڤچوون و پێداچوونێن قانوونی د گه‌لدا بكه‌ن! كه‌سێن ده‌ستپاك بهێنه‌ دیاركرن و د ناڤ گه‌ل و ملله‌تی دا و ل به‌ر ئه‌كرانیێن تیڤی و راگه‌هاندنێ بێنه‌ پاداشت و خه‌لاتكرن، دا بۆ ملله‌ت و تاكێ كورد باشتر دیار بیت كو پرۆسا دژی گه‌نده‌لكاران یا به‌رده‌وامه‌.
هه‌لبه‌ت دڤێت پرۆسیس ژ كادر و ئه‌ندامین حزبان ژی بگریت و ئه‌و ژی بكه‌ڤنه‌ به‌ر لێ پێچین و ژێر چاڤدێریا لایه‌نێ خوه‌ یێ د ڤی كاری دا به‌رپرسیار. هه‌كه‌ ئه‌ڤ پێرابوونه‌ به‌س بۆ وان كادر و كارمه‌ندێن حوكمه‌تێ ب ته‌نێ بن چ گورانكاری د ڤێ پرۆسێ و دژاتیكرنا گه‌نده‌لیێ دا ناهێنه‌كرن، به‌لكو به‌روڤاژی دێ پتر ئه‌ڤ گه‌نده‌لیه‌ یا به‌رده‌وام بیت، لێ د رێیێن حزبی دا.

22

زاگرۆس به‌رواری
ده‌وله‌تا توركان ل سه‌ر ‌ئێك: نه‌ژاد و ئێك: زمان و ئێك: ئۆل و ئێك: نه‌ته‌وه‌ هاتیه‌ ئاڤاكرن، خوه‌دی باندۆر و هه‌ژموونه‌، دخوازیت پێگه‌ه و هه‌ژموونا خوه‌ ل رۆژهه‌لاتا ناڤین، ب جهه و ب هێز بكه‌ت، !
لێ د رێیا پرۆژێن خوه‌ دا، سه‌ره‌رایی پرسگرێكێن ئابووری و سیاسی، هه‌لبه‌ت ده‌رڤه‌ی ڤێ چه‌ندێ ژی، گومان تێدا نینه‌ ل هه‌رچار پارچه‌یێن كوردستانێ كوردان و دۆزا وان و مافێن وان یێن ره‌وا، ل سه‌ر پرۆژێن خوه‌ مه‌ترسیدار د بینیت! ئانكو ئاسته‌نگا مه‌زن د رێیا توركیا دا كوردن.
هه‌كه‌ ژ ده‌ستی بهێت دێ ب گه‌له‌ك به‌هانه‌یان و هه‌ولێن خوه‌ یێن به‌رده‌وام كوردستانێ ب گشتی وه‌كو باژارێ عه‌فرینا رۆژئاڤایێ كوردستانێ داگیربكه‌ت.! بێخیته‌ ژێر هه‌ژموونا خوه‌. هه‌ولدانێن له‌شكری ب گه‌له‌ك به‌هانه‌یان د به‌رده‌وامن، لێ هه‌موو پلان ب رێیا له‌شكه‌ری، به‌لكو دێ یا ب ئاسته‌نگ بیت، هه‌ر ژ به‌ر به‌رخوه‌دانێ، و فشارێن وه‌لاتێن ده‌وروبه‌ر و یێن جیهانی كو ب به‌هانه‌یا داگیركرنا ئاخا وه‌لاته‌كێ هه‌ڤسنۆر.
لێ ژ ئالیێن ئابووری، چاندی و ئۆلی و په‌روه‌ردێ دا، ب ملیاران، دۆلار یێن خستینه‌ د وارێن ڤه‌به‌رهێنانێ دا. و ژ ئالیێ دیڤه‌ ژی چه‌ندین دراڤی ژ بۆ ئاسملاسیۆنا چاند و زمانی مه‌زاختینه‌، ل باشوورێ كوردستانێ.
كه‌لوپه‌لێن خوارن و ئاڤه‌دانی و ئاڤاكرنێ ژی ل بازارێن كوردستانێ ب پرانی دهێنه‌ سپیكرن و بازاركرن و ب نرخكرن، گه‌لۆ ما ئه‌ڤه‌ ژی نه‌ پارچه‌كه‌ ژ پرۆژێ داگیركاریا ده‌وله‌تا توركیا؟

ب دیتنا من، توركیا ل ڤێ چه‌ندێ ژی نا سه‌كنیت! هه‌تا پرۆژێ ده‌ڤه‌ره‌كا ئارام ژ سنۆرێن عه‌فرینێ و كۆبانێ و ده‌ڤه‌رێن باشوورێ كوردستانێ ژ حه‌فته‌نین و زاپ و خواكوورك و خنیره‌ حه‌تا دگه‌هیته‌ قه‌ندیلی.گومان تیدا نینه‌ دێ ل هه‌ر پارچه‌كێ شیوازێن داگیركرنێ، پلانێن وێ جوداتر بیت.لێ ئارمانج و پیلان وه‌كوو ئێكن.
هه‌لبه‌ت ئه‌ڤ ده‌ڤه‌رێن تینه‌ دورستكرن ژ بۆ هندێ نه‌، دا كورد ژ ده‌ڤه‌ر و ژ ئێك ب ته‌مامی و ب ته‌ڤای، بێنه‌ قوتكرن و ڤه‌قه‌تاندن، و دورخستن. ئه‌ڤ پرۆژه‌ ژی ب سێ قوناغێن، ده‌م كورت و ناڤه‌ندی و دۆمدرێژ بیت.
هه‌روه‌ها، ده‌ڤه‌رێن ب ناڤێ ده‌ڤه‌رێن ب ئه‌وله‌هی و ئارام! دێ هینه‌ قه‌ده‌غه‌ كرن ژ سڤیل و خوه‌دیێن وان یێن ره‌سه‌ن. و ده‌ڤه‌ر دێ ب ته‌ڤای بنه‌ قادێن شه‌ر و لیكدانێن سه‌ربازی، د هزر و بیرێن وان و نه‌ژاتپه‌رستێن تورك، و ب ره‌گه‌زپه‌رستیا وان كو به‌ری چه‌ند رۆژان جاره‌كا دی د كه‌ساتیا كوردێن باشوور ئه‌وێن بۆ گه‌شتوگۆزارێ چووینه‌ باژارێ ترابزۆنا توركی ب رۆهنی خوه‌یابوو! كا چاوا ره‌گه‌سپه‌رستێن تورك ژ به‌ر ئالایا كوردستانێ ب سه‌دان كه‌سان هێرش بره‌ سه‌ر گه‌شتیاران و گۆت ڤێره‌ توركیه‌ نه‌ كوردستانه‌ وه‌ ماف نینه‌ كو هوون ئالایێ كوردان ب سینگێ خوه‌ ڤه‌كه‌ن! واته‌ كورد د چاڤێن وان دا هه‌ر كودن!.
لێ دبیت د پاشه‌رۆژه‌كا دی و ل گۆره‌ی پلانێ توركی و میساقێ مللی، وان ده‌ڤه‌ران ژ هنده‌ك توركان یان كه‌سێن گریدای وان تژی بكه‌ن و ب درێژاهیا ده‌می دێ ل سه‌ر پرۆژێ خوه‌ هه‌تا ئاسته‌كی بسه‌ركه‌ڤیت، هه‌كه‌ د فه‌رمیه‌تێ دا میساقا مللی یا تورك دبێژن: ویلایه‌تا مووسل كو ژ هه‌موو باشوورێ كوردستانێ پێكدهێت نه‌كه‌ڤیته‌ ژێر ده‌ستهه‌لاتا وان ژی! لێ پشتی ڤان پێنگاڤان دێ بیته‌ رێگری و سنۆره‌ك ژ بۆ وان مه‌ترسیێن ژ كوردان هه‌ین.
هه‌لبه‌ت هێشتا ئه‌ڤ پرۆژه‌ و پلان و پیلانه‌ د رێكێ دا و نیڤجوو، پێدڤیه‌ كورد هنده‌ك پێنگاڤان بهاڤێژن، ئێك: خوه‌دی ستاتیژیه‌ك بن، دو: رێزێ ل سه‌روه‌ری و ده‌ستهه‌لاتداریێن ئێك بگرن.! سێ: د وارێن دپلۆماسیێ دا. خوه‌دی ئێك: دیتن و گۆتار بن. چار: ل گه‌ل هندێ ژی ده‌رگه‌هێ دیالۆگ و دانوستاندنێ ژ بۆ چاره‌سه‌ریێن ئاشتیانه‌ د ڤه‌كری بن.پێنچ: شۆره‌شێن دیمۆكراسی و شارستانیه‌تێ، پێشبێخن، بۆ نموونه‌ هندی د هه‌لبژارتنان دا ب هێز بكه‌ڤن دێ پتر نێزیكی مافێن خوه‌ و چاره‌سه‌ریا دۆزا خوه‌ بن.!

12

زاگرۆس به‌روارى
ب دیتنا من پشتی ئاكپارتی د هه‌لبژارتنێن 31 مه‌ها ێادارا ده‌ربازبووی یێن شاره‌داریان چه‌ندین ناڤه‌ندین گرنگ یین ئابووری و گه‌شتوگوزاری و سیاسی ژ ده‌ستداین.!
رایه‌دارین ئاكپارتی هه‌ست ب مه‌ترسیه‌كا مه‌زن كرن و ب رێیا جه‌هه‌پێ و سه‌ركه‌فتنا وان كوردان و ب تایبه‌تی هه‌ده‌پێ په‌یامه‌كا فه‌كری دا ئاكپارتی و د وی ده‌می دا ژی مه‌ئاماژه‌ پێكربوو! بۆ وان دا خۆیاكرن كو گوهۆرینا نه‌خشێ سیاسی د ده‌ستێ كوردان دایه‌، نه‌كو ئاكپارتی یان هه‌ر پارتیه‌كا دی!
ل ڤێره‌ ئاكپارتی ل سه‌ر شاشیێن خوه‌ ژی هایدار بوو! و ب تایبه‌تی یێن ل سه‌ر دۆزا كوردی كرین!
لێ ئاكپارتی باش زانی كا دێ چ كارت ل هه‌مبه‌ری ركابه‌را خوه‌ جه‌هه‌پێ ب كارئینیت!
ئاكپارتی ره‌وشائۆجه‌لانی و گره‌فین برچێ بوونێ ب ده‌لیڤه‌ دیتن؟
كو وه‌كو كارت فێ باده‌كێ بكاربینیت ژ بۆ سۆز و هه‌ستێن كوردان و ب تایبه‌تی ژ ده‌ڤێ ئۆجه‌لانی هنده‌ك داخۆیانیان بێخیته‌ د رۆژه‌ڤا توركیا و باكوورێ كوردستانێ دا. دیدارا دوهی یا ئۆجه‌لان ل گه‌ل پاریزه‌رێن وی. دیاربوو كو ئاكپارتی قانوونێن توركی ل گۆره‌ی سیاسه‌تا خوه‌بكاردئینیت.
چونكو ل گۆره‌ی قانوونێن توركیا هه‌ر كه‌سه‌كێ تاوانبار بیت و ب تایبه‌تی ل سه‌ر دۆزێن تیرۆر و سیاسی بیت و باده‌ك و دۆسه‌یێن وی هاتبنه‌گرتن!
و بریارا داویێ ل سه‌ر دۆزا وی هاتبیته‌دان ژ مافێ دیدارێن پارێزه‌ران دهێته‌ بێ به‌هركرن.
لێ ئه‌ڤ یاریا ئاكپارتی دكه‌ت نه‌ د چارچۆڤێ قانوونێن توركیا دایه‌!
به‌لكو یا ئه‌و دكه‌ت یاریه‌كا سیاسی یه‌ و دڤێت دیسا هنده‌ك رۆژه‌ڤێ بگوهۆریت.
یه‌ك. دخوازیت رۆژه‌ڤا ره‌وشا سووریێ و رۆژئاڤایێ كوردستانێ ل ناڤخوه‌یا توركیا بگوهۆریت و به‌رێ ره‌خنه‌یان ژ ئاكپارتی و ده‌ستهه‌لاتێ دووربیخیت.
چونكو ژ به‌ر سیاسه‌تا ده‌رڤه‌یا ئاكپارتی ئه‌ڤرۆكه‌ ئه‌و وه‌لات یێ وێ باجا ئابووری دده‌ت و رۆژانه‌ بهایێ لیره‌یێ توركی ل هه‌مبه‌ری دۆلاری یێ د دابه‌زینێ دا!
و باجا هه‌ری مه‌زن خه‌لكێ هه‌ژر دده‌ت.
لێ د خالا دوێ دا “دیسا په‌یامه‌كا ڤه‌كریه‌ بۆ كوردان و دبێژیت ژ مه‌ پێڤه‌تر كه‌س نه‌شییت ده‌رگه‌هێ دانوستاندن و دیالۆگێ ل گه‌ل رێبه‌رێ وه‌ ڤه‌كه‌ت!
و ئه‌ڤه‌ بۆ نیازپاكیا مه‌دا هوون ب مه‌ و سیاسه‌تا مه‌ باوه‌ربكه‌ن. مه‌ دیسا ده‌رگه‌هێ ئیمرالی ڤه‌كر. ره‌وشا ساخله‌میا ئۆجه‌لانی یا باشه‌. و ئه‌ڤه‌ ئه‌م ده‌نگێ وی و دیتنێن وی د گه‌هیننه‌ وه‌ و رایا گشتی!
هه‌لبه‌ت خاله‌كا دی ژی یا گرنگه‌ ئه‌و ژی دیسا ب دیتنا من، دیتنێن ئۆجه‌لانی به‌روڤاژینه‌ ل گه‌ل دیتن و داخۆیانیین سه‌لاحه‌ددین ده‌میرتاشی!
بۆ میناك ل سه‌ر هه‌لبژارتنێن شاره‌داریان ل توركیا دیتنا قه‌ندیلی و یا ده‌میرتاش وه‌كو ئێك بوون. . و ئه‌و نه‌خشه‌رێكا دایه‌ دیاركرن بۆ هه‌ده‌پێ هه‌ردو ئالیان كار ل سه‌ر دكر ژ بۆ سه‌رخستنا وێ!
لێ د داخۆیانیا ئۆجه‌لانی دا دیار دبیت كو دڤێت دلگرانیێن توركیا یێن ل هه‌مبه‌ری كوردێن رۆژئاڤا و سیاسه‌تا گه‌لێ كورد واته‌ هه‌ده‌په‌ و په‌كه‌كه‌ ل به‌ر چاڤ بهێنه‌وه‌رگرتن!
گومان تیدا نینه‌.
دوباره‌كرنا هه‌لبژارتنێن شاره‌داریا سته‌نبولێ، دیسا گرێدانه‌كا راسته‌راست ب ڤێ دیدارا ئۆجه‌لانی ڤه‌یا هه‌ی. و خواندنا من بۆ ڤێ خالێ ژی ئه‌ڤه‌یه‌!
باندۆرا ئۆجه‌لانی ژ هه‌ده‌پ و ده‌مرتاش مه‌زنتره‌ و گۆتنا داویێ ئه‌و دشێت بێژیت نه‌كو قه‌ندیل و هه‌ده‌په‌ و .. هتد.
ژ به‌ر هندێ گرنگه‌ ئاكپارتی د ڤێ قووناغێ دا دیسا رایا كوردان بۆ لایێ خوه‌ بكێشیت، لێ ب مه‌رجێ ده‌رگه‌هێ زندانان ل سه‌ر كوردان و ب تایبه‌تی هاده‌پیان و د ناڤ دا ژی ده‌میرتاشی ئازاد بكه‌ت.
داووی ب گره‌فا برچیبوونێ بهیت. ئۆپه‌راسیۆنێن له‌شكری بهێنه‌ راوه‌ستاندن و زه‌مینه‌ بۆ سیاسه‌تا ره‌وا بهێته‌ خۆشكرن.
و قووناغا بهێت دا ژی ب ته‌مامی ده‌نگێن چه‌ك و شه‌ڕان ب داوی بهێت ژ بۆ ئاشتیه‌كا ب روومه‌ت و د چارچووڤێ توركیا دا دۆزا كورد بهێته‌ چاره‌سه‌ركرن و كورد بگه‌هنه‌ هنده‌ك ژ مافێن خوه‌.
گه‌ر نه‌باوه‌رناكه‌م كود ئێدی ب ڤان ته‌كتیك و پیلان و بازارێن قرێژ یێن ل سه‌ر پشتا كوردان دهێنه‌كرن، ژ بۆ ڤی ئالی یان ئالیه‌كێ دی و قازانجكرنا ڤێ شاره‌داریێ د به‌رژه‌وه‌ندیا ئاكپارتی و هه‌ر ئالیه‌كی دا چ ئارامیا ناهێنته‌ توركیا! و ب ڤان رێیان ژی باوه‌رناكه‌م كورد بهێنه‌ خاپاندن چونكو دۆزا كوردی ژ ڤان یاریان گه‌له‌كا بهێزتر و مه‌زنتره‌.

21

زاگرۆس به‌رواری
د وه‌لاتێن دیمۆكراسی و ئازادی و خودان دستوور بن.! گه‌شه‌كرنا ره‌وشه‌نبیری و په‌روه‌ردێ و جڤاكێ و ئابووری و.. هتد. تێدا یا به‌رده‌وام بیت، گومان تیدا نینه‌! گوهۆرینێن سیاسی ژی دێ د ناڤ ڤێ گه‌شه‌كرنێ دا هه‌بن.
هه‌لبه‌ت وه‌لاتێ مه‌ ب مۆزایك و ئه‌رد نیگاری و خوه‌زایا خوه‌، قاده‌كا به‌رهه‌ڤه‌ بۆ ڤان خالێن مه‌ ئاماژه‌ پێكرین، كه‌سێن هزرێ د سه‌ركه‌فتنا خوه‌ دا دكه‌ن! د وه‌لاتان دا، دڤێت ب بنه‌ ده‌ستهه‌لاتدار و بێنه‌ سه‌ر كورسیێ بریارێ.!
هنده‌ك خه‌بات و تێكۆشین و پراكتیك پێدڤیه‌، پارت و ئالیێن ل وه‌لاتێ مه‌ د ده‌ستهه‌لاتێ دا، ژ خوه‌ باگره‌وه‌ندێ وان یێ دیاره‌، ژ خه‌باتا چیان و پێشه‌نگیا ته‌ڤگه‌را ئازادیخوازیا كوردی ب سالان د قاد و چه‌په‌رێن به‌ره‌ڤانیكرن ژ ماف ئارمانجێن ملله‌تێ كورد كرینه‌ حه‌تا گه‌هیشتینه‌ هنده‌ك ژ وان ئارمانج و دوروشمان!
لێ نفشێ پشتی وان ئه‌گه‌ر وه‌كوو ئۆپۆزسیۆن بێنه‌ د مه‌یدانا هه‌ڤركی و سیاسه‌تێ دا! هه‌لبه‌ت هنده‌ك كار و خه‌باتێن جودا (جێواز)بن ژ وان. چونكو شێوازێ خه‌بات و تێكۆشینێ ژی یێ هاتیه‌ گوهۆرین، د وی واری دا! ئه‌و ژی نه‌چار و د پێدڤینه‌ شێوازه‌كێ تایبه‌ت بگرنه‌ به‌ر، دا بگه‌هنه‌ بلنداهیا ده‌ستهه‌لاتێ.
ئێك:د پێنگاڤا ده‌سپێكێ و د ده‌مه‌كێ نێزیكدا ئه‌و كۆما خوه‌دی پرۆژه‌، خوه‌ بده‌ته‌ ناسكرن د ناڤ جه‌ماور و فه‌رمیه‌تێ دا. دو: ل پشت وان ئابووریه‌كا ب هێز هه‌بیت! سێ: مه‌دیا راگه‌هاندن. چار: هه‌موو ژی ژ ده‌ستهه‌لاتێ جوداتر و جێوازتر بن.
بۆ نموونه‌ ئه‌گه‌ر ئه‌م ته‌ماشه‌ی سه‌رۆكێ جولانه‌وه‌یا نه‌وه‌ی نوێ (ڤه‌لڤینا نفشێ نوی) بكه‌ین؟ دێ بۆ مه‌ ب روهنی خوه‌یا بیت، ل ده‌سپێكێ ب هنده‌ك رێكان خوه‌ دایه‌ ناسكرن، كو بوویه‌ هه‌ڤال و هه‌ڤپشك ل گه‌ل هنده‌ك سیاسیان د بیاڤێن ئابووری و سه‌رمایه‌داریێ دا و وه‌كو سه‌رمایه‌داره‌ك خوه‌ دایه‌ دیاركرن و پێناسه‌كرن.
هه‌لبه‌ت دا كو پرۆژه‌یێ وی یێ سه‌ره‌كی بێته‌ د پراكتیكێ دا، د ناڤ پرۆژێ وی دا ئاڤاكرنا كۆمپانیا نالیا بوو، ژ بۆ هنده‌ك ئارمانجێن مه‌زنتر و پرۆژێ خوه‌ به‌رفره‌هتر لێ بكه‌ت، و ب رێیا كۆمپانیا خوه‌ شیا هه‌ست و سۆزێن هنده‌ك به‌رپرس و سیاسیێن گه‌نده‌ل بۆ خوه‌ بكێشیت و سه‌رمایه‌ و داهاتێ وان د ناڤا كۆمپانیا خوه‌ دا سپێبكه‌ت.
هه‌لبه‌ت ب رێیا كۆمپانیێ و ڤی ئابووریێ مه‌زن ل به‌ر ده‌ستێ وی، شیا بێته‌ د خالا سه‌ركی ئه‌وا وی ئارمانج پێهه‌ی، كو د بیت گه‌له‌ك وه‌لاتێن ده‌ور و پشت و یین دوورتر ژی ده‌ست ل گه‌ل هه‌بیت ژ خوه‌ به‌غدا ب رۆهنی پشته‌ڤان بوو، ژ بۆ خه‌بات و تیكۆشینا سیاسی و ئاڤاكرنا پارتیه‌كێ ل سه‌ر سۆز و هه‌ستێن خۆرت و لاوێن نوی گه‌هشتی و هنده‌ك ب ناڤ سیاسیێن توره‌ و به‌رژه‌وه‌ندپه‌رست.
تۆره‌كا مه‌زن یا راگه‌هاندنێ ژی دامه‌زراند، ژ ئالیێن سیاسی جڤاكی ره‌وشه‌نبیری، ئۆل ژی تێكه‌لی ڤان مژاران كر و ب سه‌دان خۆرت و لاو وه‌كو خۆبه‌خش و د پشترا بكه‌ته‌ خودان مووچه‌ ل خوه‌ جڤاندن.
هه‌لبه‌ت ئه‌ڤ كارێن وی ب جوداهیه‌كا دی ل گه‌ل پارت و ئالیێن ده‌ستهه‌لاتدار كو سوود ژ هنده‌ك ڤالاهیێن وان وه‌رگرتن.
بۆ نموونه‌: د ئالیێن سیسته‌می راگه‌هاندنێ و په‌روه‌ردێ و برێڤه‌برنا پارت و حوكمه‌تێ، دیسا پێگه‌ه و زه‌مینه‌ خۆش بوو! كو هزر ل سه‌ر ئاڤاكرنا پارتیه‌كێ بكه‌ت! پشتی بوویه‌ خوه‌دی ئێك: ئابووریه‌كا ب هێز، دو: راگه‌هاندنه‌كا هه‌ڤچه‌رخ و جودا. سێ: ده‌لیڤێ ئاڤاكرنا پارتیه‌كێ ژی ژ ڤالاهیا كو ل زونا كه‌سك ته‌ڤگه‌را گۆڕان هه‌م بۆ وی و بۆ هه‌ڤالێن وی بوو، خواندنگه‌هه‌ك و ب تایبه‌ت پشتی مرنا رێكخه‌ڕێ ته‌ڤگه‌رێ و سوود وه‌رگرتن ژ هنده‌ك شاشیێن رایه‌دارێن ته‌ڤگه‌رێ و گه‌له‌ك هه‌ڤالێن وان و جه‌ماوه‌رێ وان ژی ب هنده‌ك درووشمان هاتنه‌ فریدان و هه‌ست و سۆزا وان بۆ لایێ خوه‌ ڤه‌كێشان،
لێ یا ئه‌ز دبینم و ب دیتنا من پرۆژێن كو وه‌لاتان سیسته‌مه‌ دكه‌ن و ریفۆرمێن د دیمۆكراسیێ و ده‌ستهه‌لاتێ دا دكه‌ن! گه‌له‌ك دێ یا باش و سه‌ركه‌فتی بیت. لێ ب مه‌رجێ ئۆپۆزسیۆنه‌كا كارا بیت و لانه‌ده‌ت ژ پره‌نسیپێن ئۆپۆزسیۆنبوونێ!
گومان تێدا نینه‌ د په‌رله‌مانی دا، دێ بیته‌ هه‌ڤكاره‌كا مه‌زن بۆ حوكمه‌تێ كو ب گڤاشتنێن وان حوكمه‌ت و كابینه‌یا ل سه‌ر هنده‌ك سۆزان هاتیه‌ ئاڤاكرن! كارنامه‌یا خوه‌ یا ده‌ما هه‌لبژارتنان بێی جووداهی، بێخیته‌ د وارێن پراكتیك و خزمه‌تا جه‌ماوری دا.
ب كوردی و كورتی د هه‌رسێ خالێن مه‌ ئاماژه‌ پێكرین نه‌وه‌ی نوێ نه‌شیا جێوازیا خوه‌ بپارێزیت و جوداهیا خوه‌ و یا ئابووری و كۆمپانیێ بێخیته‌ د خزمه‌تا ملله‌تی دا.! به‌لكو به‌روڤاژی ملله‌ت ئێخسته‌ د خزمه‌تا به‌رژوه‌ندیێن خوه‌ دا، ژ بۆ زێده‌تر ده‌وله‌مه‌ندكرن و ناڤداركرنا مالباتا خوه‌.
لێ دبیت ل هنده‌ك خالان دا ل ڤێره‌ و ئالیه‌كی دی، هنده‌ك كار ل سه‌ر ڤێ ته‌ڤگه‌رێ هاتبیته‌كرن ژ بۆ نه‌شرینكرن و ره‌شكرنا ناڤ و روومه‌تا وێ لێ ئه‌و نه‌بوویه‌ رێگریه‌كا سه‌ره‌كی كو پرۆژێ وێ سه‌رنه‌كه‌ڤیت.
ئانكو باش خوه‌یا بوو نه‌وه‌یا نوێ ژ هنده‌ك كه‌سێن به‌رژه‌وه‌ندپه‌رست مودێله‌كێ مۆدێرن و پێشكه‌فتی و بازرگانیكرنێ ب هه‌ست و ڤیانا ملله‌تێ كورد زێده‌تر نه‌بوویه‌، و ل ده‌سپێكا ته‌مه‌نێ خوه‌ شكه‌ستن ب ئۆپۆزسیۆنه‌كا راسته‌قینه‌ و كارا ئینا.

21

زاگرۆس به‌روارى

ب دیتنا من وه‌كو چاڤدێره‌ك و خواندنا من بۆ ێاكپارتی و رایه‌دار و ده‌ستهه‌لاتا توركیا ل رۆژهه‌لاتا ناڤین! د ڤان سالێن ده‌ربازبووی دا، ماسكێ سه‌روچاڤێن وان یێ كه‌فتی و روویێ وان یێ راسته‌قینه‌یێ بو هه‌موو جیهان و زلهیزان خوه‌یا بووی و دێ دیتنا خوه‌، د چه‌ند خاله‌كان دا ئاماژێ پیكه‌م.
1ـ د سالێن ده‌ربازبووی دا كو د ده‌ما بوهارا عه‌ره‌بی دا، ئه‌مریكا دراڤ و پشته‌ڤانیێن ماددی یێن مه‌زن پێشكێشی ئه‌ردوغانی و ده‌ستهه‌لاتا ئاكپارتی كرن. ژ بۆى ل سووریێ هێزه‌كا جهگیر و ئه‌لته‌رناتیفه‌كێ دورست ل جهێ رژێما به‌عسا سووری یا به‌شار ئه‌سه‌دی بهێته‌ د قادا سیاسی دا.
لێ ل جهێ ڤێ چه‌ندێ ئه‌ردوغانی، هێزێن تیرۆرستین وه‌كو داعش. جه‌بهه‌یا ئه‌حرارئه‌لشام. له‌شكرێ ئازاد و گرۆپا چه‌ته‌یین زه‌نگی و هتد… ئاڤاكرن و پشته‌ڤانیه‌كا ل ژێر ماسكا خوه‌یا دوروویاتیێ به‌رده‌وامبوو.
2ـ پاره‌كێ مه‌زن ژ ئێكه‌تیا ئه‌ورۆپا وه‌رگرتن، ژ بۆ رێگرتنا په‌نابه‌رێن ژ سووریێ ژ به‌ر چه‌ته‌یین وێ دره‌ڤیت و د هه‌مان ده‌م دا ژ عیراق و كوردستانێ ژی كو د رێیێن، توركیا را ده‌ربازی ئه‌ورۆپا دبوون نه‌بن.
لێ به‌روڤاژی دراڤ ژێ وه‌رگرت و ب ده‌هان تیرۆرست ژی هنارتنه‌ ئه‌ورۆپا د ناڤ وان ب ناڤ په‌نابه‌رێن كو د چوونه‌ ئه‌ورۆپا.
3ـ ل هه‌مبه‌ری گرتنا ئه‌دلب و هنده‌ك ده‌ڤه‌رێن دی ل سووریێ، سه‌ره‌رای كریزا ئێخستنا باله‌فرا رۆسی لێ ئه‌ردوغانی. ل گه‌ل لێبۆرینێ نیازپاكیا خوه‌ وه‌كو له‌شكره‌كی بۆ رۆسیا دا دیاركرن. و گۆت ئه‌و جهێن ئوپوزسیۆن لێ بیت ئه‌ز دێ گرم و د پشترا راده‌ستی ته‌ و حوكمه‌تا سووریێ كه‌م.
ئه‌وبوو هێرش بره‌ ئه‌دلب و ده‌رودۆرێن وێ و حه‌له‌بێ، چونكو چه‌ته‌یێن گرێدای وێ لێبوون. وه‌كو داعش و ئه‌حرار ئه‌لشام. ئه‌و ده‌ڤه‌ر بێ شه‌ر د چه‌ند رۆژه‌كان دا تركان گرتن.
هه‌لبه‌ت یا دیاربوو چونكو به‌رخوه‌دان نه‌هاته‌كرن، ب ڤێ رییێ ئه‌ردوغانی په‌یوه‌ندی د گه‌ل بۆتین و رۆسیا خۆشكرن و چوو ناڤ ئه‌ردێ سووریا و پاره‌كێ مه‌زن ژی وه‌رگرت و بوونه‌ رێگر ل به‌ر مافێن كوردان. ل وێ پارچێ كو ب رێیێن قانوونى و د چارچووڤێ ده‌وله‌تا سووریێ دا دۆزا كوردی ل ژێر چاڤدێریا لایه‌نێ سیێ بێته‌ چاره‌سه‌ركرن.
پشتی نێزیكی رۆسیا بووی شیان ل ژ ێر چاڤگرتنا رۆسیا و به‌رژه‌وه‌ندیێن ئه‌مریكا، عه‌فرین ژی پشتی وێ به‌رخوه‌دانا مه‌زن داگیر بكه‌ن.
لێ كه‌نگی دیاربوو كو كورد ل وێ پارچێ نه‌گه‌فن ل سه‌ر چ وه‌لاتان، د شه‌رێ كۆبانێ دا و وی ده‌می دیاربوو كو كورد یێن ل جهێ جیهانێ شه‌رێ تیرۆرا ناڤنه‌ته‌وه‌ی دكه‌ن.
و ب وێ رێیێ په‌یوه‌ندیێن كوردان و زلهێزان چێ بوون و ل سه‌ر وێ دیتنێ هێزێن پێشمه‌رگه‌ی ژی ژ باشوور چوونه‌ رۆژئاڤا بۆ پاراستنا كۆبانێ و دیاربوو كو كورد دێ بنه‌ ده‌رگه‌هێ گوهۆرینان ل ده‌ڤه‌رێ نه‌كو ئه‌ردوغان و رژیما خوه‌.
ڤێجا پشته‌ڤانیێن له‌شكری یێن ئه‌مریكا بۆ كوردان وه‌كر كو راستیا ئه‌ردوغانی دیاربیت. ژ به‌ر هندێ ئه‌ردوغان یێ وه‌كو كه‌سه‌كێ ده‌روونێ وی تێكچووی لێ هاتی.

37

زاگرۆس به‌روارى
د ڤان سالین ده‌ربازبووی ماسكێ سه‌روچاڤێن وان یێ كه‌فتی و روویێ وان یێ راسته‌قینه‌یێ بۆ هه‌موو جیهان و زلهێزان خوه‌یا بووی و دێ دیتنا خوه‌ د چه‌ند خاله‌كان دا ئاماژێ پیكه‌م:
1ـ ل سالین ده‌ربازبووی كو د ده‌ما بوهارا عه‌ره‌بی دا، ئه‌مریكا دراڤه‌كێ مه‌زن پێشكێشی ئه‌ردوغانی و ده‌ستهه‌لاتا ئاكپارتی كرن. ژ بووی ل سووریێ هێزه‌كا شوونگر وئه‌لته‌رناتیفه‌كێ دورست ل جهێ رژێما به‌عسا سووری به‌شار ئه‌سه‌دی بهێته‌ د قادا سیاسی دا.
لێ ل جهێ ڤێ چه‌ندێ ئه‌ردوغانی، هێزێن تیرۆرستێن وه‌كو داعش، جه‌بهه‌یا ئه‌حرار و شام، له‌شكرێ ئازاد و گرۆپا چه‌ته‌یێن زه‌نگی.. و هتد. ئاڤاكرن و پشته‌ڤانیه‌كا ل ژێر ماسكا خوه‌یا دو روویاتیێ به‌رده‌وام بوو.
2ـ پاره‌كێ مه‌زن ژ ئێكه‌تیا ئه‌ورۆپا وه‌رگرتن، ژ بۆ رێگرتنا په‌نابه‌رێن ژ سووریێ ژ به‌ر چه‌ته‌یێن وێ دره‌ڤیت و د هه‌مان ده‌م دا ژ عیراق و كوردستانێ ژی. كو د رێیێن. توركیا را ده‌ربازی ئه‌ورۆپا نه‌بن.
لێ به‌روڤاژی دراڤ ژی وه‌رگرت و ب ده‌هان تیرۆرست ژی هنارتنه‌ ئه‌ورۆپا د ناڤ وان ب ناڤ په‌نابه‌رێن كو د چوونه‌ ئه‌ورۆپا.
3ـ ل هه‌مبه‌ری گرتنا ئه‌دلب و هنده‌ك ده‌ڤه‌رێن دی ل سووریێ، سه‌ره‌رای كریزا ئێخستنا باله‌فرا رۆسی لێ ئه‌ردوغانی. دگه‌ل لێ بوورینێ نیازپاكیا خوه‌ وه‌كو له‌شكره‌كی بۆ رۆسیا دا دیاركرن. و گۆت: ئه‌و جهێن ئوپوزسیۆن لێ بیت، ئه‌ز دێ گرم و د پشترا راده‌ستی ته‌و حوكمه‌تا سووریێ كه‌م.
ئه‌و بوو هێرش بره‌ ئیدلب و ده‌رودۆرێن وێ و حه‌له‌بێ، چونكو چه‌ته‌یێن گرێدای وێ لێ بوون. وه‌كو داعش و ئه‌حرار ئه‌لشام. ئه‌و ده‌ڤه‌ر بێ شه‌ر د چه‌ند رۆژه‌كان دا توركان گرتن..
چونكو به‌رخوه‌دان نه‌هاته‌كرن، ب ڤێ رییێ ئه‌ردوغانی په‌یوه‌ندی د گه‌ل پۆتین و رۆسیا خۆشكرن و چوو ناڤ ئه‌ردێ سووریا. و پاره‌كێ مه‌زن ژی وه‌رگرت و بوونه‌ رێگر ل به‌ر مافێن كوردان.
پشتی نێزیكی رۆسیا بووی شیان ل ژێر چاڤگرتنا رۆسیا و به‌رژه‌وه‌ندیێن ئه‌مریكا. عه‌فرین ژی پشتی وێ به‌رخوه‌دانا مه‌زن. داگیر بكه‌ن.
لێ كه‌نگی دیاربوو كو كورد ل وێ پارچێ نه‌گه‌ڤن ل سه‌ر چ وه‌لاتان، د شه‌رێ كۆبانێ دا و وی ده‌می دیاربوو كو كورد یێن ل جهێ جیهانێ شه‌رێ تیرۆرا ناڤنه‌ته‌وه‌ی دكه‌ن.
و ب وێ رییێ په‌یوه‌ندیێن كوردان و زلهێزان چێ بوون. دیاربوو كو كورد دێ بنه‌ ده‌رگه‌هێ گوهۆرینان ل ده‌ڤه‌رێ نه‌كو ئه‌ردوغان و رژێما خوه‌.
ڤێجا پشته‌ڤانیێن له‌شكری یێن ئه‌مریكا بۆ كوردان، وه‌كر كو راستیا ئه‌ردوغانی دیاربیت. ژ به‌ر هندێ ئه‌ردۆغان یێ وه‌كو كه‌سه‌كێ ده‌روونێ وی تێكچووی لێ هاتی.

36

زاگرۆس به‌روارى
ده‌نگێ هه‌ر كورده‌كى ل گه‌ل ده‌نگێ خوه‌نیشاده‌رانه‌ و ئه‌م پشته‌ڤانێن خواسته‌ك و داخۆیانیا وانین! ئه‌وێن ژ به‌ر بومبه‌بارانا باله‌فڕێن شه‌ڕی یێن توركان و ململانا وان یا سیاسی و له‌شكری ل گه‌ل PKK و ل ئه‌نجاما ڤێ چه‌ندێ، خه‌لكێ ده‌ڤه‌رێ یێ سڤیل دبنه‌ قوربانیێن كریارێن وان یین چه‌په‌ل و باغ و بیستان و گوند ژی زیانێن مه‌زن ڤێدكه‌ڤن.
ب كورتی باجا هه‌ری مه‌زن خه‌لكێ مه‌یێ سڤیل و بێگونه‌هـ دده‌ت.!
هه‌لبه‌ت: ژبۆ ڤێ مه‌به‌ستێ: پێدڤیه‌ هه‌ردو حوكمه‌تێن عیراق و كوردستانێ، زێده‌باری د رێیا سه‌رۆكێ په‌رله‌مانێ كوردستانێ یێ ده‌مكی دا، تێكۆشه‌ر رێڤنگ هرووری، كو گڤاشتنان ل ئالیێن تێكلدار بكه‌ن دا سنۆره‌ك ژ بۆ ڤان ده‌ستدرێژیێن ده‌وله‌تا تورك، ژ لایه‌كی و ژ لایێ دی ژی به‌س HPG به‌هانه‌یان بده‌نه‌ ده‌ستێ توركێن داگیركه‌ر!
ل ڤێره‌ گرنگه‌:
1ـ ده‌ملده‌ست كار بۆ راوه‌ستاندنا هێرشێن عه‌سمانی یێن توركان بێته‌كرن!
2ـ بزاڤ بێنه‌كرن ب زووترین ده‌م له‌شكرێ توركیا ژ ئاخا كوردستان و عیراقێ بێنه‌ده‌ریخستن، كو مانا وان ژ سه‌رگێژیا پێڤه‌تر چ سووده‌ك بۆ هه‌رێما كوردستانێ نینه‌!.
3ـ پێدڤێه‌ هێزێن چه‌كدارێن PKK و HPG ده‌ڤه‌رێن گوندنشین و جهێن سڤێل و ب ژیانا خه‌لكێ مه‌ڤه‌ د گریدای چوول كه‌ن و خوه‌ دووری باژێر و گوندان بكه‌ن. ئه‌م هه‌موو دزانین كو قادا سیاسی و له‌شكرى یا وان باكوورێ كوردستانێ و بۆتان و سه‌رحه‌ت و جیلو و ئارارات و ..هتد. نه‌كو به‌روڤاژی. باشوور و مه‌تین و گاره‌نه‌..
4ـ گرنگه‌ خه‌لكێ كوردستانێ و سازیێن سڤیل، پشته‌ڤانیا په‌رله‌مان و حوكمه‌تا خوه‌ بكه‌ن چ ب رێیا خوه‌نیشادانان بیت چ ژی ب رێیا داخویانیێن شه‌رمزاركرنا ڤان تاوان و كریارێن توركان بیت!
5ـ پێدڤیه‌ په‌رله‌مان ل داخوازیێن خه‌لكێ خوه‌دی ده‌ركه‌ڤیت، چونكو ئه‌و نوونه‌رێن راست و دروستێن گه‌ل و خه‌لكێ كوردستانێ نه‌. چونكو ئه‌و ب پرۆسیسه‌كا ده‌مۆكراتیك بووینه‌ نوونه‌رێن ملله‌تی.
6ـ پێدڤیه‌ ب رێیێن شارستانی و ده‌مۆكراتیك و دپلۆماتیك بالیۆزخانه‌یێن هه‌ر پێنچ وه‌لاتێن ئه‌ندامێن هه‌رده‌می یێن ئاسایشا ناڤنه‌ته‌وه‌ی. نوونه‌رێن نه‌ته‌وێن ئێكگرتی ل عیراقێ و ئێكه‌تیا ئه‌ورۆپا ل سه‌ر ڤان كریار و تاوان و ده‌ستدرێژیێن ده‌وله‌تا تورك هایدار بكه‌ن.
ئه‌م باوه‌رین ب ڤان رێك و ته‌ڤگه‌رێن فه‌رمی، دێ حوكمه‌ت و په‌رله‌مان و گه‌لێ مه‌ گه‌هنه‌ ئه‌نجامه‌كا باش كو پرسگرێكا كوردی و دۆزا وی ل توركیا و باكۆرێ كوردستانێ ب رێیێن ئاشتیانه‌ بێنه‌چاره‌سه‌ركرن.. و ب ئاگربه‌سته‌كا دو ئالی ده‌وله‌تا تورك و PKK دكارن پرسگرێكێن خوه‌ ل سه‌ر ماسه‌یا دیالۆگ و دانوستاندنێ چاره‌سه‌ركه‌ن!

website security
WP Facebook Auto Publish Powered By : XYZScripts.com