NO IORG
نووترين نووچه
Email

 

ئەڤرۆ نیوز ، مه‌حمود نهێلى:
ئه‌ندامه‌كی په‌ره‌له‌مانێ كوردستانێ دیار كر، كو پێشنیاز هاتیه‌ كرن یاسایا كارێ رۆژنامه‌گه‌رى بهێته‌ رێكخستن ، ژبه‌ر كو یا نوكه‌ ل گه‌ل ڤێ پێشكه‌فتنا د وارێ یاسایێ دا دهێته‌ دیتن بوشایه‌كا یاسایى هه‌یه‌ د بوارێ راگه‌هاندنێ دا.
موحسن دوسكى ئه‌ندامێ په‌رله‌مانێ كوردستانێ بو ئه‌ڤرۆ نیوز دیاركر، دنوكه‌ دا بوارێ راگه‌هاندنێ گه‌له‌ك به‌رفره‌هبوویه‌ و چه‌ندین لق لێ دروست بووینه‌ ، و ئه‌ڤ یاسایێن نوكه‌ هه‌ین نه‌شێن ڤێ پێشكه‌فتنا نوكه‌ د میدیایێ دا هه‌ى چوارچوڤه‌ بكه‌ن و هه‌موو بوارێ راگه‌هاندنێ ب خوه‌ڤه‌ بگرن و دڤی بوارى دا بوشایه‌كا یاسایى هه‌یه‌ و گۆت: یان دڤێت یاسایا ژماره‌ 35 بهێته‌ هه‌موار كرن ب ره‌نگه‌كى كو هه‌موو بوارێن یاسایى بخوه‌ ڤه‌ بگریت یان ژى دڤێت پرۆژه‌ یاسایه‌كا دى بهێته‌ ئاماده‌كرن بو راگه‌هاندنێ ب گشتى .
و ته‌كه‌ز كر، دهه‌مان دا مه‌ پێدڤى جڤاته‌كا بلندا میدیایى هه‌یه‌ و توره‌كا میدیایى یا نیشتیمانى هه‌بیت كو ببیته‌ ژێده‌رێ دروست یێ نوچەیان و گۆت: ئه‌ڤا نوكه‌ ل كوردستانێ دهێته‌ دیتن میدیا یا دبن سیبه‌رێ دا و ئێك نوچه‌ ب چه‌ندین ره‌نگان دهێته‌ بلاڤكرن و بینه‌ر وخوانده‌ڤان ناگه‌هنه‌ زانیاریێن دروست.

 

ئەڤرۆ نیوز:
رێڤەبەربەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ راگەهاند، ل سالا بوری دا وان چاڤدێریا ١٣٣ زارۆیێن بێ سەمیان ژ هەردو رەگەزان کرییە، دیسان ١٤٦ دوسەیێن ژنان ژی ژ ئالیێ وان ڤە هاتینە چارەسەرکرن.

شێرزاد حەمید، رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ د کونگرەیەکێ رۆژنامەڤانی دا ئامارێن سالا ٢٠٢٠ بەلاڤکرن و دیار کر، وان چاڤدێریا ١٣٣ زارۆیێن بێ سەمیان ژ هەردو رەگەزان و ٢٤ کەسێن د مالا دانعەمرا دا کرییە.

گۆت ژی: وان سەرەدانا نێزیکی هزار خێزانا کرییە دوور ژ راگەهاندنێ، هەڤدەم وان سەرپەرشتیا ١٣٣ زارۆیێن بێ سەمیان ژ هەردو رەگەزان کرییە، نوکە ٢٤ کەس د مالا دانعەمردا د ژین.

دیسان گوت ژی، حکومەتا هەرێما کوردستانێ دو جورێن هاریکاریان ل سەر وەلاتیان دا دابەشکرینە، ئێک ژ وان پارە بوویه و پەری چار ملیار دیناران بووینە و دو ئاهێن خوارنێ بووینە کو هژمارا وان ١٦٥ هزار و ٩٥٠ سەلکێن ئەرزاقی بووینە، وان ل سەر خێزانێن هەژار دا بەلاڤکرینە.

 


ئه‌ڤرۆ نیوز ، زنار تۆڤى:


ئه‌ندازیارێ سه‌رپه‌رشتێ پرۆژێ ئه‌نده‌رباسا نێزیك ته‌له‌ڤزیۆنا دهۆكێ بۆ ئه‌ڤرۆ نیوز دیار كر: ئه‌و ئه‌نده‌رپاسه‌ هزار و 330 مه‌تران یا دریّژه‌ و نوكه‌ هه‌ر دو ئالیێن ویچ ئه‌نده‌رپاسێ هاتینه‌ ڤه‌كرن و دوهى ژى سێ پرێن هاتنوچوونێ ل گه‌ل سێ پرێن په‌یاده‌ ل وێ ئه‌نده‌رپاسێ هاتینه‌ سه‌به‌كرن.
كاروان سالحى گۆت ژى: پشتى ڤێ قووناغێ دێ ئه‌و پرۆژه‌ هێته‌ قێركرن و كٍێلبستون و كه‌سكاتى دێ لێ هێته‌ دانان، دهێته‌ پێشبینی كرن ژى، كو به‌رى نه‌ورۆزێ ئه‌و پرۆژه‌ بكه‌ڤیته‌ د خزمه‌تا خه‌لكێ باژێرێ دهۆكێ دا.
پرۆژێ ئه‌نده‌رپاسێن جادا بارزان ژ پێنج قووناغان پێك دهێت و هه‌تا نوكه‌ سێ ژ وان ئه‌نده‌رپاسان ب ته‌مامى كه‌فتینه‌ د خزمه‌تا وه‌لاتیان دا و ئه‌ڤ پرۆژه‌ ژى ل نێزیك دێ كه‌ڤیته‌ د خزمه‌تا وه‌لاتیان دا، كوژمێ گشتى یێ ئه‌نده‌رپاسیچن جادا بارزان 74 ملیار دینارێن عێراقینە.

13

 

ئەڤرۆ نیوز:

پنتاگۆنێ د بەیاننامەکێ دا دیار کرییە، لۆید ئۆستن وەزیرێ بەرگرییا ئەمریكا ل گەل یەنس ستۆلتنبێرگ ئەمیندارێ گشتی یێ قولپا ناتۆ ل سەر رەوشا عیراقێ و ئەفغانستانێ هه‌ڤپه‌یڤینه‌ك ئه‌نجامدایه‌.

هەروەسا راگەهاندییه‌: لوید ئۆستن و یه‌نس ستۆلتنبێرگ بەحسێ رەوشا نۆكە یا ئیراقێ و ئەفغانستانێ كرییە و هه‌ردویان دیار كرییه‌، پێدڤییە هێزێن ئه‌مریكا ل وان هەردو وەلاتان بمینن ژ بۆ بەرسینگ گرتنا هەر پێشهاتەكا نوو روو بده‌ت.
د هه‌مان ده‌مدا، ل شه‌ڤا بورى سەرۆكێ ئەمریكا جۆ بایدنى راگەهاندبوو، ئه‌مریكا دێ پێداچوونێ د رێككەفتنا خوه‌ دا ل گەل ته‌ڤگه‌را تالیبان دا كەت.

 

ئەڤرۆ نیوز:

دەزگەهێ ئاسایشا نیشتیمانییا عیراقێ راگه‌هاند: وان‌ پێنچ چەكدارێن رێكخستییا داعشێ ل پارێزگەها كەركوك گرتینه‌.
هه‌روه‌سا گۆتییه‌: هێزێن ئاسایشا نیشتیمانی شیاینه‌ پێنچ كەسان ل پارێزگەها كەركوكێ دەستەسەر بكه‌ن، لدووڤ مادێ چار یێ‌ تیرۆرێ‌ ب تاوانا ئەندامبوونێ‌ ل گەل رێكخستییا داعشێ د داخواز كری بوون.
د ڕاگەهاندنا خوه‌ دا دەزگەهێ ئاسایشا نیشتیمانی خۆیاكرییه‌، وان پێنچ كەسان د ڤەكۆلینان دا دانپێدان ب وێ چەندێ كرییە كو سەر ب ویلایەتا كەركوك یا داعشێ ڤەبوون، وان پشكداری د چەندین هێرش و كریاران دا كرییە ل گوندێ بەشیر و پالاوگەها بێجی.

28

 

ئەڤرۆ نیوز:

رۆژنامەكا كەتەلۆنی یا نێزیكى یانا بارسێلۆنا نهێنییەكا مه‌زن ده‌رباره‌ى ئۆسمان دێمبلى هێرشبەرێ وێ یانێ ئاشكرا كرییه‌.

وێ رۆژنامێ دیار كرییه‌، وى یاریكه‌رى نه‌ڤێت د نوكه‌ دا گرێبەستا خوه‌ ل گه‌ل یانا بارسێلۆنا نوو بكه‌ت و چاڤه‌رێى ئەنجامێن هەلبژارتنێن بارسێلۆنا دكه‌ت، داكو بزانیت كى دێ بیتە سەرۆكێ وێ یانێ و پرۆژێ داهاتى یێ بارسێلۆنا دێ چ بیت.

هه‌روه‌سا گۆتییه، هه‌ر چار یانێن مه‌زن یێن ئورۆپا، كو پێكهاتینه‌ ژ بایرن میونشن و مانچستەر یۆنایتد و یۆڤینتۆس و چێلسی، ژ نێزیكڤه‌ چاڤدێریا دیمبلی دكەن و چاڤه‌رێی هندێ دكەن بارسێلۆنا بۆ رزگار بوونێ ژ قەیرانا دارایی، ل هاڤینا بهێت بریارا فرۆشتنا وى یاریزانى بده‌ت، داكو ئه‌و ژى بزاڤێ بكه‌ن وى یاریزارى ڤه‌گۆهێزنه‌ ناڤ رێزێ خوه‌.

ل رۆژێن سه‌رما گرنگە مرۆڤ ده‌ركه‌ڤیت

ئەڤرۆ نیوز:

هه‌ر چه‌نده‌ دەرکەفتنا هنده‌ك مرۆڤان ل رۆژێن سەرمایێ یا ب زه‌حمه‌ته‌، كو بچنە کاری یان ژى بچنه‌ قۆتابخانێ یان هنه‌ر جهه‌كێ دستر.
عادل ئەلعانی، شیرەتکارێ نەخۆشیێن بەرھنگاریێ دبێژیت: دەرکەفتنا مرۆڤى ل رۆژێن سه‌رمایێ گەلەک مفا ھەنە و گەلەک کەس ژى وان مفایان نزانن.
ناڤهاتى گۆتییه‌ ژى: ئەو کەسێن ل سپێدەھیێن زڤستانێ دچنە سەر کاری یان دچنه‌ قۆتابخانێ‌ و زانکۆیان، ساخلەمیا وان باشترە، ژبەرکو دەرکەفتنا مرۆڤى ل ل سپێدەھیان و ھه‌لکێشانا بایێ تەزی، کارتێکرنێن ئەرێنی ل سەر کوئەندامێ ھەناسێ دکەت، ھەروەسا نەخۆشیێن زڤستانێ نە ژ سەرمایێ چێدبن، بەلکو ژ ڤایرۆس و بەکتریا چێدبن.

ئه‌و ژى ئاشكرا كرییه‌: دەرکەفتنا ل بەر سەرمایێ هێزه‌كا ئەرێنی د دەتە مرۆڤی و ھورمۆنێ دلخۆشییێ ل ده‌ف مرۆڤی زێدە دکەت، دیسان بایێ سپێدەھیان خەمۆکییا زڤستانێ ژی ناھێلیت.

 

ئەڤرۆ نیوز:

رێڤەبەرێ بەنداڤێن هەرێما کوردستانێ دیار کرییە، وەسا بریارە ب کوژمێ ٣٣ ملیار دیناران یازدە بەنداڤ ل هەرێما کوردستانێ بهێنە دروستکرن.

ئەکرەم ئەحمەدی گۆتیە ژی: بریارە یازدە بەنداڤێن دی ل دەڤەرێن جۆدا یێن هەرێما کوردستانێ دا بهێنە دروستکرن و بەرهەڤیێت تەمام بۆ وی کاری هاتینە کرن دیزاین ژی بۆ هاتینە کرن، ئەو بەنداڤە دێ ب کوژمێ ٣٣ ملیار دیناران هێنە دروستکرن، نوکە ئەم چاڤەرێ هندێ دکەین کو پارە بۆ وان بەنداڤان بهێتە تەرخانکرن و دەست ب جێبەجێکرنا وان بهێتە کرن.

ناڤهاتی گۆتیە ژی: ژ بلی وان یازدە بەنداڤان پێشنیار هاتییە کرن، نەهـ بەنداڤێن مەزنێن دی ژی ل هەرێمێ بهێنە دروستکرن، لێ وان پێدڤی ب ملیار دۆلاران هەیە و بریارە ل گەل دەستەیا وەبەرئینانێ و ژ ئالیێ وەبەرهێنەران ڤە ئەو بەنداڤە بهێنە دروستکرن.

نوکە ل هەرێما کوردستانێ پازدە بەنداڤ هەنە، کو شیانا خەزنکرن و کۆمڤەکرنا زێدەتری ١٠ ملیار مەترێن سێجا یێن ئاڤێ هەنە.

 

ئەڤرۆ نیوز:

دو ژ وان کەسێن ل پەقینا ئەڤرۆ یا بەغدا ژیانا خۆ ژدەستداین وەلاتیێن کوردن و ئێک ئاکنجیێ دهۆکێ یه و ئێک ژی یێ هەولێرێ یە.
غازی حازم ئاکنجیێ کۆمەلگەها رزگارییە ل پارێزگەها دهوکێ، کارێ بازرگانیێ دکر و بو وێ مەرەمێ وی سەرەدانا بەغدا کرییە، ناڤهاتی ژ دایکبوویێ ١٩٧٤یە و دەمێ ٢٠ سالا یە بەرهەمێ خۆمالییێ کوردی بۆ باژێرێن ژێریا عێراقێ و ب تایبەتی بەغدا دبرن.
هەروەسا کەسەکێ دی یێ کورد کو ئاکنجیێ باژیری هەولێرێ یە ل پەقینێت ئەڤرۆ یێن بەغدا گیانێ خو ژ دەستدایە.
ئەڤرۆ پێنجشەمبێ، ل بەغدا یا پایتەختێ عێراقێ دو پەقین ل دەڤەرێن باب شێخ و گورەپانا تەیران روودان، وەزارەتا ساخلەمیا عێراقێ ژی گۆتییە، ژ ئەگەرێ وێ چەندێ ٣٢ کەسان ژیانا خۆ ژ دەستدایە و ١١٠ کەس ژی بریندار بووینە.

 

ئەڤرۆ نیوز ، مەحمود نهێلی:
فەرمانبەرەکێ رێڤەبەریا کارەبا ئامێدیێ د دەمێ کاری دا ئەڤرۆ 21/1/2021 د ستوونەکا کارەبێ دا دکەڤیت و بریندار دبیت و دهێتە رەوانەکرن بونەخوشخانا تەنگاڤیان ل دهوکێ.
ئەندازیار ئارام جەلال رێڤەبەرێ بەلاڤکرنا کارەبا ئامێدیێ بو ئەڤرۆ نیوز دیار کر، فەرمانبەرێ وان ب ناڤێ بەهزاد نەسرەت فەرمانبەرێ بەشێ رووناهیێ د دەمێ کاری دا توشی روودانا کەفتنێ بوویە و گۆت : زێدەباری وێ یەکی کو ڤی فەرمانبەری خوە گرێدابوو لێ قایشا وی دپرچیت و د ستوونێ دکەڤیتە ئەردی.
دیار کر، ژ ئەنجامێ ڤێ روودانێ پێیەکی ڤی فەرمانبەری شکەستیە و هاتیە رەوانەکرن بۆ نەخۆشخانا تەنگاڤیا ل دهوکێ.

website security
WP Facebook Auto Publish Powered By : XYZScripts.com