NO IORG
هه‌لبژارتى3

ئەڤرۆ نیوز:
حسێن حەمە کەریم پەیڤدارێ وەزارەتا چاندنا حکومەتا هەرێما کوردستانێ راگەهاند ئاگەهداری بەلاڤبوونا ڤایرۆسێ ئەنفلونزا بالنداین ل چەند پرۆژەیەکان ل سامرا، بریارە سوبەهی لژنا ئەنفلونزا بالندان ل گەل وەزیرا چاندنێ کومبیت، ب مەبەستا بکار ئینانا رێکار و بریارێن پێدڤی بۆ خۆە پاراستنێ ژ وی ڤایرۆسی.
وەزارەتا چاندنا عیراقێ بەلاڤکریە ل دو پرۆژەیێن قەزایا سامرا ل پارێزگەها سەلاحەدین ئەنفلونزا بالندان بەلاڤبوویە، ب ئەگەرێ وێ 60 هزار پەلەوەر هاتنە ژناڤبرن.

ئەڤرۆ نیوز،عەلی حاجی :

چالاکڤان فێسەل خانەسوری ل کەمپا چەمشکو بۆ ئەڤرۆ نیوز دیار کر ژ ئەگەرێ شورتەکێ کارەبێ دوو چادر سوتن .

زێدەتر فێسەل خانەسوری گۆت : ئەڤرۆ رۆژا سێ شەمبێ ١٢/١/٢٠٢١ێ ل دەمژمێر ٢:٣٠ێ ل کەمپا چەمشکو ل باژێرێ زاخۆ ژ ئەگەرێ شورتەکێ کارەبێ دوو چادرێن وەلاتیان دگەل دا چەندین کەل و پەلێن دناڤ مالێ دا هاتنە سوتن بەلێ خوەش بەختانە ژبەریا زیانێن گیانی دروست ببن تیمێن ئاگر ڤەمراندنێ شیان کونترولێ ل سەر ئاگری بکەن و زیان ماددی ژی زێدەتر نەبن و ژبەریا چەند روژەکان ژی نێزیکی ١١ چادرێن دی یێ وەلاتیان هەر ل کەمپا مە سوت بوون ژ ئەگەرەکێ نەدیار .

ئەڤرۆ نیوز،عەلی حاجی :
بەرپرسێ راگەهاندنا ساخلەمیا زاخۆ د داخویانیەکێ دا بۆ ئەڤرۆ نیوز دیار کر ژ ئەگەرەکێ نەدیار کچەکێ خوە د شقەیەکێ د هاڤێژیت و ئێکسەر گیانێ خوە ژ دەست دا.
زێدەتر ئەمیر عەلی گۆت : ل نێزیکی دەمژمێر ٦:٠٠ی مەغرەب ژ ئەگەرەکێ نەدیار کچەکێ خوە د شقەیێن پروژەیێن دەلال دا ل باژێرێ زاخۆ د هاڤێژیت و گیانێ خوە ژ دەست دەت و نوکە تەرمێ وێ بۆ پزیشکیا داد ل زاخۆ هاتیە رەوانە کرن و د ڤێ چەندێ ژی دا پولیسان لاپەرێن ڤەکولینێ دەست پێکرینە بۆ ئەگەرێن زانینا خو کوشتنا وێ کچێ ژبەر کو هەتا نوکە چو کەسەک ژ کەس و کارێن وێ کچێ دگەل تەرمێ وێ دا نەبوویە .

ئه‌ڤرۆ نیوز:

به‌رپرسێ پشكا یاسایی ل ده‌زگه‌هێ هه‌لبژارتنێن پارتی راگه‌هاند: ل ڤان نێزیكان دێ ناڤێ پارتا خوه‌ بۆ پشكداریكرنێ ل هه‌لبژارتنێن پێش وه‌خت یا جڤاتا نوونه‌رێن عیراقێ تومار كه‌ین  و ناڤێن به‌ربژاران ژی راده‌ستی كومسیونێ كه‌ین.

هه‌وار محه‌مه‌د به‌رپرسێ پشكا یاسایی ل ده‌زگه‌هێ هه‌لبژارتنێ یێ پارتی دیموكراتی كوردستان راگه‌هاند كومسیونا بلندا سه‌ربه‌خویا هه‌لبژارتنێن عیراقێ ده‌مێ حه‌فت رۆژان بۆ حزبان دیاركریه‌ بۆ ئه‌وێ چه‌ندێ ناڤێن خوه‌ بۆ پشكداریكرنێ ل هه‌لبژارتنێن پێش وه‌خت تومار بكه‌ن، دێ ل ده‌مێ ده‌ستنیشانكری ناڤێ پارتی ل كومسیونێ تومار كه‌ین و ناڤێن به‌ربژاران ژی پێشكێش كه‌ین.

ناڤبری ئه‌و چه‌نده‌ ژی دیاركر پارتی دیموكراتی كوردستان ل سه‌ر ئاستێ سه‌ركردایه‌تیێ، پرسا پشكداریكرنێ د هه‌لبژارتنان دا هه‌لسه‌نگینیت و پاشی ده‌ست ب پێنگاڤێن خو توماركرنێ كه‌ین.

به‌ریانها كومسیونا بلندا سه‌ربه‌خویێن هه‌لبژارتنێن عیراقێ راگه‌هاند حزبێن كوردستانێ و عیراقێ ل رۆژا 9/1/2021 بۆ ده‌مێ حه‌فت رۆژان ده‌م ل به‌رسنگێ وانه‌ بو خو توماركرنێ ل كومسیونێ.

ئەڤرۆ نیوز، قائید میرۆ:

بریارە هه‌ژمارەکا فەرمانبەران بۆ کەرتێ ساخلەمیێ بهێنە دامەزراندن و پشکا پارێزگەها دهۆکێ ژی تێدایە، پەیڤدارێ وەزارەتا ساخلەمیێ ژی دبێژیت: ئەو کەسێن بریاره بهێنە دامەزراندن دێ ب شێوەیەکێ دەمکی بیت.

دکتۆر ئاسۆ حەوێزی، په یڤدارێ وەزارەتا سخلەمیێ بۆ ئەڤرۆ نیوز گۆت: حکومەتا هەرێما کوردستانێ بریار دایە هه‌ژمارەکا کارمەندان بۆ سەنتەر و نەخۆشخانەیێن تایبەت ب ڤایرۆسا کۆرۆنایێ بهێنە دامەزراندن و هه‌ژمارا وان 500 فەرمانبەرن و دێ بشێوەکێ وه‌كهه‌ڤ ل سەر هەموو پارێزگەهێن هەرێما کوردستانێ بهێنە بەلاڤکرن، هەتا بشێن ل ئەڤان پشکێن پێدڤی ب بسپۆریا وان هەنە تژی بکەن.

دکتۆر ئاسۆ حەوێزی گۆت ژی:  فەرمانبەرێن بریارە بهێنە دامەزراندن زیدەتر بۆ کارکرنێ یە ل جهێن پێدڤی هەی، له‌ورا گرێبەستا وان هەتا وی دەمیە کو کار پێ هەبیت وان دەرچوویان ژی ڤەدگریت یێن پشکا بەنجئ و پەرستاری بۆ ڤێ مەرەمێ نێزیک دێ فۆرم هێنە تژیکرن.

ئه‌ڤرۆ نیوز:

لژنا پەروەردێ ل پەرلەمانێ كوردستانێ راگەهاند، رۆژا ده‌هى ڤێ مه‌هێ پرۆسەی خواندنێ ل ھەرێما كوردستانێدێ ده‌سپێكه‌ت.

عەبدولسلام دۆلەمەری، ئەندامێ لیژنا پەروەردێ و خاندنا بلند ل پەرلەمانێ كوردستانێد پرێسكۆنفرانسه‌كى دا ئاشكرا كر، پشتى كۆمبوونا وەزیرێ پەروەردێ و بریكارێ وەزارەتا خواندنا بلند و ڤه‌كۆلینێن زانستی، دگه‌ل لیژنا پەروەردێ و خواندنا بلند ل پەرلەمانێ كوردستانێ، دانوستاندنێنل دۆر پرۆسا  خواندنێ هاتن كرن و گۆت: وەزارەتا پەروەردێبڕیاردایه‌ لرۆژا ده‌هى ڤێ مه‌هێپرۆسا خواندنێ  دەستپێبكه‌ت، ئالى ژىهه‌ڤڕا بوون خواندنا ئه‌ڤساله‌ بهێته‌ تمام كرن.

ئەڤرۆ نیوز:

لدووڤ نووترین خشتەى، كو دەستەیا ئامارا هەرێما كوردستانێ‌ بەلاڤكریە، هژمارەیا ئاكنجیێن پیشبینكرى یێن هەرێما كوردستانێ‌ بۆ ئەڤ سالە ژ شەش ملیونان زێدەترن و زورترین هژمارا ئاكنجیان ل پارێزگه‌ها هه‌ولێرێ نە.

دەستەیا ئامارا هەرێما كوردستانێ‌، نەخشەیێ پیشبینیكریێ هژمارا ئاكنجیێن هەرێما كوردستانێ بۆ سالا 2020 بەلاڤكریە و لدووڤ وی نەخشەی هژمارا ئاكنجیێن هەرێمێ‌ پێكهاتییە ژ شه‌ش ملیۆن 171 هزار و 83 كەسان، ژ وێ‌ هژمارێ ژی 2 ملیۆن و 254 هزار و 422 كەس ئاكنجیێن پارێزگەها هەولێرێ نە.

هه‌روه‌سا هژمارا ئاكنجیێن سلێمانیێ پێكهاتینە ژ 2 ملیۆن و 125 هزار و 595 كەسان، دهۆك ژی د پلا سییێ دایە و هژمارا ئاكنجیێن وێ ملیۆنه‌ك و 648 هزار و 611 كەسن.

هەروەسا لدووڤ وى نەخشەی، هژمارا ئاكنجیێن پارێزگەها هەلەبجە 115 هزار و 455 كەسن .

ئه‌ڤرۆ نیوز:

مالباتا پارێزگارێ وه‌غه‌ركرى یێ كه‌ركووكێ راگه‌هاند، هنده‌ك كه‌س ناڤێ دكتور نه‌جمه‌دین كه‌ریم بۆ دروستكرنا گرۆپ و حزب و ره‌وتێن سیاسى بكاردئینن، ناڤهاتى ژى ژ دوور و نێزیك په‌یوه‌ندى ب وان كه‌سان ڤه‌ نه‌بوویه‌.

مالباتا دكتور نه‌جمه‌دین كه‌ریم، پارێزگارێ وه‌غه‌ركریێ كه‌ركووكێ د به‌یانه‌كێ دا راگه‌هاند، داخوازێ ژ هه‌موو ئالییان دكه‌ن پێگیریێ ب رێكارێن مفادارییا مالباتا خودێ ژێ رازى بن و سه‌ربخوه‌ ناڤ و ناڤدارییا نه‌جمه‌دین كه‌ریم بۆ چ پرۆژان بكار نه‌ئینن، هه‌ر كه‌س و ئالییه‌كێ ناڤێ دكتورى بۆ به‌رژه‌وه‌ندییا خوه‌ بكاربینیت دێ رێكارێن قانوونى گرنه‌ به‌ر.

بریاره‌ ئه‌ڤرۆ رۆژا شه‌مبى ره‌و‌ته‌كێ سیاسى یێ نوو یێ كوردستانى بۆ پشكداریكرنێ د هه‌لبژارتنێن بهێن یێن ئیراقێ دا ل بازنه‌یا كه‌ركووكێ ل باژارێ هه‌ولێرێ بهێته‌ راگه‌هاندن، سه‌رپه‌رشتێ وى ره‌وتى ژى ئاشكرا دكه‌ت، ره‌وتا وان دێ ب هه‌مان هزر و سیاسه‌تا دكتور نه‌جمه‌دین كه‌ریم بیت، لێ چ په‌یوه‌ندى ب مالبات و كه‌سوكارێن وى ڤه‌ نینه‌.

 

سه‌رۆكێ حكومه‌تا هه‌رێما كوردستانێ په‌یامه‌كا سه‌ره‌خوه‌شێ ئاراسته‌یى سه‌رۆكێ هه‌ڤپه‌یمانییا نشتیمانییا ئیراقێ كر ب هه‌لكه‌فتا وه‌غه‌را خووشكا وى.

مه‌سروور بارزانى د په‌یامه‌كێ سه‌رخوه‌شى ل ئه‌یاد عه‌للاوى، سیاسه‌تمه‌دار و سه‌رۆكێ هه‌ڤپه‌یمانییا نشتیمانییا ئیراقى كر، ب هه‌لكه‌فتا وه‌غه‌را خووشكا وى سوعاد عه‌للاوى.

مه‌سروور بارزانى هه‌ڤخه‌میا خوه‌ دیار و هیڤی خواستن خودایێ مه‌زن ل به‌هشتا خوه‌ شاد بكه‌ت و هه‌دارێ بده‌ته‌ كه‌سوكار و مالباتا خودێ ژێ رازیێ.

ژ ئالییه‌كێ دى ڤه‌ مه‌كته‌با سیاسى یا پارتییا دیمۆكراتا كوردستانێ په‌یامه‌كا سه‌رخوه‌شیێ ئاراسته‌یى ئه‌یدا عه‌للاوى كر ب هه‌لكه‌فتا وه‌غه‌را خووشكا وى سوعاد عه‌للاوى.

مه‌كته‌با سیاسییا پارتى هه‌ڤخه‌مییا خوه‌ ب وه‌غه‌را سوعاد عه‌للاوى دیار كر و هیڤیى خواستن خودایێ مه‌زن جهێ بكه‌ته‌ به‌هشت و سه‌بر و هه‌دارێ بده‌ته‌ كه‌سوكارێن وێ.

سه‌رۆكێ هه‌رێما كوردستانێ د رۆژا جیهانی یا به‌رهه‌نگاربوونا توند و تیژیێ ل دژی ژنان دا راگه‌هاند؛ دڤێت زه‌لام رۆلێ نه‌هێلانا توندو تیژیێ ببین و پشكه‌كا مه‌زنا چاره‌كرنێ بن.

نێچیرڤان بارزانی، سه‌رۆكێ هه‌رێما كوردستانێ، د په‌یامه‌كێ دا راگه‌هاند؛ د سالڤه‌گه‌را به‌رهه‌نگاربوونا توندوتیژیێ ل دژی ژنان، دوپاتیێ ل به‌رده‌وامییا پشته‌گیرییا مافێن ژنان و بزاڤێن به‌رده‌وام بۆ نه‌هێلانا توندوتیژیێ ل دژی ژنان دكه‌ن، كوردستان ژی وه‌ك هه‌موو جیهانێ ژبه‌ر ڤایرۆسێ كۆرۆنا ئه‌ركه‌كێ گران كه‌ڤتییه‌ سه‌ر ملێن ژنان ل مال، نه‌خۆشخانه‌ و فه‌رمانگه‌هێن حكومی و ڤێ یه‌كێ ژی ده‌ستكه‌فتێن ژنان ئێخستینه‌ مه‌ترسیێ، لێ پشت راست دكه‌ین كار ژ بۆ به‌رده‌وامیدانا ده‌ستكه‌فتێن وان كه‌ین.

سه‌رۆكێ هه‌رێمێ، دیار كرییه‌، توند و تیژی پرسا مافێن مرۆڤی و كۆمه‌لگه‌هێ یه‌، پێدڤییه‌ زه‌لام پشكه‌كا مه‌زن یا چاره‌كرنێ بن، ده‌مێ كه‌ره‌نتینێ ژی ده‌لیڤه‌ك بوو كو زه‌لام پێداچۆنێ د خۆدا بكه‌ن كو تنێ ناڤا مالێ جهێ بێهنڤه‌دانێ نینه‌ به‌لكی جهێ كار و بجهئینانا ئه‌ركایه‌ ل هه‌مبه‌ر دایك، هه‌ڤژین و خوشكان.

گۆت ژی، ل سه‌رۆكاتییا هه‌رێمێ ل گه‌ل حكومه‌تێ كار ل سه‌ر به‌رهه‌نگاربوونا توند و تیژیێ ل سه‌ر بنه‌مایێ جێنده‌ری دكه‌ن و بۆ ژنان دوپات دكه‌ین هه‌ڤكاری و هه‌ماهه‌نگییا وان بۆ گه‌هشتن ب ئارمانجێن باشتر به‌رده‌وامه‌ و هیڤییه‌ كار و چالاكی د به‌رده‌وام بن نه‌ تنێ د شازده‌ رۆژێن به‌رهه‌نگاربوونا توندوتیژیێ دابن.

 

website security
WP Facebook Auto Publish Powered By : XYZScripts.com