NO IORG
نووترين نووچه
Authors Posts by كۆڤان حسێن

كۆڤان حسێن

كۆڤان حسێن
181 POSTS 0 COMMENTS

4

كۆڤان حسێن
ماكینه‌ك میدیا یا مه‌زن وه‌سا كار دكه‌ت كو كورد گازێ راده‌ستى به‌غدا ناكه‌ن، وه‌ك روكه‌ش دبیت بهانه‌كا درست بیت، لێ د ناڤه‌رۆك دا، پرس قه‌ت پرسا گازێ نینه‌، ئابوور ژماره‌نه‌ و ئاسانه‌ پشتى لێكدان و ژێبرنێ هه‌ر ئێك بگه‌هیته‌ مافێ خوه‌، لێ بابه‌ت كارتا گڤاشتنێ یه‌ و چه‌كه‌كێ ب هێزه‌ بۆ ژماره‌كا (تنازولاتان) هه‌كه‌ (مووچه‌) و (بۆدجه‌) ببیته‌ (چه‌ك)، ل ڤێرێ سه‌ره‌ده‌رى دڤیا هندا ساولێكه‌ نه‌بیت، زویكا (چه‌كێ) خوه‌ راده‌ست بكه‌ت، ب هیڤیا قه‌ده‌ر و (میزاجى) ڤه‌. ئاماژه‌ زۆرن كو دێ مووچه‌ و بۆدجه‌ وه‌ك چه‌ك بۆ گه‌له‌ك پرس و بابه‌تێن دى یێن سیاسى هێته‌ بكارئینان. هه‌تا راده‌یا هه‌لوه‌شاندنا هه‌رێما كوردستانێ و دوباره‌ داگیركرنا كوردستانێ. ئه‌ڤه‌ خوه‌ پرساندن نینه‌. هه‌ر كه‌سێ ژ نێزیك ڤه‌ چاڤدێریا گۆتارا سیاسیا شیعه‌یێن نوكه‌ ده‌سه‌لاتدار بكه‌ت، دێ دیار بی باشترین كوردستان د چاڤێ وان دا كوردستانا عیراقێ وه‌ك (رۆژهه‌لاتێ) بیت. شیعى ئاشكرا پوشمانى وان هه‌مى مافانن كو د ده‌ستوورێ عیراقێ دا بۆ كوردان دیار كرین و هه‌رێما كوردستانێ ب (تشته‌ك) زێده‌ و بارگرانى دزانن بۆ عیراقێ وه‌ك نه‌ته‌وه‌یه‌كا ده‌سته‌لاتدار كوردان گه‌ڤ دبینن ل گۆر دیتنا ئیران و توركیا. هه‌بوونا كیانه‌ك كوردى ب ڤى ره‌نگى هه‌یى، قه‌ت جهێ خوشحالیا كه‌سێ نینه‌ و باشترین چه‌ك برسیكرن و ڤالاكرنا كوردستانێ یه‌ ژ هه‌مى رامانه‌كا سیاسى. هه‌مى كێماسى و خرابیێن ده‌ستهه‌لاتا كوردى نوكه‌ دكه‌نه‌ بهانه‌ و ب ده‌رفه‌ته‌كا زێرین دزانن وه‌سا دیار بكن كوردان شیانا خوه‌ ئیداره‌ دانێ نینه‌. بێگومان كوردستانێ كێماسى هه‌نه‌ و چاكسازى و بخوه‌ دا چوون چاره‌كه‌ ژ چاره‌سه‌ریان. لێ قه‌ت تێرا هندێ نینه‌ جاره‌كا دى كوردستانێ ئه‌و ئیداره‌ بده‌ن و بزڤرن داگیركاریا راسته‌وخوه‌. هیچ وه‌لاته‌ك بێ كماسى نینه‌ و پاشى كوردستانێ سه‌ره‌راى كێماسێن خوه‌ سه‌ربۆره‌كا زۆرا سه‌ركه‌فتى ژ داگیركه‌ران دروست كریه‌. برسیكرن و ئابلۆقه‌دان زیزكرنا خه‌لكێ. هه‌كه‌ سه‌رگرت كورد پێدڤى سه‌د سالێن دى نه‌، هه‌تا بزڤرن یا نوكه‌ هه‌یى. لۆژیكێ نوكه‌ ل به‌ندا لوژیكه‌ك خومالى نینه‌ هیچ حزبه‌كا عیراقى پرۆژه‌كێ سیاسى بۆ چاره‌سه‌ریا پرسا كوردى نینه‌، ب هیج ره‌نگى و ده‌ستوور ژى نه‌ك هه‌ر پیرۆز نینه‌، به‌لكه‌ پوشمانێ نڤیسینا وى نه‌. كه‌س و مله‌تێن برسیكرى درست و ل سه‌ر خوه‌ بیرناكه‌ن هه‌تا تێربن و پاشى دێ هه‌ست ب قه‌بارێ ده‌رده‌سه‌ریا خوه‌ كه‌ن. هه‌ر بریاره‌كا مله‌ته‌ك ژ برسا یان ل بن گڤاشتنان بده‌ت، قه‌ت به‌رده‌وام نابیت و نموونه‌ زۆرن ل جیهانێ. ئاریشا كوردستانێ ئه‌وه‌ سه‌ره‌ده‌ریێ ل گه‌ل هنده‌ك نشتمانێن خوه‌ یێن بیێ دیتنا سیاسى دكه‌ت. ب كورتى به‌غدا ب (عاقلێ ترك و فارسا) بیر دكه‌ت. ژ دووماهیێ ڤه‌، هه‌تا (ئه‌مریكا و جیهانا رۆژئاڤا) ل كوردان خودان بیت. دبیت ئه‌نفال نه‌بین ڤه‌. لێ ب نه‌مانا وان. (گازێ) و هه‌میێ ژى بده‌یه‌ به‌دغدا حالى مه‌ ژ حالێ كوردێن باكۆر و رۆئاڤا باشتر نابیت، ئه‌گه‌ر ئه‌نفال نه‌بینه‌ڤه‌..

4

كۆڤان حسێن
ئه‌گه‌ر چى هێشتا دۆستێ كوردان یێ بێ به‌رژه‌وه‌ندى و بتنێ هه‌ر چیانه‌. لێ ل ڤى جیهانێ كوردان تیرا بنده‌ستى و چه‌وساندنا خوه‌ تێرا مه‌حرۆمكرنێ ژ هه‌بوونا خوه‌ تێرا ئینكارا خوه‌ هند نه‌یار و دوژمن هه‌نه‌، نه‌كو پێدڤى ب چ نه‌یارێن دى نینه‌، به‌لكو هه‌ر كه‌س و لایه‌نێ دژایه‌تیا كوردان نه‌كه‌ت. مه‌رج نینه‌ دۆست بیت لێ یا ژ ئه‌وه‌ پال نه‌دین خانا نه‌یاران. جیهانا رۆژئاڤا و فره‌نسا ب تایبه‌ت من گرتى دۆستێ كوردان نینن و هیچ بۆ كوردان نه‌كریه‌ ل ڤى سه‌رده‌مى، نه‌ك به‌رێ ئه‌رێ مه‌ خێره‌ بكه‌ینه‌ نه‌یارێن خوه‌. ئازراندنا هنده‌ك بابه‌تێن ب هه‌ستێن ئولى و باوه‌رێن مرۆڤان ڤه‌ گرێداى راسته‌ بۆ مه‌ ب ئازارن، لێ قه‌ت ژ خانا هه‌ڤركیا زلهێزان و پاوانكرنا سیاسه‌تێ ناچن ده‌ر. قه‌ت شه‌رێ پیرۆزیان نینه‌ وه‌ك هنده‌كا دڤێت وێنه‌بكه‌ن و له‌شكه‌ر كێشیێ بۆ بكه‌ن. یاریكرنه‌ ب هه‌ستێن مرۆڤان و ب باوه‌رێن مرۆڤان سه‌ده‌م سه‌رده‌مێ شه‌رێن ئولى نینه‌، ئه‌گه‌ر كورد كه‌سێ ژ خوه‌ كێمتر نابینن. هه‌ر ئه‌ڤ هه‌ڤڕكه‌ بوون ژ هه‌ر دو ئالیان كورد دابه‌ش و بێ ده‌وله‌ت كرین. پیرۆزێن مه‌ ب سه‌رێ خوه‌نه‌. لێ بوون و قه‌بوولكرنا مه‌ بۆ هه‌مى ئالیان مه‌حه‌كه‌ ئه‌گه‌ر راست ئه‌م ژ جیهانا ئیسلامێ نه‌. شین و جهێ مه‌ لڤێ جیهانێ چیه‌؟! ئه‌م جنه‌.ئه‌م ئه‌ركێ خوه‌ وه‌ك موسلمان قه‌نج دزانین یا نه‌هاتى زانین (مافه‌) كو نه‌ ئه‌ردوغان و هاو ئاوازێن وى. نه‌ ژى فرنسا تانوكه‌ هند زه‌لالى تێدا نینه‌ بێژن مافێ كوردایه‌ جارێ هه‌ر هه‌بن یان هه‌نه‌.هندى هه‌ى یال ل كوردستانا عێراقى هه‌ى كو به‌رهه‌مێ كاروانه‌كێ مه‌زنێ قوربانى و خوینێ بویه‌.راسه‌ فرنسا ژ ده‌رگه‌هێ مافێ مروفا فه‌ وه‌ك دلوڤانى هاو سوز بویه‌.لێ فرنسا ب ده‌هان وه‌لات بو خه‌لكێ درس كرینه‌ ل ئه‌فریقیا و اسیا لاتینا ئه‌مریكى.بو كوردا لایه‌نه‌كێ سایكس بیكو بویه‌.فرنسا ب راستى ێرا هندێ هه‌لویست پشتى شه‌رێ جیهانیێ دویێ هه‌نه‌ كورد سوپاسیا وێ بكه‌ن لێ وه‌لاتێن بناف ئیسلامى و نه‌مازه‌ ئیسلاما سیاسیا نوكه‌ بانگا شه‌رێ ئولى ده‌كه‌تن جى هه‌یه‌ هه‌تا كورد هه‌فسوز بن دگه‌ل دا.شه‌رێ باوه‌ریا نینه‌ شه‌رێ به‌رژه‌وه‌ندیایه‌ و شه‌رێ گاز و پاوان و جیوسیاسیایه‌,ئازراندنا پرسێن هه‌ست یار.كه‌س تێدا سه‌ركه‌فتى نینه‌.ئه‌ف شه‌ره‌ هنده‌ كه‌ڤنه‌ زكێ ئاخێ ژ قوربانێن وێ پره‌.قه‌ت شه‌رێ ئاسمانى نینه‌ شه‌رێ هندێ یه‌ هنده‌ك ل ئاخێ پێ بخون و قه‌له‌و بن.پیروزێن ئیسلامێ د وژدانا كوردا دا نه‌ك پاراستى و به‌رێز و ب حورمه‌تن به‌لكه‌ به‌شه‌كێ ژیان و كلتورێ مه‌یه‌.یاریكرن بڤى هه‌ستى ب ژانه‌ لێ.هه‌مى گاڤێ بو ئازراندنێ هنده‌ك هه‌نه‌ ئاگرى هه‌لكه‌ن.لێ ره‌نگڤه‌دان دڤیا وه‌سا بیت ئه‌وێن مه‌رم ژێ هه‌س ب كێماسیێ بكه‌ن.نه‌ك گشتیا خه‌لكێ.ب كورتى كورد شانازه‌ ب ئیسلاما خوه‌.هه‌ر جه‌نده‌ ئیسلامى و وه‌لاتێن ئیسلامى به‌رامبه‌ر كوردا خه‌م سار و بێ هه‌لویستن تانوكه‌ژى.لێ كورد بوكه‌سێ دڤیا هیج نه‌یاره‌ك دى لخوه‌ زیده‌ نه‌كه‌تن نه‌یارێن كوردا ێن بناف ئیسلامى تێرا مه‌ هه‌نه‌؟؟!!

4

كۆڤان حسێن
ڤان رۆژان پرۆژه‌كێ كه‌ڤن نووى دبیته‌ ڤه‌، لێ هێشتا هه‌مى گۆشێن وى زه‌لال نه‌بووینه‌، ئه‌و ژى هه‌رێما سونه‌یێن عه‌ره‌به‌، گه‌له‌ك خواندن بۆ دهێنه‌كرن، ئه‌رێ ب راستى ئه‌ڤ بیردۆزه‌ دێ سه‌رگریت؟، سه‌ركرده‌یێن عه‌ره‌بێن سونه‌ تێرا هندێ ئێك دیتن و بۆچوونن، ئه‌ڤه‌ ل ده‌مه‌كێ یه‌ كو ب تنێ ل سالا2005 ئه‌و دژى هه‌ پرۆژه‌كێ فیدرالى بوون ل عیراقێ، وه‌ك دیار ئه‌ڤ عیراقه‌ ب ڤى ره‌نگى نامینیت ئه‌گه‌ر پارچه‌ نه‌بیت ل باشترین ره‌وش دا، دێ هنده‌ك هه‌رێمن دى سه‌رهلده‌ن وه‌ك هه‌م ره‌نگڤه‌دان بۆ شێوه‌یێ حوكمرانیا شیعه‌یان، كو ب راستى نه‌شیان ده‌وله‌تێ برێڤه‌ببه‌ن، بوونه‌ سه‌ده‌ما هندێ سونه‌ پێشوازیا داعشێ بكه‌ن و كورد رێفراندۆمێ بكه‌ن و نوكه‌ شیعه‌ ئه‌وێن نه‌ د بن باندۆرا ئیرانێ دا ڤێ پسیارێ ژخوه‌ دكه‌ن كو شه‌ریكێن وان یێن وه‌لاتێ بیر ل ئه‌لترنایفێن دى دكه‌ن. سه‌رهلدانا هه‌رێما سونه‌یان، دبیت جارێ پرۆژه‌ك بیت و كاره‌كێ مه‌زن وه‌ك به‌رهه‌ڤى ل (ئه‌نبارێ) دهێته‌كرن وه‌ك پایه‌خا هه‌رێما سونه‌یان ل سه‌ر سنوورێ سێ وه‌لاتانه‌. بۆ كوردان ده‌رفه‌ته‌ هێشتا زوو نه‌ پشته‌ڤان بن بێ هنده‌ك مه‌رج نه‌ژى دژبن بێ مه‌رج بۆ لایه‌نێ دى. ل دووماهیێ پرسا كوردان دێ ل گه‌ل سونه‌یان بیت، نه‌مازه‌ ل سه‌ر ئاخێ و مادا 140. سونه‌ پر ژ شیعه‌یان پرت و به‌لاڤن راسته‌ كورد ژى بێ سه‌روبه‌رن لێ ل پرسا ئاخێ و ده‌ڤه‌رێن مادا 140 كوردان ئێك هه‌لویست و داخوازى هه‌یه‌. هندى به‌غدا وه‌ك سه‌نترال لاواز بیت و ب تنێ پایه‌خا سیاسى یا وه‌لاتى بیت و ده‌ستهه‌لات و سامان دابه‌شى هه‌رێم و ناڤچه‌یان بیت. بۆ كوردستانێ پڕ ژ جاره‌كێ مفاداره‌. هه‌رێمه‌كا ساڤایا بێ سه‌ربۆرا سونه‌یان بۆ كوردان هێشتا ل ده‌ستپێكێ ده‌رفه‌ته‌ پرسێن خوه‌ ئێكلا بكه‌ت، شیعه‌ هه‌تا دبن باندۆرا ئیرانێ دابن هه‌تا هه‌تا كورد و سونه‌ ل هیڤیا هندێ نامینن. نه‌مازه‌ دستوور ده‌رفه‌تا دامه‌زراندنا هه‌رێمان دده‌ت. سه‌ربۆرا كوردستانێ بۆ گه‌له‌كا جهێ هندێ یه‌ دوباره‌ بیت وه‌ك دیار سونه‌یان بریارا خوه‌ دایه‌ لێ ل هیڤیا هندێ نه‌ بیته‌ كریار هه‌م بۆ قورتالوبونێ ژ ملیشیا و هه‌م بۆ سه‌رده‌مه‌كێ ئاڤه‌دانیێ كو سه‌رده‌مانه‌كه‌ ژێ بێبه‌هر بووینه‌. ب كورته‌ كورد و سونه‌ باجا فه‌شه‌لا شیعه‌یان ناده‌ن وه‌ك دیار و شیعه‌ ژى راستى بزاڤه‌كا رێفۆرمخوازیێ بووینه‌ ژ خوه‌نیشادانا دیاره‌ لێ وه‌خت دڤێت هه‌تا ئێكلا بیت.ژماره‌كا وه‌لاتان ژى مسۆگه‌ر پشته‌ڤانێن سونه‌یانن وه‌ك دیار دێ هه‌رێمه‌كا عه‌ره‌بى سونى ب هێز وه‌ك كوردستانێ ئافریت بۆ به‌رسنگگرتنا هه‌ژمۆنێن ئیرانێ ل رۆژئاڤایێ عیراقێ. یا گرنگ كورد باندۆرا خوه‌ بۆ پرسا ئاخێ ب شاره‌زایى و سوود وه‌رگرتن ژ سه‌ربۆرێن به‌رێ ئێكلا بكه‌ت.

21

كۆڤان حسێن
دبیت ئه‌و گۆتنه‌ راست بیت یا دبێژیت (سۆسیال میدیایێ) چ گوهۆرین نه‌كرینه‌، ب تنێ په‌رده‌ ل سه‌ر مه‌ هه‌لاند و دبیت ئه‌و گۆتنێن به‌رى نوكه‌ ل كۆلان و دیوانێن ته‌نگ دا دهاتن گۆتن نوكه‌ ل سۆشیال میدیایێ به‌لاڤ دبن و هه‌ر تاكه‌ك بوویه‌ ئالاڤه‌كێ په‌خشێ و بێ هیچ سانسۆره‌ك پیڤه‌ره‌ك بۆ بها و ئه‌خلاق و نه‌ریت و جڤاك هه‌بیت. ژ راستى كۆژمه‌كێ مه‌زنێ (كه‌ره‌بێ) كوژمه‌كێ مه‌زنێ لادانێ ژ هه‌ر تشتێ ئاشكرا و نه‌په‌نى یا دهێته‌ به‌لاڤ كرن. كه‌سێ ئێدى نه‌ شیان و نه‌ ژی حه‌زا هندێ یه‌ پرسه‌ك بابه‌ته‌كێ یان هزره‌كێ یان هه‌لویسته‌كێ یان هه‌تا بۆچوونه‌كێ ده‌ر ببریت. دێ راستى هێرشه‌كا دژوارا ده‌ف پیستى و سڤكاتى و هه‌تكرنێ بیت. ئاستێ گشتیێ پرانیا كۆمێنتان ده‌رباره‌ى (مریا و ساخا) نه‌ك تنێ جهێ داخێ و كۆڤانێ یه‌، به‌لكو جهێ (گریانێ) ئه‌ڤه‌ چ ل ڤى وه‌لاتێ به‌رهه‌م هاتیه‌. بۆنه‌خۆشى بێژن (ڤایرۆس سه‌لامه‌ت) بیت و مرى (داخوازا جه‌هنه‌مێ) بكه‌ن. هه‌ر به‌حسى سیاسى و كاراكته‌رێن جڤاكى ناكه‌ین ل سۆسیال میدیایێ چاوا راستى تیرۆره‌كا هزرى و ترساندنه‌كا (فاشستى) بووینه‌. هه‌مى رۆژهه‌لاتناس و كوردناسێن بیانى بۆ كوردان دیده‌ڤانیا هندێ دده‌ن كورد ژ رویێ سه‌نج و نه‌ریت و ئه‌خلاقى و پاكیێ ڤه‌ مله‌ته‌ك پاك و بێ عه‌یبى نه‌. هه‌تا شه‌ڕ و شورێن كوردان دكرن و مرۆڤ دبوونه‌ قوربانى هنده‌ك سنۆر نه‌به‌زاندینه‌ بۆ نه‌یارێن خوه‌ ژی سه‌ره‌ده‌ره‌یك ماقیل و ئه‌خلاقێ (سوار چاكان) هه‌بوو.یان هه‌ره‌سه‌كا جڤاكیا خراب ل به‌رى مه‌یه‌ یان (ڤێرژه‌نێ نوى یێ داعشێ) دێ د ڤێ گێله‌شۆكێ دا سه‌رهلده‌ت. ب هه‌مى ره‌نگى دژى سانسۆرێ مه‌ ل سه‌ر میدیا و سۆسیال میدیایێ، لێ قه‌ت ئه‌ڤ ره‌وشه‌ بێ ڤه‌رێژ نینه‌ سه‌ده‌م هه‌نه‌ مسۆگه‌ره‌ و ره‌نگه‌ دیار ژی بن لێ تشتێ نه‌ دیار ئه‌نجامه‌. ژ راست ئه‌مێ ل باژێران لێ باژێرین پرى توند و تیژیا ده‌ربرینێ و هه‌تكرنێ و شكاندنێ و سڤكرنێ و (ترانه‌ پێكرنێ).ئه‌ڤه‌ به‌رهه‌مێ شۆره‌شا ته‌كنه‌لۆژیایێ یه‌. ئه‌ڤه‌ به‌رهه‌مێ ئه‌و هنده‌ زانكۆ و حزب و سه‌نته‌ر و ده‌زگه‌ه و ناڤه‌ندێن ئۆلى و جڤاكیه‌؟ ئه‌گه‌ر ئه‌ڤ تیرۆره‌ ب ڤى ره‌نگى به‌رده‌وام بیت و باوه‌رم ژی دێ به‌رده‌وام بیت، چونكو تانوكه‌ عه‌مرێ سۆسیال میدیایێ نه‌بوویه‌ 20 سال، ئانكو هێشتا ل بن تاقیكرن و هه‌لسه‌نگاندێ دایه‌. ژ راستى هه‌مى جڤاك نه‌مازه‌ چڤاكێن (محافكار) وه‌ك كوردان ژ روكه‌ش پێگیر و خودان سه‌مبۆلكێن پیرۆزن. دێ قه‌بارێ زیانێ ژ ده‌ستدانا چه‌ندێن به‌ره‌بابان بیت ل سه‌ر (مه‌زبه‌حا) ئازادیا خاپینۆكا بیاڤێ (خه‌به‌ر بێژى) و شكاندنێ بیت. یا مه‌گۆتى، یاباوه‌ لێ رامانا هندێ ناده‌ت تشتێ جهێ شانازیێ نینه‌ هه‌یه‌ و دبیت پرى ژی بن لێ یان دیار نینن یان قوربانێ تیرۆرا هزرى و ترانه‌كرنه‌ نه‌ ب كوردى ئه‌گه‌ر كۆمێنت ئاستێ مه‌ بن. به‌رهه‌مى 30 سالێن ئازادى و و (فه‌زایێ ڤه‌كرى) ئه‌ڤه‌ بن. مرۆڤ نه‌چاره‌ بێژیت سه‌ربۆرا (كۆریا باكۆر) دبیت هنده‌ك باشى تێدا بن؟؟!

5

حوكمڕانیا (بێ مووچه‌)..!
بیرۆكراتیا حوكمه‌تێ هنده‌ قه‌به‌ بوویه‌ و ساناهى نینه‌ بۆ هیچ حوكمه‌ته‌كێ ب دروستى بشێت پێرابوونێن خوێن یێن قانوونى بكه‌ت، ئه‌ڤه‌ ئاریشا كوردستانێ ب تنێ نینه‌، عیراق ژی و پڕانیا وه‌لاتێن (ریعى) ل سه‌ر په‌ترۆلێ راستى هه‌مان ئاریشێ بوونه‌، ئه‌ڤێ ل كوردستانێ وه‌ كریه‌ دابینكرنا مووچه‌ى ل پێشترین ئه‌ركێ حوكمه‌تێ بیت، درسته‌ لێ شاشى و بێ به‌رنامه‌یا كوردستانێ و د رێژه‌دانا وێ ب سیسته‌مه‌ك ئیدارى هه‌لكان و پر خه‌رجى. وه‌كریه‌ ئه‌م بووینه‌ جڤاكه‌ك بكاربه‌ر و نه‌ كاركه‌ر، یان ئه‌گه‌ر كاركه‌ر ژى بین بێ هیچ زه‌لالیه‌ك كاركه‌رین. ئانكو حه‌تا نوكه‌ حوكمه‌تا كوردستانێ نزانیت چه‌ند ده‌رفه‌تێن كارى هه‌نه‌ و یێن هه‌یین، نه‌ د رێخستى و بێ بیمه‌ و باجن. خورتكرنا كه‌رتێ تایبه‌ت و رێخستنا وى مه‌زنترین ده‌ستكه‌فت و ئه‌ركه‌ حوكمه‌ت بكه‌ن، سه‌رباى رێخستنا داهات و سامانێ نه‌ته‌وه‌یى خوه‌. دنیا یا به‌ر ب بازارێ ئازاد و رێخستى ڤه‌ دچیت و یركرنا سۆسیالستى بۆ ژیانێ هه‌ره‌س ئینا، حوكمه‌ت رۆلێ (سكرتاریێ) دبیت د ر ێخستنا ژیانێ و كارى و سێكته‌رێن وێ دا، نه‌ك حوكمه‌ت خودانا هه‌مى تشتى بیت و كارێن نوو بچنه‌ خانا پرۆپاگه‌ندا سیاسى. وه‌لاتێن دیمۆكراسى دا حوكمه‌ت لاوازترین جومكێ ده‌وله‌تێ یه‌. هه‌تا مله‌ت ژ سته‌ما وێ پاراستى بیت و شه‌رعیه‌تا (بكارئینا) هێزێ و باندۆرێ لاوازكه‌ت. باشترین چاره‌سه‌رى بۆ كوردستانێ د رێخستنا هنده‌ك قانوونایه‌، ژبلى كۆمكرنا سامانێ گشى ل خه‌زینا ده‌وله‌تێ بازار و كار و بیمه‌ و باج بێنه‌ رێخستن و كه‌رتێ تایبه‌ت ب هێز بكه‌ڤیت و پشكدارى وه‌رارا جڤاكى و سیاسى ژی بیت، نۆرماله‌ هه‌ر حوكمه‌ته‌ك ئه‌ركێ سه‌ره‌كی یێ وێ بۆ دابینكرنا مووچه‌یان، ئه‌ڤه‌ مێژوو وه‌سا دیار دكه‌ت، هه‌ر ده‌مه‌كێ قه‌یرانه‌ك دیار دبیت ژ (كه‌سادا مه‌زن) ا هه‌ردو جه‌نگێن جیهانى و هتد.. ئانكو مله‌ت و حوكمه‌ت دڤیا هونه‌رێ ژڤراندنا پارا ل ناڤ وه‌لاتێ ئافرینن و كه‌رتێ تایبه‌ت بهێز و رێخستى، نه‌ك به‌دیلێ حوكمه‌تێ یه‌، لێ ته‌مامكه‌ره‌، نه‌مازه‌ ل مه‌یدانا ئابوورى و بۆهژاندنێ دا. باوه‌رم كوردستانێ هنده‌ خودان شیان هه‌نه‌ ڤى وارێ ده‌وله‌مه‌ند بكه‌ن. یان عه‌یب نینه‌ مۆدێلا وه‌لاته‌كێ ل ڤى وارێ ل كوردستانێ به‌رقه‌رار كه‌ن. ل گه‌ل خورتكرنا رۆلێ (بانكا). بێ كه‌رتێ تایبه‌ت ئه‌م هه‌ر رۆژ برسى و شه‌پلى نه‌. سیسته‌مێ ئیدراى ل كوردستانێ هێشتا یێ (ئێكه‌تیا سۆڤیێتى) یه‌ و بازار (به‌رئه‌لایه‌) پشتراستم سامانێ كوردستانێ تێرا هندێ هه‌یه‌، ئاشێ ئابووریا كوردستانێ بگێریت ئه‌گه‌ر بێ مزایده‌ و دوور ژ سیاسه‌تێ بهێته‌ رێخستن. ل ڤێ جیهانا ڤه‌كرى دا ئه‌و شیانێن كه‌رتێ تایبه‌ت هه‌یین ده‌رفه‌تان بۆ كه‌دێ و داهێنانێ برۆخسینیت، هیچ حوكمه‌ته‌كێ نینن..ب ڤى ره‌نگى حوكمرانى دێ بێ مووچه‌ بیت ب وێ رامانێ مووچه‌ و ژیان دێ ل ئاقارێ گه‌شا ئابوورى بیت و حوكمه‌تێ دێ كێمترین پێگیری هه‌بیت بۆ دابینكرنا موچه‌یان..

9

كۆڤان حسێن
كازمى ئێكه‌م سه‌رۆك وه‌زیرێ عیراقێ یه‌، هیچ پاشخانه‌كا (ئیسلامى) نینه‌، پشى 2003 هه‌تا نوكه‌ دیار نینه‌ باوه‌رى ب ج فه‌لسه‌فا سیاسى هه‌یه‌، لێ مسۆگه‌ر وه‌ك كاراكته‌ره‌ك دیار ل ناڤ هندابوونه‌كا كاره‌سا سازا عیراقێ دا هه‌ولا دوباره‌ هه‌ستانه‌ڤه‌یا عیراقێ دكه‌ت، ژ وێ كه‌فتنا پڕى ئازار، كاره‌كێ ساناهى نینه‌، لێ مه‌حال ژی نینه‌ ئه‌گه‌ر بهێته‌ پشته‌ڤانى كرن كو ئه‌و دچیته‌ د خانه‌كا ب زه‌حمه‌ت دا، چونكو عیراقێ ژ راس هه‌مى بهایه‌كێ خوه‌ ده‌ستێ (ئولیگارشێن) حوكمرانیێ هندا كریه‌. عیراق خوه‌ ل سه‌ر بنگه‌هه‌كێ نا پالسه‌نگ ئاڤابوویه‌ و تێدا سیاسه‌تكرن ساناهى نینه‌ و راگرتنا پالسه‌نگێ ژی ل گۆر لۆژیكێ نوكه‌ ئه‌سته‌مه‌. عیراقا سه‌نترال و جاره‌كا دى هه‌مى ملكه‌چى ئێك بریار و ئێك سه‌رۆك، ئێك سه‌ركرده‌ ببن.سیته‌ما فیدرالى بۆ عیراقێ گونجایه‌، لێ هێشتا باوه‌رى ب دروستى بۆ هیچ لایه‌نه‌كى په‌یدا نه‌بوویه‌، كو هه‌رێمه‌كا دى ل گه‌ل كوردستانا ل عیراقێ ئاڤا بیت. ئه‌ڤه‌ مه‌زنترین مه‌ترسیه‌ بۆ شه‌رعیه‌تا سیاسى. دڤێت كازمى بشێت هنده‌ك پێنگاڤان بهاڤێژیت ل سه‌ر ئاستێ هنده‌ك پرسێن لاوه‌كى و نه‌ گرن كلێ بخوه‌ سه‌رۆك وه‌زیره‌ك ده‌مكى یه‌ و بۆ قووناغه‌كا راگوهاستنێ لێ به‌ر ب كیڤه‌.؟! بۆ كوردستانێ سه‌ره‌دانه‌كا په‌هله‌وانى د میزانا سیاسه‌تێ دا هیچ تشته‌كێ نا گوهۆریت پڕسا كوردى ل عیراقێ 100 ساله‌ قه‌د پڕسا ئابوورى نینه‌، هه‌تا ئابوور ژی ڤه‌رێژا سیاسه‌ته‌كا دیار كریه‌. باده‌كێن پرسا كوردى ب كازمى چاره‌سه‌ر نابن، به‌لكو دێ هینه‌ ڤه‌ گوهاستن بۆ قووناغه‌كا نه‌دیار یان كه‌فتنه‌كا نه‌چاڤه‌رێكرى وه‌ك 2003. لێ تشتێ نیمچه‌ باش ئه‌وه‌ كازمى وه‌ك رۆژنامه‌ڤانه‌ك ب خوه‌ تێرا هندێ ئاگه‌هداره‌ كوردستان ناڤه‌گه‌ریت قووناغێن به‌رێ و به‌غدا ژی كارتێن فشارێ ژبلى (بۆدجێ و مووچان) چ ڤێ نه‌مایه‌ و ئه‌ڤ كارته‌ ژی دێ سۆژیت ل بن گڤاشتنا بهێت یان حه‌قانیه‌تا پرسێ سۆتنا وێ مسۆگه‌ر دكه‌ت. خه‌لكێ كوردستانێ تێرا هندێ ڤێراگه‌هشتیه‌ هه‌تا دبن نه‌خۆشترین بارێ ئابوورى دا. جاره‌كا دى ته‌سلیمى به‌غدا نابیت وه‌ك هنده‌ك ل به‌غدا داخوازا هه‌لوه‌شاندنا هه‌رێما كوردستانێ دكه‌ن, كوردێن عیراقێ ئاستێ ژیانا سیاسى و جڤاكى ئابووریا كوردێن پارچێن دى دبینن. لێ گڤاشتن ل سه‌ر سیاسه‌تا ناڤخوه‌. نۆرماله‌ كوردستانێ مرۆڤه‌ك ئازا په‌یدا كریه‌ و شانازیه‌ ژی ل كوردستانێ ده‌نگێن نه‌رازیبوونێ هه‌بن، لێ قه‌ ده‌نگێن روخاندنێ بۆ خاترا به‌غدا نابن…؟!

19

كۆڤان حسێن
وه‌ك میدیاكاره‌ك پشتى بابه‌تێ تیك توكێ د ناڤبه‌را چینێ و ئه‌مریكا دا گه‌رم بووى، من مه‌ره‌ق كر ببزانم تێك تۆك چیه‌ و چى تێدا دهێته‌ به‌لاڤ كرن. یا من دیتى و تێبینى كرى، راستى جیهانه‌كا نوى و پڕى خواندنه‌ بۆ ئاستێ مرۆڤان و بۆ تێگه‌هێ مرۆڤان بۆ ئاره‌ستا مرۆڤان بۆ بهایێ مرۆڤان.بیاڤه‌كه‌ ژ راست رویه‌كێ دى یێ مرۆڤا دیار دكه‌ت. قه‌د ناچیته‌ خانا (میدیا) ئه‌لكترۆنى، به‌لكو دچیته‌ قه‌واره‌كێ گه‌له‌ك نزمێ هنده‌ك كه‌س خوه‌ هێژا ببینن كو تێدا بن. ئه‌ڤ پرسه‌ گشتگیر نینه‌، لێ ئه‌ڤه‌ یا زاله‌ ب سه‌ر ڤى بیاڤى دا.چ مرۆڤه‌ك تازه‌ په‌روه‌رده‌ بوویه‌.چى ره‌نگه‌گ دى یێ دیتنێ هاتیه‌ ئافراندن. ئاستێ هوشیارى و ریێ هندا چاوا تێدا دیار دبیت. كوردان ژ مێژه‌ وه‌كێ ئێكى خوه‌ گه‌له‌گ ئینابا ئاسته‌كێ نه‌ نۆرمال ل گۆر پیڤه‌رێ جڤاكێ خوه‌ دا بێژن فلان كه‌س بوویه‌ (ته‌ماشێ به‌ر ئاشا) ئانكو یێ هه‌لوه‌شیاى یێ كریار و ره‌فتاره‌ك نه‌ نورمال و ل جه و ده‌مه‌ك نه‌ نۆرمال ب ئالاڤ و شێوه‌ك نه‌ نۆرمال ده‌ربرینه‌كا نه‌ نۆرمال دكه‌ت. هندى تێك تۆك هه‌یى یان تێدا ئه‌كتیڤ، نه‌ ئه‌ون یێن من گۆتین، لێ ئه‌ڤه‌ یا تێدا زاله‌. ژ راست مرۆڤ هاتنه‌ ڤى ئاست و قه‌بارى؟ ژ راست به‌ر هه‌مێ ژیانا خۆش و هه‌تا راده‌كێ ئاسان ژ یا به‌رێ ئه‌ڤه‌ یه‌؟ ئه‌رێ ئالاڤێن په‌یوه‌ندیێ و ئاسانیا ڤێرا گه‌هشتنێ، ئه‌ڤه‌ ژى به‌رهه‌م ئینایه‌.كى دبێژیت ترامپ راست ناكه‌تن كو ئه‌ڤه‌ گه‌فه‌ ل سه‌ر مرۆڤایه‌تیێ؟ وه‌لاته‌ك وه‌ك ئه‌مریكا ڤێ ب گه‌ف بزانیت بۆ سه‌ر ئاسایشا نه‌ته‌وه‌ى یا خوه‌، ئه‌م ل كیڤه‌نه‌؟، گرتنا وێ یان قه‌ده‌غه‌ نه‌ چاره‌یه‌ ته‌كنولوژیا دێ مینبه‌ره‌كا دى روخسینیت و قانوونا خورستى ڤالاهیێ قه‌بوول ناكه‌ت، دێ هه‌ر پڕكه‌ت لێ پرسیار ئه‌ڤه‌یه‌. ئه‌ڤه‌ ئه‌مین هاتین ڤى ئاستێ هه‌ڕفتى و نزم ب رێژه‌كا مه‌زن.
یا رست گه‌له‌ك د خه‌ما ڤى به‌ره‌بابێ سه‌رگه‌ردانێ كوردستانێ مه‌. یێ د خه‌ما وێ ڤالاتیا كلتوورى و دا ئه‌وا تێكستێن فه‌یسبۆكى و تێك تۆكێ دا دیار دبن. چ به‌رهه‌م هاتیه‌ كه‌س گه‌هشتیه‌ چ قووناغان بیركرنێ و دربرینێ. لێ ئه‌ڤه‌ ئه‌نجامه‌ لێ بخوه‌ نزانم ئه‌نجامێ چیه‌!.

67

پاراستنا (دهۆكێ)….؟!
كۆڤان حسێن
دهۆك بوه‌یه‌ سه‌ر نووچه‌یێ پڕانیا میدیا جیهانى، د ناڤ گێله‌شۆكا هێرشێن توركیا دا بۆ سه‌ر هه‌رێما كوردستانێ، سه‌ده‌م و هۆكار و ڤه‌رێژێَن وێ دیارن، دبیت به‌ر سنگگرتنا هێزكێ، مینا هێزا توركیا ب شیانێن خومالى ژده‌رڤه‌ى رێكه‌چاره‌یێن سیاسى و دبلۆماسی، ئه‌سته‌م بیت، دبیت. نه‌ پالسه‌نگیا هێزێ و شیانان، رامانا هندێ نادتن ژ لایێ رۆمانسیا نه‌ته‌وه‌ى ڤه‌ بێ هه‌لویستى هه‌یه‌ یان خه‌مسارى باوه‌، لێ تشتێ من دڤێت بێژم، پاراستنا دهۆكێ ژ سه‌نگه‌ر و به‌ره‌یه‌كێ دیڤه‌یه‌ دووره‌ ژ سیاسه‌تێ و عه‌سكه‌رتاریه‌تێ و ده‌نگێ تڤه‌نگان. مه‌رم پاراستنا دهۆكێ یه‌ ژ لایێ ساخله‌مى ڤه‌. وه‌ك دیار هه‌تا نوكه‌ دهۆك د كاودانه‌كێ هه‌ره‌ باش دایه‌ ل سه‌ر ئاستێ كوردستانێ و عێاقێ، لێ ئه‌ڤ باشیه‌ جهێ رێزێ یه‌ و جهێ سه‌ر راوه‌ستیانێ یه‌ و كێمترین ئاسانكارى سڤك وه‌رگرتن و خه‌مسارى و بێ ئاگه‌هیه‌ك ل جهه‌ك لاواز كاره‌سات دێ درست بیت. خه‌ریكه‌ ئه‌م به‌ر ب پایزێ ڤه‌ دچین و هێشتا ده‌رمان دیار نینه‌ و ب تنێ هیڤى و داخوازى ئه‌وه‌ ڤێ ره‌وشێ ل دهۆكێ بپارێزن و ئه‌ڤه‌ د ڤى شه‌رى دا مه‌زنترین ده‌ست كه‌فته‌ بۆ ئیدارا دهۆكێ و پرسێن دى یێن سیاسى و كێژه‌ڤانكا وێ ب روونشه‌كێ یان بریاره‌كێ چاره‌سه‌ر دبن. لێ شه‌رێ (تاعۆنا) سه‌رده‌مێ كورۆنایێ.شه‌ره‌ك ب هوشیارى و به‌رنامه‌ یه‌. ب پلان و بریارێن وێره‌ك و دژواره‌, مانا دهۆكێ وه‌ك پارێزگه‌ه د ڤێ ره‌وشێ دا. هه‌تا جیهان سه‌رڤى ڤایرۆسى سه‌ربكه‌ڤیت باشترین پاداشت و دیاریه‌ بۆ خه‌لكێ دهۆكێ.ئیدرا د ڤێ ره‌وشێ دا دڤیا دوورى هه‌مى (عاتیفه‌) و ئاسانكاریه‌كێ بیت.خه‌لك به‌حسى هنده‌ك خالێن لاواز دكه‌ن ل هاتن و چوونا ژده‌رڤه‌ى پارێزگه‌هێ. پیجه‌ك خه‌مسارى و پیجه‌ك ئاسنكاریا نه‌ ل جێ خوه‌ دێ دهۆكێ ب ده‌ردێ جهێن دى به‌ت.
ژیانا هه‌ڤوه‌لاتیان ژ هندێ گرنگتره‌ بۆ خاترا كه‌سه‌كێ ڤایرۆس دزێ بكه‌ته‌ ده‌ڤه‌را مه‌, یا هه‌تا نوكه‌ هاتى كرن ئه‌نجام دیاره‌ و جهێ رێزێ یه‌. لێ تنێ مه‌ دڤێت دهۆك باشترین ئاست دابیت و كێمترین زیان هه‌بیت و یا باش دهۆكێ و ئیدارا وێ سه‌ربووره‌كا سه‌ده‌ریێ ل گه‌ل ڤێ ره‌وشێ په‌یدا كریه‌,بتنێ مه‌ دڤیت دهۆك بمینیت ڤالا و وپاك و هه‌مى ئاریِیشێن دێ. دبیت چاره‌سه‌ربن ل گۆر هه‌لو مه‌رج و بریارێن وه‌خێ خوه‌….

10

كۆڤان حسێن
باوه‌رناكم هیچ حوكمه‌ته‌كێ هندى كوردستانێ ئیدیه‌مێ گه‌نده‌لیێ ل جهێ خوه‌ و نه‌ ل جهێ خوه‌ بكار ئینابیت. حه‌تا وێ رادێ به‌رهنگاریا گه‌ندلیێ بۆ حوكمه‌تێ ب خوه‌ بوویه‌ كابووسه‌ك هزار بازبه‌ندا دخوینیت كا دێ كاره‌كێ كه‌ت ژی یان نه‌، ب كورتى گه‌نده‌لى سازیه‌كا مه‌زنه‌ رهسپى و شاگرد و تیله‌ و چه‌ته‌ و هه‌تا (نڤیسكار و رۆژنامه‌ڤان) ژی هه‌نه‌، دبیت هنده‌ك ژ نه‌زانین تووش و تێكهه‌لى شاده‌مارا گه‌نده‌لیێ ببن و هنده‌ك ژی ب به‌رنامه‌ و هنده‌ك ژی وه‌ك ئۆكسجینا خوه‌ دزانن. شه‌ڕێ گه‌نده‌لیێ مسۆگه‌ر ب حوكمه‌تێ ب تنێ ڤه‌ نائێت، ئه‌گه‌ر ئاماده‌ سازیه‌كا سیاسى و جڤاكى بۆ نه‌بیت. كورد مرۆڤه‌ك ساده‌ و خۆش باوه‌ره‌ و گه‌نده‌لیا كوردى ژی هندا ڤه‌شارتى و نخافتى نینه‌، له‌ورا به‌رهنگاربوونا وێ خرابكرنا دونیایێ پێنه‌ڤێت هنده‌ك كه‌س و گرۆپ خه‌لك ئاشكرا ناڤێن وان و نیشانێن وان دبێژن.
مه‌زنترین سه‌ركه‌فتن بر پررژێ به‌رهنگاریا گه‌نده‌لیێ ئه‌وه‌ جارێ (ستۆب) كه‌ت هێدى ئه‌و بریار و ده‌رفه‌ت و ناڤونیشان و پله‌ و پۆست و رهسپیاتى و مختاریا دبێته‌ ئه‌گه‌ر بۆ گه‌نده‌لیى راگرن بوو. ئه‌و كه‌یسێن گه‌نده‌لیێ تازه‌ و ئاشكرا چاره‌سه‌ر بكه‌ن. هنده‌ك گه‌نده‌ل ل كه‌رتێ گشتى یێ حكومی و كه‌رتێ تایبه‌تێ قوركاریێ هه‌ر پێدڤى ب دۆسه‌یا ناكه‌تن ئاشكرا ئه‌ بخوه‌ دیارن و كێمه‌كن لێ. ڤه‌هێلانا وانا زۆرا خرابه‌ بۆ به‌نكێ باوه‌ریێ د ناڤ به‌را سازێن حوكمه‌تێ و جه‌ماوه‌رى دا. ئانكو ئاشكرا بێژین نه‌ به‌ر ئاقله‌ هنده‌ك د 10 سالادا یان كێمتر ژ هه‌ره‌ ده‌وله‌مه‌ندێن كوردستانێ بن؟! و مووچێ وان ب زۆرى تێرا ژیانه‌كا نۆرمال بكه‌ت. هه‌ر چه‌نده‌ ئه‌0ئه‌ڤ گۆتنا من ره‌نگه‌ك پۆپولیستى پێڤه‌ دیاره‌، لێ بۆ جاره‌سه‌ریا گه‌نده‌لیێ هه‌مى جاران یاسا و بیروكراتیه‌ت. حه‌قیقه‌تێ هندا دكه‌تن یان گومانێ ل سه‌ر دروست دكه‌ت. گه‌نده‌لى تشتێ باش كه‌س ئینكارا هه‌بوونا وێ ناكه‌ت، لێ تشتێ خراب هێشتا به‌رهنگاربیبونا وێ نه‌بوویه‌ ئیراده‌كا ساسى یا ب هێز ژ چارچووڤێ گشتاندنێ دامایه‌ قه‌تیز و نه‌ هاتیه‌ هیركاریا و سه‌رناڤ و نیشانا دبیت ئه‌ڤه‌ قووناغه‌كا دى بیت. لێ یا خاڤ و سسته‌ و پێدڤى ب هنده‌ك سه‌ره‌ده‌ریا شۆره‌شگێرى هه‌یه‌. لێ دێ هه‌مى شیانێن حوكمه‌تێ و كارێ وان بێ بها و ده‌مكى بیت ئه‌گه‌ر جڤاك هێشتا واسته‌كاریێ و شریناهیێ و خه‌لاتكرنێ ب نۆرمال بزانیت. دێ هیَِشتا ئه‌سته‌م بیت وه‌ختا سۆپاسیا و پێزانینێ به‌لاش بده‌ینه‌ كه‌سه‌كێ ئه‌ركێ خوه‌ دكه‌ت. ل ڤى وه‌لاتێ ئه‌م ناڤبه‌را ئه‌رك و مافان دا هێشتا د سه‌رگێژیێ داینه‌. توكا گه‌نده‌لیێ هندا به‌رفره‌هه‌ هه‌كه‌ ئه‌م هیركه‌ین پتر یا ل سه‌ر جڤاكى هه‌لبه‌ت ژ بێده‌نگى و لاوازیا یاسایى و نه‌بوونا دووڤچوونێ…

23

كۆڤان حسێن
قه‌ت نه‌چوویه‌ ئاقلێ من كو پرسا هه‌رێمێ و عیراقێ پرسه‌كا ئابوورى بیت، كلتووره‌كێ ب مخابنى ڤه‌ ل ده‌ف مه‌ سه‌رهلدایه‌ ئه‌م خوه‌ د كێشان دا سۆجبار دبینین و گه‌له‌ك (هه‌كه‌ و منگرتیا) دكه‌ینه‌ بهانه‌ بۆ زۆره‌كا هاوكێش. راده‌یا گرێكه‌كا هه‌ست ب كێماسیكرنێ، خه‌ریكه‌ زال دبیت وه‌ك هه‌ر تشتێ كوردستانێ (ره‌ش) بكین. بی جاره‌كێ ژی پرسیار بكه‌ین، ئه‌رێ ژ سالا1920 هه‌تا نوكه‌ و ئه‌و هه‌مى مه‌ینه‌ته‌ ژ به‌رهندێ بۆ مه‌(گاز) دفرۆت؟!. ژ راست بۆ هندێ بوو ئه‌م سه‌ر راستێن سامانێ وه‌لاتێ خوه‌ بین.100 سالان هه‌مى داهاتێ كوردستانێ چوویه‌ به‌غدا و چى هاتیه‌ كوردستانێ ژ (ئه‌نفالان) پێڤه‌تر؟؟ راسته‌ كوردستان ژ 1991 هه‌تا نوكه‌ راستى هنده‌ گڤاشتنان نه‌بوویه‌. راسته‌ كوردستانێ وه‌ك هه‌مى وه‌لاته‌كێ تێرا خوه‌ گه‌نده‌لى و خرابى هه‌نه‌، لێ د هه‌مان ده‌م تێرا خوه‌ هند شانازى و ده‌ستكه‌فت ژی هه‌نه‌ راسته‌ (میزاجێ) ئابوورى و سیاسیێ مه‌ نوكه‌ ده‌رفه‌تێ ناده‌ت ببنین، لێ نه‌یارێن كوردستانێ قه‌نج هه‌ست ب وى ده‌ستكه‌فتێ كوردى دكه‌ن و وه‌ك گه‌ف بۆ سه‌ر ئاسایشا خوه‌ دزانن، برسیكرن سیاسه‌ته‌كا كه‌ڤناره‌ ژ نه‌چاریا خوه‌ یا سیاسى ئالیه‌ك دژى یێ دى بكارئینایه‌. هه‌ر (تنازله‌كا) ژ برسا بێته‌كرن (ده‌مكى) یه‌، هه‌رگاڤا ده‌رفه‌ت روخسا مله‌تێن زیندى (تۆلێ) ڤه‌ دكه‌ن. به‌غدا ب ئاگه‌هیا ئه‌نقه‌ره‌ و ته‌هرانێ ده‌رفه‌ته‌كا زێرین بۆ روخسایه‌ پترترین (تنازلان) ژ كوردان مسۆگه‌ر بكه‌ن. لێ هه‌تا كیڤه‌؟ برسیكرن و گڤاشتن هه‌تا سیڤاندا هه‌ره‌سێ. ئه‌نجامه‌كێ مسۆگه‌ر نینه‌ بۆ دیالۆكا هاوسه‌نگ و شه‌ره‌فمه‌ندانه‌. بۆ ئاریشێن وه‌لاته‌كێ دبێژنێ عیراق كو هه‌مى (چه‌ك) ب هه‌مى رێیان دژى كوردستانێ بكارئیناینه‌. ژ من ڤه‌ برسیكرنا مه‌ یان هه‌تا (فه‌تساندنا) كوردستانێ و نه‌هێلانا وێ وه‌ك قه‌واره‌ك سیاسى دستوورى ئارمانجه‌ ئه‌گه‌ر بۆ بچیته‌ سه‌ر. ب حوكمێ جوگرافیا یێ كورد زورانبازیێ ل گه‌ل (3) نه‌ته‌وه‌ێن مه‌زن و خودان پاشبه‌نده‌ك (درنده‌) دكه‌ن. سه‌ركه‌فتن ب سه‌ر هه‌میان یان ئه‌سته‌مه‌ یان پێدڤى لۆژیكه‌ك مه‌زن و خۆراگریه‌ك (ئه‌فسانه‌یى) ژ جه‌شنێ خۆراگریا (لینیگراد)؟ئه‌م نه‌ برسى نه‌ ب رامانا برسێ وه‌ك ئیدیه‌م به‌لكو ئه‌م (مه‌حتلین) ژ هنده‌ك پێدڤى و كه‌رستان. یا درست ئه‌م مه‌ترسینه‌ د مه‌ودایێ درێژدا بۆ ئه‌ڤێن نوكه‌ ل به‌غدا كو جارێ نه‌شێن ( ب تۆپ و فرۆكان) وه‌ك تركیا و ئیرانێ كوردان بكوژن. برسیكرن باشرین چه‌كه‌. سه‌ركه‌فتنا مه‌ د ڤى شه‌ڕى دا ئێكگرتن و ئێك بریارى و خوه‌ راست كرن و (ئیصلاحه‌). نه‌مازه‌ ل ڤێ ره‌وشێ دنیا هه‌مى مژوولى ناڤخوه‌یێ خۆیه‌ ژ ئه‌نجامێ كاره‌ساتا كۆرۆنایێ..

website security
WP Facebook Auto Publish Powered By : XYZScripts.com