NO IORG
Authors Posts by شه‌وكه‌ت ئامێدى

شه‌وكه‌ت ئامێدى

شه‌وكه‌ت ئامێدى
15 POSTS 0 COMMENTS

5

 

شه‌وكه‌ت ئامێدی/ سۆید
ده‌مێ مرۆڤ به‌حسێ ده‌نگدانێ و هه‌لبژارتنێ و دیمۆكراتی و ئازادیێ دكه‌ت، واته‌ مرۆڤی چاڤێ ل ڕۆژه‌كا گه‌شتر و خۆشتر و خزمه‌تگوزاریه‌كا هێژا و باش دكه‌ت، ئه‌و خزمه‌تگوزاری و ڕۆژه‌كا ڕۆهن و گه‌ش ژی ل دووڤ زانین و ده‌سهه‌لات و ئیكونۆمیێ وی وه‌ڵاتی یان وێ هه‌رێمێ یه‌. هه‌روه‌سا ئه‌گه‌ر مرۆڤ كاره‌كی ژی نه‌زانیت پێدڤیه‌ یان مرۆڤ به‌رێ خوه‌ بده‌ته‌ كه‌سانێن ژ خوه‌ فه‌هماتر یان پسیار ژ ڕۆهـسپیێن زانا بكه‌ت.
ب رێزان ب بۆچوونا من ده‌سهه‌لات و ملله‌تێ كورد نابیت ب جاره‌كێ نه‌ چاڤ ل كومه‌ڵگایێ ڕۆژهه‌لاتا ناڤی بكه‌ت نه‌ ل جڤاكێ ڕۆژئاڤا بكه‌ت، چونكی هه‌ر جڤاكه‌ك د قووناغ و بارودۆخێن جودا جودا یێ چووی. به‌لێ پێدڤیه‌ ژ هه‌ر دو جڤاك ئه‌و كار و پێژڤه‌چوون و تێگه‌هشتن و سه‌ركه‌فتنێن وان بكه‌ین ب مه‌رچه‌كی چ ئاسته‌نگ ژ بۆ جڤاكێ نه‌ هێنه‌ چێكرن، ئه‌گه‌ر ئه‌م به‌رێ خوه‌ بده‌ینه‌ ده‌وله‌تا سوێدی ئه‌ڤه‌ زه‌رتر ژ ١٠٠ ڕۆژانه‌ ده‌نگدانێن ب دووماهی هاتین و سۆشیال دیمۆكرات ب لاوازی ڤه‌ یا بسه‌ركه‌فتی، لێ نه‌شیاینه‌ ده‌سهه‌لاتێ (حوكمه‌تێ) پێكبینن، ئه‌گه‌ر هنده‌ پارتێن دی هاریكارنه‌بن! نوكه‌ ده‌سهه‌لات پێكئینا ژ پێنج پارت و ئێك ژ پارتان داخوازا پله‌ و پاره‌ و پۆستان نه‌كریه‌ ژ خزمه‌تگوزاریا باش و باشتر ژ بوو زۆرینه‌ی جڤاكێ. چونكی ژ ٢٢ وه‌زیران ١٧ سۆشیال دیمۆكراتن و پێنچ وه‌زیر ژ پارتێن دینه‌. بلا ئه‌م به‌س داخوازا خۆزیان بكه‌ین و ئاخینكان ڕاهێلین، ده‌سهه‌لات، پارتێن كوردی، قه‌هره‌مان، گیانفیدا، هزار كۆمبوون و كۆمبوونه‌ڤه‌، په‌یڤێن دیمۆكراتی و ئازادی و خوزمه‌تگوزاریا ده‌ڤووكی و زێده‌بوونا پارتان. نه‌ تێهنا تێهنیه‌كی د شكێنن نه‌ زكه‌كێ برسی تێر دكه‌ن! قووناغا په‌یڤ و په‌یمانێن ده‌ڤووكی گۆزه‌شت (چوو) كی ده‌سهه‌لاتێ ب ڕێڤه‌ببه‌ت بلا ببه‌ت، هه‌تا نوكه‌ هین ب ساناهی نه‌ له‌ ل سه‌ر پۆستێ سه‌رۆككوماری نه‌ وه‌زیران، نه‌ پارێزگان، نه‌نه‌ نه‌ حه‌تا ل سه‌ر دامه‌زراندنا ڕێڤه‌به‌ره‌كێ خواندنگه‌هه‌كێ نه‌ مامۆستایه‌كێ ئاینی، حه‌تا ئه‌گه‌ر یێ ژێهاتی ژی بیت، هین ب ڕێكنه‌كه‌ڤتینه‌، پێدڤیا جڤاكی یا ب خوزمه‌تگوزاریه‌كا هێژایه‌ و ڕامیایاریه‌كا حه‌كیمانه‌ ل سه‌ر ڕاستێ نه‌ته‌وه‌یی هه‌ی، نه‌ك ل سه‌ر ئاستێ پارت و چه‌ند كه‌سێن خوه‌په‌رست!.

12

شه‌وكه‌ت ئامێدی/سوید
ئه‌ڤه‌ مه‌ ده‌ست ب سالا ٢٠١٩ كر، ب دله‌كێ خه‌مبار و ئێشڤه‌، هێشتا پارتێن باشوورێ كوردستانێ یێ به‌حسێ پله‌ و پاره‌ و پۆست و گازندێن چوویێ و ڕه‌شبینێن داهاتی دكه‌ن، ئه‌ڤه‌ ژ نۆت و چارێ هه‌تا نوكه‌، ژ به‌ر ململانه‌كا نه‌ نشتیمانی و نه‌ نه‌ته‌وه‌یی ئه‌وێ پیچه‌ك بیر لێ بكه‌ته‌ڤه‌ مرۆڤ دزانیت كێشه‌ و دۆزا ملله‌تێ كورد چه‌ندا ب پاشكه‌فتی و ل سه‌ر نه‌بوونا باوه‌ری نه‌ ئێكبوونێ و ململانه‌كا نه‌ قانوونی و نه‌ته‌وه‌یی، ئه‌گه‌ر هوون باوه‌ر ب دیمۆكراتیێ و زۆرینه‌ بكه‌ن، داخوازا پله‌ و پۆستان و لێكڤه‌كرنێ بۆ چ یه‌؟ ئه‌گه‌ر هوون حه‌ز ژ قانوون و داد و دادوه‌ریێ بكه‌ن، گرتنا ئه‌ڤی و ئه‌وێ هه‌نێ، یان ئه‌ڤه‌ شوونا ئه‌وێ هه‌نێ ل هه‌ر ده‌ڤه‌ره‌كێ و كارێ داد و پۆلیس و قانوون واته‌ چ؟ یان كارێ وان چ یه‌؟ ئه‌گه‌ر هوون حه‌ز ژ گوهرین و چاكسازی و شۆره‌شگێریێ بكه‌ن، كا ئاڤ و كاره‌بایێن به‌رده‌وام، كا په‌روه‌ردا پێدڤی كا ده‌زگه‌هێن ساخله‌میا مه‌ دڤێت، كا و كا هه‌تا ئێڤاری كا. كا كیژ پارتیێ گۆتیه‌ مه‌ كۆنفیدرالی دڤێت ئه‌وادی گۆتیه‌نه‌ مه‌ ده‌وله‌ت دڤێت؟ شوونا لێخۆشبوون و ئێكبوون و برایه‌تی ل سه‌ر ئاستێ نه‌ته‌ویی و كوردایه‌تی، هه‌مووان ململانێ یه‌، یێ شاشیان ب شاشیان چاره‌سه‌ر دكه‌ن و ل سه‌ر ده‌زگه‌هێن ڕاگه‌هاندنێ به‌رسڤا ئێك دده‌ن، سێڤ و پرته‌قال و چا و قه‌هوه‌ ل بازاری براندن هندی ل سه‌ر مێزێن كۆمبوون و دانوستاندنێن بێ ئه‌نجام ل گه‌ل ئێك دكه‌ن د خوون و ڤه‌دخوون بێ ئه‌نجام. نزانن ئه‌گه‌ر ژ به‌ر به‌رژه‌وه‌ندیێن ئه‌مریكا نه‌بان د هه‌رێمێ دا، ئه‌گه‌ر عیراق ژی نه‌ شیابا نوكه‌ ژ مێژه‌ توركیا و ئیرانێ وه‌كی عه‌فرینێ ل هه‌رێمێ كربا و دونیا هه‌موو ژی وه‌ك به‌رێ دا یا بێده‌نگ بیت، ژ نه‌بوونا باوه‌ری نه‌ ئێكبوونا پارتێن كوردی. ئه‌رێ ئه‌ڤه‌ شه‌ره‌ یان شۆره‌شه‌؟ چان نینه‌ مرۆڤ باسێ دكتاتوورێ سه‌ددام بكه‌ت، به‌لێ هه‌ر هێچ نه‌بوو ئه‌و كارێن ئه‌وی و ئه‌وێن به‌ری وی هاتینه‌كرن ئه‌گه‌ر هوون نه‌شیابان باشتر لێ بكه‌ن بلا وێرانتر لێ نه‌هاتبانا كرن، هه‌ر ژ ئاڤ و كاره‌با، ڕێ و بانان، ده‌زگه‌هێن ساخله‌میێ، ئه‌و هه‌موو كارخانه‌، و هزار خزمه‌تگوزاریێن دی و گه‌نده‌ل یا نوكه‌ ژی ل سه‌ر هه‌مووان. پسیاره‌ك ژ هه‌موو پارتیان مرۆڤ ل هیڤیا چ بیت؟ ما به‌س نینه‌؟ ئه‌رێ هه‌تا كه‌نگی؟ ئه‌رێ كه‌نگی كێشا هه‌ژاره‌كێ كورده‌ یان برینداره‌كی یان نه‌بوویه‌كی یه‌، كا دێ كی بیته‌ پارێزگار یان ئه‌ندمێ په‌رله‌مانی یان وه‌زیر، ئه‌وان ئه‌مانه‌تیه‌كا به‌رده‌م ل گه‌ل نانێ ڕۆژێ و خوزمه‌تگوزاریه‌كا مامناڤنجی دڤێت. هه‌تا كه‌نگی كابرایه‌كێ وه‌ك پارێزگارێ كه‌ركووكێ ئه‌ڤه‌ چه‌نده‌ وه‌ك پۆلیسه‌كێ ئه‌منا به‌عسیان یێ نه‌شرینیان ل گه‌ل كوردان دكه‌ت و عه‌ربان ڤه‌دگوهێزیته‌ كه‌ركووكێ پارتێن كوردی ژی یێ ل هیڤیا بۆچی و ژ به‌رچی و پاشی و ئه‌گه‌ر و هینگی و بناسێن ڤینه‌ و ئه‌وێ دی و خودێ بكه‌ت یان نه‌، ئه‌ڤه‌ كه‌نگی ڕه‌وشتێ كوردایه‌تیێ و وه‌ڵات پارێزیێ یه‌؟ ڕه‌ڤا سالا نۆتێ و ١٦ ئوكتۆبه‌ر و چه‌ندین براكوژی و مالوێرانی ژ بیرا هه‌وه‌ چووڤه‌؟ دێ بلا جاره‌كێ وه‌ڵاتپارێزی و خزمه‌تگوزاری و به‌رژه‌وه‌ندیێن گشتی به‌ری پۆست و پاره‌ و پله‌یێن هنده‌ كه‌سان بن!

5

شه‌وكه‌ت ئامێدی/سوید
ده‌مێ مرۆڤ به‌رێخوه‌ دده‌ته‌ شه‌ر و شۆڕه‌ش و سه‌رهه‌لدانێن زۆربه‌ی ملله‌تان، دێ بینی به‌رپرس و سه‌ركردێن وان هه‌تا په‌یڤه‌ك ژ ده‌ڤی ده‌ردكه‌ڤیت یان په‌یمانه‌كێ دده‌ن یان هه‌ر كاره‌كی دكه‌ن، ده‌مه‌كێ درێژ و به‌رفره‌هـ ل به‌ر خوه‌ دادنن و بێ سه‌ربوورێن خه‌لكه‌كێ دی یان یێن خوه‌ چو پێنگاڤان ناهاڤێژن و ناكه‌ن، ل دووماهیێ ژی زۆربه‌ی جاران پێژڤه‌چوون و سه‌ركه‌فتن باهرا وانه‌، ئه‌گه‌ر جاره‌كێ ئه‌و ئارمانجا تایبه‌ت ب ده‌ستڤه‌ژی نه‌هات. زۆربه‌ی جڤاكان وان و دۆستێن وان یێن ل گه‌ل و ئه‌و باوه‌ری ب هێزتر لێ دئێت و ب ئومێده‌كا مه‌زنا بێ ترس د به‌رده‌وامن.
جهێ دل ئێشێ یه‌ زۆربه‌ی زۆری پارت و سه‌ركردێن كوردان د هه‌ر چار پارچان دا. نه‌ مفای ژ سه‌ربوورێن خه‌لكه‌كی گرتینه‌ و دگرن نه‌ ژ یێن خوه‌، ل سه‌ر ده‌مێ كۆمارا كوردستان ل موهابادێ به‌ری ئێكبوونا نێزیكترین خێل و عه‌شیره‌تێن ده‌وروپشتێن موهابادێ، پشت ب سۆڤێتێ جاران د به‌ست و بێ هیچ په‌یمانه‌ك، نوكه‌ دێ چینه‌ د ٢٠١٩ێ دا، هه‌می پارتێن كوردی هندێ ل گه‌ل دوژمنێن خوه‌ دۆست هند ل گه‌ل ئێك نه‌ هاوپه‌یمانن نه‌ دۆستن، بازرگانی و لێكڤه‌كرنا پوستان تێ نه‌بیت، هه‌ر وه‌سا ئه‌و پێشوازیا ل كه‌سانه‌كێ بیانى كه‌ن ل هیچ برایێن خوه‌ ناكه‌ن، ئه‌و ژی زۆربه‌یان موجامه‌له‌ و ئینانا چه‌ك و ته‌قه‌مه‌نی یێ ده‌م سه‌رڤه‌چوویه‌.
ئه‌مما به‌حسێ ده‌ركه‌فتنا ئه‌مریكا ل ده‌ڤه‌رێ ئه‌گه‌ر ڕاست بیت. چونكو چارده‌ هزار سه‌بازێن وان یێ ل ئه‌ڤغانستانێ، به‌ری پێنج سالان د گۆت دێ سه‌ربازێن خوه‌ ڤه‌كێشینه‌ ئه‌مریكا، ژنووى نوكه‌ دێ چار هزاران زڤڕینه‌ڤه‌. جاره‌كا دی ئه‌گه‌ر ڕاست بیت، ترامپ یێ یاریان ب ئاگری دكه‌ت، ئه‌گه‌ر ئه‌ڤه‌ هونه‌ره‌ك ژی تێ دابیت، دا چه‌تێن داعشان بزڤڕنه‌ڤه‌ ده‌ڤه‌رێن كورد و عه‌ره‌بان و مایتێكرنا توركیا و ئیرانێ ل عیراق و سووریا و زڤڕینه‌ڤه‌ یا هه‌مان هێزێن ئه‌مریكی نه‌ ژ بۆ ناڤبرنا داعشان، لێ ژ ناڤبرنا حه‌شدا شیعی و لاوازبوونا ئیرانێ و دروسكرنا كیانه‌كێ كوردی دا فشار كێمتر لێ بێهێت ل سه‌ر ئیسرائیلی، ئه‌وژی ئه‌گه‌ر گورد بشێن هه‌ر چو نه‌بیت ئێكاتیه‌كێ ل باشووری یان ڕۆژئاڤا دروست كه‌ن. هه‌ر چه‌نده‌ ئه‌ڤه‌ یا سه‌یره‌. لێ ب بۆچوونا من گه‌له‌كا گرانه‌ هێزێن ئه‌مریكا ژ ئه‌ڤغانستان و عیراق و سووریێ نه‌به‌س ده‌ركه‌ڤن ئه‌گه‌ر زێده‌نه‌بن كێم ژی نابن، ل به‌ر ڤان هوون خارێ، نێزیكبوونا ئه‌ردوغانی ل گه‌ل برایێن بوسلمانان ل سعوودیێ و مسر و عیراقێ، دو مایتێكرنا ئیرانێ ل گه‌ل عیراق و سووریا دژی هه‌ڤپه‌یمانا ئه‌مریكی (ئسرائیلی) سێ هێزبوونا ده‌سهه‌لاتا ڕۆسی ل ڕۆژهه‌لاتا ناڤین گه‌ژبوونا ئیكونوومی یا رۆسی، ب تایبه‌ت ل ئیران و توركیا عیراق و سووریا دوورنینه‌ ل ئه‌ڤغانستانێ ژی بیت. چار دابه‌زینا ئاستێ بازرگانی، پێنج دل ئێشانا چه‌ند هه‌ڤپه‌یمانێن وێ وه‌ك كورد و عه‌ره‌بێن سوننه‌ و گه‌له‌كێنن دی هه‌ر وه‌سا كێم باوه‌ریا جڤاكێ نیڤده‌وله‌تی و دۆستێن وێ ب ده‌سهه‌لاتا نوكه‌ یا ئه‌مریكى.
ل ڤێره‌ پسیاره‌ دروست دبیت، گه‌لۆ مه‌ كوردان بیر ڤێ ئێكی كریه‌ڤه‌ ئه‌گه‌ر كاره‌كێ هۆ روو بده‌ت مه‌ چاره‌سه‌ره‌كا دی هه‌بیت و نه‌ هنده‌ كورد مه‌ ب ئاخ و گه‌لڤه‌ ب ئه‌رزانی بفرۆشنه‌ ڤه‌ دوژمنانن؟

8

شه‌وكه‌ت ئامێدی/سوید
ده‌مێ مرۆڤ بیر ل دیرۆك و زۆربه‌ی شۆره‌ش و سه‌ركرده‌ و پارتێن دونیایێ دگریت و دخوینیت و دبینیت. زۆربه‌ی پارت و لایه‌نێن كوردی ژ چه‌پان ڤه‌ هه‌تا ڕاستانڤه‌، ژ بێ باوه‌ران هه‌تا زۆربه‌ی پارتێن ئولی ب ناڤێ رامیاری.
دێ بێژی ئه‌وان ژ بازار و بازرگانیێ و ده‌سهه‌لاته‌كا نه‌ ڕه‌وا زه‌رتر نه‌ دیتیه‌ و نه‌ خواندی یه‌. د زۆربه‌ی شۆره‌ش و ململانا ڕامیاری. ژ ڕه‌گه‌زپه‌رستا هه‌تا ئوولداران. ده‌مێ كێشه‌كا نشتیمانی یان نه‌ته‌وه‌یی دئێته‌ ڕۆژه‌ڤێ. هه‌می بۆچوون و كێشه‌ و به‌رژه‌وه‌ندیێن تایبه‌ت ل لایه‌كی داتنن و كێشه‌ و گرفتێن نشتیمانی و نه‌ته‌وه‌یی تێخنه‌ به‌رچاڤ و دبیته‌ باكیته‌كا نشتیمانی و ب به‌رپسیاریڤه‌ پارستنێ لێ دكه‌ن. ئه‌مما پارتێن كوردی ل هه‌ر چار پارچان. هه‌تا دوژمن و نه‌یارێن وان ب هێزتر لێ دئێن ل به‌ر چاڤێن وان ئه‌و زرتر، وه‌ك نوكا ل به‌ری دای ژێكدوور دكه‌ڤن و پارچه‌پارچه‌ دبن. هه‌ر وه‌سا هه‌تا دوژمن و نه‌یارێن كوردان لاوازتر لێ دئێن. كورد وه‌ك گورگان هێزا خوه‌ نزانن و خوه‌ ل ناڤ ده‌ستێن نه‌یاران لاوازتر دبینن. بلا كه‌س ژی كوردینیێ ل سه‌ر سه‌رێ مرۆڤێن بێ گونه‌هـ نه‌ فرۆشیت. ئه‌ڤه‌ژی به‌لگه‌ و مینایێن به‌رده‌ست و به‌رچاڤن. ئه‌گه‌ر ملله‌ته‌كی پیرۆزیێن خوه‌ ژ ده‌ستدان ئێدی شه‌رم و بێده‌نگی هه‌تا كه‌نگی؟
پشتی ژ ده‌ستدانا زۆربه‌ی دو هزار عه‌گیدان و ب ده‌هان هزاران كێم ئه‌ندامێن چه‌په‌ران، مه‌ زه‌رتر ژ ٥١٪ ژ سه‌دێ ئاخا پیرۆزا كوردستانێ ژ ده‌ستدا. ل به‌ر چاڤێن مه‌ ل سه‌ر توخیبێن مه‌ دا هاتن. ل به‌ر چاڤێن مه‌ ب پوستالێن ڕه‌شڤه‌ چوونه‌ سه‌ر ئاڵایێ پیرۆزێ كوردستانێ. په‌یكه‌ر شكاندن، گۆرستان ب تۆپ و ته‌یاران كێلان. كچێن مه‌ ب ڕووتی هێلانه‌ به‌ر چاڤان ل كوولانان. ب سه‌دان هزاران كورد كۆچبه‌ركرن و عه‌ره‌ب ئینانه‌ سه‌ر مال و ملكێن وان. هه‌ر وه‌سا ب هزاران خه‌م و ئازار و دل ئێشێێن دی، ل شوونا ئێكبوونه‌كا نه‌ته‌ویی و نشتیمانی. تازه‌ هه‌ر پارته‌ك وه‌ك نێچیرڤانه‌كێ نه‌زان، یێ پله‌ و پاره‌ و ده‌سهه‌لات و پۆستان ب ده‌ستڤه‌دئینیت و نزانن ئه‌گه‌ر ئاڤ ڕابوو دێ جارا ئێكێ دار و قورمێن مه‌زن ل گه‌ل خوه‌ ڕامالیت. پسیاره‌كا دی یا به‌رچاڤ. د به‌رێ دا خه‌لكه‌كی دیرۆكا مه‌ دنڤیسی. لێ نوكه‌ پێنڤیس و تێنڤیس و ڕوودان یێ د ده‌ستێ مه‌ ب خوه‌ دا. ما هنده‌ك ژ دیرۆكا خوه‌ نا ترسن؟ یان پله‌ و پاره‌ و ده‌سهه‌لات گرنگترن؟

19

هه‌روه‌كی زۆر جاران مه‌ ئاماژه‌ پێكری، د زۆربه‌ی شه‌ر و پێكداداناندا هنده‌ ئامانچێن ئیكونۆمی و ڕامیاری و سه‌پاندنا ده‌سهه‌لاته‌كێ، ڕاسته‌خوه‌ یان نه‌ ڕاسته‌خوه‌ یا د ناڤ بابه‌تێن شه‌ران دا هه‌ی.
یا ڕۆهن و ئاشكه‌را بوو، ده‌مێ ئه‌ردوغانی ڕاسته‌خوه‌ و نه‌ ڕاسته‌خوه‌ پشكداری د شه‌رێ ده‌ڕعا و ڕه‌قه‌دا كری. مه‌به‌ستا وی ڕێزگاركرنا وان باژاران نه‌ بوو، مه‌به‌ستا وی یا سه‌ره‌كی هنده‌ گرۆپێن توندڕه‌و ل گه‌ل چه‌تێن ئیسلامی یێن كورد ب ده‌ستڤه‌بینیت ژ بۆ شه‌ڕێ عه‌فرینێ و منبجێ دا په‌یه‌ده‌ و هه‌ڤپه‌یمانێن وێ ژ ئه‌وان جهان دوور بێخن و ڕێ یا ده‌ریای (ئاڤی) ل كوردان قوت بكه‌ت! د هه‌مان ده‌مدا تومۆگرافیا عه‌فرینێ وه‌كی نوكه‌ عه‌ره‌ب و توركومان ل كه‌ركووكێ دگوهۆرن. ئه‌و ژی ب ئینانا كۆچبه‌رێن عه‌ره‌ب و تورك ژ بۆ عه‌فرینا داگیركری و ده‌وروبه‌رێن وێ.
لێ پشتی ڕۆسیا و توركیا و ئه‌مریكا هه‌می جۆرێن تیرۆریستان ل ئه‌دلبێ خركرین. نوكه‌ ئه‌ردوغان دخوازیت ب ڕێ یا ئه‌ڤی شه‌رێ مایی، هه‌می ئه‌وان خوینڕێژان ب دزی ڤه‌ د ناڤ كۆچبه‌ران ڕا بینیته‌ توركی یا دا. پاشی ل دووڤ پێدڤی ببه‌ته‌ شه‌ڕێ په‌كه‌كه‌ و ل قه‌ندیلی ب جهـ بكه‌ت ژ بۆ پاشه‌رۆژێ. ژ لایه‌كێ دی ڤه‌ ئه‌و دخوازیت ڕۆژهه‌لاتێ فوراتی ژی وه‌كی عه‌فرینێ لێ بكه‌ت، ل هه‌مان ده‌مدا دبێژیت ئه‌م ناخوازین چ هێرشێن سوپایی بێهنه‌كرن ژ بۆ سه‌ر ئدلبێ. ئه‌وژی چاواشه‌كرن و به‌ر به‌رزه‌كرنا ئه‌ڤی كارێ ڕه‌شه‌ ل به‌ر چاڤان. ل ڤێره‌ كا دێ هه‌لویستا په‌یه‌ده‌، پارتێن باشووری، ده‌سهه‌لاتا عیراقێ چ بیت؟ ژ بیرنه‌كه‌ن پیچه‌ك ب دلێ ئیرانێ ژی نینه‌، به‌لێ نوكه‌ شه‌په‌رێن وێ دشكه‌ستینه‌.
ده‌مێ ئه‌م نوكه‌ باسێ ئه‌ڤان گرۆپێن تیرۆریست و پێكه‌كه‌ و قه‌ندیلی دكه‌ین. ژ بیر نه‌كه‌ ئه‌ڤه‌ گورزی هه‌رێ مه‌زن و گرانه‌ دژی كوردێن باشوور. ئه‌گه‌ر هه‌ر ژ نوكه‌ كاره‌كێ گونجای ژ بۆ نه‌هێته‌ كرن.
شه‌وكه‌ت ئامێدی

29

شه‌وكه‌ت ئامێدی

زۆربه‌ی زۆری جڤاك و ملله‌تێن جیهانێ، ئه‌و ملله‌تێن كه‌ڤنه‌ د ناڤ شه‌ر و پێكدادانان دا، خۆپاراستن و به‌رگری دبیته‌ پشكا وان یا هه‌را مه‌زن، ڕاسته‌ هه‌یبه‌ت و خۆڕاگری به‌هرا هه‌را مه‌زنه‌ د هه‌ر سه‌ركه‌فتنه‌كێ دا. لێ ل سه‌رده‌مێ نوكه‌ ژ ده‌ریا و بیابانان دا یێ گولله‌ و گورزێن مه‌زن ل شكه‌فت و گه‌لیان دده‌ن و ئه‌گه‌ر لێ ته‌نگ ژی ببیت ده‌ستێ خوه‌ یێ ڕه‌ش، بێ چو گومانه‌كێ درێژدكه‌ن لێزه‌ر و كیمیاوی و هنده‌ جاران جه‌رسۆمی ژی دێ بكارئینن، ل سه‌ر ڤان هه‌می نه‌هامه‌تیاران. ئه‌م وه‌ك گوله‌كێ د هه‌مان ده‌م دا ڕۆناهیه‌كێ دبینن و چاڤێ زۆربه‌ی په‌رپرس و خوانده‌ڤان و ڕه‌وشه‌نبیرێن مه‌ یێ ل وێ پیچا ڕۆناهیێ و دێ بیر لێ كه‌نه‌ڤه‌، كا دێ چاوا ئه‌وێ ڕۆناهیێ پارێزن و به‌رفره‌هتر لێ كه‌ن. ئه‌و ڕۆناهی ژی په‌روه‌ردا ساخله‌مه‌، شه‌ڕ چێ به‌رگری بیت چ سه‌پاندن بیت. دێ هه‌ر دووماهیه‌ك ژ بۆ هێت و قوربانێن وی ژی وه‌ك برینه‌كا به‌رده‌وام ژ به‌رچاڤان به‌رزه‌نابیت. چ قوربانیێن گیانی، سۆتن، وێرانكرن، كۆچبه‌ری، ئیكۆنوومی، جڤاكی.. هتد. لێ چ قورنانی نا گه‌هنه‌ قوربانیێن په‌روه‌رده‌یی، قوربانیین په‌روه‌رده‌یێ دبیته‌ ئه‌گه‌را شه‌له‌ل و لاوازی و پاژڤه‌چوونا جڤاكێ ب هه‌می چینوته‌خان ڤه‌، چونكو ژ ناڤچوون یان وێرانكرنا باژاره‌كی. دێ ب ده‌مه‌كێ دیار، ئه‌گه‌ر جانتر نه‌، دێ وه‌كی وی هێته‌ ئاڤه‌دانكرن. لێ لاوازی و بنپێكرنا بنه‌مایێن په‌روه‌ردا هه‌ر جڤاكه‌كێ. دێ بیته‌ ئه‌گه‌را لاوازی و ژ بنچوونا نفشه‌كی (جیله‌كی) كامل. ئه‌گه‌ر پشتی سه‌رهه‌لدانا پیرۆز ب چه‌ند ساله‌كان، ده‌سهه‌لاتێ ده‌ست ب په‌روه‌رده‌كا پێدڤی كربا، دا نوكه‌ مه‌ جڤاكه‌كێ ساخله‌ما ب كێمترین، كێموكاسی هه‌با، دا ملله‌ت شێت د ناڤبه‌را ڕه‌ش و سپی دا هنده‌ ڕه‌نگێن دی بینیت، ئه‌ڤه‌بوو ئێك ژ ئه‌گه‌رێن براكوژیێ (نه‌قه‌بوه‌ولكرنا ئێكودو) نوكه‌ مه‌ كاره‌بایه‌كا به‌رده‌وام، ئاڤه‌كا پاقژ، خواندنگه‌هێن پێدڤی، خه‌سته‌خانێن باش. دا ملله‌ت گه‌هیته‌ ئاسته‌كێ وه‌سا یێ بلندێ ب خۆباوه‌ر، شوونا شووست و پارك و جادان پاقژكه‌ین! دا پاقژ ڕاگرین. شوونا زیندانا مازنكه‌ین و پۆلیس و ئاسایشا زێده‌كه‌ین، دا ب چاڤدێریا جڤاكێ هه‌ر تشته‌ك هێته‌ پارستن، نوكه‌ شوونا مه‌ زۆربه‌ی خوارن و پێدڤیا ژ ده‌رڤه‌ئینابان، دا زۆربه‌ی به‌رهه‌م و متایێ زێده‌ ڕه‌وانه‌ی ده‌رڤه‌ی هه‌رێمێ كه‌ین.. لێ موخابن ئه‌مێ ل سه‌ر بیرێن گازێ و ئه‌مێ ل هاڤینان ژ گه‌رماندا دمرین و زڤستانان ژ سه‌رمادا د قه‌رسین. ئه‌مێ ل سه‌ر كانیێن ئاڤا چیا و ئاڤا بتلان ڤه‌دخوین. زێده‌باری به‌نداڤ و هه‌تاڤ و گه‌لیان، ئه‌مێ ل تاریێ دژین. ده‌مێ سه‌رێ به‌رپرسه‌كی تێشیت. نه‌خۆشخانێن ده‌رڤه‌ی وه‌ڵاتی یێ ل هیڤیا وان. زارۆیێن زۆربه‌ی به‌رپرسان یێ ل زانكۆیێن به‌ریتانی و ئه‌مریكی و ئسكه‌ندناڤی. ئه‌ڤه‌ ژی ژ كێم باوه‌ریا وان ژ به‌رهه‌م و ده‌رهینانێن ملله‌تی یه‌. ده‌ستنیشانه‌كا بێ گومان. چ ملله‌تان ل دێ ژمارا هه‌رێمێ پێتر خواندنگه‌هـ، په‌یمانگه‌هـ، كۆلیچ و زانكۆ د ناڤدا نینن، ل دی ژمارا ئه‌وان هه‌می په‌یمانگا و كۆلیچ و زانكۆیان. هه‌رێمێ ژماره‌كا پێ واته‌ ژ خه‌بیر و ماسته‌ر، عه‌مید، دكتۆر و پرفیسۆر و بسفۆران یێن هه‌ین و ئاستێ زانستی و به‌رهه‌مێ زۆر به‌ی ژ وان یێ ل چۆكان!. خالا ژ هه‌میان ب خه‌م و دل ئێشتر ئه‌ڤه‌یه‌: چ هه‌ژار چ هه‌یی، چ موسته‌فید، چ زه‌ره‌رمه‌ند80% د نه‌ڕازی و ده‌ڤگازنده‌ و بێ ئومێد و كێم سه‌قامگیر بێ چاره‌سه‌رن. ئه‌ڤه‌ هه‌می دبنه‌ كێم باوه‌ریا جڤاكی ب ده‌سهه‌تێ و تاخێن جڤاكێ ل ناڤ ئێكدا و وه‌ك گۆمه‌كا ئاڤێ ئه‌و ماسیێن تێدا یێ ئێكودو دخۆن بێ هیچ هه‌سته‌ك. له‌وما مه‌ پێدڤی په‌روه‌رده‌كا پێدڤیه‌ ژ بوو دروستكرنا زۆربه‌ی مرۆڤێن ڕۆژهه‌لاتی چ كچ و چ كوڕ. پێدڤیه‌ ئه‌م وێ كه‌سایه‌تیێ د ناڤ خوه‌دا ئاڤاكه‌ین ده‌مێ زارۆكێ مه‌ ژ دو سالی دكه‌ڤیت ئه‌و ب خوه‌ ڕاببی ته‌ سه‌ر پیان، ژ چار سالی جلوبه‌رگان بكه‌ته‌ به‌ر خوه‌ و بێخیت، ژ چارسالی هه‌تا ئه‌و د مالدا بیت ب هه‌می ڕییان ڤه‌ هاریكارێ مالێ بیت و ب تایبه‌ت هاریكاریا دایكێ. دا خوه‌ ئێك ژ ئه‌ندامێن مالێ بزانیت و سوباهی چ كچ چ كور دا وه‌ك پێدڤی هاریكاربن ل گه‌ل ئێك د ژیانا هه‌وسه‌رگیری دا. ژ دوازده‌سالی پێدڤیه‌ زۆربه‌ی جهێن كاران بزانیت، ل پازده‌سالی بۆ ده‌مه‌كێ تایبه‌ت، ئه‌گه‌ر جهـ هه‌بیت ئه‌و ل كارخانه‌كێ، ئۆفیسه‌كێ، خوارنگه‌هه‌كێ كاره‌كێ سڤك بكه‌ت. دا ل پاشه‌ڕۆژێ بشێت كاره‌كێ گونجای یێ ب دلێ خوه‌ هه‌لبژێریت، باشه‌ زۆربه‌ی خه‌لكێ مه‌ ئه‌كادمی بیت، لێ هه‌میان ئه‌و شیان نینن، له‌وما پێدڤیه‌ به‌ری قووناغا ئاماده‌یی فێرخوازان ل بێژینكێ بكه‌ن و هه‌ر ته‌خه‌كێ ل دی شیانێن وان ڕێ یه‌كا گونجاو نیشان بده‌ن. د ئه‌ڤان هه‌می قووناغان دا ژی. ب هووری فێری حه‌ژێكرنا خوه‌ و سروشتی و به‌رانبه‌ری خوه‌ و نشتیمان و ملله‌تی نێشان بده‌ن. ل ڤێره‌ دێ شێین پشت ب مرۆڤێ خوه‌ ببه‌ستین د گه‌له‌ك واران دا. به‌روڤاژی ڤێ ئێكێ: دێ زارۆ بیته‌ هه‌ژده‌ سال پێدڤیه‌ دایك نانێ دانیته‌ به‌رسینگى، ئامانێن وی یان وێ هه‌لگریت و بشووت، مینه‌كا دی مرۆڤ پسیاره‌كێ ژ زۆربه‌ی كه‌سان دكه‌ت. شوونا به‌رسڤه‌كا جان بده‌ت یان دان ب شاشیێ بینیت، یان ل چاره‌سه‌رێ بگه‌ریت، یان دارخوازا لێخۆشبوونێ بكه‌ت: ئێك سه‌ر دێ ب گومان كه‌ڤیت و به‌رگریێ ل خوه‌ كه‌ت و حاشا ل ڕاستیا كه‌ت و هه‌می هه‌ست و ئه‌ڤین و كار و خۆشه‌وستیان. دێ كه‌نه‌ دل ئێشی و ڕه‌ق و نه‌حه‌زی و چنه‌د چه‌په‌ریدا. له‌وما دێ بینین زۆربه‌ی وێرانكرنا مالباتان (ته‌لاق) هیچ ئه‌گه‌رێن بنه‌ڕه‌تی نینن و پاشه‌مانی د دووڤ دا دئێت. هه‌ر بابه‌ته‌ك ژ ڤان ژی پێدڤی ب ده‌مژمێرانه‌ دا كو مرۆڤ بكاریت ب ڕۆهنێ و به‌رفره‌هی شلۆڤه‌ بكه‌ت. ئه‌ڤ هه‌می كێشه‌ و ئاریشه‌ ژ سالا 2004 هه‌تا 2016 ب چه‌ندین جاران ب نڤیسین یێن ئارێسته‌ی وه‌زاره‌تا په‌روه‌ردێ هاتینه‌ كرن، لێ مخابن ل سه‌رده‌مێ مامۆستا (عه‌بدول عه‌زیز ته‌یب) تێ نه‌بیت. ب دیتنا من چو به‌رپرسێن پێدڤی نه‌ بینه‌ وه‌زیرێن په‌روه‌ردێ. هه‌روه‌سا زۆربه‌ى پێشنیاز یان ئاگه‌داریه‌ك د گه‌هیتێ ئه‌گه‌ر چاڤدێریه‌كا ڕامیاری ل دووڤ نه‌بیت. بێگومان دێ بێ به‌رسڤ مینیت و وه‌ك به‌ره‌كی تاڤێ نه‌ بیره‌كا بێ بن دا. هه‌رچه‌نده‌ مه‌ ده‌م و ده‌رفه‌ت و ده‌سكه‌فتێن مه‌زن و به‌ركه‌فتی و زێرین یێ ژ ده‌ستداین. به‌لێ نوكه‌ ژی ئه‌گه‌ر هنده‌ به‌رپرس ل خوه‌ بزڤڕنه‌ڤه‌ و ئه‌و ته‌ڤنه‌ ڕێ یا مه‌ هه‌ی. ل موخله‌كا هوور بكه‌ن و هه‌ر پارچه‌كێ ل دو ئاست و كولتوور و شیانێن هه‌رێمێ ب ده‌سسبێخن و ته‌ڤنه‌ ڕێ یه‌كا نوو ژ بو په‌روه‌ردا هه‌رێمێ دارێژن. بێگومان دێ د ده‌مه‌كێ كورت شێین زۆربه‌ی كێم و كورێن خوه‌ ڕاستكه‌ینه‌ ڤه‌. چنكی ئه‌و جڤاكێن گه‌هشتینێ خه‌لكێ وان چ چاڤ و ده‌ست و مێشكێن زێده‌ نینن. ئه‌وژی مرۆڤن وه‌ك مه‌!. به‌ری دووماهیێ ب ڤێ بابه‌تێ بینین ب بۆچوونا من، زۆربه‌ی جاران مه‌ كوردان شوونا شۆره‌شان. مه‌ هه‌ر شه‌ڕێن كرین. چونكی جوداهیه‌كا مه‌زن یا هه‌ی، د ناڤبه‌را شه‌ڕ و شۆره‌شان دا. به‌رهه‌مێ هه‌می شه‌ڕان ژی پاژڤه‌چوونا جڤاكانه‌. ئه‌و ژی بابه‌ته‌كا دوور و درێژه‌. ئه‌گه‌ر ده‌رفه‌ت هه‌بیت. دێ شێین ب ده‌مه‌كێ درێژ ل سه‌ر په‌یڤین.

24

شه‌وكه‌ت ئامێدى
به‌رێزان یا ڕۆهن و ئاشكه‌رایه‌، ل زۆربه‌ی جڤاك و وه‌ڵاتێن جیهانێ، گوند و ده‌شت و چیا و سه‌ر چاڤێن ئاڤێ و گه‌شت و گوزار، موریكا پشتێ یا ئیكونوومی، ساخله‌می، دروستبوونا هه‌لێن كاری و به‌له‌نسێ ژیانێ د نابه‌را هه‌می باژاران و گوندان دا. ل ڤێره‌ باژار دێ وه‌كی ئاشی و پاسه‌وانان لێ هێن. ئه‌وێن ل و گوندان دژین، جۆتیار و به‌رهه‌مدارێن ملك و سه‌رچاڤێن ژیانێ، ئه‌مما باژار. ب ڕێ یا پێشه‌سازی و بازرگانی ڤه‌. دان و وه‌رگرتنا وان هه‌ردوكان ب پێكڤه‌، دێ بیته‌ ئه‌گه‌را ڕاگرتنا به‌له‌نسه‌كا زۆربه‌ی ته‌خێن ژیانێ و ئیكونۆمیه‌كێ ب هێز و ساخله‌م. هه‌ر وه‌سا ئه‌ به‌له‌نسه‌ ل دێ گرانیا خوه‌. دێ جهێ خوه‌ گریت ل گه‌ل هه‌ڤسۆیێن (جیرانێن) نێزیك و جڤاكێن دی.
لێ ئه‌گه‌ر ئه‌م به‌رێ خوه‌ بده‌ینه‌ هه‌رێما كوردستانێ، نه‌ ل مینا ئاشی یه‌ نه‌ یا ئاشه‌ڤانێ و پاسه‌وانی و سه‌خبێری ژی یا ل ئاستێ لاوازیێ. ئه‌ڤه‌ چه‌ند ساله‌ هه‌ر ژ قه‌ندیلی هه‌تا زاخۆ. پێكه‌كه‌ ده‌ستێ دانایه‌ سه‌ر و ب خه‌یالا خوه‌ دێ خه‌باتا خوه‌ ژ باشووری ده‌سپبێكه‌ن، هه‌ر وه‌سا خه‌لكی ب سه‌دان گوندان نه‌شێن بچنه‌ ناڤ ڕه‌ز و پاوانێن خوه‌. دا بیچه‌ك بارێ باژاران ژی سڤكتر لێ بهێت، ژ لایێ ڕۆژئاڤایێ باشوورێ هه‌رێمێ ڤه‌، هه‌ر ژ زاخو هه‌تا خانقینێ یا ئێخستی یه‌ بن( خالا١٤٠ێ.) ده‌سهه‌لاتا هه‌رێمێ ژی ب زۆربه‌ی پارت و كاپینێن ده‌سهه‌لاتێ ڤه‌. ژ لایێ په‌روه‌ردێ، پیشه‌سازی، چاندنێ،گه‌شت و گوزاریێ د ئاسته‌كێ هه‌رێ لاواز و نزمی دا بوو. چاڤێ وان مال ده‌رمالێ به‌غدا و هاریكاریێن ناڤ ده‌وله‌تی و مووجان. ل دوماهیێ وه‌ك په‌ڕنده‌كێ بێ شه‌په‌ر لێ هاتن. ب كورتی په‌ڕنده‌كێ بێ شه‌به‌ڕ. هه‌ر دێ ستایێ وی یان وێ ل سه‌ر ملی بیت و دێ چاڤێ وان ل هه‌ر كه‌سه‌كی بیت. خێره‌كێ ل گه‌ل بكه‌ت. ئه‌و كه‌س ژی چ دوست بیت چ دوژمن. هه‌تا دوماهیێ كه‌س ب خێران نه‌ دژیت و نه‌ ژیایه‌. هه‌ر وه‌سا ئه‌و خێرا نوكه‌ دوژمن ل گه‌ل مرۆڤی دكه‌ت ژه‌هرا سوباهیه‌. ئه‌گه‌ر خودێ حه‌زبكه‌ت دێ دده‌قه‌كا دی دا چاره‌سه‌رێ ئێخینه‌ به‌ر چاڤ ب ناڤێ په‌روه‌رده‌ و شه‌ر،،،

34

شه‌وكه‌ت ئامێدى
ده‌مێ مرۆڤ به‌رێ خوه‌ دده‌ته‌ ژیانێ، ژیێ مرۆڤی هندێ درێژ و ب ده‌ستێ مرۆڤی نینه‌، هه‌می سه‌رهات و سه‌ربۆرێن خه‌لك و ملله‌تان ب سه‌رێ مرۆڤی بهێن. پاشی مرۆڤ په‌ند و زانین و سه‌ركه‌فتنا یان لاوازی و شكه‌ستنا ڕا بخه‌ندقیت.
دئێته‌ گۆتن ل سه‌رده‌مێ میرێن به‌درخانیان، ئێك ژ وان میران بڕیار دا شه‌ڕێ ده‌سهه‌لاتا توركی بكه‌ت. لێ مخابن ده‌مێ ئه‌وی قاسدێن خوه‌ ژ بۆ سه‌رۆك هێز و عه‌شیره‌تان هنارتین، دا هاریكاریا وی بكه‌ن دژی توركان، هنده‌ك ژ خێل و هۆز و عه‌شیره‌تێن ده‌وروبه‌رێن وانێ، گۆتێ د ڤی ده‌می دا ئه‌م نكارین یان نا خوازین هاریكاربین. ئه‌وی سووند ب ته‌لاقێ خار، ئه‌ز هه‌تا هه‌ردو پێن خوه‌ نه‌كه‌مه‌ت گۆما وانێ دا ئه‌ز شه‌ڕێ ل گه‌ل توركان نه‌كه‌م، میر كه‌فته‌ شه‌ره‌كێ بێ واته‌ (مه‌عنا) دژی هووز و عه‌شیره‌تێن وانێ، ئه‌وان هه‌می هۆز و عه‌شیره‌تان ژی به‌رخودانه‌كا باش كر دژی میری، شه‌ڕ چه‌ند مه‌هان كێشا، هنده‌ رویهسپی و مامۆستایێن ئوولی چوونه‌ نك میری و گۆتیێ، ئه‌رێ میر! ته‌ دگۆت ئه‌ز دێ ل گه‌ل توركان جه‌نگم، نوكه‌ تۆ یێ برایێن خوه‌ یێ كورد دكۆژی؟ میر ما و به‌رسڤا وان دا و گۆت، من ب ته‌لاقا یێ سووند خاری، هه‌تا ئه‌ز هه‌ردو پێن خوه‌ نه‌كه‌مه‌ت ئاڤا گۆما وانێ دا، ئه‌ز چو شه‌ڕان ل گه‌ل توركان ناكه‌م، مامۆستایان گۆتێ باشه‌ به‌لێ ته‌ برایێن خوه‌ یێن كورد خلاسكرن، ئه‌وی گۆت هۆسایه‌، مامۆستایان گۆتێ تۆ شه‌ڕی ڕاوه‌ستینه‌، ئه‌م دێ چاره‌سه‌ره‌كێ ژ بۆ ته‌ ببینین، مامۆستایان مه‌شكه‌ك (كه‌ڤلێ په‌زه‌كی یێ نه‌ دڕیای)، فڕێكره‌ سه‌ر گۆما وانێ بڕی ئاڤكر و ئینا، ڤالاكره‌ ئامانه‌كێ به‌رفره‌هـ. پاشی گۆته‌ مێری دێ وه‌ره‌ هه‌ردو پێن خوه‌ بێخه‌ت د ناڤ ڤێ ئاڤێدا و هه‌ره‌ شه‌ڕێ توركان و چو ته‌لاقێن ته‌ ناكه‌ڤن. میر قائیل بوو، لێ پشتی كورد ب ده‌ستێن برایێن خوه‌ یێن كورد ڤه‌براندین.
جهێ دلئێشێ یه‌ نه‌ په‌كه‌كه‌. نه‌ زۆربه‌ی خه‌بات و شه‌ڕ و پێكدادانێن كوردان دژی دوژمنان، یێ هه‌مان شاشیان دوباره‌دكه‌ن و بێ هێچ ئه‌گه‌ر و پیركرنه‌كا نشتیمانی و نه‌ته‌وه‌یی، ئه‌گه‌ر به‌رێ خوه‌ بده‌ینه‌ په‌كه‌كێ، ل ده‌سپێكێ ئه‌و چوونه‌ لبنانێ و فه‌لستینێ و هاری فه‌لستینیان دژی ئسرائیلیان، ل ڤێره‌ هاریكاریا فه‌لستینیان ل دژی ئسرائیلیان، چ مفایه‌ ژ بۆ خه‌باتا باكوور یان هه‌ر پارچه‌كێ، پاشی هاتنه‌ سووریا دژی كوردێن ڕۆژئاڤا و باشووری و عه‌بدوڵا ئوجه‌لان كره‌ قوربانی، ب ده‌ستێن ده‌سكیسیا ئه‌مریكی و ئسرائیلی و توركی.
ئه‌ڤه‌ زێده‌تر ژ سهـ سالانه‌ كه‌فتینه‌ باشووری و ب ئاشكه‌را یێ دژی زۆربه‌ی پارتێن كوردێ باشوور ڕادبن، هه‌روه‌سا ب ئاشكه‌را دپه‌یڤن. ئه‌م دێ خه‌باتێ ژ باشوور ده‌سپێكه‌ین. هه‌ر وه‌كی جاره‌كێ كۆمارا زاب دامه‌زراندی و ده‌ست ب شه‌رێ براكوژیێ كری. ده‌ستێ وان دخۆش بن ده‌مێ ئه‌وان هاریكاریا پێشمه‌رگه‌ی كری، دژی چه‌تێن داعشان، لێ ژ بیر ژی نه‌كه‌ن ئه‌وان زه‌رتر ژ ده‌هـ گوندێ برایێن ئێزدی ل ده‌وروبه‌رێ شه‌نگارێ ڕاده‌ستی حه‌شدا نه‌شه‌عبی كرن. هه‌روه‌سا مانا وان ل شنگار و مه‌خمۆر و كه‌ركووك و قه‌ندیلان، دێ بیته‌ مه‌ترسیه‌كا مه‌زن ل سه‌ر باشووری و دوور یان نێزیكی دێ جه‌میل بایك و قه‌ریلان كه‌نه‌ مینا برێز ئوجه‌لانی لێهێت. ل ڤێره‌ پسیاره‌ك دروست دبیت! هه‌ر ل سه‌ر زێری، به‌رواریباڵان، سێ چوكلكا توخیبی، گوندێن سیده‌كان هه‌تا نێزیكی قه‌ندیلی. ئه‌و هه‌می پاسدار ژی یێن خالێن چیایی دا ده‌رباز دبن ل به‌ر چاڤێن په‌كه‌كێ. هه‌ر وه‌سا زۆربه‌ی خالێن وان ل سه‌ر سنووران وه‌ك چاڤێ ڕۆژێ دیارن، باشه‌ بۆچی چ ده‌نگ ژ برێزان ناهێت؟ باشه‌ ئه‌و هه‌می هێز و ته‌قه‌مه‌نی ما بۆ كه‌نگینه‌؟ مخابن جهێ دلئێشێ یه‌، چنكی چ با و چ باران ژ ژی یێ به‌فرێ كێم دكه‌ن. ئه‌وژی كوردن و برایێن مه‌نه‌ و مالا وانه‌. لێ پێدڤیه‌ خه‌باتا هه‌ر پارچه‌كی ل دی خوازت و كه‌ش و هه‌وایێن نه‌ته‌وه‌یی و نشتیمانی بن. بێ كو هیچ زیانه‌ك ب لایانه‌كێ دی بكه‌ڤیت.

30

شه‌وكه‌ت ئامێدى

ده‌مێ مرۆڤ به‌رێ خوه‌ دده‌ته‌ ژیانێ، ژیێ مرۆڤی هندێ درێژ و ب ده‌ستێ مرۆڤی نینه‌، هه‌می سه‌رهات و سه‌ربۆرێن خه‌لك و ملله‌تان ب سه‌رێ مرۆڤی بهێن. پاشی مرۆڤ په‌ند و زانین و سه‌ركه‌فتنا یان لاوازی و شكه‌ستنا ڕا بخه‌ندقیت.
دئێته‌ گۆتن ل سه‌رده‌مێ میرێن به‌درخانیان، ئێك ژ وان میران بڕیار دا شه‌ڕێ ده‌سهه‌لاتا توركی بكه‌ت. لێ مخابن ده‌مێ ئه‌وی قاسدێن خوه‌ ژ بۆ سه‌رۆك هێز و عه‌شیره‌تان هنارتین، دا هاریكاریا وی بكه‌ن دژی توركان، هنده‌ك ژ خێل و هۆز و عه‌شیره‌تێن ده‌وروبه‌رێن وانێ، گۆتێ د ڤی ده‌می دا ئه‌م نكارین یان نا خوازین هاریكاربین. ئه‌وی سووند ب ته‌لاقێ خار، ئه‌ز هه‌تا هه‌ردو پێن خوه‌ نه‌كه‌مه‌ت گۆما وانێ دا ئه‌ز شه‌ڕێ ل گه‌ل توركان نه‌كه‌م، میر كه‌فته‌ شه‌ره‌كێ بێ واته‌ (مه‌عنا) دژی هووز و عه‌شیره‌تێن وانێ، ئه‌وان هه‌می هۆز و عه‌شیره‌تان ژی به‌رخودانه‌كا باش كر دژی میری، شه‌ڕ چه‌ند مه‌هان كێشا، هنده‌ رویهسپی و مامۆستایێن ئوولی چوونه‌ نك میری و گۆتیێ، ئه‌رێ میر! ته‌ دگۆت ئه‌ز دێ ل گه‌ل توركان جه‌نگم، نوكه‌ تۆ یێ برایێن خوه‌ یێ كورد دكۆژی؟ میر ما و به‌رسڤا وان دا و گۆت، من ب ته‌لاقا یێ سووند خاری، هه‌تا ئه‌ز هه‌ردو پێن خوه‌ نه‌كه‌مه‌ت ئاڤا گۆما وانێ دا، ئه‌ز چو شه‌ڕان ل گه‌ل توركان ناكه‌م، مامۆستایان گۆتێ باشه‌ به‌لێ ته‌ برایێن خوه‌ یێن كورد خلاسكرن، ئه‌وی گۆت هۆسایه‌، مامۆستایان گۆتێ تۆ شه‌ڕی ڕاوه‌ستینه‌، ئه‌م دێ چاره‌سه‌ره‌كێ ژ بۆ ته‌ ببینین، مامۆستایان مه‌شكه‌ك (كه‌ڤلێ په‌زه‌كی یێ نه‌ دڕیای)، فڕێكره‌ سه‌ر گۆما وانێ بڕی ئاڤكر و ئینا، ڤالاكره‌ ئامانه‌كێ به‌رفره‌هـ. پاشی گۆته‌ مێری دێ وه‌ره‌ هه‌ردو پێن خوه‌ بێخه‌ت د ناڤ ڤێ ئاڤێدا و هه‌ره‌ شه‌ڕێ توركان و چو ته‌لاقێن ته‌ ناكه‌ڤن. میر قائیل بوو، لێ پشتی كورد ب ده‌ستێن برایێن خوه‌ یێن كورد ڤه‌براندین.
جهێ دلئێشێ یه‌ نه‌ په‌كه‌كه‌. نه‌ زۆربه‌ی خه‌بات و شه‌ر و پێكدادانێن كوردان دژی دوژمنان. یێ هه‌مان شاشیان دوباره‌دكه‌ن و بێ هێج ئه‌گه‌ر و پیركرنه‌كا نشتیمانی و نه‌ته‌وه‌یی. ئه‌گه‌ر به‌رێ خوه‌ بده‌ینه‌ په‌كه‌كێ. ل ده‌سپێكێ ئه‌و چوونه‌ لبنانێ و فه‌لستینێ و هاری فه‌لستینیان دژی ئسرائیلیان. ل ڤێره‌ هاریكاریا فه‌لستینیان ل دژی ئسرائیلیان، چ مفایه‌ ژ بۆ خه‌باتا باكوور یان هه‌ر پارچه‌كێ…پاشی هاتنه‌ سووریا دژی كوردێن ڕۆژئاڤا و باشووری و عه‌بدوڵا ئوجه‌لان كره‌ قوربانی، ب ده‌ستێن ده‌سكیسیا ئه‌مریكی و ئسرائیلی و توركی.
ئه‌ڤه‌ زێده‌تر ژ سهـ سالانه‌ كه‌فتینه‌ باشووری و ب ئاشكه‌را یێ دژی زۆربه‌ی پارتێن كوردێ باشوور ڕادبن، هه‌روه‌سا ب ئاشكه‌را دپه‌یڤن. ئه‌م دێ خه‌باتێ ژ باشوور ده‌سپێكه‌ین. هه‌ر وه‌كی جاره‌كێ كۆمارا زاب دامه‌زراندی و ده‌ست ب شه‌رێ براكوژیێ كری. ده‌ستێ وان دخۆش بن ده‌مێ ئه‌وان هاریكاریا پێشمه‌رگه‌ی كری، دژی چه‌تێن داعشان، لێ ژ بیر ژی نه‌كه‌ن ئه‌وان زه‌رتر ژ ده‌هـ گوندێ برایێن ئێزدی ل ده‌وروبه‌رێ شه‌نگارێ ڕاده‌ستی حه‌شدا نه‌شه‌عبی كرن. هه‌روه‌سا مانا وان ل شنگار و مه‌خمۆر و كه‌ركووك و قه‌ندیلان، دێ بیته‌ مه‌ترسیه‌كا مه‌زن ل سه‌ر باشووری و دوور یان نێزیكی دێ جه‌میل بایك و قه‌ریلان كه‌نه‌ مینا برێز ئوجه‌لانی لێهێت. ل ڤێره‌ پسیاره‌ك دروست دبیت! هه‌ر ل سه‌ر زێری، به‌رواریباڵان، سێ چوكلكا توخیبی، گوندێن سیده‌كان هه‌تا نێزیكی قه‌ندیلی. ئه‌و هه‌می پاسدار ژی یێن خالێن چیایی دا ده‌رباز دبن ل به‌ر چاڤێن په‌كه‌كێ. هه‌ر وه‌سا زۆربه‌ی خالێن وان ل سه‌ر سنووران وه‌ك چاڤێ ڕۆژێ دیارن، باشه‌ بۆچی چ ده‌نگ ژ برێزان ناهێت؟ باشه‌ ئه‌و هه‌می هێز و ته‌قه‌مه‌نی ما بۆ كه‌نگینه‌؟ مخابن جهێ دلئێشێ یه‌، چنكی چ با و چ باران ژ ژی یێ به‌فرێ كێم دكه‌ن. ئه‌وژی كوردن و برایێن مه‌نه‌ و مالا وانه‌. لێ پێدڤیه‌ خه‌باتا هه‌ر پارچه‌كی ل دی خوازت و كه‌ش و هه‌وایێن نه‌ته‌وه‌یی و نشتیمانی بن. بێ كو هیچ زیانه‌ك ب لایانه‌كێ دی بكه‌ڤیت.

35

شه‌وكه‌ت ئامێدی

یا دیار و ئاشكه‌رایه‌، ل هه‌ر جڤاكه‌كێ، یان ل هه‌ر وه‌ڵاته‌كی، یاسا و ڕێسایێن خوه‌ یێن هه‌یین و كێم یان زێده‌ ئه‌و یاسا و بنه‌ما ل دو ده‌سهه‌لات و نه‌ریت و كولتوورێن وێ جڤاكێ دئێنه‌ بكارئینان. هه‌ر وه‌سا ل هه‌ر فه‌رمانداریه‌كێ بنه‌مایێن خوه‌ یێن تایبه‌تێن هه‌یین وه‌ك نه‌خشه‌كێ جوان پێدڤیه‌ ڕۆژانه‌ فه‌رمانبه‌ر كاروبارێ  هه‌ڤوه‌لاتیان بێ چو جوداهیه‌ك ب ڕێڤه‌ببه‌ت. به‌لێ ل ناڤ هنده‌ جڤاكان دا ده‌مێ هه‌ڤولاتیه‌ك پێدڤی كاره‌كێ ب ساناهیه‌ كو بۆ بێهته‌كرن. هنده‌ فه‌رمانبه‌ر ئه‌وێ فه‌رمانداریێ ب مال و مولكێ خوه‌ دزانن (نزانن ئه‌و ژ بۆ كارێ هه‌ڤوه‌لایان یێ ل وێرێ)، یان دێ به‌ربه‌ست و گرێ یان ل به‌رانبه‌ری دروست دكه‌ن، یان دێ بینێ نابیت یان هه‌ره‌ فلان ڕۆژێ وه‌ره‌ڤه‌، یان به‌رپرس ل ڤێره‌ نینه‌، یان نابیت دێ ل سه‌ر خاترا ته‌ چێكه‌م. یان ل سه‌ر خاترا فلانی.. هتد. پێدڤیه‌ ئه‌و كار ژی بێی هیچ منه‌ت و بارگرانی ڤه‌ بێهنه‌ جهبه‌جهكرن. لێ مخابن به‌روڤاژی تێنه‌ به‌رجاڤ. هنده‌ جاران ژی مافێ هه‌ڤوه‌لاتیان دئێته‌ بنپێكرن، د ڕێ یا واسته‌ و واسته‌كاری و په‌رتیل و خزم و دوست و ده‌سهه‌لاتان ڤه‌. ئه‌ڤه‌ ژی ڕێچكه‌كه‌ ژ ڕێچكێن نه‌عه‌داله‌تی و گه‌نده‌ڵی و یاسا بن پێكرن و.. پاشكه‌فتنا جڤاكێ و بێ باوه‌ری د ناڤبه‌را زۆربه‌ی تاخێن جڤاكێ دا. زۆربه‌ی ژ ئه‌گه‌ران ژی، یان ل سه‌ری كه‌سانه‌كی یێ ده‌ست ب بنپێكرنا یاسایكری، یان هنده‌ كه‌سان یێ ده‌سپێكری و نه‌هاتی نه‌ سزادان، ل ڤێره‌ هێدی هێدی ئه‌وێن ئاست نزم و كه‌سایه‌ت یا وان لاواز دێ ئه‌ڤێ هه‌لێ نێچیركه‌ن و بیته‌ پاشكه‌ڤتنا جڤاكێ د زۆربه‌ی واران دا. ل دووماهیێ دێ بیته‌ دیارده‌كا نه‌شرین ل دی ئاستێ نه‌ته‌وه‌یی و نشتیمانی و ل ناڤ ده‌وله‌تی. به‌لگه‌ژی (ئیزبات ژی) ژمارا ڕێژه‌یی (نسبی) یا كۆمارا عیراقی یا گه‌نده‌ڵی، یا ل گۆلپیتكان. هنده‌ جاران سوماڵ یا ل پشت كۆمارا عیراقێ، جهێ دل ئێشێ یه‌، هه‌رێما كوردستانێ ژی پشكه‌كه‌ ژ عیراقێ

website security
WP Facebook Auto Publish Powered By : XYZScripts.com