NO IORG
هه‌لبژارتى2

ئەڤرۆ نیوز:

ئەڤرۆ رۆژا چارشەمبی ١٩-٦-٢٠١٩، مەسرور بارزانی راسپاردیێ پێکئینانا کابینەیا نوو یا حوکمەتا ھەرێما کوردستانێ پێشوازی ل د.ئەیاد عەلاوی سەرۆکێ ھەڤپەیمانیا نشتیمانی و شاندێ دگەل دا کر.

د یدارەکێ دا بەحس ل پروسەیا سیاسی و رەوشا دەڤەرێ ھاتە کرن دیسان روناھی خستە سەر پەیوەندیێن ناڤبەرا ھەولێر و بەغدا، کو دڤێ دیدارێ دا مەسرور بارزانی بەحس ل پێنگاڤێن پێکئینانا کابینەیا نوو یا حوکمەتا ھەرێمێ کر و دیسان بەحس ل چارەسەریا کێشەیێن ناڤبەرا ھەولێر و بەغدا ژی ھاتە کرن کو پێدڤیە برێیا دستوری گوتوبێژان چارەسەريا راست و دروست بھێنە کرن.

ژلایێ خوە ڤە سەرۆکێ ھەڤپەیمانیا نشتیمانی جارەکا دی پیروزباھیا مەسرور بارزانی کر و ھیڤیێن سەرکەفتنێ د ئەرکێ وی یێ نوو دا خواستن و ھیڤی خواست کار بکەت بۆ باشترکرنا پەیوەندیێن ھەرێمێ و بەغدا.

Screen-Shot-2019-06-19-at-3.19.23-PM Screen-Shot-2019-06-19-at-3.18.55-PM

ئه‌ڤرۆ نيوز، نيوار محه‌مه‌د سه‌ليم:

وه‌زاره‌تا ناڤخۆ يا هه‌رێما كوردستانێ ته‌كستێ ل سه‌ر ميكانيزما بجهئينانا بڕيارا قه‌ده‌غه‌كرنا ترۆمبێلێن لێداى و راستڤه‌كرى و بن ئاڤ كه‌فتى دكه‌ت.

ب گۆره‌ى نڤيساره‌كا وه‌زاره‌تا ناڤخۆ كو ئيمزا كه‌ريم شنگالى وه‌زيرێ ناڤخۆ ل سه‌ره‌ و ئاراسته‌ى لايه‌نێن په‌يوه‌نديدار كريه‌ و وێنه‌ك ب ده‌ست ئه‌ڤرۆ نيوز كه‌فتيه‌، تێدا هاتيه‌؛ وێنه‌ك ژ كۆنڤيسێ چاوانيا ميكانيزما بجهئينانا بڕيارا قه‌ده‌غه‌كرنا ئينانا ترۆمبێلێن لێداى و راستڤه‌كرى و بن ئاڤ كه‌فتى بۆ ره‌وانه‌ دكه‌ن ب مه‌ره‌ما بجهئينانا خالێن كۆنڤيسێ هه‌ڤپێچ.

“وه‌رگرتنا سۆزنامێ ب كۆمپانيێن ئينانا ترۆمێبێلان، بۆ ئه‌و كه‌سێن مۆله‌تا ئينانا ترۆمبێيلان هه‌يه‌ و سزادانا وان ب كۆژمێ 50 مليۆن ديناران، بۆ هه‌ر كه‌سه‌كى كو ترۆمبێله‌كێ بينيت، چو بن ئاڤ ببيت يان ژى چێكربيته‌ڤه‌ يان ژى لێدا بيت”. خاله‌كا دى يه‌ ژ وان رێنمايان.

د خاله‌كا دى يا كۆنڤيسێ دا ئاماژه‌ ب وێ چه‌ندێ كريه‌ كو “گرێدانا هه‌موو كۆمپانيا ب كۆالێتى كۆنترۆل ل ده‌رگه‌هێن سنورى پێكڤه‌ ب ره‌نگه‌كێ ئه‌لكترۆنى، بۆ لێكگوهارتنا داتايان بۆ هه‌موو كه‌رستان ژ رێكه‌فتى 30ى خزيرانا 2019ێ هه‌رديسا كار ب چو رێنمايان ناهێته‌ كرن ده‌رباره‌ى ترۆمبێلێن لێداى يان بن ئاڤ كه‌فتى يان ژێ چێكريه‌ڤه‌، پشتى ب جهئينانا ڤێ بڕيارێ”.

1 2 3

ئەفرۆ نیوز:
ئه‌ڤرو سپێدێ 17/6/2019 فه‌رهاد ئه‌مین ئه‌تروشى پارێزگه‌رێ دهوكێ پێشوازیا شانده‌كێ لیژنا بلند یا ئاكنجیبونێ ل عیراقێ ب سه‌روكاتیا لیوا(عبدالكریم الشاوى) كر.

دهه‌ڤدیتنه‌كێ دا ب ئاماده‌بونا بهزاد على ئاده‌م جێگرێ پارێزگه‌رێ دهوكێ وهاریكارا رێڤه‌به‌رێ رێكخراوا UNHCRل به‌غدا به‌حسێ ره‌وشا په‌نابه‌ران ل سنورێ پارێزگه‌ها دهوكێ وئه‌و كار وخزمه‌تا بو دهێته‌ پێشكێشكرن دوارێ مروڤایه‌تى دا هاته‌ كرن.
دته‌وه‌ره‌كێ دن دا به‌حسێ چاوانیا ب رێڤه‌چونا پروسا پێدانا كارتا چه‌سپاندنا مافێن كه‌سایه‌تى یێن په‌نابه‌ران ژلایێ لیژنا ناڤبرى ل عیراقێ وكوردستانێ ب گشتى ول سنورێ پارێزگه‌ها دهوكێ ب تایبه‌تى هاته‌ كرن.
سه‌روكێ لیژنا ناڤبرى سوپاسیا پارێزگه‌رێ دهوكێ وهه‌موو سازیێن میرى یێن په‌یوه‌ندیدار ل سنورێ پارێزگه‌هێ كر كو گه‌له‌ك دهه‌ڤكار وهاریكاربوینه‌ دگه‌ل تیمێن لیژنا بلند یا ئاكنجیبونێ ل ده‌ڤه‌رێ وخواست ئه‌و هه‌ڤكارى و هاریكارى دگه‌ل تیمێن وان یا به‌رده‌وامبیت هه‌تا كار وئه‌ركێن لیژنێ ب دوماهى دهێن.
ژلایێ خوڤه‌ پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وده‌ست خوشى ل تیمێن كارى كر وته‌كه‌زكر كو هه‌موو ئاسانكارى ژلایێ فه‌رمانگه‌هێن پارێزگه‌هێ دگه‌ل تیمێن لیژنا بلند یا ئاكنجیبونێ دێ هێنه‌ كرن هه‌تاپروسا ناڤبرى ب دوماهى دهێت.

5-٣

ئەڤرۆ نیوز، نەوزاد ھلوری:

دەمەکێ کێم بەری نوکە کچەکا دێرەلووکێ ژ ئەگەرەکێ نەدیار خوە ھاڤیتە د رووبارێ زێ دا،ھەتا نوکە چارەنڤیسێ وێ نەدیارە.

1

کەس و کارەکێ وێ کچێ، بو ئەڤرۆ نیوز گوت: (دەمەکێ کێم بەری نوکە کچەکا مە بناڤێ ھنداڤ فەرھاد دژیێ ١٦ سالیێ دا، خوە ھاڤێتە دناڤا رووبارێ زێ دا، خەندقی).

2

زێدەتر گۆت: (ھەتا نوکە چارەنڤیسێ وێ نەدیارە، پیچەکێ ژ روویێ دروونی نەیا دروستە).

3

میلازم ئێحسان سەنعان، بەرپرسێ بەرەڤانیا باژێری ل دێرەلوک بو ئەڤرو نیوز گوت: (ب گورەی پێزانێن کەسوکارێن کچێ، کچەکا وان ل مال دەرکەڤتیە و قەستا رووباری کریە و پاشان خوە ھاڤێتیە ئاڤێ دا، نوکە تیمێن مە گەھشتینە جھێ روودانێ و مژولێ لێگەریانێ نە).

4

ئه‌ڤرۆ نيوز:

نڤيسينگه‌ها نه‌جمه‌دين كه‌ريم ئاشكه‌را كر كو نها ئه‌و ل باژێرێ هه‌ولێرێ يه‌ و د ب رێڤه‌برنا كارێن خوه‌ دا يێ به‌رده‌وامه‌، ئه‌ڤرۆ ژى چه‌ند ديداره‌ك ئه‌نجام داينه‌.

ژێده‌ره‌كى ژ نڤيسينگه‌ها نه‌جمه‌دين كه‌ريم، بۆ كوردستان 24 راگه‌هاند: “نه‌جمه‌دين كه‌ريم ڤه‌گه‌ريايه‌ هه‌ولێر و د ب رێڤه‌برينا كارێن خوه‌ دا يێ به‌رده‌وامه‌”.

نڤيسينگه‌ها پارێزگارێ كه‌ركووك راگه‌هاند ژى كو هه‌موو ئه‌و نووچێن به‌حس ل ده‌سته‌سه‌ركرنا پارێزگارێ كه‌ركووكێ دكه‌ن د دوورن ژ راستيێ”.

پێشتر چه‌ند ميديايێن هه‌رێما كوردستانێ و عيراقێ به‌لاڤكربوو كو نه‌جمه‌دين كه‌ريم ل سه‌ر دوسيا گه‌نده‌ليێ ژ لايێ پۆليسێن ئه‌نترپۆل ل لوبنانێ هاتيه‌ ده‌سته‌سه‌ركرن و بڕياره‌ راده‌ستى حوكمه‌تا عيراقێ بكه‌ن.

ئەڤرۆ نیوز:

رێڤەبەرێ پۆلیسێن ھەولێر دیارکر ئەڤرۆ رۆژا شەمبی ١٥-٦-٢٠١٩ ل فروکخانەیا ھەولێرێ یا نێڤدەولەتی پێشوازی ل شاندەکێ یانا ریال مەدرید کر.

زێدەتر لیوا تەلعەت عەبدولخالق دیارکر کو وی دگەل شاندەکێ پارێزگەھا ھەولێرێ پێشوازی ل شاندەکێ سێ کەسی یێ یانا ریال مەدرید یا ئسپانی کر کو ھەرسێ شارەزایێن تەپا پێ یا زاروکانە و دێ سەرەدانا ھەموو ئەکادیمیێن تەپا پێ یێن تەمەنێ ٩ سالی ھەتا ١٥ سالی یێن ھەرێمێ کەن بۆ ھەلبژارتنا ھژمارەکا ژ وان ياريزانين خودان شيان و پاش دێ بەنە وەلاتێ ئسپانیا بۆ ماوێ ھەیڤەکێ دێ پشکداریێ د کەمپەکا راھێنانێ دا کەن و دبیت ھژمارەکا وان بۆ ئەکادیمیا یانا مەلەکی ب ھەلبژێرن.

ئەڤرۆنیوز،سەباح زوهێر:
ل دویف ئامارا گەشتیارێن سەرەدانا دەڤەرا ئاکرێ کرێن ھەر ل رێکەفتی 31_5_2019 ھەتا 9_6_2019 نوزدە ھزارو چار سەدو بیست وسێ (19423) گەشتیار بووینە.
دیدار رەمەران رێڤەبەرێ گەشت و گوزارا ئاکرێ بۆ ئەڤرۆنیوز ددەتە دیارکرن کو ۱۳ جهێن گەشتیاری ل ئاکرێ هەنە کو ۸ ژوان جهێن گەشت و گۆزاری د ئەڤسالەدا بەرهەڤبووینه بۆ ڤەحەواندنا گەشتیاران،کو د دڤان ۱۰روژێن بوریدا پتری ۱۹هزار گەشتیاران قەستا ڤان جهان کریە.
رێڤەبەرێ گەشت و گوزارا ئاکرێ گۆت ژی کو هژمارا گەشتیاران د ئەڤسالەدا زێدەتر ژ سالێن بوری، هەرچەندە لاڤاوێن ئەڤ سالەدا زیان گەهاندینە هندەک جهێن گەشتیاری ل ئاکرێ و هندەک هاتنە نوژەنکرن و ئەو رێکێن خراب بووی کارتێکرنا خوە ل سەر جهێن گەشتیاری هەبوویە، کو گەشتیار نەشیان بچنە وان جهان، مە راپورتێن وان جهان ژی بلندکرینە کو ئەو جهێن زیان پێکەفتین بهێنە قەرەبووکرن.

ئەڤرۆ نیۆز:

دوماهی زانیاری ل سەر ئامارا بریندارێن شەرێ هەردوو بنەمالێن دناڤ عەشیرەتێن زێباری و هەرکی یادا کو تنێ ئەڤە ئەو بریندارن گەهاندینە ساخلەمیا ئاکرێ.
ژئەنجامێ ئەو شەرێ دروست بووی ل گوندێ باژێرەی سەر ب دەڤەرداریا ئاکرێ دناڤبەرا دو بنەمالێن زێباری و هەرکی یادا (٥)کەس کو ژ هەردوو عەشیرەتا برینداربووینە ب ڤی شێوەی بووینە
۲ کەس برینێن وان 50%ێ نە کو هەردوو رەوانەی دهوک و هەولێرێ کرینە وئێک ژ وان ئافرەتە
سێ کەسێن دی ژی ب سڤکی بڕینداربووینە و ل بن چاڤدێریانوشداراندانە

ساخلەمیا ئاکرێ نەخۆشخانا هەوارهاتنێ و نەخۆشخانا گۆلان کرنە دئامادە باشیێ دا، داکو چارەسەریا بریندارا بهێتەکرن و شەر ژی یێ هاتیە کنترولکرن.

ئەڤرۆ نیوز:

بەری دەمەکێ کێم مەسروور بارزانی سەرۆک وەزیرێ راسپاردی بۆ پێکئینانا حوکمەتا ھەرێما کوردستانێ راگەھاندنەک بەلاڤ کر.

د ڤێ راگەھاندنێ دا مەسروور بارزانی دیارکر پشتی ئەو ھاتیە راسپاردن بۆ پێکئینانا حوکمەتا نوو یا ھەرێما کوردستانێ سوپاسیا رولێ سەرۆک مەسعود بارزانی و مەکتەبا سیاسی و جەماوەرێ پارتی و پەرلەمانێ کوردستانێ و لایەنێن دی یێن حزبی کر کو باوەری دایە وی بۆ پێکئینانا حوکمەتا نوو یا ھەرێما کوردستانێ.

ناڤھاتی ئەو چەندە ژی دیارکریە ئەو دێ ب ھەموو شیانێن خوە کارکەت ب زووترین دەم و کێمتر ژ ھەیڤەکێ کابینەیا حوکمەتێ ب دووماھی بینم و رادەستی سەرۆکاتیا پەرلەمانی بکەم داکو پەسەند بکەن.

ئه‌ڤرۆ نيوز، نيوار محه‌مه‌د سه‌ليم:

سه‌رۆكێ لژنا قانوونى يا په‌رله‌مانێ كوردستانێ راگه‌هاند كو هه‌تا راده‌كێ زۆر دهێته‌ پێشبينيكرن ئه‌ڤرۆ سه‌رۆكێ هه‌رێما كوردستانێ، سه‌رۆكێ جڤاتا وه‌زيران ب راسپێريت دا كو كابينا نوو يا حوكمه‌تا هه‌رێما كوردستانێ پێك بينيت.

بژار حه‌بيب كۆچبه‌ر، سه‌رۆكێ لژنا قانوونى يا په‌رله‌مانێ كوردستانێ، د داخۆيانيه‌كێ دا بۆ ئه‌ڤرۆ نيوز گۆت: “پشتى ناڤئينانا سه‌رۆكێ كابينا نوو يا حوكمه‌تێ و هه‌لبژارتنا وى ژ لايێ په‌رله‌مانێ كوردستانێ ڤه‌، هه‌موو رێكارێن قانوونى ب دووماهى هاتينه‌ و سه‌رۆكاتيا په‌رله‌مانى ب نڤيساره‌كا فه‌رمى سه‌رۆكاتيا هه‌رێمێ ئاگه‌هداركريه‌”.

زێده‌تر گۆت: “هه‌ر چه‌نده‌ چو ژڤانێن قانوونى نينن كو د وى ماوه‌ى دا سه‌رۆكێ هه‌رێما كوردستانێ سه‌رۆكێ كابينا نوو راسپێريت كو حوكمه‌تا نوو پێك بينيت، به‌لێ پێشبينيه‌كا زۆر يا هه‌يى كو ئه‌ڤرۆ سه‌رۆكێ هه‌رێما كوردستانێ، نێچيرڤان بارزانى، سه‌رۆكێ كابينا نوو مه‌سرور بارزانى بۆ پێكئينانا حوكمه‌تێ ب راسپێريت”.

سه‌رۆكێ لژنا قانوونى يا په‌رله‌مانێ كوردستانێ دا زانين ژى كو ژ به‌ر حوكمه‌ت گه‌له‌ك گيرۆ بوويه‌ و خه‌لك چاڤه‌رێ يه‌ ب له‌ز حوكمه‌ت بهێته‌ پێكئينانا و حه‌زا سه‌رۆكێ هه‌رێمێ ژى يا زێده‌ ژبۆ پێكئينانا حوكمه‌تا نوو، سه‌رۆكێ هه‌رێمێ ناهێليت ئه‌ڤ پرۆسه‌ زێده‌تر گيرۆ ببيت و ب زووترين ده‌م دێ مه‌سرۆر بارزانى بۆ پێكئينانا كابينا نوو راسپێريت.

ب گۆره‌ى قانوونێ پێدڤيه‌ د ماوێ 30 رۆژان دا، سه‌رۆكێ كابينا نوو يا حوكمه‌تا هه‌رێما كوردستانێ كابينا خوه‌ پێك بينيت، به‌لێ هه‌موو پێشبينى بۆ وێ چه‌ندێ دچن كو پێكئينانا كابينا نوو هند ڤه‌نه‌كێشيت ب تايبه‌ت ژى پتريا لايه‌نێن سياسى ناڤێن به‌ربژارێن خوه‌ ئێكلا كرينه‌.

website security
WP Facebook Auto Publish Powered By : XYZScripts.com