NO IORG
هه‌لبژارتى3

ئەڤرۆ نیوز:
ئه‌ڤرو سپێدێ 16/7/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ سه‌را ده‌زگایێ خانى یێ ره‌وشه‌نبیرى وراگه‌هاندنێ دا ژلایێ به‌رێز ( احسان ئامێدى ) به‌رپرسێ نوو یێ ده‌زگایێ خانى یێ ره‌وشه‌نبیرى وراگه‌هاندنێ وكارمه‌ندێن ده‌زگاى پێشوازى لێ هاته‌ كرن .
دهه‌ڤدیتنه‌كێدا به‌حسێ ره‌وشا دام وده‌زگه‌هێن ره‌وشه‌نبیرى وراگه‌هاندنێ ل سنورێ پارێزگه‌هێ وئه‌و خزمه‌تا پێشكێشدكه‌ن ب گشتى هاته‌ كرن.
پارێزگه‌رێ دهوكێ ب ناڤێ خو وكارگێریا پارێزگه‌هێ پیروزباهیا به‌رێز ( احسان ئامێدى ) به‌رپرسێ نوو یێ ده‌زگایێ خانى یێ ره‌وشه‌نبیرى وراگه‌هاندنێ كر وداخازا سه‌ركه‌فتنێ بو خواست دكارێ وى یێ نوو دا .

1-٢

ئه‌ڤرۆ نیوز:
به‌رپرسه‌كێ زانكۆیا جه‌رموو راگه‌هاند، جڤاتا زانكۆیا جه‌رموو بریارا په‌یره‌وكرنا سیسته‌مێ جلكێن وه‌كهه‌ڤ بۆ قوتابیان دایه‌ وئه‌ڤ بریاره‌ دێ ل سالا خواندنێ یا داهاتى 2019 – 2020 هێته‌ په‌یره‌وكرن.
بیستۆن محه‌مه‌د، رێڤه‌به‌رێ دووڤچوونێ ل زانكۆیا چه‌رموو ل چه‌مچه‌مال د داخۆیانیه‌كا رۆژنامه‌ڤانى دا گۆت” ئه‌ڤ بریاره‌ د به‌رژه‌وه‌ندیا قوتابیان دایه‌، ژبه‌ر ل به‌ركرنا جلكێن جۆرا وجۆر شیانێن دراڤى یێن قوتابى دیاردكه‌ت وجوداهیا مادى یا قوتابیان دیاردكه‌ت كو دبیت ئه‌ڤه‌ ببیته‌ ئه‌گه‌رێ وه‌ستیانا ده‌روونى یا قوتابیان وكاریگه‌ریێ ل سه‌ر ئاستێ زانستى یێ قوتابیان دروست بكه‌ت، له‌وما ئه‌ڤ بریاره‌ هاته‌ ده‌ركرن”.

ئه‌ڤرۆ نيوز، نيوار محه‌مه‌د سه‌ليم:

د فه‌توايه‌كا تايبه‌ت ل دۆر شێوازێ حه‌جكرن ب رێيا بازرگانى كو وه‌زاره‌تا ئه‌وقاف و كاروبارێن ئاينى رێك خستيه‌ بۆ حه‌جيان، حوكمه‌تێ شه‌عى د وێ ده‌ربارێ دا هاته‌ روونكرن.

ب گۆره‌يى فه‌توايه‌كێ كو جڤاتا بلندا فه‌توايێ ل هه‌رێما كوردستانێ ده‌رێخستيه‌ تێدا حه‌جگرن ب رێيا بازرگانى ب چه‌ند مه‌رجان روون كريه‌ كو ئێك ژ وان ئاماژێ ب وێ چه‌ندێ دكه‌ت كو ب چو ره‌نگه‌كى يا دروست نينه‌ كه‌سه‌ك ناڤێ خوه‌ ب فرۆشيت.

د ئێك ژ خالێن ڤێ روونكرنێ دا هاتيه‌ كو پێدڤيه‌ ئه‌و ژى ب ره‌نگه‌كێ پشككێشانێ بۆ هه‌ر كه‌سێ بخوازيت بهێته‌ كێشان و پشتى پشككێشانێ كه‌س ل جهێ كه‌سێ نه‌هێته‌ دانان.

هه‌ر ديسان هاتيه‌ ژى كو پێدڤيه‌ وه‌زاره‌تا ئه‌وقافێ وان كه‌سان نه‌كه‌ته‌ د ناڤ پشككێشانێ دا، يێن كو به‌رى نها پرۆسا حه‌جێ ئه‌نجام داين دا كو ده‌ليڤه‌ ب هنده‌ك كه‌سێن دى بهێته‌ دان.

 

1

 

ئەڤرۆ نیوز:

وەزیرێ ژ دەرڤە یێ عیراقێ محەمەد عەلی حەکیم ل گەل نوونەرا بلندا ئێکەتیا ئورۆپا بۆ پەیوەندیێن ژ دەرڤە و کاروبارێن ئاسایشێ، فێدریکا مۆگرینی کۆمبوو و پاشان کۆنگرەکێ رۆژنامەڤانیێ هەڤپشک ئەنجام دا.

د کۆنگرێ رۆژنامەڤانی دا، وەزیرێ ژ دەرڤە یێ عیراقێ راگەهاند کو وەلاتێ وی کار دکەت بۆ کاراکرنا کەرتێ گەشتیاری و ئاماژە ب وێ چەندێ کر کو ل گەل مۆگرینی دانوستاندن ل سەر پرسا دووبارە دەستپێکرنا گەشتێن ئەسمانی د ناڤبەرا عیراقێ و ئورۆپا دا کر کو بۆ رەوشا جاران ب ڤەگەرن.

ژ لایێ خوە ڤە مۆگرینیێ راگەهاند کو هەتا نها عیراقێ پێدڤی یا ب ئێکەتیا ئورۆپا هەی.

ئاماژە ب وێ چەندێ ژی کر کو ئێکەتیا ئورۆپا ژ سالا 2014ێ هەتا نها کۆژمێ 1.2 ملیار یورۆیان د وارێ هاریکاریێن مرۆڤی، سەقامگێری، گەشەپێدان و وارێ ئەمنی هاریکاریا عیراقێ کریە.

ئەڤرۆ نیوز، رێوار مزیری:

مافپه‌روه‌ر سه‌ركار سبغه‌تۆللا، به‌رپرسێ‌ مولك و زه‌ڤیان ل رێڤه‌به‌ریا گشتیا باژێرڤانیان ل پارێزگه‌ها دهۆكێ‌ بۆ ئەڤرۆ نیوز دیار كر، ل گۆره‌ی پرۆژه‌قانوونا په‌رله‌مانێ‌ كوردستانێ‌ ئه‌وا گرێدای تاپۆكرنا خانیێن زێده‌گاڤی ل هه‌رێما كوردستانێ‌ ئه‌و خانیێن هه‌تا سالا 2018 ب زێده‌گاڤی هاتینه‌ چێكرن دێ‌ هێنه‌ تاپۆكرن.

سه‌ركار سبغه‌توللا ئاشكرا ژی كر، هژماره‌كا خانیێن زێده‌گاڤی كو نێزیكی چوار هزار خانیانه‌ ل گۆره‌ی یاسایه‌كێ‌ به‌ری نوكه‌ هاتینه‌ چاره‌سه‌ركرن، به‌لێ‌ نێزیكی 21 هزار خانیێن زێده‌گاڤی چو یاسا ژێ‌ نه‌گرتینه‌ و هه‌تا نوكه‌ نه‌هاتینه‌ تاپۆكرن و گۆت: ل سالا 2018 یاسایا ژماره‌ 3 ژ په‌رله‌مانێ‌ كوردستانێ‌ ده‌رچوویه‌ و ل گۆره‌ی وێ‌ یاسایێ‌ ب تنێ‌ ئه‌و خانیێن هه‌تا سالا 2018 هاتینه‌ چێكرن دێ‌ هێنه‌ تاپۆكرن و پشتی سالا 2018 یاسایه‌كا نوو ژ په‌رله‌مانێ‌ كوردستانێ‌ ده‌رچوویه‌ و رێگریێ‌ ل چێكرنا خانیێن زێده‌گاڤی دكه‌ت و ناهێلێت خانیێن زێده‌گاڤی بهێنه‌ چێكرن.

ئەڤرۆ نیوز:

رێڤەبەرێ گشتی یێ زیندانیێن سیاسی ل وەزارەتا کاروبارێن شەھید و ئەنفالکریان راگەھاند کو ب گۆرەیی قانوونێ مووچێ پشکەک ژ زیندانیێن سیاسی دێ ھێتە بڕین و دا کو ئەو ئاریشە روو نەدەت، داخوازا راستڤەکرنا قانوونێ دکەن.

ئەحمەد مام رەسۆل، رێڤەبەرێ گشتی یێ زیندانیێن سیاسی ل وەزارەتا کاروبارێن شەھیدان و ئەنفالکریان بۆ رووداو راگەھاند ب گۆرەیی قانوونا ژمارە 11 یا سالا 2011 یا پەرلەمانێ کوردستانێ، پێدانا مووچەیی ب وان زیندانیێن سیاسی کو مووچێ دی نینە، بۆ ماوێ 10 سالان بیت و نھا ژی پشکەک ژ زیندانیێن سیاسی بۆ ماوێ 10 سالان بۆراندیە ژ بەر ھندێ ژی مووچێ وان دێ ھێتە بڕین، نھا ئەم د بزاڤا وێ چەندێ داینە بزاڤێن راستڤەکرنا وێ قانوونێ بکەین دا کو مووچێن وان نەھێنە بڕین.

رێڤەبەرێ گشتی یێ زیندانیێن سیاسی ل وەزارەتا کاروبارێن شەھیدان و ئەنفالکریان، بەحس ل وێ چەندێ ژی کر کو ئەوان داخوازا گوھۆڕینا دو بڕگێن قانوونێ کریە، د راستڤەکرنێ دا ئەوان داخواز کریە کو مووچێ زیندانیێن سیاسی وەکو یێ عیراقێ بھێتە ھەڤسەنگکرن و ل جھێ 10 سالان ژی بۆ 25 سالان بھێتە درێژ کرن، “کارێ گەلەک باش ژی بۆ ڤێ مەرەمێ ھاتیە کرن”.

ل ھەرێما کوردستانێ پێنج ھزار و 162 زیندانیێ، سیاسی مووچە ھەیە و مووچێ وان ژی ب گۆرەیی سالێن ناڤ زیندانێ دھێتە دان د ناڤبەرا 250 ھزار ھەتا ئێک ملیۆن دینار دایە، ئەڤە ژی ب گۆرەیی قانوونا ژمارە 11 یا سالا 2011ێ یا پەرلەمانێ کوردستانێ ھاتیە رێکخستن، ل سەر ئاستێ عیراقێ ژی زێدەتر ژ 100 ھزار زیندانیێن سیاسی ھەنە و مووچێ ژ ھەموویان زێدەتر ژی ملیۆنەک و 250 ھزار دینارە.

ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ پێشوازیا خانم ( كلارێس ) كونسلا ئێكه‌تیا ئه‌ورپا ل هه‌رێما كوردستانێ وشاندێ دگه‌لدا كر.
د هه‌ڤدیتنه‌كێ دا ب ئاماده‌بونا ئیسماعیل محەمەد هاریكارێ پارێزگه‌رى بو كاره‌وبارێن ئاواره‌ وپه‌نابه‌ران به‌حسێ ره‌وشا پارێزگه‌ها دهوكێ وره‌وشا ئاواره‌ وپه‌نابه‌ران ل ناڤ وده‌رڤه‌ى كه‌مپان ل سنورێ پارێزگه‌هێ وئه‌و كار وخزمه‌تا بو دهێته‌ پێشكێشكرن ب رێكا پارێزگه‌هێ وجڤاكێ ده‌وله‌تى هاته‌ كرن.
دته‌وه‌ره‌كێ دن دا به‌حسێ به‌رنامێن ئێكه‌تیا ئه‌ورپى یێن پێشئێخستنا كه‌رتێ ساخله‌میێ وگه‌شه‌پێدانا جڤاكى تایبه‌تى ئه‌و پشته‌ڤانیا ئێكه‌تیا ئه‌روپى ب رێكا به‌رنامێن مه‌داد بو كه‌رتێ ساخله‌میێ پێشكێش دكه‌ت هاته‌ كرن .
كونسلا ئێكه‌تیا ئه‌ورپا ته‌كه‌زكر كو به‌رنامێن وان ماوێ دوو سالێن دن دێ هێته‌ كاراكرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وسوپاسیا ئێكه‌تیا ئه‌وپى كر كو ل سالێن بورى پشته‌ڤانیا چه‌ندین پروژێن گه‌شه‌پێدانا جڤاكى وكه‌رتێ ساخله‌میێ كریه‌ وخواست كو ئێكه‌تیا ئه‌روپى به‌رده‌وامیێ بده‌ته‌ به‌رنامێن خو بو ئاواره‌ وپه‌نابه‌ران وخوجهێن ده‌ڤه‌رێ وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ.
هه‌ژى گوتنێ یه‌ ئێكه‌تیا ئه‌ورپى ب رێكا به‌رنامێن (مه‌داد) پشته‌ڤانیا چه‌ندین پروژێن گه‌شه‌پێدانا جڤاكى وكه‌رتێ ساخله‌میێ ل دهوك وئاكرێ وچه‌ند كه‌مپان وجهێن دى كریه‌ وبریاره‌ بو ماوێ دوو سالێن دن به‌رده‌وامیێ بده‌ته‌ وان به‌رنامه‌یان.

4

 

ئه‌ڤرۆ نیوز:

وه‌زاره‌تا په‌روه‌ردێ ل هه‌رێما كوردستانێ راگه‌هاند، بۆ ب ده‌ستڤه‌ئینانا سیسته‌مه‌كێ هاریكار بۆ بریاردان وب هیزكرنا چاوانى وچه‌ندایه‌تیا خواندنێ ل هه‌رێما كوردستانێ، دێ ب رێیا سیسته‌مێ parwardaـ e  چار هزار قوتابخانه‌ هێنه‌ ئه‌لكترۆنیكرن.

ئاماژه‌كر ژى كو سیسته‌مێ نوو دێ پشكێن (مامۆستایان وفه‌رمانبه‌ران، قوتابیان، قوتابخانه‌، مووچه‌، گۆكا، ده‌رچوو و هاتوو) ڤه‌گریت.

ل دووڤ رۆهنكرنه‌كا وه‌زاره‌تا په‌روه‌ردێ، ژ 12/6/2019 هه‌تا 27/6/2019 فه‌رمانبه‌رێن وه‌زاره‌تێ وپه‌روه‌ردێن پارێزگه‌هان وپه‌روه‌ردێن قه‌زایان پشك\دار بوون د خۆلا راهێنانێ ل سه‌ر ڤى سیسته‌مى ول 30/6/2019  ده‌ست ب خۆلێن راهێنانێ بۆ قوتابخانان هاتیه‌ كرن كو هه‌ر قوتابخانه‌یه‌ك بۆ ده‌مێ 8 رۆژان دێ پشكداریێ د خۆلێ دا كه‌ت كو تاكو 7/8/2019 دێ به‌رده‌وامبیت.

ئەڤرۆ نیوز:

پشتی ناڤێ وەزیرێن نوو یێن کابینەیا نەھێ یا حوکمەتا ھەرێما کوردستانێ ھاتینە ئاشکرا کرن، ئەڤرۆ ناڤێ ھژمارەکا دی یا بەرپرسێن نوو یا ڤێ کابینێ ھاتنە ئاشکرا کرن کو دێ ڤان پوستان وەرگرن.

١. شەعبان شەعبان چالی، دێ بیتە بەرپرسێ نڤێسینگەھا سەرۆک وەزیران.
٢. ئومێد سەباح، دێ بیتە سەرۆکێ دیوانا جڤاتا وەزیران.
٣. سەفین دزەیی، بەرپرسێ فەرمانگەھا پەیوەندیێن دەرڤە یا حوکمەتا ھەرێما کوردستانێ.
٤. د. ئامانج رەحیم، سکرتێرێ جڤاتا وەزیران.
٥. د. محەمەد شوکری محەمەد سەعید، دێ بیتە سەرۆکێ دەستەیا وەبەرھێنانێ.
٦. د. جوتیار عادل ئاکرەیی، پەیڤدارێ حوکمەتا ھەرێمێ.
٧. نورەدین سەعید وەیسی، رێڤەبەرێ نڤێسینگەھا راگەھاندنا سەرۆک وەزیران
٨. د. عەبدولحەکیم خسرو، سەرۆکێ فەرمانگەھا ھەڤکاری و پێداچوون.

ئه‌ڤرۆ نيوز:

په‌رله‌مانێ كوردستانێ بۆ دانوستاندن ل سه‌ر راستڤه‌كرنا قانوونا جڤاتێن پارێزگه‌ها كۆم بيت و ل بڕياره‌ ل گه‌ل باوه‌رى دان ب حوكمه‌تا نوو، ده‌سته‌يا سه‌رۆكاتيا په‌رله‌مانى ژى ب گوهۆڕيت.

ماوێ ساله‌كێ يه‌، ماوێ قانوونى يێ جڤاتێن پارێزگه‌هان ب سه‌رڤه‌ چوويه‌، كه‌فتينه‌ ناڤ بۆشايى يا قانوونى، بۆ ڤێ مه‌ره‌مێ ژى ئه‌ڤرۆ په‌رله‌مانێ كوردستانێ دێ كۆم بيت و چه‌ند ماددێن پێدڤى ب قانوونا جڤاتا پارێزگه‌هان راست ڤه‌ كه‌ت.

ب گۆره‌يى پێزانينان، پێشنياز هاتيه‌ كرن قانوونا نوو مافى بده‌ته‌ كه‌سێن ده‌رڤه‌يى جڤاتا پارێ.گه‌هان، خوه‌ بۆ پۆستێ پارێزگارى هه‌لبژێرن.

هه‌روه‌سا بڕياره‌ ل ده‌مێ دووماهيا حه‌فتيا باوه‌ريێ ب كابينا نه‌هێ يا حوكمه‌تا هه‌رێما كوردستانێ بده‌ن. ل گه‌ل وێ چه‌ندێ ژى فراكسيۆنا ئێكه‌تيێ ل په‌رله‌مانى دێ داخوازێ كه‌ت، به‌رى باوه‌رى دان ب كابينا نوو، رێواز فايه‌ق وه‌كو سه‌رۆكا نوو يا په‌رله‌مانى بهێته‌ هه‌لبژارتن.

هه‌ڤده‌م ژ ئه‌گه‌رێ وه‌رگرتنا چه‌ند پۆستێن وه‌زارى، هه‌ر ئێك ژ د. ڤالا فه‌ريد ژ فراكسيۆنا پارتى، بێگه‌رد ته‌له‌بانى ژ فراكسيۆنا ئێكه‌تى، عه‌بدولا حاجى مه‌حمود ژ فراكسيۆنا سوسياليست و ئايدن مه‌عروف ژ به‌ره‌يى توركمانى دێ ده‌ست ژ كارێ په‌رله‌مانتاريێ به‌رده‌ن.

بڕياره‌ ئه‌ڤرۆ فراكسيۆنا پارتى ديموكراتى كوردستان ناڤێن به‌ربژارێن خوه‌ بۆ كابينا نوو يا حوكمه‌تا داهاتى ئاشكه‌را بكه‌ت.

 

website security
WP Facebook Auto Publish Powered By : XYZScripts.com