NO IORG
Authors Posts by رێژين نهێلێ

رێژين نهێلێ

رێژين نهێلێ
18 POSTS 0 COMMENTS

14

رێژین نهێلى*
وه‌كى دهێته‌ دیاركرن هه‌شتى مارس رۆژا جیهانیا ژنان و نیاسینا ژنێ ب جڤاكى ب شێوه‌كێ گشتى، چونكو ل ڤێ رۆژێ شیا ب دروستى ده‌نگ و داخواز و په‌یاماخوه‌ بگه‌هینیت و ده‌ستپێكه‌ك بوو، ژبۆ هاتنه‌ڤه‌یا وێ ئه‌وا كو ڤیاى خوه‌ پێ یه‌كسان ببینیت د ئه‌رك و مافێن خوه‌ ل گه‌ل ره‌گه‌زێ به‌رامبه‌ر دا و زولم و ته‌عدایى َقه‌بوول نه‌كه‌ت.
لێ هه‌تا نها ژى ل چو وه‌لاته‌كێ ئه‌و یه‌كسانیا هه‌موو رێكخراوێن ئافره‌تان به‌حس دكه‌ن و كار بۆ دكه‌ن وه‌ك پێدڤى دروست نه‌بوویه‌ و دروست نابیت ژى هه‌تا ره‌گه‌زێ به‌رامبه‌ر ژى هه‌مان هزر و پاراستن و ماف و ئه‌رك بۆ ئافره‌تێ نه‌بینیت وه‌كى كو بخوه‌ هزر تێدا دكه‌ت.
ل هه‌رێما كوردستانێ ژى ژنێ زوور رێك و كاودان و ژیانه‌كا دژوار و پرى قوربانى دیتیه‌ و بریه‌ سه‌رى، لێ سه‌رده‌م بۆ سه‌رده‌مى و پێگه‌هاندنا ئافره‌تێ ل هه‌مبه‌ر ژیانێ ئێدى ئه‌و فێركر كو هه‌ر تشتى رێسا و قانوونێن خوه‌ هه‌نه‌ و شیانێن ژنێ كێمتر نین ژیێن زه‌لامى، چونكو ئه‌و ژنه‌یه‌ بوویه‌ ئه‌گه‌ر زه‌لامه‌كێ ب هێز بهێته‌ دونیایێ، واتا ئه‌و هێزا مه‌زنه‌ یاكو ل گه‌ل هه‌موو ئه‌رك كارێن خوه‌ و نه‌ه هه‌یڤان بێى جوداهیا ره‌گه‌زى ژیان بخودانكریه‌ د ناڤ زكى َخوه‌ دا و هه‌تا دانایه‌ د ناڤ دونیایێ دا چاڤدێرى لێكریه‌ بۆ هندێ رامانه‌كا جوان بده‌ته‌ ژیانێ نه‌ك ره‌خنه‌ و ئێشانێ بده‌ته‌ ژنێ.
له‌وما ئافره‌تا كورد به‌رده‌وام ل نوویاتیا ژیانێ د ناڤ زانست و پێگه‌هاندن و ئه‌ركێن ئیدارى و سه‌ركردایه‌تیێ گه‌ریایه‌ و خوه‌ د ناڤدا دیتیه‌ و سه‌ركه‌فتیى بوویه‌.
دیسا حوكمه‌تا هه‌رێما كوردستانێ پێدڤى یه‌ پتر رۆل و پێگه‌هێ ئافره‌تێ ب هێز و باوه‌ر ببینیت و بده‌ته‌ كارى ل ئاستێن بلند چونكو ئافره‌تا كورد گه‌له‌ك هه‌ست ب به‌رپرساره‌تیا مه‌زنا ئه‌ركێن نه‌ته‌وه‌یى و جڤاكى..دكه‌ت
ئه‌ڤرۆ هه‌تا راده‌یه‌كێ ژماریه‌ك ژ ئافره‌تێن سه‌ركرده‌ مه‌هه‌نه‌ د ناڤا هه‌موو پێكهاتێن ل هه‌رێما كوردستانێ، ئه‌ڤه‌ژى بۆ وان هه‌ول و بزاڤێن ژدل یێن ئافره‌تێ دزڤریت و وێ باوه‌ریا وێ ب شیان و به‌رهه‌مێ خوه‌ هه‌ى و به‌رده‌وام كار كریه‌ ل سه‌ر پرسا یه‌كسانیا ره‌گه‌زى و گوهۆرینا جڤاكى ژبۆ دیتنه‌كا یه‌كسان یا مرۆڤاتیێ له‌وما ئێكه‌تیا ئافره‌تێن كوردستانێ ژى به‌رده‌وام خوه‌ ل وان ئافره‌تان كریه‌ خودان یێن خوه‌ به‌رزه‌ د ناڤ جڤاكى دا دبینن و مافى َوان دهێته‌ پێشیێلكرن و ب رێیێن قانوونى به‌ره‌ڤانى ژ ئه‌رك و مافێ ئافره‌تێ كریه‌ بۆ هندێ كو به‌رده‌وام ل سه‌ر سیسته‌مه‌كێ دادپه‌روه‌رانه‌ كار و خزمه‌تا ئافره‌تان كورد بكه‌ن و دیسان خوه‌ ل به‌هره‌ و شیانێن وان كریه‌ خودان یێن كۆ دڤێن خوه‌ و جڤاكى ژى ئاڤابكه‌ن.
له‌وما پێدڤى یه‌ ئه‌م هه‌موو كاربكه‌ین وه‌ك مرۆڤ، چونكو ل جڤاكێ مه‌ یێ كورده‌وارى دا هه‌تا نوكه‌ ژى ژن قوربانیا ئێكێ یه‌ د هه‌ره‌شه‌ و ته‌حه‌رش و ده‌ستدرێژى و باجدانا خرابیێن زه‌لامى دا و هه‌تا پێگه‌هاندنا یه‌كسان نه‌بیت رێژا قوربانیێن كو ئافره‌ت بۆ دده‌ت كێم نابن یان دادوه‌رى دروست نابیت د ئه‌رك و مافان دا
پێدڤى ئێدى هه‌ر كه‌س بزانیت ئه‌و ژنا به‌رێ پارزینك ل پشتا وێ و ل ژیانێ دگه‌ریا ئه‌ڤرۆ پێنڤیس ژى كریه‌ د وێ پارزینى دا و ل دونیایى َدگه‌ریت بۆ ژیانه‌كا دروست و پرى زانست و ئاڤاكرن ژبۆ خوه‌ و وه‌لاتێ خوه‌.
* به‌رپرسا راگه‌هاندنا ئافره‌تان ل ئه‌نجومه‌نێ ده‌روبه‌رێن دهوك

5

رێژین نهێلى

كۆنگرێ میۆشن كۆ ئێك ژ گرنگترین كۆنگرێن ئاسایشێ یه‌ سالانه‌ ل سه‌ر ئاستێ جیهانێ دهێته‌ ئه‌نجامدان، ئه‌ڤ كۆنگره‌ بۆ پرسێن رۆژه‌ڤى گرێدایى ئه‌و بارودۆخێ جیهان تێدا ده‌ربازدبیت و هژماره‌كا دانوستاندن و ئالوگۆركرنێن ستراتیژى د ناڤبه‌را دارێژه‌ر و چێكه‌رێن بریارێ ل گشت جیهانێ دهێنه‌ ئه‌نجامدان. بێگومان ئێك ژ مه‌زنترین مه‌ترسى ل سه‌ر ئاسایشا جیهانێ بابه‌تێ تیرۆرێ یه‌، كو د ڤى كۆنگره‌یى دا گه‌له‌ك ب به‌رفره‌هى به‌حس و دۆپاتى ل ڤى بابه‌تى هاتیه‌كرن و پتری وه‌لاتێن پشكدار میكانزم و به‌رنامه‌ و هزر و میتۆتێن خوه‌ و به‌رنامه‌ و ستراتیژیه‌تێن خوه‌ ل ڤى كۆنگره‌یى ده‌رباره‌ى تیرۆرێ ئه‌نجامداینه‌، گومان تێدا نینه‌ تیرۆرستێن داعش مه‌ترسیه‌كا راسته‌وخوه‌ ل سه‌ر ژیانا زۆربه‌ى خه‌لكێ جهانێ هه‌بوویه‌ تایبه‌ت ل رۆژهه‌لاتا ناڤه‌راست دا و تایبه‌ت ل عیراق و سووریێ كۆ هه‌رێما كوردستانێ پارچه‌كێ وێ یه‌، ئه‌و به‌رنامه‌ و پلان و كارێن ژلایێ حوكمه‌تا هه‌رێما كوردستانێ هاتینه‌ ئه‌نجامدان بۆ رووبروو بوونا پرسێن تیرۆرى و پێشبینیا مه‌ترسیا تیرۆرێ ژ لایێ هه‌رێما كوردستانێ ڤه‌. جهێ پویته‌ و گرنگیا جڤاكێ نیڤده‌وله‌تی یه‌ تایبه‌ت ل كۆنگره‌یه‌كێ ئاسایشى دا كۆ پتریا وه‌زیرێن وه‌لاتێن گرنگ پشكداریێ تێدا دكه‌ن.
خاله‌كا دیتر یا گرنگ “دیدار و كۆمبوونێن به‌رێز سه‌رۆكێ حوكمه‌تێ و شاندێ هه‌ڤال ل گه‌ل وه‌زیرێن ده‌رڤه‌ یێن وه‌لاتێن مینا ئه‌مریكا، جیهانا ئه‌ورۆپى، وه‌لاتێن عه‌ره‌بى ل گه‌ل وه‌زیرێن به‌رگیریێ پێنگاڤه‌كا ئێكجار مه‌زنه‌ بۆ دیتن و بۆ پێگه‌هاندنا نێرینا كوردى ل به‌رامبه‌ر پرسێن تیرۆرێ ل سه‌ر ئاستێ جیهانێ كۆ ل ده‌مێ بۆرى ژى، هه‌رێمێ رۆله‌كى َبه‌رچاڤ هه‌بوویه‌ بۆ رووبروو بوونا ئه‌وان هێزێن تیرۆرستى ل سه‌ر ئاستێ جیهانێ و هه‌رێما كوردستانێ ببوو پیڤه‌رێ ژناڤبرنا هێزا تیرۆرستێن داعش ل سه‌ر عه‌ردى ب تایبه‌ت ل گه‌له‌ك ده‌ڤه‌رێن خوارویا عیراقێ ژى و ب گه‌له‌ك پلان و پشته‌ڤانیا هه‌ڤپه‌یمانیا نیڤده‌وله‌تى ئه‌ڤ چه‌نده‌ هاتیه‌ ئه‌نجامدان، ژلایه‌كێ دى ڤه‌ كاریگه‌ریێن ئابوورى تایبه‌ت ئه‌ڤ گورهۆرینێن ل جیهانێ دروست دبن، تایبه‌ت كێشه‌یێن ناكۆكى یێن د ناڤبه‌را ئه‌مریكا و ئیرانێ كو ئاراستا په‌یوه‌ندیێن نیڤده‌وله‌تى، ب تایبه‌ت ل رۆژهه‌لاتا ناڤه‌راست دا ئالۆزكریه‌، ره‌وشا ده‌ڤه‌رێ تاراده‌كێ نه‌چاڤه‌رێكرى به‌ر ب ناكۆكیێن كوورتر ڤه‌ چوویه‌ و ره‌وشا عیراقێ ئالۆزبوویه‌ و یا سووریێ ئالوزترلێهاتیه‌ و بابه‌تێ یه‌مه‌نێ چاره‌نه‌بوویه‌ و كێشه‌ و گرفتێن لوبنانێ دبه‌رده‌وامن. ئه‌و مه‌ترسیا كو وه‌لاتێن كه‌نداڤى هه‌ستپێدكه‌ت ئه‌ڤه‌ هه‌موو پرسێن گرێدایى وێ مه‌ترسیا تیرۆرێنه‌ ئه‌وا ل سه‌ر ده‌ڤه‌رێ هه‌ى.
ژ لایه‌كێ دیتر بابه‌تێ پاراستنا كانزایى بابه‌تى َنه‌فتێ و گرنگیدانا ب كه‌یسێ نه‌فتێ و دوورپێچكرن یان ئابلۆقه‌دانان ل سه‌ر نه‌فتا ئیرانى دێ خاله‌كادى بیت و فاكته‌ره‌كێ دی بیت و به‌رنامه‌كێ دی بیت د ناڤبه‌را وه‌زیر و كه‌ساتیێن پشكدار د كۆنگرێ میۆشن دا و ب دیتنا من و ل دووڤ یا دهێته‌ پێشبینیكرن شاندێ هه‌رێمێ ب بهێزه‌كا باش و به‌رهه‌ڤیه‌كا باش پشكدارى د كۆنگره‌ی دا كریه‌ و پتر دهێته‌ پێشبینیكرنێ كۆ پتر پشته‌ڤانیێن نیڤده‌وله‌تى ژلایێ ئه‌منى ڤه‌ بۆ هه‌رێما كوردستانێ بهێنه‌ ئاراسته‌كرن.
چونكو داعش ل عیراقێ دا وه‌كو ل دووڤ هه‌موو وان گۆتارێن دهێنه‌ به‌لاڤكرن ژناڤنه‌چوویه‌ راسته‌ وه‌كو ده‌ڤه‌ر كو سكرتێرێ نه‌ته‌وێن ئێكگرتى گۆتى چ ده‌ڤه‌ر د ده‌ستێ داعش دا نه‌ماینه‌ یان وه‌ك سكرتێرى َناتۆ دبێژیت: چ ده‌ڤه‌ر د ده‌ستێ داعش دا نه‌ماینه‌
لێ گرۆپێن داعش ل ژێر ناڤێن جودا و ل جهێن جودا جودا دهێنه‌ دیتن و دهێته‌ چاڤه‌رێكرن كو هه‌رێما كوردستانێ ب به‌رهه‌مه‌كێ باش ژ ڤى كۆنگره‌ى مفاى بخوه‌ ژێ بینیت.
خالادى یا هه‌ره‌ گرنگ ئه‌وه‌ كو قووناغا پشتى كۆنگره‌ى كا دێ كورد چه‌ند شێن مفایه‌كێ راسته‌و خوه‌ ژ وان په‌یوه‌ندیان وه‌رگرن ئه‌وێن كو د ڤى كۆنگره‌یى دا هاتینه‌ ئه‌نجامدان چ ئه‌و په‌یوه‌ندیه‌ د ناڤبه‌را هه‌رێم و وه‌لاتێن هه‌ڤسوى دا بن، یانژى ل گه‌ل وه‌لاتێن زلهێز مینا رۆسیا، ئه‌مریكا یانژى ئێكه‌تیا ئه‌ورۆپى تایبه‌ت فره‌نسا و ئه‌لمانیا كو دو وه‌لاتێن كاریگه‌رن د ئێكه‌تیا ئه‌ورۆپا دا كو بشێن مفاى ژ وان ده‌لیڤان ببینن ژبۆ بهێزكرنا پێگه‌هێ هه‌رێما كوردستانێ.
ل دووماهیێ ب رێیا ڤى كۆنگره‌ى گه‌شبینم ل سه‌ر ره‌وشا هه‌رێما كوردستانێ سه‌ره‌راى هه‌موو كێشه‌ و گرفتێن كو ل پاشه‌رۆژى و چ د چاڤه‌رێكرینه‌ یان نه‌، رووب روو ده‌ڤه‌رێ ببن، لێ دڤێت به‌رهه‌ڤى ژى مه‌ هه‌بیت بۆ هه‌ر پێشهاته‌كا نوو یا كو دێ ل ده‌ڤه‌رێ په‌یدابیت.

9

رێژین نهێلى

ژن ئه‌و كه‌سه‌ یاكو ژیان دگه‌ل دا و ژیانێ به‌لاڤ دكه‌ت، بوویه‌ گه‌نجینه‌یا هه‌مى سه‌رده‌مان، تایبه‌ت ل ڤى ده‌مى، د بیاڤێ هه‌موو كار و چالاكى و بریاران دا و ئه‌و ژنه‌ یا دایك و باب و كچ و كوڕ  ژێ دروست دبن ئه‌و ژنا سه‌ركرده‌ و زانا و ره‌وشه‌نبیران دئینته‌ هه‌بوونێ و مه‌زن دكه‌ت، ئه‌ڤجا هه‌ر ژ كه‌ڤن دا تانوكه‌ تایبه‌ت به‌حسا ژنا كورد بكه‌ین د سه‌ختترین بارودۆخ دا ژیایه‌ و هه‌موو ئه‌و سه‌ختیه‌ قه‌بوولكرینه‌ ژ پێخه‌مه‌ت رازیكرنا زه‌لامى و نه‌هه‌تكبه‌ریا زه‌لامى و راگرتنا مال عه‌شیره‌ت و جڤاكى و جڤاك و ملله‌تێ خوه‌، لێ ژبیرنه‌كه‌ین پتریا جاران ئه‌و بوویه‌ قوربانى. د به‌رامبه‌ر دا زه‌لام هه‌روه‌ك خوه‌ ژیان خواستیه‌ و بریه‌ سه‌رى. ئه‌ڤجا قووناغ ب قووناغێن ژیانێ ژن ل ده‌ف مه‌ژى پتر تێگه‌هشتیه‌ و كو ئێدى بێژیت، به‌سه‌، ئه‌ز ژن و ژیانم. دێ ژیم وه‌ك مرۆڤ و دڤێت سه‌ره‌ده‌رى ژى وه‌ك مرۆڤ ل گه‌ل من بهێته‌كرن و ب یه‌كسانى مل بملێ زه‌لامى بم و بژیم. وه‌كى دیار د جڤاكێ مه‌ دا سه‌ره‌راى گوهۆرینیێن سیاسى و ئابوورى و جڤاكى پێنگاڤێن حوكمه‌تا هه‌رێما كوردستانێ گرتنه‌به‌را رێكارێكارێن قانوونى، كارێن رێكخراوێن مه‌ده‌نى  رژدى كاركرن ل سه‌ر مافى َئافره‌تێ و پێنگاڤێن به‌لاڤكرنا هوشیاریه‌كا ساخله‌م، ئه‌ڤه‌ بووینه‌ ئه‌گه‌ر كو گوهۆرینێن باش ل ده‌ف ژنێ دروست ببن و پتر هه‌ست ب هه‌بوون هێز و گرنگیا خوه‌ د جڤاكى دا بكه‌ت و گه‌هشتیه‌ قووناغه‌كێ كو ئێدى  پاشڤه‌ زڤرین بووینه‌ و هه‌رتشتێ نه‌هێژاى هه‌بوونا وێ قه‌بوول ناكه‌ت و بوویه‌ خودان بریار د هه‌موو بیاڤه‌كى دا. نه‌ك ب تنێ ژبۆ نڤستنا ل گه‌ل زه‌لامى و ئینانان زارۆ و كارێ مالێ بژیت. هه‌روه‌كى دیار ژى كو ل 25 بیست وپێنجى ڤێ مه‌هێ هه‌لمه‌تا 16 شازده‌ رۆژى یابه‌رهه‌نگاربوونا توندوتیژیا دژى ژنان وه‌كو هه‌موو جیهانێ ل كوردستانێ ژى ده‌ستپێكریه‌، چونكو ژن یا كورد گه‌له‌ك ژ یا بیانى پتر ماندیبوون و ته‌په‌سه‌رى و ده‌ربه‌ده‌رى و هه‌موو ئێش و ژانێن ژیانێ دیتینه‌ و خوه‌ ل گه‌ل گونجاندیه‌. ژ به‌ر ڤێ ئێكێ ژى، حوكمه‌تا هه‌رێمێ، ژى ب چاڤه‌كێ مه‌زن و گرنگ سه‌حا ژین و ژیاراوێ كریه‌ ژبۆ به‌رزتركرنا پێگه‌هێ وێ د ناڤ جڤاكى دا، دیسا كو د پرتووكه‌كا ل سالا 2017 دو هزار و هه‌ڤدێ دا ب ناڤێ (حوكمه‌ت و پرسى یه‌كسانى) ل وه‌زاره‌تا ناڤخوه‌یى به‌لاڤكریه‌ و تێدا به‌حس ل گرفت و وان رووب رووبونێن هه‌مبه‌ر ژنێ كریه‌ و ژلایه‌كێ دیژى به‌حس ل رۆلى َحوكمه‌تێ هاتیه‌كرن، چونكو ل سالا 2009 د روونشتنه‌كا ڤه‌ركرى دا ل وه‌لاتێ سوید ب به‌رهه‌ڤبوونا 29 وه‌لاتێن بیانى كو پتریا وان وه‌لاتێن عه‌ره‌بى بوون، وه‌زیرێ یه‌كسانى و مافى مرۆڤ یێ؛ سوید؛ زوور ب حه‌ماس و مجددى (نێچیرڤان بارزانى )، سه‌رۆكێ هه‌رێما كوردستانێ گۆت: (ژن پارێزترین سه‌ركرده‌یا رۆژهه‌لاتا ناڤینه‌، وه‌ك وسه‌ركرده‌یه‌ك توندو تیژیا دژى ئافره‌تێ و پرسا یه‌كسانى یێ بوویه‌ ل هه‌رێما كوردستانێ. ئه‌ڤه‌ژى وێ دگه‌هینیت كو سه‌ركردایه‌تیامه‌ رێ ل ژنێ نه‌گرتیه‌ ژبۆى پێگه‌هاندنێ و بریاردان و كاركرنێ د هه‌ر واره‌كێ دا، ئه‌ڤجا یاگرنگه‌ ژن بخوه‌ ژى هاریكاربیت كو خوه‌ و هه‌موو ژنێن دى هوشاربكه‌ت ل سه‌ر ماف و هێزو هه‌بوونا خوه‌یا گرنگ د ناڤ جڤاكێ خوه‌دا ب تایبه‌ت و ل جیهانێ ب گشتى.

16

رێژین نهێلى

یا خۆیایه‌ ل قووناغێن جودا جودا پێگه‌ه رۆلێ سه‌ركردان دیاره‌ و كاریگه‌ریا كه‌سایه‌تیا د وارێن سیاسى و جڤاكى و ئاینى و ئابوورى ل به‌رچاڤه‌ نه‌خاسمه‌ گه‌ر ئه‌و كه‌سایه‌تى خودان پاشخانه‌یه‌كا سیاسى و مێژویێ بن و ژێده‌رێن ئیلهاما وان خه‌مخۆرى و زانین و سه‌ربۆربن و ئه‌ڤ ئه‌زموونا وان كاریگه‌ریا خوه‌ ل گشت د واره‌كێ ژیانێ دكه‌ت. زۆربه‌یێ سیاسمه‌تدارێن جیهانێ ل گۆر بازنێ سیاسه‌تا وه‌لاتێ خوه‌ ئه‌و كو دهێته‌ گونجاندن یان نه‌گونجاندن ل گه‌ل سیاسه‌تێن نیڤده‌وله‌تى و ئه‌قلیمى پێنگاڤێن خوه‌ دهاڤێژن و ستراتیژیه‌تێن خوه‌ دادرێژن و به‌رژوه‌ندیێن وه‌لاتێ وى تاكه‌ خاله‌ كو به‌رده‌وام كار ل سه‌ر دهێته‌كرن، له‌ورا ژى ئه‌گه‌رمه‌ خواندنه‌كا كورت بۆ گۆتارا رێزدار سه‌رۆك (نێچیرڤان بارزانى) كربیت ئه‌وا كو ب هه‌لكه‌فتا سووندخوارنا خوه‌ وه‌كو سه‌رۆكێ هه‌رێمێ كربیت ئه‌م دێ گه‌هینه‌ ئه‌نجامه‌كێ گه‌له‌كێ گونجای كو ڤۆكسا سه‌رۆكێ هه‌رێمێ ل سه‌ر خاله‌كێ بوویه‌ كو ب راستى ژى هه‌مى واره‌كێ دى ب ڤێ خالێ ڤه‌ گرێدایه‌ ئه‌و ژى “وه‌رارا مرویێ و دوپاتى كرن ل ئاڤاكرنا كه‌سایه‌تیا تاكێ كورد ب رێیێن زانستى و ره‌وشه‌نبیرى, ژبلى هه‌مى ئه‌و ده‌رگه‌هێن دى ئه‌وێن ل گۆتارا وى هاتینه‌ ئاماژه‌پێكرن وه‌كو رێیێن كارێن ستراتیژى بۆ سه‌رۆكێ هه‌رێمێ ل قووناغا داهاتى”دیاره‌ ئه‌و رێكا سه‌ركه‌فتنێ دزانن، ئه‌وژى ل ئاڤاكرنا تاكێ كورد دایه‌. ل جیهانا پێشكه‌فتى هه‌تا كو تاك نه‌بوویه‌ سه‌نته‌ر و گشت واره‌كێ ژیانێ نه‌ كرینه‌ د خزمه‌تا تاكى دا ئه‌و وه‌لات پێش نه‌كه‌فتن هه‌لبه‌ت ئێكه‌م قووناغ ژى گرنگى دانا ب مافێ تاكى و گرنگى دان ب په‌رپێدانا وى ل سه‌ر هه‌مى ئاستان و خولقاندنا ژینگه‌هه‌كا گونجایه‌ چ ئه‌و ژینگه‌ه یا زانستى بیت یانژى سیاسى بیت، چونكو تاكو ژینگه‌ها سیاسى ته‌نادا نه‌بیت هه‌مى واره‌كێ دى دێ یێ له‌نگ بیت و وه‌رارا ناكه‌ن چونكو سیاسى نه‌ ئیدارا وه‌لاتى دكه‌ن. ل گۆره‌یى دیتنا مه‌ گۆتاره‌كا گشت گیربوو ل سه‌ر هه‌مى واره‌كێ و پتر گرنگى داینه‌ ئاساییكرنا ره‌وشا ناڤمالا كوردى و دورستكرنا په‌یوه‌ندیێن دۆستانه‌ ل گه‌ل زوربه‌ی وه‌لاتێن دونیایێ، نه‌خاسمه‌ ل گه‌ل وه‌لاتێن ئه‌قلیمى به‌لێ د هه‌مان ده‌م دا مه‌ باوه‌ره‌ دێ ئه‌زموونا وه‌لاتێن پێشكه‌فتى ژبۆ خزمه‌تكرنا تاكێ كورد بكارئینن و گرنگترین خال ژى ب دیتنا مه‌ په‌روه‌رده‌یه‌ ئه‌گه‌ر مه‌ شیا ل ئاینده‌كێ نێزیك په‌روه‌رده‌كا ساخله‌م دورست بكه‌ن، ژبۆ هه‌موو واره‌كێ دى مه‌ چ گله‌ و گازنده‌ نابن، به‌لكو به‌روڤاژى ده‌رئه‌نجامێن پرۆسا په‌روه‌ده‌یێ كاریگه‌ریێ ل سه‌ر هه‌مى ئاستێن ژیانا خه‌لكى دكه‌ن. ئافره‌ت زارۆ دو ته‌خێن بنه‌كۆكا جڤاكێن پێشكه‌فتى نه‌ ل هه‌مى هه‌لكه‌فتێن بۆری دا، ئه‌ڤجا كاك نێچیرڤان بارزانى زۆر گرنگی دایه‌ ئه‌ڤان ته‌خان، له‌ورا هه‌م وه‌كو پێشنیار هه‌م وه‌كو ستراتیژیه‌تا حوكمه‌تا داهاتى پێدڤیه‌كا زۆر گرنگه‌ ئه‌ڤ هه‌ردو چینه‌ ببنه‌ بنه‌مایێ كارێ حوكمرانیا داهاتى تاكو ژلایێ مرۆڤێ ڤه‌ ئه‌م ب گه‌هن ئاسته‌كێ به‌رهه‌مێ مه‌ ببت ژێرخانا مه‌یا هزرى ومه‌عریفى د گشت واره‌كێ دا و گرنگى دانا مه‌ ب شیانێ، زاتى یێن تاكێ كورد دێ هیڤیه‌كا مه‌زن ل ده‌ڤ مه‌ په‌یدا كت. ل دووماهیا گۆتارا خوه‌ مرۆڤێن ساخله‌م سیاسیه‌تێن ساخله‌م د به‌رهه‌م دئینن و مرۆڤێن نساخ و ژناڤچوویێ وه‌لاتێن نساخ ژناڤچوویێ به‌رهه‌م دئینن.

21

رێژین نهێلى
د ناڤ په‌رێن دیرۆكا كه‌ڤن و یا نوز دا دیار دبیت هنده‌ك سه‌ركرده‌ كێم جاران دوباره‌دبن و مه‌لا مسته‌فایێ بارزانى، ژى ئێك ژ وان سه‌ركرده‌یێن نه‌دوباره‌ بوویه‌ د مێژوویا نه‌ته‌وا كورد دا و بوویه‌ هێمایێ كوردایه‌تیێ و قوتابخه‌نایا وه‌لاتپارێزیێ.
(مسته‌فا شێخ محه‌مه‌د) بارزانى یێ ناسیار ب (مه‌لا مسته‌فا بارزانى) ل رێكه‌فتى 14/3 سالا 1903 یێ ل گوندێ بارزان ژ بنه‌ماله‌كا ئاشتیخواز ژ دایكبوویه‌. و ئێك ژ سیاسه‌تڤان و قه‌هره‌مانێن ملله‌تێ كورده‌ كو ب ته‌مامیا ژیانا خوه‌ د خه‌بات و خزمه‌تا ملله‌تێ كوردان ته‌رخان كربوو، هه‌رده‌م دوژمنێ كورد ترسه‌كا مه‌زن د دلى دابوو ژ ئه‌گه‌رێ هه‌بوونا (مه‌لا مسته‌فاى) ئه‌و به‌رهه‌م و ده‌ستكه‌فتێن ئه‌ڤرۆ ملله‌تێ كورد بده‌ستڤه‌ئیناین ژ به‌رهه‌مێ خه‌باتا (مه‌لامسته‌فا )یه‌، چونكو بارزانیێ نه‌مر بنیاتێن دروستبوونا ده‌وله‌تا كوردى دانابوون كو ئه‌م كورد هه‌موو چاڤه‌رێى وێ دروستبوونێ ینه‌ (شێخ عه‌بدولالسلام بارزانى) باپیرێ (مه‌لا مسته‌فا بارزانى)ل 1872 چوویه‌ به‌ردلۆڤانیا خودێ و كورێ وى شێخ محه‌مه‌د بوویه‌ سه‌رۆك هۆزا بارزان، مه‌لا مسته‌فایێ بارزانى كورێ (پێنجێ) و دووماهیێ بۆ ژ كوڕێن (شێخ محه‌مه‌د) ل سالا1906 ل ته‌مه‌نێ سێ سالیێ دا (مه‌لا مسته‌فا و دایكا خوه‌) دزیندانا؛ مووسل دا دهێنه‌ زیندانكرن و ل سالا 1917 تا 1919 شێخ ئه‌حمه‌دێ بارزانى برایێ وى یێ مه‌زن ل گه‌ل شێخ عه‌بدولره‌حمان شه‌رنه‌خى دا بۆ كاروبارێن شۆره‌شێ دهنێریته‌ كوردستانا توركیا ل وێرێ چاڤێ وى ب شێخ عه‌بدولقه‌هارێ نه‌هرى و شێخ سه‌عیدێ پیران؛ دكه‌ڤیت ل سالا1919 ب مه‌رمانا شێخ ئه‌حمه‌دى بارزانى ب سه‌رۆكاتیا هێزه‌كێ دچیته‌ هه‌وارا شێخ مه‌حموودێ نه‌مر و شۆره‌شێ ل دژى ئنگلیزان دكه‌ن و هه‌روه‌سا ل سالا 1920 تا 1921 دچیته‌ هه‌وار (ئه‌نداریك پارشایێ ئه‌رمه‌نا) ل توركیا و هه‌روه‌سا ل رێكه‌فتى 12/9 سالا 1931 ل راپه‌رینا ئێكێ ل بارزان ب سه‌ركردایه‌تیا بارزانیى َنه‌مر د شه‌رێ به‌رقى به‌گ دا ب تنێ 80 بارزانى شیان سۆپایێ دوژمنى بشكێنن و زیانا 1026 كوشتیێن دوژمنى به‌رامبه‌ر پێنچ شه‌هیدێن سۆپایێ بارزانى. ل رێكه‌فتى 22/6 سالا 1933 حوكمه‌تا توركیا شێخ ئه‌حمه‌دێ بارزانى دگریت و رادستى حوكمه‌تا عیراقێ دكه‌ت و بارزانیێ نه‌مر و ل گه‌ل خێزانێن بارزانى ب هاریكاریا برا كوردێن توركیا خوه‌ ده‌ربازدكه‌ت و ڤه‌دگه‌ریته‌ ناڤچه‌یا بارزان و حوكمه‌تا عیراقێ نه‌چاردبیت ل ئابا سالا 1933 شێخ ئه‌حمه‌دێ بارزانى ئازاد دكه‌ت و ڤه‌دگوهێزنه‌ ناڤچه‌یا بارزان ل ناڤه‌راستا سالا 1936 بۆ دانوستاندنێ دچیته‌ مووسل لێ مخابن ل وێرێ دهێته‌گرتن ژلایێ مه‌ته‌سه‌رفێن مووسل و ده‌رمانى دده‌نێ و وه‌كى موعجیزه‌یه‌ك ژمرنێ رزگاردبیت. پشتى دو هه‌فتیان د نه‌هشیاریێ دا هه‌ر د دووماهیا وێ سالێ شێخ ئه‌حمه‌د و ل گه‌ل چه‌ندین خێزانێن بارزانیان هاتنه‌ ڤه‌گوهاستن بۆ باژێرێ به‌غدا و چه‌ندین باژێرێن دیتر و ل رێكه‌فتى 12/7/1943 بارزانیێ نه‌مر پشتى چه‌ندین سال ژ ده‌ربه‌ده‌رى و ده‌ست ب سه‌ردا گرتن ب هاریكاریا حیزبا هیوا و چه‌ند كه‌سه‌كێن نیشتیمانپه‌روه‌ر ل سلێمانیێ ده‌رباز دبیت و دگه‌هیته‌ ناڤچه‌یا(شنۆ) ل كوردستانا ئیرانێ هه‌ردو حوكمه‌تێن ئیراق و ئیرانێ ب برێ 50000 هزار دیناران خه‌لات ددان ب وى كه‌سێ بارزانى دكوژیت، به‌لێ بارزانى ل رێكه‌فتى 28/ 7 سالا 1943 ڤه‌دگه‌ریته‌ بارزان. د ده‌مێ دو هه‌یڤان دا پترى دو هزار پێشمه‌رگه‌یان لێ خرڤه‌دبن و ل سالا 1943 تا 1945 شۆره‌شا بارزان ده‌سپێدكه‌ت و د وێ شۆره‌شێ دا چه‌ندین داستانێن قه‌هره‌مانانه‌ تۆماردكه‌ن و ژ گرنگترین شه‌ران (شه‌رێ ب ناڤوده‌نگێ شانه‌ده‌ر) ل 2/10 سالا 1943 و شه‌رێ (خێرو زوك) ل 12/ 10 سالا1943 و شه‌رى َ(گوره‌تۆ) ل 6/ 11 سالا 1943 و شه‌رێ (مه‌زنه‌) ل 10/ 11 سالا 1943 ل رێكه‌فتى 29/ 11 سالا 1943 دانوستاندن ل گه‌ل حوكمه‌تێ ده‌سپێكرن 15/ 1 1945 (لیژنا ئازادى) پێكئینا و ل رێكه‌فتى 28/ 5 سالا 1945 شه‌ر ده‌سپێدكه‌ته‌ڤه‌. ل رێكه‌فتى 5/9 سالا 1945 شه‌رێ (میدان موریك) ده‌سپێدكه‌ت و د ڤى شه‌رى دا به‌رامبه‌ر پێنچ شه‌هیدێن سۆپایێ بارزانى 80 ئێخسیر و 480 كوشتى یێن سۆپایێ حوكمه‌تێ ل 10/ 11 سالا 1945 خوه‌ ڤه‌كێشا. بارزانیى َنه‌مر ل گه‌ل چه‌ند پێشمه‌رگه‌یه‌كا چوون پال (كۆمارا مهاباد) بارزانى رۆله‌كێ گرنگ وكاریگه‌ر دبینیت دپێشڤه‌چوونا كۆمارێ دا و پێشه‌وا قازى ب پلا (جه‌نه‌رالێ كۆمارێ) پله‌دار دكه‌ت، به‌لێ مخابن ڤێ كۆمارێ ژیه‌كێ كورت بر هه‌ر د وى َسالێ دا (پارتى دیمۆكراتى كوردستان) دامه‌زراند و د نه‌ه كۆنگره‌یان دا (بارزانیێ نه‌مر) سه‌رۆكاتیا پارتى دیمۆكراتى كوردستان دكه‌ت. 29/ 4 سالا 1946 شه‌رێ (قاراوا) ل ناڤچه‌یا (سه‌قز) بۆ به‌رڤانیكرنا ژ كۆمارا مهاباد ده‌سپێكر، د وى شه‌رى دا (هه‌شتێ سه‌رباز و ئه‌فسه‌رێن ئیرانێ هاتنه‌ كوشتن و هنده‌ك ژى هاتنه‌ ئێخسیركرن، بێى كو چ زیان ب پێشمه‌رگه‌یى َبارزانى بكه‌ڤن و ل 16/ 8 سالا 1946 (شه‌رێ مل قه‌رێن یان مامه‌ شایێ) ده‌سپێكر. ل هه‌فتیا ئێكێ یا هه‌یڤا سێ سالا 1937 شه‌رێ (نه‌لۆس) ده‌سپێكر ل 13/3 سالا1947 شه‌رێ (شنۆ و ره‌خه‌ده‌) ده‌سپێكر و ل 24/3 سالا 1947 شه‌رێ (قارنه‌) ده‌سپێكر و ل 25/3 سالا 1947 شه‌رێ (هه‌ڤرس) ده‌سپێكر و ل 3/4 سالا 1947 شه‌رێ (نێرگێ )روو دا، كو د ڤى شه‌رى دا بارزانى ب برینه‌كا سڤك برینداربوو ل 19/4 سالا 1947. هه‌ر د وێ سالێ دا بارزانى ڤه‌دگه‌ریته‌ ئاخا ئیراقێ. ل 27/5 سالا 1947جاره‌كا دى دچیته‌ گوندێ (جێرمێ) ل كوردستان ئیرانێ ل 11/6/ 1947 شه‌رێ چیایێ (زۆزك) و ده‌شتا (ماكو) ده‌سپێدكه‌ت و ئه‌ڤ شه‌ره‌ سێ رۆژ و سێ شه‌ڤان ڤه‌دكێشیت بێ راوه‌ستیان و د ڤى شه‌ری دا ئیرانێ تۆپ و تانك و فرۆكه‌ بكاردئینان كو به‌رى هینگێ ئیرانێ خوه‌ بۆ ڤى شه‌رى به‌رهه‌ڤكربوو لێ د به‌رژه‌وه‌ندیا وان دا نه‌بوو بارزانى د وى شه‌رى دا سه‌ركه‌فت ژبلى سه‌ده‌ها كوشتیا و ئێخسیرا ل 18/6/ 1947 بارزانى و 271 پێشمه‌رگه‌ ب رێیا رووبارێ ئاراس چوونه‌ ناڤ خاكا ئێكه‌تیا سوفیه‌ت و ل 19/1 سالا 1948 د كۆنفرانسه‌كێ گشتى دا هه‌موو كۆچبه‌ر و ئاواره‌یێن كوردستانا ئیراقێ و ئیرانێ تێدا به‌رهه‌ڤ ببوون و ب سه‌ركردایه‌تیا سیاسى یا هه‌ڤپشك بۆ ته‌ڤگه‌را كوردینیى َهاته‌ هه‌لبژارتن و بارزانى ب وێ سه‌ركردایه‌تیێ هات هه‌لبژارتن. ل 29/ 8/1948 ئه‌و ل گه‌ل هه‌ڤالێن خوه‌ ل باكۆیى َدهێنه‌ ڤه‌گوهاستن بۆ باژێرێ (تاشقه‌ند) یێ پایته‌ختێ ئۆزپاكستان ل 13/3/ سالا 1949 بارزانى ژ هه‌ڤالێن خوه‌ ڤه‌دبیت، ب تنى َل گه‌ل دو هه‌ڤالان دبه‌نه‌ (چه‌مباى) ل سه‌ر ده‌ریاچا ئۆرال، ل وێرێ دهێنه‌ گرتن ل هه‌یڤا ئه‌یارێ ل سالا 1953 (ستالین ) دمریت و (خرۆشۆڤ) دهێته‌ سه‌ر ده‌ستهه‌لاتێ و بارزانى ڤه‌دگه‌ریت بۆ مۆسكۆ، چه‌ند جاره‌كا چاڤى َوى ب خرۆشۆڤى دكه‌ڤیت، پشتى شۆره‌شا 1958، پشتى دوازده‌ سال ژ ده‌ربه‌رده‌ریێ ڤه‌دگه‌ریته‌ به‌غدا و ل سالا 1960 ب ئێكجارى ڤه‌دگه‌ریته‌ كوردستانا باشوور، ل ناڤچه‌یا بارزان جێهگیر دبیت و ل سالا 1961 شۆره‌شا ئه‌یلۆلێ ده‌سپێدكه‌ت و هه‌ر ل وى َسالێ دا (ئوتونومیێ بۆ كوردستانا ئیراقێ بده‌ستڤه‌دئینن و ل 29/9 سالا 1971 دوژمنا پیلانه‌كا ره‌ش دانابوو بۆ بارزانى، لێ خودێ پاراست. ژ وێ پیلانێ رزگاركر. ل سالا 1974 ده‌ست هاڤێت شه‌رێ به‌ره‌ڤانیێ و ل ئادارا 1975 ژ ئه‌گه‌رێ رێكه‌فتنامه‌یا جه‌زائیر و ئه‌و پیلانێن نیڤده‌وله‌تى بۆ تێكبرنا شۆره‌شا ئیلۆنێ، ئه‌و ل گه‌ل سه‌د هزار كه‌س ژ كوردێن ئیراقێ به‌ر ب ئیرانێ ئاواره‌بوون. ل 1/3 سالا 1979 ل ئه‌مریكا ب نه‌خوه‌شیا شێرپه‌نجه‌یێ چوویه‌ به‌ردلۆڤانیا خودێ. ل 5/3 سالا 1979 ل سه‌ر وه‌سیه‌تا وى ل باژێرێ شنۆ، ل كوردستانا ئیرانێ هاته‌ ڤه‌شارتن پشتى راپه‌رین و سه‌رهه‌لدانا كورد. سالا1993 د رێوره‌سمه‌كى َتایبه‌ت د و شكۆردار دا ل ئاخا باب و باپیران ل گه‌ل كورێ وى شه‌هیدێ نه‌مر (ئدریس بارزانى ) ل بارزان هاته‌ ڤه‌شارتن و تێدا چه‌ندین كه‌س بێى جیاوازى د وێ رێوره‌سمێ دا ئاماده‌بوون.

12

رێژین نهێلى
وه‌كى یا دیار كو ل گه‌ل ده‌ربازبوونا وان هه‌شت كابینه‌یێن حوكمه‌تا هه‌رێما كوردستانێ تێدا ده‌ربازبووى، چه‌ندین گرفتێن سیاسى و دارایى دروست بوون، ئه‌ڤجا چ ب وان فشاران بیت یێن حوكمه‌تا به‌غدا د ئێخستنه‌ سه‌ر حوكمه‌تا هه‌رێما كوردستانێ یان ژى وه‌لاتێن ده‌وروبه‌ربن، لێ كه‌سایه‌تى و شاره‌زایا ره‌فتاركرن دگه‌ل بارودۆخان دا و دپلۆماسیه‌تا نێچیرڤان بارزانى، سه‌رۆكێ حوكمه‌تا هه‌رێما كوردستانێ وه‌ دكر كو هه‌ر پێنگاڤه‌ك و بریاره‌كا لایه‌نێن تێكده‌ر سنۆر بۆ هه‌بن و به‌رده‌وام ب سیاسه‌ت و دانوستاندنێن خوه‌ یێن دپلۆماسیانه‌ ره‌وش ئارام كریه‌ و به‌ر ب باشیێ گوهارتیه‌، سه‌ره‌راى هندێ ژى كو حزبان, پارتى یه‌كه‌مه‌، دشیا ل گه‌ل هنده‌ك حزبێن بچووك حوكمه‌ت پێكئینابایه‌، لێ ژبه‌ر به‌رچاڤ وه‌رگرتن و گرنگیا بابه‌تێن نیشتیمانى و نه‌ته‌وه‌ى و نه‌دابه‌شبوونا هه‌رێمێ، پارتى یا داكۆكیێ ل سه‌ر حوكمه‌ته‌كا ئێكگرتى دكه‌ت كو ب دابمه‌زرینیت و ئه‌و حوكمه‌ته‌ ل گۆره‌یى خواست جڤاك و ئاستێ قووناغا سه‌رده‌م دابیت و بشێت هه‌ڤركیا پیلان و نه‌خشه‌یێن نه‌حه‌زێن ملله‌تێ كورد بكه‌ت. ژ لایه‌كێ ژى راسته‌ كو ئه‌ڤه‌ قووناغه‌كا هه‌ستیاره‌ به‌رده‌م پێكئینانا كابینه‌یا نه‌هێ یا حوكمه‌تا هه‌رێما كوردستانى، لێ دیسا ژى زۆر ژ رێیا ب زه‌حمه‌تى هاتیه‌ ده‌ربازكرن، له‌ورا ژى پێتڤیه‌ دبه‌رده‌وامیا كابینه‌یێن حوكمه‌تێ داهزر د وان گه‌ف و ئالۆزى و دژایه‌تیا وان بهێته‌كرن یێن به‌رى نوكه‌ كه‌فتینه‌ د رێیا حوكمه‌تێ دا، و هه‌موو لایه‌نێن پشكدار د پێكئینانا كابینه‌یا نوو دا ب به‌رپرسیارانه‌ و نیشتیمانپه‌روه‌رانه‌ بریارێ بۆ حوكمه‌ته‌كا بهێز بده‌ن.
حه‌تا نوكه‌ كابینا نه‌هێ یا حوكمه‌تا هه‌رێما كوردستانێ نه‌هاتیه‌ پێكئینان، وه‌كى دیار كو چه‌ندین كۆمبوون ژى هاتینه‌كرن، به‌لێ هێشتا هنده‌ك حزبان خوه‌ ئێكلا نه‌كریه‌ بۆ بریاردان كا ئه‌رێ دێ ب چ شێواز و میكانیزم و سه‌نگ پشكدارى پێكئینانا كابینه‌یا نه‌هێ كه‌ن، ئه‌ڤجا دامه‌زراندنا حوكمه‌ته‌كا نیشتیمانى یا ب هێز كو شیان و به‌رپرسیاره‌تیا رووبرووبوونا هه‌ر گه‌فه‌كا ناڤخوه‌یى و ده‌ره‌كى هه‌بیت ئه‌ڤه‌ یا گرنگه‌ بۆ ملله‌تى و چاره‌نڤسێ خه‌لكى، چونكو بۆ ڤێ كابینه‌یێ ژى چاڤێ خه‌لكى زۆر ل سه‌ره‌، و ب ئۆمێده‌كا مه‌زن ل هیڤیا كابینه‌یا نه‌هێ نه‌، وه‌كى ئه‌م دزانین هه‌رێما كوردستانێ زۆر قووناغێن سه‌خت و دژوار ده‌رباز كرینه‌، بۆ هندێ كو بگه‌هنه‌ ئۆمێدێن خوه‌ د ناڤ كوردستانێ دا، چونكو ل ده‌مێ هه‌لبژارتنا خه‌لكێ مه‌ زۆر ب باوه‌رى ڤه‌ ده‌نگى دده‌نه‌ هنده‌ك كه‌سان كو دبنه‌ نوونه‌رێن وان د بریاردان ل سه‌ر باشتربوونا ره‌وشا هه‌رێما كوردستانێ و خه‌لكێ وى، ژ به‌ر هندێ ژى زۆر گیرۆبوونا نه‌ پێكئینانا حوكمه‌تێ، ژبلى كارتێكرن ل سه‌ر حزبان دێ كارتێكرنێ ل سه‌ر هیڤى و باوه‌ریا خه‌لكى ژى كه‌تن، هه‌ر چه‌نده‌ پێكئینانا حوكمه‌تێ یا گرێداییه‌ ب گه‌له‌ك بابه‌ت و پرسێن دى، د ناڤبه‌را لایه‌نان دا ب تایبه‌ت پرسا كه‌ركووكى، ژبه‌ر هندێ ژى دانوستاندنێن به‌رفره‌هـ پێدڤێن، ژ به‌ر هندێ ژى دانوستاندن و فشاركرن ل سه‌ر ئێكودو د ڤى ده‌مى دا تشته‌كێ ئاسای یه‌، چونكو هه‌ر لایه‌نه‌ك ب ده‌رفه‌ت دزانیت باشترین پشك د ڤێ كابینێ دا وه‌ربگریت، لێ نابیت ئه‌ڤه‌ ژى ل سه‌ر حسێبا پارتى بۆ ئێكرێزى و ته‌باییێ بهێته‌كرن، ئه‌ڤجا لازمه‌ پتر بارودۆخێ سیاسى و جڤاكى به‌رچاڤ بهێته‌ وه‌رگرتن بۆ هندێ حوكمه‌ته‌كا بهێز بهێته‌ پێكئینان، چونكو هه‌بوونا هه‌ر ناسنامه‌یه‌كا نه‌ته‌وه‌یى و نیشتیمانى یا گرێدایه‌ ب حوكمه‌ته‌كا بهێز ڤه‌ د چارچووڤێ بنه‌مایێن قانوونى دا، كو تێدا یاسا سه‌روه‌ر و به‌رقراربیت ل سه‌ر هه‌موو لایه‌كێ و تاكه‌كێ جڤاكى ب بێى جوداهى.

27

رێژین نهێلى
د وه‌رگرتنا ده‌ستهه‌لاتداریه‌كا مه‌زن دا هێز و باوه‌ریه‌كا مه‌زن دڤێت، ل هه‌رێما كوردستانێ ژى زۆر نه‌حه‌ز هه‌نه‌ حه‌تا نوكه‌ ژبه‌ر خیانه‌ت و نه‌زانینا برێڤه‌برنا سیاسه‌ته‌كا دروست و دوور ژ كار و سودمه‌ندیێن كه‌سۆكى و ژده‌ستنه‌دانا كورسیكێ ئه‌وا ژبۆى مه‌ره‌مێن خوه‌یێن كه‌سۆكى بكاردئینن نه‌شێن كوردستانێ برێڤه‌ببه‌ن و ببنه‌ باوه‌ریا زۆربه‌یا خه‌لكى كو بشێن نوونه‌راتیا وان ل سه‌ر ئاستێ ناڤخوه‌یى و ده‌ره‌كى بكه‌ن، دێ رابن ب پرۆپاگنده‌یان هندێ مژوولبن كو ده‌ستهه‌لات د ده‌ستێ بنه‌مالا بارزان دایه‌ ئه‌و بنه‌مالا كو ب درێژاهیا مێژوویێ خودان قوربانیێن زوور و خه‌بات و شۆرشه‌كا راست و دروست و دوور ژ خیانه‌تێ بووینه‌ ل گه‌ل ملله‌تێ خوه‌ و ئازادیخواز بووینه‌، دێ بێژن ده‌ستهه‌لات بۆ وان مایه‌. ل ڤێرێ د ده‌مێ ده‌ستهه‌لات د ده‌ستێ بنه‌مالا شۆره‌شگێران دا بیت و نوونه‌ر و جهێ باوه‌را خه‌لكى دابن بێگومان دێ خه‌لك ئارام ژین و دچاڤنه‌ترس بن د هه‌ر روودانه‌كا نه‌چاڤه‌رێكرى دا، هه‌روه‌ك ده‌ستهه‌لات د ده‌ستێ مه‌ هه‌موو تاكه‌كى دا. ژ به‌ر ڤێ چه‌ندێ ژى وه‌كى د دووماهى كۆمبوونا ئاسایى دا یا ئه‌نجوومه‌نێ سه‌ركردایه‌تیا پارتی دا بریار دا كو هه‌ر ئێك ژ خزمه‌تكارێن گه‌لێ مه‌ جهێ رێز و باوه‌ریا ناڤخوه‌یا هه‌رێمێ و ده‌رڤه‌ دوپلۆماتكار و سیاسه‌تڤان (نێچیرڤان بارزانى) ژبۆى پۆستێ سه‌رۆكاتیا هه‌رێما كوردستانێ و هێمایێ ئارامیا كوردستانێ (مه‌سرۆر بارزانى) ژبۆى سه‌رۆكێ حوكمه‌تا هه‌رێما كوردستانێ بهه‌لبژێرن، ل ڤێرێ و ل ڤى ده‌مى ئه‌ڤه‌ بریاره‌كا د ده‌م و جهى َخوه‌ دا بوویه‌ ژبۆى رێخستنا هه‌موو وارێن ئیدارى و نه‌هێلانا گه‌نده‌لیى َو دوباره‌نه‌بوون و رێكنه‌دان ب خیانه‌تكارێن پیلانێن 16 ئكتوبه‌رێ ئه‌وێن كو به‌رده‌وام هزرێن وان ل سه‌ر فرۆشتن و ژده‌ستدانا كوردستانێ…
چونكو هه‌بوونا كه‌سێن قه‌بوولكرى ل سه‌ر ئاستێ ناڤخوه‌یى و ده‌ره‌كى پۆستێ سه‌رۆكاتیا هه‌رێمێ و حوكمه‌تێ دێ بیته‌ ئه‌گه‌رێ دروستكرنا (كوردستانه‌كا ب هێز) كو درووشمێ پارتى یه‌. دیسا هه‌ماهه‌نگى و هه‌ڤالینیا؛ نێچیرڤان بارزانى؛ ل گه‌ل سه‌ركرده‌ و سه‌رۆكێن وه‌لاتێن زلهێزێن جیهانێ، دێ بیته‌ ئه‌گه‌رێ پاراستن و بهێزكرنا كوردستانێ ل هه‌به‌ر هه‌ر گه‌فه‌كێ، چونكو مه‌ هه‌موویان ب چاڤێن خوه‌ دیت د نه‌خوه‌شترین و ئالۆزترین ده‌م دا كێ كوردستان پاراست و كێ خیانه‌ت لێكر و پشتاخوه‌دایێ، ئه‌ڤجا هیڤى بۆ مه‌ دروست بووینه‌ كو بێگومان دێ چار سالێن نوو یێن هه‌ماهه‌نگى و هه‌ڤكاریا؛ نێچیرڤان بارزانى و مه‌سرۆر بارزانى؛ د هه‌ردو پۆستێن گرنگ هه‌روه‌كو پێشتر چاوا هاریكار و هه‌ماهه‌نگ بوون ل گه‌ل هه‌ڤ ژبۆى پاراستن و ئێمناهیا ره‌وشا خه‌لك و هه‌رێما كوردستانێ، له‌وا ب پشتراستى باوه‌رین ئه‌ڤ هه‌ردو جۆت پسمامه‌ دێ ره‌وشا خه‌لكى و كوردستانێ گه‌هیننه‌ ئاسته‌كێ بلند و ب هێزتر، ژلایه‌كێ دیڤه‌ ژى به‌رده‌وام سومبل و مه‌رجه‌عێ كوردستانێ سه‌رۆك بارزانى؛ دێ نوونه‌راتیا خه‌لكێ هه‌رێمێ ل سه‌ر ئاستى َسیاسى ناڤده‌وله‌تى كه‌ت و نوونه‌راتیا هه‌رێما كوردستانێ كه‌ت د هه‌ماهه‌نگى و چاره‌كرنا ئاریشه‌یان ل گه‌ل به‌غدا و وه‌لاتێن بیانى ژ به‌ر ڤێ ئێكێ ژى دێ به‌رپرساتیا نێچیرڤان بارزانى مه‌زنتر و گرانتر لێهێت ژ به‌ر كاراكرنا پۆستێ سه‌رۆكاتیا هه‌رێمێ د ڤى ده‌مى دا كو دێ ژ لایێ وى ڤه‌ هێته‌وه‌رگرتن، ئه‌ڤه‌ دێ قووناغه‌كا نوو ژبۆى هه‌رێما كوردستانێ ئینیته‌ پێش و ده‌سپێكه‌ت ژبۆى رزگاربوونا هه‌موو قه‌یران و ره‌نج و ماندووبوونا گه‌لێ كوردستانێ یێن چار سالێن ده‌ربازبووى ب دووماهى هێت.

30

رێژین نهێلى
توندوتیژى ئێك ژ وان دیاردێن به‌رچاڤه‌ د ناڤ هه‌ر ملله‌ته‌كێ دا و ل هه‌موو جیهانێ، ئه‌ڤجا چ ب ڤه‌شارتى یان ب ئاشكه‌رایى توندوتیژى دهێته‌كرن تایبه‌ت ژى ل دژى ئافره‌تێ، به‌لگه‌ و ئامارێن رێڤه‌به‌ریێن توندوتیژیێ پتر وێ چه‌ندێ دسه‌لمینن. هه‌روه‌كى د ئامارا نه‌ه مه‌هێن ده‌ربازبووی دا یێن هه‌رێما كوردستانێ دا هاتیه‌ 54 پێنجى و چار ژنان خوه‌كوشتیه‌ و 37 سیه و حه‌فت ژى هاتینه‌ كوشتن. هه‌روه‌سا 90 نه‌ت ژنان خوه‌ سوتینه‌ و 113 سه‌د و سێزده‌ ژى سۆتینه‌. ئه‌ڤه‌ ژى ئه‌گه‌رێن جودا جودانه‌ نه‌ك ب تنێ هه‌ژار یان نه‌خوێنده‌وار ى و بێ كارى …به‌لكو هه‌موو كه‌س و ژهه‌ردو ره‌گه‌زان ژى تووشى توندو تیژیێ دبن ئه‌ڤجا چ توندوتیژیا ده‌روونى بیت یان یا جه‌سته‌یى یان جڤاكى… ئه‌ڤه‌ ژى هند جار ژبۆى وان تایبه‌تمه‌ندیێن كلتۆرى و جڤاكى و سیاسى دزڤریت. د توندوتیژیێ دا پتریا جاران ژى ژنێ دگریت ئه‌ڤجا ژ ژلایێ هه‌ڤژین یان باب و برا و یان كه‌سێن دیتر بیت و ب شێوزاێن جوداجودا نموونه‌ یا جه‌سته‌یى بیت وه‌كه‌ (لێدان و برین و كوشتن سۆتن كو ئه‌ڤان حاله‌تان شوونوارێن وان دیارن. لێ هندجار ژ ترس و شه‌رما ئافره‌تامه‌ مایه‌ د بێده‌نگیێ و ئه‌و ب تنێ بوویه‌ قوربانى، ئه‌ڤجا ژپێخه‌ت نه‌هێلان یان كێمكرنا ڤێ توندوتیژیێ پێدڤى یه‌ ل سه‌ر هه‌موو تاكه‌كێ ژخوه‌ و مالاخوه‌ جڤاكێ خوه‌ و وه‌لاتێ خوه‌ ده‌ست پێبكه‌ت و ژ ڤێ توندوتیژیى قورتالببیت هه‌ردیسا سه‌باره‌ت جڤاكێ كوردستانێ ژى و سه‌ره‌راى هه‌موو وان گوهۆرینێن سیاسى و ئابوورى و جڤاكى و پێنگاڤێن حوكمه‌تا هه‌رێمێ و رێیێن قانوونى و كارێن رێكخراوێن جڤاكێ مه‌ده‌نى و رژدى ل سه‌ر پرسا ئافره‌تێ و هه‌ولێن به‌لاڤكرنا هوشیاریێ و وان گوهۆرینێن د كه‌سایه‌تیا ئافره‌تێ دا دروست دبن به‌ر ب پێشه‌، لێ دیسا ژى توندوتیژى هه‌ر یا به‌رده‌وامه‌ و ب شێوازین َجۆراو جۆر… ئه‌ڤجا ئه‌ڤ هه‌وه‌ ژى وه‌كه‌ هوشیاركرنه‌كا دیه‌ بۆ هه‌موو لایه‌كێ كو ڤى َتوندوتیژیێ بنبر بكه‌ن و یا كێمتر بكه‌ن و وه‌كى دیار د ئه‌ڤ ساله‌ ژى دا كو ئه‌وا 16 شازده‌ رۆژى ژبۆ ئه‌و هه‌وا نیشتیمانى یا به‌هه‌نگاربوونا توندوتیژیا دژى ژنان كو ل 25ى ڤێ مه‌هێ ل هه‌ولێرا پایته‌خت ب ئاماده‌بوونا سه‌رۆك وه‌زیر، نێچیرڤان بارزانى ده‌سپێكریه‌ كو دگۆتنێن خوه‌ دا ئاماژه‌ ب كێشه‌یێن، كلتوورى ب رێیا په‌روه‌رده‌یا خواندنگه‌هان كریه‌ كو ب جۆره‌كى َپرۆگرامان ب وه‌كهه‌ڤى و دیسا رۆلێ كاراتر یى َراگه‌هاندنى َد ڤى وارى دا و ئاماژه‌ ب رۆلێ ئافره‌تێ دایه‌ كو هه‌ر ژ كه‌ڤن د ناڤ زیندانێن به‌عسیان و ئه‌نفال ب چاڤێن خوه‌ دیته‌ و دووماهى سته‌ما به‌رامبه‌ر كچێن ئێزیدى هاتیه‌كرن. لێ دیسا ئاماژه‌ وێ رێخوه‌شكرنێ ژى كریه‌ ئه‌وا كو ب رێیا ته‌كنولۆجیا گه‌هشتیه‌ هه‌موو مالان و ئاگه‌هداربوونا ئافره‌تێ ل سه‌ر هه‌موو بابه‌تان و كاركرنا ئافره‌تێ ل مال و ده‌رڤه‌ مل ب ملێ زه‌لامى ڤه‌. ئه‌ڤجا دڤێت ئافره‌ت ژى بێژیت به‌سه‌ و ئه‌ز ژیانم و دێ به‌رده‌وام بم ل سه‌ر به‌لاڤكرنا ژیانه‌كا بێ سته‌م.

16

رێژین نهێلى
ئاشكه‌رایه‌ كو كابینا نوو یا حوكمه‌تا هه‌رێما كوردستانێ دێ دژایه‌تى هه‌بیت ژلایێ هند لایه‌نانڤه‌ و ئامۆژگاریكرنا به‌غدا ژى ل سه‌ر بنپێكرنا هند مافێن خه‌لكێ كوردستانێ كاره‌كێ ب زه‌حمه‌ت نابیت بۆ تێكده‌رێن ره‌وشا حوكمه‌تێ، چونكو هه‌موو دژایه‌تى پێنگاڤ پێنگاڤ دیاربوون ئه‌وێن كو ژپێخه‌مه‌ت ژناڤچوون یان ژبۆى بێهێزكرنا حوكمه‌تا هه‌رێمێ دهاتنه‌ هاڤێتن. لێ دیسا ژى حوكمه‌تا هه‌رێما كوردستانێ ئه‌وا نێچیرڤان بارزانى، سه‌رۆكاتیا وێ دكه‌ت سه‌ركه‌فتن ئینا و بهێزتر ل سه‌ر پیێن خوه‌ راوه‌ستیا و دیتنێن خوه‌ به‌ر ب ئاینده‌كى َگه‌شتربرن. نوكه‌ ژى یا ئاشكه‌رایه‌ كا حوكمه‌ت چیه‌ و دڤێت چ بكه‌ت و خه‌لكى چ ژێ دڤێت. یا خۆیایه‌ ل ده‌سپێكێ، ژبه‌ركو حوكمه‌ت ب رازه‌مه‌ندیا خه‌لكى دهێته‌ دانان ئه‌ڤجا یا پێدڤى یه‌ ل سه‌ر هه‌موو پرسێن گرێدایى ژین و ژیارا خه‌لكى حوكمه‌ت بێته‌ ده‌نگ ژبۆى ئارامى و هه‌بوونا ده‌لیڤێن كارى و ئازادیا خه‌لكى َخوه‌. حوكمه‌تا هه‌رێما كوردستانێ هه‌ر ژ كابینا ئێكێ و حه‌تا نوكه‌ ل دووڤ واقعێ سیاسى و جڤاكى پێكۆل كرنه‌ هه‌رده‌م به‌رسڤێن وه‌لاتیێن خوه‌ بده‌ت و ل نێزیك سه‌حا داخوازیێن وان بكه‌ت. ئه‌ڤه‌ و سه‌ره‌راى خوه‌نه‌ڤه‌شارتن ژ كێموكاسیان، لێ ژبیرنه‌كه‌ین كو ئه‌و كێموكاسى ژى ژ ڤالاهیه‌كى نه‌هاتنه‌ و حوكمه‌تا هه‌رێمێ كه‌فته‌ به‌ر زوور ئالۆزیان بگره‌ ژ ململانێیا سلبى یا ناڤخوه‌یى و گه‌نده‌لى و روودانێن 16 ئوكتوبه‌رێ و برین و كێمكرنا مووچه‌ و بۆدجێ هه‌رێمێ، لێ دیسا ژى سه‌رۆكێ حوكمه‌تێ گاڤێن بهێزتر دهاڤێتن ژبۆى كونترۆلكرن و باشتركرنا ره‌وشا داهاتێ كوردستانێ تایبه‌ت ل سه‌ر ئاستێ په‌یوه‌ندیێن ل گه‌ل عیراقێ و نه‌هێلا ئاریشه‌ و ناكۆكیێن د ناڤبه‌را هه‌ردو ئالیان دا، تایبه‌ت ژ روویێ ئابوورى و پرسێن نه‌فت و گازێ و دوباره‌ فرۆشتنا نه‌فتا كه‌ركووكێ د رێیا بۆریێن هه‌رێما كوردستانێ و توركیا و به‌رده‌وامیا دابه‌شكرنا موچێ فه‌رمانبه‌ران و ده‌ستپێكرنا خزمه‌تگوزاریێن جودا جودا .. ئه‌ڤه‌ژى به‌رهه‌مێ وێ زانین و شاره‌زاییا سیاسى و ره‌فتاركرنا دروست یا دگه‌ل هه‌موو لایه‌نێن سیاسى و لێهاتوویا سه‌روكێ حكومه‌تاهه‌رێما كوردستانێ، نێچیرڤان بارزانى یه‌. ژ به‌ر ڤێ چه‌ندێ ژى د كابینا نوو یا حوكمه‌تا هه‌رێمێ دا و دبارودۆخێ ئه‌ڤرۆ یا هه‌رێمێ دا ب زه‌حمه‌ت كه‌سه‌ك هه‌بیت بشێت رۆلێ جه‌نابێ نێچیرڤان بارزانى، بگێریت تایبه‌ت ده‌ما كو دكه‌ڤیته‌ د ناڤبه‌را ئالۆزیێن ناڤخوه‌یى و ده‌ره‌كى دا ئه‌ڤجا ژبۆى گه‌شه‌كرنا ئابووره‌كێ بهێزتر و پاراستنا ده‌ستكه‌فتێن نه‌ته‌وه‌یى و نیشتیمانى پاراستنا دیمۆكراسى و مافێ خه‌لكێ كوردستانێ. بۆ راگرتنا ره‌وشا هه‌رێمێ سه‌رۆكێ نوكه‌ یێ حوكمه‌تێ دوباره‌ بمینیت دێ پتر د خزمه‌تا خه‌لكى دابیت و ب كابینه‌یا نوو و بهێزتر و كاراتر بكه‌ڤیته‌ خزمه‌تا وه‌لاتى دا. چونكو لایه‌نێن ئوپوزسیۆن هه‌رده‌مێ ته‌نگاڤى دروست ببایه‌ ئه‌وان خوه‌ دایه‌ لایه‌كى و ل ده‌مێ سه‌رگرتنا پروژه‌ و چاكسازیه‌كێ ئه‌وان خوه‌ هه‌ڤپشك داینه‌ دیاركرن به‌رامبه‌رى خه‌لكى. لێ لایه‌نێ پارتى دیمۆكراتى كوردستان، تاكه‌ لایه‌نه‌ تا نوكه‌ د سه‌ركه‌فتن و داكه‌فتنان دا دانپێدانكریه‌ و خوه‌ نه‌دایه‌پاش ژ كێموكاسیێن خه‌لكێ خوه‌ و گازنده‌یێن وان. ئه‌ڤه‌یه‌ یاكو به‌رده‌وامیێ دده‌ته‌ سه‌ركردایه‌تیه‌كا دوباره‌ و پرباوه‌رتر وبهێزتر.

41

ئه‌ڤرۆ ، رێژین نهێلى
هه‌ر وه‌لاته‌كێ كو گرێدان و باوه‌ریه‌كا موكوم د ناڤبه‌را خه‌لك و ده‌ستهه‌لاتا وێ دا هه‌بیت بێى شك دێ وه‌لاته‌كێ ئاڤه‌دان ژێ دروست بیت .
هه‌رێما كوردستانێ ژى د درێژیا مێژوویا خوه‌ دا كار ل سه‌ر بنه‌مایێن پاراستنا خه‌لك و ناسناما ڤێ ملله‌تى كاركریه‌ و قوربانى بو دایه‌ و هیچ جاره‌كێ ژى پشت نه‌دایه‌ گه‌لێ ب هه‌موو ئول و نه‌ته‌وه‌ و وان گله‌ و گازنده‌یێن د ناڤ خه‌لكى َ وێ دا دروست دبن و هه‌ین پارتى هه‌رده‌م ده‌سپێشخه‌ر بوویه‌ دچاره‌كرنا هه‌موو ئاریشه‌یێن كوردستانى َدا, سه‌ره‌راى هه‌موو وان ئازار و به‌ربه‌ستێن دكه‌ڤنه‌ د رێكی پارتى دا لێ هیچ جاره‌كێ خوه‌ ژ به‌رپرساتیا ڤێ وه‌لاتى دوور نه‌كریه‌ ژبو به‌رژه‌ندێن خوه‌یێن تایبه‌ت . ئه‌گه‌ر ئه‌م به‌رێخوه‌دانه‌كێ ژبۆى رابردوویێ هه‌رێمێ بكه‌ین دێ بینین كو پارتى گه‌له‌ك قوربانى داینه‌و ده‌ستكه‌فت بۆ ملله‌تى بده‌ستڤه‌ئیناینه‌ و پاراستینه‌ و هه‌رده‌م وه‌كه‌ قه‌لغانه‌كێ ل هه‌مبه‌رى دوژمنان راوه‌ستایه‌ ژبۆ تێكدان و ژناڤبرنا پیلانێن دژى ڤى ملله‌تى و مافێ وان دهێنه‌ دانان و وهه‌موو هه‌ول و بزاڤكرنه‌ ژبۆى پاراستنا ناسناما نه‌ته‌وه‌یى یا كورد و ئاخا پیرۆزا كوردستانێ و هه‌مووژى دزانینن كا چه‌ند جار هه‌ول و پێنگاڤێن دژاتیێ بۆ ژناڤبرن یان لاوازكرنا پارتى هاتینه‌ هاڤێتن، لێ هه‌رده‌م پارتى بهێزتر لێهاتیه‌ و چونكو خودان پێگه‌هه‌كێ بهێز و موكمه‌ و ب ئیراده‌ ؛ پارتى ؛ هاتیه‌ مه‌یدانێ نه‌ك ب زوور ى خیانه‌تێ هاتیه‌ دانان . لوما پارتى بویه‌ خودا پێگه‌هه‌كێ ب هێز د ناڤ جه‌ماوه‌رى َكوردستانێ دا و هه‌تا ل سه‌ر ئاستێ ده‌ره‌كى ژى پارتى رێز و كه‌رامه‌تاخوه‌ پاراستیه‌ و راده‌ستى به‌رژه‌وه‌ندیێن كه‌سى نه‌بوویه‌. به‌لكو هه‌ر ژ كه‌ڤن و تانوكه‌ هه‌رده‌م خوه‌ ب نوونه‌را گه‌لى َكوردستانێ دیتیه‌ وكار كریه‌ و قوربانى داینه‌, له‌وما ئه‌ڤرۆ ژى پارتى بوویه‌ خودانا تۆماركرنا سه‌روه‌ریێن زوور ل دژى تیرورزما نیڤ ده‌وله‌تى و پیلانگرێن ئێك ل دووڤ ئێك یێن ناڤخوه‌یى و ده‌ره‌كى.
ئه‌ڤجا ئه‌ڤ خوه‌راگریى و پارستنا ناڤێ پارتى د كوردستانێ و ده‌رڤه‌یى كوردستانێ دا هه‌موو ژبوو سیاسه‌تا حه‌كیمانه‌یا سه‌رۆك و سه‌ركردێ كوردستانێ جه‌نابێ؛ سه‌رۆك مه‌سعود بارزانى دزڤیریت. هه‌ردیسا ژبۆ هه‌بوونا حوكمه‌ته‌كا بهێز د ناڤ كوردستانى َدا و په‌یوه‌ندى و دانوستاندنێن وێ یێن ئاشتیانه‌ ژبۆ گه‌هشتن ب رێكێن چاره‌ و نه‌هێلانا پیلانێن دژى هه‌رێمى َدهێنه‌ دانان و دیسان دگه‌ل به‌رده‌وامیا هه‌موو ئه‌و رێگرى و فشار و پیلانێن تایبه‌ت د ڤان چار سالێن ده‌ربازبوویى دا كو سه‌رۆك وه‌زیر نێچیرڤان بارزانى؛رۆله‌كى َئێكجار مه‌زن و ب به‌رپرساتى وه‌رگرت و ل سه‌ر زالبوو، ئه‌ڤجا ژ هاتنا وێ پێلا زوور یا كو نێزیكه‌ 2000000 دو ملیۆن ئاوه‌ره‌ و په‌نابه‌ران و برینا بۆدجه‌ و مووچێ خه‌لكێ هه‌رێما كوردستانێ و هاتنا رێخراوا تیرۆستیا داعش و .. د ناڤ ڤان هه‌موو به‌رته‌نگیان دا, ئه‌گه‌ر دپلۆماسیه‌تا نێچیرڤان بارزانى؛ ل سه‌ر ئاستى َده‌رڤه‌ ونافخوه‌یى نه‌با و دیسا د چاره‌كرنا ئاره‌یشه‌یێن 16 ى ئوكتوبه‌رێ دا ئه‌گه‌ر ب هوشیاریانه‌ سه‌ره‌ده‌رى دگه‌ل ره‌وشى َنه‌هاتبا كرن نوكه‌ ره‌وشا هه‌رێمێ به‌ر ب ئاقاره‌كێ دژوار و ئالۆزتر چووبایه‌. لێ سوپاس بۆ خودێ ل سه‌ر ته‌حه‌مولا خه‌لكێ هه‌رێما كوردستانێ ل سه‌ر به‌رته‌نگیێن ئابوورى یێن كه‌ڤتینه‌ تێدا هاریكاربووینه‌ و د ره‌وشا حوكمه‌تێ ژى گه‌هشتینه‌، چنكو ل ده‌مى َبه‌رفره‌هى و نه‌بوونا قه‌یرانان حوكمه‌تى َته‌خسیر نه‌دكر د هه‌موو كار و خزمه‌تگوزاریاندا. له‌ورا ئه‌ڤرۆ ژى شیان ئه‌ڤرۆ جاره‌كا دى چاڤێن خوه‌ ژبۆى دیتنا كوردستانه‌كا بهێزڤه‌كه‌ن و به‌ر ب ئاشتى و ئاڤه‌دانیه‌كا باشتر و هوشیارتر بچن.

website security
WP Facebook Auto Publish Powered By : XYZScripts.com