NO IORG
هه‌لبژارتى2

ئه‌ڤرۆ نیوز:

سوپایێ عیراقێ ده‌ست ب ئوپراسیونه‌كا سه‌ربازی ل باشوورێ كه‌ركووكێ بۆ نه‌هێلانانا چه‌كدارێن رێكخراوا تیرۆریستی یا داعشێ كر.

عه‌مید یه‌حیا ره‌سوب په‌یڤدارێ فه‌رمانده‌یی گشتی هێزێن چه‌كدارێن عیراقی د به‌یاننامه‌یه‌كێ دا راگه‌هاند ئوپراسیون ب رێنمایێن مسته‌فا كازمی سه‌رۆك وه‌زیر و فه‌رمانده‌یێ گشتی هێزێن چه‌كدارێن عیراقێ دهێته‌ برێڤه‌برن.

ئوپراسیون ل سپێده‌هیا ئه‌ڤرۆ 2/6/2020 بناڤێ قوناغا دوێ یا قاره‌مانێن عیراقێ بۆ نه‌هێلانانا چه‌كدارێن داعشێ ل ده‌ڤه‌رێن كه‌ركووكێ و توخیبێ دناڤبه‌را كه‌ركووك و پاریزگه‌ها سه‌لاحه‌دین ده‌ستپێكریه‌.

ئه‌ڤرۆ نیوز:

وه‌زیرێ كاره‌با حكومه‌تا هه‌رێما كوردستانێ راگه‌هاند نوكه‌ سی هزار و 200 میگاواتێن كاره‌بێ به‌رهه‌م دئینین كۆ نیڤا پێدڤیانه‌، هه‌كه‌ وه‌زاره‌تا سامانێن سرۆشتی سوته‌مه‌نیێ دابین بكه‌ت ئاریشا كاره‌بێ نامینیت.

كه‌مال محه‌مه‌د وه‌زیرێ كاره‌با حكومه‌تا هه‌رێما كوردستانێ راگه‌هاند هه‌رێما كوردستانێ پێدڤی ب شه‌ش هزار و 700 میگاواتێن كاره‌بی هه‌یه‌، نوكه‌ بتنێ سێ هزار و 200 میگاواتێن كاره‌بێ به‌رهه‌م دئینین، كۆ دبیته‌ نیڤا رێژا پێدڤی، هه‌كه‌ وه‌زاره‌تا سامانێن سرۆشتی سوته‌مه‌نیا پێدڤی دابین بكه‌ت ئاریشا كاره‌بێ نامینیت.

وه‌زیرێ كاره‌با حكومه‌تا هه‌رێما كوردستانێ ئه‌و چه‌نده‌ ژی راگه‌هاند: د ژیێ كابینا ئه‌ڤێ جارێ دا گرێبه‌ست  ل سه‌ر هزار و 540 میگاواتێن كاره‌بێ هاتیه‌كرن، كۆ 500 میگاوات ل خورمال و 500 میگاوات ل بازیان و 165 میگاوات ل گه‌رمیان و 300 میگاوات كاره‌با ئاڤی ل گه‌ل كۆمپانیه‌كا ئوسترالی و 75 میگاوات كاره‌با تیشكا رۆژێ، بڤێ چه‌ندێ كاره‌با به‌رهه‌م هاتی یا هه‌رێما كوردستانێ دگه‌هته‌  هه‌شت هزار میگاواتان، ئه‌ڤه‌ د ده‌مه‌كی دایه‌ كۆ خاست دڤی وه‌رزی دا دبیته‌ 4200  میگاوات، و د زڤستانان دا دگه‌هته‌ 6500 میگاواتان.

كه‌مال محه‌مه‌د وه‌زیرێ كاره‌با حكومه‌تا هه‌رێما كوردستانێ ئه‌و چه‌نده‌ ژی دازانین ب ئه‌گه‌رێ قه‌یرانا دارایی نوكه‌ نه‌ سوته‌مه‌نیا پێدڤی و نه‌ پاره‌یێ پێدڤی ل به‌ر ده‌ست نینه‌، به‌لێ قه‌یرانا كاره‌بێ به‌ره‌ڤ پاشتر چوویه‌ باشتر دبیت ژی دڤێ كابینا حكومه‌تێ دا، ب جدی كار ل سه‌ر باشتركرنا كاره‌بێ كه‌ین ئه‌م خو ب خودانێ ئاریشێ دزانین و بزاڤا چاره‌كرنا وێ دده‌‌ین.

ئه‌ڤرۆ نیوز:

پشتی بورینا دو هه‌یڤان ژ داخستنا وێ ب ئه‌گه‌رێ ڤایرۆسێ كورونایێ، مزگه‌فتا پێغه‌مبه‌رێ ئیسلامێ سلاڤێن خودی ل سه‌ر بن، ل مه‌دینێ ل سعودیێ هاته‌ڤه‌كرن.

پشتی ره‌زامه‌ندیا شاهـ سه‌لمان بن عه‌بدلعه‌زیز شاهێ سعودیێ، رێڤه‌به‌ریا مزگه‌فتا پێغه‌مبه‌ری سلاڤێن خودێ ل سه‌ر بن، بریارا ڤه‌كرنا مزگه‌فتێ دایه‌ كۆ ئه‌ڤه‌ بۆ ده‌مێ 74 رۆژانه‌ بوو رێگرتن ژ زێده‌تر به‌لاڤبوونا ڤایرۆسێ كوروناێ هات بو داخستن.

سپێده‌هیا ئه‌ڤرۆ 31/5/2020 ده‌رگه‌هێ مزگه‌فتێ هاته‌ ڤه‌كرن و نڤێژ تێدا هاته‌كرن.

تا نوكه‌ 83 هزار و 384 كه‌س ل سعویدێ توشی ڤایرۆسێ كورونایێ بوون و ژ وێ ژماره‌یێ ژی 480 كه‌س ب ڤایرۆسی مرینه‌.

ئه‌ڤرۆ نیوز، مه‌حمود نهێلى:

 

 

ل سپێده‌هیا ئه‌ڤرۆ شەمبیێ 30/5/2020 فرۆکێن تورکی ل نێزیك گوندێ هێتوتێ یێ سه‌ر ب ناحیا دێره‌لۆكێ ڤه‌ بوردومان کر و د ئه‌نجام دا دو وەلاتى شه‌هید بوون و ئێك ژى بریندار بوو.

 

 

ل گور وان زانیاریێن ده‌زگه‌هێن ئه‌منى ب ده‌ست ئه‌ڤرۆ نیوز كه‌فتین، ئه‌ڤرۆ فرۆكێن توركیا پشتا چیایێ ده‌ره‌جێ ل هنداڤا دێره‌لۆك بوردومانكریه‌ و د ئه‌نجامێ دا دو وەلاتى شه‌هید بووینه‌ و ئێك ژى بریندار بوویه‌.

وى ژێده‌رى گوت ژى: ئه‌و كه‌سێن شه‌هید بووین كور و بابن بناڤێ جەلال نوره‌دین د ژیێ 60 سالیێ دایە و ئه‌حمه‌د جه‌لال د ژیێ 30 سالیێ دایە و ئاكنجیێن سه‌نته‌رێ ناحیا دێره‌لۆكێ نه‌.
هەروەسا گوت ژی: ئه‌و كه‌سێ بریندار بووى په‌یوه‌ندیا ته‌له‌فونێ ب كه‌س و كارێن خوه‌ كریه‌ ل سه‌ر روودانێ و نوكه‌ هژماره‌كا خه‌لكێ ده‌ڤه‌رێ قه‌سا جهێ روودانێ كریه‌ بو ڤه‌گه‌راندنا ته‌رمێن وانا و گه‌هاندنا بریندارى بۆ نه‌خوشخانێ.
د ڤان چه‌ند سالێن داویێ دا پتر ژ 20 وەلاتیێن سنورێ ناحیا دێره‌لۆكێ و شێلادزێ ژ ئه‌گه‌رێ بوردومانێن فرۆكێن توكیا شه‌هید بوونه‌.

ئەڤرۆ نیوز،عەلی حاجی :
بەرپرسێ راگەهاندنا بەرەڤانیا باژێری ل پارێزگەها دهۆکێ بۆ ئەڤرۆ نیوز دیار کر ل شەڤا دەرباز بوویی ژ ئەگەرەکێ نەدیار ئاگر بەر بوو گەنمێ بەرهەمێ جۆتیاران ل گوندێ پێشابیرێ و هەژمارەک ژ وی بەرهەمی هاتە سوتن.
زێدەتر رائید بێوار عەبدولعەزیز گۆت : درەنگیا شەڤا دەرباز بوویی ل گوندێ پێشابیرێ یا سەر ب قەزا زاخۆ ڤە ئاگر بەر دبیتە گەنمێ بەرهەمێ جۆتیارێن وی گوندی و هەتا نوکە ژی نەهاتیە زانین کو سەرچاوەیێ وی ئاگری ژکیڤە بوویە،پشتی تیمێن مە ل بەرەڤانیا باژێری ل پێشابیرێ گەهشتنە جهێ روودانێ و ژبەر کو ئاگر زێدە بوو نێزیکی ٢٠ دونەمێن ئەردی سوتن و تیمێن مە شیان وی ئاگر کۆنترول بکەن و رێگریێ ژ سوتنا ١٠٠ دونەمێن ئەردی بگرن و ئەو گەنمە ژ سوتنێ هاتە پاراستن،د ڤی وەرزی دا سوتنا پێش و پەلەخی و گەنمی بەرەڤ زێدەبونێ ڤە دچیت ژبەر ڤێ چەندێ دێ چەندین تیمێن گەروک پێک ئینین پێخەمەتی وێ چەندێ کو زووتر تیمێن مە بگەهنە جهێ روودانێ دا کو زیانێن سوتنێ کێمتر بن.
ناڤهاتی خویا کر ژی ” پێدڤی یە وەلاتی ب خوە ژی هاریکار بن ئاگری ب پێش و پەلەخی نەبەردەن ژبەر کو دبیت ئەو چەندە ببیتە ئەگەرێ دروست کرنا ئاریشەیێن مەزنێن سوتنێ”.

ئه‌ڤرۆ نیوز:

ده‌سته‌یا گشتی یا گه‌شتوگۆزارێ ب داخستن و ڤه‌كرنا جهێن گه‌شتیاری یێن هه‌رێما كوردستانێ و رێك دان ب ڤه‌كرنا زالگه‌هـان روونكرنه‌ك به‌لاڤكر.

ئه‌ڤرۆ 28/5/2020 وه‌زاره‌تا باژێرڤانی و گه‌شتو گۆزارێ یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌، داخستن و ڤه‌كرنا جهێن گه‌شتیاری یێن هه‌رێما كوردستانێ رێك دان ب ڤه‌كرنا زالگه‌هـان ل ده‌سه‌لاتا ده‌سته‌یا گشتی یا گه‌شتوگۆزارێ دا نه‌بوویه‌، بابه‌ت گرێدایی ب ره‌وشا ساخله‌میا گشتی و كێم و زێده‌بوونا مه‌ترسیا ڤایرۆسێ كورونایێ ڤه‌ هه‌یه‌، له‌ورا ده‌سه‌لاتا بریاردانێ ل ده‌ڤ لژنا بلندا به‌رهنگاربوونا ڤایرۆسێ كورونایێ و ژوورا ئوپراسیونا پارێزگه‌هێن هه‌رێما كوردستانی دایه‌.

ئەڤرۆ نیۆز، قائید میرۆ:

بڕیارە تنێ پۆلا ١٢ی ئامادەیی و قۆناغا پێنجێ یا پەیمانگەھان پشکداریێ د تاقیکرنێن دوماھیا سالێ دا بکەن و بڕیاردەرا لیژنا پەروەردێ ژی ل پەرلەمانێ کوردستانێ رەتکر گۆھوڕین ب سەر ژڤانێ تاقیکرناندا ھات بیت.

دکتۆر گەلاوێژ عوبێد، بڕیاردەرا لیژنا پەروەردێ ل پەرلەمانێ کوردستانێ بۆ ئەڤرۆ نیۆز دیارکر ھەموو وانەیێن ب شێوەیێ ئۆنلاین ژلایێ قوتابیانڤە ھاتینە خواندن نابنە پرسیار بۆ تاقیکرنێن دوماھیا سالێ و تنێ پرۆگرام ھند دێ بیتە پرسیار و پشکدارە بۆ تاقیکرنان یێن بەری کۆرۆنایێ ل قوتابخانێ ھاتینە خواندن.

لدۆر گۆھڕینا ژڤانێ رێڤەچوونا تاقیکرنێن پۆلا ١٢ی ئامادەیی دکتۆر گەلاوێژ عوبێد گۆت” گورەی بڕیارا وەزارەتا پەروەردێ دێ تاقیکرنێن پۆلا ١٢ی ئامادەیی و قۆناغا پێنجێ یا پەیمانگەھان ددەمێ خۆ یێ دیاریکری ھێنە ئەنجامدان و گۆھڕین تێدا ناھێنەکرن.

ئه‌ڤرۆ نیوز:

پارێزگه‌هه‌كا عیراقێ رێ و ئاوایێن به‌رهنگاربوونا كورونایێ توند دكه‌ت ل كه‌ركووكێ ژی سێ حاله‌تێن توشبوون ب كورونایێ هاتنه‌ توماركرن.

عه‌مار جه‌بر پارێزگارێ سه‌لاحه‌دین بریار دایه‌ رێ و ئاوایێن به‌رهنگاربوونا كورونایێ تودكرن و هاتنوچون دناڤبه‌را ناڤخوو باژێروك و گۆندان و هاتنوچون دناڤبه‌را پاریزگه‌هێ بۆ پارێزگه‌هێن دی هاته‌ قه‌ده‌غه‌كرن.

پارێزگارێ سه‌لادین ئه‌و چه‌نده‌ ژی راگه‌هاند هه‌ر وه‌لاتیه‌كێ بێ كه‌مام و ده‌ستگورك ب چیته‌ ده‌رڤه‌ دێ هێته‌ سزا دان.

ئه‌گه‌رێن توندكرنا رێكارێن خۆ پاراستنێ ژلایێ پارێزگارێ سه‌لاحه‌دین ڤه‌ بۆ زێده‌بوونا ژماره‌یا توشبوویێن كورونایێ ل به‌غدا ڤه‌دگه‌ریت كۆ ب ئاوایه‌كێ مه‌ترسیدار به‌لابه‌لاڤ بوویه‌.

شه‌ڤا بووری فه‌رمانگه‌ها ساخله‌میا كه‌ركووكێ توشبوونا سێ كه‌سێن دی ب كورونایێ راگه‌هاند.

ئه‌ڤرۆ نیۆز، عه‌زیز هه‌ورامی:

مه‌سرور بارزانی سه‌رۆكی حكومه‌تی هه‌رێمی كوردستان له‌گه‌ڵ خستنه‌ بواری جێبه‌جێ كردنی پڕۆژه‌ی چاكسازی پلانی داناوه‌ سه‌رچاوه‌كانی داهات فره‌چه‌شن بكات و ته‌نها بشت به‌ یه‌ك سه‌رچاوه‌نه‌به‌سترێت، ماموستاییه‌كی زانكۆ باس له‌و كه‌رتانه‌ده‌كات حكومه‌ت ده‌توانێت ده‌ستی بۆبه‌رێت و له‌ماوه‌ی شه‌ش مانگدا ده‌رئه‌نجامی ده‌رده‌كه‌وێت.

هاشم عومه‌ر، ماموستایی زانكۆ ئابووری ناس، به‌ ئه‌ڤرۆ نیۆزی ڕاگه‌یاند، پشتبه‌ستن به‌ یه‌ك سه‌رچاوه‌ی دارایی گرفتی گه‌وره‌ بۆ هه‌رێم دروستكردووه‌، دوو چاره‌سه‌ری ئانی و دوورمه‌ودا هه‌یه‌ بۆ ئابووری وڵات و فره‌چه‌شنكردنی سه‌رچاوه‌ی ئابووری ،ئه‌وه‌ی ئێسته‌ پێویسته‌ بیكه‌ین، یه‌كه‌م پڕۆژه‌ كشتووكاڵیه‌كان له‌به‌رامبه‌ر زیادكردنی به‌رهه‌می كشتوكاڵی له‌ ڕووی چۆنییه‌تی و چه‌ندییه‌تی وه‌ به‌بازاڕكردنی نێوده‌وڵه‌تی.

هه‌روه‌ها گوتیی، چۆن ئێران له‌ڕوی به‌رهه‌می كشتوكاڵی كوردستانی كردووه‌ به‌سه‌رچاوه‌ی خۆی به‌رهه‌مه‌كانی بۆ هه‌نارده‌ده‌كات ده‌بێت كوردستانیش له‌چه‌ند به‌رهه‌مێكی كشتوكاڵی بۆ بازاڕی چه‌ند وڵاتێك هه‌نارده‌بكات .

سه‌رچاوه‌ پیشه‌سازییه‌كان جگه‌ له‌ نه‌وت و غاز به‌رهه‌مه‌ كانزاییه‌كان گرنگه‌ كاری له‌سه‌ربكرێت، به‌رهه‌مه‌كانی سه‌رچاوه‌ ئاوییه‌كان و وه‌به‌رهێنان له‌ ته‌خته‌ و بلۆك و چیمه‌نتۆ و ئاسن له‌ كوردستان به‌رهه‌مێكی باشی هه‌یه‌ و ئه‌و به‌رهه‌مه‌ خامه‌ی له‌ ڵاوتی ئێمه‌ هه‌یه‌ بۆ ئاسن له‌ وڵاتانی تر‌نییه‌، ئه‌وماموستایی زانكۆ وای گوت.

ئاماژه‌ی به‌وه‌دا، هیچ كۆمپانیایه‌ك له‌ باج نه‌به‌خشرێت و باجه‌كان ڕێكبخرێته‌وه‌ چاكسازی گشتگیر له‌ ته‌واوی كه‌رته‌كانبكرێت، ده‌توانین بڵێن بۆ ماوه‌ی شه‌ش مانگ ده‌رئه‌نجامه‌كانی ده‌رده‌كه‌وێت، به‌ڵام ئه‌م بابه‌تانه‌ی باسمانكرد هه‌نگاوی جدی سه‌رۆك وه‌زیرانی ده‌وێت.

 

 

ئەڤرۆ نیۆز، قائید میرۆ:

 

 

پەرلەمانتارەکێ پارتی لدۆر ھێرشێن لسەر حوکمەتێ دھێنە کرن خویاکر، ھندەک لایەن پشتی دەواما حوکمەتا جلکێن ئۆپۆزسیۆنێ دکەنە بەرخۆ دبێژیت، گوتارا شەڤا بۆریا مەسروور بارزانی زۆر پەیام تێدا ھەبوون.

 

 

د. زێدان برادۆستی، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیۆز دیارکر” گوتارا مەسرور بارزانی سەرۆک وەزیرێن ھەرێما کوردستانێ زۆر پەیام تێدا ھەبوون ل دۆر رەوشا سیاسی و ئابووریا نوکەیا ھەرێما کوردستانێ.

 

 

ئەڤی پەرلەمانتارێ پارتی گۆتژی” بەری چەند رۆژانژی من د ھەڤدیتنەکێ دا بەحسێ ئەڤێ دیاردا سیاسی کربو، کو ھندەک لایەنێن پشکدار د حوکمەتێ دا سیاسەتەکا دوو لایەنی رێڤەدبەن بشێوەیەکی دەمژمێر ٨ی سپێدێ ھەتا ٢ی پشتی نیڤرۆ ل حوکمەتێ دانە و پشتی نیڤرۆ پێڤە دێ بەرگەکێ دی یێ ئۆپۆزسیۆنێ کەنە بەرخوە دێ بنە ئۆپۆزسیۆن، لەوڕا ئەز وەک پەرلەمانتار دگەل پەیاما سەرۆک وەزیرانم دەمێ دبێژیت شەریکێن سەرکەفتنێ زۆرن.
دکتۆر زێدان برادۆستی ئەویەکژی ئاشکراکر” ئەڤا نوکە دھێتە بەرچافکرن زۆر لایەن بزاڤێن ڤێ چەندێ دکەن حوکمەت یا سەرکەفتی نەبیت بجە ئینانا بەرنامێ کارێ خوە بەرۆڤاژی بکەڤیتە رەوشەکا دژواردا، بەلێ مەسرور بارزانی ب ئاشکرا و زۆر ب رۆھنی پەیاما بەردەوامی بوون و سەرکەفتنێ راگەھاندیە، دەمێ گوتی ئەم د سەنگەرێ میللەتی داینە و رێکێ نادەین چو کەس و لایەن رێگربن لڤێ ئێکێ، داکو بگەھینە ئارمانجێن خوە.

website security
WP Facebook Auto Publish Powered By : XYZScripts.com