NO IORG
هه‌لبژارتى2

ئەڤرۆ نیوز:
بهایێ پترۆلێ ئەڤرۆ ل بازارێن جیهانی

کو بهایێ  بەرمیلا برێنت ب 55 دۆلار و 10 سەنتان کرین و فروتن پێ هاتیەکرن و بهایێ بەرمیلا ئەمریکی ژی 52.36دۆلاران بازار پێ هاتیەکرن.
ئەگەرێ بلندبوونا بهایێ پترۆلێ ڤەدگەریت بۆ رێکەتنا گرۆپێ ئۆپێک پلەس ل سەر زێدەکرنا بەرهەمئینانا پترۆلێ ب رێژا 500 هزار د رۆژەکێ دا، ئەڤەژی ددەمەکی دایە ب ئەگەرێ بەلاڤبوونا ڤایروسێ کۆرۆنایێ بهایێ پترۆلێ داکەت.

ئەڤرۆ نیوز:
ژمارەیا تووشبوویێن کۆرۆنایێ ل تەڤایا جیهانێ گەهشتە 94 ملیۆن و 364 هەزار و 613 کەسان
لگۆری خشتەیێ چاڤدێریکرنا کۆرۆنایێ، ئەو وەلاتێن زۆرترین توشبوویێن کۆرۆنایێ تێدا هاتیە تومارکرن، ئەوژی ئەمریکا و هندستان و بەرازیل و روسیا و بریتانیا و فەرەنسا و تورکیا و ئیتالیا و ئیسپانیا و ئەلمانیا و کولومبیا و ئەرجەنتین و مەکسیک و پولەندا و ئیران و باشوورێ ئەفریقا و ئوکرانیا و پیرو و هولەندا و ئەندەنوسیا و چیک و کەنەدا و رومایا و بەلجیکا و چیلی و عیراق.
ل تەڤایا جیهانێ 65ملیۆن و 769 هزار و 362 کەس توشبوویێن ڤایروسی چاک بووینە، دو ملیۆن و 19 هزار و 919 کەس ژی مرینە.

ئه‌ڤرۆ نیوز:

به‌در سیاد جێگرێ سه‌رۆكێ فركسیونا سائیرون ل جڤاتا نوونه‌رێن عیراقێ راگه‌هاند نه‌ دادیی ل پشكا بۆدجا هنده‌ك دڤه‌رێن ناڤه‌راست و باشوورێ عیراقێ دا هه‌یه‌، ب تایبه‌ت پارێزگه‌ها به‌سره‌ كو پشكه‌كا كێم بۆ هاتیه‌ دیاركرن.

جه‌مال كوجه‌ر ئه‌ندامێ لژنا دارایی ل جڤاتا نوونه‌رێن عیراقێ راگه‌هاندیه‌ نه‌دادیه‌ك د پرۆژه‌یێ بۆدجێ دا هه‌یه‌، به‌لێ ب شێوه‌یه‌كی كو ل پرۆژه‌یێ یاسایێ پاره‌یه‌كێ زێده‌تر بۆ ئه‌وان ده‌ڤه‌ران هاتینه‌ دیاركرن كو شیعه‌ نشینن.

ئەڤرۆنیوز:
بەرەڤان حەمدی بریكارێ وەزارەتا شەهیدان‌و ئەنفالكریان راگەهاند، پشتی بڕینا مینحەیا زێدەتری 13 هەزار كەسێن نەشایستە ل وەزارەتا شەهیدان، کو سالانە (12 ملیار) دینار بۆ خەزێنا حكومەتێ ڤەدگەریت.
پەیڤدارێ وەزارەتێ ئەو چەندەژی دیارکر ئەوێن موچەیێن هاتینە برین، تەڤایا وان هەیڤانە دبیتە ملیارەکا دیناران، دێ ل سەر پرۆسەیا چاكسازیێ بەردەوام بین و دەمێن بهێن زێدەتر چاکسازیێ ئەنجام دەین.

ئەڤرۆ نیوز ، مه‌حمود نهێلى:
د سه‌ره‌دانه‌كێ دا بۆ ده‌ڤه‌را ئامێدیێ ئه‌ندازیار كه‌مال محه‌مه‌د وه‌زیرێ كاره‌با حكومه‌تا هه‌رێما كوردستانێ سه‌را پرۆژێ هایدروپاوه‌رێ دێره‌لۆك دا و ل نێزك ئاگه‌هدارى ره‌وش وچاوانیا رێڤه‌چوونا كارێ پرۆژه‌ى بوو.
دكۆنگرنه‌كێ رۆژنامه‌ڤانى دا وه‌زێرى كاره‌بێ دیار كر: پرۆژه‌یێ هایدروپاوه‌رێ دێره‌لۆك ئێكه‌ ژ پرۆژه‌یێن ستراتیژى ل ده‌ڤه‌رێ و كوژمێ 129 ملیۆن دۆلارا ل سه‌ر قه‌رێن یابانى بۆ هاتینه‌ ته‌رخانكرن، دشیاندایه‌ 37 میگاواتێن كاره‌بێ به‌رهه‌م بینت و گۆت: ژلایێ دو كۆمپانیێن ئیرانى ڤه‌ دهێته‌ چێكرن، نوكه‌ 75% كار تێدا ب دوماهى هاتیه‌ و ل دووڤ وى ده‌مێ بۆ هاتیه‌ ته‌رخانكرن دڤێت ل هه‌یڤا 12 یا ئه‌ڤ ساله‌ ب دۆماهیك بهێت و ئه‌م گه‌له‌ك ته‌كه‌زیێ ل سه‌ر هندى دكه‌ین داكو ل ده‌مێ خوه‌ یێ دیار كرى دا ب دووماهیك بهێت داكو چ كێشێن دارایى بۆ دروست نه‌بن.
ناڤهاتى دیار ژى كر، كو گرنگیا ڤى پرۆژه‌ى ئه‌وه‌ ئێكه‌م پرۆژه‌یه‌ ل كوردستانێ و ل عیراقێ ژى هاتبیته‌ چێكرن و بشێت كاره‌بێ ب ئاڤێ به‌رهه‌مبینت و هه‌روه‌سا دێ ئاریشه‌یا كێمیا ڤولتیا كاره‌بێ ل ده‌ڤه‌رێ چاره‌سه‌ركه‌ت، هه‌روه‌سا دێ كاره‌با دهوكێ ب كاره‌با هه‌ولێرێ ڤه‌ گرێده‌ت ب رێكا وێسته‌گه‌ها دێره‌لۆك ل گه‌ل وێسته‌گه‌ها رێزان كو هێزه‌كا دى ددە ته‌ كاره‌با هه‌رێمێ.
و گۆت: سكره‌كێ دى هێته‌ چێكرن دگه‌لى دا ده‌مى شیانێن دارایى ل به‌ر ده‌ست بن كو دێ شێت 261 میگاواتێن كاره‌بێ به‌رهه‌م ئینت.

به‌رپرسێن وه‌زاره‌تا به‌رگرییا ئه‌مریكا پێنتاگۆنێ راگه‌هاند، سوپایێ ئه‌مریكا كه‌فتییه‌ ئاماده‌باشیێ و هێزێن خوه‌ ل رۆژهه‌لاتا ناڤین زێده‌ و بهێزتر كرینه‌، بۆ به‌رسینگگرتنا هه‌ر هێرشه‌كا چاڤه‌رێكرى یا ئیرانێ.

به‌رپرسێن پێنتاگۆنێ ئاشكرا كر، میلیشیایێن سه‌ر ب ئیرانێ ڤه‌ ل ئیراقێ د چه‌ندین رۆژێن بوورى دا به‌رهه‌ڤییه‌كا مه‌زن كرییه‌ و وێ یه‌كێ ترس ل نك ئه‌مریكیان دروست كرییه‌ كو دبیت هێرشێ بكه‌نه‌ سه‌ر هێزێن ئه‌مریكى و پێگه‌هێن دبلۆماسى یێن سه‌ر ب واشنتۆنێ ڤه‌.

میدیایێن ئه‌مریكا ژ زارێ به‌رپرسێن پێنتاگۆنێ ئاشكرا كرییه‌، ره‌وشا ده‌ڤه‌رێ جهێ دلگرانییا وانه‌، ل گۆره‌ى ئاگاهیێن ل به‌ر ده‌ستێ وان ژى، میلیشیایێن ئیرانێ به‌رهه‌ڤیێن هێرشان دكه‌ن، چه‌ك و پێدڤییێن سه‌ربازى د ده‌ستێ میلشیایێن سه‌ر ب ئیرانێ ڤه‌ ل ئیراقێ هه‌نه‌ و به‌رده‌وام مۆشه‌ك و ته‌قه‌مه‌نییان عمبار دكه‌ن.

هه‌ر چه‌نده‌ چ ئاماژه‌ بۆ بریارا ده‌ستپێكرنا هێرشێ ل سه‌ر ئیرانێ نینن، لێ ل گۆره‌ى گۆتنا به‌رپرسێن پێنتاگۆنێ، ئه‌وان به‌رهه‌ڤیێن خوه‌ ته‌مامكرینه‌.

ئەڤرۆ نیوز، سالار محه‌مه‌د دۆسكی:

رێڤه‌به‌رێ‌ باغداریێ‌ ل دهۆكێ‌ ئاشكراكر كو ب رێژا 80% به‌رهه‌مێ‌ پتاتێ‌ یێ‌ دهێته‌ چاندن ژ پارێزگه‌ها دهۆكێ‌ ل هه‌ر دو قه‌زایێن (شێخان، به‌رده‌ره‌ش) و ئه‌و به‌رهه‌م د زێده‌بوونێ‌ دایه‌.

د. ئه‌مجه‌د عوبێد، رێڤه‌به‌رێ‌ باغداریێ‌ ل دهۆكێ‌ بۆ ئەڤرۆ نیوز گۆت:  تۆڤێ‌ پتاتێ‌ به‌ری چه‌ند سالان ب رێكا فه‌رمانگه‌ها وان و پشته‌ڤانیا 75% ل سه‌ر جۆتیاران هاتبوو به‌لاڤه‌كرن و سال بۆ سالێ‌ پشته‌ڤانی زێده‌تر لێهاتبوو و هه‌تا گه‌هشتیه‌ 100% و هه‌می رێكارێن زانستی بۆ جۆتیاران پێشكێش كرینه‌ سه‌خمراتی بلندكرنا ئاستێ‌ به‌رهه‌مێ‌ پتاتێ‌ ل پارێزگه‌ها دهۆك.

رێڤه‌به‌رێ‌ باغداریێ‌ ئاشكراكر، سالانه‌ به‌رهه‌مێ‌ پتاتێ‌ ل سه‌رانسه‌ری هه‌رێما كوردستانێ‌ 260 هزار ته‌ن به‌رهه‌م دهێن، ژ وێ‌ هه‌ژمارێ ژى‌ 220 هزار ته‌نێن پارێزگه‌ها دهۆكێ‌ بووینه‌ ئانكو ب رێژا 85% به‌رهه‌مێ‌ كوردستانێ‌ ژ دهۆكێ‌ دهێت.

ناڤبری گۆت: رێژه‌یا هه‌ره‌ مه‌زن یا پتاتان ل شێخان و به‌رده‌ره‌ش دهێنه‌ چاندن و ل قه‌زا سێمێلێ‌ ژی رێژه‌كا باش یا پتاتان دهێته‌ چاندن و قه‌زا زاخۆ ژی ب هه‌مان شێوه‌، توخمێن هه‌ره‌ باش ل سه‌ر ئاستێ‌ جیهانێ‌ یێن پتاتێ‌ ل كوردستانێ‌ دهێنه‌ چاندن كو توخمێن هوله‌ندی نه‌ و ل سالا 2008 ئه‌و به‌رهه‌م گه‌هشتبوو كوردستانێ‌ و ب رێكا رێڤه‌به‌ریا باغداریا دهۆكێ‌ و بۆ ده‌مێ چه‌ند سالان  بێ‌ به‌رامبه‌ر ل سه‌ر جۆتیاران دهاتنه‌ به‌لاڤكرن و  یا پاره‌كێ ره‌مه‌زی دهاته‌ وه‌رگرتن هه‌تا جوتیار فێری چاندنێ ‌بووین ب شێوه‌كێ‌ ئه‌كادیمی ئه‌و بخوه‌ چاڤدانێ‌ ل به‌رهه‌مێ‌ خوه‌ بكه‌ن.

رێڤه‌به‌رێ‌ باغداریێ‌ ئه‌و ژی گۆت: به‌ری چه‌ند سالان رێژه‌كا باش یا وێ پتاتێ‌ بۆ ئه‌ره‌بستانا سعوودیێ‌ هاتبوو ره‌وانه‌كرن، به‌لێ‌ نوكه‌ چ به‌رهه‌مێ‌ پتاتێ‌ ناچیته‌ ده‌رڤه‌ و 70% پتات بۆ باشوور و ناڤه‌راستا ئیراقێ‌ دچیت و 30% بۆ ناڤا هه‌رێما كوردستانێ‌ یه‌.

 

ئەڤرۆ نیوز:
كومبۆنا سێقۆلی یا دناڤبه‌را لایه‌نێن پێكهینه‌رێن حكومه‌تا هه‌رێما كوردستانێ (پارتی – ئێكه‌تی – گۆران) ب سەرپەرەشتیا سەرۆکێ ھەرێما کوردستانێ نێچیرڤان بارزانی ب داوی ھات
دڤێ كۆمبوونێدا چه‌ندین خال هاتنه‌ گۆتوبێژكرن ژوانا پشته‌ڤانیكرنا پێنگاڤێن حكومه‌تا هه‌رێما كوردستانێ دوارێ دانوستاندان دگه‌ل حكومه‌تا فیدرال ل سه‌ر پروژه‌ یاسایا بوودجا 2021 ژبو پاراستنا ماف و شایسته‌یێن دارایی یێن هه‌رێما كۆردستانێ دابین بكه‌ن و بریار ھاته‌ دان شاندەکێ سیاسی ل هه‌فتیا داهاتی بچیته‌ به‌غدا ژ بۆ گوتوبێژیا پرسگرێکێن د ناڤبەرا ھەولێر و بەغدایێ.
كۆمبوونێ تەکەزی ل سەر پشتەڤانیا ریفۆرمێن حکوومەتا ھەرێما کوردستانێ د داھات و خەرجیێن ھەرێمێ و پێکانینا ھەموو پێنگاڤێن پێدڤیدا کریە ژ بۆ دابینکرنا مووچەیێن هه‌یڤانه ‌یێن مووچەخوران و بەرسڤدانا داخوازێن وانێن رەوا.
كۆمبوونێ دیسان تەکەز کریە کو خوەپێشاندانێن شارستانی و دووری ئالۆزی و دووری هێریشێن سەر سازیێن فەرمی و مالێن وەلاتیان، مافەکی رەوایە و لایه‌نێن سیاسی تەکەزی ل بەرپرسیاریا ھەڤبەش کر ژ بۆ بەرژەوەندیێن بلندێن وەلاتیان د دەربازبوونا رەوشا نه‌لبارا ھەرێما کوردستانێ د، چارەسەرکرنا کێشە و قەیرانان، رووبرووبوونا ئاستەنگان و پاراستنا قەوارەیا ھەرێما کوردستانێ د چارچۆڤەیا دەستوورێ دا.

ئه‌ڤرۆ نیوز:

رۆسیا ب فەرمی داخواز ژ هێزێن سوریا دیمۆكرات هه‌سه‌دێ ل رژۆئاڤایێ كوردستانێ كر، باژێركێ عه‌ین عیسا رادەستی حكومەتا دیمەشقێ بكەت.

ژێدەرەكێ سەربازى یێ جڤاتا عه‌ین عیسا دیار كر، هێزێن رۆسی ب فەرمی داخواز ژ هەسەدێ كریە باژێركێ عه‌ین عیسا رادەستی حكومەتا دیمەشق بكەت، هەسەدێ ژى داخواز كریە دەلیڤە بهێتە دان وێ داخوازیێ گەنگەشە بكەن و دهێتە پێشبینی كرن ئەو داخوازی بهێتە رەتكرن.

ئه‌ڤرۆ نیوز:

وه‌زیرێ ده‌رڤه‌یێ ئه‌مریكا راگه‌هاند، ئه‌و دێ ل سه‌ر پشته‌ڤانیكرنا سه‌رۆكوه‌زیرێن ئیراقێ به‌رده‌وام بن بۆ كۆنترۆلكرنا گرۆپێن میلیشیایێن شیعى یێن نێزیك ئیرانێ و ده‌رخستنا ئیراقێ ژ ژێر هه‌ژموونا ئیرانێ.

مایك پۆمپییۆ راگه‌هاند، ئیدارا ئه‌مریكا ل سه‌ر ده‌مێ ده‌ستهه‌لاتا دۆنالد ترامپى حه‌فتێ و حه‌فت سزایێن جودا ل سه‌ر ئیرانێ و به‌رپرسێن وێ دا سه‌پاندینه‌ و دێ به‌رده‌وام ژى بن ل سه‌ر وان سزایان.

پۆمپێیۆ گۆت ژى: ئه‌و دێ به‌رده‌وام پشته‌ڤانییا مسته‌فا كازمى، سه‌رۆكوه‌زیرێن ئیراقێ كه‌ن بۆ كۆنترۆلكرنا گرۆپێن میلیشیایێن شیعى یێن نێزیكى ئیرانێ، هه‌روه‌سا بۆ ده‌رخستنا ئیراقێ ژ ژیر هه‌ژموونا ئیرانێ.

پۆمپێیۆ دوپات كر، ئه‌و ب رێیا سیاسه‌ت و فشارێن خوه‌ شیاینه‌ ئیرانێ لاواز بكه‌ن و دێ ل سه‌ر وێ سیاسه‌تێ  ژى همبه‌رى به‌رپرسێن ئیرانێ به‌رده‌وام بن، ئه‌و سیاسه‌ت ژى بوو ئه‌گه‌رێ ئیمزاكرنا رێككه‌فتنا د ناڤبه‌را وه‌لاتێن عه‌ره‌بى و ئسرائیلێ دا.

website security
WP Facebook Auto Publish Powered By : XYZScripts.com