NO IORG
Email

7

 
ئه‌ڤرۆ نیوز ، زنار تۆڤی:
خانما وێنه‌گر ته‌نیا ره‌شید، ئه‌ڤه‌ چه‌ندین ساله‌ كارێ وێنه‌گرتنێ دكه‌ت و به‌حسێ ئه‌زموونا خوه‌ دكه‌ت و بۆ ئه‌ڤرۆ نیوز دبێژیت: بابێ وێ فۆتۆگرافه‌ره‌كێ گه‌له‌ك باش بوو، هه‌رده‌م وان چه‌ند جۆرێن كامیران ل مال هه‌بوون، ل ده‌ستپێكێ وێ ب وێنێن پۆرترێتی ده‌ست ب كارێ وێنه‌گرتنێ كریه‌، پاشی ل سالا 2010 وێ شێوازێ كارێ خوه‌ ژ پۆرترێتی گوهۆری بۆ كارێ ئه‌بستراكتی، ئه‌و شیایه‌ جیهانه‌كا به‌رفرهتر د وارێ وێنه‌گرتنێ دا نیشان بده‌ت.
ناڤهاتیێ گۆت ژی: ئه‌ڤه‌ ده‌مه‌كێ درێژه‌ كارێ وێنه‌گرتنێ دكه‌ت، هه‌روه‌سا ئه‌و سه‌رده‌مێ ئه‌و ل كوردستانێ ژی ژیای د خێزانه‌كا گه‌له‌ك ڤه‌كری و ره‌وشه‌نبیر دا مه‌زن بوویه‌، وێ د وارێ ئه‌ده‌ب و فۆتۆگرافیێ دا وه‌ك كچه‌كێ یان وه‌ك ژنه‌كێ كار كریه‌، چو جاران هه‌ست ب هندێ نه‌كریه، كو رێكری لێ هاتبیته‌ كرن.
هێشتا دبێژیت: هه‌موو ده‌مان وێ ئه‌و كار كریه‌، یێ كو وێ ڤیای، ل باژێرێ ڤییه‌نا ژی ده‌مه‌كێ زۆر مژوولی كارنێ بووم ژ بۆ بخودانكرنا خێزانا خوه‌، لێ چو جاران ژ كارێ فۆتۆگرافیێ دوور نه‌كه‌فتیمه‌، ب هه‌ر شێوه‌كێ بیت من ده‌رفه‌ت دیتیه‌ بۆ فۆتۆگرافیێ، چونكی هونه‌ر ب هه‌موو شێوێن خوه‌ڤه‌ ڤه‌گه‌ریانه‌ بۆ ناخێ مرۆڤی، چو جاران هونه‌ر یێ پابه‌ند نینه‌ ب وه‌لاتی و كولتوور و زمانی و ژنێ یان زه‌لامی ڤه‌.
هه‌روه‌سا گۆت ژی: ژ سالا 2011 وه‌ره‌ هه‌تا نوكه‌ فۆتۆیێن خوه‌ ل پێشانگه‌هێن هه‌ڤبه‌ش یان یێن تایبه‌ت سالانه‌ چه‌ندین جاران نیشان دده‌ت، وێ ل گه‌ل هه‌ڤژینێ خوه‌ سالۆنه‌كا هونه‌ری هه‌یه‌ ل شارێ ڤییه‌نا، كو سالانه‌ كارێن خوه‌ تێدا نیشان دده‌ن.
ته‌نیا ره‌شید، ل سالا 1958 ل شارێ سلێمانیێ ژ دایك بوویه‌، ل سالا 1984 چوویه‌ ده‌رڤه‌ی وه‌لاتی، نوكه‌ ل گه‌ل هه‌ڤژینی خوه‌ ل شارێ ڤییه‌نا ل پایته‌ختێ نه‌مسا دژین.

 

ئەڤرۆ نیوز:

 
سەرۆکێ ئەمریکا ھێرشەکا نوو دکەتە سەر جۆ بایدنێ رکابەرێ خوە و گۆتیە: ئەمریکا پێدڤی ب سەرکردەکێ راستەقینەیە، نەکو نڤستیەکێ وەکی جۆ بایدنی.
دونالد ترەمپ، سەرۆکێ ئەمریکا د ھەلمەتا بانگەشا ھەلبژارتنان دا خرڤەبوونەک ئەنجامدا و گۆتە ئامادەبوویان: دێ گەلەک شەرمزاربم هەکە جۆ بایدنێ نڤستی د ھەلبژارتنان دا سەربکەڤیت، ئەمریکا پێدڤی ب سەرکردەکێ ڕاستەقینە نەکو رکابەرێ منێ نوکە یێ دیموکراتان کو کەسەکێ تەمبەلە.
ترەمپی دیار کر ژی:” جۆ بایدن پەیڤا ” بلا ئەم رزگاربین” گەلەک دوبارە دکەت و ئەو ژی نیشانا وێ چەندێ یە کو بایدن کەسەکێ تەمبەلە و ب دیتنا وی ئەگەر دیموکرات پەنایێ نەبەنە بەر سەختەکاریا ئەنجامێن ھەلبژارتنان، ترەمپ د ھەلبژارتنان دا خۆسارەت نابیت”.

 
ئەڤرۆ نیوز:
سکرتێرێ رێکخراوا ئێکەتیا زەلامێن کوردستانێ دیار کریە: د دەمێ ھەشت هەیڤێن بوری دا ٤٧ زەلامان خوە کوشتیە، هەکه بهێته ھەڤبەرکرن ل گەل سالا بوری، ئەڤ رێژە دوجارا ھند لێ هاتیە.
برھان عەلی، سکرتێرێ رێکخراوا ئێکەتیا زەلامێن هەرێما کوردستانێ گۆتیە: سالانە نێزیکی ١٠ حالەتێن کوشتنا زەلامان ژ ئالیێ ھەڤژینێن وان ڤە ب ھاریکاریا کەسێن دی دھێنە ئەنجامدان، هەروەسا د ھەشت هەیڤێن بوری دا ٤٨٦ سکالایێن توند و تیژیا دژی زەلامان ھاتینە تۆمار کرن، و ب دەھان حالەتێن دی ھەنە کو نا گەھنە دەستێ رێکخراوان.

برھانی گوت ژی،” ئەگەرێ سەرەکی یێ توند و تیژیێ ل ھەمبەری زەلامان قەیرانا دارایە، دەمێ توند و تیژیێ ژی ئەو دەمە کو ژنێ زارۆکێن مەزن ھەبن و پشتەڤانیا ژ دایکا خوە دکەن، هەروەسا ھژمارەکا زۆر یا ناڤسال ڤە چوویان توند و تیژی ل ھەمبەری وان دھێتە کرن یان ژ مالێ دھێتە دەرخستن، ئەڤە ژی ژ ئەگەرێ وێ چەندێ یە کو زەلام وەک کارگەھەکا بەرھەمئینانێ دھێنە دیتن، دەمێ شیان نەمینن ژ مال دھێنە دەرخستن”.

 

ئەڤرۆ نیوز:

ل ئێک ژ پێشانگەهێن دهۆکێ چایچیەکێ کۆمپانیەکا ترۆمبێلان ب فێلبازی پارە و ترۆمبێل بناڤێ کۆمپانیێ ژ خەلکی وەرگرتینە، کو کۆژمێ پتری ملیۆنەکا دۆلارانە.
بەری حەفتیەکێ ئەڤ ئاریشە ل دهۆکێ پەیدابوویە، کو چاچیەکێ ئێک ژ کۆمپانیێن دیارێن تڕۆمبێلان ل دهۆکێ کو کارێ فرۆتن و کرینا تڕۆمبێلان کریە، ئەو چایچی ئێکبوویە ژ کەسێن باوەرپێکری یێ خودانێ کۆمپانیێ و چەندین جاران بۆ وەرگرتنا پارەی و مامەلەیێن کۆمپانیێ هاتیە راسپاردن.
پەو چایچیە بەری چەند رۆژان رابوویە بناڤێ کۆمپانیێ پارە و ترۆمبێل ژ نێزیکی ٢٥ کەسان وەرگرتینە و گوتیە دێ گەهینیتە کۆمپانیێ، لێ ژ وی دەمی وەرە چایچی یێ دیار نینە و خودانێ کۆمپانیێ ژی دبێژیت ئەو پارە نەگەهشتنە دەستێ وان.

هەتا نوکە پێنج سکالا ل سەر چایچی و کۆمپانیێ هاتینە تۆمار کرن و ئەو خەلکێ داخوازا پارێ خوە ژێ دکەن، خودانێ کۆمپانیێ ژی دبێژیت وان چ داخوازیێن وەسا ژ چایچی نەکرینە.

دەربارەی دیارنەمانا ڤی کۆژمێ پارەی، پۆلیسێن دهۆکێ چ هوورکاری نەداینە و ئەو دبێژن، دێ کار لسەر سکالایێن وان وەلاتیان کەن، د نوکە دا وان دووڤچوون بۆ ڤی بابەتی دەستپێکریە.

 
ئەڤرۆ نیوز، عەلی حاجی :
بەرپرسێ راگەهاندنا هاتنوچوونا قەزا زاخۆ بۆ ئەڤرۆ نیوز دیار کر: پشتی رێڤەبەریا وان بۆ چەندین جاران پێشنیارا دو رۆژان د حەفتیێ دا بۆ پشکنینا چاڤان دایە ساخلەمیا زاخۆ،ئەو بریارە کەفتە د وارێ جێبەجێ کرنێ دا.
زێدەتر کومیسەر بەشیر یوسڤ گۆت : ژبەریا نوکە ل قەزا زاخۆ د حەفتیێ روژەکێ دا رێک ب شوفێران دهاتە دان بۆ ب رێڤەبرنا مامەلەیێن خوەیێن دەستویریا هاژوتنا ترومبێلێ بۆ پشکنینا چاڤان مامەلەیێن خوە ب رێڤەبەن ل رێڤەبەریا مە،بەلێ ئەڤ چەندە د بوو ئەگەرێ دروست بونا قەرەبالغیەکا زور ل دەف شوفێران و گەلەک جاران سرایەکا زێدە دروست دبوو،ژبەر ڤێ چەندێ ژی رێڤەبەریا هاتن و چوونا زاخۆ چەندین پێشنیار کربوو بۆ رێڤەبەریا ساخلەمیا زاخۆ کو د حەفتیێ دا دوو روژ بهێنە دەست نیشان کرن بۆ پشکنینا چاڤان و رێڤەبەریا مە ژی بەردەوام بوو ل سەر وێ پێنشنیارا خوە و ل ڤێ دوماهیێ ژی رێڤەبەریا ساخلەمیا زاخۆ رەزامەندی ل سەر وێ پێشنیارا رێڤەبەریا مە رەزامەندیا خوە ل سەر دەربری و ئێدی شوفێر دشێن د حەفتیێ دا ل روژێن ئێک شەمب و چارشەمبیان مامەلەیێن خوە پێشکێش بکەن بۆ ئەنجام دانا پشکنینا چاڤان .
زێدەتر ناڤبری گۆت ژی : ئەو پێنگاڤە دێ بیتە ئەگەر زووتر مامەلەیێن شوفێران بۆ دەرئینانا مولەتا هاژوتنا ترومبێلێ زووتر بهێنە ب رێڤەبرن و هەر دیسان ئێدی قەرەبالغیا جاران ژی دروست نەبیت بۆ پشکنینا چاڤان .

 
ئەڤرۆ نیوز، عەلی حاجی :
د رێورەسمەکێ تایبەت دا ب ئامادەبوونا هژمارەکا بەرپرسێن حزبی و حکومی و وەلاتیان تەرمێ محەمەد میرزا پێشمەرگێ هەردو شورەشێن ئیلۆن و گولانێ هاتە ڤەشارتن.
د پەیڤەکێ دا سالح حەیدەر کارگێرێ لقێ هەشت یێ پارتی دیموکراتی کوردستان و بەرپرسێ پشکا رێکخستنێ دیار کر: ژ دەست دانا محەمەد میرزای خوسارەتیەکا مەزنە بۆ هەموو خەلکێ زاخۆ و کوردستانێ، ژبەرکو خودێ ژێ رازی د هەموو ژیێ خوە دا خزمەتەکا بەرچاڤ د نیشتیمان پەروەریێ دا کریە، د گەلەک شەران دا پشکداریەکا کارا هەبوو و ئەڤ چەندە ژی بوویە ئەگەر خودێ ژێ رازی ب مێرخاسانە بەرەنگاریا هەموو دوژمنان بیت یێ هێرشەک بۆ سەر کوردستانێ ئەنجام دابا ژبەر ڤێ چەندێ بارکرنا وی ژناڤ مەدا خەمەکا مەزن د دلێ مە دا پەیدا کر و هەم سەرکردایەتیا پارتی دیموکراتی کوردستان و هەموو خەلکێ زاخۆ و کوردستانێ کەسایەتیەکێ خودان خزمەت و نیشتیمان پەروەر ژ دەستدا.

 
ئەڤرۆ نیوز:
د. دلاوەر خالد ئاژگەیی، نوونەرێ حوکمەتا هەرێما کوردستانێ ل ئێکەتیا ئورۆپا، گوتارەک پێشکشی لژنا پەیوەندیێن پەرلەمانێ ئورۆپا و عیراقێ کر.
د روونشتنەکا فەرمی یا لژنا پەیوەندیێن پەرلەمانێ ئورۆپا و عیراقێ و ب ئامادە بوونا رێڤەبەرێ بەشێ کەنداڤی و عیراقێ ل ئۆفیسا سیاسەتا دەرڤە یا ئێکەتیا ئورۆپا و نڤێسینگەها پەرلەمانتارێن ئێکەتیا ئورۆپا دا، د. دلاوەر خالد ئاژگەیی، نوونەرێ حوکمەتا هەرێما کوردستانێ ب هەڤالینیا شاندەکێ نوونەراتیێ گۆتارەک ل سەر دووماهی پێشهات و گوهۆرینێن گرنگ یێن هەرێما کوردستانێ و عیراقێ پێشکێشی ئامادەبوویان کر.
کۆمبوون ب رێیا ڤیدیۆکۆنفرانسێ برێڤە چوو، نوونەرێ حوکمەتا هەرێما کوردستانێ چەند بابەتەک بۆ بەشداربوویان خستە بەرچاڤ، ژ وان ژی تیشک خستە سەر پەیوەندیێن دناڤبەرا هەرێما کوردستانێ و ئێکەتیا ئورۆپا و باسکێ دانوساندنێن دناڤبەرا هەردو ئالیان و مەترسیێن سیاسەتا ب عەرەبکرنا کەرکوکێ و دەڤەرێن کوردستانی یێن دەرڤەی هەرێمێ و پرسا ئەمن و ئاسایشا وان ناوچان و مەترسیا سەرھەلدانا داعشێ، هەروەسا بەحسێ پرۆسا چاکسازیێ یا حوکمەتا هەرێما کوردستانێ و چەند پرسێن دیتر کریە.

 

 
ئەڤرۆ نیوز:
د. ئەحمەد بڕیاردەرێ لژنا دارایی ل پەرلەمانێ عیراقێ گۆت: هەکە وی کوژمێ قەرێن ل سەر عێراقێ، ل سەر ئاکنجیێن وێ دابەش بکەین، هەر تاکەکێ و زارۆیەکێ ژ دایک ببیت دێ نێزیکی 3 هزار دۆلاران قەردار بیت، نوکە گەلەک قەر یێن ل سەر عیراقێ.

هەروەسا گۆتیە: نوکە 23 ملیار دۆلار قەرێن دەرەکی ل سەر عیراقێ هەنە، قەرێن بەری سالا 2003 نێزیکی 41 ملیار دۆلارانە، قەرێن نافخۆیی ژی گەیشتینە 40 ترلیۆن دیناران.
د. ئەحمەد سەفاری دیار کر ژی: هەکە ئەم قەران ب تێكرایی دابەشبکەین ب سەر هژمارا ئاکنجیێن عیراقێ دا، هەر تاکەک دێ زێدەتر ژ 3 هزار دۆلاران قەردار بیت و هەر زارۆیەکێ ژ دایک ژی دبیت دێ نێزیکی 3 هزار دۆلاران قەردار بیت.

ئەڤرۆ نیوز، زنار تۆڤی:

 

د. شێرزاد حەمید رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ، بۆ ئەڤرۆ نیوز دیار کر: ئەڤرۆ 23/9/2020 ب سەرپەرشتیا راستەو خوە یا رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ د. شێرزاد حەمید، پشتی دەنگۆیێ ھەبوونا کەیسەکا تایبەت ب ژنەکا بێ خودان ل ناحیا باتیفا گەھشتیە وان، ئێکسەر ئەو چووینە مالا وێ ژنێ ب هەڤالینیا سەباح محەمەد عەلی، رێڤەبەرێ مالا دانعەمران ل دهۆکێ و وان سەرەدانا وێ ژنێ کریە، پاشی ب ھەماھەنگی ل گەل ساخلەمیا زاخۆ برێیا ئەمبۆلانسەکا تایبەت ئەڤ خانمە ھاتیە ڤەگوھاستن بۆ مالا دانعەمران ل دھۆکێ، ھەموو پێدڤیێن ژیانا وێ یا رۆژانە بۆ ھاتینە دابینکرن، تیمێ مالا دانعەمران ھاتیە راسپاردن کو ب باشترین شێوە خزمەتا وێ بھێتە کرن داکو ھەست پێ بکەت یا دناڤ مال و کەس و کارێن خوە دا ژیانا خۆ دەرباز دکەت.

 
ئەڤرۆ نیوز:

 
هندەک جاران مرۆڤ تۆشی بێتاقەتیێ و سترێسێ دبیت، ئەڤە تشتەکێ ئاساییە و ب سەر هەموو کەسان دا دهێت، گەلەک جاران ئەڤە دبیتە ئەگەرێ توڕەیی و نیگەرانیێ، لێ دڤێت خوە ئارام بکەی ژ ئالیێ دەروونی ڤە، مالپەرێ healthline هندەک رێک بەلاڤ کرینە، بۆ هندێ داکو دەروونێ خوە ئارام بکەی.

. بێهنەکا درێژ بدە
ئێکە ژ کاریگەرترین و بلەزترین رێیان بۆ ئارامکرنا دەروونی، سێ هەناسێن کوور، دێ بنە ئەگەرێ هەستکرنێ ب ئارامیێ.
. دانپێدانێ بکە کو تۆ یێ بهێن تەنگی، هەکە تە دانپێدان کر تۆ یێ بهێن تەنگ و تۆرەیی دێ زێدەتر هەست ب ئارامیێ کەی.

. ئەگەرێ دو دلیێ ب بینە
ب دیتنا ئەگەرێ وێ دێ شێی چارەسەر کەی و ئێدی نیگەران نابی.
. خوە وەک کەسەکێ ئارام ب بینە
پشتی چەند هەناسەیێن کوور، چاڤێن خوە دابخە و هزر ل وان دەمان بکە، یێن کو تۆ تێدا ئارام دبی.
. گوهێ خوە بدە موزیکێ
موزیکێ کاریگەریەکا ب هێز هەیە، ل سەر ئارامکرنا مێشکێ مرۆڤی.
. سەرنجا خوە بگوهۆرە
دەمێ تۆ ژ کەسەکێ یان جهەکێ نیگەران بووی، ل وی جهی نەمینە و هەرە ژ دەرڤەی وی جهی.
. هەستێن خوە بنڤێسە
ئەو تشتێن د ناخێ خوە دا هەست پێ دکەی بنڤێسە، پاشی دێ دەروونێ تە هەست ب ئارامیێ کەت.
. بێهنا خوە بدە
بزاڤێ بکە و بێهنا هەموو لەشێ خوە بدە، هەر ژ نینۆکێن پێیان دەست پێبکە، هەتا دگەهیە سەرێ خوە.
. پەیاسێ بکە
پەیاسە کرن و چوونا ژ دەرڤە دێ وەکەت، تۆ ژ تۆرەیێ و دو دلیێ دوور بکەڤی.ح

website security
WP Facebook Auto Publish Powered By : XYZScripts.com