NO IORG
Facebook

ئه‌ڤرۆ نيوز:

خسرۆ گۆران به‌رپرسێ ده‌زگه‌هێ هه‌لبژارتنێ پارتى ب فه‌رمى ناڤێ كانديدێن پارتى بۆ هه‌لبژارتنێن بهێت يێن په‌رله‌مانێ عيراقێ ئاشكراكرن

ناڤێ کانديدان:

دهۆک:

خەلیل غازی دۆسکی

فەهمی سەلمان بەرواری

خالید سەلیم

ئەڤین سەلیم

 

زاخۆ:

عەبدوڵا ڕەشید

سەگڤان محەمەد

سۆزان عەلی

 

ئاکرێ:

خەسرەو گۆران

ڤیان سەبر

موفەق شەها

چیا تەیمور

 

هەولێر:

محەمەد سدیق خۆشناو

نەهرۆ محەمەد

سیپان عەزیز

جوان عەبدوڵا

ئامانج مەحمود

سامیە کەریمخان

یەحیا شێروان

خدر عەلی ساڵح

ڕێبوار هادی

لەیلا ئەکرەم

سەباح سوبحی حەیدەر

مەریوان قەرەنی نەقشبەندی

نەهلا قادر ئەفەندی

 

سلێمانی:

یادگار مەحمود نەسروڵا

شنۆ نوری عەبدوڵا ساڵح

 

هەڵەبجە

ئەشواق نەجمەدین جاف

 

ڕانیە

ناسکە عەبدوڵا

 

گەرمیان

غەزالە محەمەد ساڵح

شوان محەمەد مستەفا (یەدەگ)

 

کەرکوک:

شاخەوان عەبدوڵا

نەجوا حەمید محەمەد

حاكم ئه‌حمه‌د ئه‌نوه‌ر، سەرۆکێ دەستەیا دەستپاکیێ ل هەرێما کوردستانێ راگەهاند: ل سالا 2017 وه‌ره‌ کار ل سەر ستراتیژیه‌تا به‌رهنگاربوونا گه‌نده‌لیێ ده‌كه‌ن.

حاکم ئەحمەد ئەنوەر ئه‌و چه‌نده‌ ژی راگەهاند: دەسته‌یا وان دووبارە ستراتیژیەتا به‌رهنگابوونا گەندەلیێ راستڤه‌ دكه‌ت و ته‌ڤایا سێکتەران بخوڤه‌ دگریت، چاڤه‌رێ نه‌ ل کۆمبوونێن بهێت یێن جڤاتا وه‌زیران بهێته‌ په‌سندكرن.

سەرۆکێ دەستەیا دەستپاکیێ ل هەرێما کوردستانێ ئاماژه‌ ب وێ چه‌ندێ ژی دا و راگه‌هاند: ئەمریکا و جڤاكێ نێڤدەولەتی پشته‌ڤانیا به‌رهنگاربوونا گه‌نده‌لیێ ل هه‌رێما كوردستانێ و عیراقێ دكه‌ن.

ناڤبری ئه‌و چه‌نده‌ ژی دیاركر ب پەسندکرنا پرۆژەیی ستراتیژیەتا به‌رهنگاربوونا گەندەلیێ، بۆ ده‌مێ چوار سالان لگۆری ئەوێ ستراتیژیەتێ بزاڤا ژناڤبرنا گەندەلیێ كه‌ن.

دهۆك، زنار تۆڤی:

شێوه‌كارێ‌ گه‌نج عومه‌ر عه‌دنان، كو نوكه‌ قۆتابییه‌ ل قوناغا سێیێ‌ ل پشكا په‌روه‌رده‌ و هونه‌ری ل زانكۆیا جیهان ل دهۆكێ‌، د دیداره‌كێ‌ دا بۆ رۆژناما ئه‌ڤرۆ دیاركر كو ل هه‌یڤا شه‌ش یا ئه‌ڤ ساله‌ ئه‌و دێ‌ پشكداریێ‌ د فیسته‌ڤاله‌كێ‌ دا كه‌ت ل وه‌لاتێ‌ مه‌غرب، كو هه‌موو وه‌لاتێن عه‌ره‌بی دێ‌ پشكداریێ‌ تێدا كه‌ن، و ل سه‌ر ئاستێ‌ كوردستانێ‌ و عیراقێ‌ ، ئه‌ز وه‌كو شێوه‌كاره‌كێ‌ كورد و ب ناڤێ‌ كوردستانێ‌ و ب ره‌نگه‌كێ‌ فه‌رمی دێ‌ پشكداربم، هه‌ر چه‌نده‌ وان دڤیا ئه‌ز ب ناڤێ‌ عیراقێ‌ پشكدار ببم، لێ‌ من وه‌سا قه‌بوول نه‌كر و ئه‌ز دێ‌ ب ناڤێ‌ كوردستانێ‌ و ب كه‌ڤاله‌كێ‌ پشكداریێ‌ تێدا كه‌م و نوكه‌ بزاڤ دهێنه‌ كرن، شێوه‌كاره‌كا دی ژی ژ دهۆكێ‌ پشكداریێ‌ تێدا بكه‌ت و ئه‌ڤ فیسته‌ڤاله‌ بۆ جارا ئێكێ‌ یه‌ ل وه‌لاتێ‌ مه‌غرب بهێته‌ ئه‌نجامدان.

ناڤهاتی گۆت: ل هه‌ر وه‌لاته‌كێ‌ عه‌ره‌بی دو شێوه‌كاران ماف هه‌یه‌ پشكداریێ‌ د وێ‌ فیسته‌ڤالێ‌ دا بكه‌ن، و هه‌ر ئێكێ‌ ماف هه‌یه‌ ب دو كه‌ڤالان پشكداریێ‌ تێدا بكه‌ت، هه‌روه‌سا ئه‌و فیسته‌ڤاله‌ دێ‌ فیسته‌ڤاله‌كا شێوه‌كاری و ئه‌ده‌بی و هونه‌ری بیت و دێ‌ وه‌كو كه‌رنه‌ڤاله‌كێ‌ بیت، دێ‌ دناڤبه‌را ( 7- 9 ) رۆژان یا به‌رده‌وام بیت، دیسان ئه‌ز دێ‌ وه‌كو ئه‌ندامێ‌ لژنا راگه‌هاندنێ‌ و لژنا ته‌كنیكی یا فیسته‌ڤالێ‌ ژی پشكدار بم، بابێ‌ من ژی ل پشكا ئه‌ده‌بی، وه‌كو به‌رپرسێ‌ لژنا ئه‌ده‌بی هاتییه‌ دانان و دێ‌ نیشاندانا جلكان و گۆڤه‌ند ژی تێدا هێنه‌ ئه‌نجامدان.

شرین ئه‌حمه‌ رێڤه‌به‌را گشتی یا به‌نكێن بسپوری ل وه‌زاره‌تا دارایی یا حكومه‌تا هه‌رێما كودرستانێ راگه‌هاند: رۆژا 13 نیسانا 2021 نفیساره‌ك مه‌ ئاراسته‌ی هه‌موو به‌نكان كریه‌، كو ره‌زامه‌ندیا وه‌زاره‌تا دارایی هاتیه‌ وه‌رگرتن، ده‌مێ لێخوشبوونا پێشینه‌یان ب رێژا 15% بۆ ماوه‌یێ سێ هه‌یڤێن دی هاتیه‌ درێژكرن، ژ ئێكێ نیسانێ تاكو سیهێ حوزه‌یرانا 2021 دێ به‌رده‌وام بیت.

شرین ئه‌حمه‌د ئه‌و چه‌نده‌ژی دیاركر بریار پێشینه‌یا ئاڤاهیان و ئاكنجیبوون و گه‌شتوگوزار و چاندنێ و پیشه‌سازێ بخوڤه‌ دگریت، چونكو ئه‌وان ژ ده‌ڤ مه‌ قه‌ر وه‌ر گرتینه‌.

ناڤبریێ ئه‌و چه‌نده‌ ژی دازانین، مه‌رجێ لێخوشبوونێ ئه‌وه‌ كو چه‌ند پاره‌ ده‌ڤ مایه‌ ڤه‌گه‌رینیت نه‌ك ب شێوه‌یێ قست بده‌ت، كو بریاره‌ ژ هه‌ر ملیۆنه‌كێ 150 هزار دینار بۆ وه‌لاتیان بهێنه‌ ڤه‌گه‌راندن.

14

ئه‌ڤرۆ:

ده‌زگه‌هێن راگه‌هاندنێ ل عیراقێ دوهی ئێكشه‌مبی به‌لاڤكر كو جه‌مال كه‌ربولی، سه‌رۆكێ حزبا (حه‌ل) و برایێ وی ل ده‌ڤه‌را یه‌رمووك ل به‌غدا هاته‌ ده‌سته‌سه‌ركرن.

پێزانینێن ده‌زگه‌هێن راگه‌هاندنێ ئاماژه‌ ب وێ چه‌ندێ كر كو جه‌مال كه‌ربولی و برایێ وی لوئه‌ی كه‌ربولی ژ لایێ هێزه‌كا به‌رهنگاریا گه‌نده‌لیێ، هاتینه‌ ده‌سته‌سه‌ركرن.

پێشتر ل هه‌یڤا ته‌باخا 2020 دادگه‌ها ره‌سافه‌ ل به‌غدا، ژ ئه‌گه‌رێ به‌خشكرنا به‌رنامه‌كێ ستران و سه‌مایێ ل شه‌ڤا عاشورایێ ل كه‌نالێ دیجله‌، فه‌رمانا ده‌سته‌سه‌ركرنێ بۆ جه‌مال كه‌ربولی، خودانێ وی كه‌نالی ده‌ركربوو.

كه‌نالێ دیجله‌ ب سڤكاتیكرنێ ب هه‌ستێ شیعان، كو ل شه‌ڤا عاشورایێ ستران و سه‌ما به‌لاڤكربوون، هاته‌ تۆمه‌تباركرن و ژ ئه‌گه‌رێ به‌خشكرنا سترانان، ئه‌و كه‌نال ژ لایێ توندره‌وێن شیعی ڤه‌ ل به‌غدا هاتبوو سوتن.

ئه‌ڤرۆ نیوز:

ئەڤرۆ رۆژا دووشەمبی رێکەفتی ٢٠٢١/٤/١٩ د.عەلی تەتەر پارێزگارێ دهۆکێ دگەل رێڤەبەرێن گشتی ل سنۆرێ پارێزگەها دهۆکێ کۆمبوو و دکۆمبوونێدا دانوستاندن و هەلسەنگاندن بۆ رەوشا ساخلەمیێ و رێنمایێن خۆپارێزیێ ژڤایرۆسێ کۆرونایێ هاتەکرن، پارێزگارێ دهۆکێ دۆپاتی ل سه‌ر بحهکرنا رێنمایان ل هەمی دامودەزگەهێن حکۆمەتێ کر.

هه‌ر د ئه‌وێ كومبوونێ دا پارێزگارێ دهۆكێ دانوستاندن ل سه‌ر چەوانیا شۆرکرنا دەستهەلاتان بۆ فەرمانگەهێن حکۆمەتێ کر و راوێژ و پێشنیار دڤی بیاڤیدا هاتنە وەرگرتن و هەر دکۆمبوونێدا ل دۆر پتر رێکخستنا داهاتێ حکۆمەتێ و چەوانیا خەرجکرنێ و زێدەکرنا داهاتی هاتە بەحسکرن.

پارێزگارێ دهۆکێ ئه‌و چه‌نده‌ ژی راگەهاند پێدڤیە هەمی هەولا بدەین بو نەهێلانا بەربەست و رێگریان دناڤبەرا حکۆمەت و هاولاتیاندا و بەرهنگاربوونا هەمی جۆرە گەندەلی و زێدەگاڤیەکێ ل دویڤ یاسا و کارناما حکۆمەتا هەرێما کوردستانێ و ئەنجامدانا چاکسازیەکا هەمەلایەن کو گەلەک بنەمایێن خۆ هەنە ژ پێگیریا تمام و رێکوپێک ب دەوامێ، نەهێلا روتینێ بەرفرەهکرنا شەفافیەتێ و گۆهورینێن بەردەوام ل دویڤ پێدڤیاتیێ.

ل دوماهیا کۆمبوونێ پارێزگارێ دهۆکێ راگەهاند: هیڤیدارین پێگیریەکا تمام ب رێنما و راسپاردێن حکۆمەتا هەرێما کوردستانێ و دهەمی دامو دەزگەهـ و فەرمانگەهـ و رێڤەبەریاندا بهێتەکرن.

ئه‌ڤرۆ نيوز:
ئێڤاریا رۆژا ئێک شەمبی رێکەفتی ٢٠٢١/٤/١٨ ”د.عەلی تەتەر” پارێزگارێ دهۆکێ پێشوازیی ل شاندەکێ هەڤپشکێ بالیوزخانە و کونسلخانا شاهنشینا بریتانیا ل هەرێما کوردستانێ و عیراقێ ب سەرۆکاتیا خانم “میلانی سمارت”جێگرا کونسلێ گشتی ل هەرێما کوردستانێ کر. درۆنشنێدا ل دۆر رەوشا بەلاڤبوونا ڤایرۆسی و دوماهی پێشهاتێن دەڤەرێ و پرۆسا ئاڤەدانکرنێ ل پارێزگەها دهۆکێ دانوستاندن هاتەکرن، پاشان ب تێر و تەسەلی باس ل بەرنامێ داهاتی یێ کۆنسلخانە و بالیۆزخانا بریتانیا دبیاڤێ مافێ مرۆڤی و مافێ ئافرەتی و پێشڤەچوونێن دڤان واران دا هاتەکرن و پارێزگارێ دهۆکێ خۆشحالیا خۆ بڤێ سەرەدانێدا دەربری و دادیارکرن کو ئەو پالپشت و هەماهەنگن بو هەر بەرنامە و پلانەکا شاندێ مێهڤان ل هەرێما کوردستانێ و پارێزگەها دهۆکێ دێ ئەنجام دەت.

تايبه‌ت، نه‌ورزاد هلورى

برياره‌ ده‌مژمێر 11 جڤاتا پارێزگه‌ها دهۆك ده‌نگى ل سه‌ر گوهۆرينا چه‌ند به‌ربژێران بۆ پۆستێن قايمقام و ناحيێن سنورێ پارێزگه‌ها دهۆك بكه‌ت كو ل دووڤ پێزانينێن ئه‌ڤرۆ نيوز:

1- ئيدريس محمد دێ بيته‌ رێڤه‌به‌رێ ناحيا زاويته‌

2- رزگار عبيد دێ بيته‌ رێڤه‌به‌رێ ناحيا شێلادزێ

3- بريندار حيدر دێ بيته‌ رێڤه‌به‌رێ ناحيا مانگێشك

4- وارشين سلێمان دێ بيته‌ قايمقامێ ئامێديێ

5- مشير محمد دێ بيته‌ قايمقامێ زاخۆ

5- منهل موفق دێ بيته‌ رێڤه‌به‌رێ ناحيا بجێل

25

ئه‌ڤرۆ، رێوار محه‌مه‌د ره‌شید:

سترانبێژا كورد (رێزان كازۆ) كو خه‌لكا باكوورێ‌ كوردستانێ‌ یه‌ و نوكه‌ ل باژێرێ‌ ئیسته‌نبۆلێ‌ یێ‌ وه‌لاتێ‌ توركیا دژیت نووترین ده‌نگوباسێن خوه‌ یێن هونه‌ری بۆ به‌رپه‌رێ‌ هونه‌ری یێ‌ رۆژناما ئه‌ڤرۆ دیاركرن و گۆت: “نووترین كلیپا من كو سترانه‌كا داواتانه‌ و ژ سێ‌ پارچان پێك دهێت كو هه‌ر سێ‌ پارچه‌ گه‌له‌ری نه‌ ئه‌ڤرۆ رۆژا 4/4/2021 ل ده‌مژمێر 9:00 شه‌ڤ ل سه‌ر په‌یجێ‌ من یێ‌ تایبه‌ت ل یوتیوبی هێته‌ به‌لاڤكرن كو ئه‌ڤ سترانه‌ من ل ستودیۆیا DNZ  ل باژێرێ‌ ئیسته‌نبۆلێ‌ تۆماركریه‌ كو (ردڤان نار) ب كارێ‌ به‌لاڤكرنا مۆزیكێ‌ رابوویه‌، هه‌روه‌سا  (نالنمه‌دا باراش) ب كارێ‌ ده‌رهێنانێ‌ و (بایرام داشلاك) ژی ب كارێ‌ وێنه‌گرتنا ڤێ‌ كلیپێ‌ رابووینه‌ كو ئه‌ڤ كلیپه‌ من ل باژێرێ‌ ئیسته‌نبۆلێ‌ وێنه‌كریه‌”.

ناڤهاتیێ‌ ئاماژه‌ دا وێ‌ چه‌ندێ‌ كو پشتی ئه‌ڤ كلیپه‌ دهێته‌ به‌لاڤكرن و به‌رهه‌ڤی بۆ ئه‌نجامدانا چه‌ندین كارێن نوو یێن هونه‌ری كرینه‌، به‌لێ‌ حه‌ز ناكه‌ت ئه‌لبۆمان چێكه‌ت، ژ به‌ر كو ب دیتنا وێ‌ ئه‌لبۆمان چو بهایێ‌ خوه‌ نه‌مایه‌ و هه‌ر سترانه‌كا نوو یا ئه‌ز تۆمار دكه‌م دێ‌ كلیپ كه‌م و پێشكێشی حه‌زژێكه‌رێن ده‌نگێ‌ خوه‌ كه‌م.

15

ئه‌ڤرۆ، ره‌مه‌زان هه‌رنی:

هونه‌رمه‌ندێ‌ شانۆڤان هامنۆ شه‌ریف، د دیداره‌كێ‌ دا بۆ رۆژناما ئه‌ڤرۆ گۆت: شانۆ ب خوه‌ په‌یامه‌ گه‌هاندنا راستیانه‌ ب بینه‌ران، راسته‌ هه‌تا نوكه‌ وه‌ك پێدڤی شانۆ ل كوردستانێ‌ ناهێته‌ نیشاندان ئه‌ڤه‌ ژی دزڤریت بۆ ده‌زگه‌هێن په‌یوه‌ندیدار و حوكمه‌تێ‌ كو كێم خه‌م بووینه‌ به‌رامبه‌ر شانۆیێ‌ ل كوردستانێ‌، هونه‌ر هاتیه‌ ژبیركرن ب تایبه‌ت شانۆ ل گه‌ل وێ‌ چه‌ندێ‌ كو ده‌رچوویێ‌ په‌یمانگه‌ها كومپیوته‌ری مه‌، به‌لێ‌ من به‌رده‌وام كار د ناڤ بوارێ‌ هونه‌ری دا كریه‌، ل گه‌ل ڤێ‌ هه‌موو بێ‌ پشته‌ڤانیا ل كوردستانێ‌ هه‌ی بۆ بوارێ‌ هونه‌ری شانوڤانێن كوردستانێ‌ رانه‌وه‌ستیاینه‌ ل پرانیا باژێر و باژاروكێن كوردستانێ‌ شانۆ هاتینه‌ نیشاندان”.

ناڤهاتی گۆت: “هه‌تا نوكه‌ من پشكداری د هژماره‌كا شانۆگه‌ریان دا كریه‌ و رۆل تێدا دیتیه‌، هنده‌ك جاران ژی وه‌ك بجهكار و رێڤه‌به‌رێ‌ شانۆیێ‌ و كارێ‌ مۆزیكێ‌ من كار كریه‌، شانویا كوردی نوكه‌ د قووناغه‌كا باش دایه‌ و پێشڤه‌چوونه‌كا باش ب خوه‌ ڤه‌ دیتیه‌، ژ به‌ر  كو ده‌رهێنه‌ر و شانۆڤانێن باش هه‌نه‌، به‌لێ‌ مخابن ل كوردستانێ‌ رێڤه‌به‌رێ‌ به‌رهه‌مه‌كێ‌ شانۆیێ‌ ب خوه‌ ب دووڤ سپونسه‌را بگه‌ریێت داخوازا هاریكاریێ‌ بكه‌ت، ژ بلی سترانبێژێن مللی چو هونه‌رمه‌نده‌كێ‌ دی ل كوردستانێ‌ ب داهاتێ‌ هونه‌ری ناژیت”.

ل دووماهیێ‌ هامنۆی گۆت: “رێژا هونه‌رمه‌ندان د ومی ئاستی دا نینه‌ كو به‌حس لێ‌ دهێته‌ كرن، ئه‌گه‌ر رێژه‌كا مه‌زن یا هونه‌رمه‌ندان هه‌بیت كا كارێن وان، ئه‌و كارێن دهێن ئه‌نجامدان ژماره‌كا كێمن ل ئاستێ‌ هونه‌رێ‌ بلند كاردكه‌ن هژمارا هونه‌رمه‌ندان پیڤه‌ر نینه‌، به‌لكو بۆ هونه‌ری ئاست و كار و ره‌وشه‌نبیریا هونه‌رمه‌ندان پیڤه‌ره‌”.

website security
WP Facebook Auto Publish Powered By : XYZScripts.com