NO IORG
Email

 

ئەڤرۆ نیوز:

وەزارەتا بەرگریا عیراقێ راگەھاند: د چارچۆڤێ وان گوهۆرینێن مستەفا کازمی د سازیێن سەربازی و ئێمناھیێ دا ئەنجام ددەت، رێڤەبەرێ ئەمنا سەربازی و فەرماندێ ئۆپەراسیۆنێن زیقار ژ پۆستێن وان ھاتنە دوورخستن.
هەروەسا گۆتیە: د چارچۆڤێ وان گوهۆرینێن مستەفا کازمی فەرماندارێ گشتی یێ ھێزێن چەکدار و سەرۆک وەزیرێ عیراقێ، ل سازیێن سەربازی و ئێمناھیێ دا دکەت، زنجیرەکا گوهۆرینێن گرنگ ل رێڤەبەریا ئەمنی یا سەربازی دا ھاتینە کرن، کو هژمارەکا فەرماندێن بلند یێن سەربازی ژ پوستێن وان ھاتینە دوورخستن.

 
ئەڤرۆ نیوز:

 

 

سەرۆک کۆمارێ عیراقێ ل دەمێ پێشوازیکرنێ ل هژمارەکا بالیۆزێن وەلاتێن عەرەبی ل کۆچکا سەرۆکاتیێ، ئاماژەی ب هێرشێن تورکیا بۆ سەر ئاخا عیراقێ کریە و گۆتیە وان، دڤێت تورکیا هێرشێن خوە یێن سەربازی بۆ سەر عیراقێ راوەستینیت.
بەرهەم سالحی، سەرۆک کۆمارێ عیراقێ ئەڤرۆ چارشەمبی 8 تەموزا 2020 پێشوازی ل بالیۆزێن وەلاتێن عەرەبی کریە و ئاماژە ب هندێ دایە، کو عیراق وەلاتەکێ سەربەخۆیە، دڤێت سەروەریا وێ بهێتە پاراستن و نەڤێت ببیتە پشکەک ژ ململانێن هەرێمی.
گۆتیە ژی: دڤێت تورکیا پێشێلکاریێن خوە یێن سەربازی ل عیراقێ راوەستینیت و پێزانین ژی بۆ هەلویستێ وەلاتێن عەرەبی ل سەر وێ پرسە دەربرینە و گوتیە، دڤێت رێز ل سەروەریا عیراقێ بهێتە گرتن.

ئەڤرۆ نیوز:

 

 

جڤاتا وەزیرێن هەرێما کوردستانێ ب سەرپەرشتیا مەسرور بارزانی، سەرۆک وەزیرێن هەرێما کوردستانێ، ب رێیا ڤیدیۆ کۆنفرانسی کۆمبوون و دەستپێکرنا قۆناغا دویێ یا سیستەمێ بایۆمەتری پەسەند کر.

 

 
د وێ کۆمبوونێ دا، قوباد تالەبانی راپۆرتەک دەربارەی بایۆمەتریێ بەرچاڤ کر و تێدا ب زانیاری و هووورکاریان بەحسێ قۆناغێن وی سیستەمی و ئارمانج و ئەنجامان کر، کە پرۆژەکێ گشتگیر و فراوانترە، ژ هندێ، کو ب تنێ داتابێسەک بیت بۆ تۆمارا بایۆمەتریا مووچەخۆران.

 

هەروەسا جڤاتا وەزیرێن هەرێما کوردستانێ دەستپێکرنا قۆناغادویێ یا سیستەمێ بایۆمەتری پەسەند کر ب ئاراستا بەرجەستەکرنا حکومەتا ئەلەکترۆنی و مفا وەرگرتن ژ تەکنەلۆژیا زانیاریان بۆ رێڤەبرنا سازیێن حکومەتێ و بەرفرەهکرنا ڤی پرۆگرامی، هەتا وارێن دیتر ژی ڤەگریت و ببیتە هاریکارەکێ سەرەکی بۆ جێبەجكرنا کریارێن چاکسازیا ب ئەلەکترۆنیکرنا دامودەزگەهێن حکومەتا هەرێمێ.

 

 

ئەڤرۆ نیوز:
وەزارەتا کۆچ و کۆچبەرێن یۆنانێ راگەهاند: د شەش هەیڤێن دەستپێکا ئەڤ سالە دا، پێلێن کۆچبەران بۆ گزیرتێن یۆنانێ ب ڕێژا ٥١% کێم بوویە، هەکە بهێتە هەڤبەرکرن ب شەش هەیڤێن ئێکێ یێن سالا ٢٠١٩.

 
ستیلیۆس پێتساس پەیڤدارێ وەزارەتا کۆچا یۆنانێ راگەهاند: د شەش هەیڤێن دەستپێکا ئەڤ سالە کۆچکرن بۆ یۆنانێ، ب گشتی ب رێژا ٤٦% کێمکریە، ئەڤە ژی ژبەر بەلاڤبوونا ڤایرۆسێ کۆرۆنایێ بوویە ل جیهانێ.

هەڤدەم، بریاردان ل سەر داخوازیا مافێ پەنابەریێ ب رێژا ٨٨% زێدە کریە، د شەش هەیڤێن ئێکێ یێن ئەڤ سالە، بریار ل سەر زێدەتری ٤٦ هزار داخوازیان هاتیەدان، لێ د هەمان دەمێ سالا بوری دا نێزیکی ٢٥ هزار داخوازیێن مافێ پەنابەریێ بڕیار لسەر هاتبوو دان.

 
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: دو هزار و 247 پشکنینێن کۆرۆنایێ د 24 دەمژمێرێن بوری دا هاتینە کرن و ئەنجامێن پشکنینا 294 کەسان د پۆزەتیڤ بووینە، هەروەسا 11 تووشبوویێن دی ب کۆرۆنایێ وەغەر کریە.

 

 

هەروەسا گۆتیە: 114 تووشبووی ل سلێمانیێ نە، 74 ل ئیدارا گەرمیان، 57 ل هەولێرێ، 29 ل دهۆکێ و 20 ل هەلەبجە، دیسان 140 تووشبوویێن کۆرۆنایێ چێبووینە، کو 101 ژ وان ل هەولێرێ نە، 18 تووشبووی ل ئیدارا گەرمیان، 11 ل ئیدارا راپەرین، 5 ل دهۆکێ و پێنج ژی ل هەلەبجە چێبووینە.

 

 

دیسان 11 تووشبوویێن کۆرۆنایێ وەغەر کریە، کو چار ژ وان ل هەولێرێ نە، چار ل ئیدارا گەرمیان و سێ ژی ل سلێمانیێ.

 

ئەڤرۆ نیوز:

 

 

ئیدارا ترەمپی کۆنگرێسێ وەلاتێ خوە ئاگەهدارکریە، کو ئەمریکا ب فەرمی خوە ژ رێکخراوا ساخلەمیا جیهانی ڤەکێشایە، بریارا ڤەکێشانێ ژی دێ ل 6 تەموزا 2021 هێتە جێبەجێ کرن.

 

 

بەرپرسەکێ بلند یێ ئیدارا ترەمپێ راگەهاندیە: بڕیارا ڤەکێشانێ ب فەرمی رەوانەی نڤێسینگەها سکرتێرێ گشتی یێ نەتەوێن ئێکگرتی هاتیە کرن، دیسان ژیدەرەکێ ژ نەتەوێن ئێکگرتی بۆ سی ئێن ئێن یا ئەمریکی راگەهاندیە، ناما ڤەکێشانا ئەمریکا ژ رێکخراوا ساخلەمیا جیهانی گەلەک یا کورتە و نێزیکی سێ دێرانە.

 

ئەڤرۆ نیوز:

 

ئەڤرۆ ۷ تیرمەها ۲٠۲٠ مەسرور بارزانی سەرۆکێ حوکمەتا هەرێما کوردستانێ، وەزیرێ پەروەردێ و پارێزگارێ دهوکێ راسپاردینە، کو هەموو تێچوویێن ٥٦٥ قوتابیێن پۆلا ۱۲ یێن دەڤەرێن شنگال و دەوروبەرێن موسل، یێن کو ب زمانێ کوردی د خوینن ب خوارن و ڤەخوارن و ڤەگوهاستن و جهێ مانەڤێ بۆ دەمێ هەیڤەکێ بۆ ئەزموونێن ویزاری دابین بکەن.

 
ئه‌ڤرۆ نیوز:

 

 

د.عه‌لى ته‌ته‌ر پارێزگارێ دهۆكێ ئه‌ڤرۆ 7/7/2020 سه‌را پرۆژێ ئه‌نده‌رپاسا جادا بارزان دا كو (هه‌ردو ترافیكلایتێن تەله‌فزیونا دهۆك و مزگه‌فتا شه‌هیدان پێكڤه‌ گرێدده‌ت و دبنه‌ ئێك ئه‌نده‌رپاس).
د كۆنگره‌یه‌كێ رۆژنامه‌ڤانى دا، پارێزگارێ دهۆكێ په‌سنا كارێن كۆمپانیا ( كاڤین گرۆپ) كر كو ب دروستكرنا ئه‌نده‌رپاسێ رادبیت و دیاكر : ئه‌م یێن هاتینه‌ ڤێره‌ دا پشته‌ڤانیا خوه‌ بۆ كۆمپانیا كاڤین گرۆپ ده‌رببرین و براستى ژى چ پرۆژه‌كێ كاڤین گرۆپ دروست كربیت ب كوالێتیه‌كا بلند ئه‌نجامدایه‌ و بله‌ز بیێ كو خه‌لك ڤێزار ببیت و د وه‌ختێ خوه‌ دا تمام كرینه‌.

 

 

ئاماژه‌ ب هندێ ژى دا كو پرۆژێ ئه‌نده‌رپاسا جادێن بارزان ژ پرۆژێن هه‌ره‌ ستراتیژى یێن باژێرێ دهۆكێ نه‌ و ب دووماهى هاتنا پرۆژه‌ى دێ بیته‌ ئه‌گه‌ر كو هاتن و چوون ب ساناهیتر لێ بهیـَت و ل نێزیك هنده‌ك مزگینیێن باشتر دێ مه‌ بۆ پارێزگه‌ها دهۆك هه‌بن و ل نێزیك دێ ب چاڤ بینن.

ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 495 کەسان و مرنا هەشت کەسێن دی ب ڤایرۆسێ کۆرۆنایێ راگەهاند، هژمارا تووشبوویان ب ڤی رەنگی یە:

هەولێر: 186 تووشبووی

سلێمانی: 177 تووشبووی

گەرمیان: 59 تووشبووی

راپەرین: 39 تووشبووی

دهۆک: 25 تووشبووی

هەلەبجە: نەهـ تووشبووی.

 

 

 

 

 

 

ئەڤرۆ نیوز:
بەری دەمەکێ هێزێن ئەسمانی یێن سۆپایێ تورکیا دەوروبەرێن گوندێ سپیندارێ ل بنارا چیایێ گارەی یێ سەر ب قەزا ئامێدیێ ڤە بۆردومان کر، لێ هەتا نوکە زیانێن وێ بوردۆمانکرنێ نەهاتینە زانین.

website security
WP Facebook Auto Publish Powered By : XYZScripts.com