NO IORG
Facebook

ئه‌ڤرۆ نيوز:
 راگەهاندنا پارێزگەها دهۆکێ ل دۆر شەهیدکرنا هاولاتی “جوتیار محسن سیاری” راگه‌هاندنه‌ك به‌لاڤكريه‌، ئەڤە ژی دەقێ وێ یە:
ڕەڤاندن، دەستەسەرکرن، زیندانکرن و شەهیدکرنا هاولاتی جوتیار موحسن سیاری، کورێ پارێزگەها دهوکێ ژلایێ چەکدارێن پ. ک. ک ڤە رسوا و شەرمزار دکەین.
گرتن و زیندانکرنا هاولاتیان بتنێ کارێ دامودەزگەهێن دادوەریێ یە کو د چوارچوڤێ یاساییدا دهێتە ئەنجامدان و دەرڤەی ڤان دەزگەهان کارەکێ نایاسایی و نامروڤانەیە و ب تەعداکرن ژ خەلکێ کوردستانێ دهێتە هەژمارتن.

ئه‌ڤرۆ:

د.جوتيار عادل په‌يڤدارێ حوكمه‌تا هه‌رێما كوردستانێ به‌رى چه‌نده‌كێ راگه‌هاند كو خواندن ل ناڤه‌ندێن په‌روه‌ردێ دێ يا به‌رده‌وام بيت ب پابه‌ندبوون ب رێنماييێن خوه‌پاراستنێ ژ ڤاپرۆسێ كۆرۆنا و گۆت: ڤايرۆسێ گوهۆرى گه‌له‌ك زوو به‌ر به‌رلاڤ دبيت، پێدڤيه‌ فه‌رمانبه‌ر ژى ل سازيێن حوكمه‌تێ خوه‌ ب پارێزن.

 

ئەڤرۆ  لژنا بلندا روو ب رووبوونا کۆرۆنایێ ل هەرێما كوردستانێ ب سەرپەرشتیا وەزیرێ ناڤخۆكۆم بوو، وه‌زیرێ ناڤخۆ یێ حوكمه‌تا هه‌رێما كوردستانێ راگه‌هاند : چ پیشنیاز سه‌باره‌ت قه‌ده‌غه‌یا هاتن و چوونێ نه‌هاتینه‌ كرن.

 

ئەڤرۆ نیوز:
رێڤەبەربەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ راگەهاند، ل سالا بوری دا وان چاڤدێریا ١٣٣ زارۆیێن بێ سەمیان ژ هەردو رەگەزان کرییە، دیسان ١٤٦ دوسەیێن ژنان ژی ژ ئالیێ وان ڤە هاتینە چارەسەرکرن.

شێرزاد حەمید، رێڤەبەرێ گشتی یێ چاڤدێری و گەشەپێدانا جڤاکی ل پارێزگەها دهۆکێ د کونگرەیەکێ رۆژنامەڤانی دا ئامارێن سالا ٢٠٢٠ بەلاڤکرن و دیار کر، وان چاڤدێریا ١٣٣ زارۆیێن بێ سەمیان ژ هەردو رەگەزان و ٢٤ کەسێن د مالا دانعەمرا دا کرییە.

گۆت ژی: وان سەرەدانا نێزیکی هزار خێزانا کرییە دوور ژ راگەهاندنێ، هەڤدەم وان سەرپەرشتیا ١٣٣ زارۆیێن بێ سەمیان ژ هەردو رەگەزان کرییە، نوکە ٢٤ کەس د مالا دانعەمردا د ژین.

دیسان گوت ژی، حکومەتا هەرێما کوردستانێ دو جورێن هاریکاریان ل سەر وەلاتیان دا دابەشکرینە، ئێک ژ وان پارە بوویه و پەری چار ملیار دیناران بووینە و دو ئاهێن خوارنێ بووینە کو هژمارا وان ١٦٥ هزار و ٩٥٠ سەلکێن ئەرزاقی بووینە، وان ل سەر خێزانێن هەژار دا بەلاڤکرینە.

 


ئه‌ڤرۆ نیوز ، زنار تۆڤى:


ئه‌ندازیارێ سه‌رپه‌رشتێ پرۆژێ ئه‌نده‌رباسا نێزیك ته‌له‌ڤزیۆنا دهۆكێ بۆ ئه‌ڤرۆ نیوز دیار كر: ئه‌و ئه‌نده‌رپاسه‌ هزار و 330 مه‌تران یا دریّژه‌ و نوكه‌ هه‌ر دو ئالیێن ویچ ئه‌نده‌رپاسێ هاتینه‌ ڤه‌كرن و دوهى ژى سێ پرێن هاتنوچوونێ ل گه‌ل سێ پرێن په‌یاده‌ ل وێ ئه‌نده‌رپاسێ هاتینه‌ سه‌به‌كرن.
كاروان سالحى گۆت ژى: پشتى ڤێ قووناغێ دێ ئه‌و پرۆژه‌ هێته‌ قێركرن و كٍێلبستون و كه‌سكاتى دێ لێ هێته‌ دانان، دهێته‌ پێشبینی كرن ژى، كو به‌رى نه‌ورۆزێ ئه‌و پرۆژه‌ بكه‌ڤیته‌ د خزمه‌تا خه‌لكێ باژێرێ دهۆكێ دا.
پرۆژێ ئه‌نده‌رپاسێن جادا بارزان ژ پێنج قووناغان پێك دهێت و هه‌تا نوكه‌ سێ ژ وان ئه‌نده‌رپاسان ب ته‌مامى كه‌فتینه‌ د خزمه‌تا وه‌لاتیان دا و ئه‌ڤ پرۆژه‌ ژى ل نێزیك دێ كه‌ڤیته‌ د خزمه‌تا وه‌لاتیان دا، كوژمێ گشتى یێ ئه‌نده‌رپاسیچن جادا بارزان 74 ملیار دینارێن عێراقینە.

ئەڤرۆ نیوز:

ئەڤرۆ سەرۆک مەسعود بارزانی پێشوازی ل هژمارەکا نوونەر و کونسولێن وەلاتێن عەرەبی ل هەولێرێ کر کو پێکهاتبوون ژ نەزمی حەزووری کونسولێ گشتی یێ فەلەستینێ، د. عومەر ئەلکیندری کونسولێ گشتی یێ وەلاتێ کوێت، ئەحمەد ئەلزاهری کونسولێ گشتی یێ ئیماراتێ، محەمەد وەجیە حیجازی کونسولێ گشتی یێ وەلاتێ مسر، عەبدولرەحیم حەسەنی برێڤەبەرێ کاروبارێن کونسولخانا ئوردن سەرەدانا بارەگایێ بارزانی کرن.

د روونشتنێ دا بەحسێ رەوشا دەڤەرێ و پێشهاتێن ل عیراقێ و هەرێما کوردستانێ هاتنە کرن و سەرۆک بارزانی د دیدارێ دا راگەهاند کو گەلێ کوردستانێ هەردەم بزاڤ کریە کو پەیوەندیێن دوستانە ل گەل هەموو گەلێن دەڤەرێ هەبیت و کوردستانێ هەردەم جهێ پێکڤەژیانێ بوویە.

ئەڤرۆ نیوز:

وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٥٨ کەسێن دی ل هەرێما کوردستانێ تووشی کۆرۆنایێ بووینە و نەخوشەک ژی مریە.

ل گۆر ئامارا وەزارەتا ساخلەمیێ ٩٦٥ نەخوشێن دی یێن کۆرۆنایێ ژی چارەسەر بووینە.

ل پارێزگەها دهۆکێ ژی ١٣ کەسێن دی تووشی کۆرۆنایێ بووینە و چو حالەتێن مرنێ نەهاتینە تۆمار کرن، هەروەسا ٣٤٧ نەخوشێن کۆرۆنایێ ژی چارەسەر بووینە.

ئەڤرۆ نیوز:

سەعید خەتیب زادە پەیڤدارێ وەزارەتا دەرڤە یا ئیرانێ راگەهاند کو وەلاتێ وی بەرهەڤە ل دۆر ئاریشا یەمەنێ و پرسێن دی ل گەل سعوودیێ دەست ب قۆناغەکا نوو بکەت.

ناڤهاتی راگەهاند کو نێرینا هندەک ژ بەرپرسێن سعوودیێ ل دۆر ئیرانێ راست نینە و ئیران بەرهەڤە هەموو پرسێن هەی ل گەل سعوودیێ ب رێیا دانوستاندنان چارەسەر بکەت.

10

 

ئەڤرۆ نیوز:

پنتاگۆنێ د بەیاننامەکێ دا دیار کرییە، لۆید ئۆستن وەزیرێ بەرگرییا ئەمریكا ل گەل یەنس ستۆلتنبێرگ ئەمیندارێ گشتی یێ قولپا ناتۆ ل سەر رەوشا عیراقێ و ئەفغانستانێ هه‌ڤپه‌یڤینه‌ك ئه‌نجامدایه‌.

هەروەسا راگەهاندییه‌: لوید ئۆستن و یه‌نس ستۆلتنبێرگ بەحسێ رەوشا نۆكە یا ئیراقێ و ئەفغانستانێ كرییە و هه‌ردویان دیار كرییه‌، پێدڤییە هێزێن ئه‌مریكا ل وان هەردو وەلاتان بمینن ژ بۆ بەرسینگ گرتنا هەر پێشهاتەكا نوو روو بده‌ت.
د هه‌مان ده‌مدا، ل شه‌ڤا بورى سەرۆكێ ئەمریكا جۆ بایدنى راگەهاندبوو، ئه‌مریكا دێ پێداچوونێ د رێككەفتنا خوه‌ دا ل گەل ته‌ڤگه‌را تالیبان دا كەت.

website security
WP Facebook Auto Publish Powered By : XYZScripts.com