NO IORG
هه‌لبژارتى1

ئه‌رۆ نیوز:

سالح محه‌مه‌د كه‌ساتیه‌كێ نیزیكێ موقته‌دا سه‌در راگه‌هاند: خونیشاندانێن هه‌ینیا بهێت دی یا ملیۆنی بیت، لێ نابیت وه‌ك خو نیشاندانێن رابوری بیت، به‌لكۆ ئه‌فجاره‌ پێدڤیه‌ به‌رفه‌رهتر و خه‌لك زێده‌تر پشكداریێ تێدا بكه‌ن.

ناڤبری ئه‌و چه‌نده‌ ژی راگه‌هاند خونیشاندانێن بهێت چاره‌نفیسا نیشتمانی و و سه‌روه‌ری و سه‌ربه‌خویا ئازادیێ ئیكلایی دكه‌ت، سوپاسیا ئه‌وان كه‌سانه‌ ژی دكه‌ت ییێن پشته‌ڤانی و هه‌ڤكار بوین.

ئه‌ڤرۆ نیوز:

سه‌رۆك كۆمارێ فه‌ره‌نسا هنارتنا پاپۆرا شه‌ری یا شارل دیگۆل بۆ رۆژهه‌لاتا ناڤین پشت راست كر.

ئیمانوێل ماكرون سه‌رۆك كۆمارێ فه‌ره‌نسا راگه‌هاند: د چارچوڤه‌یێ گرۆپه‌كێ پاپۆرێن شه‌ری، پاپۆرا شه‌ری یا شارل دیگۆل ره‌وانه‌ی رۆژهه‌لاتا ناڤین دكه‌ین.

سه‌رۆك كۆمارێ ئه‌و چه‌نده‌ ژی دیاركر ئارمان ژ هنارتنا ئه‌وێ پاپۆرا شه‌ری چاڤدێریكرن و پاراستنا هێزێن مه‌یه‌ ل وێ ئوپراسیونا سه‌ربازی ل رۆژهه‌لاتا ناڤین دژی گرۆپا تیرۆریستیا داعشێ ئه‌نجام دده‌ین.

ئه‌ڤرۆ نیوز:

په‌رله‌مانێ كوردستانی ب زۆرینه‌یا ده‌نگان پرۆه‌ژیێ یاسایا چاكسازیێ ل مووچه‌ و ده‌رماله‌ و خانه‌نشینیێ په‌سندكر.

پشتی پرۆژه‌یێ یاسایا چاكسازیێ ژلایێ جڤاتا وه‌زیران یا حوكمه‌تا هه‌رێما كوردستانێ ره‌وانه‌ی په‌رله‌مانێ كوردستانێ هاتیه‌كرن، خاندنا ئیكێ ژلایێ په‌رله‌مانێ كوردستانێ كر و لژنه‌یێن په‌رله‌مانی چه‌ندین كۆمبوون ل سه‌ر پرۆژه‌ی ئه‌نجام دان، پاشی خاندنا دویێ بۆ هاته‌كرن و پاشی ئه‌ڤرۆ هاته‌ په‌سندكرن.

ئه‌ڤرۆ 16/1/2020 ل كۆمبوونا په‌رله‌مانێ كوردستانێ ب ده‌نگێ 89 په‌رله‌مانتاران پرۆژه‌یێ یاسایا چاكسازیێ ب زۆرینه‌ هاته‌ په‌سندكرن.

جوتیار عادل په‌یڤدارێ فه‌رمیێ حوكمه‌تا هه‌رێما كوردستانێ راگه‌هاند: حوكمه‌تێ بریار دایه‌ د پرۆژه‌یێ چاكسازیێ به‌رده‌وام دبیت و ئه‌ڤ یاسایا چاكسازیێ پێنگاڤا ئیكێ یه‌.

ئومید خوشناو سه‌رۆكێ فراكسیونا پارتی ل په‌رله‌مانێ كوردسنانێ راگه‌هاند: په‌سندكرنا یاسایا چاكسازیێ ده‌ستپێكه‌كه‌ ژ پێنگاڤه‌كا مه‌زنا په‌یوه‌ندیێن ناڤبه‌را په‌رله‌مانی و حوكمه‌تێ و بده‌ستڤه‌ ئینانا ئارمانجان ل پاشه‌رۆژێ كاره‌كێ مه‌زنتر بكه‌ین.

عه‌لی حه‌مه‌ سالح سه‌رۆكێ فراكسیونا گۆرانێ دیاركر ژبلی دروستكرنا ژماریا به‌نكی بتنێ هاتیه‌ بنه‌جیهكرن، خانه‌نشینا پله‌ بالا كۆ به‌ریا نها 6 ملیۆن و 400 هه‌زار دینار بوون، نوكه‌ 15 سه‌دیێ داكه‌تی یه‌، هه‌كه‌ به‌كالریوس هه‌بیت 21% زێده‌بیت.

جه‌مال حه‌ویز سه‌رۆكێ فاركسیونا ئیكه‌تیێ راگه‌هاند: پێنگاڤه‌كا مه‌زن هاته‌ هاڤێتن، زۆر گرنگه‌ پرۆزباهیێ ل كه‌س و كارین شه‌هیدان بكه‌ین بێ ده‌ستكاری یا مووچه‌یێن وان و چاكسازی قوناغ ب قوناغ دێ چیته‌ بیاڤێ بجهكرنێ.

ئه‌ڤرۆ، نیوز:

ئه‌حمه‌د سه‌فار بریارده‌رێ لژنا دارایی ل جڤاتا نوونه‌رێن عیراقێ ئه‌و نفیسارا لژنا ده‌ستپاكیێ بۆ وه‌زاره‌تا دارایی چ گرۆڤه‌كێ یاسایی نینه‌، نفیسار ژلایێ سه‌رۆكێ لژنا ده‌ستپایێ هاتیه‌ هنارتن و جێگرێ وی ئیمزاكریه‌، بابه‌ت ژی سزادانا سیاسی یه‌ چونكو كورد پشكداری كۆمبوونا جڤاتا نوونه‌رێن عیراقێ نه‌كریه‌، هێشتا یاسای بۆدجا 2020 نه‌هاتیه‌ په‌سندكرن كار ب یاسایا بۆدجا 2019 دهێته‌كرن و ئه‌ڤ پێنگاڤێن هاتینه‌ هاڤێتن پێنگاڤێن سیاسی نه‌.

محه‌مه‌د سه‌عید عه‌باس سه‌رۆكێ لژنا ده‌ستپایێ یا جڤاتا نوونه‌رێن عیراقێ ب نفیسارا ژماره‌ (م/ن/16/25) ل رۆژا 15/1/2020 بۆ نفیسنگه‌ها وه‌زیرێ دارایی یێ عیراقێ هاتیه‌ هنارتن و تێدا داخازا برینا شایسته‌یێن دارایی یێن هه‌رێما كوردستانێ كریه‌، ب ئه‌گه‌رێ پێگیرنه‌بوونا هه‌رێما كوردستانێ ب هنارتنا پترۆلێ و داهاتێن ناڤخویی بۆ حوكمه‌تا ناڤه‌ندێ.

ئه‌ڤرۆ نیوز:

سه‌رۆكا په‌رله‌مانێ كوردستانێ بۆ جڤینا سوبه‌هی رۆژا پێنجشه‌مبێ داخازیا ته‌ڤایا ئه‌ندامان دكه‌ن بۆ به‌رهه‌ڤبوونێ.

رێواز فایه‌ق سه‌رۆكا په‌رله‌مانێ كوردستانێ دخازنامه‌یه‌ك به‌لاڤكر و تێدا هاتیه‌ كو داخازێ ژ هه‌موو ئه‌ندامێن په‌رله‌مانێ دكه‌ت  بۆ به‌رهه‌ڤبوونێ د ریشنتنا ژماره‌ 15 ئاسایی سالا ئێكێ، ل خۆلا هه‌لبژارتنا پێنجێ یا په‌رله‌مانی ده‌مژمێر 11 سپێده‌هیا پێنجشه‌مبی 16/1/2020 .

ئه‌ڤرۆ نیوز:

په‌رله‌مانێ كوردستانێ دوماهی  ب كۆمبوونا په‌رله‌مانی ئینا و كۆ زێده‌تر ژ دو رۆژان به‌رده‌وام بوو تێدا خاندنا دوێ بۆ هه‌موو برگه‌ و ماده‌یێن پرۆژه‌یێ یاسایا چاكسازیێ هاته‌كرن.

لگۆری راپۆرتا مالپه‌رێ فه‌رمیێ یێ په‌رله‌مانێ كوردستانێ، رێواز فایه‌ق سه‌رۆكا په‌رله‌مانا كوردستانێ راگه‌هاند: رۆژا پێنجشه‌مبا بهێت په‌رله‌مانێ كوردستانی دێ ده‌نگ دانێ ل سه‌ر پرۆژه‌یێ یاسای چاكسازیێ ده‌ت.

رۆژا دوشه‌مبێ 16/1/2019 په‌رله‌مانێ كوردستانێ خاندنا ئێكێ بۆ پرۆه‌ژیێ چاكسازیێ كر ب زۆرینه‌یا ده‌نگدانێ ب سیفه‌تێ بله‌زكرنێ دایه‌ پرۆه‌ی تاكو ل ده‌مه‌كێ كێم دا بهێته‌ په‌سندكرن.

رۆژا چارشه‌مبێ 11/12/2019 جڤاتا وه‌زیرێن حوكمه‌تا هه‌رێما كوردستانێ ب سه‌رپه‌رشتیا مه‌سرور بارزانی كۆمبوو و پرۆه‌ژیێ چاكسازیێ په‌سندكر.

رۆژا پێنجشه‌مبێ 12/1/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایی هنارته‌ په‌رله‌مانێ كوردستانێ.

ئه‌ڤرۆ نیوز:

په‌رله‌مانێ كوردستانێ دێ ئه‌ڤرۆ به‌رده‌وامیێ ب جڤینا دهی ده‌ت بۆ شرۆڤه‌كرن و دانوستاندن ل سه‌ر پرۆژه‌یێ یاسایا چاكسازیێ.

رۆژا ئێك شه‌مبی 12/1/2020 په‌رله‌مانێ كوردستانێ رینشتنا ژماره‌ 13 یا ئاسایی یا خۆلا پایزێ یا سالا ئێكێ ژ خۆلا پێنجێ كۆمبوون ئه‌نجام دان.

دوێ كۆمبوونا دهی كۆ هه‌ردو پرۆه‌ژیێن یاسایا رۆژا فه‌رمی یێن نه‌ته‌وه‌یا توركمان و ماده‌یێن بێهوشكه‌ر په‌سندكرن و دانوستاندن ل سه‌ر پرۆژه‌یێ چاكسازیێ كر و كۆمبوون هاته‌ پاخستن بۆ ئه‌ڤرۆ كۆ دێ په‌رله‌مان درێژێ ب دانوستاندنان ل سه‌ر پرۆه‌ژیا چاكسازیێ كه‌ت.

بۆ درێژیدان ب خاندنا دوێ یا پرۆژه‌یێ یاسایا چاكسازیێ ده‌مژمێر 10:30 رۆژا ئه‌ڤرۆ 13/1/2020 په‌رله‌مانێ كوردستانێ كۆم دبیت كۆمبون ژی درێژه‌دانه‌ ب كۆمبوونا دهێ.

ئه‌ڤرۆ نیوز:

په‌رله‌مانێ كوردستانێ ئه‌ڤرۆ دانوستاندنا پرۆژه‌یێ یاسایا چاكسازیێ ل مووچه‌ و ده‌رماله‌ و ئیمتیازاتان بكه‌ت.

بریاره‌ ده‌مژمێر 11 به‌ری نیڤرۆیا ئه‌ڤرۆ كۆ رۆژا 12/1/2020 په‌رله‌مانێ كوردستانێ خاندنا دوێ بۆ پرۆژه‌یێ یاسایا چاكسازیێ ل مووچه‌ و ده‌رماله‌ و به‌خشین و ئیمتیازاتان بكه‌ت.

رۆژا دو شه‌مبێ 16/12/2019 په‌رله‌مانێ كوردستانێ خاندنا ئیكێ بۆ پرۆژه‌یێ یاسایا چاكسازیێ كر و ب زۆرینه‌ ده‌نگ پێ دا، تاكو ل ده‌مه‌كێ كورت دا بهێته‌ په‌سندكرن.

رۆژا چارشه‌مبی 11/12/2019 جڤاتا وه‌زیرێن هه‌رێما كوردستانێ پرۆه‌ژیێ یاسایا چاكسازیێ په‌سند كر.

رۆژا 12/12/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایا چاكسازیێ ره‌وانه‌ی په‌رله‌مانێ كوردستانێ هاته‌كرن.

مه‌حسن دۆسكی ئه‌ندامێ په‌رله‌مانێ كوردستانێ راگه‌هاند رینشتنا په‌رله‌مانێ كوردستانێ كۆ بریاره‌ ئه‌ڤرۆ بهێته‌كرن یا ڤه‌كری بیت ل میدیایێ بهێته‌ په‌خشكرن و لگۆری په‌یره‌وێ ناخۆیێ په‌رله‌مانێ كوردستانێ هه‌كه‌ بهێته‌ پێشنیازكرن رینشتنا په‌رله‌مانی ڤه‌كری بیت، ئه‌ڤه‌ دڤێت ب ده‌نگێ 56 په‌رله‌مانتران هه‌یه‌.

ئه‌ڤرۆ نیز:

حه‌سه‌ن روحانی سه‌رۆك كۆمارێ ئیرانێ د تویته‌كێ دا راگه‌هاند د ڤه‌كۆلینێن هێزێن چه‌كداردا گه‌هشتنه‌ ئه‌وی ئه‌نجامی كۆ جهێ داخێ یه‌ ب خه‌له‌تیڤه‌ ئه‌و فروكه‌یه‌ هاتیه‌ ئارمانجگرتن و بوویه‌ ئه‌گه‌ری مرنا 176 كه‌سان.

حه‌سه‌ن روحانی سه‌رۆك كۆمار ئه‌و چه‌نده‌ ژی دیاركر كۆ ڤه‌كۆلین به‌رده‌وامن بۆ دیاركرن و دادگه‌هیكرنا ئه‌ڤێ تاوانا ب خله‌تیڤه‌ هاتیه‌كرن و لێخوشبوون بۆ نینه‌، ئیران دناخێ خۆدا د هه‌ژیت و په‌شێمانه‌.

محه‌مه‌د جه‌واد زه‌ریف وه‌زیرێ درڤه‌یێ ئیرانێ د تویته‌كێ دا داخازا لێبورینێ ژ خه‌لكێ ئیرانێ كر، ئه‌نجامێ ڤه‌كۆلینێن ده‌ستپێكی یێن هێزێن چه‌ككدار ئه‌وه‌ ئێخستنا فروكه‌یێ ب خه‌له‌تیه‌كا مرۆڤی بوویه‌ په‌شیمانین داخازا لێبورینێ و سه‌رخوشیێ ژ خه‌لك و خێزانێن قوربانیێ روودانێ بووین.

رۆژا چارشه‌مبا بوری باله‌فره‌كا هێلا ئاسمانیا تاران و كیه‌ف شه‌ش خوله‌كا پشتی رابوونێ ژ تارانێ ل نێزیك باژێرێ شه‌هریار ل پارێزگه‌ها تارانێ كه‌ته‌ خوار ته‌ڤایا 176 نه‌فه‌ر هه‌لگرێن وێ گیانێ خو ژ ده‌ست دان.

ئه‌ڤرۆ نیوز:

سكرتێرێ گشتی یێ رێكخراوا وه‌لاتێن هنارتنا پترۆلێ ئوپێكێ راگه‌هاند: به‌رهه‌م ئینانا پترۆلێ ل عیراقێ به‌رده‌وامه‌ و سازی و دامه‌زراوێن پترۆلێ ئارام و بێ ئاریشه‌نه‌.

محه‌مه‌د باركیندو سكرتێرێ گشتی یێ رێكخراوا وه‌لاتێن هنارتنا پترۆلێ كۆ ئوپێكه‌ دیاركر باوه‌ریه‌كا ته‌مام ب به‌رپرسێن رۆژهه‌لاتا ناڤین هه‌یه‌ كۆ هه‌موو شیانێن خۆ بۆ كۆنترولكرنا ره‌وشێ دئێخنه‌ كاری.

سكرتێرێ گشتی یێ ئوپێكێ گۆت: زێده‌باری هه‌ڤركی و دژواریا گه‌فێن شه‌ری و ئالوزیێن زۆر عیراق ب ته‌مامی پێگیرێ رێكه‌تنا ئوپێك پلاسه‌.

سكرتێرێ گشتی یێ ئوپێكێ گۆت ژی ل گه‌ل ئهوێ چه‌ندێ داخازیا كرینا پترۆلێ كێمه‌ لێ ب نامه‌یه‌كێ ب سه‌رۆكێ ئه‌مریكا گه‌هاندیه‌ كۆ ئوپێك بتنێ نه‌شێت ل بازارێ پترۆلێ هه‌ڤسه‌نگیێ ب پارێزیت.

website security
WP Facebook Auto Publish Powered By : XYZScripts.com