NO IORG
هه‌لبژارتى2

ئه‌ڤرۆ نیوز:

وه‌زیرێ دارایێ عیراقێ نڤیسارا مه‌زاختنا 320 ملیار دیناران وه‌ك پشكا موچه‌یێ هه‌رێما كوردستانێ ئیمزاكر.

د نڤیساره‌كێ دا كو رۆژا 13/10/2020 ژلایێ عه‌لی عه‌لاوی وه‌زیرێ دارایێ عیراقی ڤه‌ هاتیه‌ ئیمزاكرن، فه‌رمان هاتیه‌ دان رێ و ئاوایێن ڤه‌گۆهاستنا 320 ملیار دیناران بۆ سه‌ر حسابا وه‌زاره‌تا دارای یا حوكمه‌تا هه‌رێما كوردستانێ ب رێكا به‌نكا هه‌ولێرێ یا به‌نكا ناڤه‌ندی یا عیراقێ بهێنه‌كرن.

د هێته‌ چاڤه‌رێكرن ل نێزیكترین ده‌م دا پاره‌ی راده‌ستی وه‌زاره‌تا دارایی یا هه‌رێما كوردستانێ بهێته‌ كرن و پرۆسه‌یا پارڤه‌كرنا مووچه‌یێ فه‌رمابنه‌رێن هه‌رێما كوردستانێ ده‌ست پێ بهێته‌كرن.

ئه‌ڤرۆ نیوز:

وه‌زاره‌تا ساخله‌میا عیراقێ ئه‌و چه‌نده‌ ره‌تكر كۆ هزر ل قه‌ده‌غه‌یا هاتنوچونێ بكه‌ت و داخاز ژ وه‌لاتیان كر كه‌مامان بكار بینن.

ب ئه‌گه‌رێ زێده‌بوونا ژماره‌یا توشبوویێن ڤایرۆسێ كورونایێ د عیراقێ دا، گۆتنه‌ك هه‌بوو كو وه‌زاره‌تا ساخله‌میا عیراقێ هزر ل ڤه‌گه‌راندنا قه‌ده‌غه‌یا هاتنوچونا ته‌ڤایی دكه‌ت، به‌لێ وه‌زاره‌تا ساخله‌میێ د به‌یاننامه‌یه‌كێ دا ئه‌و چه‌نده‌ ره‌تكر و چ راستی ژی بۆ ئه‌وان گۆتنان نینه‌.

د به‌یاننامه‌یا وه‌زاره‌ا ساخله‌میا عیراقی دا هاتیه‌ پێدڤیه‌ وه‌لاتی كه‌مامان بكار بینن و دیر بكه‌ڤن ژ كۆمڤه‌بوونێن جڤاكی ژبو خو پاراستن ژ ڤایرۆسێ كورونایێ.

ئه‌ڤرۆ نیوز:

رێبه‌رێ ره‌وتا سه‌در راگه‌هاند پێدڤیه‌ خونیشاندانێن چاڤه‌رێكری به‌ری هه‌لبژارتنێن پێش وه‌خت بكه‌ین.

موقته‌دا سه‌در رێبه‌رێ ره‌وتا سه‌در راگه‌هاند چار داخازیان د ئێخینه‌ ریی بۆ چاره‌كرنا ره‌وشا عیراقێ، داخازیێن مه‌ ژی ئه‌ڤه‌نه‌ هه‌لبژارتنێن پێش وه‌خت ب سه‌رپه‌رشتیا نه‌ته‌وه‌یێن ئێكگرتی دا بن، ل نێزیكترین ده‌م دا حزمه‌تگۆزاری بۆ گه‌لێن عیراقێ بهێنه‌ دابینكرن، لێپرسین ل گه‌ل گه‌نده‌لكاران و ئه‌ڤێن ژ یاسایێ ده‌ركه‌تین و هێرشكرینه‌ سه‌ر خونیشانده‌رێن سالا 2019 تا نوكه‌ بهێته‌كرن، هه‌كه‌ ئه‌ڤ داخوازیه‌ نه‌هێنه‌ بجهكرن ئه‌ڤه‌ ب رامانا به‌رزه‌بوونا عیراقێ یه‌.

ئه‌ڤ گوتنێن رێبه‌رێ سه‌در د ده‌مه‌كی دایه‌ ره‌وشا عیراقێ د قوناغه‌كا ئالوزا سیاسی و ئه‌منی و ئابووری دایه‌ هنده‌ك ژ چاڤدێرێن سیاسی د وێ هزرێ دانه‌ هه‌لبژارتنێن پێش وه‌خت چاره‌سه‌ریا ره‌وشا عیراقێ ناكه‌ت.

ئه‌ڤرۆ نیوز:

وه‌زاه‌تا ناڤخویا حوكمه‌تا هه‌رێما كوردستانێ مه‌رجێن ئینانا ترۆمبێلان دیار دكه‌ت.

لگۆری نڤیساره‌كا وه‌زاره‌تا ناڤخۆیا حوكمه‌تا هه‌رێما كوردستانێ تێدا هاتیه‌، ترۆمبێل دڤێت ب كێماتی دو ئێرباكێن شوفێری و ته‌نشت شوفێری و سیسته‌مێ ABS هه‌بن و دڤێت ژ 100 كیلۆمه‌تران زێده‌تر نه‌ چوو بیت و ده‌مێ دگه‌هته‌ خالێن توخیبی یێن هه‌رێمێ.

لگۆری ئه‌وێ نڤیسارێ كو تێدا هاتیه‌ دیاركرن، دڤێت باوه‌رنامه‌یا COC ل گه‌ل بیت، دبیت ل خالێن توخیبی ژلایێ كۆمپانیێن كوالیتی و باوه‌رنامه‌یا COC پێ هێته‌ دان، هه‌روه‌سا ترۆمبێلا ژ جورێ پاس ژ 14 نه‌فه‌ری به‌ره‌ڤ سه‌ری بیت و مه‌رج نینه‌ ئێرباك هه‌بن.

هه‌ر لگۆری نڤیسارا وه‌زاره‌تا ناڤخو، ترۆمبێلا كلاسیك دڤێت ب كێماتی 40 سال ده‌رباس بن ب سه‌ر درۆستكرنا وێ و پاشی توماركرنا وێ چ كرین و فرۆتن پێڤه‌ ناهێنه‌كرن، ئینانا ترۆمبێلێن كه‌ڤن د ده‌سه‌لاتا وه‌زیرێ ناڤخو و وه‌زاره‌تا دارایی دایه‌ كار ب چ نڤیساره‌كێ ناهێته‌كرن هه‌كه‌ ئیمزایا وه‌زیرێ ناڤخو ل سه‌ر نه‌بیت.

30920209nawxo.2

ئه‌ڤرۆ نیوز:

هێزێن عیراقێ ده‌ست ب ئوپراسیونه‌كا سه‌ربازی ل دژی چه‌كدارێن رێكخراوا تیرۆریستی یا داعشێ ل باكورێ به‌غدا كر.

شانه‌یا راگه‌هاندنا ئه‌منی د به‌یاننامه‌یه‌كێ دا راگه‌هاند ئوپراسیونه‌ك سپێده‌هیا ئه‌ڤرۆ ل دولا سه‌رسار ل توخیبێ پارێزگه‌ها سه‌لاحه‌دین ل باكورێ به‌غدا ده‌ستپێكر.

دئه‌وێ ئوپراسیونێ دا ژبلی فه‌رمانده‌یێ ئوپراسیونێن سه‌لاحه‌دین و رۆژئاڤایێ نه‌ینه‌وا و جه‌زیره‌یا سوپای عیراقێ و پولیسێن سه‌لاحه‌دین پشكداریێ تێدا دكه‌ن.

هه‌ر د ئه‌وێ راگه‌هاندنێ دا هاتیه‌ ئوپراسیون بۆ كوشتن و گرتن و ژناڤبرنا چه‌كدارێن داعشێ یه‌ ل ده‌ڤه‌رێ.

ئه‌ڤرۆ نیوز:

ئاژانسێن جیهانێ به‌لاڤكر، بهایێ پترۆلێ یا برێنت 41.20 دۆلاران كرین و فرۆتن پێ هاتیه‌كرن ل بازارێن جیهانی، بهایێ پترۆلا ئه‌مریكی ژی 39 دۆلاران كرین  و فروتن پێڤه‌ هاتیه‌كرن.

داكه‌تن و بلند بوونا بهایێ پترۆلێ دده‌مه‌كی دایه‌، ژماره‌یه‌كا وه‌لاتان بۆ ریب ری بوونا ڤایرۆسێ كورونایێ ته‌ڤایا كه‌رتێن پیشه‌سازیێ و بازرگنیی راوه‌ستاندبوون، به‌لێ نوكه‌ ب ئه‌گه‌ری كێم بوونا مه‌ترسیێن ڤایرۆسێ كورونایێ پشكه‌كا چالاكیێن ئابووری ده‌ستپێكرینه‌ ئه‌ڤه‌ ژی بوو ئه‌گه‌رێ بلند بوونا بهایێ پترۆلێ.

 

ئەڤرۆ نیوز:

بەری دەمەکێ وه‌زیرێ به‌رگریا ئیتالیا، لۆرینتزۆ گورینی گه‌هشته‌ هه‌ولێرێ و بریاره‌ سوبەهی سێشەمبی، ل ‌گه‌ل هەر ئێک ژ سه‌رۆكێ هه‌رێما كوردستانێ و سه‌رۆكێ حوکمه‌تا هه‌رێما كوردستانێ كۆم ببیت‌.

ئه‌ڤرۆ نیوز:

سه‌رۆكێ حوكمه‌تا هه‌رێما كوردستانێ، ل قوتابخانه‌یه‌كا توخیبێ پارێزگه‌ها هه‌ولێرێ زه‌نگا ده‌ستپێكرنا سالا نوو یا خاندنێ لێ دا.

ئه‌ڤرۆ مه‌سرور بارزانی سه‌رۆكێ حوكمه‌تا هه‌رێما كوردستانێ، ل قوتابخانه‌یه‌كا باژێركێ به‌حركێ توخیبێ پارێزگه‌ها دهۆكێ زه‌نگا ده‌ستپیكرنا سالا نویا خاندێ لێدا و د په‌یڤه‌كێ دا ژی  راگه‌هاند خوشحالم ئه‌ڤرۆ زه‌نگا ده‌ستپێكرنا پرۆسه‌یا خاندنێ لی دده‌ین، بۆ ئه‌وێ چه‌ندێ پرۆسه‌یا خاندنێ بۆ پۆلا 12 یا ئاماده‌یی و پاشی خاندنا پۆلا ئێك و دوێ یێن بنه‌ره‌تی ده‌ست پێ بكه‌ن.

سه‌رۆكێ حوكمه‌تێ ئه‌و چه‌نده‌ ژی راگه‌هاند سوپاسیا وه‌زیرێ په‌روه‌ردێ دكه‌ین ب بزاڤ و ماندووبون و دانانا میكانزمه‌كێ بۆ ده‌ستپێكرنا پرۆسه‌یا خاندنێ، ب تایبه‌تی دئه‌ڤان كاودانێن نوكه‌دا ده‌رباز دبین و سوپاسیا مامۆستایان ژی دكه‌م كۆ به‌رده‌وام د ئه‌ركی دابووینه‌ كۆ به‌رده‌وام پێشه‌نگن دخزمه‌تكرنێ دا.

ئه‌ڤرۆ نیوز:

په‌رله‌مانتاره‌كێ عیراقێ دیاركر حوكمه‌تا عیراقێ چ ده‌ستكه‌فت نه‌بوویه‌ هه‌ژی به‌حسكرنێ بیت ژ ده‌ستپێكێ هه‌تا نوكه‌، داخازێ ژ جڤاتا نوونه‌ران دكه‌ین ڤه‌كۆلینیێ ل گه‌ل مسته‌فا كازمی سه‌رۆك وه‌زیر بكه‌ن، ب ئه‌گه‌رێ پاش كه‌تنا پارڤه‌كرنا موچه‌ی.

محه‌مه‌د خالد ئه‌ندامێ جڤاتا نوونه‌رێن عیراقێ راگه‌هاند ل ده‌مێ چار هه‌یڤێن بوری زێده‌باری پشته‌ڤانیا نێڤ ده‌وله‌تی و سیاسی بوو، هێشتا وه‌ك پێدڤی نینه‌ و چ ده‌ستكه‌فته‌ك نه‌بوویه‌ ب بیته‌ جهێ هه‌ژی گوتنێ، تانوكه‌ حوكمه‌ت نه‌شیایه‌ موچه‌ی پارڤه‌ بكه‌ت و بڤێ ئه‌گه‌ری كابینا كازمی 3 ملیار دۆلاران قه‌ر داره‌.

ئه‌ندامێ جڤاتا نوونه‌رێن عیراقێ ئه‌و چه‌نده‌ ژی راگه‌هاند كۆ ئه‌ڤ حوكمه‌ته‌ حوكمه‌تا قه‌رانه‌ نه‌ك حوكمه‌تا چاكسازیی و داهات و نه‌هێلانا گه‌نده‌لیێ یه‌، پێدڤیه‌ جڤاتا نوونه‌ران ب ئه‌ركێ سه‌ر ملێن خو رابیت و بانگهێشتا سه‌رۆك وه‌زیران بكه‌ت و لێپرسینێ ل گه‌ل بكه‌ت بۆچ 40 رۆژه‌ موچه‌ پاشكه‌تی یه‌ .

ئه‌ڤرۆ نیوز،بارزان مزوورى:
سه‌ردار یه‌حیا عەبدلعەزیز،قائیمقامێ قه‌زا شێخان بۆ ئه‌ڤرۆ نیوز دیاركر رێكا ناوه‌ران دناڤبه‌را مووسل و شێخان ئه‌ڤه‌ شه‌ش هه‌یڤه‌ هاتیه‌گرتن، هه‌موو رێك یێن دناڤبه‌را باژێرێن مووسل و هه‌رێمێ هاتینه‌ ڤه‌كرن بتنێ ئه‌ڤه‌ مایه‌ ژئه‌گه‌رێ خرابیا ناحیا باشیك ژ ئه‌نجامێ به‌لاڤ بوونا ڤایرۆسێ كورونا ژبه‌ركۆ د نها دا باشیك د ره‌وشه‌ك خراپ دایه‌ له‌ورا هه‌تا نها بریارا ڤه‌كرنا وێ رێكێ نه‌هاتیه‌ دان،
ناڤهاتى خویاكر گرنگیا ڤه‌كرنا ڤێ رێكێ بۆ ده‌ڤه‌را شێخان گه‌له‌ك یا گرنگه‌ ژلایێ ئابوورى و ئاینى ژى ژبه‌ركۆ گه‌له‌ك ژ كه‌ساتیێن ئاینى یێن ئێزدیان ل ناحیا باشیك پێدڤى یه‌ رۆژانه‌ سه‌ره‌دانا په‌رستگه‌ها لالش بكه‌ن دیسان رۆژانه‌ ژماره‌كا مه‌زن یا فه‌رمانبه‌رێن شێخان و ده‌وروبه‌ر ل مووسل و باشیك ده‌شتا نه‌ینه‌وا دهێنه‌ شێخان ده‌واما وان ل شێخان و ده‌وروبه‌ره‌ د نها دا ئاسته‌نگ بۆ ڤان هه‌موو كه‌رتا یا دروست بوىە له‌ورا یا پێدڤىە ئه‌ڤ رێكه‌ بهێتە ڤه‌كرن به‌لێ ژبه‌ر رێنمایێن ساخله‌میێ ئه‌ڤ رێكه‌ هاتیه‌ گرتن و تا راده‌یه‌كى باش ژى ڤایرۆسێ كورونا ل شێخان ژ ئه‌گه‌رێ گرتنا ڤێ رێكێ هاتیه‌ كونترۆل كرن.

ناڤهاتى گۆت:هه‌تا نها بریار ل سه‌ر ڤه‌كرنا وێ رێكێ نه‌هاتیه‌ دان ژبه‌ركۆ بریا ردێ ل سه‌ر دوو ئیدارا هێتە دان مووسل و دهوك مه‌ یا داخازكرى كۆ كومبین ل سه‌ر ڤه‌كرنا وێ به‌لێ هه‌تا نها كومبون نه‌هاتینە كرن به‌لێ ئه‌ڤرۆ ب نڤیسارا فه‌رمى مه‌یا ره‌وانه‌كرى كۆ دڤێ حه‌فتیێ دا بهێتە ڤه‌كرن به‌لێ به‌رى بهێتە ڤه‌كرن ،پێدڤى یه‌ هه‌ردوو لا كارى بكه‌ن بۆ دابینكرنا وان تیمێن پێدڤى ب لژنه‌كا تایبه‌ت یا ساخله‌میێ دگه‌ل لژنه‌كا ئه‌منى و فه‌رمانگه‌هه‌كا ئیقامه‌یا بهێت دانان بۆ پاراستنا ژیانا وه‌لاتیان ژ ڤایرۆسێ كورونا ، ده‌مێ ئه‌ڤ رێكه‌ بهێت ڤه‌كرن بتنێ هاتن و چوونا وه‌لاتیان و فه‌رمانبه‌رایه‌ بازرگانى دڤێ رێكێ دا ناهێتك رن بتنێ ترۆمبێل بچیك دێ ده‌ستیرى بۆ هێت دان.

website security
WP Facebook Auto Publish Powered By : XYZScripts.com