NO IORG
هه‌لبژارتى2

ئه‌ڤرۆ نیوز:

رێكخراوا ساخله‌میا جیهانێ راگه‌هاند لگۆری ئه‌و ڤه‌كۆلینێن هاتینه‌ ئه‌نجامدان، ده‌رمانێ دێكسامیسازون كۆ ل سالێن هه‌شتیان تا نوكه‌ بۆ كێمكرنا هه‌وكرنا جومگه‌یان دهاتنه‌ بكار ئینان، ته‌ڤایا مرنێ دناڤ توشبوویێن كورونایێ ب رێژا ئێك ل سه‌ر سێ كێم دكه‌ت.

تێدهروس ئه‌دهانوم گیبه‌رسوس رێڤه‌به‌رێ رێكخراوا ساخله‌میا جیهانێ ئه‌و چه‌نده‌ ژی راگه‌هاند: حه‌بكێن دێكسامیسازون  كۆ ل سالێن هه‌شتیان بۆ كێمكرنا ئازارێن جومگه‌یان دهاته‌ بكار ئینان، ل سه‌ر توشبوویێن كورونایێ هاتیه‌ تاقیكرن و ئه‌نجامه‌كێ زۆر باش بده‌ست خوڤه‌ ئینا.

رێكخراوا ناڤبری ئه‌و چه‌نده‌ ژی دازانین كۆ ده‌مێ ئه‌و ده‌رمان دناڤبه‌را ئه‌وان توشبوویین كورونادا هاتیه‌ تاقیكرن كو پێدڤی ب بكارئینانا ئامێرێ ده‌ستكرد بو یان ئاریشه‌ هه‌بووینه‌ د كوئه‌ندامێ هه‌ناسه‌دانێ دا، ژماره‌یا مرنێ دناڤ ئه‌وان نه‌خوشان دا ب رێژا ئێك ل سه‌ر سێ كێم كریه‌، بڤان نێزیكان رینمایێن چه‌وانیا بكارئینانا ئه‌ڤی ده‌رمانی به‌لاڤ كه‌ین.

ئه‌ڤرۆ نیوز:

سێ توشبوویێن دی ب ڤایرۆٍسێ كورونایێ ل نه‌خوشخانه‌یا رزگاری گیانێ خو ژ ده‌ست دان.

شه‌ڤا بوری سێ توشبوویێن كورونایێ گیانێ خو ژ ده‌ست دان هه‌رسێك به‌ری نه‌كو ل بن چاڤدێریا ئامێرێ هه‌ناسه‌دانێ بون و ره‌وشا وان نه‌یا جیگیر بوو.

هه‌ر شڤێدی وه‌لاتیه‌كێ توشبوویێ ڤایرۆسێ كورونایێ ل توخیبێ ئیدارا راپه‌رین گیانێ خو ژ ده‌ست دایه‌.

ئه‌ڤرۆ نیوز:

لگۆری دوماهی ئامارێن توشبوویێن ڤایرۆسێ كورونایێ كوڤید 19 ل ته‌ڤایا جیهانێ گه‌هشته‌ هه‌شت ملیۆن و 67 هزار و 459 كه‌سان.

لگۆری ئامارا ئه‌ڤرۆ ل سه‌ر توشبوویێن ڤایرۆسێ كورونایێ كوڤید 19 ل ته‌ڤایا جیهانێ، ئه‌و وه‌لاتێن زۆر ترین توشبوو و گیان ژ ده‌ست دان تێدا هاتینه‌ توماركرن ب ڤایرۆسێ كورونایێ كوڤید 19 ئه‌و ژی ئه‌مریكا و به‌رازیل و روسیا و هندستان و بریتانیا و ئیسپانیا و ئیتالیا و پیرۆ و ئیران و ئه‌لمانیا و توركیا و چیلی و فه‌ره‌نسا و مه‌كسیك و پاكستان و سعودی و كه‌نه‌دا و به‌نگلادش و چین بوو.

ئامارێن توشبویێن ڤایرۆسێ كورونایێ ل هه‌موو جیهانێ چار ملیۆن 147 هه‌زر و 322 ساخ بووینه‌، تانوكه‌ 439 هزار و 93 كه‌س ل ته‌ڤایا جیهانێ ب ئه‌گه‌رێ ڤایرۆسێ كورونایێ گیانێ خو ژ ده‌ست دانه‌.

ئه‌ڤرۆ نیوز، مه‌حمود نهێلى:

 

received_867979327028222

 

 

ژ ئه‌گه‌رێ لێدانا بریسیێ ل ئێڤاریا ئه‌ڤرۆ 15/6/2020 كه‌سه‌كێ ل گوندێ سه‌رگه‌لێ یێ سه‌ر ب ناحیا دێره‌لۆكێ ڤە ل قه‌زا ئامێدیێ گیانێ خوه‌ ژ ده‌ست دا.

 

 

ماموستا نزار محه‌مه‌د هه‌لبژێرێ گوندێ سه‌رگه‌لێ بۆ ئه‌ڤرۆ نیوز دیار كر: كو ئێڤاریا ئه‌ڤرۆ ده‌مێ هره‌ باو باران هاتین ل ده‌ڤه‌رێ ئێك ژ گوندیێن وان توشى لێدانا برسیێ دبیت و گیانێ خوه‌ ژ ده‌ست دایە و گۆت ژی: ئه‌ڤ كه‌سه‌ ناڤێ وێ قاهر سه‌رگه‌لی یه‌ و ماموستا بوویه‌ و ل نێزیك گوندى بوو ده‌مێ توشى لێدانا برسیێ بووى و گیانێ خوه‌ ژ ده‌ست دایە.
ئاشكرا کر: پشتى ته‌رمێ وێ بو نۆشداریا داد ل ئامێدیێ هاتیه‌ شاندن ل گورستانا گوندێ سه‌رگه‌لێ  هاته‌ ڤەشارتن.

ئەڤرۆ نیوز:

 

رێڤەبەریا گشتی یا ساخلەمیا دهۆکێ راگەهاند: 14 تووشبوویێن دی یێن ڤایرۆسێ کۆرۆنا یێ ل سنۆرێ وێ پارێزگەهێ باش بووینە، ب ڤێ چەندێ ب تنێ 61 تووشبوویێن وی ڤایرۆسی ل دهۆکێ ماینە.

 

هەروەسا گۆتیە: ئەڤرۆ 14 خزیرانا 2020، چاردە تووشبوویێن دی یێن ڤایرۆسێ کۆرۆنا یێ پشتی پشکنین بۆ هاتینە کرن، دەرکەفتیە کو ب تەمامی چێبووینە و ژ نەخۆشخانێ هاتینە دەرخستن.

 

ل سنۆرێ پارێزگەها دهۆکێ 133 کەس تووشی کۆرۆنا یێ بووینە، د نوکە دا هژمارا وان کەسێن باش بووین، گەهشتە 72 کەسان.

ئه‌ڤرۆ نیوز:

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌، ل هه‌ولێرێ دو توشبوویێن كورونایێ گیانێ خو ژ ده‌ست دان.

ئه‌ڤرۆ 14/6/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌، تێدا هاتیه‌ دو توشبوویێن ڤایرۆسێ كورونایێ كوڤید 19 ل پارێزگه‌ها هه‌ولێرێ كۆ زه‌لامه‌كێ ژیێ وی 71 سال و ئاكنجیێ كه‌سنه‌زان و و ئافره‌ته‌كا ژیێ وێ 70 سالی ئاكنجیا قه‌زا چومان گیانێ خۆ ژ ده‌ست دان.

د ئه‌وێ راگه‌هاندنا وه‌زاره‌تا ساخله‌مێ دا هاتیه‌ كۆ سه‌رخوشیێ ل كه‌س و كارێن خودێ ژێ رازیان دكه‌ین و هیڤی دارین وه‌لاتی پێگیری رینمایین ساخله‌میێ بن.

 

ئەڤرۆ نیوز، نەوزاد هلۆری:

پشتى دو حه‌فتیێن بورى ئێكه‌م حاله‌تێ كۆرۆنایێ ل ده‌ڤه‌را بارزان هاتیه‌ تۆمار كرن و پاشی سێ گوند هاتینه‌ كه‌ره‌نتین كرن، د نوكه‌ دا ئه‌و حاله‌تێ كۆرۆنایێ چاكبوویە و كه‌ره‌نتین ژى هاته‌ راكرن.

د. هه‌وار عه‌بدوللا، رێڤه‌به‌رێ گشتیێ نه‌خۆشخانا بلێ ل ده‌ڤه‌را بارزان بۆ ئه‌ڤرۆ نیوز گۆت: (پشتى كو ل ئێكه‌م رۆژا جه‌ژنا ره‌مه‌زانا پیرۆز ل رێكه‌فتى 24/5/2020 ئێكه‌م حاله‌تێ كۆرۆنایێ ل ده‌ڤه‌را بارزان هاتیه‌ توماركرن و ئه‌وى وه‌لاتى سه‌ره‌دانا گوندێن ده‌ڤه‌رێ كرى، هه‌ر ئێك ژ گوندێن هوستان، رێشه‌ و هه‌سنه‌كا هاتنه‌ كه‌ره‌نیتن كرن داكو گیانێ وه‌لاتیان ژ ڤایرۆسا كۆرۆنایێ پاراستى بیت).

زێده‌تر گۆت: (یه‌كه‌یا چاڤدێریا نه‌خۆشیێن كۆرۆنایێ ل ده‌ڤه‌را بارزان ده‌ست ب پشكنینان كر ل وان گوندێن كه‌ره‌نتین كرى، ژبه‌ركو هه‌موو رونشتڤانێن وان گوندان ب به‌ركه‌فتى هاتنه‌ هژمارتن، د هه‌وه‌كا به‌رفره‌هـ دا ب پشكداریا كه‌سانێن تایبه‌تمه‌ند و ب سه‌رپه‌رشتیا نوژدار و ستافێ نه‌خۆشخانا گشتى یا بلێ شیان هزار و 945 پشكنینان بو خه‌لكێ وان گوندان و ده‌وروبه‌ر بكه‌ین، سوپاس بۆ خودێ پشكنینێن هه‌مووان نیگه‌تیڤ ده‌رچوون ئانكو پاقژبوون).

ناڤبرى دیاركر ژى كو د نوكه‌ دا چوو حاله‌تێن كۆرۆنایێ ل ده‌ڤه‌رێ نه‌مان و داخوازێ ل وه‌لاتیان دكه‌ین ل سه‌ر رێنمایێن خوه‌ پاراستن ژ كۆرۆنایێ به‌رده‌وام بن.

ئه‌ڤرۆ نیۆز، عه‌زیز هه‌ورامی:

وه‌زاره‌تی كشتوكاڵی حكوومه‌تی هه‌رێم ده‌ڵێت، حكوومه‌ت پلانی هه‌یه‌ كشتوكاڵی كوردستان ئاستێكی به‌رز تۆمار بكات بۆئه‌وه‌ش بۆردێكی پێك هێناوه‌ په‌ره‌به‌كشتوكاڵ بدرێت بازاڕی ناوخۆ پڕبكه‌نه‌وه‌ هه‌نارده‌ی وڵاتانیشی بكه‌ن،ببێته‌ سه‌رچاوه‌یه‌كی تایبه‌تی بوودجه‌.

حوسێن حمه‌ كه‌ریم وته‌بێژی وه‌زاره‌تی كشتوكاڵی حكوومه‌تی هه‌رێمی كوردستان، به‌ ئه‌ڤرۆ نیۆز ڕاگه‌یاند:”حكوومه‌ت بۆردێكی دروست كردووه‌ بۆ په‌ره‌پێدانی كشتووكاڵ، حكوومه‌ت بڕیاریداوه‌ ده‌بێت كه‌رتی كشتوكاڵ گرنگی پێبدرێت له‌ كارنامه‌ی حكوومه‌تیش هاتووه‌ گرنگی به‌ كه‌رتی كشتووكاڵ ده‌درێت بۆ ژێرخانی ئابووری كوردستان كه‌رتی كشتوكاڵ كه‌رتێكه‌ پڕۆژه‌كانی درێژخایه‌نه‌.

حمه‌ كه‌ریم وتیشی:”ده‌سته‌ی وه‌به‌رهێنان كۆمه‌ڵێك پڕۆژه‌ی ڕاگه‌یاندووه‌، وه‌ك ژێرخانێك بۆ كه‌رتی كشتوكاڵ وه‌ك دروستكردنی سایلۆ و ساردخانه‌ و دروستكردنی كارگه‌ی په‌ینی كیمیاوی، گرنگی دان به‌ پیشه‌سازی كشتووكاڵ، هه‌موو وه‌زاره‌ته‌ پێوه‌ندیداره‌كان ده‌بێت هاوكاربن. زیاتر زانیاریدا و وتی، حكوومه‌ت ئامانجی ئه‌وه‌ییه‌ ئه‌و بازرگانانه‌ی ده‌ڕۆن له‌ ده‌ره‌وه‌ هاورده‌ ده‌كه‌ن هاوكاری جووتیاران بكه‌ن له‌ بووژانه‌وه‌ی كه‌رتی كشتووكاڵ، به‌رهه‌می ناوخۆ دابین به‌كه‌ن و زیاده‌كه‌ش به‌بازاڕی ده‌ره‌وه‌ی بكه‌ن، ئه‌مساڵ باجمان له‌سه‌ر كۆمه‌ڵك به‌رو بوومی كشتوكاڵی زیادكرد، بۆ ساڵانی ئاینده‌ زیاتریشی ده‌كه‌ین بۆ ئه‌وه‌ی سه‌رمایه‌دار و بازرگانه‌كانیش هاوكاربن. ‌

ئه‌ڤرۆ نیوز:

هندستان ئێكه‌ ژ ئه‌وان وه‌لاتێن دره‌نگ ڤایرۆسێ كورونایێ تێدا به‌لاڤ بووی، به‌لێ لگۆری ئامارێن جیهانی نوكه‌ پشتی ئه‌مریكا و به‌رازیلێ و روسیا هندستان د رێز به‌ندیا چارێ دا دهێت ب توشبوویێن كورونایێ.

لگۆری ئاماران تاكو ئه‌ڤرۆ زێده‌تری 298 هزار و 283 وه‌لاتی ل هندستانێ توشی ڤایرۆسێ كورونایی بوون و زێده‌تری 8 هزار و 500 كه‌سان ژی گیانێ خو ژ ده‌ست دایه‌.

 
ئەڤرۆ نیوز:

 

 

د. سامان بەرزنجی، وەزیرێ ساخلەمیا هەرێما کوردستانێ د کۆنفرانسەکێ رۆژنامەڤانی دا راگەهاند: ئەڤرۆ زۆرترین هژمارا تووشبوویێن کۆرۆنا یێ ل هەرێما کوردستانێ هاتینە تۆمار کرن، کو هژمارا وان 180 تووشبوویی نە.

website security
WP Facebook Auto Publish Powered By : XYZScripts.com