NO IORG
Authors Posts by هه‌يفا دوسكي

هه‌يفا دوسكي

هه‌يفا دوسكي
26 POSTS 0 COMMENTS

14

هه‌یفا دۆسكى
رێكخراوا ئێكه‌تیا ئافره‌تێن كوردستانێ كو ل سالا 1952 هاتیه‌ دامه‌زراندن ل سه‌ر ده‌ستێ مه‌لا مسته‌فا بارزانى كو پشتگرى و پشته‌ڤانیه‌كا ب هێز بۆ ئافره‌تان كو پتر ئافره‌ت بهێته‌ د قادا خه‌بات و به‌رخوه‌دانێ دا هه‌تا وى راده‌یى كو پارتى باوه‌ریه‌كا ب هێز ب ژنێ هه‌بوویه‌ و نه‌ مه‌ره‌م پێ جوداكرنه‌كه‌ ژ جڤاكى،س به‌لكو ئافره‌تێ تایبه‌مه‌ندى جودا تر هه‌بووینه‌، ژ به‌ركو د هه‌ر قووناغه‌كێ دا ئافره‌ت دشێت پشكداریێ د پرۆسێسا سیاسى و جڤاكى و ئابوورى ساخله‌مى و دبلوماسى دشێت كار بكه‌ت، هه‌ره‌ ژ به‌ر گرنگیا ئه‌ڤێ چه‌ندێ بارزانى یێ نه‌مر دۆبات ل سه‌ر وێ ئێكێ كر كو رێكخراوێن جه‌ماوه‌رى بهێنه‌دانان و ئێكه‌تیا ئافره‌تان ژى سه‌ر پشكا هه‌مى رێكخراوا بۆ ئه‌ڤه‌ ژى پشتى گۆنگرێ سیێ یێ پارتى دیمۆكراتى كوردستان بریار ل سه‌ر هاتیه‌دان بۆ هندێ ژنا كورد رۆلێ خوه‌ د بیاڤێ سیاسى دا بگێریت و چونكى پارتى رێك دا رێخستنا ئافره‌تان دهه‌ر پێكهاته‌كا جڤاكى دا دشێت ئه‌رك و رۆلێ خوه‌ ئه‌نجام بده‌ت، به‌رۆڤاژى ئه‌ڤێ ئێكێ ژى ئێكه‌تیا ئافره‌تان هه‌ر ژ كه‌ڤن دا به‌رده‌وامى دا بزاڤ خه‌بات و تێكۆشینا خوه‌ ژبۆ هندێ ئێكه‌تیا ئافره‌تان پاشه‌رۆژه‌كا گه‌ش هه‌یه‌ و ئه‌ڤه‌ یا بێ گومانه‌، چونكى رێخستنا ئێكێ یا جڤاكێ سڤێل بۆ كاروبارێن ئافره‌تان هاتیه‌ دامه‌زراندن، زێده‌بارى ڤێ خه‌باتا به‌رده‌وام یا ئێكه‌تیا ئافره‌تان كو ئه‌ڤ رێكخراوه‌ ل سه‌ر ده‌ستێ كۆمه‌كا ژنێن هشیار و خه‌باتكه‌رێن وه‌لاتێ مه‌ هاته‌ هه‌بوونێ سه‌خمه‌راتى چه‌ند ئارمانجه‌كێن پیرۆز، ژ وانا راكرنا وان زولم و حه‌یفا ئه‌وێن هه‌مبه‌رى ژنێ دهاتنه‌ كرن، كۆمكرن و رێخستنا هێزا ژنێن كوردستانێ د ئێك رێكخستن دا ژ بۆ بده‌ستڤه‌ئینانا مافێن ئافره‌تان و نه‌هێلانا وان ئاسته‌نگا ئه‌وێن دكه‌ڤنه‌ د رێیا ژنێ دا، پشكداریكرنا ژنێ دهه‌مى بیاڤێن ژیانێ دا، نه‌خاسمه‌ ئاڤه‌دانیا وه‌لاتى و وه‌ك كاراكته‌ره‌كا ئه‌كتیڤ د ناڤ رێخستیێن سیاسی دا جهێ خوه‌ بكه‌ت و دیسا ببیته‌ هێز و پشته‌ڤانه‌كا به‌رده‌وام بۆ شۆره‌ش و سه‌ركێشیا بزاڤا ئازادیخوازا كوردستانێ. هه‌لبه‌ت ئه‌ڤ ئارمانجێن پیرۆز بوونه‌ میتۆد و پرۆگرامێ ڤێ رێخستیا ژنوو ژ دایكبووى و ڤان خه‌باتكه‌را شه‌ڤ و رۆژێن خوه‌ كرنه‌ ئێك بۆ بده‌ستڤه‌ئینانا وان و گه‌له‌ك زوى ئه‌و شیان جهێ خوه‌ د ناڤ جڤاكا كوردستانێ دا بكه‌ن و ببنه‌ هێزه‌كا گه‌له‌ك ب بزاڤ و ل سه‌رانسه‌رى كوردستانێ چالاكى پێكئینان و دیسا خوه‌ ژ ڤێ چه‌ندێ ژی نه‌گرت، ئه‌ڤ رێكخراوه‌ شیا تێكهه‌لیێن خوه‌ ل گه‌ل چه‌ندین ناڤه‌ندێن دونیایێ دروست بكه‌ت و ده‌نگێ ئازادیخوازێ كوردستانێ بگه‌هینیته‌ وان ناڤه‌ندا و ئه‌ڤه‌ بۆ ده‌رگه‌هه‌كێ مه‌زن كو حه‌قانیه‌تا كوردا بگه‌هیته‌ هه‌مى دونیایێ و گوهـ لێ بهێته‌ گرتن، كو ل وى سه‌رده‌مى ئه‌ڤه‌ كاره‌كێ گه‌له‌ك بزه‌حمه‌ت و بترس بۆ. نوكه‌ژى ئێكه‌تیا ئافره‌تێن كوردستانێ یا ل هه‌مبه‌رى چاره‌نڤیسێ مله‌ته‌كى و ئه‌ركێت گه‌له‌ك گران ل به‌راهیا وێنه‌ بكه‌ت و ئه‌م یێ دوێ باوه‌ریێدا كو ئه‌ڤ رێكخراوه‌ دێ شێت ڤى بارێ گران هه‌لگریت و مل ب ملێ هێز و رێكخستیێت سیاسى و جڤاكا مه‌ده‌نى، كوردستانێ ژ ڤێ قوناغێ ده‌ربازى قوناغه‌كا باشتر و پر ئاڤه‌دانیتر كه‌ت و شوین تبلێت ڤێ رێكخراوێ دێ پتر ژ یێت هه‌ر ئالییه‌كى دیار و به‌رچاڤ بن.

17

(ژن نه‌ تۆلڤه‌كه‌ره‌ ل گه‌ل زه‌لامى، به‌لكو هێمایێ ڤیان و لێبۆرین و ڤیانێ یه‌)
هه‌یفا دۆسكى
هه‌وا به‌رهنگاربوونا توندوتیژیا دژى ژنان ل جیهانێ بابه‌ته‌كێ گه‌رمه‌ ل ته‌ڤایا راگه‌هاندنێ دهێته‌ به‌حسكرن و حه‌تا وى راده‌یى كو ژن هه‌ولدانا دكه‌ن د ڤان رۆژان هه‌ر ئاكامه‌كێ توندوتیژیێ ژنێ دیتى ئاشكه‌را دكه‌ت و دكه‌ته‌ هه‌وار و داخوازا كێمكرنا ڤێ توندوتیژیێ دكه‌ت و ئه‌ڤه‌ ل هه‌ر جڤاكه‌كێ تێدا دژیت ده‌ته‌ به‌رچاڤكرن و به‌حس ل ئێش و ئازار خوه‌ دكه‌ن، ژبه‌ر هندێ ژى ئه‌ڤ چه‌نده‌ بوویه‌ هانده‌ره‌كێ ب هێز كو ژن داخوازا مافێ خوه‌ دكه‌ن و جاران بۆ زه‌لامى دبیته‌ بارگرانیه‌ك و هه‌ست ب ترسه‌كێ دكه‌ت به‌رانبه‌ر ژنان، تایبه‌ت ڤه‌دگه‌ریته‌ ئه‌گه‌رێ سه‌ره‌كى یێ دكه‌ڤن دا ژن ل هه‌ر وه‌لاته‌كى ب گۆره‌یى دابونه‌ریتێن وان تووشى توندوتیژیێ بوویه‌ و ل هنده‌ك وه‌لاتان ژى تا نوكه‌ یا به‌رده‌وامه‌ و د ڤێ ئازارێ دا دژین، ل كوردستانێ ژى چونكى ژنا كورد خودان كه‌رمه‌ت و هێز و كه‌سایه‌تیه‌كا ب هێز بوویه‌، هه‌تا مل ب ملێ زه‌لامى بوویه‌ كه‌سه‌كا خودان ئیراده‌ و شیان و خوه‌ ل به‌ر گه‌له‌ك ئاتافێن جڤاكى گرتیه‌ و رۆلێ خوه‌ وه‌ك ژنا كورد گێرایه‌، به‌رۆڤاژى ڤێ یه‌كێ ملله‌تێ كورد رێزه‌كا مه‌زن ل ژنێ گرتیه‌ د گه‌له‌ك بیاڤان دا و هه‌ر قوناغه‌كێ ژنێ پێشكه‌فتنه‌ك ب خوه‌ دیتیه‌ و بووینه‌ خودانێن جهێ بریارێ به‌لێ بلا ئه‌م چاڤێن خوه‌ ل گه‌له‌ك ئازارێن ژنێ نه‌گرین یێن تووش بوویێ، هه‌تا جاران زه‌لامى خوه‌ ژبیركریه‌ كو ئه‌و ئافراندیێ دزكێ ژنه‌كێ دایه‌ هاتیه‌ دونیایى و هه‌ر دیسا ژبیر دكه‌ته‌ ژنه‌كه‌ ئه‌و مه‌زن كرى و كریه‌ خودان هه‌ڤژین و زه‌لام، دیسا هه‌ڤژینا وى زه‌لامى ژى هه‌ر ژنه‌ لێ د هه‌ر كێماسیه‌كا دا بیت ئه‌ڤ زه‌لامه‌ ده‌ستێ خوه‌ بۆ ژنێ رادكه‌ت و دئیشیت و ئه‌ڤجا هه‌ر جۆره‌كێ توندوتیژیێ ژنا كورد سه‌ر ده‌ستێ زه‌لامى دیتیه‌ ئه‌ڤجا بگره‌ ژ كوشتن و لێدان و سۆتن و خوه‌كوشتنا ژنێ ژ ئه‌گه‌رێن زه‌لامى و نه‌ گرنگیا وى بو ئێش و ئازار و ژیانا ژنێ به‌روڤاژى ڤێ چه‌ندێ توندوتیژیا ده‌روونى و ب هه‌مى شێوان ژنێ سه‌ر ده‌ستێ زه‌لامى دیتیه‌، ژبه‌ر هندێ ژى ده‌نگێ ئێش و ئازارێن ژنێ ل هه‌مى جێهانێ ده‌نگ ڤه‌ دا و كوردستان ژى بۆ پشكه‌ك ژ ڤێ جێهانێ ژبو ئێشانا ژنێ و ئه‌ڤ نه‌خۆشى و ده‌رده‌سه‌رێن ژنێ ل هه‌مى جیهانێ برین ل كوردستانێ ژى برینه‌، ئه‌ڤه‌ راستیه‌كه‌ نموونه‌ ژى دۆل و نه‌هالێن كوردستانێ و چۆله‌ك و گاز و پانزینێن مه‌ هه‌مى ئالاڤێن ژنێ گیانێ پێ ژ ده‌ستدایى، ل ڤێره‌ و بلا ئه‌م گه‌له‌ك بابه‌تى ل سه‌ر خوه‌ نه‌ وه‌رگێرین و پشتا خوه‌ بده‌ینه‌ ده‌نگێ ژنێ، چونكو جاران بێده‌نگیا ژنێ ڤۆلكانێن مه‌زن ژێ دوه‌شن، چونكو ئه‌ڤ چه‌رخه‌كێ دى یه‌ ئێدى ل سه‌ر ئاسته‌كێ بلند ژنێ وه‌راره‌كا مه‌زن ب خوه‌ ڤه‌ دیت و بوو سومبوله‌ك ل هه‌مى جیهانێ.

35

هه‌یفا دۆسكى:
د ڤان رۆژان دا گه‌له‌ك به‌حس ل هندێ هاته‌كرن، ئه‌رێ خه‌لك دێ چنه‌ سه‌ر سندۆقێن ده‌نگدانێ یانه‌، ئه‌ڤ گۆتنه‌ گه‌له‌ك ره‌نگڤه‌دایه‌، به‌لێ گرنگه‌ بده‌ینه‌ ئاشكه‌را كرن كو ملله‌تێ كورد تایبه‌ت جه‌ماوه‌رى پارتى گه‌له‌ك ژ هندێ ب هێزتره‌ دێ ل رۆژا ده‌نگدانێ قه‌ستا سه‌ر سندۆقێن ده‌نگدانێ كه‌ن و دێ شێن ئه‌وێ ئاڤه‌دانكرنا كوردستانێ به‌ردوامیێ ده‌نێ ژبۆ ده‌ستكه‌فتێن زێده‌تر، به‌لێ خالا گرنگ ئه‌وه‌ به‌حسا رۆلێ ئافره‌تێ بكه‌ین د رۆژا كو چاره‌نڤیسێ مه‌ ل سه‌ر بیت، ئه‌و ژى رۆژا ده‌نگدانێ ئافره‌ت چونكى جڤاك هه‌مى كو یا ئاشكه‌رایه‌ كو رۆلێ ئافره‌تێ د ناڤا هه‌لبژارتنان دا رۆله‌كێ سه‌ره‌كى یێ هه‌ى ژبه‌ر هه‌ر خێزانه‌كا بیت، ئافره‌ت یا لێ ئاكنجیه‌ دشێت كاریگه‌ریێن مه‌زن بكه‌ته‌ سه‌ر هاندانا ئه‌ندامێن خێزانێ و جه‌ماوه‌رى، ئه‌ڤه‌ ب تایبه‌ت ده‌مێ ل رۆژا ده‌نگدانێ ئافره‌ت ب هه‌مى رۆمالا خوه‌ ڤه‌ ئاگه‌داریا هه‌مى ئه‌ندامێن خێزانێ دكه‌ت وه‌ك رۆژه‌كا نوو د كوردستانێ دا ژبه‌ركو ده‌مێ ئافره‌ت ب هه‌سته‌كێ نه‌ته‌وه‌یى رادبیته‌ ڤه‌ ب نموونه‌ رۆژه‌كا نوو یا وه‌ك جه‌ژن ئه‌ندامێن خێزانێ هایدار دكه‌ت دبیته‌ سه‌ده‌ما هندێ كو هه‌مى پێكڤه‌ ب دله‌كێ گه‌شبین و ئارام خوه‌ كار بكه‌ن و قه‌ستا بنگه‌هێن ده‌نگدانێ بكه‌ن، نه‌خاسمه‌ ژى ئه‌و خێزانێ تووشى گه‌له‌ك ئاریشه‌ و گرفتێن ئابوورى یێن به‌رته‌نگ بو وین دژیانێ بوویه‌ ئه‌گه‌رێ هندێ كو لاوازه‌یك كه‌فتیه‌ دهه‌ستێ گه‌له‌ك تاكێن جڤاكى دا، ژبه‌ر هندێ گرنگه‌ به‌حسا هندێ ژى بكه‌ین ئه‌ڤ فشارێن چه‌ند رۆژه‌ د بانگه‌شا هه‌لبژارتنان ل سه‌ر ده‌روون و مێشكێ جڤاكى پتر گڤاشتن په‌یدا كریه‌ و بوویه‌ خاله‌كا نه‌رێنى و كاریگه‌رى سه‌ر بۆچوون و بریارا گه‌له‌ك كه‌سان، به‌لێ رۆلێ ئافره‌تێ ئاها ل ڤێره‌ دیار دبیت ده‌مێ ئافره‌ت ب هه‌مى هێز هاندانا ئه‌ندامێن خێزانێ دكه‌ت و چاره‌نڤیسێ ملله‌تێ خوه‌ ده‌ته‌ به‌ر چاڤێ زارۆ و كه‌سایه‌تیێن د ناڤا خێزانێ دا، ئه‌ڤه‌ ب تایبه‌ت ژى ده‌مێ هاندانا جه‌ماوه‌رى بو لیستا 184 بهێته‌ ده‌ستنیشان كرن چونكى هه‌ر ئو بویه‌ مافێ ژنێ و رۆلێ وێ دایه‌ به‌رچاڤكرن و ئه‌ڤه‌ ئومێده‌كا نوو د ناخێ دایك و ئافره‌تان دا په‌یدا دكه‌ت كو ب هه‌سته‌كێ مه‌زنتر و ب هێز پشته‌ڤانیێ ل ئافره‌تێ بكه‌ن ژبۆ ده‌نگدانێ و لیستا پارتى دیمۆكراتى كوردستان، به‌لكو سه‌رۆك لیستا پارتى دیموكراتى كوردستان ئافره‌ته‌ ئه‌ڤه‌ ناڤه‌كێ مه‌زن ژبو هندێ كو پارتى بویه‌ لیستا ئێك دایه‌ ژنێ رۆلێ خوه‌ دناڤ ده‌ستهه‌لاتێ دا بینیت و ببیته‌ نمونه‌ ئافره‌ته‌كا سه‌ركرده‌ ل ده‌ڤه‌رێ و ببیته‌ نوینه‌را كوردا ل په‌رله‌مانێ عیراقێ، چونكى گه‌له‌ك جارا ئه‌م ئافره‌ت دلگران بووینه‌ كا بۆچى لایه‌نیێن سیاسى ریكێ ل پێكه‌فتنا ئافره‌تێ د جهێن بریاردانێ دگرن و ناهێلن دروست رۆلێ خوه‌ بینن، په‌یام ئه‌ڤه‌ هه‌مى رێك و بنیاته‌ بۆ ئافره‌تێ دڤه‌كرینه‌ ئه‌ڤ جاره‌ ب هێز و ئیراده‌یه‌كا ب هێزتر ببیته‌ به‌ره‌ڤان و نموونا ئافره‌تێن سه‌ركه‌فتى د لیستا پارتى و نموونه‌ بیت بو لیستێن دى كو پشتى پارتى ئافره‌ت كریه‌ سه‌رۆك لیست ژنوى ئه‌وان ئافره‌ت هه‌لبژارت سه‌رۆك لیست ژنوى لایه‌نێن دى یێ، سیاسى چاڤ كره‌ پارتى و ئافره‌ت هه‌لبژارت سه‌رۆك لیست، ئه‌ڤه‌ پتر مه‌ ب ئومێد دكه‌ت كو گه‌له‌گ ده‌ستكه‌فتێن دى دریكێ دانه‌ و ئافره‌ت دشێت ل رۆژا ده‌نگدانێ پتر ئه‌وى چاره‌نڤیسى بده‌ته‌ دیاركرن ب رێكا شیان و هاندانا خوه‌ بۆ ئه‌ندامێن خێزانێ وه‌ك رۆژه‌كا جوداتر ژ هه‌مى رۆژێن دى ئه‌و ژى ته‌ڤایا ئه‌ندامێن خێزانێ ببه‌ته‌ سه‌ر سندۆقێن ده‌نگادنێ و ده‌نگى بده‌نه‌ پارتى دیموكراتى كوردستان، ئه‌ڤه‌ یا گرنگه‌ كو ئافره‌ت ببیته‌ هێمایێ پتر شیان و هێزا خوه‌ دێ ده‌ته‌ دیاركر كو ل پاشه‌رۆژێ ئه‌و باوه‌ریا ب هێز ب ته‌خا ئافره‌تا بهێته‌ دان كو ئه‌و ئافره‌ت دشێن رۆلێ خوه‌ دقادا سیاسى دا ببینن و دێ سه‌ركه‌فتى بن و ژ كێمتر نینن ژ زه‌لامى به‌لكو هه‌ر دوو ته‌مامكه‌رێن هه‌ڤن ژبو سه‌ركه‌فتنا سیاسه‌تا وه‌لاتى و پێشئێخستنا ئاڤه‌دانكرنا هه‌رێما كوردستانێ.

26

هه‌یفا دۆسكى
گه‌له‌ك یا فه‌ره‌كو ب راستگۆیى رۆلێ ژنێ دانینه‌ به‌رچاڤ و كانێ د ڤێ قووناغێ دا هێزێن سیاسی یێن كوردستانێ چاوا سه‌ره‌ده‌رى ل گه‌ل ڤێ دۆزێ كریه‌، بێگومان بێ جوداهى هه‌مى هێزێن سیاسى دیتنا وان بۆ رۆلێ ژنێ د ناڤ ژیانا سیاسی دا نێزیكى ئێكه‌ و چ جوداهیه‌كا وه‌سا یا به‌رچاڤ ناهێته‌ دیتن و هه‌ر رۆله‌كێ ب ژنێ ژی هاتبیته‌دان، یان رێك ل به‌رهاتبیته‌ ڤه‌كرن بۆ كاره‌كێ سیاسى، تنێ بۆ هندێ بوویه‌ كو ببێژیته‌ جڤاكى ئه‌ڤه‌ ئه‌ز هۆسا رێزێ ل ژنێ دگرم و دده‌مه‌ پێشیا زه‌لامى و وه‌كهه‌ڤى باوه‌ریه‌كا نه‌لڤه‌ ل ده‌ڤمه‌ بۆ هه‌ردو توخمان، ئانكو ژن و زه‌لامى.
ئه‌ڤه‌ژى وێ چه‌ندێ ناگه‌هینیت كو ژنا كورد یا كێم شیان و نه‌زانه‌ د ڤى بیاڤی دا، به‌لكو به‌روڤاژى، ژنێ ژی وه‌كى زه‌لامى ئه‌و شه‌هره‌زایى و زانین یا هه‌ى یا زه‌لامێ كورد هه‌ى، به‌لێ زه‌لامى به‌رده‌وام رێك ل به‌رژنێ گرتیه‌ كو بشێت ڤى رۆلى بگێریت و ببیته‌ سه‌ركێشه‌كا سیاسى، یان ناڤه‌نده‌كا سیاسى برێڤه‌ببه‌ت و زه‌لامى به‌رده‌وام ب چاڤه‌كێ كێم سه‌حكریه‌ شیانێن ژنێ و ده‌مێ ڤیاى رێیێ ل به‌ر ڤه‌كه‌ت ژی بۆ هنده‌ك مه‌ره‌مێن خوه‌ یێن پیسبوویه‌، نه‌كو ژ ڤه‌رێژا تێگه‌هشتنا وى بوویه‌ د ڤى بیاڤی دا.
هه‌روه‌كى به‌رى نوكه‌ مه‌ گۆتى بێ جوداهى هه‌مى حزب و هێزێن سیاسى ل كوردستانێ، ئه‌و رێك و بیاڤ ل به‌رژنێ نه‌ڤه‌كریه‌ كوژن بشێت بگه‌هیته‌ ناڤه‌نده‌كا سیاسى یا هه‌ژى شیان و پێچێبوونێن وێ، ئه‌ڤ مژاره‌ ژی پێدڤى ب ڤه‌كۆلین و دووڤچوونێن كویر و زانستى هه‌یه‌، كانێ ئه‌گه‌رێن ڤێ چه‌ندێ بۆ چ تشت دهێنه‌ زڤراندن، كانێ ئه‌ڤه‌ (پره‌نسیپه‌كه‌) و هێزێن سیاسى باوه‌رى پێ نینه‌، یان ژی كه‌سن ڤێ رێكێ لێ دگرن بۆ پاراستنا به‌رژه‌وه‌ندیێن خوه‌ یێن كه‌سى.
بێگومان ئه‌ڤه‌ ب تنێ گونه‌ها زه‌لامى نینه‌ كو نوكه‌ ئه‌ویێ ل سه‌رهه‌مى گه‌هێن سیاسى زاله‌، ئه‌ڤه‌ گونه‌ها ژنێ بخوه‌یه‌ ژی، چونكو هه‌تا نوكه‌ وێ ژی یێ خوه‌ به‌ردایه‌ڤه‌ و به‌ره‌ڤانى ژ مافێ خوه‌ نه‌كریه‌ و خوه‌ یا هێلایه‌ ب خێر و دلۆڤانیا زه‌لامێ سیاسى ڤه‌، هه‌ر بۆ میناك رێكخستى و كۆم به‌ستێن ژنا هه‌مى بزاڤان دكه‌ن كو دهه‌لبژارتنان دا ژن ب سیسته‌مێ كۆتا بهێته‌ هه‌لبژارتن كو ئه‌ڤه‌ بخو زولمه‌كه‌ ژن ل خوه‌ دكه‌ت، ب دیتنا مه‌ پێدڤیه‌ ل شوونا ڤێ چه‌ندێ هێزێن سیاسى چاوا پشته‌ڤانیا كادرێن خوه‌ یێن زه‌لامدكه‌ن بۆ سه‌ركه‌ڤتنا وان د هه‌لبژارتنان دا، پتر پشته‌ڤانیا ژنێ بهێته‌كرن و بینیته‌ پێش و رێیا ل به‌ر خۆش بكه‌ت بۆ سه‌ركه‌ڤتنێ و چاوا ریكلام بۆ كادرێ زه‌لام دهێته‌كرن دو هند بۆ ژنێ بهێته‌كرن داكو ئه‌و ب حه‌قێ خوه‌ بهێته‌ هه‌لبژارتن نه‌كو خێر پێ بهێنه‌كرن.
چۆنكى دێ به‌حسا هندێ كه‌ین كو ئێك نموونا زیندى د ناڤ ل كه‌لتوورێ كوردى د اكو دكه‌ڤن دا مێر ب ژنێ هاتیه‌ نیاسین و گۆتیه‌ كوڕێ فلانێ یان ب ناڤێ هه‌ڤژینا وى یان دایكا وى گازیكریێ، چونكى كه‌سه‌كا ئه‌كتیڤ و به‌رنیاس بوویه‌ و د ناڤ بنه‌مالێ دا هێز و هه‌یبه‌تا وێ یا ئاشكه‌را بوو و شیایه‌ خێزانێ، خویندار پێك بینیت و ده‌سته‌كێ بلند و خودان رێز هه‌بوویه‌ د ناڤ جڤاكێ كوردى دا، یا ئاشكه‌رایه‌ كو ل ڤێ دووماهیێ و پشتى سالێن نۆتان چه‌ند پتر جڤاك پێش دكه‌ڤیت رۆلێ ژنان ل جهێن بریاردانێ دا كێم بوویه‌ چه‌ند ئه‌م به‌ر ب پێش دچین ژبلى هندێ كو رێژه‌كا كێم یا ئافره‌تێ یا دیار بیت ئه‌م هه‌ر د رازى نینین ئه‌ڤه‌ نابیته‌ پێڤه‌ر بێژن ئه‌م، رێ ده‌ینێ و چونكى سیاسه‌ت مولكێ كه‌سێ نینه‌ به‌لكو یێ وه‌لاتى یه‌، به‌رۆڤاژى ڤێ چه‌ندێ ژى هه‌ر گوهۆرینێن سیاسى دا بۆ هه‌ر چه‌ند ساله‌كا و ل هه‌رێما كورستانێ كار دهێته‌كرن گوهۆرینێن سیاسى هه‌بن هندێ دهێته‌ كرن و ئه‌ڤ گوهۆرینه‌ كاریگه‌ریه‌كا ئه‌رێنى بیت بۆ ره‌وشا كوردستانێ، ئه‌رێ هه‌كه‌ ب تنێ زه‌لام بن دێ ئه‌رێنى تێدا بیت!! لایه‌نێ دى ژى پارتێن سیاسى ده‌مێ د ناڤ پۆستان د هزرا لێكگۆهارتن و راسپاردنا كه‌سان دكه‌ن ژبۆ برێڤه‌برنا پارتێ و كارێن سیاسى یێن پارتێ، خۆشبه‌ختانه‌ كو ئه‌ڤ گوهۆرینه‌ دهێنه‌كرن و یێ بێ گومانه‌ كو گوهۆرین هه‌كه‌ چ نه‌بیت نیاسین و گوهۆرینا ژینگه‌هێ و كه‌سانێن دى نه‌ ل دۆرهێلێ كارى، به‌لێ ئه‌گه‌ر لایه‌نێ دى یێ دڤێت ل سه‌ر باخڤین ئه‌وه‌ ئه‌رێ ده‌مێ هزرا هندێ دهێته‌كرن، بۆچى 5% ژى ئه‌م ره‌گه‌زێ ئافره‌ت د ناڤ ئه‌ڤان سه‌ركردایه‌تیا دا نابینین، حه‌ز ناكه‌م بێژن كار دكه‌ن و حه‌زژ رێكلاما خوه‌ ناكه‌ن نه‌خێر، به‌لكو ئه‌و كه‌سێ دیاره‌ یێ كار دكه‌ت، مه‌ شیانێن به‌رچاڤ دڤێن ژبۆ رێخستنا ژنان و ب هێزكرنا جڤاكه‌كى ئاڤاكرى یا به‌رچاڤ بیت و د ناڤ ره‌ه و ریشالێن سیاسى و ئابوورى و جڤاكى دا ده‌سته‌كێ بلند هه‌بیت. تایبه‌ت ژى هه‌كه‌ به‌حسا سیاسه‌تێ بكه‌ین كه‌سێ سیاسى مولكێ خه‌لكى یه‌ و نه‌ك یێ تاكانه‌ و ل پشت هنده‌ك كورسیكان كار بكه‌ت، دیسا من به‌حسا وان ژنان نینه‌ یێ ل شاشان كاره‌كێ راگه‌هاندنێ بكه‌ن، مه‌ره‌م ژێ كارێ سیاسى و دیسا به‌شداریا ئافره‌تێ و د ناڤ مه‌یدانا سیاسى دا، ئه‌رێ دانانا وێ نابیته‌ هۆكار كو مه‌ جڤاكه‌كێ ساخله‌م هه‌بیت، چونكى چ ملله‌ت پێشناكه‌ڤن هه‌تا ته‌ ئافره‌ته‌كا پێشكه‌فتى نه‌بیت، ژ به‌ر ئه‌و بیناتێ ملله‌تان دانیت چونكى ئاڤاكرنا تاكه‌كى ئاڤاكرنا جڤاكه‌كى یه‌، لێ ب گشتى ل كوردستانێ مه‌ ده‌ستهه‌لاته‌كا سیاسى یا نێر یا هه‌ى ل ناڤ هه‌مى پارتێن سیاسى دا بێ ده‌ستنیشانكرنا لایه‌نه‌كێ سیاسى، ئانكو دێ بینى ل هه‌ر جهه‌كێ سیاسى دا ل كوردستانێ رێژا ژنێ ل جهێن بریارێ ب تنێ زه‌لامن و هه‌كه‌ ژى ژنه‌ك هه‌بیت بۆ روویسپیكرنا وێ جهى یه‌ك و دا بێژن ئه‌م رێكێ ده‌ینه‌ ژنێ و مه‌ نه‌ رێگرین د رێكا وێ دا هه‌كه‌ ژى به‌حسا لایه‌نێ دى بكه‌ین كو ئافره‌ت وێ ئازادیێ ناده‌ته‌ خوه‌ ئه‌رێ كه‌نكى رێك بۆ هاتبیته‌دان و وێ ئافره‌تێ رۆلێ خوه‌ نه‌دیت بیت، ژبلى هندێ كو پشته‌ڤانى ل ئێكێ هاتبیته‌كرن و ماوه‌كى بۆ هنده‌ك به‌رژه‌وه‌ندیان و جاره‌كا دى پشت دابیتى پشتى كو ئه‌و ب هێز و شیانێن خوه‌ نه‌شیایى خوه‌ ل سه‌ر پێن خوه‌ بگریت، ئه‌ڤه‌ بێ بهانه‌ دێ روونیت و د ناڤ مه‌یدانا سیاسى دا به‌رزه‌بیته‌ڤه‌، ئه‌گه‌ر ژى بێژن شیانێن وێ دلاوازن و به‌هانێ بكه‌نه‌ ئه‌و خالا ڤه‌شارتى و هزر بكه‌ن كو سوحبه‌ت ل سه‌ر ناهێته‌كرن چونكى ژنێ ئه‌و زه‌لامێ سه‌ركرده‌ ئاڤاكریه‌ و ئه‌ڤرۆ ل سه‌ر كورسیا ده‌ستهه‌لاتێ ملله‌تى برێڤه‌ دبه‌ت.

83

ھەیفا دۆسکی:
بابەتێ ھەوا بەرھنگاربوونا توندوتیژیا دژێ خێزانێ ھەر سال شازدە رۆژان ڤەدکێشیت و جاران پێھەلتر دچن و ل دووڤ خشتێ چالاکیان دمینیت و ل ھەیڤا 11 ھەتا یا دوازدە ڤەدکێشن و ب ھەمی جۆرێن چالاکین ئەڤ ھەوە دھێتە ساخکرن و ئەو ژی ل دووڤ جۆر و شێوەیێن توندوتیژیێ دراوەستیت، کا چەند دھێتەکرن، ژ بەر ھندێ ھەمی سالان ئەم یێ کار ل سەر دکەین ئەڤ توندوتیژیە کێم بیت، لێ ئەم یێ بەرێ خوە ددەینێ ژ ئالیەکی ڤە یا کێم دبیت و ژ ئالیەکێ دیڤە ژی ب رێژەیەکا مەزن یا بەرفرەە دبیت.

ئەڤجا چ توندوتیژیا سیاسی و ئابووری و جڤاکی و ھزری و دەروونی و پاشی جەستەیی چونکی ئەڤان جۆران جڤاک یێ کریە د قووناغەکا ھەستیار دا و رەوشا گەلەک وەلاتیان ژلایێ ئیرادەیی یا دکەڤیتە د لاوازیێ دا و یا دیارە کا دەست ل سەر چ برینێ یە و چاوا بریندار بوویە و چاوا پێدڤی ساخکرن و سارێژکرنا وان برینایە.

ئەز گەلەک بەحسا توندوتیژیا دژی ئافرەتێ ناکەم، چونکی ھەتا رادەیەکی باش پشتی ڤەکرنا نڤیسینگەھێن توندوتیژیا دژی خێزانێ ئێدی ھزرەک وەک ترس بۆ ئافرەتێ دھێتەکرن کو نەھێتە قوتان و کۆشتن، وەکو دی توندوتیژیا دەروونی و ھزری ژن د نوکە دا یا کریە د رەوشەکا ئێکجار خراب دا، نموونە ژی دەرێخستنا وێ ژ مال و نە بەردەت و نە ژی دڤەگەرینیت و ھەتا زارۆیێن وی ژی لێ دوور دکەن و خەرجیێن وێ ژی لێ ھاتینە برین چونکی د قانوونێ دا نە یا بەردایە، بەلکو ژبەر شەرما ژ جڤاکی و عەشیرەتێ نەڤێت ناڤێ بەردانێ بھێتە سەر، ئەڤجا نەچارە ئەڤ ژنە شەڕێ دەروونی ڤە بنالیت و ل ڤێرە ژی دێ ھەر کەس ھزر کەت کا ئەو ژی ل بەر چ کەڤتیە د ڤێ رەوشێ دا و چپێ نەڤێت یا چارچووڤە کریە د خالا رەوشتی دا و ھەر ئێک بۆ خوە شرۆڤەدکەت و ئەڤە ل دووڤ وژدانا تاکان دراوەستیت، یان ھەکە بەحسا وان کچێن د ژیێ سنێلەیی دا بکەین و ئەڤ نەخۆشیا ئەو د ناڤ دا دنالن و کەفتینە دپەیوەندیا ل گەل کوڕان و د سەر ڤێ ئێکێ را ئەو کوڕە گەفێن ھەتکربرنا وان لێ دکەن و توندوتیژیا سکسی ل گەل وان ئەنجام دەن و ب تنێ ئەو ل گەل وان بمینن و ھەر جارا ڤیا حەزا خوە یا غەریزەیی ژێ تێر بکەن ئەڤێ جۆرێ پەیوەندیێ ژی ئەگەرێن خوە یێن تایبەت ھەنە، مینا بێ پارەیی و ڤەقەتیانا ھەڤالینیا د ناڤبەرا سنێلە و گەنج و دایکوبابان دا و دیسا دوور ژ دلۆڤانی و حەزژێکرنا دەوروبەران و روودانا ڤالاتیێ کچ تووش دبیتێ.

خالا دی توندوتیژیا دژی زارۆیی قوتان و ترسا ژ لایێ دایک و بابا و پاشڤەبرن و شکاندنا ھەستێ وان، دیسا ژی کارکرنا وان ل سەر جادە و ل ناڤ کولان و بازاری و دیاردا خازۆکیێ ھەر کەس ژلایێ خوەڤە سڤکاتیێ پێ دکەت و ھەتا ژی کار ب وان کرن ل سەر ئاستەکێ خراب و ئاریشێن بەد رەفتاری و بەرەلا، یان ژی ھەکە بەحسا کەسانێن بێ دەستھەلات بکەین ل ناڤ دامودەزگەھێن کاری دا ئەڤجا چ میری یان حزبی یان کەرتێ تایبەت دا بیت و دیسا رێز نەگرتنا مرۆڤی ل وی کەسی و کار پێکرنەکا بێ توخیب و جوداھیا جەستەیی ئەڤە ژی خالەکا جودایە ژ توندوتیژیێ.

ژ لایەکێ دیڤە ژی توندوتیژیا ل گەل کەسانێن دانعەمر دھێتە کرن کو ب درێژیا ژیێ خوە کاردکەن و پشتی ب ناڤ سال ڤە چووین ئەو ب شێوێ ئەرک ل سەر ملێن زارۆیێن وان باشترین شێوە ناھێنە ب خودان کرن و ھەر چەند رۆژان ل دەڤ زارۆیەکی یە داکو پێڤە نە وەستیێن ئەڤ دایک و بابە ژی ھەکە جھەکی ب خودانکرنا خوە ببینن دبیت ئەو قەستا وێرێ بکەن و دیسا ژی ھەکە شەرم نەبیت کەس و کارێن وان دانعەمران دێ وان بەنە جھێن تایبەت یان ھندەک مرۆڤێن بیانی بۆ گرن چاڤدانا وان بکەن ئەڤجا دلۆڤانی پێ بەن یانە ئەو ژی گرێدایی رەفتار و وژدانا وی کەسی یە و ئەڤە ب سەدان نموونێن وەسا د ناڤ جڤاکی دا یێن رووددەن.

بەروڤاژی ڤێ یەکێ ژی یا ژ ھەمیان پتر ئەم لێ سەرسورمان دبین توندوتیژیا ھزری و سیاسی و ئابووری و دەروونی ئەڤێ چەندێ ھەمیێ نەخۆشیێن گەلەک مەترسی یێ لێ پەیدا دبن کو ل پاشەرۆژێ ئەم ل چارەیێن دەولی بگەرین، نموونە ئەڤ دانا گەلەک شەھیدان ژ ئەنجامێ شەڕێن دژوار ل سەر ھەرێما کوردستانێ و دانا شەھیدان و ئەنجامێ ڤێ ل پشت ڤان شەھیدان ب سەدان ژن و کچ و دایکێن گەنج بوونە بێ ھەڤژین و ئەو ژی یێ د رەوشەکا گەلەک یا ئالۆز دا و کەس نینە گەرەنتیا ژیانا وان بکەت وەکو ھەڤژین و ھەکە ژی ھەبن بخوازن دێ کوڕ یان زەلام چەند خودان ژیەکێ مەزن بیت دێ چیت ل کچەکا دبن ژیێ بیست سالی دا گەریت ئەڤێن ھەنە ب وێ پیرۆزیێ ڤە دمینن بێ ھەڤژین و د ناڤ کەلتۆرەکێ ژ گەلەک وەلاتێن جیران دا بۆ مە مایی و ئەم ل سەر پەروەردە بووین دێ ژیت.

شەرێ ھزری و سیاسی ژی کو ئابوور نەما و مووچە و بۆدجە ھاتن و چوون ئەڤێ توندوتیژیا دژوارتر لێ کری، چونکی ئیرادەیا خەلکی ژ ھەر تشتی مەزنترە دکەڤیتە د مەترسیێ دا و ئیرادا گەلی ل رێزا ئێکێ دھێت بۆ پێشھاتەکا ل کوردستانێ پەیدا دبیت، گرنگە یا پاراستی بیت و چارەیێن ب لەز بھێنە ڤەدیتن و ئەڤ جۆرێن توندوتیژیا دوی بوونێ دا بھێنە چارەکرن.

32

روودانێن ڤێ دووماهیێ ژ پشتى ریفراندۆمێ هاتین و ئه‌و پێش هاتێن د دویفرا و بگره‌، كه‌ش و هه‌وایه‌ك دروست كر و گه‌له‌ك تشتێن ب له‌ز ل گه‌ل خوه‌ ئینان بابه‌تێ وێ ب گشتى، تا وى رادده‌ى حه‌ز و هه‌ست و پێشبینیێن خه‌لكى هه‌مى ته‌ڤلیهه‌ڤ كرن. د ره‌وشه‌كا ب ڤى ره‌نگى دا، كو هه‌میان خه‌ون ب ده‌وله‌تبوونێ ڤه‌ ددیتن و ئه‌و خه‌ونا ب سه‌ده‌ها ساله‌ باب و باپیرێن مه‌ سه‌ر ئێك گهورین تیدا په‌یدا بۆ دچه‌ند رۆژان دا، دیوارێن وێ هه‌مى دهزرا گه‌له‌كان دا ژ به‌ر ئێك چوون و زێده‌تر خه‌لك توشى سه‌رسورمانێ و راوه‌ستیانێ كرن، ده‌رگه‌هـ ل به‌ر خه‌لكى ڤه‌بوو و هه‌مییان پێشبینى و خواندنێن خوه‌ دانه‌ بارودوخى و تا وى رادده‌ى، هه‌ر كه‌سێ مرۆڤ بێهنه‌كێ ژى ل ده‌ف روونشتبا، سیاسى با یان ره‌وشه‌نبیر، رۆژنامه‌ڤان و خوه‌ ئابوورناس و نۆشدار و كرێكار و دوكاندار ژى، نه‌ ب تنێ ئه‌ڤه‌، ژنێن به‌رمالى ژى ده‌ما ل ده‌ف ئێك د روونشتن، خواندنێن خوه‌ و شرۆڤه‌كرنێن خوه‌ بۆ بارودۆخى هه‌بوون.
راسته‌ گشتپرسى هاته‌كرن و هه‌ر وه‌ك مه‌ ڤیایى ئه‌نجامێن دووڤ وێ یه‌كێ را هاتین د خوه‌ش نه‌بوون و مه‌ ب دلێ مه‌ نه‌بوون بوون چۆنكى هه‌ر تشت هاته‌ گۆهۆرین پشتى ئه‌نجامێن هاتینه‌ راگه‌هاندن، لێ تشتێ گرنگ، خه‌لكى بگشتى وژدانا خوه‌ راست كرن و ده‌نگێ خوه‌ دان و بۆ جیهانێ هه‌میێ دیار كرن، كو كوردان سه‌ربه‌خویا خوه‌ دڤێت، تا ڤێره‌، ئه‌ڤه‌ خواندنه‌كا بچكی بوو ژبو بارودوخى، لێ یا من دڤێت د ڤێ گۆتارێ دا به‌حس بكه‌م، ده‌ركه‌فتنه‌ ژ بابه‌تێ ریفراندۆمێ و ئه‌گه‌رێ پشت گوهدانا جڤاكێ نیڤده‌وله‌تى بۆ كوردان، ئه‌و ژى، ده‌ما ئه‌م هه‌مى دبین سیاسه‌تڤان، ئه‌م هه‌مى دبینه‌ شرۆڤه‌كارێن سیاسى و هه‌ر وه‌ك مه‌ دڤێت بابه‌تان هه‌لسه‌نگینین و پێشبینى و خواندنێن خوه‌ ب به‌ر خه‌لكى وه‌ردكه‌ین، هینگێ ئه‌م گه‌له‌كان گونه‌هبار دكه‌ین و گه‌له‌كان ژى بێ ئۆمێد دكه‌ین و ئه‌ڤه‌ بخوه‌ ژى شكه‌ستنه‌كا دى یه‌، ئه‌م نه‌خوشیه‌كا ده‌رونى لده‌ف خه‌لكێ خوه‌ دروست بكه‌ین و بێ وره‌یێ ل ده‌ف زارۆیێن شه‌هیدان و مالباتێن وان په‌یدا بكه‌ین، كو بابێن وان خوینا خوه‌ ژ بۆ كوردستانێ رێتى یه‌ و ئه‌م پێشبینیێن شاش ددانینه‌ به‌ر چاڤێن وى، ژبه‌ركو ئه‌م كورد، ب ده‌هان سالانه‌ ئه‌م دشوه‌رشێ دا و تا نوكه‌ ژى ئه‌و شۆره‌ش یا به‌رده‌وامه‌، ئه‌م یێ خه‌بابتێ دكه‌ین و ژمێژه‌ هاتیه‌ گۆتن، كوردان ب تنێ چیا هه‌نه‌، لێ ببنه‌ خوه‌دان، بوویه‌ ب هزرا من، نابیت هه‌ر كه‌سه‌ك ژمه‌ ژلایێ خوه‌ ڤه‌ شرۆڤه‌كرنان بده‌ت و وڕه‌یێن خه‌لكى بینته‌ خوارێ و هه‌ر گاڤا ئه‌م فێربووین، هه‌ر ئێك ژمه‌ د چوارچووڤێ كارێ خوه‌ دا پێش كه‌فتنێ و داهێنانێ بكه‌ت، ئه‌م دێ ده‌رفه‌تان بۆ سه‌ركه‌فتنان په‌یدا كه‌ین و هه‌ر كه‌سه‌ه‌كێ چوویه‌ قوتابخانێ ژى لبیرا وى یه‌ ده‌ما دوانا كوردیێ دگۆت (گۆشت بۆ گۆشتفرۆشى) و یا فه‌ره‌ هه‌ر كه‌سه‌ك ب تنێ كارێ خوه‌ بكه‌ت و نه‌ك هه‌ر كه‌س خوه‌ ته‌ڤله‌هى سیاسه‌تێ بكه‌ت و مایێ خوه‌ د بابه‌تێن جودا یێن حوكمه‌تێ دا بكه‌ت، چۆنكى هه‌ر كه‌س مژوولى كار و ژیانا خۆیه‌، یا گرنگه‌ ژى گونه‌هێ نه‌كه‌ینه‌ ئه‌گه‌رێ ریفراندۆمێ چونكى مه‌زنترین ده‌ستكه‌فتێن نه‌ته‌وه‌یى دێ ل پاشه‌رۆژێ هه‌بن و ئه‌م دبێ ئومێد ژى نینن، له‌ورا قه‌له‌مێن مه‌ بلا بۆ نڤیسینێن ب وژدان بن نه‌ك ئێشاندنا ب هزاران برینین ملله‌تێ مه‌.

61

ره‌نگه‌ بابه‌ت پیچه‌ك یێ ئالۆز بیت بۆ خواندنێ، تایبه‌ت ژ لایێ خوێنده‌ڤانێ زه‌لام ڤه‌، ژ به‌ر كو بۆ زه‌لامى نه‌خه‌مه‌ یان هه‌ر نه‌ڤێت هزرێ ژى تێدا بكه‌ت كا چ ئاسته‌نگى درێیا ژنان دا هه‌نه‌، پێنه‌ڤێت ئه‌ڤا ئه‌ز دبێژم نه‌ بۆ هه‌مى زه‌لامان، ئه‌و زه‌لامێن هێشتا عه‌شایرگه‌ریێ ده‌مارێن وان به‌رنه‌داین و رێ ل پێشكه‌فتنا ژنێ دگرن.
بێده‌نگیا ژنێ ل سه‌ر گه‌له‌ك ماف و ئه‌ركێن پێدڤى یێن رۆژانه‌ و یێن پاشه‌رۆژێ جاران مرۆڤى دلگران دكه‌ن، به‌لێ راستیا ئه‌م پێ دلخۆش دبین، هه‌ر گۆهرینه‌كا جڤاكى و ئابوورى و سیاسى رووبده‌ت، چ پێ نه‌ڤێت ژنێ پشكداریا تێدا هه‌ى و ئه‌م یێ هه‌ولا هندێ دده‌ین ژن، خودان ئیراده‌یه‌كا ب هێز بیت د ناڤ هه‌ر كاره‌كێ بیت، ژبه‌ر بێده‌نگیا ژنێ، ته‌په‌سه‌ركرنا ژنێ د هه‌ر بزاڤه‌كا ژیانێ دا نه‌ ب تنێ ئه‌و ژنا د ناڤ ده‌ستهه‌لاتێ دا، به‌لكو هه‌ر ژنه‌كا دبیته‌ نوونه‌را خێزانه‌كێ و دایكا هه‌ر مێیه‌كا دهێته‌ دونیایێ، به‌لكو ژى د بنیاتێ هه‌ر توخیبه‌كێ پێشكه‌فتنا ژن تێدا بیت بۆ ره‌گه‌زێ نێر یا گرانه‌ ژن ببیته‌ خودانا ده‌ستهه‌لاته‌كا ب هێز ل وه‌لاتى و ئه‌م ژى ژڤێ بارۆڤێ دبێ به‌هر نینین و ب سه‌دان و ب هزاران ژن د سالێن بوورى و یێن نوكه‌ یێ سه‌رێ خوه‌ ژبۆ ڤێ چه‌ندێ ددانن ئاخێ، لێ تشتێ دلێ مرۆڤى پێ گه‌شبین دبیت ئه‌وه‌ ژنا كورد ل كوردستانێ ئێدى به‌ر ب باشتر یا هه‌ول ده‌ت، ئه‌و شیان و هێزا هه‌یى بده‌ته‌ كارى كو شیانا د جانێ وێ دا ببیته‌ كارى و ژبۆ سه‌ركه‌فتنا پرسا ژنێ سه‌ربكه‌ڤیت، یا ژ ڤێ پتر ئه‌م ل سه‌ر راوه‌ستین، ئه‌وه‌ ئه‌م جاران د گومانێ دا دژین ئه‌رێ ژن ل كوردستانێ دێ به‌ر ب كیڤه‌ ده‌ته‌ رێ؟، چونكو هێشتا ئه‌م ژن مژوولى هندێنه‌ كه‌س ل به‌راهیا مه‌ ژنان نه‌كه‌ڤیته‌ كاروانى و ئه‌م دژاتیا ئێك بكه‌ین و نه‌هێلین هه‌ڤال و كه‌سان ل دۆرێن مه‌ بهێته‌ پێش و ئه‌و پێ ئالینك و ئاسته‌نگان بۆ په‌یدا دكه‌ین، دا كو بمینته‌ ل پشت مه‌ و ئه‌م ترسین ئه‌و مه‌ بهێلیت و ئه‌م د جهێ خوه‌ دا بمینین، له‌ورا ژى باشه‌ ئه‌گه‌ر ئه‌م هه‌ڤركیا پێشكه‌فتنێ بكه‌ین، به‌لێ نه‌ هه‌ڤڕكیا شكاندنا ئێك و دروستكرنا هنده‌ك تۆمه‌تێن نه‌ به‌رئاقل د ناڤ جڤاكى دا، تشتێ گرنگ ئه‌وه‌، سه‌ركه‌فتنا هه‌ر ژنه‌كێ سه‌ركه‌فتنا ژماره‌كا ژنانه‌ ل كوردستانێ و ئه‌م پێدڤى پشته‌ڤانیا ئێكین بۆ سه‌ركه‌فتنا پرسا ژنێ، ژ به‌ر خوه‌ ناسكرن و خوه‌ ئاڤاكرن بۆ پتر به‌ر ب پێش گه‌له‌ك یا ب زه‌حمه‌ت نابیت و باشتره‌ ئه‌م هه‌ولا سه‌ركه‌فتنا ئێك بكه‌ین د هه‌ر قووناغه‌كا ژیانێ دا دا كو حوكمه‌ت و ده‌ستهه‌لات ژى ئه‌و په‌ڕێ باوه‌ریێ د ناڤ هه‌ر كاره‌كى جڤاكى و ئابوورى و سیاسى دا باوه‌ری ب هێزا ژنێ هه‌بیت و ل دووماهیا ڤێ گۆتارێ ژى وه‌ك په‌یامه‌ك بۆ هه‌مى ژنان، به‌رۆكێ مه‌ د ناڤ جڤاكى دا گه‌له‌ك یێ به‌رفرهه‌یه‌ و گه‌له‌ك كار ل سه‌ر ملێن مه‌یه‌ ئه‌م مافێن ژنان و هزرا جڤاكى ل به‌رامبه‌رى ژنان بگوهۆرین و ئه‌گه‌ر مه‌ ژنان بخوه‌ ژى هه‌ڤڕكى ل گه‌ل ئێك هه‌بیت، پێنه‌ڤێت ئه‌و به‌رۆكێ من ژێ به‌حسكرى دێ ب زه‌حمه‌تر كه‌ڤیت و دێ زێده‌تر ماندى بین هه‌تا ئه‌م بشێین وه‌ك ژن و چالاكڤانێن ژن، ل سه‌ر مافێن ژنان باخڤین.

50

بابه‌تێ پێشكه‌فتن و پاشكه‌فتنا ژنێ، زێده‌تر د ڤان ده‌هـ ساله‌كێن دووماهیێ دا په‌یدا بوویه‌، تایبه‌ت پشتى سالێن حه‌فتییان ده‌ما خواندن و زانین به‌ربه‌لاڤبووى. ئه‌و بابه‌تێن بووینه‌ ئه‌گه‌ر ژى زێده‌تر كو ژن یا پاشڤه‌ماى بیت یان ئه‌گه‌ر باشتر بێژم كو ب زه‌لامى را نه‌ گه‌هشتبیت، ئه‌م دشێین بكه‌ینه‌ دو خال، ئێك: خواندن و زانین، ده‌ما رێ بۆ كورى هاتیه‌ دان كو بخوینیت و بچیته‌ قوتابخانێ، ل ڤێره‌ ئه‌و ده‌رفه‌ت بۆ كورى په‌یدا نه‌بوو، ئه‌و هه‌ڤسه‌نگیا به‌رى هینگێ د ناڤبه‌را زه‌لامى و ژنان دا هه‌ى، كو هه‌ردو نه‌خونده‌وار بوو، پێكه‌ دچوونى ئاقارى و پێكڤه‌دچوونه‌ چیایى گیایێ بهارێ و كه‌زان و گهیشكا و هه‌تا هه‌شكا و داران ژى یانكو ئێك ئاستییا هه‌ردویان و ئێك ئاستیا دنیادیتیا هه‌ردویان ئه‌گه‌ره‌كێ ب هێز بوو كو باوه‌ریا وان ب ئێك زێده‌تر بیت و رێزێ ل بۆچوون و دیتنێن ئێكدو بگرن، ژ به‌ر كو هه‌ردویان ئێك ئاستێ ره‌وشه‌نبیرى هه‌بوو، خالا دوێ كو من دڤێت زێده‌تر ل سه‌ر براوه‌ستم، په‌یدابوونا حزبێن ئیسلامى بوو، كو ژن ب عه‌وره‌ت زانى، ژ ئێكجوداكرنا ژنان ژ زه‌لامى، چ ب رێكێن خوه‌ ڤه‌شارتن و پێچانێ بیت چ ب رێگرى گرتن بیت ل ده‌ركه‌فتن و ئازادیا وێ بۆ هه‌لبژارتنا مافێن وێ، ل گه‌ل په‌یدابوونا هزرا ئاینى یا سیاسى، بارێ ئابوورى یێ نه‌ سه‌قامگیر ژى ئه‌گه‌ره‌ك بوو كو زێده‌تر ژن د ناڤ چاردیواران دا بمینیت و نه‌ ئه‌وێ شیان هه‌بوون به‌رگریێ ژخوه‌ بكه‌ت و ئه‌ڤ هه‌ڤسه‌نگیا جاران ژى د ناڤبه‌را وێ و زه‌لامى دا نه‌ما، كو ئاستێ ره‌وشه‌نبیرى یێ هه‌ردویان وه‌كى ئێك بیت و پێنه‌ڤێت ژى هینگێ رێزگرتن بخوه‌ دێ زێده‌تر بیت، لێ ده‌ما زه‌لام خوه‌ ژ ژنێ زێده‌تر ببینیت و ئاستێ خوه‌ بلندتر ببینیت و خودان داهات و ژنێ ژبلى خودانكرنا زارۆیان زێده‌تر چ پێ چێنابیت، ئه‌ڤه‌ بخوه‌ ئه‌گه‌ره‌كێ ب هێزه‌ كو ئێدى ژن بهێته‌ چه‌وساندن. یا من دڤێت بێژم، راسته‌ پێنگاڤان بۆ راستڤه‌كرنا ڤێ هه‌ڤسه‌نگیێ یێ دهێنه‌ هاڤێتن و نوكه‌ كچ ژى دشێن به‌رده‌وامیێ بده‌نه‌ خواندنا خوه‌ و ئاستێ خوه‌ یێ ره‌وشه‌نبیرى مل ب ملێ زه‌لامى بگه‌هینن، لێ مانا پارتێن ئیسلامى یێن سیاسى، كو گه‌له‌ك جاران بابه‌تان بۆ لایێ خوه‌ و به‌رژه‌وه‌ندیا خوه‌ یا حزبى ئالیسه‌نگ دكه‌ن، ژن زێده‌تر دهێته‌ ته‌په‌سه‌ركرن و ئه‌و هه‌ڤسه‌نگى ژى یا ته‌مام نابیت. بوویه‌ ب هزرا من، دڤێت ئه‌م وه‌ك چالاكڤانێن ژن بۆ وێ چه‌ندێ كار بكه‌ین، فشارا ڤان پارتێن هه‌نێ ل سه‌ر پێشكه‌فتنا ژنان كێم بكه‌ین، فشارا ئه‌ز ژێ دبێژم نه‌ ل سه‌ر ئاینێ ئیسلامێ یه‌، ژ به‌ر كو ئیسلامێ گه‌له‌ك مافێن ژنان زامن كرینه‌ و د قورئان و فه‌رمۆده‌یان دا هاتینه‌ به‌حسكرن، لێ پارتێن سیاسى كو خوه‌ ب رێبه‌رێ یان نیشاده‌رێ ئاینى دده‌نه‌ ناسكرن، ڤێ چه‌ندێ بۆ ئالیێ خوه‌ یێ حزبى له‌نگیێ دئێخنێ و چارچووڤه‌ دكه‌ن.
به‌لكو ژى گۆتنا هه‌ر بابه‌ته‌كێ گرێدایى ژنێ د ناڤ جڤاكێ مه‌ دا، چونكى ژن و ئاین بوویه‌ هێله‌كا سۆر و گه‌له‌ك جاران ژى هوشیاریا ژنێ دلگرانیا گه‌له‌ك كه‌سانه‌ و كاریگه‌ریا گه‌له‌ك وه‌لاتان و كه‌لتورێن بیانى د ناڤ جڤاكێ مه‌ دا كه‌لتۆره‌كێ هه‌ڤدژ په‌یدا كریه‌ د ناڤبه‌را هه‌ر دو ره‌گه‌زان دا و به‌رده‌وام هه‌ول داینه‌ ژن د ناڤ كه‌ڤلوژانكه‌كێ نڤستى دا بێده‌نگ بیت و كه‌سێ ئاگه‌ه ژ ره‌وشا وێ نه‌بیت ب تنێ ل گه‌ل خوه‌ بژیت، ژ لایه‌كێ دیڤه‌ ژى ئه‌و بنه‌مایێن هێزین ژنێ د ناڤ جڤاكێ مه‌دا كو دكه‌ڤن دا ژن بتنێ دچوو ئاقارى و هه‌تا ب شه‌ڤ كارێ ده‌رڤه‌ دكر ئه‌ڤجا چ ب تنێ یان ل گه‌ل زه‌لامى كار كریه‌ و بێى هزر ل شه‌رم و سه‌رپووشكرنا ژنێ هاتبا كرن ئانكو ئه‌ڤ جوداهیا ره‌گه‌زى نه‌بوویه‌ و هه‌میان پێكڤه‌ ل گۆره‌یى ژیانا وى سه‌رده‌مى ژیان دبره‌ سه‌ر و به‌خته‌وه‌ریا خێزانێ گه‌له‌ك د چارچووڤه‌كێ پیرۆز دا یێ پاراستى بوو و هه‌كه‌ ژى ژن و زه‌لامه‌كى ڤیان بۆ ئێك هه‌بایه‌ خێزانه‌كا تژى ڤیان و كه‌یف و بێ گۆنه‌هى ده‌رباز دكر و خێزان پێكدئینا ئانكو بۆ قووناغێن بۆرى ژیان گه‌له‌ك ب شێوه‌كێ جوان و پاقژ ده‌رباز دبوو، لێ ل ڤێ دووماهیێ و پشتى ده‌ركه‌فتنا لایه‌نێن سیاسى و تایبه‌ت یێن ئیسلامى ئه‌ڤ پیرۆزى و بهایێ ژنێ یێ هه‌ى وه‌كو ده‌نگ و ستران گۆتن و تێكه‌لى و ئاخفتن و كاركرن نه‌ دچوو چارچووڤێ شه‌رم و گونه‌هێ دا، ئانكو دین پیرۆزى و راسته‌قینه‌یا سرۆشتێ خوه‌ یێ جوانه‌ كو خه‌لك به‌ریا نها سه‌ر بێ ئارمانج و هزرێن دوروویى دینى بكاردئینان و پاكى و پاقژى تێدا بوو، به‌لێ نها ئه‌و په‌یاما پیرۆز هاتیه‌ چارچووڤه‌كرن ل ناڤ هزره‌كا سیاسى و ئارمانجه‌كا دیار ب رێیا په‌یاما ئاینى دهێته‌ بكارئینان بۆ مه‌ره‌مان ئه‌وى ده‌مى ده‌روونێ مرۆڤان ناهێنه‌ پاقژكرن، به‌لكو بۆ مه‌ره‌مان دژین و تایبه‌ت ژن دبن هنده‌ك په‌ردێن سیاسى دهێته‌ پێگه‌هاندن كو ئه‌گه‌ر ل گه‌ل لایه‌نه‌كێ دینى نه‌بى و رۆژانه‌ گوهداریا گۆتارێن ئاینى و روونشتنان نه‌كه‌ى دێ حه‌شرا ته‌ ل گه‌ل مرۆڤێن دۆزه‌خێ هێته‌كرن و ئه‌و بهایێ ژنێ كو د كه‌لتۆرێ كوردى یێ كوردپه‌روه‌ر و ئاینى و ژیان د به‌ر سه‌ر هاتیه‌ گۆهۆرین و پتر گومان ل ده‌ڤ ره‌گه‌زێ نێر ژى په‌یدا كریه‌ كو هه‌كه‌ ژنێ به‌رێ خوه‌ دا زه‌لامه‌كى یان گرنژى یان ره‌فتاره‌ك كر ده‌ركه‌فتنه‌ دین و كه‌لتۆرێ كوردى دا، لێ ده‌م ل ده‌ست ژن پتر دهێته‌ چارچووڤه‌كرن و ره‌وشا وێ به‌ر ب ئاقارێن به‌رزه‌ ڤه‌ دچیت و پتر توند دبیت و دێ هه‌ول ده‌ت ئه‌و دژاتیا ژنێ كه‌ت و دێ هزر كه‌ت ب تنێ بۆچوونا زه‌لامى دروسته‌ و ئه‌و هه‌مى گونه‌ه و شه‌رمه‌، به‌لكو ب تنێ دڤێت ئه‌و بێژیت به‌لێ یان گوهداریا گۆتن و پره‌نسیپێن زه‌لامى دبێژیت ئه‌و بن هه‌كه‌نه‌ دڤێت ئه‌و خوه‌ بێده‌نگ بكه‌ت د كه‌لتۆرێ كوردى دا.

118

دبیت مانشێتێ من بۆ گۆتارا خوه‌ هه‌لبژارتی، جهێ سه‌رسورمانێ بیت بۆ گه‌له‌ك خوانده‌ڤانان، ب تایبه‌ت جڤاكێ مه‌ یێ كوردی هنده‌ك ره‌وشتوتیتالێن نه‌گوهۆر و پیرۆز هه‌نه‌. ره‌نگه‌ هه‌ر ئه‌و خوانده‌ڤان بێژن، ئه‌ڤا تو د بابه‌تێ خوه‌ دا ل سه‌ر راوه‌ستای، ژ جڤاكێ مه‌ دووره‌، به‌لێ ئه‌گه‌ر به‌حس ل ناڤه‌رۆكا بابه‌تی بكه‌ین، گه‌له‌ك راستیێن تێدا و ئه‌و گوهۆرینێن ب سه‌ر هه‌ڤژینیا نوكه‌ دا دهێن، به‌ر ب ئاقاره‌كێ لاواز و به‌رزه‌ڤه‌ دچیت، ژ به‌ر هندێ گرنگه‌ پتر به‌حس ل راستیا بابه‌تی بكه‌ین و هنده‌ك راستیێن ته‌حل بده‌ینه‌ به‌رچاڤكرن.
شووكرن و پێكئینانا پرۆسا هه‌ڤژینیێ، ئێك ژ پێنگاڤێن گرنگن بۆ ته‌خا گه‌نجان و دیسا بۆ كه‌سێن بێ هه‌ڤژین و ئه‌ڤه‌ ژی بۆ هه‌ر دوو ره‌گه‌زان، به‌ری چه‌ند سالان ده‌مێ كوری یان كچێ داخواز كربا دگه‌ل هه‌ر كه‌سی هه‌ڤژینیێ پێكبینیت، به‌رێ خوه‌ دا ره‌فتار و ره‌وشت و كه‌سایه‌تیا وی، هه‌كه‌ یا گونجایی با دا دووڤچوونا ئێك كه‌ن و هه‌ڤژینیێ ل گه‌ل ئێك پێكئینن، به‌روڤاژی دابونه‌ریتێن جڤاكێ مه‌ ژی، دا ئه‌و رێك دا كو هه‌ڤژینی ل سه‌ر هنده‌ك بنه‌مایێن ب هێز هاتبا پێك ئینان و ڤیان و حه‌زژێكرن ژی ئێك ژ مه‌رجێن وان كه‌سا بوو، كو دكره‌ هۆكاره‌كێ ب هێز یێ د هێلینا زێرین دا، به‌لكو ئه‌و كه‌سه‌ دشیان گیانێ خوه‌ گۆری ڤیان و وه‌فاداری و حه‌زژێكرنا ئێك بكه‌ن، بۆ ڤێ چه‌ندێ ژی مرۆڤ هه‌ر یێ ئارام بوو، چونكی گیانێ مرۆڤایه‌تێ و وژدانێ ئێك ژ وان خالێن هه‌ڤپشك بوون، دناڤبه‌را هه‌ر دو ره‌گه‌زان دا و دشیان پێكڤه‌ بگۆنجن و هه‌ڤژینیێ پێكبینن.
به‌لێ هه‌كه‌ به‌حس ل دیارده‌كێ بكه‌ین، دبیت گه‌له‌ك كه‌س مه‌نده‌هۆش و سه‌رسورمان بمینن، كو ئێدی ئه‌م ژ پاشه‌رۆژا خێزانێ بترسین، چونكی گرێدایی گۆهورینین ئابووری نه‌، نموونه‌ ژی ل ڤێ دووماهیێ و ڤان سێ سالێن دووماهیێ و قه‌یرانێ ده‌ستپێكری، ئێدی دیارده‌كا نه‌ یا شارستانی و مرۆڤایه‌تی سه‌رهه‌لدایه‌ و هه‌ر كوره‌كێ بیت، ئه‌ڤجا چ خودان مووچه‌ بیت یان خودان كار بیت، ده‌ما بۆ خوه‌ ل كچه‌كێ دگه‌ریت، كو گرێبه‌ستا هه‌ڤژینیێ دگه‌ل گرێبده‌ت، مه‌رجێ سه‌ره‌كی هه‌كه‌ خودان مووچه‌ نه‌بیت یان ژی شوقه‌ك یان ترومبیله‌ك نه‌بیت، ئه‌و كچ دڤێت هزرا نه‌ شووكرنێ بكه‌ت، چونكی ژماره‌كا مه‌زن ژ كوران دڤێن هه‌ڤژینا وی خودان مووچه‌ بیت و داهاته‌كێ باش هه‌بیت دا بشێت بخوازیت و بشێت هاریكاریا وی بكه‌ت د ئاڤاكرنا خێزانێ دا، ئه‌م نابێژین دڤێت هه‌می بار یێ زه‌لامی بیت و ئه‌و ب تنێ به‌رپرساتیا ئابووری وه‌رگریت، به‌لێ پا ژماره‌كا مه‌زن ژ كچان ده‌رچووینه‌ و نه‌ هاتینه‌ دامه‌زراندن، ئانكو پاشه‌رۆژا ڤان كچان دێ یا به‌رزه‌ بیت و دڤێت ل هیڤیا شووكرنێ نه‌بن!!.
ژلایه‌نه‌كێ دیڤه‌، ئه‌و نێرینا ل سه‌ر كه‌ساتیا كچان دهاته‌ گۆتن، كو كچ داخوازا پاره‌ و زێر و شقه‌یان دكه‌ن یا بوویه‌ نه‌ریته‌ك ب دووڤ كه‌ساتیا كچان ڤه‌ و رۆژانه‌ دهێته‌ به‌حسكرن و دهێته‌ ڤه‌جوون، به‌لێ دبنیات دا ب تنێ ماوه‌ك بۆ كچان ئه‌و داخوازی كرن و ئه‌م نابێژین ئه‌و ژی دروستن، لێ مافه‌كێ كچێ یه‌، هه‌كه‌ بۆ شووكرنا خوه‌ داخوازا تشته‌كی بكه‌ت، ئه‌و ژی ل ده‌مێ ره‌وشا پتریا خێزانان ل ئاسته‌كێ باش بوو، به‌لێ ئێدی كچ ژی كچێن ڤی وه‌لاتی نه‌ و دزانن ره‌وشا پتریا خێزانان یا چاوایه‌ و ئێدی ژماره‌كا مه‌زن ژ كچان ب تنێ خه‌له‌كا هه‌ڤژینی دخوازن و نموونه‌ ژی یێ په‌یدا بووین و ئه‌ڤه‌ مه‌ ب هیڤی دئێخن، كو ئێدی ئه‌و كه‌لتۆرێ عه‌ره‌بی یێ داگیركه‌ر كاریگه‌ری كریه‌ ل سه‌ر وه‌لاتێ مه‌ و خواستنا زێران و پێگۆهوركانێ وه‌رگرتنا نه‌ختی زێده‌كرن د ناڤ جڤاكێ مه‌ دا، به‌لێ ئێدی ئه‌و دیاره‌ یێ ژ ناڤدچن و پتریا ده‌ڤه‌رێن كوردستانێ یێ هه‌ول دده‌ن خوه‌ ژڤێ چه‌ندێ قورتال بكه‌ن و ئێدی پیرۆزیا خێزانێ وه‌كو ملله‌تێ كورد دكه‌ڤن دا، خێزان پێك دئینان به‌ر ب باشتر ڤه‌ دڤێت، ژبه‌ر هندێ ژی گرنگه‌ بێژین، ئه‌ڤ دیاردا كور خوه‌ تووش دكه‌ن، كو ب تنێ ل وان كچان بگه‌رن یێن خودان موچوه‌ و ترومبێل و پارچێن عه‌ردی بن، راسته‌ دیارده‌ بخوه‌ یا جوانه‌، لێ د هه‌مان ده‌مدا ژی، ره‌نگه‌ كچه‌كێ ئه‌ڤ تشتێن هه‌نێ ل ده‌ف ژی نه‌بن و شیان هه‌بن، كچه‌كا زیره‌ك بیت و ژ مالباته‌كا باش بیت و بنیاتێ خێزانێ ژی جوانتر دانیت، هه‌ر چاوا بیت یا من گۆتارا خوه‌ بۆ ته‌رخان كری و من ڤیایی بێژم ئه‌وه‌، راسته‌ ئه‌ڤ جۆرێ هه‌ڤژینیێ و داخوازكرنێ دیارده‌كا نووی یه‌ و یا سه‌رهلدده‌ت، به‌لێ ئه‌گه‌ر یا دروست نه‌بیت و له‌ز و به‌ز تێدا هه‌بن، ره‌نگه‌ خرابیێن وێ زێده‌تر بن ل سه‌ر خێزانێ و مالباتێن هه‌ردو هه‌ڤژینان، ژبه‌ركو هه‌ڤژینی نه‌ یا ساله‌كێ و دویان و سیانه‌، به‌لكو یا ژیانێ هه‌میێ و خۆشی و نه‌خۆشیێن ژیانێ یه‌.

92

ئاشكه‌رایه‌ كو هه‌یڤا ره‌مه‌زانێ یا خێر و به‌ره‌كه‌ت و كارێن خێرێ یه‌ بۆ هه‌ر دو ره‌گه‌زان نێر و مێ، به‌لێ خالا گرنگ ئه‌وه‌ ل ڤێره‌ به‌حسا رۆلێ ژنێ هۆشمه‌ندى و حنێرا ژنێ بكه‌ین د مه‌ها ره‌مه‌زانێ دا، ژبه‌ر ئه‌و ژى وه‌كو وى زه‌لامى یا ب رۆژى یه‌ دبیت تۆره‌بن و دلته‌نگى ژ نه‌بوونا تشته‌كى یان پێدڤیه‌كا مالێ دلته‌نگ دبیت، لێ ئاشكه‌را ناكه‌ت و ل گه‌ل هندێ شیان و بزاڤ و ئه‌ركێ ژنێ گه‌له‌ك مه‌زنتر لێ دهێت ل به‌رانبه‌ر یێ زه‌لامى، ژبه‌ر ل گه‌ل هه‌ر پێنگاڤه‌كا ژن یان دایك یان هه‌ڤژین یان خووشك دهاڤێژیت هه‌ولا هندێ دكه‌ت خێزانێ پێكڤه‌ گرێبده‌ت و شیانێن وێ دده‌ته‌ كارى ژ بۆ ئێكرێزیا خێزانێ و ل گه‌ل هندێ ژى ئه‌گه‌ر ئه‌و چه‌ند یا لاواز بیت ژ لایێ هێزێ ڤه‌، دێ خوه‌ ماندى كه‌ت پێخه‌مه‌ت ئه‌و چ كێماسیان نه‌هێلته‌ د ناڤ خێزانێ دا، به‌روڤاژى ڤێ ئێكێ ژى تایبه‌ت ئه‌و خێزانا ژ لایێ په‌یوه‌ندیان یا لاواز بیت دبیت گه‌له‌ك پلانان بدانیت ژ بۆ هندێ هه‌مى خێزانا خوه‌ ل سه‌ر ئێك سفرا خوارنێ خڕڤه‌ بكه‌ت و دا چاڤێن وان ب ئێك بكه‌ڤن و ب مه‌ره‌ما هندێ ره‌مه‌زانێ ئه‌و كه‌ربوكین و سلببوونا به‌رى هینگێ هه‌ى دبیته‌ بهانه‌ ل ئێك ببۆرن و ئه‌ڤه‌ جوانترین و هه‌ستیارترین بزاڤه‌ ژن دهاڤێژیت.

خالا دى یا گرنگ و یا گه‌له‌ك جاران مه‌ ب چاڤێ خوه‌ دیتى ئه‌وه‌ ئه‌و خێزانێن ده‌ستكورت و سه‌میانێ مالێ نه‌شێت خوارنه‌كا وه‌سا بۆ زارۆیێن خوه‌ په‌یدا بكه‌ت، كو ئه‌و هه‌ست پێ بكه‌ن خوارنه‌كا خۆش و وه‌كو یا ده‌وله‌مه‌ندانه‌، دێ دایك به‌رى هه‌یڤا ره‌مه‌زانێ بۆ مازه‌كى درێژ هنده‌ك پاران خرڤه‌كه‌ت ژ بۆ هندێ بشێت ل هه‌یڤا ره‌مه‌زانێ فتارێن خۆش بۆ خێزانا خوه‌ به‌رهه‌ڤ بكه‌ت ئه‌وان ب زكێ برسى ل سه‌ر خوارنێ نه‌راكه‌ت، بێگومان ئه‌ڤه‌ مه‌زنترین ده‌ستكه‌فته‌ ژنا كورد بزاڤێ ل سه‌ر هندێ دكه‌ت، ئه‌وێ خێزانێ ژ لایێ دلسۆزى و ڤیان و وه‌فادارى و حه‌زژێكرنێ ل سه‌ر ئاڤا دكه‌ت، به‌لكو مرۆڤ دشێت بێژیت دبیت گه‌له‌ك جاران ئه‌و بێزار و نه‌ئارام ژى دبیت، لى نه‌ڤێت كه‌سێن ل دۆرێن وێ هه‌تا ناسیارێن وى هه‌ست ب نه‌بوونا دراڤێ مالا وێ بكه‌ن، چونكى هنده‌ك جاران دبیت ئه‌و ب چاڤێن گرى ڤه‌ سه‌رێ خوه‌ دانیت و ژنا كورد ناهێلیت بۆ هه‌ر كاودانه‌كێ ب سه‌ر خێزانا وێ دا دهێت به‌لكو ناهێلیت هه‌ڤژینێ وێ كێماسیێن زارۆیێن خوه‌ ژ لایێ ئابوورى ڤه‌ بزانیت داكو ئه‌و هه‌ست ب كێماسیێ نه‌كه‌ت ل به‌رانبه‌ر زارۆیێن خوه‌.
به‌لێ هه‌كه‌ به‌حسا لایه‌نێ دى یێ ژنێ بكه‌ین دێ بینین ئه‌و دێ گه‌له‌ك بزاڤان كه‌ت ژ بۆ هندێ د سه‌ر وێ ده‌ستكورتى و بزاڤێن زه‌لام دكه‌ت ژ بۆ بده‌ستڤه‌ئینانا داهاتیێ خێزانێ، لێ ناهیلیت زارۆیێن وى ب چاڤێ كێم به‌رێ خوه‌ بده‌نه‌ بابێ خوه‌ به‌لكو دێ به‌رده‌وام به‌حسا ماندیبوون و شیانێن بابێ وان بۆ ڤه‌گێریت بۆ هندێ د سه‌ر وێ برس تێهن و رۆژیان دگریت دێ دله‌كى ل دلێ هه‌ڤژینێ خوه‌ ده‌ت بۆ هندێ ئه‌و تووشى بێزاریێ نه‌بیت د ژیانێ دا هزرا پتر كاركرنێ و هیڤیێن گه‌ش ل ده‌ف په‌یدا دكه‌ت.
خالا جهێ سه‌ره‌نجراكێشیێ كو ل ده‌ڤ ژنا كورد هه‌یه‌ ئه‌و ژى بۆ ئه‌و تشتێ هه‌ڤژینێ وێ پێ شه‌رم ژ كه‌ساتیا خوه‌ بكه‌ت ل به‌رانبه‌ر جیران و نیاس و مرۆڤێن خوه‌ ناكه‌ت داكو ل ده‌مێ چاڤێن وى ب وان دكه‌ڤن ئالۆز نه‌بیت و په‌شێمان نه‌بیت، به‌روڤاژى به‌لكو هه‌كه‌ یا خودان كار بیت ئه‌و دێ ل خێزانا خوه‌ مه‌زێخیت ژبۆ سه‌ركه‌فتنا مال و هه‌ڤژینێ خوه‌، هه‌تا گه‌له‌ك جاران ده‌مێ دبێژن هه‌ڤژینا فلانكه‌سى یا ده‌ستگرتی و قه‌لسه‌ ژى لێ ب خاله‌كا كێم و كرێت نابینن، به‌لكو دێ بیژن ژنه‌كا رێنجبه‌ر و وه‌فاداره‌ بۆ هه‌ڤژینێ خوه‌، دێ هه‌مى هه‌ولا ده‌ت هه‌یڤه‌كا تژلا ڤیان به‌خته‌وه‌ر ب سه‌ر خێزانا وێ دا بۆریت و هه‌كه‌ نموونه‌كا كێم هه‌بیت كو ئه‌و ژنێن گه‌له‌گ گازندان ژ بۆ نه‌بوونا پارا د ڤێ هه‌یڤێ دا ژ هه‌ڤژینێ خوه‌ بكه‌ن نابنه‌ پیڤه‌ر ل سه‌ر هه‌مى ژنێن دى دبیت ژى ل گه‌ل هندێ پتر ئه‌و بن یێن هه‌ڤژینێن وان ب كێرنه‌هاتى و بێهنا خێزانا خوه‌ یا كورت كرى كو ئه‌و ده‌ربكه‌ن و بابه‌تى مه‌زن بكه‌ن ئه‌و ژى بۆ هندێ یه‌ كێشه‌ چاره‌ بیت نه‌ك شه‌رما خێزان و هه‌ڤژینێ خوه‌ ببه‌ت.
ل داویێ ژى به‌حسكرنا رۆلێ ژنا كورد ل گوندان گه‌له‌ك یێ دیاره‌ كو ل گه‌ل زه‌لامى یا كارێ ده‌رڤه‌ ژى دكه‌ت و بێى هه‌ست ب وه‌ستیان و برسێ و تێهنێ بكه‌ت، دێ مل ب ملێ هه‌ڤژینێ خوه‌ڤه‌ كارێ په‌ز و چه‌روان و ئاقارى ژى كه‌ت ل ده‌مێ زڤرینێ ژى كارێ فتارێ مالێ ژى ئه‌نجامده‌ت بێى كێماسى هه‌بن و ئه‌ڤه‌ نیشانا شیان و كه‌سایه‌تیه‌كا مه‌زنه‌ بۆ ژنا كورد.

website security