NO IORG
هه‌لبژارتى4

ئه‌ڤرۆ نیوز:

ئاژانسێن نووچه‌یان به‌لاڤكرن، بهایێ پترۆلێ داكه‌تیه‌، ب ئاوایه‌كی بهایێ پترۆلا برێنت ب 44.66دۆلاران ل بازارێن جیهانێ كرین و فروتن پی هاتیه‌كرن، هه‌ڤده‌م بهایێ به‌رمیلا پترۆلا ئه‌مریكی ب 41.70 دۆلاران كرین و فرۆتن پی هاتیه‌كرن.

بلند بوون و داكه‌تنا بهایێ پترۆلێ دده‌مه‌كی دایه‌ كۆ ژماره‌یه‌كا وه‌لاتان بۆ به‌رهنگاربوونا ڤایرۆسێ كورونایێ ته‌ڤایا كه‌رتێن پیشه‌سازیێ و بازرگانیێ راوه‌ستاندبوون، به‌لی نوكه‌ ب ئه‌گه‌رێ كێم بوونا مه‌ترسیێن كورونایێ، پشكه‌كا چالاكیێن ئابووری یێن خوه‌ ده‌ستپێكرینه‌ ئه‌ڤه‌ژی بوویه‌ ئه‌گه‌رێ بلند بوونا بهایێ پترۆلێ.

 
ئەڤرۆ نیوز، زنار تۆڤی:

 
ئەڤرۆ سێشەمبی 11.8.2020 ب بەهانەیا هەبوونا گەریلایێن پەکەکێ، هێزێن ئەسمانی یێن سوپایێ تورکیا چیایێ گابنێرکی ل دەڤەرا بەرواری بالا یێ سەر ب قەزا ئامێدیێ ڤە بۆمبەباران کر.

 
ئەڤرۆ ل دەمژمێر 1:00 پشتی نیڤرۆ فرۆکێن تورکی چیایێ گابنێرکی بۆمبە بارانکر، لێ هەتا نوکە زیانێن وێ بۆمبەبارانێ نەهاتینە زانین، لێ دەنگەکێ ب هێز ژ وێ بۆمبەبارانێ هات.

ئەڤرۆ نیوز،عەلی حاجی :

رێڤەبەرێ ساخلەمیا زاخۆ بۆ ئەڤرۆ نیوز دیار کر وەکو ساخلەمیا زاخۆ سێ جهـ ل زاخۆ هاتینە دەست نیشان کرن بۆ پێشوازیکرن و چارەسەر کرنا نەخوەشێن کورونایێ و ئەم چاڤەرێ نە کو جهەک ژ وان جهان بهێتە دەست نیشان کرن.

زێدەتر دکتور شاکر عەبدولرەحمان گۆت : ژلایێ وان ڤە سێ جهـ هاتینە دەست نیشان کرن و ئەو سێ جهە ژی بۆ رێڤەبەریا گشتی یا ساخلەمیا دهۆک هاتینە رەوانە کرن داکو ئەو جهەکێ دەست نیشان بکەن ژبەرکو دەست نیشان کرنا جهەکێ تایبەت بۆ نەخوەشێن کورونایێ پێدڤی ب لژنەیەکێ هەیە دا کو جهەکێ گۆنجای بهێتە دەست نیشان کرن و هەر دیسان پارەیەک ژی بۆ بهێتە تەرخان کرن، پشتی پارەیەک بۆ دهێتە تەرخان کرن دێ ئێکسەر دەست ب وەرگرتنا نەخوەشان کەین و نوکە هەژمارەکا نەخوەشان کو نێزیکی ٢٠ کەسانە دناڤ مالێن خوە دا خوە چارەسەر دکەن، ئەو جهـ بهێتە تەرخان کرن ژی ل زاخۆ دێ ب تایبەتی وان نەخوەشان وەرگرین ئەوێن رەوشا وان نەیا باش .

ناڤبری گۆت ژی : نەخوەشێن ل مالێن خوە چارەسەریێ د وەرگرن رەوشا وان هەمیا یا باشە لەوما نەهاتینە رەوانە کرن بۆ نەخوشخانا تایبەت ب کورونایێ ل دهوکێ .

ئه‌ڤرۆ نییوز:

ده‌سته‌یا ده‌رگه‌هێن توخیبیێن عیراقێ راگه‌هاند ماده‌یێن زۆر مه‌ترسیدار ل فرۆكخانه‌یا به‌غدا ڤه‌گۆهاستینه‌ بۆ جهه‌كێ دوره‌ ده‌ست و پاراستی.

ده‌سته‌یا ده‌رگه‌هێن توخیبیێن عیراقێ راگه‌هاند ل بن روناهیا رێنمایێن سه‌رۆك وه‌زیرێ عیراقێ، لژنه‌یه‌ك هاتیه‌ پێك ئینان بۆ ئاشكراكرنا ماده‌یێن كیمیایی و نیتراتا ئه‌منیوم، كۆ زۆر مه‌ترسیدارن، ل هه‌موو ده‌رگه‌هێن توخیبی ب مه‌به‌ستا دورخستن ژ جهێن ئاكنجیبوونێ، دڤی چارچوڤه‌یی دا ماده‌یێن زۆر مه‌ترسیدار ل پشكا ڤه‌گۆهاستنا ئاسمانی ل فرۆكخانه‌یا به‌غدا ڤه‌گۆهاستن بۆ جهه‌كی دوره‌ده‌ست و پاراستی.

ئه‌و پێنگاڤێن ده‌سته‌یا ده‌رگه‌هێن توخیبی و ده‌سته‌یا گشتی یا گۆمركان ل عیراقێ، ب ئه‌گه‌ری مه‌ترسیا ته‌قینا ماده‌یێن كیمیایی ل ده‌رگه‌هێن توخیبی هاتین‌، پشتی ئه‌وێ ئیڤاریا رۆژا 5/ئاب 2020، به‌نده‌رێ به‌یرۆتێ هه‌ژاند وبه‌نده‌ر و ده‌ڤه‌ره‌كا به‌رفره‌ها ئه‌وی باژێری وێرانكر.

 
ئەڤرۆ نیوز:

 

 

رێڤەبەریا گشتی یا ساخلەمیا پارێزگەها دهۆکێ راگەهاند: ئەڤرۆ 23 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئه‌ڤێ چەندێ هژمارا چارەسەربوویان گەهشتنە 478 کەسان و نوکە 717 نەخۆش ماینە د نەخۆشخانێدا.

ئەڤرۆ نیوز، زنار تۆڤی:

 

 

موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: کو سیستەمێ ترایێ ل رێڤەبەیا هاتنوچوونا پارێزگەها دهۆکێ ئەوێ دکەڤیتە دۆمیز، هاتیە گوهۆرین، ل حەفتیا بهێت دێ سیستەمێ ترایا کۆری کەڤیتە کار، لەوما ئەم هەموو خەلکێ خوە ئاگەهدار دکەین، کو ئەڤە سیستەمەکێ نوو و هەڤچەرخە، دێ برێیا سیستەمێ کۆنترولکرنا ئەلەکترۆنی هێتە ئەنجامدان.

 

 

ناڤهاتی گۆت ژی: ل دەستپێکێ شۆفێر دێ ترۆمبێلێ هاژۆت، پاشی دێ چیتە پیتا ژمارە هەشت و پارکینکێ، پشتی هنگی هندەک قۆناغێن دیتر هەنە و لدووڤدا رەمپەژی هەنە، ئەڤان قۆناغان نمرێن خۆیێن تایبەت هەنە، د قۆناغا ئێکێ دا 4 خۆلەک و 20 چرکە بۆ شۆفێری هاتینە دانان و دڤێت دڤی ماوەیی دا ترایێ ب دووماهی بینیت، ل حەفتیا بهێت ئەڤ سیستەمێ دێ کەڤیتە د وارێ بجهئینانێ دا.

ئه‌ڤرۆ نیوز:

رێڤه‌به‌راتیا گشتی یا به‌ره‌ڤانیا باژێری ل عیراقێ راگه‌هاند ژ سالا 2011 وه‌ره‌ عیراقێ ئینانا ماده‌یێ نیتراتێ ئه‌مونیومی قه‌ده‌غه‌كریه‌، چونكو گرۆپێن توندره‌و بكار دئینان بۆ ته‌قینان.

عه‌مید حه‌سه‌ن ئیبراهیم هاریكارێ رێڤه‌به‌رێ گشتی یێ به‌ره‌ڤانیا باژیری ل عیراقێ راگه‌هاند ل سالا 2011 وه‌ره‌ عیراقێ ئینانا ماده‌یێ ئه‌منیومی قه‌ده‌غه‌كریه‌. چونكو داعشێ بۆ كردارێن تیرۆریستی بكار دئینا، نوكه‌ چ ماده‌یین ئه‌مونیومی ل عیراقی نینن، هه‌موو كوگه‌هـ گرتینه‌ ژبه‌ركۆ مه‌رجێ سلامه‌تیی دانین.

لگۆری ڤه‌كۆلینێن ده‌ستپێكی یێن حوكمه‌تا لبنانێ ئه‌گه‌رێ ته‌قین و ئاگربه‌ربوونێ ل به‌یرۆتا لبنانێ ژ 2750 ته‌نێن ماده‌یێ ئه‌مونیومی بوو كۆ 6 ساله‌ ل به‌نده‌رێ به‌یرۆتێ هاتبو عومباركرن.

 ئه‌ڤرۆ نیوز:

مه‌یاده‌ نه‌جار ئه‌نداما جڤاتا نوونه‌رێن عیراقێ راگه‌هاند بریاره‌ رۆژا سێ شه‌مبێ شاندێ بلندێ حوكمه‌تا هه‌رێمێ سه‌ره‌دانا به‌غدا بكه‌ت و هه‌ردو ئالی گه‌هشتینه‌ رێكه‌تنێ و بتنێ ئیمزا كرن مایه‌.

مه‌یاده‌ نه‌جار ئه‌و چه‌نده‌ ژی راگه‌هاند هه‌كه‌ گوهورین روو نه‌ده‌ن، بریاره‌ رۆژا سێ شه‌مبێ 11/8/2020 شاندێ بلندێ حوكمه‌تا هه‌رێمێ سه‌ره‌دانا به‌غدا بكه‌ت ب مه‌به‌ستا رێكه‌تنێ ل سه‌ر پرسێن هه‌لاویستیێن دناڤبه‌را وان دا، دانوستاندن ل قوناغا رێكه‌تنێ دایه‌ و رێكه‌تن ل سه‌ر زۆرینه‌یا پرسان هاتیه‌ كرن بتنێ ئیمزاكرن مایه‌.

ده‌ربارێ رێكه‌تنێ مه‌یاده‌ نه‌جار ئه‌و چه‌نده‌ ژی راگه‌هاند ب ئه‌گه‌رێ ئه‌وێ چه‌ندێ بۆدجه‌یه‌كا سالانه‌ نینه‌ و ده‌مێ بۆدجێ ژی دیار نینه‌ و هه‌یڤانه‌ بۆدجه‌ بۆ پارێزگه‌هان دهێته‌ ته‌رخانكرن له‌ورا دیاركر نینه‌ دێ چه‌وا بیت، به‌لێ یا گرنگ رێكه‌تنه‌ ل به‌رژوه‌ندا هه‌ردو ئالیان  و وه‌لاتیان دایه‌.

 
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: ئەڤرۆ 8/8/2020 ، (20) نەخۆشێن دی یێن ڤایرۆسێ کۆرۆنایێ ل دهۆکێ کو د نەخۆشخانێ دا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ هاتنە دەرخستن.
هەروەسا گۆتیە: ب ڤێ چەندێ هژمارا گشتی یا نەخۆشێن چارەسەربووین گەهشتنە 455 کەسان و نوکە 581 نەخۆش ماینە د نەخۆشخانێ دا.

 
ئەڤرۆ نیوز:

 

کۆچکا سپی یا ئەمریکا راگەهاند: سەرۆک وەزیرێن عیراقێ مستەفا کازمی دێ سەرەدانا ئەمریکا کەت و ژ ئالیێ دۆنالد ترەمپێ سەروکێ ئەمریکا ڤە دێ پێشوازی لێ هێتە کرن.

کۆچکا سپی د راگەهاندنەکێ دا ئاشکرا کریە: ل ٢٠ تەباخا ٢٠٢٠ مستەفا کازمی سەرۆک وەزیرێن عیراقێ، دێ سەرەدانا واشنتۆن کەت و ژ ئالیێ دۆنالد ترەمپێ سەرۆکێ ئەمریکا ڤە دێ پێشوازی لێ هێتە کرن، ئەڤ سەرەدانە دێ ب مەرەما گۆتۆبێژکرنا کۆرۆنایێ و دوسیێن ئێمناهیێ و وزێ و ئابووری بیت.

website security
WP Facebook Auto Publish Powered By : XYZScripts.com