NO IORG
هه‌لبژارتى2

ئه‌ڤرۆ نیوز:

ئه‌ڤرۆ د رێ و رسمێن گوهورینا پارێزگارێ دهۆكێ ل جڤاتا پارێزگه‌ها دهۆكێ د كۆمبوونا خوه‌ یا ئه‌ڤرۆ دا، د.عەلی تەتەر ب تێکرایا دەنگێن جڤاتا پارێزگەها دهۆکێ بۆ پارێزگارێ دهۆکێ.

ئه‌ڤرۆ نیوز:

فه‌رماندێ هێزێن زه‌مینیا سوپایێ پاسداران راگه‌هاند: قوناغا ئێكێ یا مانورا سه‌ربازی یا هێزێن شه‌هیدێن كوردێن موسلمان یا هێزا زه‌مینیا سوپایی ل رۆژهه‌لاتا كوردستانێ هاته‌ ئه‌نجام دان.

میدیایێن ئیرانێ به‌لاڤكرن، موحه‌مه‌د پاكپور فه‌رمانده‌یێ هیزێن سوپایێ پاسدارێن ئیرانێ راگه‌هاند مانورا سه‌ربازی یا هێزین شه‌هیدێن كوردێن موسلمان یا هیزا زه‌مینیا سوپایێ ل ده‌ڤه‌را شلێر ل سنورێ هه‌رێما كوردستامێ ل بلنداهیین چل چه‌مه‌ هاتیه‌ ئه‌نجام دان.

ناڤبری ئه‌و چه‌نده‌ ژی راگه‌هاند یه‌كه‌یین خوجهی یین له‌شكرێ 22 یی سوپایێ به‌یت لموقه‌ده‌س و هنده‌ك یه‌كه‌یێن سوپایێ باژێرێن مه‌ریوان و دیوانده‌ره‌ و یه‌كه‌یێن دی پشكداری ئه‌ڤێ مانوری نه‌.

 

ئەڤرۆ نیوز:

 

د. سامان بەرزنجی، وەزیرێ ساخلەمیا هەرێما کوردستانێ دیار کر: رۆژانە سەدان تووشبوویێن کۆرۆنایێ ل هەرێما کوردستانێ دهێنە تۆمار کرن و داخواز کر بڕیارا قەدەغەیا هاتنوچوونێ بۆ ماوەکێ دیار کری ل گەل بەرچاڤکرنا پێدڤیێن ژیانێ بهێنە راگەهاندن، ب تایبەت هاتنوچوون دناڤبەرا پارێزگەهێن هەرێما کوردستانێ تووندتر بن وەکو نوکە.

وەزیرێ ساخلەمیا هەرێما کوردستانێ د کۆنگرەکێ رۆژنامەڤانی دا داخواز کر دەواما فەرمانبەران ل کەرتێ گشتی و یێ تایبەت بۆ ماوەکێ سنۆردار بهێتە راگرتن و قەدەغەیا هاتنوچوونێ ژی بێخنە سەر هۆکارێن ڤەگوهاستنا گشتی.

 

ئه‌ڤرۆ نیوز:

 

ئه‌ڤرۆ شاندێ هه‌رێمێ ب سه‌رۆكاتیا قوباد تاله‌بانی جێگرێ سه‌رۆكێ حكومه‌تا هه‌رێما كوردستانێ سه‌ره‌دانا به‌غدا كر.

بریاره‌ شاند ل گه‌ل مسته‌فا كازمی سه‌رۆك وه‌زیرێ عیراقێ و وه‌زیری دارایی و پترۆلێ ژی كۆم بن.

فارس عیسا سه‌رۆكی نوونه‌راتیا حكومه‌تا هه‌رێمێ ل به‌غدا راگه‌هاند دانوستاندنین هه‌ولێری و به‌غدا دێ ل وی جهی ده‌ست پێ كه‌ن كو تێدا راوه‌ستیا بوون.

 

ئەڤرۆ نیوز:

 

 

سوبەهی سێشەمبی 23.6.2020، شاندێ هەرێما کوردستانێ ب سەرۆکاتیا جێگرێ سەرۆکێ حوکمەتا کوردستانێ قوباد تالەبانی دێ سەرەدانا بەغدا کەت، ژبۆ دانوستاندنێ ل سەر شایستێن دارایی یێن هەرێما کوردستانێ و چەندین پرسێن دی.

ئه‌ڤرۆ نیوز:

هونه‌رمه‌ند عه‌تا چاوشین ب ئه‌گه‌رێ توشبوونا وی ب ڤایرۆسێ كورونایی گیانێ خو ژ ده‌ست دا.

سپێده‌هیا ئه‌ڤرۆ عه‌تا چاوشین هونه‌رمه‌ندێ ناڤدار ب ئه‌گه‌رێ ڤایرۆسێ كورونایێ ل نه‌خوشخانه‌یێ گیانێ خو ژ ده‌ست دا.

هونه‌رمه‌ند هه‌تا چاوشین ل هه‌فتیین بوری توشی ڤایرۆسێ كورونایی بوو ب ئه‌گه‌ری خرابیا ره‌وشا ساخله‌میا وی ئامیرێ هه‌ناسه‌دانا ده‌ستكرد ژی بۆ دانابوو به‌لێ ئه‌ڤرۆ گیانێ خو ژ ده‌ست دا.

 

 

ئەڤرۆ نیوز:

 

حوکمەتا هەرێما کوردستانێ چەند بڕیار دەربارەی مووچە و دەرمالێن فەرمانبەران و مووچەخۆران دەرکرن و گۆتیە، وان بڕیار دایە ب خەرجکرنا 79% یا مووچە و دەرمالان، ئەو کەسێن کە مووچێ وان ژ 300 هزاران کێمتر، مووچێ وان ناهێتە کێمکرن، ئەڤ بریارە دەمکینە و ب تنێ بۆ مووچێ ڤێ هەیڤێ یە.

ئەڤرۆ جڤاتا وەزیران وەزیران ب سەرۆکاتیا مەسرۆر بارزانی سەرۆکێ حوکمەتێ کۆمبوویە، پشتی دیراسەكرنا گشت ئەگەران ئەڤ بریارە داینە:
ئێک:
أ: تەمویلكرنا رێژا 79% یا خەرجیێن مووچە و شایستێن دارایی یێن مووچەخۆرێن گشت وەزارەت و دەستە و لایەنێن نەگرێدایی ب وەزارەت و سەرجەم سەرۆکایەتی و دامەزراوێن هەرێمێ.

ب: راگرتنا تەمویلكرنا وێ رێژا 21%، دێ مینیت لدەف وەزارەت و لایەنێن پەیوەندیدار ب شێوەكێ دادپەروەرانە ل سەر سەرجەم مووچەخۆران دێ هێتە جێبەجێ کرن، ل بەر چاڤگرتنا زۆری و كێمیا شایستێن دارایی یێن مووچەخۆران.
ج: ​خەرجكردنا تەمام 100% یێن شایستێن دارایی یێن كەسوكارێن شەهیدان و ئەنفالكریان و زیندانیێن سیاسی و كێم ئەندام و خودانن پێدڤیێن تایبەت و وان مووچەخۆرێن کو شایستێن وان یێن دارایی (300) هزار دینار و خوارتر.

 

د​: خەرجكرنا ب تنێ یا رێژا 50% یا شایستێن دارایی یێن هاتینە راسپاردن ب خزمەتێن گشتی و خودان وەزیفێن بلند و پلێن تایبەت ژ (سەرۆكێ هەرێمێ و سەرۆكێ پەرلەمانی و سەرۆكێ جڤاتا وەزیران و جێگرێن وان و ئەندامێن پەرلەمانی و وەزیران و ئەوێن پلێن وان هەین و بریكارێن وەزارەتاج و ئەوێن پلێن وان هەین و ئەوێن مووچە بریكارێ وەزارەتان وەردگرن و خودان پلێن تایبەت و ئەندامێن جڤاتا دادوەری و دادگەها پێداچوونێ و سەرجەم دادوەر و ئەندامێن داواكاریا گشتی و گشت ئەو كەسێن لدووڤ خشتێ كار پێ هاتیە کرن ب مووچەی، مووچە و دەرمالێن هەردو پلێن بلند (أ) و (ب) وەردگرن ل سەر میلاكێ شارستانی و سەربازی و جڤاتان و دەزگەهێ ئاسایشێ و هێزێن ئاسایشا نافخۆ).
هـ: برگا سەری دێ ئەوان كەسان ژی ڤەگریت، کو ب وان پلە و وەزیفان هاتینە خانەنشین كرن، یان ژی پشتی جێبەجێكرنا ڤێ بڕیارێ، دێ شایستێن مووچێ خانەنشینیێ بن ب وان وەزیفە و پلەیان.
دو:
أ : پێدڤیە وەزارەتا دارایی و ئابووری ڕێنمایێن دارایی یێن پێدڤی بۆ ئاسانكاریا جێبەجێكرنا ڤان بڕیاران دەربكەت.
ب : میکانیزما هاتی ژ ڤێ بڕیارێ، ڕێکارەکا دەمکیە و ب تنێ بۆ مووچێ ڤێ جارێ یە، یێ کو دهێتە دابەش کرن.
ج : هەموو وەزارەت و دەستە و لایەنێن نەگرێدایی ب وەزارەت و سەرجەم سەرۆکایەتی و دامەزراوێن هەرێما كوردستانێ، دێ بڕگێن ڤێ بڕیارێ جێبەجێ كەن، ل بەر رووناهیا ڕێنماییێن وەزارەتا دارایی و ئابووری و ل بەر چاڤ گرتنا ڕێنمایێن خوە پارێزیێ یێن وەزارەتا ساخلەمیێ ل دەمێ دابەشكرنا مووچەی.
سێ:
ڕاسپاردنا لژنا بلند یا دانوستاندنا ل گەل حكومەتا فیدرالی بۆ گەهشتنا ئەنجامان، ب ئاڕاستەیا دابینكرنا شایستێن دارایی یێن هەرێما كوردستانێ.
چار:
ڕاسپاردنا وەزارەت و لایەنێن پەیوەندیدار بۆ وەرگرتنا ڕێكارێن پێدڤێ بۆ جێبەجێكرنا قانوونا چاكسازیێ یا ژمارە (2) یا سالا 2020، کو ل دەستپێکا مانگا تەموزا 2020 دێ کەڤیتە وارێ جێبەجێكرنێ.

ئه‌ڤرۆ نیوز:

وه‌زیرا كارۆبارێن جڤاكی یا حكومه‌تا هه‌رێما كوردستانێ  راگه‌هاند سوبه‌هی دێ هه‌رسێ سه‌رۆكاتیێن هه‌رێما كوردستانێ كۆم بن و بریارا دوماهیێ ل سه‌ر موچه‌ی و ده‌رماله‌یان ده‌ن.

كویستان محه‌مه‌د وه‌زیرا كارۆبارێن جڤاكی یا حكومه‌تا هه‌رێما كوردستانێ راگه‌هاند پشتی دئه‌وێ كۆمبوونا رۆژا شه‌مبیێ دا وه‌زیرێن حكومه‌تێ بووچوونێن جودا ل سه‌ر ده‌ستكاریكرنا موچه‌ و ده‌رماله‌یان هه‌بوون، ئه‌ڤرۆ ئێك شه‌مبی جڤاتا وه‌زیران برێكا ڤیدیو كۆنفرانس كۆم دبن و پرسا موچه‌یی ئێخنه‌ به‌ر دانوستاندنان، به‌لێ د كۆمبوونا ئه‌ڤرۆ ژی دا پرسا موچه‌ و ده‌رماله‌یان بریارا دوماهێ ل سه‌ر ناهێته‌ دان.

وه‌زیرا كارۆبارێن جڤاكی یا حكومه‌تا هه‌ریما كوردستانێ ئه‌و چه‌نده‌ ژی راگه‌هاند بریاره‌ سوبه‌هی هه‌ر سێ سه‌رۆكاتیێن هه‌رێما كوردستانێ كۆمبن و بریارا دوماهێ ل ده‌ر موچه‌ و ده‌رماله‌یان بده‌ن.

ئه‌ڤرۆ نیوز:

سه‌رۆكێ رێكخراوا ساخله‌میا جیهانێ راگه‌هاند: جیهان چوو دناڤ قوناغه‌كا نو و مه‌ترسیدار ژ به‌لاڤبوونا ڤایرۆسێ كورونایێ توماركرنا زێده‌تری 150 هزار كه‌سان دئێك رۆژ دا مه‌زنترین بلندبوونا توشبوونێ یه‌ ژ ده‌ستپیكا ڤایرۆسی هه‌تا نوكه‌.

تیدروس ئه‌دهاتوم گیبریسوس سه‌رۆكێ رێكخراوا ساخله‌میا جیهانێ راگه‌هاند جیهان پینگاڤ هاڤێتینه‌ قوناغه‌كا نوو و مه‌ترسیدار و ڤایرۆس ژی بله‌ز یێ به‌لاڤ دبیت و له‌ورا دوباره‌ داخازێ ژ هه‌موو جیهانێ دكه‌م رێ و ئاوایێن خۆپاراستن و دیركه‌ڤتن ژ كۆمبوونێن جڤاكی و رێنمایین ساخله‌میێ بكار بینن.

ئه‌ڤرۆ نیوز:

رێڤه‌به‌راتیا گشتی یا خویكێ و خانوبه‌ریا میری سه‌ر ب وه‌زاره‌تا دارای و ئابووری یا حكومه‌تا هه‌رێما كوردستانێ بریاره‌كا نو ده‌ر خست.

رێڤه‌به‌راتیا گشتی یا خویك و خانوبه‌ریا میری نڤیساره‌ك به‌لاڤكریه‌ و تێدا هاتیه‌ كۆ ل سه‌ر ره‌زامه‌ندیا وه‌زیرێ دارایی و ئابووری یێ حكومه‌تا هه‌رێما كوردستانێ بریار دایه‌ ب درێژكرنا ده‌مێ یاسایێ خویكده‌ران بۆ ماوه‌یێ سی هه‌یڤان ژ 1/7/2020 هه‌تا 30/9/2020.

د ئه‌وی نڤیسارا وه‌زاره‌تا داریی و ئابووری یا حكومه‌تێ دا هاتیه‌ كۆ بریار خویكا ژێبرینا راسته‌وخو یا كارمه‌ندێن كه‌رێ تایبه‌ت بۆ بجهكرنا كارێ پێدڤی بخوڤه‌ ناگریت.

104860946_2751182691835252_387829915868065976_n

website security
WP Facebook Auto Publish Powered By : XYZScripts.com