NO IORG
هه‌لبژارتى3

ئەڤرۆ نیوز:

 

وەزیری نافخۆ، دێ کۆمبوونەکێ ل گەل سەرجەم پارێزگار و سەرپەرشتیارێن ئیدارێن سەربەخو ئەنجامدەت و دێ بریارا درێژکرنێ یان دووماهی ئینانا قەدەغەیا هاتنوچوونێ دەن.

 

وەسا بریارە سوبەهی ئێکشەمبی وەزیرێ نافخۆ یێ حوکمەتا ھەرێما کوردستانێ، کۆمبوونەکا ئۆنلاین ل گەل پارێزگارێن دهۆک و ھەولێر و سلێمانیێ و ھەلەبجە و سەرپەرشتیارێن ئیدارێن گەرمیان و راپەرین بکەت، ب مەبەستا درێژکرنێ و ماوێ قەدەغەیا ھاتنوچوونێ.

 

هەروەسا هه‌ر سوبەهی دێ ژوورێن ئۆپه‌راسیۆنێن پارێزگەهون هەر ئێک جۆدا کۆم بیت و دێ هەلسەنگاندنێ بۆ رەوشا باژێرێن خوە کەن و دێ پێشنیارێن خوە بۆ کۆمبوونا ل گەل وەزیرێ نافخۆ ئامادە کەن.

ئه‌ڤرۆ نیوز:

دو فه‌رمانده‌یین بلندێن سوپایێ عیراقێ ب تومه‌تا گه‌نده‌لیێ ره‌وانه‌ی دادگه‌ها سه‌ربازی هاتنه‌كرن.

لگۆری نفیساره‌كێ كۆ ئیمزایا عوسمان غانمی سوپا سالارێ عیراقێ ل سه‌ره‌ لیوا روكن ناسر ئه‌حمه‌د غنام داود فه‌رمانده‌یێ ئوپراسیونێن ئه‌نبار و موقه‌دم سه‌میر عابد حه‌مادی ل فه‌رمانده‌ییێ ره‌وانه‌ی دادگه‌ها سه‌ربازی هاتنه‌كرن.

ئه‌و دو فه‌رمانده‌یێن عیراقی ب تومه‌تا گه‌نده‌لیێ و دزینێ ژ پارێن سوپای ب ماده‌یا 63 ئێكێ و چارێ ل یاسایا سزادانا سه‌ربازی ل دادگه‌ها سه‌ربازی دێ هێنه‌ دادگه‌هكرن، كۆ لگوری ئه‌وێ ماده‌یی سزایێ وان دگه‌هته‌ 10 سال زیندانكرن و هه‌كه‌ دزی ل ده‌مێ شه‌ری دا هاتبیته‌كرن سزایێ وان دبیته‌ 15 سال زیندانیكرن.

 
ئەڤرۆ نیوز:

 

وەزارەتا ساخلەمیا هەرێما کوردستانێ راگەهاند، 10 تووشبوویێن نوو ل هەولێر، سلێمانیێ و دهۆکێ هاتنە تۆمارکرن.
د ماوێ ٢٤ دەمژمێرێن بوری (٤٧٧) پشکنین هاتینە کرن، (٣١١) هەولێر، (٩٩) سلێمانی، (٦٧) دهۆك،
دەرئەنجام (١٠) تووشبوویێن نوو هاتینە تۆمارکرن ب ڤی رەنگی:-
– پارێزگەها هەولێرێ (٤) پۆزەتیڤ، کو ژنەکا تەمەن (٢٨) سالیە و (٣) گەنج د ژیێن (١٥)، (١٨)، (٢٦) سالیێ دانە و بەرکەفتیێن تووشبوویێن بەری نوکە نە.
– پارێزگەها سلێمانیێ (١) پۆزەتیڤ، کو ژنەکا تەمەن (٥٦) سالیە بەرکەفتیا تووشبوویێ پێشیە.
– پارێزگەها دهۆك (٥) پۆزەتیڤ، کو هەموو ئەندامێن ئێك خێزانێ نە (١) زەلام د تەمەنێ (٤٥) سالیێ دایە و کو ل وەلاتێ بریتانیا ڤەگەریایە، ژنەکا تەمەن (٣٩) سالی، (٢) گەنجێن د ژیێ (١٤)، (١٣) سالیێ دانە، زارۆیەکێ تەمەن (٥) سالی.
ئامارا گشتی یا هەلگرێن ڤایرۆسێ کۆڕۆنا یێ ل هەرێما کوردستانێ گەهشتە (١١٣) کەسان.

ئه‌ڤرۆ نیوز:

ژماره‌یا توشبوویێن ب كورونایێ ل ئه‌مریكا ب رێژه‌یه‌كا به‌رچاڤ بلند بوویه‌ چویه‌ به‌ری چینێ .

د نوترین ئاماردا، كۆ ئاژانسا ده‌نگو و باسێن ئه‌مریكا كه‌ناله‌كێ تایبه‌ته‌ ب كورونا ڤایرۆس به‌لاڤكریه‌، ژماره‌یا توشبوویان بۆ 82 هه‌زار و 179 كه‌سان بلند بوویه‌.

ئه‌و چه‌نده‌ ژی هاتیه‌ روونكرن كۆ ئه‌مریكا ل ژماره‌یا توشبوویان دا چوویه‌ به‌ری چینێ كۆ 81 هزار و 285 كه‌س توشی ڤایرۆسێ كورونایی بوون.

به‌لێ ژ روویێ ژماره‌یا گیان ژ ده‌ست دانێ ب ئه‌گه‌رێ ڤایرۆسی ل ئه‌مریكا هزار و 177 كه‌س بوون، به‌لێ ل چینێ هزار و 287 كه‌س بوون.

هه‌ڤده‌م میدایێن ئه‌مریكا ئاماژه‌ ب وێ چه‌ندێ ژی داینه‌ كۆ ل ویلایه‌تا نیویورك و چه‌ند ویلایه‌ته‌كێن دی ژماره‌یا توشبوونیان ب شێوه‌یه‌كێ مه‌ترسیدار به‌لاڤ بوویه‌.

 

 

ئەڤرۆ نیۆز، عەزیز هەورامی:

 

لە هەرێمی کوردستان تاوەکو ئێستا ۳۹هەڵگری ڤایرۆسی کۆرۆنا بەتەواوەتی چاک بونەتەوە، نەخۆشخانەکانیان بەجێ هێشتووە گەڕاونەتەوە بۆ ناو ماڵ و منداڵیان.

دکتۆر سەباح هەورامی بەڕێوەبەری گشتی تەندروستی سلێمانی، ڕایگەیاند:” ۱۲ توشبوی ڤایرۆسی کۆرۆنا لە سلێمانی بە تەواوەتی چاک بونەتوە، ئەمشەو نەخۆشخانە بەجێ دەهێڵن.

سەباح هەورامی دەشڵێت:” لە سلێمانی تاوەکوم ئێستا ۳۹ نەخۆشی هەڵگری ڤایرۆسی کۆرۆنا چاک بونەتەوە نەخۆشخانەیان بەجێ هێشتووە.
لە هەرێمی کوردستان ۱۰۰ هاوڵاتی هەڵگری ڤایرۆسی کۆرۆنا بوون لەو ڕێژە ۳۹ کەسیان چاک بونەتەوە وە ۲ کەسیان گیانیا لە دەست داوە، ٥۹ کەس لە ژێر چاودێری پزیشکیدان، وەک بەرپرسانی تەندروستی کوردستان دەیڵێن ڕەوشی تەندروستیان جێگرە.

ئه‌ڤرۆ نیوز:

په‌یڤدارێ حكومه‌تا هه‌رێما كوردستانێ د روونكرنه‌كێ دا به‌لاڤكر، كۆ چاڤه‌ریێ هاتنا ته‌مویلا به‌غداین، هه‌رده‌مێ گه‌هشت راسته‌وخو دێ ده‌ست ب پارڤه‌كرنا موچه‌یێ هه‌می وه‌زاره‌تان كه‌ین.

ئه‌ڤرۆ 26/3/2020 د.جوتیار عادل په‌یڤداری حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌، ب به‌لاڤبوونا ڤایرۆسێ كورونایێ ل پرانیا وه‌لاتێن جیهانێ و جڤاكا نێڤ ده‌وله‌تی ریب ری ره‌وشه‌كا گران یا ساخله‌میێ و ئابووری بوویه‌ و هه‌رێما كوردستانێ ژی دوور نه‌بووه‌ ژ ئه‌وێ ره‌وشا گران، حكومه‌تا هه‌رێما كوردستانێ د پێخه‌مه‌تا سه‌لامه‌تیا ساخله‌میا وه‌لاتیان دا هه‌موو شیانێن خۆ ئێخستنه‌ كاری بۆ پاراستنا گیانێ وه‌لاتیان و دابینكرنا خوشگوزه‌رانییێ ل پاشه‌رۆژێ كۆ ئێكه‌ ژ ئه‌ركێن حكومه‌تێ.

ده‌ربارێ پارڤه‌كرنا موچه‌یی په‌یڤدارێ حكومه‌تا هه‌رێما كوردستانێ ئه‌و چه‌نده‌ ژی به‌لاڤكر وه‌زاره‌تێن پێشمه‌رگه‌ و ساخله‌می و دارای و ئابووری و ناڤخۆ موچه‌ وه‌رگرتینه‌، پاره‌یێ پێدڤی هاتیه‌ دابینكرن و چاڤه‌ریێ هاتنا ته‌مامكه‌را وی پاره‌یێ به‌غداینه‌، هه‌ر ده‌مێ گه‌هشت دێ راسته‌وخو ده‌ست ب پارڤه‌كرنا موچه‌یێ ته‌ڤایا وه‌زاره‌تان كه‌ین ب میكانزمه‌كێ كۆ بگۆنجیت ل گه‌ل رێنمایێن ساخله‌میێ .

په‌یڤدارێ حكومه‌تا هه‌رێما كوردستانێ ئه‌و چه‌نده‌ ژی دیاركر ته‌ڤایا پاره‌یێ بۆ موچه‌یێ هه‌ر هه‌یڤه‌كێ ل هه‌رێما كوردستانێ 894 ملیار دینارن ژ وی پاره‌یی 453 ملیار دینار ژ به‌غدا وه‌ك ته‌مامكه‌ر دهێت كۆ دبیته‌ نێزیكی 51% یا پاره‌یێ پێدڤی بۆ پارڤه‌كرنا موچه‌ی، به‌لێ ب ئه‌گه‌رێ هاتنا ڤایرۆسی راوه‌ستاندنا دوامان ل به‌غدا، هاتنا ئه‌وێ ته‌مامكه‌ریێ پاش كه‌ت، بۆ ئه‌وێ مه‌به‌ستێ وه‌زیرێ دارای و ئابووری یێ حكومه‌تا هه‌رێما كوردستانێ د په‌یوه‌ندیه‌كێ ل گه‌ل وه‌زاره‌تا دارایی یا حكومه‌تا فیدرال بۆ چاره‌كرنا ئه‌وان گرفتان، چاڤه‌ریێ نه‌ ل چه‌ند رۆژێن بهێت ئه‌و پاره‌ بگه‌هیت و بۆ ته‌مامكرن و پارڤه‌كرنا موچه‌یێ خشته‌یێ ته‌ڤایا وه‌زاره‌تان.

ئه‌ڤرۆ نیوز:

وه‌زاره‌تا ده‌رڤه‌یا عیراقێ ئاشكراكر تانوكه‌ 19 وه‌لاتی یێن عیراقی ژ ده‌رڤه‌ تووشی ڤایرۆسێ كورنا بووینه‌.

د راگه‌هاندنه‌كا وه‌زاره‌تا ده‌رڤه‌یا حكومه‌تا عیراقی دا هاته‌ به‌لاڤكرن، 10 حاله‌ت ل ئوردنی شه‌ش حاله‌ت ل ئیتالیا و دو حاله‌ت ل لبنانێ و حاله‌ته‌ك ژی ل كه‌نه‌دا هاتیه‌ توماركرن.

وه‌زاره‌تا ده‌رڤیا عیراقی ئه‌و چه‌نده‌ راگه‌هاندیه‌ كۆ ب رێكا وه‌زاره‌تا ده‌رڤه‌ به‌رهه‌ڤی هاتیه‌ نیشان دان بۆ هه‌ڤكاریكرنا پێدڤی بۆ ئه‌وان عیراقیان بكه‌ت هه‌كه‌ ئه‌و وه‌لاتیێن عیراقێ ل ئه‌وان وه‌لاتێن لی ئاكنجی ره‌زامه‌ندیێ نیشان بده‌ن.

 

 

 
ئەڤرۆ نیوز:

 

 

 

وه‌زیرێ ساخلەمیا هەرێمێ راگه‌هاند، هژمارا تووشبوویێن ده‌ربه‌ندیخان به‌راورد ب دەڤەرێن دیتر زێدەتره‌.

 

ئەڤرۆ چارشەمبی ل سه‌ر راسپاردەیا مەسرور بارزانی سەرۆکێ حوکمەتا هەرێما کوردستانێ بۆ گرنگیدان و دووڤچوونا رێکاران، د. سامان بەرزنجی وەزیرێ ساخلەمیێ، گەهشتە قەزا دەربەندیخان و ل گەل بەرپرسێن وێ قەزایێ كۆمبوو‌.
د. سامان بەرزنجی راگه‌هاند: ئەم د‌ قۆناغا چاره‌سه‌ریێ و كۆنترۆلكرنێ داینە بۆ هندێ داکو ئەڤ ڤایرۆسه‌ ژ ده‌ست ده‌رنه‌چیت و بەربەلاڤ نه‌بیت و دخوازین وەلاتی پابه‌ندی رێكاران بن و نه‌هێنه ژ‌ ده‌رڤه‌.

 

ئەڤرۆ نیوز:

 

 

ل ئێک نەخۆشخانێن تایبەت ب ڤایرۆسێ کۆرۆنا ل هەرێما کوردستانێ دشێت 55 تووشبوویێن وی ڤایرۆسی تێدا بنڤینیت، بەلێ ب تنێ 11 ئامیرێن هەناسەدانێ یێن دەستکرد تێدا هەنە.

 

 

نوکە هەرێما کوردستانێ پتر ژ شەش ملیۆن ئاکنجیان هەیە، کێمتر ژ 200 ئامیرێن هەناسەدانا دەستکرد هەنە، شیانێن سنوردار کو پتر ژ هەر 30 هزار کەسان، ئامیرەک بەردکەڤیت.

 

 

وەزارەتا ساخلەمیێ بۆ دابینکرنا جهی، پلانا ئەی، بی و سیی دانایە، نوکە هەرێما کوردستانێ د قۆناغا ئەی دایە و دۆخێ هەرێمێ ل ژێر کۆنترۆلێ دایە، بەلێ قۆناغا سی یا مەترسیدارە، هەکە دۆخێ هەرێمێ بگەهیتە وی ئاستی، دێ هەموو نەخۆشخانە بۆ تووشبوویێن کۆرۆنا یێ هێنە تەرخان کرن، هەر چەندە ساخلەمیا هەموو تووشبوویێن کۆرۆنا یێ زۆر یا باشە.

 

سەرەرای کێمیا ئامیرێ هەناسەدانا دەستکرد، شیانێن تێستا کۆرۆنا یێ ژی ب ئەگەرێ کێمیا کیت یا سنوردارە، بەلێ نوکە پێدڤیێن نێزیکی حەفت هزار تێستێن کۆرۆنا یێ ل هەرێما کوردستانێ هەنە، رۆژانە ل تاقیگەهێن کوردستانێ دشێن تێستا کۆرۆنا یێ بۆ 200 هەتا 300 گومانلێکریان بکەن.

ئه‌ڤرۆ نیوز:

وه‌زاره‌تا ناڤخۆ یا حكومه‌تا هه‌رێما كوردستانێ چه‌ندین بریار و رێنمایێن نوو لگۆری ئه‌وێ ده‌سه‌لاتا پی هاتیه‌ دان ده‌رخستن.

وه‌زاره‌تا ناڤخۆیا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌ كۆ لگۆری ئه‌وێ ده‌سه‌لاتا پی هاتیه‌ دان لگۆری بجهكرنا بریار و رێنمایێن حكومه‌تا هه‌ریمێ تایبه‌ت بۆ به‌رهنگاربوونا ڤایرۆسێ كورنایێ هه‌موو هێزێن سه‌ر ب وه‌زاره‌تا ناڤخۆ یا حكومه‌تا هه‌ریما كوردستانێ ئێخستنه‌ د حاله‌تێ به‌رهه‌ڤیێ دا ب مه‌به‌ستا هه‌ڤكاریكرنا ئه‌وان هێزێن كۆ ئه‌ركێ بجهكرنا رینمایێن به‌رهنگاربوونا ڤایرۆسێ كورنایێ پێ هاتیه‌ سپاردن.

viber_image_2020-03-23_14-13-49

website security
WP Facebook Auto Publish Powered By : XYZScripts.com