NO IORG
Authors Posts by سالح حه‌كيم

سالح حه‌كيم

سالح حه‌كيم
28 POSTS 0 COMMENTS

10

سالح حه‌كیم
ئه‌و خێزانا كورد یا ژ لایێ وی كه‌سێ بێ وژدانڤه‌ هاتینه‌ كوشتن، ب دیتنا من نه‌ روودانه‌كا بچووك و كێم وێنه‌یه‌، به‌لكو به‌روڤاژی د هه‌بوونا خوه‌دا روودانه‌كا گه‌له‌كا مه‌زنه‌، دناخ و وژدانا هه‌ر تاكه‌كێ كورد دا، ل كوردستانێ. و هه‌موو مرۆڤایه‌تیێ، ل دونیایێ هه‌ژاندیه‌. له‌و پێدڤیه‌ په‌رله‌مانێ عیراقێ كۆمبوونه‌كا بله‌ز، سه‌ر چاوانیا گوشتنا وێ خێزانا ناڤبری خۆیا بكه‌ن. داخۆیانیێن دروست ژ حوكمه‌تا كازمی بهێنه‌دان، كا چاوا ئه‌ڤ روودانه‌ دروستبوویه‌، هه‌كه‌ ئه‌ڤ كه‌سه‌ نه‌ هێته‌ سزادان، ڕه‌نگه‌ كوشتنا كوردان ببینه‌ دیاردكا رۆژانه‌، له‌و فه‌ره‌ ئه‌و كه‌سه‌ ب توندی بهێته‌ سزادان، ببنه‌ وانه‌ بۆ هه‌ر كه‌سه‌كێ دی، یێ ده‌ستێ خوه‌ درێژ بكه‌ت بۆ كوشتنا كوردان. فه‌ره‌ ئه‌و ده‌سته‌ بهێنه‌ برین، له‌و هه‌ر چی زۆیتره‌ باشتره‌. ڤه‌كۆلین ب ڕژدی سه‌ر بهێنه‌كرن، راسته‌ هنده‌ دانپێدانێن ده‌سپێكی ژ لایێ بگوژیڤه‌ هاتنه‌ دان لێ ئه‌و به‌س نینه‌ دڤێت ده‌م و رێ ل ڤان جوره‌ كه‌سان بهێنه‌گرتن، بگه‌هێن مافێ خوه‌یێ ڕوا، و لۆجستی. ئه‌رێ گه‌لۆ كوشتن و سه‌ربرینا كوردان، كه‌نگی دێ ئه‌ڤ گه‌ف و مه‌ترسی ل سه‌ر ده‌ڤه‌ردارێن عیراقێ جهێن ئاكنجیبوونا كوردان خلاسبیت، ئه‌رێ ئێمناهیا عیراقێ دكیڤه‌دایه‌، لێ بۆ من جهێ سه‌رسۆرمانێ یه‌، كو هنده‌ك هه‌بن، د نووكه‌دا خوه‌زییان بۆ حكمرانییا حكمه‌تا به‌غدا ڕادهێلن، دبێژن هیڤیا مه‌ ئه‌وه‌ رۆژه‌كێ ژ رۆژان عه‌رب ئاسایش و رێڤه‌به‌ریێ لمه‌ بكه‌ن. لێ مه‌ یا ژبیركری ئه‌نفال، و كاره‌ساتێن جودا جودا یێن وان ب سه‌رێ گه‌لێ كورد ئینایێن، نها ژی هه‌ر ده‌مێ ده‌لیڤه‌ بۆ دروستبوون، دێ خوینا مه‌ كوردا ڤركه‌ن. هه‌كه‌ ل دیرۆكا كوردا بنێرین پتریا كه‌فتنا كوردان ژ لایێ دوژمنێن خوه‌ڤه‌، باوه‌ریبوونه‌ ب دوژمنی، بۆ نموونه‌ ژ به‌ری چه‌ند رۆژان ده‌مێ به‌رێز مسته‌فا كازمی هاتیه‌ كوردستانێ، خه‌لكی ب چو باوری پێشوازی لێ دكرن، هنده‌كان وه‌سا هزردكر كازمی یێ هاتی ده‌سته‌كێ وی رۆژه‌ یێ دی هه‌یڤه‌ دێ شه‌وق و رۆناهیێ ده‌ته‌ هه‌می وه‌لاتی، مه‌ ب چاڤێن خوه‌ باجا وێ پێشوازییا گه‌رم دیت، ئه‌و كوشتنا خێزانه‌كا كورد ل پایته‌ختێ عیراقێ ب ده‌سته‌كێ عه‌ره‌بكێ فاشل هاته‌ ئه‌نجامدان، لێ هه‌ر چی به‌هانه‌كا هه‌بیت ب وی چاڤی ته‌ماشه‌ی مه‌ دكه‌ن، كا ئه‌و جامێرێن دگۆت عه‌رب ژ مه‌ چێترن، هه‌موو هیڤی و داخوازییا وان ئه‌و بوو كازمی بهێت ده‌ستێ خوه‌ دانیت سه‌ر هه‌موو
ده‌روازان. سنۆر راده‌ستی وانببن، ئه‌ڤه‌ به‌رهه‌مێ تێگه‌هشتنا وانه‌، یێن ب ڤی جورێ هزركرنێ سه‌ره‌ده‌ریێ دكه‌ن، لێ بۆ وان خه‌ونه‌، كوردستان ئاگرێ جه‌هنه‌مێ یه‌ بۆ هه‌ر دۆژم و نه‌حه‌زه‌كی.

12

سالح حه‌كیم
به‌رپاكرنێن ژیانێ دا پێنه‌ڤێن سه‌رئه‌ڤرازی و سه‌رنشیفیێن خوه‌ هه‌نه‌، ب هه‌موو خوه‌شی و نه‌هامه‌تێن خوه‌ڤه‌ پشكه‌كن ژ ژیانا مه‌ مرۆڤان، به‌رته‌نگی و به‌رفره‌هی ئه‌زموونێن رێڤه‌برنا ژیانا هه‌ر تاكه‌كی نه‌ د جڤاكی دا، سه‌ر هه‌بوونا ڕوویێ ڤی عه‌ردی، هه‌ر مرۆڤه‌ك وه‌كو دیتنا خوه‌ دسه‌لمینیت، ئانكۆ ل دووڤ شاره‌زایی و هشیاریا تێگه‌هشتنا خوه‌، ئه‌و ژینگه‌ھا مرۆڤی تێدا دژین كا چاوان مفا ژ سه‌ربۆرا ده‌ردۆرێن خوه‌ وه‌رگرتیه‌، چاوان دێ شێت تێدا یێ سه‌ركه‌ڤتی بیت، پێنه‌ڤێت هنده‌ك جارا هنده‌ك كاودانێن ژیانێ بێ ئیرادا ته‌ دهێنه‌ هه‌بوونا ژیانا ته‌دا، بێكو ڕه‌هند و خوه‌زایێن وێ بشێن ب درۆستی ده‌ستنیشان بكه‌ین، ئانكۆ بێ هه‌بوونا ئیرادا مرۆڤی كێشه‌ درۆستدبن، پتریا هه‌لویستان دهێنه‌ وه‌رگرتن دا ئاریشه‌یێن جڤاكی پێ چاره‌سه‌ر بكه‌ین.
نه‌ به‌رۆڤاژی به‌ره‌ڤ دۆخه‌كا مه‌زنترڤه‌ ببه‌ین، لێ دێ بینی پتریا جاران ئه‌و كاودانێن به‌رته‌نگ ئه‌وێن د ژیانا مرۆڤی دا سه‌رهلدده‌ن، هینگێ هێزا ته‌ هاری ته‌ ناكه‌ت هه‌كه‌ ته‌ پێشده‌م كار سه‌ر نه‌كربیت. پرۆژه‌ بۆ نه‌بن، ئانكو به‌ری هه‌ر گۆتنه‌كێ هزركرن بۆ دڤێن، داكو وه‌كو پێدڤی بشێن ده‌ربرینێ ژ هه‌لویستێ خوه‌ بكه‌ین، جاران ژی كاودان ژ نشكانڤه‌ درۆست دبن، له‌زاتیا د هه‌لویستان دا لاواز ده‌ردكه‌ڤنه‌ هۆلێ. ئه‌و كارڤه‌دان دێ بنه‌ فاكته‌رێ تووشبوونا ئاریشێن ده‌رۆنی ژی بۆ مرۆڤى، ژ وێ بریار و هه‌لویستی به‌رته‌نگێ ته‌ دایی دێ پرسگریك په‌یدابن، نه‌خاسمه‌ هه‌كه‌ مرۆڤ هه‌ست ب شاشیا خوه‌كر، لێ مه‌ گوتن گه‌له‌ك جارا ژ نشكان ڤه‌ هه‌لویستێن هۆسا دهێنه‌ وه‌رگرتن، تایبه‌تی ده‌مێ كاودانه‌كێ نه‌خوازیار دهێنه‌ پێش، له‌زاتی و توره‌یی دبنه‌ سه‌ده‌مێ دلته‌نگیێ د په‌یداكرنا ئاریشێن جڤاكی دا، دانا هه‌لویستی، یان وه‌رگرتنا هه‌لویستێ ژ ره‌فتار و سلۆگانێن
مرۆڤی دیار دبن، مه‌ بڤێت نه‌ڤێت دێ ده‌ربرینێ ژ هه‌لویستێ خوه‌ كه‌ین، بدیتنا من و گه‌له‌ك فه‌ره‌ ژی هه‌لویست هینگێ بهێنه‌ وه‌رگرتن، ده‌مێ مرۆڤ هه‌موو ڕه‌هه‌ندێن كاری و بكه‌رێ كاری دخوینیت. ئه‌گه‌رێ وه‌رگرتنا هه‌لویسته‌كێ زوو و ل هه‌مبه‌ری وان پێرابوونان كارڤه‌دانێن نه‌خوزراو، هه‌م بۆ مرۆڤی و هه‌م ژی بۆ ده‌وروبه‌رێن مرۆڤی په‌یدادبن.

10

سالح حه‌كیم

ئه‌مریكا و چاوانیا بهێزبوونا وێ، هه‌كه‌ بهێن به‌رێ خوه‌ بدده‌ینه‌ ڕه‌هندێن دیرۆكا وی وه‌لاتی، كا چاوا شۆڕه‌ش و داستانێن جودا تۆماركرینه‌.
چاوا سه‌ركه‌فت، وه‌كو دیار مێژوویێ بۆ مه‌ ڤه‌گێرایه‌، پێنه‌ڤێت گه‌له‌ك قووناخێن جودا دا كاودان و نه‌هامه‌تیێن سه‌خت وی وه‌لاتێ ناڤبری تێپه‌راندینه‌. خودان شۆره‌شه‌كا ئێكگرتی هشیاریا جڤاكی بوو، له‌و گه‌هشته‌ وی ئاستێ پێدڤی، پتریا شۆره‌شێن وان وه‌لاتێن دونیایێ یێن دژی بزاڤا ئه‌مریكا كاركری، هه‌ر زوو یێن هه‌ڕفتین، به‌لكو ل سه‌ر ئاستێ هه‌موو جیهانێ چو شۆره‌ش هه‌مبه‌ری بزاڤا شۆره‌شا ئه‌مریكا نه‌شیایینه‌ راوه‌ستن. له‌و هێزا وان بوویه‌ جهێ سه‌رسۆرمانێ بۆ هه‌موو خه‌لكێ جیهانێ، ئه‌مریكا وه‌كو ئه‌م دبینین، ئایدۆلۆژیا خوه‌ یا ژ هێزا چه‌كی وه‌رگرتی، كو دنوكه‌دا ده‌وله‌تا هه‌ری زلهێزه‌ ل جیهانێ هه‌میێ دهێته‌ نیاسین. به‌رهه‌مێ ڕه‌نجا ئێكگرتن، و ئێكرێزیا كه‌دا ده‌ستێن سیاسه‌تڤان و ره‌وشه‌نبیرێن وانه‌، د كه‌ڤن دا و دنوكه‌ ژی دا هه‌مان ئه‌و ئێكگرتنا دناخ و مه‌ژیێ واندا چاندیه‌، هه‌ر د كه‌ڤن دا ئه‌مریكا كه‌فتییه‌ ژێر (انتیدابا) بریتانی، كو بریتانی بهێنه‌ ئه‌مریكا و داگیربكه‌ن، و بێخنه‌ ژێر ده‌ستهه‌لاتا خوه‌. ملله‌تێ ئه‌مریكا هه‌میان ده‌ستێ خوه‌ دا هه‌ڤ، و هه‌میان گوهدێریا رابه‌رێ خوه‌كر(جۆرج واشنگتون)، ب وی شێوه‌ی ئه‌مریكی شیان ب ئه‌وی چه‌كێ سڤك سه‌ركه‌فتنێ ل سه‌ر بهێزترین داگیركه‌ر تۆمار بكه‌ت، ئه‌وژی بریتانی بوون، هه‌تاكو بریتانیا ب وێ هێزا خوه‌ڤه‌، داخوازا دانوستاندنان ژ به‌رپرسێن ئه‌مریكا كرن. ژبه‌رڤێ ئێكێ، مه‌ كورتكرنه‌ك ل سه‌ر دیرۆكا وێ به‌حس كر، كو هه‌می ملله‌تێن جیهانێ، تایبه‌تی ژی ملله‌تێن بنده‌ست. ژوان ژی كورد،بو خوه‌ وانا ژێ وه‌رگرن، چونكی براستی ژی ملله‌ت ب ئێكگرتنێ
سه‌ردكه‌ڤن، و ب ئێك نه‌گرتنێ ژی دادكه‌ڤن و ژناڤ دچن،ل دووماهیا بابه‌تێ خوه‌ ژی دێ بێژم، پێدڤیه‌ ئه‌م كورد ئێكرێزیا خوه‌ چێكه‌ین، داكو وه‌لاتێ مه‌ژی یێ بهێزبیت، و به‌ر ب بهێزبوونێ ڤه‌ بچیت.

6

سالح حه‌كیم

دیاره‌ هه‌ر مرۆڤه‌كی ب درێژاهیا بۆرینا ژیێ خوه‌، كۆمه‌كا سه‌ربۆران، ژ ئه‌زموونا هه‌ڤالینیێ دیتینه‌، خواست و داخوزیێن خوه‌ تێدا تاقیكرینه‌، ئه‌ڤجار چو ژ لایێ ئه‌رێنی بیت یان ژ لایێ نه‌رێنی بیت، چو تاك نینن تێپه‌ری ناڤ ژیانا ڤان هه‌ردوخالان نه‌بیت، ب دیتنا من ده‌ستپێكا هه‌ر تێكهه‌لی و نێزیكبوونه‌كێ به‌س هه‌كه‌ مه‌به‌ست پێ هه‌ڤالێ ڕاست و دروست بیت، پێدڤی ڕاوه‌ستاندنه‌كا درێژ هه‌یه‌ بۆ چاوانیا ده‌ست نیشانكرنا وان هه‌موو. مه‌رج و سه‌خله‌تێن ل جه‌م هه‌ین بنیاسی، چونكی هه‌ر تاكه‌كێ تایبه‌تمه‌ندی رێنمایێن خوه‌یێن تایبه‌ت هه‌نه‌. بۆ هه‌لبژارتنا هه‌ڤالینیێ، نابیت ب چو ئاوایه‌كی هه‌ڤالینیا ژ نشكانڤه‌ دروست بكه‌ین، یان له‌زێ د وێ بریارێ دا بكه‌ین، چنكو پتریا جاران كارڤه‌دانێن نه‌رێنی ل دووڤ خوه‌ دئینیت دكه‌ته‌ سه‌ر ژیانا مرۆڤی. حه‌تا كارتێكرنێ د كه‌سایه‌تیا مرۆڤی ژی دكه‌ن، د نێرینا بسپۆران دا ژی هاتیه‌ سه‌لماندن. پێرابوونێن ڤێ چه‌ندێ فه‌ره‌ د ڤێ پرۆسسێ دا باشتر خوه‌ ئاڤاكه‌ن، یان پێدڤیا مرۆڤی ب ده‌مه‌كێ گونجایتر هه‌یه‌، بۆ باشتركرنا هه‌لسه‌نگاندنێ، داكو د هه‌لبژارتنا خوه‌دا یێ سه‌ركه‌ڤتی بی، ئێدی پووشمانێ وێ په‌یوه‌ندیێ نه‌بی یا ته‌ ده‌ستڤه‌ئینایی، د ئێك ترازی هه‌موو ره‌فتار و مه‌رجێن ئێكدو قه‌بوولكرنێ بۆ ئێكدو دیار بكه‌ن. هه‌ڤسه‌نگی و هه‌ماهه‌نگی بۆ هه‌ر ڕوودانه‌كا په‌یدا بیت، خوه‌ ل پرسگریكێن هه‌ڤدو بكه‌نه‌ خودان، ده‌مێ ئه‌ڤچه‌نده‌ بۆ سه‌ربوورا ژیانێ هینكێ تو خودان په‌یوه‌ندیه‌كا ڕاسته‌قینه‌یی، چونكی مه‌زن دبێژن (حه‌تا باتمانه‌كا خوێ ل گه‌ل هه‌ڤالێ خوه‌ نه‌ خۆیی تۆ نانیاسی). له‌و فه‌ره‌ د هه‌موو ده‌لیڤه‌یان ئاماده‌یا خوه‌ دیار كه‌ن و خوه‌ ل ئاریشێن ئێكدو بكه‌نه‌ خودان. نه‌به‌س هه‌ڤالێ ده‌می بیت، یان هه‌ڤالێ به‌رژه‌وه‌ندیان بیت، كه‌نگی به‌ریك تژیبوو خوه‌ نێزیك كه‌ت، كه‌نگی ڤالابوو د تێكه‌لی و دانوستاندنێن خوه‌ دا پاشگه‌زبیت. پرانیا جاران ئێكدو نیاسین ژ كاودان و بۆیه‌ران هه‌لویستێن ڕاست و دروست دیاردبن، یان هه‌ڤالێ ده‌مى یه‌ یان یێ هه‌رده‌میه‌.

11

سالح حه‌كیم
جهێ شانازیا مه‌ كوردایه‌ كه‌سایه‌تیێن خودان شیان ب هێز و بزاڤ مینا برێز نێچرڤان بارزانی مه‌ هه‌بن، كارڤه‌دانا سیاسه‌تا به‌رێزی باندۆر ل جیهانێ هه‌موویێ ده‌نگڤه‌دا، وه‌كو نموونه‌ كۆڕبه‌ندێ داڤۆس یێ ئه‌ڤساله‌ پێشبه‌ریا سه‌ركرده‌یێن و ملله‌ته‌كێ كورد ژ هه‌ر سه‌ركرده‌یێن جڤاك و ملله‌تێن دن یێ دونیایێ تێدا جوان و دیار هاته‌ به‌ر چاڤكرن، بۆ پتریا وان وه‌لاتان وه‌سا دهاته‌ سه‌لماندن، كورد خودی كارێزما دۆبلۆماتكارێن مه‌زنه‌، نێچیرڤان بارزانی ب زانابوونا خوه‌ هه‌ولدا ناڤ و ره‌وشت تیتالێن جڤاكێ كوردی بۆ هه‌موو جیهانێ بدده‌ته‌ نیاسین، كا خواست و داخوازێن كوردستانیان چنه‌، ب گشتی و تایبه‌تی ئارمانجا كوردان ژ عێراقا ئێكگرتی چیه‌، مافێ كوردان چاوا هاتیه‌ به‌رزه‌كرن، ده‌ستهه‌لاتدارێن به‌غدا چ ب سه‌رێ خه‌لكێ عیراقێ ب گشتی ئینایه‌ تایبه‌تی مافێ كوردان چاوا بنپێكرینه‌، ئه‌و وه‌لاتێ دبێژنێ عیراق حوكمڕانێن وێ ده‌رئه‌نجام بۆ كیڤه‌ برینه‌، هه‌ڤدیتنا برێز نێچیرڤان ل گه‌ل تڕامپێ سه‌رۆكێ ئه‌مریكا ب دیتنا من خاله‌كا هه‌ری گرنگا ئه‌رێنی پۆزه‌تیڤ بوویه‌، ل ڤی ده‌می چ د راستا خوه‌ یان نه‌ ڕاستاخوه‌ قازانجێن خوه‌ هه‌نه‌، بۆ پاشه‌رۆژا كوردان، لێ ئه‌م نابێژین هه‌ر ده‌مێ گاڤێن كوردان ب باشی ژ لایێ ده‌وله‌تا زلهێز ئه‌مریكا ڤه‌ بهێته‌ سه‌لماندن، ئێدی خلاس پرسگریگێن مه‌ كوردان ل گه‌ل هه‌ڤسویێن مه‌ دێ هێنه‌ چاره‌سه‌ركرن، دێ هه‌موو مافێن كوردان بده‌ستڤه‌هێن، نه‌خێر به‌لێ گاڤێن نهۆ دهێنه‌ هاڤێتن ب ئه‌كتیڤ و ڕه‌واجا هێزا هه‌بوونا كوردان ل وه‌لاتێن رۆژهه‌لاتا ناڤین و دونیایێ ب باشی و به‌رز و بلندی دهێنه‌ وه‌سفكرن، كارتێكرن و درب و ترسه‌كا هه‌ری كاریگه‌ر د دڵ و ده‌روونێن دوژمنێن كوردان ڤه‌ ده‌زانیت، له‌و ڕه‌نگه‌ ئه‌و د ئاگرێ نه‌زانینا خوه‌دا بسۆژن، چاڤپێنه‌ڕابوون چاڤنه‌بارێن عه‌ره‌ب، ده‌ق و ئاخڤتنێن وان دژی كارێزما و دۆبلۆماتكار و كارئه‌كته‌رێ رۆژهه‌لاتا ناڤین برێز نێچرڤان بارزانی، ب دیتنا من ده‌رمانێ چو ژێنه‌هاتنێ یه‌، چونكی ناڤبری خودان پێگه‌هه‌كێ سیاسیێ ب هێزه‌ ل ڤان وه‌لاتان بێ ڕكابه‌ر، له‌و بێ هه‌بوونا نێچیرڤان بارزانی چو پڕسگریك سیاسی نه‌ ل عیراقێ نه‌ ژی وه‌لاتێن جیران چاره‌ نابن.

5

سالح حه‌كیم

هه‌كه‌ بهێن ژ لایێ ئه‌رێنی و نه‌رێنیڤه‌ ته‌ماشه‌یی بارودۆخێ نها یێ عیراقێ ب گشتی وان هه‌موو خوه‌نیشادانان نه‌رازیبوونا خه‌لكێ سڤیل بكه‌ین، ره‌نگه‌ك ژ ڕه‌نگان ب شووڕه‌كێ دو سه‌ر دهێنه‌ دیتن، یان پۆزه‌تیڤ و نه‌گه‌تیڤ هه‌ردو تێدا جهـ دگرن، ئانكو ئه‌و باو بارۆڤه‌یێن دۆژوار یێن به‌ر ب عیراقێ ڤه‌ هاتین یێن بووینه‌ سه‌ده‌مێ دورستكرنا لێفایه‌كا ب هێز، دبیت گه‌له‌ك جۆیێن شێلی زه‌لال بكه‌ن و یێن زه‌لال ژی شێلی بكه‌ن، گه‌له‌ك گۆمێن ئاڤگه‌نی بته‌قینین و فیلته‌ر و بكه‌ن و هنده‌ گۆمێن دی دورست بكه‌ن، یان گه‌له‌ك قۆلاجكێن تاری رۆهن بكه‌ن و گه‌له‌ك دی ژی تاریكه‌ن، خۆیا نینه‌ دێ ئاراسته‌یێ عیراقێ ل كیڤه‌ راستیت، چونكی عیراق بوویه‌ هێلینا ده‌ستتێواردانا گه‌له‌ك پێكهاته‌یێن جودا جودا پرانیا وان ده‌ستێن خرابكارن، له‌و عیراق بوویه‌ مه‌یدانا بازاره‌كێ ئه‌رزانێ مرنێ، پرسیار ئه‌وه‌ ئه‌رێ گه‌لۆ كی په‌رسه‌ ژ ڤێ دۆخا نها ل عیراقێ سه‌رهلدایی؟ لایه‌نێن سیاسینه‌ یان ژی زالبوون و سه‌پاندنا پێكهاته‌یێن مه‌زهبینه‌ سه‌ر حوكمه‌تێ بوویه‌ فاكته‌ره‌كێ ب هێز كو ئه‌ڤ هه‌موو پرسگریك سه‌رهلبده‌ن، تایبه‌ت شیعه‌ مه‌زهه‌ب چونكی پێكهاته‌یێ سه‌ره‌كیێ بریاردانێ نه‌ ل به‌غدا، هه‌كه‌ بهێن به‌حسێ وێ پرۆسسا پازده‌ سالێن بۆری یێن باجا شاشیێن وێ حوكمرانیا به‌غدا بكه‌ین، دێ گه‌له‌ك پرسیار هێنه‌ ئازڕاندن؟ كا چه‌ند مایتێكرن د ئاراسته‌كرنا حوكمه‌تێ دا هه‌بوون، چه‌ند ده‌ستێن شێلی د ئه‌دایا حوكمه‌تێ دا دروست ببوون، كو سه‌خه‌ت و به‌ربه‌ستی د كارێ حوكمه‌تا به‌غدا دا دروستكرن، ئه‌ڤرۆ ژی ب هه‌مان شێوه‌ ئه‌و مایتێكرن بووینه‌ سه‌ده‌مێ هلبوونا ئاگرێ ناكۆكیێن مه‌زن و هه‌راڤاندنا گشت عیراقیان له‌و دیوارێ عیراقێ سه‌ر چو پره‌نسیپێن دروست نه‌ هاتیه‌ نژنین، وه‌كی دیوارێ سه‌ر به‌فرێ دهێته‌ چه‌سباندن لایه‌نێ ب هێز یێن لاواز دمێژن و ل سه‌ر زالدبن، له‌و هنده‌ك بسپۆر وه‌سا دبین ئێدی ره‌وشا ئارامیا عیراقێ وه‌كو جاران نازڤریت ئه‌و دووكێلا سه‌ر ئه‌سمانێ عیراقێ ژی تاری مژه‌كا مژه‌وی دا بۆ دۆرهێل و چاره‌نڤێسسازه‌كێ تارستانی ڤه‌ دبه‌ت، ژ ئه‌ڤا نهو هه‌یی ب حه‌جم و قه‌واڕه‌كێ مه‌زنتر خوین ل عیراقێ بهێته‌ رژتن، گرۆپێن چه‌كداریی ب ناڤێن جودا ده‌ركه‌ڤن گۆره‌پانێ ئارامی ژین و ژیارا وه‌لاتیێن ڤی وه‌لاتی ساناهی نابیت، هه‌ر ئه‌ڤ لایه‌نه‌ نه‌ ده‌سهه‌لات و كۆرسی ل به‌غدایێ وه‌رگرتی، بووینه‌ سه‌ده‌مێ تێكدانا ئاشتیا جڤاكی ب گشتی، نه‌رازیبوونا خه‌لكی ژ حكمه‌تا به‌غدا ده‌ستپێكێ هنده‌ك داخوازیێن ره‌وابوون، هنده‌ ژی پرۆگرام بۆ هاتبوونه‌ دارژتن، هێزا كه‌رب و كینا جاران ژ باشیا هه‌یی خراپتر هێز ده‌ردكه‌ڤیت هۆلێ، ب تنێ هه‌ژار باجێ دده‌ن، ئه‌میر و گارپێكه‌رێن حوكمرانیا عیراقێ د چارچووڤه‌كێ به‌رته‌نگ ب هنده‌ شیانێن لاواز ل بن سه‌قف و ئه‌جندایێن وه‌لاتێن هه‌ڤده‌ر نه‌شیانه‌ ببن جهێ بریارا تاك لایانیا خوه‌یا تاكه‌كه‌سی.

20

سالح حه‌كیم

ژیوار و بارودۆخێ نهۆ هاتیه‌ به‌رپاكرن و سه‌پاندن سه‌ر كوردان نه‌ پیلانه‌كا نوویه‌، و به‌لكو پرانیا جاران دیرۆكێ خوه‌ ڤه‌ژاندیه‌ هه‌كه‌ بهێن لاپه‌رێن دیرۆكا ئێش و ژانێن كوردان ڤه‌ده‌ین، دێ ب هزارها سه‌رئه‌ڤرازی و سه‌رنشیڤیان تێدا بینین، له‌و وه‌لاتێن جیران و هه‌ڤسنۆر ترك و ئیران و عیراق سووری هندی ژیانا كوردان هه‌یه‌ دێ هه‌مان ره‌فتار هه‌بن، ده‌ستهه‌لاتێن ئێك ل دووڤ ئێكێن وان وه‌لاتێن هه‌ڤسنۆر و ب ئایدۆلۆژیێن جوداڤه‌ چوجار د مێژوویێ دا ئه‌و ده‌ستهه‌لات ب نه‌رمی پێنگاڤ به‌ر ب جڤاكێ كورد نه‌ هاڤێتینه‌، یان بێژین ب رژدی كار سه‌ر ئه‌داكرنا مافێ وان نه‌كریه‌، وه‌كو دیار دوژمنی ئه‌ڤ چه‌نده‌ سه‌لماندیه‌ ئێدی ژیانا كوردان دێ هه‌ر ب ڤی ئاوایی مینیت، ته‌په‌سه‌ری و ده‌رده‌سه‌ری دێ هه‌را به‌رده‌وام بیت، نهۆ هه‌ر گۆژیه‌كێ كورد لێ بژین ده‌هبه‌ك بۆ ژ كه‌ڤلكرنا وان لێ حازردبن، چونكی ماده‌م هه‌ڤیرێ كوردان ب ده‌ستێ توركان بیت سێهلا دورستكرنا نانی ب ده‌ستێن ده‌وله‌تا ئیرانێ بیت پارڤه‌كرنا نانێ كوردان ب ده‌ستێ عیراقێ بیت هینگێ دێ زكێ كوردان ب دانه‌كی تێركه‌ن ب ده‌هان ژی هێلن برسی، به‌لكو ب خراپتر هه‌ر چو ئه‌مرزه‌كێ خراب و نه‌گه‌تیڤ دژی ماف و پێگه‌هێ كوردستانیان بكاردئینن، له‌و گه‌له‌ك پێدڤیه‌ ب ئێك ده‌ست ببنه‌ ئاگرێ هێزێ بۆ سۆتنا دوژمنی، چیڤێ كه‌ربا خوه‌ داوه‌شینن هه‌كه‌ نه‌ هاربوونا گۆرگان بۆ نێچیرا كوردان ددانێن خوه‌ باش تیژكرینه‌، ب دیتنا من تاكو مه‌شعه‌لێ ئاگرێ قازانا كوردان سه‌ر چار پێپكا نه‌ راوه‌ستیت بێهنا خوارنێن كوردی ژی كارتێكرنێ ل وه‌لاتێن زلهێز و هه‌ڤده‌ر ناكه‌ت، یان جۆكا ئاڤێ ل جهه‌كێ نه‌ په‌نگییتن چوجاران ده‌راڤ نا په‌قیت نه‌شێن جنیكا سه‌رده‌ستییا خوه‌ یا نیڤ هشك و به‌یار ژی پێ ئاڤده‌ن، بلا كورد قازانا كرارا خوه‌ ب هیڤیا ئاگرێ كه‌سێ ڤه‌ نه‌هێلن، چونكی دوژمێن ملله‌تێ كورد ب به‌هانه‌ و ناڤێن جودا دخوازن تۆڤێ كوردان نه‌هێلنن، ئه‌و هه‌می پیلان و ڤه‌لڤینێن دژبه‌ریا كوردان دهێنه‌كرن هه‌ر وه‌لاته‌كێ ژ وان یێن مه‌ سه‌ری به‌حس ژێكری ب ره‌نگ و شێوازێن جودا مافێ كوردان پێشیل و بنپێ دكه‌ن، له‌و گه‌له‌ك فه‌ره‌ كورد مفایی ژ ئه‌زموونان وه‌رگرن ئانكۆ نه‌هێلن ده‌ست و ئارمانجێن پیس سه‌رهلبده‌ن ئه‌ڤا نهۆ بوویه‌ رۆژه‌ڤا ئیران و عیراقێ ژی نه‌ئارامی و تێكچوونا سه‌قامگێریی و نیشادان و نه‌رازیبوونا وه‌لاتیێن وان وه‌لاتێن ناڤبری ڕه‌نگه‌ د خێرا كوردان دا بیت، ئه‌ڤجار پێدڤیه‌ ب هشیاری سه‌ره‌ده‌ری بۆ هه‌ر پێشهاته‌كا بهێت كورد مفایی ژێ وه‌رگرن.

8

سالح حه‌كیم
هه‌كه‌ ته‌ماشه‌یی جڤاك و وه‌لاتێن دونیایێ بكه‌ین، هه‌ر جڤاكه‌ك وه‌لاته‌كی، به‌رگری ژ خوه‌ و ناسناما هه‌بوونا پیرۆزیێن خوه‌ كریه‌، ملله‌تێ كورد و جڤاكێ كوردستانی ژی سه‌لماندیه‌، كو خودان وه‌لات، ناسنامه‌یا خوه‌یا تایبه‌تن، نه‌ته‌وه‌یه‌ك هه‌ری دیارن، ل رۆژهه‌لاتا ناڤین، له‌و ئێدی پێدڤیه‌ كورد د قووناخه‌كا نوو دا بۆ ئاڤاكرنا پێگه‌هێ خوه‌ یێ سیاسه‌تكرنێ بنژنن. چونكی كورد پارچه‌كا مه‌زنه‌ ل رۆژهه‌لاتا ناڤین، خودی بریارا خوه‌نه‌، چونكو هه‌ر پێشهاته‌كێ و هه‌بوونا وان تێدا دیار دكه‌ت، ده‌مێ ئه‌م بێژین كورد 40 ملیۆنن، لێ ڕه‌نگه‌ ژ وێ ژماره‌ و داتایێ گه‌له‌ك پترتربن، هه‌كه‌ چه‌ند باندۆرا دوژمنی سه‌ر ملله‌تێ كورد یا زالبیت ژی، ئه‌ڤ ژمارا مه‌ ل سه‌ری به‌حس ژێ كری، نه‌ كێمه‌، بۆچی هه‌ر بنده‌ستی؟ ئێدی به‌سه‌ سه‌رهلدانا كوردێ باكۆر د ڤی ده‌مێ هه‌ستیار دا گه‌له‌ك فه‌ره‌، داخوازا مافێ خوه‌یێ لۆجستی بكه‌ین. هه‌كه‌ ته‌ماشه‌یی هنده‌ جڤاكان بكه‌ین، نیڤ چارێكا ژمارا كوردان نینن، لێ مافێ وان یێ به‌رجه‌سته‌بووی. لێ بۆچی كورد تا نهۆ نه‌شیاینه‌ باندۆرێ ل جیهانێ بكه‌ن، ئێش و ئازارێن خوه‌، وه‌كو پێدڤی بگه‌هینن، یان نه‌شیاینه‌ ترسا هێزا خوه‌ نیشا دوژمێن خوه‌ بده‌ن، ب وێ ژمارا كورد پێ دهێنه‌ نیاسین، چما هێزا خوه‌ نا ده‌رئێخن مه‌یدانێ، دونیایێ پێ ب هه‌ژینن، ڵ ب قێر و گازی، داخوازا بچووكترین مافێ خوه‌ بكه‌ن، ئه‌و ژی ئازادیه‌، مخابن تا نهۆ ئه‌م وه‌كو كورد نه‌ دژین، نه‌ ژی دمرین، دیرۆكا تراژیدیا كوردان، خه‌مه‌كا گرانه‌، دۆست زلهێزێن مه‌ چو جارا نه‌بووینه‌ هه‌ڤپشكێن خه‌ما مه‌. لێ نزانین ل كیژان هه‌سار و جه‌مسه‌رێ دونیا دژین، د باوه‌ریا خوه‌دا چه‌ند جڤاكه‌كێ نازك و سه‌ر نه‌رمین، ما حه‌تا كه‌نگی دێ تێگه‌هین، رۆژ ژ ئالیێ هه‌لاتنێ دهه‌لێت، ژ ئالیێ ئاڤابوونێ ژی ئاڤادبیت، نێ ئه‌ڤه‌ پتری سه‌د سالا تێپه‌ربوون، نه‌ دۆستێن خوه‌ ناسدكه‌ین، نه‌ژی نه‌یارێن خوه‌ ده‌ستنیشان دكه‌ین، هه‌ركه‌سێ گۆت برا، ئه‌م دبێژین خلاس تاریاتی نه‌ما، رۆناهی یا به‌ر ب مه‌ڤه‌ دهێت، تا نهۆ نه‌شیاینه‌ سه‌ربۆرێن خوه‌ تاقی بكه‌ین، تاكو ژ ئالیێ ناسیۆنالیزمێ ژیڤه‌ د هه‌ژارین، بۆ نموونه‌، پتری 20 مه‌لیۆن كورد ل باكۆر دژین، لێ 80% دوعا بۆ به‌ژن و بالا ئه‌ردۆگانی. هه‌ڤكێش سه‌رچاوه‌یێن جودا یێن تورك دكه‌ن، كه‌نگی دێ هه‌ستا نه‌ته‌وه‌په‌رێسیێ دێ ل جه‌م هه‌وه‌ لڤیت، ئێدی ده‌م هات ڕابن سه‌ر پییان، هه‌موو كورد ب هه‌ڤرا قه‌بوول نه‌كین، ڤێ داگیركرنا سه‌ر برایێن وه‌یێن كورد ل رۆژئاڤا.

18

سالح حه‌كیم
مرۆڤ بۆنه‌وه‌ره‌كێ جڤاكیه‌، له‌و هه‌ر زاڕۆكینیێ هه‌ست ب هنده‌ك دیتن و لڤینان دكه‌ت، داكو بریارێ ل سه‌ر بده‌ت، لێ قووناغ بۆ قووناغێ و ل گه‌ل بلندبوونا ته‌مه‌نێ وی، دیتنا دانا بریارێ باشتر خوه‌ گه‌ش دكه‌ت، به‌لێ گه‌له‌ك جاران ئه‌و بریار دگونجای نابن، ل گه‌ل ژیێ مرۆڤی، هه‌كه‌ یێ پێگه‌هشتی نه‌بیت، هه‌تاكو دگه‌هیته‌ قووناغا پێگه‌هشتنا ژیێ ته‌مام و گونجای، چونكی كه‌سێ ب ژیێ خوه‌ پێگه‌هشتی، دێ د بریاردانێ ژی دا یێ پێگه‌هشتی بیت، له‌و پێدڤیه‌ ده‌مێ مرۆڤ بریارا خوه‌ دده‌ت به‌ری بریاردانێ زالگه‌هێ ل سه‌ر هزر و ناخێ خوه‌ بكه‌ت، كانێ ئه‌و بریارا مرۆڤ دده‌ت، هه‌تا كو چ رادده‌ د ئاستدایه‌ بۆ خزمه‌تكرنا مرۆڤی، یان ژ لایێ ئه‌رینیڤه‌ دێ مرۆڤی سه‌رئێخیت، یان ژ لایێ نه‌رینیڤه‌ دێ
مرۆڤی پاشڤه‌به‌ت و شكێنیت. دێ بینی گه‌له‌ك جاران مه‌ چه‌ندین بریارێ خوه‌ بجه‌ نه‌ ئیناینه‌، كو ئه‌ڤ
جۆره‌ بریاره‌ ب لا وازی دهێته‌ ناڤكرن، بۆ نموونه‌: دێ بریارێ ده‌م داكو چو ئاسته‌نگان نه‌هێلم، نه‌ خاسمه‌ ب رێیا كاركرنێ. ئه‌ڤ چه‌نده‌ دێ به‌رهه‌مێ وێ بیت، چونكی كاركرن هوشیاركرنا مێشكی ب هێز وه‌راردئێخیت و گورانكاریێ په‌یدا دكه‌ت، ئانكو د بازنه‌كێ گرتیدا ده‌رباز دبیت بۆ د بازنه‌كێ بۆ بازنه‌كێ ڤه‌كری، مێشكێ نه‌ هوشیار ژی، مه‌ترسیێ ل وی ده‌می دیاردكه‌ت، ده‌مێ مرۆڤ راده‌ست دكه‌ت، یان كاری پێ بكه‌ت. چ پێنه‌ڤێت ده‌مێ مرۆڤ بریاره‌كێ دده‌ت، مه‌ژیێ خوه‌ دده‌ته‌ كاری، له‌و پێدڤیاتیا مێشكێ هوشیار ئه‌وه‌ كو بریارا د به‌رژه‌وه‌ندیا وی دا بده‌ت و ل سه‌ر چاوانیا شرۆڤه‌كرنا خوه‌ راوه‌ستیت، داكو د بریارا خوه‌ دا چو گرفتاریان نه‌بینیت، چونكی گه‌له‌ك جاران له‌زكرن د بریاراند گرفتاری ژێ په‌یدا دبن. ل دووماهیێ دێ بێژین: دانا بریارا بله‌ز دێ پووشمانێ ژێ په‌یدادبیت، ژبه‌ر هندێ دڤێت مرۆڤ یێ ل سه‌ر خوه‌ بیت داكو ب لاوازی نه‌هێته‌ حه‌سباندن، چونكی گه‌شه‌پێدانا باوه‌ریێ، بده‌سڤه‌ ئینانا شاره‌زاتیا مرۆڤیه‌ كو هه‌ر تاكه‌كێ ب خوازیت ژ لایێ ده‌وروبه‌رێن خوه‌ڤه‌ بهێته‌ قه‌بوولكرن و حه‌زژێكرن، واته‌ ئه‌و دێ شێت بۆ هه‌ر قووناغه‌كا ژییێ خوه‌ بریارێن گونجای ب هزر و بیرێن ئاڤاكار ده‌ت، پاشی دێ خوه‌ پێشئێخیت و گه‌شێ كه‌ت د ژیوارێ ئه‌ڤرۆ سوبه‌ دا.

5

سالح حه‌كیم
هه‌كه‌ ئه‌م بهێن لێنێرینه‌كێ د ڕه‌هه‌ندێن مێژوویا سه‌د سالیا پارچه‌بوون و ته‌په‌سه‌ری و بنده‌ستیا جڤاكێ كورد دا بكه‌ین، و ب هووری سه‌ر راوه‌ستین، كا چه‌ند قووناغێن سه‌خت و دژوار گه‌لێ كورد تێپه‌راندینه‌، و چه‌ندین جاران تووشی شكه‌ستن و داكه‌ڤتن و ده‌ربه‌ده‌ری و مالوێرانی كاره‌سات و مه‌رگه‌ساتێن جودا جودا بووینه‌، ده‌رباره‌یی دیاركرنا وان هه‌موو ڕوودانان ئه‌ڤێن ب سه‌رێ گه‌لێ كورد هاتین، ڕه‌نگه‌ چو كه‌س ئه‌و شیان نه‌بن، به‌رچاڤی وه‌لاتێن دونیایێ بكه‌ن، چونكی نه‌ ب نڤێسیا پرتووكان نه‌ ژی ب زنجیرێن تیڤیا بشێن بینن زمان، درێژه‌ پێدانا ژیانا كوردان ب گه‌له‌ك قووناغێن كۆر و دوور كاره‌ساتبارڤه‌ به‌حس ژێ هاتینه‌كرن، لێ گه‌له‌ك مایه‌ به‌حس ژێ نه‌هاتیه‌كرن، لێ مخابن به‌رده‌وام كورد د ژیانا خوه‌دا به‌ختره‌ش و ب سه‌خه‌تی ژیانا خوه‌ بریه‌ سه‌ر، دوژمن و هه‌ڤپیلانگێرێن جڤاكێ كوردی ژیان لێ كریه‌ دۆزه‌خ و رێیا وان تاریكریه‌، هه‌كه‌ نهۆ ژی خواندنه‌كا ژیواری بۆ بكه‌ین، وان تشتان بده‌ینه‌ خۆیاكرن یێن بووینه‌ فاكته‌رێ ڤه‌مانا كوردان، سه‌ده‌مێ سه‌ره‌كی نه‌ ئێكرێزیا كوردا بوویه‌ د باوه‌ری و هه‌لویستێن خوه‌دا نه‌شیاینه‌ ببن خودی پێگه‌هـ و سنۆرێ خوه‌ تایبه‌ت، چونكی د پرانیا بزاڤێن خودا هنده‌ ده‌ستێن خیانه‌تێ ناڤ جڤاكێ كورد په‌یدابووینه‌، چه‌كێ ژ ناڤبرنێ بۆ وه‌لاتێ خوه‌ درێژكرینه‌، دهه‌مان ده‌مدا بوویه‌ ئالاڤ و چه‌ك و كارنامه‌ بۆ ده‌ستێن بیانیان، له‌و تا نهۆ چو گاڤێن كوردان بنه‌جهـ نه‌ بووینه‌، گشتپرسیا كوردستانێ پێنگاڤه‌كا پیرۆزا ئه‌رێنی و دیرۆكی بوویه‌، د جڤاكێ كوردی دا وه‌كو مافه‌ك و خواسته‌كێ شرعی داخوزا سه‌رخوه‌بوونا خوه‌دكر، لێ وه‌كی دیار دوست و نه‌یارێن كوردان د چه‌په‌رێن كه‌ربوكینا خوه‌دا هاربوون، نه‌رازیبوونا وان ده‌ركه‌ت هۆلێ، مینا گیانه‌وه‌رێن زیانپه‌خش عنڕین لێ به‌شه‌ك ژ كوردان ژی بوونه‌ پالپشت و پشته‌ڤان د چه‌په‌رێ واند دژی هه‌بوونا پرۆسێسا سه‌رخستنا پرۆژێ گشتپرسیا كوردستانێ خوه‌ دانه‌ بالێ وان، ب دیتنا من یا فه‌ره‌ ئه‌ڤرۆ ژ هه‌ر ده‌مه‌كێ دیتر پێدڤیه‌ كورد ئێكده‌نگی و ئێكڕه‌نگیا خوه‌ بپارێزن، خودان ئێك گۆتارا سیاسیبن كا چاوا ب بریارا سه‌رۆك و كارێزمایێ ده‌وله‌تا كوردستانێ گشتپرسی هاته‌ ئه‌نجامدان، هه‌مان هه‌لویست بارزانی ببیت جهێ باوه‌ریا هه‌موو كوردستانیان، ب پشته‌ڤان هاریكاریا جه‌نابێ سه‌رۆكی هه‌مێ كوردستانی دێ گه‌هن ئارمانجێن خوه‌، چونكی ئارمانجا بارزانی پێشڤه‌برنا ڤی جڤاكیه‌ و ڕاكرنا وان سنۆرانه‌ یێن ب سالا گه‌نج و لاوێن كورد خوین بۆ ڕێتی.

website security
WP Facebook Auto Publish Powered By : XYZScripts.com