NO IORG
هه‌لبژارتى3

ئه‌ڤرۆ نیوز:

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌، ل هه‌ولێرێ توشبوویه‌ك ب ڤایرۆسێ كورونایێ مر.

ئه‌ڤرۆ 2/6/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌، توشبوویه‌كێ كورونایێ كۆ ژیێ وی 51 سال بوو، ئاكنجیێ قه‌زا ده‌شتا هه‌ولێرێ – بنه‌سلاوه‌، كۆ هه‌لگرێ ڤایرۆسێ كورونا بۆ ب ئه‌گه‌رێ نیشانێن گرانێن كورونایێ بۆ ماوه‌یێ پێنج رۆژان ل نه‌خوشخانه‌یێ ڤه‌ ئه‌ڤرۆ چو به‌ردلوڤانیا خودێ.

د ئه‌وێ راگه‌هاندنا وه‌زاره‌تێ دا هاتیه‌ ژی كۆ زێده‌باری سه‌رخوشی ل كه‌س و كارێن خودێ ژێ رازی، هیڤیدارین وه‌لاتی پێگیری رێنمایێن ساخله‌میێ بن.

ئه‌ڤرۆ نیوز:

ل كه‌ركووكێ توشبوویێن ڤایرۆسێ كورونایێ دزێده‌بوونێ دایه‌، رێڤه‌به‌رێ پشكا نه‌خوشیێن ڤه‌گۆهاستی ل فه‌رمانگه‌ها ساخله‌میا كه‌ركوكێ راگه‌هاند ل كه‌ركووكێ 7 توشبویێن دی ب كورونایێ هاتنه‌ توماركرن.

د.مونزیز نوعمان رێڤه‌به‌رێ پشكا نه‌خوشیێن ڤه‌گۆهاستی ل فه‌رمانگه‌ها ساخله‌میا كه‌ركوكێ راگه‌هاند: 31/5/2020 حه‌فت كه‌سێن دی ل باژێرێ كه‌ركوكێ تووشی ڤایرۆسێ كورونایێ بوون و هه‌ڤده‌م كه‌سه‌كێ توشبوویی ب كورونایێ ساخ بوویه‌.

ناڤبری ئه‌و چه‌نده‌ ژی دیاركر ته‌ڤایا توشبوویێن ب ڤایرۆسێ كورونایێ ل كه‌ركووكێ  تانوكه‌ گه‌هشتیه‌ 86 كه‌سان دناڤا وان دا 13 ل نه‌خوشخانه‌یێ دانه‌ و ل بن چاڤدێریا نوژداری دانه‌ و سێ كه‌سێن دی ژی ب ئه‌گه‌رێ ڤایرۆسی مرینه‌ و ئه‌ڤێن دی ژی ساخ بووینه‌ .

 
ئەڤرۆ نیوز، بارزان مزووری:

 

 

نەقیبێ مافپەروەر کاوار شۆکت، ژ پشکا هاتنوچوونا شێخان بۆ ئەڤرۆ نیوز گوت: ئەڤرو دەمژمێر ۷:۳۰ مەغرەب ل سەر رێیا سەرەکیا شێخان بۆ ناحیا قەسرۆک دناڤبەرا کۆمەلگەها چرە بۆ قەسرۆک ترومبێلەک ژ جورێ کیا سیراتۆ رەنگێ سپی تایبەت وەرگەریا د ئەنجام دا کەسەکی گیانێ خۆ ژ دەست دا و چار کەسێن دی بریندار بوون، بۆ نەخوشخانا شێخان یا گشتی هاتنە ڤەگوهاستن و کەسێ گیانێ خۆ ژ دەست دای بۆ نۆشداریا داد ل دهوکێ هاتە ڤەگوهاستن.

ناڤهاتی خویاکر ترومبێلەک ل ژێر کونترۆلا شوفێری دەرکەفتیە و وەرگەریایە.

ئه‌ڤرۆ نیوز:

سه‌رۆكێ ئه‌مریكا بریارا پاش خستنا كۆمبوونا بلندا وه‌لاتێن G7 دا.

دونالد تره‌مپ سه‌رۆكێ ئه‌مریكا راگه‌هاند گرۆپێ G7 ب ڤان ئه‌ندامین نوكه‌ڤه‌ ده‌مێ وان ب سه‌رڤه‌ چوویه‌ و هه‌ول ده‌ت وه‌لاتێن روسیا و هندستان و ئوسترالیا و كوریا باشور ژی بهێنه‌ ناڤ كۆمبوونێن G7 دا.

سه‌رۆكێ ئه‌مریكا ئه‌و چه‌نده‌ ژی راگه‌هاند پشتی كۆمبوونا بلندا G7 كۆ بریار بوو ل دوماهیا هه‌یڤا شه‌ش بهێته‌كرن ل ئه‌مریكا هاته‌ پاش خستن بۆ هه‌یڤا 9 یا سالا 2020 و د ئه‌وێ كۆمبوونێ دا ئاریشا دناڤبه‌را ئه‌مریكا و چینێ دێ ئێخته‌ به‌ر دانوستاندنان.

پشتی بلاڤ بوونا ڤایرۆسێ كورونایێ ل چینێ و به‌ربه‌لاڤبووناوێ ل هه‌می جیهانێ، سه‌رۆكێ ئه‌مریكا به‌رده‌وام چینێ ب ڤه‌شارتنا ئه‌گه‌رێن راسته‌قینه و ئامارێن تایبه‌ت ب توشبوویان تومه‌تبار دكه‌ت.

گرۆپێ G7 ژ وه‌لاتێن پیسه‌شازیێن مه‌زن ل جیهانێ پێك دئێت كۆ ئه‌مریكا و فه‌ره‌نسا و ئه‌لمانیا و ئیتالیا و ژاپون و بریتانیا و كه‌نه‌دایه‌.

ئه‌ڤرۆ نیوز:

وه‌زاره‌تا ناڤخۆیا عیراقێ راگه‌هاند ل به‌غدا سه‌ركرده‌یه‌كێ داعشێ ده‌سته‌سه‌ركریه‌ كۆ بزاڤا خۆ ته‌قاندنێ دایه‌.

وه‌زاره‌تا ناڤخۆیا عیراقێ د راگه‌هاندنه‌كێ دا ئاماژه‌ ب وێ چه‌ندێ دایه‌ كۆ هێزێن رێڤه‌به‌راتیا هه‌والگری و به‌رهنگاربوونا تیرۆرێ ل به‌غدا سه‌ركرده‌یه‌كێ داعشێ ده‌سته‌سه‌ركر كۆ بزاڤا ته‌قینا دو بومبێن چاندی ددا، بۆ ئه‌نجامدانا كریاره‌كا تیرۆریستی ل باشوورێ به‌غدا، به‌لێ هێزێن ئه‌منی ئه‌و بومب ژناڤبر.

وه‌زاره‌تا ناڤخۆیا عیراقێ ئه‌و چه‌نده‌ ژی دیاركر تیرۆریستێ هاتیه‌ گرتن د ئوپراسیونا كۆنترۆلكرنا موسلێ بریندار بوو و سێ برایێن وی ل موسلێ خو ته‌قاند بوون  و بابێ وی ژی ب ترۆمبێله‌كا بومبكری ل ده‌ڤه‌را عه‌ره‌ب جبور باشورێ به‌غدا خو ته‌قاند بوو.

 

ئه‌ڤرۆ نیوز، نه‌وزاد هلۆرى:

تیمێن نقومڤانێن سه‌ر ب به‌ره‌ڤانیا باژێرى ل قه‌زا مێرگه‌سوورێ پشتى 10 روژان شیان ته‌رمێ ئه‌و گه‌نجێ كه‌فته‌ د ئاڤا رووبارێ چامه‌ یا سه‌ر ده‌ڤه‌را بارزان خه‌ندقى ببینن.

عیماد رێكانى، رێڤه‌به‌رێ به‌ره‌ڤانیا باژێرى ل مێرگه‌سوور بۆ ئه‌ڤرۆ نیوز گۆت: (10 روژان به‌رى نوكه‌ گه‌نجه‌ك كه‌فته‌ د رووبارێ چامه‌ یا سه‌ر ب ده‌ڤه‌را بارزان و خه‌ندقى، سوپاس بو خودێ پشتى لێگه‌ریانا چه‌ند روژان تیمێن نقومڤانێن سه‌ر ب به‌ره‌ڤانیا باژێرى ل مێرگه‌سوور شیان ته‌رمێ وى بینن و ده‌ربینن و ره‌وانه‌یێ نوژداریا داد ل سوران بكه‌ن).

زێده‌تر گۆت: (ناڤێ وى ئونال كه‌یفى عادله‌ و ژیێ وى 20 ساله‌ و خه‌لكێ ناوحیا شێروان مه‌زن یا سه‌ر ب ده‌ڤه‌را بارزانه‌، بو بوراندنا ده‌مه‌كێ خوش قه‌ستا سه‌ر رووبارى كر بوو، به‌لێ جهێ داخێ یه‌ كه‌فته‌ د رووبارى دا و خه‌ندقى).

ناڤبرى دیاركر ژى كو نوكه‌ ته‌رمێ وى بو پشتراستبوون هاتیه‌ ره‌وانه‌كرن بۆ نوژداریا داد ل سوران و پاشان دێ هێته‌ راده‌ستكرن بو خودانان.

ئه‌ڤرۆ نیوز:

وه‌زاره‌تا ساخله‌میا حكومه‌تا هه‌رێما كوردستانی د راگه‌هاندنه‌كێ دا به‌لاڤكریه‌ كۆ ل هه‌ولێرێ سێ كه‌سێن دی یێن توشبوی ب ڤایرۆسێ كورونایێ هاتنه‌ توماركرن.

ئه‌ڤرۆ وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌ و تێدا هاتیه‌ كۆ ل به‌رده‌وامیا پشكنین و لێگه‌رین دووڤ گۆمانلێكریان و توشبوویان، سێ توشبوویێن دی ب ڤایرۆسێ كورونایێ كوڤید 19 ل پارێزگه‌ها هه‌ولێرێ هاتنه‌ توماركرن.

د راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ دا هاتیه‌ كۆ هه‌ر سێ توشبویێن نوو كۆ زه‌لامن ژیێ وان 23 و 22و 21 سالی به‌ریا نها گه‌شتكربون بۆ وه‌لاتێ هنگاریا و ڤه‌گه‌ریاینه‌ و ل كه‌ره‌نتینه‌كرنێ دابوون.

 

 

 
ئەڤرۆ نیوز:

 

 

وەزارەتا ساخلەمیا هەرێمێ تووشبوونا شەش کەسێن دی ب کۆرۆنا یێ ل سلێمانیێ راگەهاند، کو ژ یێن وان دناڤبەرا 38 سالیێ بۆ 63 سالیێ دانە.

 

 

هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، شەش تووشبوویێن دی یێن ڤایرۆسێ کۆڕۆنا یێ ل سلێمانی هاتنە دەست نیشان کرن، کو پێنج زەلامن د ژیێن ٥١ و ٤٥ و ٤٤ و ٣٩ و ٣٨ سالیێ و ژنەکا د ژیێ ٦٣ سالیێ دایە، ب تنێ ئێک ژ تووشبوویان بەرکەفتیێن تووشبوویێن بەرێیە، پێنج تووشبوویێن دیتر نیشانا وێ نەخۆشیێ ھەیە و پشکنینێن وان پۆزەتیڤ دەرچووینە، ھەموو خۆجهێن ناڤا باژێرێ سلێمانیێ نە.

 

 

 

ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ٢٢ حالەتێن نوو یێن کۆرۆنا یێ ل سلێمانیێ هاتنە تۆمار کرن، هژمارا توشبوویان گەهشتە ٥٦٦ کەسان.

 

 

هەروەسا گۆتیە: د بەردەوامیا پشکنین و لێگەریانێ لدووڤ گۆمانلێکریان، ٢٢ توشبوویێن دی یێن کۆرۆنا یێ ل سلێمانیێ ھاتنە دەستنیشانکرن، ٢١ ژ وان خۆجهێن سلێمانیێ نە و ئێک ژى ئاکنجیێ وارماوە یە.

 

 

دیار کریە ژی: کەسێن تووشبوویی ١٢ زەلام و ٩ ژن و گەنجەک بووینە، هەشت ژ وان بەرکەفتیێن توشبوویێن بەرێنە، ١٤ ژى نیشانێن نەخوشیێ لێ دیاربوون و پشکنینێن وان پۆزەتیڤ بووینە.

ئه‌ڤرۆ نیوز:

پارته‌كا توركمانی داخازا دوورخستنا راكان جبوری دكه‌ت دیاركر كۆ دڤێت پۆستێ پارێزگارێ كه‌ركووكێ بهێته‌دان ب كه‌سه‌كێ توركمانی.

ئه‌ڤرۆ 28/5/2020 نه‌بیل به‌كر جێگرێ سه‌رۆكێ توركمان ئیلی راگه‌هاند دڤێت رێڤه‌برنا پارێزگارێ كه‌ركووكێ ب وه‌كاله‌ت ب دوماهی بێت، چونكو شكه‌ستنه‌كا به‌رچاڤ ئینایه‌ و خه‌لك و وه‌لاتیێن كه‌ركوكێ ب ئه‌گه‌رێ نه‌بوونا خزمه‌تگۆزاریان یێ ئه‌وێ باجێ دده‌ن.

جێگرێ سه‌رۆكێ توركمان ئیلی ئه‌و چه‌نده‌ ژی راگه‌هاند پێكهاته‌یا توركمانی هاتیه‌ پشت گو هاڤێتن، پارێزگارێ كه‌ركووكێ هه‌ڤسه‌نگیا دناڤبه‌را پێكهاته‌یان دا دروست نه‌كریه‌ هه‌روه‌ك كو مه‌ داخازكر بوو 32% یا پۆستان ب پێكهاته‌یێن سه‌ره‌كی بهێنه‌دان، راكان جبوری هه‌موو پوستێن پارێزگه‌هێ د ده‌ستێ عه‌ره‌ب و ئێك هوزێ دا كۆمڤه‌كرینه‌ نابیت ئه‌م ژی بڤێ چه‌ندێ رازی بین و داخازێ دكه‌ین كه‌سه‌كێ توركمانی بۆ پۆستێ پارێزگاری بهێته‌ به‌ربژاركرن .

پشتی نه‌جمه‌دین كه‌ریم ل سالا 2017 ژ پۆستێ پارێزگاریێ دا هاتیه‌ لادان، راكان جبوری ژ پێكهاته‌یا عه‌ره‌ب بۆ پارێزگار ب وه‌كاله‌ت.

website security
WP Facebook Auto Publish Powered By : XYZScripts.com