NO IORG
Authors Posts by محه‌مه‌د ئيبراهيم ئامێدي

محه‌مه‌د ئيبراهيم ئامێدي

محه‌مه‌د ئيبراهيم ئامێدي
94 POSTS 0 COMMENTS

180

ئه‌ڤرۆ بیره‌وه‌ریا دانانا كوَمارا كوردستان ل مهابادێ, كو پێنگاڤه‌كا دیرۆكی بوو یا ملله‌تێ كورد ل سه‌ر وی ده‌می. بوَ رزگاربوونێ ژ سیته‌مكاریا داگیركه‌رێن كوردستان و ده‌ستڤه‌ئینانا مافێ خوه‌ یێ ره‌وا. لێ بیره‌وه‌ریا ئه‌ڤ ساله‌ یا هه‌ستیار و دژواره‌ یا پر كه‌لیژان و هاندانه‌ بۆ ده‌ست ڤه‌ئینان سه‌ركه‌فتنا مه‌زن یا دووماهیا شه‌ڕێ تیرۆرستێ و زۆرداریێ یێ داعش ل سه‌ر هه‌رێما كوردستانێ. ل سه‌ر ده‌ستێ پێشمه‌رگێن قاره‌مان پارێزه‌رێن خاك وه‌لات نیشتیمان. ب سه‌رپه‌رشتیا سه‌رۆكێ هه‌رێما كوردستانێ رێزدار مه‌سعود بارزانی و خه‌مخوری و دلسوَزیا جه‌ماوه‌رێ كوردستانێ یێ شه‌رفمه‌ند، دیاره‌ قه‌ده‌را ملله‌تی د كه‌ڤندا هه‌ر یاهۆسا بوو. له‌ورا پشتی په‌یمانا لوَزان یا ره‌ش یا رۆژا 24/7/1923 كوردستان بوویه‌ چار پارچه‌ زێده‌باری كورد چاره‌مین نه‌ته‌وه‌نه‌ ل ده‌ڤه‌رێ پشتی (عه‌ره‌ب ـ تورك ـ فارسان) هه‌روه‌سا بڕگێن ژماره‌ 62 ـ 63 ـ 64 یێن په‌یمانا سیڤه‌ر یا رۆژا 10 ته‌باخا سالا 1920 یێن پێكئینانا ده‌وله‌تا كوردی. زێده‌باری ژمارا كوردان ل وی ده‌می ب ده‌هان ملیۆن بوون كو نوكه‌ دگه‌هنه‌ 50 ملیۆن ئاكنجی ل سه‌ر ئاستێ كوردستانا مه‌زن ل جیهانێ.
ئه‌ڤ هه‌می هه‌كه‌ و بنه‌ما بوونه‌ هوَكار و ده‌لیڤه‌ بۆ راگه‌هاندنا دامه‌زراندانا كۆمارا كوردستان ل مهابادێ ل 22/1/1946 ل ژێر ئالایێ كوردستانێ یێ ره‌نگین ل سه‌ر ده‌ستێ پێشه‌وا (قازی محه‌مه‌د) و ژماره‌كا قاره‌مان و خه‌باتكه‌رێن كوردان ل كوردستانا روََژهه‌لات. ب رێوره‌سمێن هه‌ژی دا و ل مه‌یدانا چارچرا ل سه‌نته‌رێ باژێرێ مهاباد. بارزانیێ نه‌مر و ژمارا 500 قاره‌مانان ژ خورته‌مێر و عه‌گیدان ژ باشۆرێ كوردستانێ تێدا ئاماده‌بوون و پێشه‌وا قازی محه‌مه‌د ب سووندا كوَماری ئێكه‌م كیانێ كوردی راگه‌هاند, ئه‌ڤه‌ ژی ده‌قێ سووندێ : ـ
ئه‌ز ب خودێ
ب كه‌لامێ خودایێ مه‌زن
ب شه‌رافه‌تا ملله‌تێ كورد ب ئالایێ پیرۆزێ كوردستانێ
سووند دخۆم كوَ هه‌تا دووماهی نه‌فه‌سا ژیانا خوه‌ و دووماهی چپكا خوَینا خوه‌, ب گیان و مالدریا راگرتنا سه‌ربه‌خوه‌یێ و بلند ڕاكرنا ئالایێ كوردستانێ دا تێبكۆشم و سه‌باره‌ت ب كۆمارا كوردستان و ئێكرێزیا گه‌لێن كورد و ئازه‌ربایجانێ خزمه‌تكار و وه‌فادار بمینم.
ژ یێ كوَمارێ یێ كورت بوو 11 هه‌یڤ بوون و 11 رۆژبوون. لێ سه‌ره‌رای ڤێ چه‌ندێ ژی ئارمانج و ئه‌نجام وحه‌ز و بیرو بۆچوون گه‌له‌كبوون ودرێژبوون. هانده‌ره‌كێ ئه‌كتیڤ و دژواربوو بۆ بلندكرنا ئاستێ هایبوونێ و هۆشه‌مه‌ندیا نه‌ته‌وه‌یی د ناڤ گه‌لێ كوردان و به‌رپه‌رێن دیرۆكا ملله‌تێ كورد هاته‌ نه‌خشاندن. ب مێژوویا ڤێ ده‌وله‌تێ و سه‌ركه‌فتنا ئیرادا جه‌ماوه‌رێ كوردی و به‌رزكرنا ناسناما نه‌ته‌وا كورد. زێده‌باری ده‌ست نیشانكرنا دوست و نه‌یارێن گه‌لێ كورد.. هه‌ژی ئاماژێ یه‌ كو د ڤی ده‌مێ كورت دا حوكمه‌تا كوردستان هاته‌ پێكئینان ب 12 وه‌زاره‌تان. پێكئینانا بنیاتێ له‌شكره‌كێ ب هێز بۆ پاراستنا كوَمارێ. دیاركرن و ئاماده‌كرنا سه‌ركرده‌ و رێبه‌رێن ده‌وله‌تێ. بلندكرنا ئالایێ كوَمارێ ل گه‌ل سروودێ. ژ لایێ رۆژنامه‌ڤانیێ ڤه‌ ژماره‌كا رۆژناما و كۆڤارا هاتنه‌ ده‌رئێخستن. ل گه‌ل هه‌بوونا چاپخانه‌كا باش یا سه‌ر وی ده‌می. هیما و دوورشم و سه‌ربۆر و ناڤێن مه‌زن و هزر و بیرێن نه‌ته‌وه‌ی و چاره‌نڤیسی ل دووڤ خوه‌ هێلان و یا گرنگ ژی هزرا ده‌وله‌تبوونێ هه‌رده‌م یا د سه‌رێ هه‌ر تاكه‌كێ كوردان دا مای وه‌ك ئارمانج و داخوازیه‌كا دخه‌ونیت رۆژ بۆ رۆژێ كو دێ هه‌ر ده‌مه‌ك یێ نێزیك ئێت بۆ راگه‌هاندنا ده‌وله‌تا كوردی. هه‌ر وه‌سا رووره‌شی و شه‌همزاری ب وان ئه‌وێن سۆز و په‌یمانێن خوه‌ ب جه نه‌ئیناین به‌رامبه‌ری پالپشتی و هاریكاریا كوَمارا كوردستان. مێژوو بۆ مه‌ دسه‌لمینیت كو د كه‌ڤن دا ملله‌تێ كورد خودانێ خوه‌ و ده‌وله‌ت و میرنشینان بوَ و دیرۆكه‌كا دوور و درێژ یا هه‌ی د ڤی بیاڤی دا دگه‌هیته‌ 4514 سالان ده‌ستپێدكه‌ت ب ئێكه‌مین ده‌وله‌تا كوردی كو به‌ری 2500 سالا به‌ری زایینی یا هاتیه‌ دامه‌زراندن ب ناڤێ (لۆلۆ) 140 سالان حوكم یا كری ل ده‌ڤه‌را هه‌لمان ژ زه‌هاو هه‌تا ده‌ڤه‌را هه‌كار و دانان و پێكئینانا ده‌وله‌تێن كوردی یا به‌رده‌وام د هه‌می قووناغێن بووری دا هه‌تا دووماهی ده‌وله‌ت، ئه‌و ژی كۆمارا كوردستان ل مهاباد ل 22/1/1646 كو بابه‌تێ ڤێ راپورتا مه‌ هه‌روه‌سا حوكمه‌تا هه‌رێما كوردستانێ نوكه‌.. . و ژ میرنشینا وه‌ك ئێكه‌مین میرنشین, میرنشینا عیشانی 912 ـ 961 ز ل روَژئاڤا هه‌رێما چیایێن نه‌هاوه‌ند تا دوووماهی میرنشین, میرنشینا بوَتان سالا 1812 هاته‌ پێكئینان ده‌مێ میر به‌درخان ل گه‌ل میرێن وانێ و هه‌كاریا و خیزان ل مووشێ ل ده‌ڤه‌را بۆتان رابوو ب شۆره‌شه‌كێ و دانانا حوكمه‌تا كوردی و حوكم ل ده‌ڤه‌رێن (مووسل ـ ره‌واندوز ـ مهاباد ـ شه‌نگار ـ سعرد ـ وێران شهر ـ سیۆرك ـ دیاربه‌كر (ئامه‌د) هه‌تا شنۆ و ئۆرمیێ) دكر، هیڤی و ئوَمێد ئه‌ون ئه‌ڤ بیره‌وه‌ریه‌ ببیته‌ به‌رێ بنیاتێ سه‌ركه‌فتنان و بده‌ستڤه‌ئینانا مافێ كوردان یێ ره‌وا ل ژێر ئالایێ كوردستانێ یێ ره‌نگین و خودێ مه‌زن دلۆڤان و هاریكاره‌.

127

دیرۆكا ئالایێ كوردستانێ یا كه‌ڤناره‌ دزڤریته‌ به‌ری هزاران سالان ژ ده‌سپێكا سه‌رده‌مێ كاوه‌یێ ئاسنگه‌ر بلندكرن كافه‌ وه‌ك ئالایێ سه‌ركه‌فتنێ ل سه‌ر زوحاكێ سته‌مكار و هاته‌ بناڤكرن ب (ده‌رفشی كافیانی)، هه‌روسا ل سه‌ر ئاستێ ده‌وله‌تێن كوردی یێن به‌رێ وه‌كو مێژوو بۆ مه‌ دسه‌لمینیت. كو ده‌وله‌تا میدیا ئانكو میدیان ئالایێ خوه‌ یێ تایبه‌ت هه‌بوو یێ پێكهاتی بوو ژ ره‌نگێ سۆر و سپی و كه‌سك و كانزانیا (كانزانی) ئالایێ وان ب ناڤێ ئالایێ (شهداد) به‌ری سێ هزار سالان. میرنشینا سۆران ب سه‌رۆكاتیا میر محه‌مه‌د ره‌واندۆزی ل سالێن 1816=1835 ئالایێ خوه‌ هه‌بوو ب ره‌نگێ سپی و ره‌ش و ئالایێ ئمپراتۆریا ساسانیان و وه‌كو دیار وێنه‌ی دا و ئالایێ سه‌لاحه‌دین ئه‌یۆبی ب ره‌نگێ زه‌ر. هه‌ر وه‌سا میرنشینا بۆتان ئالایێ خوه‌ هه‌بوو ل 17/9/1922شێخ مه‌حموود ئه‌لحه‌فید ئالایێ كوردستانێ ل باژێرێ سوله‌یمانیێ ل سه‌ر بانێ مزگه‌فتا مه‌زن بلندكر ب ره‌نگێ كه‌سك ل نیڤێ دا بازنه‌كێ سۆر نڤێ دا كه‌ره‌كێ هه‌یڤێ ل سالا 1920و ل باژێرێ ئسته‌نبولێ ل توركیا كۆمه‌لا رێكخراوێن كۆمه‌لایه‌تی یا كوردی رابوون ب ئاماده‌كرن نه‌خشه‌كرنا ئالایێ كوردستانێ و بۆ جارا ئێكێ هاته‌ بلندكرن ل ده‌ڤه‌رێن رزگاركرین ل ده‌مێ شۆره‌شا ئاكری 1927 ـ 1930 ب سه‌ركرده‌یا جه‌نرال نووری ئیحسان پاشا. ئالایێ كوردستانێ یێ نوكه‌ یێ گشتی ل 17/12/ 1945 د ئاهه‌نگه‌كا هه‌ژی ل گۆره‌پانا چار چرا ل باژێرێ مهاباد هاته‌ بلندكرن ب ئاماده‌بوونا ژماره‌كا سه‌ركردێن كوردان و جه‌ماوه‌ره‌كێ وردی یێ مه‌زن. به‌ری راگه‌هاندنا كۆمارا كوردستان پتر ژ هه‌یڤه‌كێ و ل 22/1/1946و ل ژێر سیبه‌را ڤی ئالای كۆمارا كوردستان ل مهاباد هاته‌ راگه‌هاندن. كو یێ بوویه‌ جهێ شانازی وخه‌باتێ و سه‌رفه‌رازیا ملله‌تێ كورد و جهه‌كێ تایبه‌ت یێ هه‌ی د ناڤ دلێ مه‌ هه‌میان دا و یێ هاتیه‌ پاراستن ب ده‌ستێ خه‌باتكه‌ر و دلسۆزێن كورداتیێ، دا هه‌ر ده‌م بمینیت سیمایێ خه‌بات و قاره‌مانیێ و به‌رده‌وامبوونا رێبازا بزاڤا رزگاریخوازا كوردی هه‌تا بده‌ستڤه‌ئینان و چه‌سپاندنا مافێ مه‌ یێ ره‌و،له‌ورا ل 16/12/1946پێشه‌وا قازی محه‌مه‌د ئه‌ڤ ئالایێ پیرۆز راده‌ستی بابێ رۆحی یێ نه‌ته‌وا كورد بارزانی مسته‌فا كر و گۆت ئه‌ز كه‌سێ نابینم وه‌ك جه‌نابێ ته‌ یێ ئه‌مین و زێره‌ڤان بۆ پاراستنا ڤی ئالای. ئه‌ڤرۆ و ل 17كانینا ئێكێ ل هه‌رێما كوردستان ب جه‌ماوه‌رێ خوه‌ڤه‌ و حوكمه‌ت ب داموده‌زگه‌هێن خوه‌ڤه‌ ڤێ بیره‌وه‌رێ ساخدكه‌ن ب رێوره‌سمێن هه‌ژی و به‌رنامێن تایبه‌ت، ئالایه‌كێ میری یه‌ و ل ژێر سیبه‌را وی په‌رله‌مانێ كوردستانێ هاته‌ هه‌لبژارتن و حوكمه‌تا هه‌رێما كوردستانێ هاته‌ دامه‌زراندن و هه‌می رێكخراوێن حكومی و جه‌ماوه‌ری و پیشه‌یی و ئێكه‌تی و سه‌ندیكا یێن بن تیرۆژكێن ڤی ئالای كار دكه‌ن. هه‌می دئاماده‌نه‌ ب جانفیدایێ پێخه‌مه‌ت هه‌رده‌م یێ به‌رز و بلند بیت و په‌یڤا سه‌رۆك مسعوود بارزانی سه‌رۆكێ هه‌رێما كوردستانێ هانده‌رێ ڤێ چه‌ندێ یه‌ ل ده‌مێ كه‌ره‌مكری و گۆتی ل 16/8/1998 و ل ژێر سیبه‌را ئالایێ كوردستانێ ئه‌زیێ هاتیمه‌ سه‌ر دونیایێ و ل هه‌ر خۆله‌كه‌كێ ئه‌ز یێ ئامه‌ده‌ مه‌ ل ژێر سیبه‌را ڤی ئالای و بۆ ڤی ئالای بمرم. ره‌نگێ سۆر خوینا شه‌هیدێن سه‌ربلندن. . ره‌نگێ كه‌سك سروشت و ژینگه‌هێ كوردستانێ یه‌، ره‌نگێ سپی تیرۆژ و تیشكێن ئاشتیێ و ئازادیێنه‌، ه‌ره‌نگێ زه‌ر و سۆر ره‌نگێ ئاگر و ختیر و شه‌مالكێن نه‌وروزێ نه‌. . ئه‌ڤجا بلا هه‌می جیهان بزانیت كو كورد ئێكه‌مین نه‌ته‌وایه‌ به‌ری هه‌میان ئالا هه‌بوو. ئه‌ڤرۆ و ل ژێر ڤی ئالایێ پیرۆز پێشمه‌رگێ قاره‌مان پارێزه‌رێ خاك، وه‌لات و نیشتیمان سیمایێ ئاشتیێ و ئازادیێ یێ مه‌زنترین قاره‌مانیا تومار دكه‌ن دژی شه‌ڕێ زۆرداریێ و تیرۆرێ یێ داعش ب درێژاهیا 1080 كلیۆمترا و ژماره‌كا خۆرته‌ مێران و عه‌گیدا یێن بووینه‌ قوربانی و ئالایێ كوردستانێ یێ بلندكری ل هه‌می ده‌ڤه‌ر و ناوچێن رزگاركرین له‌ورا ساخكرنا رۆژا ئالای ئه‌ڤ ساله‌ بێهن و تام و رامانێن خۆش و هستیار و مه‌زن یێن هه‌ین پرسه‌ربۆر و شانازی و ته‌ڤایێ و پالپشتیا خه‌لكێ جیهانێ و خوه‌راگری و سه‌ركه‌فتن بۆ كوردستانێ یه‌ و خودایێ مه‌زن هاریكاره‌.

34

ئه‌ڤرۆ ئه‌م وه‌ك ملله‌تێ كورد هه‌رده‌م ئاشتیخوازین خودان ره‌وشتوتیتالێن مێژوویی نه‌ و راهاتێن مرۆڤاتیێ نه‌ د بزاڤا خوه‌ یا رزگاریخوازیا كوردی دا. گه‌له‌ك شۆره‌ش و سه‌رهلدان و داستان یێن هاتینه‌ ئه‌نجامدان هه‌ر ژ شۆره‌شا میر محه‌مه‌د ره‌واندوزی سالا (1830) تا دووماهی شۆره‌شا گولانێ ل 26/5/1976 كو ئه‌ڤه‌ 184 سال بۆرین ل سه‌ر ڤێ بزاڤا پیرۆز و یا به‌ردوامه‌. ب تنێ پێخه‌مه‌ت بده‌ستڤه‌ئینانا مافێ خوه‌ یێ ره‌وا و بریارا جاره‌ نڤیسی و پاراستنا ناسناما كوردی وه‌ك هه‌ر نه‌ته‌وه‌یه‌ك و ملله‌ته‌كێ ل سه‌ر ته‌پا ئه‌ردی، لێ ئه‌ڤرۆ شه‌رێ زورداریێ یێ تیرۆرستیێ یێ داعش یێ هاتیه‌ چه‌سپاندن ل سه‌ر مه‌ وه‌ك هه‌رێما كوردستانێ و ئه‌م نه‌چاربووین به‌ره‌ڤانیێ و به‌رگریێ ژ خاك وه‌لات و نیشتیمانێ خوه‌ بكه‌ین و ل سه‌ر سێ به‌رۆكێن به‌رۆكان. ئێك شه‌ری ب درێژاهیا هزارو پێنجی كیلۆمتران وه‌ك تاكه‌ هێز ل شوونا هه‌می جیهانێ ل ده‌ڤه‌رێ شه‌ڕێ تیرۆرێ دكه‌ین ب تۆماركرنا سه‌ركه‌فتنێن مه‌زن رۆژانه‌ ب قاره‌مانیێن پێشمه‌ركێ كوردستانێ پارێزه‌رێن گه‌ل و نیشتیمان سیمایێ ئاشتی و ئازادیێ ب سه‌رپه‌رشتی و قومانداریا سه‌رۆك مه‌سعود بارزانی. كو هه‌می بزاڤ و شیان یێن دهێنه‌ ته‌رخانكرن ژ لایێ حوكمه‌تا هه‌رێما كوردستانێ و خه‌لكێ مه‌ یێ شه‌ره‌فمه‌ند ڤه‌ و هه‌ڤال دوستێن كوردان ل سه‌ر ئاستێ جیهانێ بۆ پشته‌ڤانیێ و هاندانێ و موكومكرنا به‌رۆكێن شه‌ڕی ب پشكداریا هزاران پێشمه‌رگێن قاره‌مان و ب چه‌كێ سڤك و گران و فرۆكێن ده‌وله‌تێن هه‌ڤپه‌یمان ل ژێر درووشمێ (یان كوردستان یان نه‌مان) و ب ده‌هان خورته‌ مێر و عه‌گید بوونه‌ قوربانی شه‌هیدێن سه‌ربلند یێ هه‌رده‌م ساخ. سه‌خمه‌راتی بده‌ستڤه‌ئینانا سه‌ركه‌فتنا دووماهیێ. ئه‌ڤه‌ ژ لایه‌كی ڤه‌، ژ لایێ دی ڤه‌ به‌رۆكێ دوێ مه‌ یێ هه‌ی ئه‌وژی به‌رۆكێ ناڤخوه‌یی یه‌ (الجبهه‌ الداخلیه‌) كو یێ پێدڤیه‌ هه‌ر ئێك ژ مه‌ پێشمه‌رگه‌ بیت د كار و بسپۆریا خوه‌ دا ل داموده‌زگه‌هان و ل كارگه‌ها و ل ناڤ زه‌ڤی و زاران و گۆره‌پانا و هه‌می جهێن كار و به‌رهه‌مئینانێ و هه‌ر بزاڤه‌ك هه‌بیت چ یا گه‌شه‌پێدانێ و خزمه‌تگوزاریێ و وه‌به‌رهێنانێ بیت هه‌تا یێ هۆنه‌ری و رۆژنامه‌ڤانی و راگه‌هاندنێ بیت ب دلسۆزی و خه‌مخوریێ ئه‌نجامبده‌ین و نه‌ بێژین ئه‌ڤی كاری نه‌ ئان یێ دی و فلان كار نابیت ل به‌ر شه‌ری. نه‌خێر بلا هه‌می كار و بزاڤ و بۆچوون هه‌تا ئاهه‌نگ و پێشانگه‌ه و خول و سمینار و هه‌می كارێن رۆژانه‌ یێن سروشتی بن وه‌كو یێن به‌ری شه‌ڕی د به‌رده‌وام بن كو ئه‌ڤه‌ ژی پالپشتیه‌ بۆ به‌رۆكێن شه‌ری و جهێ دلخۆشیا پێشمه‌رگه‌یه‌. ل ده‌مێ دزانیت و د بینیت مال و حالێن وی یێن ئارامن و هه‌می داخوازێن ژیارێ یێن دابینكرینه‌ و یێن به‌رده‌ستێ خێزانا وی و چ ئاریشه‌ نینن دێ یێ پشتراست بیت و دلنیا بیت هه‌ر چه‌ند ئه‌ڤ به‌رۆكه‌ یێ خورستی بیت دێ ئاستێ ژین و ژیارێ یێ بلند بیت پالپشیه‌كا گرنگه‌ بۆ پێشمه‌رگه‌ی د به‌رۆكێن شه‌ڕی دا، هه‌روه‌سا حه‌واندنا نێزیكی ملیۆنه‌ك و هه‌شت سه‌د هزار ئاواره‌ و په‌نابه‌ران ل سه‌رانسه‌ری كوردستانێ تیشكه‌كا دی یه‌ ڤێ چه‌ندێ د سه‌لمینیت و ئه‌ڤ هه‌می چه‌نده‌ دێ به‌رۆكێ مه‌ یێ سیێ ب هێز و ئه‌كتیڤ دكه‌ت، ئه‌و ژی به‌رۆكێ دبلوماسی و سیاسی یه‌. كو حوكمه‌تا هه‌رێما كوردستانێ ب گرنگی پێنگاڤێن پراكتیكی یێن هاڤێژتین د ڤی واری دا د گه‌ل جیهانی ب رۆلێ سه‌رۆكێ خوشتڤی كاك مه‌سعود بارزانی یێ حه‌كیمانه‌ و سیاسه‌تمه‌دار. هه‌ر وه‌سا رۆلێ جڤاتا وه‌زیران ب سه‌رۆكاتیا نێچیرڤان بارزانی و نموونه‌ ژی د زۆرن د ڤی بیاڤی دا هه‌ر ژ كۆنگرێ دهۆكێ یێ ته‌ڤده‌م جڤاتا نیشتیمانی یا كوردی ل كوردستانا رۆژئاڤا (15 تا 22ی /10/2014) و پشكداریا به‌رێز مه‌سرۆر بارزانی د كۆمبوونا په‌رله‌مانێ ئێكه‌تیا ئه‌ورۆپی ل برۆكسل ل رۆژا(4/11/2014) و په‌یڤا وی یا ته‌ڤایی و هه‌ستیار و كاریگه‌ر ب زمانێ ئینگلیزی كو هه‌می بیاڤێن ڤان بارودۆخان و قه‌یرانان ڤه‌دگریت هه‌روه‌سا گرێدانا دیدارا میری ل هه‌ولێرا پایته‌خت ل ۆژا ( 5/11/2014) ب ئاماده‌بوونا سه‌رۆك كۆمار فوئاد مه‌عسۆم و سه‌رۆك په‌رله‌مانێ عیراقێ و سه‌ركردێن سیاسی و په‌یڤا نێچیرڤان بارزانی سه‌رۆكێ جڤاتا وه‌زیران یا مێژوویی كو تێدا تیشك به‌ردانه‌ سه‌ر گرنگیا ڤێ دیدارێ و شلۆڤه‌كرنا ژماره‌كا بابه‌تێن گرنگ كو هه‌رێما كوردستانێ یا بوویه‌ ڤاكته‌رێ ئارامیێ ل ده‌ڤه‌ری و پێشمه‌رگه‌ی سه‌لماند كو ئاشتی ل ده‌ڤه‌رێ مه‌حال نینه‌. هه‌ر وه‌سا هاتنا ژماره‌كا سه‌رۆك وه‌زیر و وه‌زیرێن بیانی یێن گه‌له‌ك ده‌وله‌تێن جیهانێ بۆ هه‌ولێرا پایته‌خت پشته‌ڤانیه‌كا دبلۆماسی و سیاسی یه‌ بۆ ملله‌تێ كورد دژی ڤی شه‌ری ل سه‌ر ئاستێ جیهانێ. ل ڤێره‌ یا پێدڤیه‌ رۆلێ ره‌ڤه‌ندا كوردی ل ده‌رڤه‌ی هه‌رێمێ ژ بیر نه‌كه‌ین یێ پالپشتیێ و هنارتنا هاریكاری و ئه‌نجامدانا خۆنیشاندانان و چالاكیێن هه‌مه‌جۆرێن به‌رده‌وام ئه‌ڤ به‌رۆكه‌ ب هێزترخست. ئه‌ڤجا یا فه‌ره‌ بزانین كو ئه‌ڤ هه‌رسێ به‌رۆكه‌ (به‌رۆكێ شه‌ری ـ به‌رۆكێ ناڤخوه‌یی ـ به‌رۆكێ دبلوماسی و سیاسی) ته‌مامكرێن ئێكودونه‌ و به‌هرا پتر خورتكرنه‌ بۆ به‌رۆكێن شه‌ڕی، له‌ورا بلا هه‌می بزاڤ و شیان بهێنه‌ ته‌رخانكرن د هێلێن ڤان هه‌ر سێ به‌رۆكان دا ل دووڤ گرنگیا به‌رۆكی و بده‌ستڤه‌ئینانا سه‌ركه‌ڤتنا مه‌زن و خودایێ مه‌زن و دلۆڤان هاریكاره‌.

72

بۆ ئێکرێزی و رێخستنا ناڤمالا کوردی و پاراستنا ئاسایشا نەتەوەیی یا مللەتێ کورد ل ھەر چار پارچێن کوردستانێ کو ھەمی د ئێک سەنگەر دا بن ب ئێک دل و جان وەک ئەلھۆیێن چیا پاراستنا خاکێ کوردستانێ بکەن ل دژی شەڕێن زۆرداریێ و رژێمێن دکتاتۆری ھەلگرێن ھزر و بیرێن رەگەز پەرستی و شۆفینی ل بەرانبەری کوردان، ھەستێ سەرۆک بارزانی ب راستی یێ خەمخۆر و دلسۆزبوو. دەستپێشخەریا سەرۆکی  کو ھەردەم خۆدانێ دەستپێشخەریێن نەتەوەیی و مرۆڤاتیێ یە و سەرپەرشیاریێ رێککەفتنا و تەڤایێ یە کۆ مێژوو ڤێ چەندێ بۆ مە دسەلمینیت ل سەر ئاستێ ھەرێما کوردستانێ و عیراقا فیدرال ھەتا کوردستانا مەزن کو داخوازیا وی  بۆ سەرکردایەتیا تەڤدەم جڤاتا نیشتیمانی یا کورد ی ل کوردستانا رۆژئاڤا پێنگاڤەکا مێژوویی بۆ کۆمبوونێن بەرفرەە و ب سەرپەرشتیا وی ل پارێزگەھا دھۆکێ ل رۆژێن ١٥ـ ٢٢ / ١٠ / ٢٠١٤ و دووماھیھاتنا وان کۆمبوونان ب مزگینیا ئێکگرتنا ھەمی پارتێن سیاسی وەک جڤاتا نیشتیمانی یا کوردی، کو د رێورە سمێن ئیمزاکرنێ ب بەرھەڤ بوون و سەرپەرشتیا سەرۆکێ ھەرێمێ دەمێ گۆتی ئەڤ رێککەفتنە ((دەستپێکا سەرکەفتنا گەلێ کوردە ل رۆژئاڤا و بەرسڤەکا راست و دروستە بۆ دوژمنان ئەوە کو ئەم ھەموو پێکڤەبین)).

ھیڤیخوازین ئەڤ رێککەفتنە کو جھێ رێزگرتنێ و دلخوشیا ھەمی پارت و لایەنێن سیاسی و خەلکێ کوردستانێ و ھەڤال دوستێن کوردایە. بھێتە بجھئینان وەک قووناغەکا نوو یا بزاڤا رزگاریخوازیا کوردی و کلیلا چارەسەریا ھەمی قەیرانان و نەھێلانا ناکۆکیان و بەر ب ئێک سەنگەر و ئێک گۆتارا سیاسی ل دەڤەرێ پێخەمەت دەستڤەئینانا مافێ خوە یێ رەوا ل سەر خاک و وەلات و نیشتیمان. ئەڤجا بلا ئەڤ رێککەفتنە ببیتە ھێڤێنێ گرێدانا کۆنگرێ نەتەوەیی کو ھەمی بزاڤ و شیا ن بۆ ھاتبوونە بەرھەڤکرن و تەرخان کرن و گەلەک تەوەر و پێنگاڤێن باش پراکتیکی بۆ ھاتبوونە گێران و ھاڤێشتن وەک پرۆژەکێ ھەڤپشک بۆ رۆژەکا گەش بۆ چارەسەریا کیشێن ھەر چار پارچێن کوردستانێ و پاراستنا ئاسایشا نەتەوەیی یا کوردی و پەسەند کرنا نەخشێ کوردستانا مەزن یێ بەرێ. وەک نامەکا ڤەکری بۆ خەلکێ جیھانێ کۆ ئەم کورد ھەردەم ئاشتی خوازین زمانێ دیالۆگی زمانێ مەیە، ستراتیژیا ئێکگرتی بۆ دۆزا مەیە، ئێک گۆتار ئارمانجا مەیە، رێخستنا مالا کوردی کارێ مەیە، پێکڤە ژیان رەوشتێ مەیە، بریارا چارەنڤیس ھیڤی و ئومێدێن مەنە، دامەزراندنا دەولەتا کوردی مافێ مەیە، خەلکێ جیھانێ ل گەل مەیە  و خودایێ مەزن ھاریکارێ مە بیت.

website security
WP Facebook Auto Publish Powered By : XYZScripts.com