NO IORG
هه‌لبژارتى2

 
ئه‌ڤرۆ نیوز، بارزان مزوورى:
ئه‌ڤرۆ ده‌مژمێر 2 پشتى نیڤرۆ 12/5/2020 “فازل میرانى”سكرتێرێ مه‌كته‌با سیاسى یا پارتى دیموكراتى كوردستان سه‌ره‌دانا لقا بیست یا شێخان دا ژلایێ به‌رپرسێ لقا بیست و قائیمقامێ قه‌زا شێخان ڤە هاتە پێشوازى كرن، دیسان ل گه‌ل به‌رپرسێ لقێ و كارگێر و به‌رپرسێن لژنێن سه‌ر ب لقێ ڤه‌ كۆمبوو.

 

فازل میرانى، سكرتێرێ مه‌كته‌با سیاسى یا پارتى دیموكراتى كوردستان د كونگره‌كێ رۆژنامه‌ڤانى دا ل باره‌گایێ لقا 20 شێخان راگه‌هاند: راسته‌ شێخان ژلایه‌كى ڤه‌ سه‌ر ب ئیدارا مووسل و ژلایه‌كى دیڤە سه‌ر ب ئیدارا دهوك ڤه‌یه‌، به‌لێ ئه‌م هه‌موو دزانین كوردستان به‌شه‌ك سه‌ر ب هه‌رێمێ و به‌شه‌ك سه‌ر عێراقێ ڤه‌یه‌ ئه‌ڤه‌ كێشه‌یه‌كا سه‌ره‌كى یه‌ ئه‌گه‌ر ئه‌ڤ كێشه‌ هاته‌ چاره‌سه‌ركرن پشت راست كێشا دو ئیداره‌ى ل شێخان ژى دێ چاره‌سه‌ربیت.

 

ناڤهاتى خویاكر ژی: ئه‌و ئاوارێن عه‌ره‌ب یێن ئه‌نبار و تكریت ئه‌وێن ل كوردستانێ دژین ژمارا وان زێده‌ترى ئاوارێن ئێزدیانه‌ ئه‌وێن دناڤ كه‌مپان دا دژین پێدڤى یه‌ حكومه‌تا عێراقێ ببیته‌ حكومه‌ت هه‌تا بشێت ڤان كێشه‌یه‌یێن ڤه‌گه‌راندنا ئاواران بۆ سه‌ر جهێن وان چاره‌سه‌ر بكه‌ت.

ئه‌ڤرۆ نیوز:

جڤاتا بلندا دادوه‌ریا عیراقێ، داخاز ژ جڤاتا نوونه‌رێن عیراقێ دكه‌ت، پارێزبه‌ندیا یاسایی ل سه‌ر هژماره‌كا ئه‌ندامێن جڤاتا نوونه‌رێن عیراقێ بهێته‌ هه‌لگرتن.

جڤاتا بلندا داوه‌ریێ داخاز ژ جڤاتا نوونه‌رێن عیراقێ كریه‌ پارێزبه‌ندیا یاسایی ل سه‌ر 15 ئه‌ندامێن جڤاتا نوونه‌ران بهێته‌ هه‌لگرتن.

ئه‌ڤ داخازیا جڤاتا بلندا دادوه‌ریا عیراقێ، پشتی توماركرنا سكالایێن یاسایی ل سه‌ر ئه‌وان ئه‌ندامێم جڤاتا نوونه‌ران كۆ ب گه‌نده‌ل و كه‌یسێن دی هاتینه‌ تومه‌تباركرن.

ئه‌ڤرۆ نیوز:

دیاركرنا سوپاسالارێ نوو یێ عیراقێ پشتی سپاردنا پوستێ وه‌زاره‌تا ناڤخوب سوپاسالارێ كه‌ڤن هاته‌ دیاركرن.

لگۆری میدیایێن عیراقی، فه‌ریق روكن عه‌بدلئه‌میر شه‌مه‌ری پشكنه‌رێ سه‌ربازی یێ وه‌زاره‌تا به‌ره‌ڤانیا عیراقێ هاتیه‌ به‌ربژاركرن بۆ پۆستێ سه‌رۆك ئه‌ركانێ سوپاسالارێ عیراقێ.

فه‌ریقێ ئێكێ یێ روكن عوسمان غانمی به‌ری نها سوپاسالارێ عیراقێ بوو، به‌لێ رۆژا 6/5/2020 وه‌ك وه‌زیرێ ناڤخویێ عیراقێ باوه‌ریا جڤاتا نوونه‌رێن عیراقێ بده‌ستڤه‌ ئینا.

شه‌ڤا 6/5/2020 یا جڤاتا نوونه‌رێن عیراقێ ب زۆرینه‌یا ده‌نگان كابینه‌یا نوو یا حكومه‌تێ ب سه‌رۆكاتیا مسته‌فا كازمی په‌سندكر.

فۆتۆ: نيوار محه‌مه‌د سه‌ليم

 
ئەڤرۆ نیوز:

 

 

وەزارەتا ئەوقافێ راگەهاند: ل رۆژا ئێکشەمبیا بهێت کو دکەڤیتە 11-5-2020، لدووڤ رێنمایی و ئەگەرێن هەلومەرجێن گونجای یێن ساخلەمیێ، لژنا بلند یا کۆرۆنا یێ دێ بریارێ ل سەر ڤەکرنا دەرگەهێن مزگەفتان دەت.

 

خەلکێ خۆشتڤیێ کوردستانێ
مامۆستایێن بەرێز یێن ئایینی
سەرەرای سوپاسیێن بێ پایان بۆ مامۆستایێن ئایینی یێن بەرێز، کو د دەمێ بوری دا پێگیری ب رێنمایی و بریارێن لژنا بلند یا بەرهنگاربوونا کۆرۆنا یێ ل ھەرێما کوردستانێ کریە، کو ئەڤە ژی بوویە ئەگەرێ پاراستنا گیانێ وەلاتیان، ھەموو جیھان شاهدە بۆ بریارێن حوکمەتا ھەرێمێ و گوهداریا وەلاتیان د ڤی واری دا.

 

 

ل ڤێرێ مە دڤێت بۆ مامۆستایێن ئایینی یێن بەرێز و وەلاتیان رابگەهینین.
ل رۆژا ئێکشەمبیا بهێت کو دکەڤیتە 11-5-2020 لدووڤ رێنمای و ئەگەرێن هەلومەرجێن گونجای یێن ساخلەمیێ یێن لژنا بلند یا کرۆنا یێ دێ بریارێ ل سەر ڤەکرنا دەرگەهێن مزگەفتان دەت.
ئەڤ رێکارێن ژ ئەڤرۆ وێڤە دهێنە پەیرەو کرن، ژ پێخەمەتی هندێ یە، کو ھەموو لایەک ئەرک و بەرپرسیارەتیا ئایینی و نیشتیمانی بگریتە ستوویێ خوە، بۆ پاراستنا ساخلەمیا وەلاتیێن مە یێن عەزیز.
وەزارەتا ئەوقاف وکاروبارێن ئایینی
٧⁄٥⁄٢٠٢

ئه‌ڤرۆ نیوز:

دونالد تره‌م سه‌رۆكێ ئه‌مریكا مافێ ڤیتویێ ل دژی ئه‌وێ بریارا كۆنگرێسی بكار ئینا كۆ ده‌سه‌لاتا سه‌رۆكی ئه‌مریكا ژ ئه‌نجامدانا شه‌ری ل دژی ئیرانێ توخیبدار كری كر.

د داخویانیه‌كێ دا دونالد تره‌مپ سه‌رۆكێ ئه‌مریكا راگه‌هاند ئه‌و بریارا كۆنگرێسی ب ئه‌گه‌ری لێك تێنه‌گه‌هشتن ژ راستیان و یاسا ده‌رخستن بۆ من جهێ شه‌رمزاریێ بوو له‌ورا من بریار ڤیتو كر.

هه‌یڤا ئادارێ ژ ژماره‌یه‌كا به‌رچاڤ ژ ئه‌ندامێن كۆنگرێسی ژ هه‌ردو پارتێن دیموكرات و كۆماری رێكه‌تن ل سه‌ر توخیبداركرنا  ده‌سه‌لاتێن شه‌ری یین دونالد تره‌مپی، چونكو ترسا ئه‌وێ چه‌ندێ هه‌بوو سه‌رۆكێ ئه‌مریكا بێ ڤه‌گه‌ران بۆ كۆنگریسی شه‌ری ل گه‌ل ئیرانی رابگه‌هینیت.

ئه‌ڤرۆ نیوز:

وه‌زیرێ ده‌رڤه‌یێ ئه‌مریكا و سه‌رۆك وه‌زیرێ نوو یێ عیراقێ په‌یوه‌ندیه‌كا ته‌له‌فونی ئه‌نجام دان، مایك پومپیو پشتی پێشوازیكرن ژ هه‌لبژارتنا كازمی، داخاز لێكر پرۆژه‌یێن چاكسازیێ ب بته‌ بیاڤێ بجهكرنێ، شه‌رێ گه‌نده‌لیێ و كورونایێ بكه‌ت.

مورگان ئورتاگوس په‌یڤدارا وه‌زاره‌تا ده‌رڤه‌یا ئه‌مریكا د راگه‌هاندنه‌كێ دا به‌لاڤكریه‌، مایك پومپیو د په‌یوه‌ندیه‌كا ته‌له‌فونی دا ل گه‌ل مسته‌فا كازمی ته‌ئكید كر كۆ كارێن گرنگ و زۆر ل هه‌مبه‌ر حكومه‌تا نوویا عیراقی دانه‌.

وه‌زیرێ ده‌رڤه‌یێ ئه‌مریكا ئه‌و چه‌نده‌ ژی دیاركر كۆ پاكیژا 120 رۆژێن لێخوش بوون ژ عیراقی بۆ بده‌ستڤه‌ ئینانا كاره‌بێ و غازێ ژ ئیرانێ وه‌كو پشته‌ڤانیه‌ك ل حكومه‌تا كازمی په‌سندكر.

په‌یڤدارا وه‌زاره‌تا ده‌رڤه‌یا ئه‌مریكا ئه‌و چه‌نده‌ ژی دیاركر د وێ په‌یوه‌ندیێ دا پومپیو و كازمی ته‌ئكید ل سه‌ر دیالوكا ستراتیژی و هه‌ڤبه‌ش دناڤبه‌را ئه‌مریكا و عیراقێ كر، ئه‌و بابه‌ت ژی ئێخستنه‌ به‌ر به‌حس و ڤه‌كۆلینان كۆ چه‌وا ب شێن پێكڤه‌ كار بكه‌ن بۆ ئه‌وێ چه‌ندێ ئاسایش و خوشگوزه‌رانیێ بۆ خه‌لكێ عیراقێ دابین بكه‌ن.

جڤاتا نوونه‌رێن عیراقی كابینا مسته‌فا كازمی په‌سندكر وه‌ك سه‌رۆك وه‌زیرێ نوو یێ عیراقی باوه‌ری پێ هاته‌دان، د تویته‌كی دا ب زمانێ كوردی پشتی هاتیه‌ هه‌لبژارتن راگه‌هاند بێ راوه‌ستان دێ كار كه‌م بۆ بده‌ستڤه‌ ئینانا باوه‌ریا گه‌لێ خۆ.

ئه‌ڤرۆ نیوز:

ئه‌ڤرۆ چارشه‌مبی بۆ جارا ئێكی گه‌شته‌كا ئاسمانی یا راسته‌وخو ژ ئه‌مریكا بۆ هه‌ولێری هاته‌ ئه‌نجامدان.

دڤی بیاڤی دا فرۆكه‌خانه‌یا هه‌ولێرێ راگه‌هاندنه‌ك به‌لاڤكر و تێدا هاتیه‌ فرۆكه‌خانه‌یا هه‌ولێرێ پێشوازی بۆ جارا ئێكێ ل گه‌شتا راسته‌وخو ژ ئه‌مریكا بۆ هه‌ولێرێ كر.

ئه‌ڤرۆ فرۆكه‌خانه‌یا هه‌ولێرێ پێشوازی ل گه‌شته‌كا ئاسمانی یا هێلا مسری كۆ راسته‌خو ل ئه‌مریكا ژ ویلایه‌تا واشنتونێ هات بوو، فرۆكه‌ ژ جورێ بوینگ 787-9 بوو وه‌كو فرۆكه‌یه‌كا دیپلوماتی ب كودێ فرینێ MS3052ده‌مژمێر 10:52 سپێده‌هیا ئه‌ڤرۆ ب ده‌مێ هه‌ولێرێ گه‌هشت، ئه‌ڤه‌ژی پشتی فرینا 9656 كیلۆمه‌تران، ده‌مێ ئه‌ڤێ گه‌شتێ 10 ده‌مژمێر و 33 خوله‌ك ڤه‌كێشان كۆ ب درێژترین گه‌شت دهێته‌ دانان تاكو بگه‌هته‌ فرۆكه‌ خانه‌یا هه‌ولێرێ

ته‌لار فایه‌ق رێڤه‌به‌را گشتی یا فرۆكه‌خانه‌یا هه‌ولێرێ راگه‌هاند: زیده‌باری ئه‌ڤ كاودانین ئه‌م تێدا ده‌رباز دبین ئه‌ڤه‌ ب خاله‌كا گرنگ دهێته‌ دانان د دیرۆكا گه‌شه‌كرنا فرۆكخانه‌یێ دا، ئه‌ڤه‌ جارا ئێكێ یه‌ گه‌شتێن بڤی جوری بهێنه‌كرن، به‌لێ جهه‌كێ دیرۆكی هه‌یه‌ ده‌ڤ مه‌.

د ده‌مێ نوكه‌دا فرۆكه‌خانه‌یا هه‌ولێری هاتیه‌ گرتن هه‌مبه‌ر گه‌شتێن بازرگانی تاكو 22/5/2020 لگۆری بریاره‌كا ده‌سه‌لاتا فرۆكه‌ڤانیا مه‌ده‌نیا عیراقێ.

95582012_3693771450650004_5849968013767344128_n

ئەڤرۆ نیوز:

 

د کۆمبوونا ئەڤرۆ یا جڤاتا وەزیران دا بریار هاتیە دان، کو سوبەهی چارشەمبی 6 گولانێ دەواما دیوانا وەزارەتان و ل 11 گولانێ ژی دەواما سەرجەم فەرمانگەهان دەست پێبکەت.

بەلێ ئەڤ بریارە قوتابخانە و زانکۆیان ڤەناگریت.

ئه‌ڤرۆ نیوز، له‌زگین جوقی

به‌رپرسێ‌ لێژنا پارتی دیموكراتی كوردستان ل ناحیا زومار دیاركركو  ل سه‌ر دێوارێ‌ مالا كه‌سه‌كێ‌ عه‌ره‌ب دروشمێن داعش هاتینه‌ نڤیسین هه‌روه‌سا ژی ل سه‌ر دێوارێن مزگه‌فته‌كێ‌ ژی دروشمێن داعش هاتینه‌ به‌لاڤكرن نها  تیرۆرستێن داعش ل ناحیا زومار ده‌ست ب نڤیسینا دروشمێن  خوه‌  كریه‌.

حه‌سه‌ن خه‌لۆ، به‌رپرسێ‌ لێژنا پارتی دیموكراتی كوردستان ل ناحیا زومار دیاركركو لسه‌ر دێوارێ‌ مالا كه‌سه‌كێ‌ عه‌ره‌ب هه‌روه‌سا ژی لسه‌ر مزگه‌فتا مه‌عسكه‌رێ دومیز ژی ل ناحیا زومار دروشمێن تیرۆرستێن داعش هاتینه‌ نڤیسین لسه‌ر دێوارێ‌ چێكرینه‌( دوله‌ الاسلامیه‌ باقیه‌) وهنده‌ك دروشمێن دی ژی هاتینه‌ نڤیسین ئه‌ڤه‌ چیبوویێ‌ ل سه‌ر دێوارێ‌ كه‌سه‌كێ‌ عه‌ره‌ب ژ هوزا جحێشیا ل نێزیك مه‌یدانه‌كا ئاژه‌لێ‌ دسه‌نته‌رێ‌ ناحیا زومار دا دروشمێ‌ داعش هاتینه‌ چێكرن .

ئاشكه‌را كركو پولیسێن زومار ده‌ست ب ڤه‌كۆلینێ‌ كریه‌ ل سه‌ر وان دروشمێن تیرۆرستێن داعش یێن سه‌ر دێواران دهێنه‌ نڤیسین هه‌روه‌سا ژی ل سه‌ر دێوارێن مزگه‌فتا مه‌عسكه‌رێ دومێز ژی ل ناحیا زومار دروشمێن تونده‌روێن داعش هاتینه‌ نڤیسین.

زێده‌تر گۆت: شانه‌یێن نڤستنی یێن تیرۆۆستێن داعش ل ناحیا زومار ده‌ست ب جموجۆڵی كرینه‌ هه‌روه‌كو نوكه‌ ل سه‌ر دێوارێن مال و مزگه‌فتا ل زومار دروشمێن داعش دهێنه‌ چێكرن ئه‌ڤه‌ وێ‌ دگه‌هینت كو تیرۆۆستێن داعش هه‌نه‌.

ئه‌ڤرۆ نیوز:

وه‌زیرێ پلاندانانا عیراقێ راگه‌هاند: رێژه‌یا هه‌ژاریێ ل پارێزگه‌هێن باشوورێ وه‌لاتی دگه‌هته‌ 52% .

نوری دلێمی وه‌زیرێ پلان دانانا عیراقێ راگه‌هاند وه‌زاره‌تێ پلانه‌كا به‌رفره‌هـ ژبوی ده‌ركه‌تن ژ وێ قه‌یرانا ئابووری دانایه‌، رێژه‌یا هه‌ژاریێ ب شێوه‌یه‌كی ل عیراقێ گه‌هشتیه‌ 20%، به‌لێ ل پاریزگه‌هێن باشووری ئه‌و رێژه‌یه‌ زۆر بلند بوویه‌ و نمونه‌یا هه‌ژاریێ ل پاریزگه‌ها موسه‌نایێ گه‌هشتیه‌ 52%.

وه‌زیرێ پلان دانانا عیراقی ئه‌و چه‌نده‌ ژی دازانین ب ئه‌گه‌رێ قه‌یرانا دارایی و به‌لاڤبوونا ڤایرۆسێ كورونایێ كۆ بڤێ چه‌ندێ خه‌لكه‌كێ زۆر بێكار بووینه‌، هه‌ژاریی رۆژ بۆ رۆژێ ل عیراقێ بلند دبیت.

website security
WP Facebook Auto Publish Powered By : XYZScripts.com