NO IORG
هه‌لبژارتى3

ئه‌ڤرۆ نیوز:

وه‌زاره‌تا ده‌رڤه‌یا عیراقێ ئاشكراكر تانوكه‌ 19 وه‌لاتی یێن عیراقی ژ ده‌رڤه‌ تووشی ڤایرۆسێ كورنا بووینه‌.

د راگه‌هاندنه‌كا وه‌زاره‌تا ده‌رڤه‌یا حكومه‌تا عیراقی دا هاته‌ به‌لاڤكرن، 10 حاله‌ت ل ئوردنی شه‌ش حاله‌ت ل ئیتالیا و دو حاله‌ت ل لبنانێ و حاله‌ته‌ك ژی ل كه‌نه‌دا هاتیه‌ توماركرن.

وه‌زاره‌تا ده‌رڤیا عیراقی ئه‌و چه‌نده‌ راگه‌هاندیه‌ كۆ ب رێكا وه‌زاره‌تا ده‌رڤه‌ به‌رهه‌ڤی هاتیه‌ نیشان دان بۆ هه‌ڤكاریكرنا پێدڤی بۆ ئه‌وان عیراقیان بكه‌ت هه‌كه‌ ئه‌و وه‌لاتیێن عیراقێ ل ئه‌وان وه‌لاتێن لی ئاكنجی ره‌زامه‌ندیێ نیشان بده‌ن.

 

 

 
ئەڤرۆ نیوز:

 

 

 

وه‌زیرێ ساخلەمیا هەرێمێ راگه‌هاند، هژمارا تووشبوویێن ده‌ربه‌ندیخان به‌راورد ب دەڤەرێن دیتر زێدەتره‌.

 

ئەڤرۆ چارشەمبی ل سه‌ر راسپاردەیا مەسرور بارزانی سەرۆکێ حوکمەتا هەرێما کوردستانێ بۆ گرنگیدان و دووڤچوونا رێکاران، د. سامان بەرزنجی وەزیرێ ساخلەمیێ، گەهشتە قەزا دەربەندیخان و ل گەل بەرپرسێن وێ قەزایێ كۆمبوو‌.
د. سامان بەرزنجی راگه‌هاند: ئەم د‌ قۆناغا چاره‌سه‌ریێ و كۆنترۆلكرنێ داینە بۆ هندێ داکو ئەڤ ڤایرۆسه‌ ژ ده‌ست ده‌رنه‌چیت و بەربەلاڤ نه‌بیت و دخوازین وەلاتی پابه‌ندی رێكاران بن و نه‌هێنه ژ‌ ده‌رڤه‌.

 

ئەڤرۆ نیوز:

 

 

ل ئێک نەخۆشخانێن تایبەت ب ڤایرۆسێ کۆرۆنا ل هەرێما کوردستانێ دشێت 55 تووشبوویێن وی ڤایرۆسی تێدا بنڤینیت، بەلێ ب تنێ 11 ئامیرێن هەناسەدانێ یێن دەستکرد تێدا هەنە.

 

 

نوکە هەرێما کوردستانێ پتر ژ شەش ملیۆن ئاکنجیان هەیە، کێمتر ژ 200 ئامیرێن هەناسەدانا دەستکرد هەنە، شیانێن سنوردار کو پتر ژ هەر 30 هزار کەسان، ئامیرەک بەردکەڤیت.

 

 

وەزارەتا ساخلەمیێ بۆ دابینکرنا جهی، پلانا ئەی، بی و سیی دانایە، نوکە هەرێما کوردستانێ د قۆناغا ئەی دایە و دۆخێ هەرێمێ ل ژێر کۆنترۆلێ دایە، بەلێ قۆناغا سی یا مەترسیدارە، هەکە دۆخێ هەرێمێ بگەهیتە وی ئاستی، دێ هەموو نەخۆشخانە بۆ تووشبوویێن کۆرۆنا یێ هێنە تەرخان کرن، هەر چەندە ساخلەمیا هەموو تووشبوویێن کۆرۆنا یێ زۆر یا باشە.

 

سەرەرای کێمیا ئامیرێ هەناسەدانا دەستکرد، شیانێن تێستا کۆرۆنا یێ ژی ب ئەگەرێ کێمیا کیت یا سنوردارە، بەلێ نوکە پێدڤیێن نێزیکی حەفت هزار تێستێن کۆرۆنا یێ ل هەرێما کوردستانێ هەنە، رۆژانە ل تاقیگەهێن کوردستانێ دشێن تێستا کۆرۆنا یێ بۆ 200 هەتا 300 گومانلێکریان بکەن.

ئه‌ڤرۆ نیوز:

وه‌زاره‌تا ناڤخۆ یا حكومه‌تا هه‌رێما كوردستانێ چه‌ندین بریار و رێنمایێن نوو لگۆری ئه‌وێ ده‌سه‌لاتا پی هاتیه‌ دان ده‌رخستن.

وه‌زاره‌تا ناڤخۆیا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه‌ كۆ لگۆری ئه‌وێ ده‌سه‌لاتا پی هاتیه‌ دان لگۆری بجهكرنا بریار و رێنمایێن حكومه‌تا هه‌ریمێ تایبه‌ت بۆ به‌رهنگاربوونا ڤایرۆسێ كورنایێ هه‌موو هێزێن سه‌ر ب وه‌زاره‌تا ناڤخۆ یا حكومه‌تا هه‌ریما كوردستانێ ئێخستنه‌ د حاله‌تێ به‌رهه‌ڤیێ دا ب مه‌به‌ستا هه‌ڤكاریكرنا ئه‌وان هێزێن كۆ ئه‌ركێ بجهكرنا رینمایێن به‌رهنگاربوونا ڤایرۆسێ كورنایێ پێ هاتیه‌ سپاردن.

viber_image_2020-03-23_14-13-49

 
ئەڤرۆ نیوز، زنار تۆڤی:

 

 

ئەڤرۆ ل سنۆرێ باژێرڤانیا فه‌یدیێ‌ دەست ب ئاڤاکرنا نەخۆشخننەکا تایبەت ب کۆرۆنا یێ هاتە کرن، کو 63 هزار مه‌ترێن چار گۆشه‌ یێن ئه‌ردی بۆ ساخله‌میا دهۆكێ ‌هاتینە دابینكرن، ژ ڤی رووبه‌ری ژی نێزیكی 15 هزار مه‌ترێن چار گۆشه‌ بۆ نه‌خۆشخانا كۆرۆنایێ‌ یا 100 ته‌ختی هاتینه‌ دابینكرن، كو ئەڤ نەخۆشخانە دێ‌ ژ ئالیێ‌ وه‌به‌رهێنه‌رێن دهۆكێ‌ ڤه‌ هێته‌ ئاڤاكرن، رووبه‌رێ‌ مایی ژی دێ‌ ل ژێر كۆنترۆلا ساخله‌میا دهۆكێ دا‌ بیت.

 

ئه‌ندازیار دیار به‌حری، رێڤه‌به‌رێ‌ گشتی یێ‌ باژێرڤانیان ل پارێزگه‌ها دهۆكێ بۆ ئەڤرۆ نیوز‌ دیار كر، ئه‌ڤرۆ دوشه‌مبی 23/3/2020 ل سه‌ر رووبه‌رێ‌ 63 هزار مه‌ترێن چار گۆشه‌ كو ژ ڤی رووبه‌ری نێزیكی 15 هزار مه‌ترێن چار گۆشه‌ بۆ نه‌خۆشخانەکا تایبەت ب كۆرۆنا یێ‌ ڤە یا 100 ته‌ختی هاتینه‌ دابینكرن و نوکە ده‌ست ب ئاڤاکرنا ڤێ نه‌خۆشخانێ‌ هاتیه‌ كرن و وه‌به‌رهێنه‌ره‌كێ‌ دهۆكێ‌ دێ‌ وێ‌ نه‌خۆشخانا تایبه‌ت بۆ نه‌خۆشێن كۆرۆنا یێ‌ ئاڤا كه‌ت.

 

ناڤهاتی ئاشكرا كر ژی: كو ئه‌و ئه‌رده‌ د ماسته‌ر پلانا باژێرڤانیا فه‌یدیێ‌ دا، ئه‌ردێ‌ نه‌خۆشخانێ‌ یه‌ و دكه‌ڤیته‌ سه‌ر رێیا سه‌ره‌كی یا دهۆك دۆمیز.

ئه‌ڤرۆ نیوز:

جێگرێ سه‌رۆكێ جڤاتا نوونه‌رێن عیراقی راگه‌هاند: ب ڤان نێزیكان وه‌زاره‌تا دارایی دێ موچه‌یێ هه‌یڤا سێ  بۆ هه‌رێما كوردستانێ هنێریت.

به‌شیر حه‌داد جێگرێ سه‌رۆكێ جڤاتا نوونه‌رێن عیراقێ راگه‌هاند: هه‌كه‌ بهایێ پترۆلێ چه‌ند دابكه‌ڤیت مه‌ترسیێ ل سه‌ر موچه‌یێ فه‌رمانبه‌ران دروست ناكه‌ت دڤان رۆژان دا ژی پارێزگارێ به‌نكا ناڤه‌ندا عیراقێ ئه‌و چه‌نده‌ دوپاتكریه‌.

به‌شیر حه‌داد جێگرێ سه‌رۆكێ جڤاتا نوونه‌رێن عیراقێ ئه‌و چه‌نده‌ ژی راگه‌هاند: وه‌زاره‌تا دارایی یا عیراقێ نڤیساره‌ك بۆ هه‌رێما كوردستانێ و پارێزگه‌هان فرێكریه‌ و كۆ تێدا هاتیه‌ لیستێن خۆ به‌رهه‌ڤ بن بۆ وه‌رگرتنا موچه‌یێ هه‌یڤا سێ.

جێگرێ سه‌رۆكێ جڤاتا نوونه‌ران گۆت: وه‌زیرێ دارایی داخاز ژ هه‌رێما كوردستانێ و پارێزگه‌هان كریه‌ لیستێن خۆ به‌رهه‌ڤ بكه‌ن ژبوی موچه‌ییی بۆ ئه‌وان بهێته‌ ره‌وانه‌كرن.

 
ئەڤرۆ نیوز:

 

 

وەزارەتا ساخلەمیا هەرێما کوردستانێ راگەهاند، حەفت کەسێن دیتر ل هەولێر و سلێمانیێ تۆشی کۆرۆنا یێ بوون، کو شەش ژ وان ل سلێمانیێ و کەسەک ژی ل هەولێرێ یە، تۆشبوویەک ل دەربەندیخانە کو ئێکەم جارە ل وێ قەزایێ تووشبوویەک د هێتە تۆمار کرن.

 

 

هەروەسا گۆتیە، تۆشبوویێ هەولێرێ رەگەزی نێرە و د ژیێ 29 سالیێ دایە، شەش تۆشبوو یێن سلێمانیێ ئێک د ژیێ 37 سالیێ دایە و خەلکێ سەنگەسەرە ل دەڤەرا راپەرین، تۆشبوویەکێ دیتر د ژیێ 45 سالیێ دایە و خۆجهێ دەربەندیخانە، تۆشبوویێن دیتر خەلکێ سلێمانیێ نە و ژنەکا دژیێ 38 سالیێ دایە، ئەوێن دیتر ژ رەگەزی نێرن و د ژیێن 28، 62 و 48 سالیێ دانە.

 

سەرجەمێ گشتی یێن تووشبوویێن کۆرۆنا ل کوردستانێ 54 کەسن.

ئه‌ڤرۆ نیوز:

حكومه‌تا ئوردنێ بۆ رێگرتن ژ به‌لاڤبوونا ڤایرۆسێ كورونایێ ل ته‌ڤایا وه‌لاتی قه‌ده‌غه‌یا هاتنوچونێ راگه‌هاند.

شاهـ عه‌بدوللا یێ دوێ مه‌رسومه‌كا شاهانه‌ ده‌رخستن و ده‌سه‌لات دا حكومه‌تێ بۆ ئه‌وێ چه‌ندێ كۆ هه‌مو بزاڤ و به‌رهنگاربوونه‌كێ بۆ رێگرتن ژ به‌لاڤبوونا ڤایرۆسێ كورونایێ بكه‌ت.

حكومه‌تا ئوردنی بریار دا ل ده‌مژمێر 7 سپێدێ یا ئه‌ڤرۆ 21/3/2020 تا ده‌مه‌كێ نه‌دیار هاتنوچون ل ته‌ڤایا وه‌لاتی قه‌ده‌غه‌یه‌.

سوپایێ ئوردنێ بۆ بجهكرنا بریارا قه‌ده‌غه‌كرنا هاتنوچونێ ته‌ڤایا جاده‌ و كولانێن وه‌لاتی هاتینه‌ به‌لاڤكرن .

لگۆری دوماهی ئامار، تانوكه‌ 85 كه‌س ل رودنی تووشی ڤایرۆسێ كورونایێ بوون و ئێك كه‌س ژی ساخ بوویه‌.

ئه‌ڤرۆ نیوز:

سه‌رۆكێ فه‌ره‌نسا 5 ملیار یورو بۆ ڤه‌كۆلینكرنێ تایبه‌ت ب ڤه‌دیتنا چاره‌سه‌ریا ڤایرۆسێ كرونایێ ته‌رخانكرن.

ئیمانوێل ماكرۆن سه‌رۆكێ فه‌ره‌نسا راگه‌هاند قه‌یرانا كورونایێ پێدڤی ب ڤه‌كۆلینێن زانیستی یه‌، له‌ورا 5 ملیار یورویان دێ ته‌رخان كه‌ین بۆ ڤه‌كۆلینكرنێن تایبه‌ت بۆ ڤه‌دیتنا چاره‌سه‌ریا ڤایرۆسێ كورونایێ.

لگۆری ئاماران: تانوكه‌ 11 هه‌زار و 10 كه‌س ل فه‌ره‌نسا توشی ڤایرۆسێ كورونایێ بوون، 295 كه‌س ساخ بووینه‌ و 372 كه‌س ژی ب ڤایرۆسی مرینه‌.

ئه‌ڤرۆ نیوز، نه‌وزاد، عەلی، ره‌مه‌زان، مه‌حمود، بارزان:

سەر فەرمانا سەرۆکێ حکومەتا هەرێما کوردستانێ بڕی دو ملیار دینار بۆ زیان ڤێكه‌تیێن له‌هیا دهۆک و زاخۆ هاتنه‌ ته‌رخانكرن ب راسپاردە و فەرمانا مەسرور بارزانی سەرۆکی حکومەتا هەرێما کوردستان.

بێوار عه‌بدولعه‌زیز، به‌رپرسێ راگه‌یاندنا به‌ره‌ڤانیا باژێری ل دهۆكێ بۆ ئه‌ڤرۆ نیوز گۆت: ژئه‌گه‌رێ له‌هیا شه‌ڤا بوری یا دهۆكێ زیانێن زۆر گه‌هشتنه‌ وه‌لاتیان ژ وانان زیان گەهشتیە نێزیکێ 400 خانی و 100 دوکانان، دو کەسان گیانێ خوە 21  خێزان دناڤ خانیان و 11 وەڵاتی دناڤ ترومبێلا هاتینە رزگارکرن، ل تاخێ به‌رۆشكێ 48 ترۆمبێل پیچ بوینه‌.

زێده‌تر گۆت: ژبلی زیانێن سه‌نته‌رێ باژێری هه‌ڤده‌م زیانێن زۆر ل زاخۆ و ئامێدیێ و ده‌ڤه‌رێن دن ژی درۆست بوینه‌، لژنه‌ ژلایێ به‌ره‌ڤانیا باژێری ل هه‌موو ده‌ڤه‌ران هاتینه‌ پێكئینان بۆ خه‌ملاندن و دوڤچوون ل سه‌ر روودانان، چه‌ند رۆژێن بهێت دێ هێنه‌ پێشكێشكرن بۆ جهێن شوله‌ژێ، روودان ژ ئه‌گه‌را دروستكرنا به‌نداڤه‌كا نه‌ یاسایی لایێ كه‌سه‌كێ دروست بوویه‌، ئه‌و به‌نداڤ په‌قی یه‌ و ب سه‌ر مالێن وه‌لاتیان دا هاتیه‌ و هه‌موو ترۆمبێل ل جهه‌كێ كومكرینه‌و ئاڤ چویه‌ مالێن هژماره‌كا زور یا خانیێن وه‌لاتیان، سوپاس بۆ خودێ چو زیانێن گیانی نه‌بوون، د نوكه‌ دا تیمێن مه‌ مژولێ پاقژكرنا تاخێن به‌رۆشكێ یه‌ ئه‌ڤێن زیان پێكه‌فتی.

قایمقامێ زاخۆ د داخویانیەکێ دا بۆ ئەڤرۆ نیوز دیار کر لژنەیەک ژ بەرەڤانیا باژێری ل زاخۆ دێ سەرەدانان هەمی جهێن زیان ڤێ کەڤتی کەت بۆ زانینا زیانێن بەر وه‌لاتیان کەڤتین و دوهی رۆژا چار شەمبێ ژبەر دروست بوونا لەهیان زیان پێ گەهشتین دێ لژنەیەک ژ بەرەڤانیا باژێری ل زاخۆ سەرەدانا یان ڤێ کەڤتیێن زاخۆ کەت دا کو هەمی بهێنە تومار کرن و بۆ پارێزگەها دهوکێ بهێنە رەوانە کرن،هەر دوهی داخازا زیانان ژ مە هاتە کرن ژلایێ پارێزگەها دهۆکێ ڤە بەلێ ژبەر کو تیمێن مە مژوولی رزگار کرنا خەلکێ بوون و مە نەشیا وی کاری ئەنجام بدەن لەورا دێ ئەڤرۆ دەست ب تومار کرنێ هاتە کرن و دێ هەمی زیان ڤێکەڤتی هێنە تومار کرن و بۆ زیانان ژی پشکا شێری بەر ب زاخۆ کەڤتیە ژبەر کو خەلکەکێ زێدە توشی زیانێن ماددی بوینە و هەتا زیانێن گیانی ژی هەبوون.

موقه‌ده‌م فیراس یاسین ئاكره‌یی , به‌رپرسێ‌ راگه‌هاندنا به‌ره‌ڤانیا باژێرێ‌ ئاكرێ‌ بۆ ئه‌ڤرۆ  نیوزراگه‌هاند : ژبه‌ر وێ‌ پێلا مه‌زنا بارانێ‌ مه‌ تیمێن خوه‌ به‌ڵاڤركرینه‌ بۆ پاراستنا سه‌رۆ مالێ وه‌لاتیان و چه‌ندین رێك مه‌ ئاگه‌هداریا شوفێرا كریه‌ كۆ هاتنووچۆنێ‌ تێدا نه‌كه‌ن هه‌تا باران راوه‌ستیت ژبه‌ركۆ مه‌ترسیا هاتنه‌ خوارا به‌ران هه‌یه‌ ل گه‌ڵ كه‌فتنا ئاخێ‌ زیان گه‌هشتیه‌ چه‌ندین ماڵا ژبه‌ر بلند بۆنا ئاستێ‌ ئاڤێ‌.

گۆتژی : ل سنوورێ‌ ناحیا گرده‌سێن ژ ئه‌گه‌رێ‌ هه‌رفینا خانیه‌كێ‌ 30 سه‌رێن په‌زی ژناڤچوونه‌ و بریسیێ‌ ل ماڵه‌كێ‌ دایه‌و ل سه‌نته‌رێ‌ ئاكرێ‌ ژی كه‌سه‌كێ‌ خوه‌ سوتیه‌و گیانێ‌ خوه‌ ژ ده‌ستدایه‌و بارانێ‌ زیان گه‌هاندیه‌ چه‌ندین مولده‌یان و گه‌ره‌كێن دی .

ئیسماعیل موسته‌فا قایمقامێ قه‌زا ئامێدیێ بۆ ئه‌ڤرۆ نیوز دیاكر، زۆرترین باران ل سه‌رانسه‌رێ كوردستانێ ل ده‌ڤه‌را ئامێدیێ باریه‌ ژ به‌ر وێ یه‌كێ زیانێن زۆر گه‌هاندینه‌ وه‌لاتیان و پرۆژێن خزمه‌تگوزاری ل ده‌ڤه‌رێ و گۆت: ل تاژیكا تا دێره‌لۆك زیانێن زۆر گه‌هشتینه‌ جاده‌یا سه‌ره‌كی ل ده‌ڤه‌رێ و چه‌ندین جهان ره‌خێن جادێ خراب بووینه‌ و مه‌ترسی ل سه‌ر جادێ و هاتن و چونێ ژی دروست كریه‌.

ناڤبری دیاركر، ل كومه‌لگه‌ها قه‌دشێ و ئینشكی دورێن 10 مالان ئاڤ چووبویێ و زیانێن مالی گه‌هشتنه‌ خودانێن وانان و هه‌روه‌سا ڤان باران و له‌هیان زیان گه‌هاندینه‌ چاندنا ده‌رامه‌تێ جوتیاران و هه‌ژماره‌كا زه‌ڤیێن چاندنێ و گۆت: تشتێ ژ هه‌موویان نه‌خوه‌شتر خراب بوون و ژناڤ چوونا دوو پرێن ده‌رباز بوونێَ بوویه‌ و هاتن و چون ل ناڤبه‌را چه‌ندین گۆندێن ده‌ڤه‌رێ بۆ سه‌نته‌رێ قه‌زایێ و سه‌نته‌رێن ناحیا هاتیه‌ برین وه‌ك پرا دێره‌شێ و پرا سپنه‌ ژناڤچوینه‌ و پرا دێره‌ش و پرا گه‌له‌كا و مه‌هیدێ زیان گه‌هشتیێ و هاتن و چون ل سه‌ر هاتیه‌ برین و كو ڤان بارانان مه‌ترسی ل سه‌ر چه‌ندین سكرێ ئاڤێ دروست كربوون و ئه‌ڤ یه‌كی ژی ببوو جهێ ترسێ ل ده‌ڤ مه‌ و خه‌لكی ب گشتی ژ به‌ر وێ یه‌كێ ژی تیمێن مه‌ و یێن به‌نداڤا و هه‌روه‌سا یێن باژێرڤانیا مژیلی هندێ بووینه‌ كو مه‌ترسیێ ل سه‌ر ڤان پران كێم بكه‌ن ونه‌هێلن.

ناڤهاتی دیار ژی كر، رێژا باران بارین ژ هزارێ ده‌رباز بوویه‌ و دڤان 48 ده‌مژمێران دا نێزیكی 200 ملیمێن بارانێ ل ده‌ڤه‌رێ باری نه‌.

ژلایێ خوه‌ ڤه‌ سامی ئوشانه‌ رێڤه‌به‌رێ ناحیا دێره‌لۆك دیار كر، كو ژئه‌نجامێ بارانێن زۆر ل سنورێ ناحیا دێره‌لۆك پرا سپنه‌ی یا پیاده‌ هه‌رفتیه‌ كو هێلا ئاڤا ڤه‌خوارنێ ژ كانیێن گیرا بۆ كومه‌لگه‌ها دیره‌لۆك ڤه‌دگوهێزیت ل سه‌رڤێ پرێ ده‌رباز دبوون مه‌ترسی ل سه‌ر دروستكریه‌ و گۆت: پرا گوندێ گه‌له‌كا و مه‌هیدێ بو دیره‌لوك زیانێن زۆر گه‌هشتینێ وهاتن چون ل سه‌ر هاتیه‌ برین و تیمێن باژێرڤانیا مه‌ مژیلی چێكرنه‌ڤه‌یا وێ نه‌ و ل نێزك گوندێ سه‌رگه‌لێ ره‌خه‌كی جادێ ئاخ ل بن چوویه‌ و دبیته‌ مه‌ترسی ل سه‌ر جادێ كو رێك بهێته‌ برین و جادا سه‌ره‌كی یا دێره‌لۆك شێلادزێ به‌رامبه‌ری گوندێ هاریكا ئاخ ژ بن جادێ چوویه‌ مه‌ترسی ل سه‌ر جادێ دروست كریه‌.

سەردار یەحیا عبدالعزیز،قائیمقامێ قەزا شێخان بۆ ئەڤرۆ نیوز گۆت ل سنورێ قەزا شێخان زیانێن بارینێ دروست کریە و زەر گەهاندیە 25 مالان ل گوندێ دوشیفانێ ئاڤ چو بو دناڤ مالێن وان دا.

website security
WP Facebook Auto Publish Powered By : XYZScripts.com