NO IORG
Facebook

ئه‌ڤرۆنيوز:

نوشداره‌كا نه‌خوه‌شيێن ده‌روونى يا زارۆ و سنێلان دیار كر كو نه‌ ئاراميا ده‌روونى گرۆپه‌كا نه‌خوه‌شیێن ده‌روونیه‌، ئه‌و گڤاشتنێن ده‌روونى یێن په‌یدا دكه‌ت، دبیته‌ ئه‌گه‌ر بۆ ئالوزیا ژیانا ئاسایى یا رۆژانه‌،

هیڤى عه‌به‌ید محه‌مه‌د، نوشدارا نه‌خوه‌شيێن ده‌روونى يا زارۆ و سنێلان سه‌باره‌ت نه‌خوه‌شیا نه‌ئارامیا ده‌روونى و جۆرێن وێ بۆ نوش نيوز گوت: نه‌ ئارامى په‌یڤه‌كا گشتگیره‌، ئه‌و ژى گه‌له‌ك جۆران ب خوه‌ڤه‌ دگریت:

  1. نه‌خوه‌شیا ترسێ ، پانێك( Panic attack):

دڤى جوره‌ نه‌ ئارامیێ دا نه‌خوه‌ش هه‌ست ب ترسه‌كا زێده‌ مه‌زن دكه‌ت ژنیشكه‌كێڤه‌، ده‌مێ نه‌خوش هه‌ست ب وێ ترسێ دكه‌ت خوهدان ل ده‌ف وى په‌یدا بیت، سینگێ وى ئێشیت و لێدانێ دلى زێده‌ دكه‌ت و وه‌سا هه‌ست دكه‌ت كو هنده‌ خه‌ندقى یان ژى یێ تووشى نه‌خوشیا دلى بووى.

  1. نه‌ئارامیا جڤاكى (Social anxiety disorder):

دبێژنه‌ ڤێ نه‌خوشیێ ترسا جڤاكى، ئه‌و ژى ده‌مێ نه‌خوش هه‌ست ب نه‌ئارامیه‌كا زێده‌ دكه‌ت ده‌رباره‌ى ره‌وشێن جڤاكى رۆژانه‌، نه‌خوش هه‌مى هزرا خوه‌ ددانیته‌ سه‌ر هندێ كا چ هزر هه‌نه‌ ده‌رباره‌ى وى یان ژى بهێته‌ شه‌رمزاركرن.

  1. ترس بۆ تشته‌كێ ده‌ستنیشانكرى( phobia Specific):

نه‌خوش هه‌ست ب ترسه‌كا زێده‌ دكه‌ت ژ تشته‌ك یان ره‌وشه‌كا ده‌ستنیشانكرى، وه‌كى بلندى، فڕین. ئه‌و ترسه‌ زێده‌تره‌ ژ یا نورمال وه‌ دكه‌ت و نه‌ساخ خوه‌ ژ وان ره‌وشا و تشتا بده‌ته‌ پاش.

  1. نه‌ ئارامیا گشتى(Generalized anxiety disorder):

نه‌خوش هه‌ست ب نه‌ئارامیێ دكه‌ت و نه‌ئارامیه‌كا زێده‌ و نه‌یا نورمال دكه‌ت بیێ كو چ ئه‌گه‌ر هه‌بن.

 سه‌باره‌ت نیشانێن ڤێ نه‌خوشیێ د. هیڤی گوت: (ترس، ئاریشێن نڤستنێ، نه‌شێت ب ئارامى بنڤیت، هه‌ست ب سه‌رمایێ و خوهدانێ دكه‌ت تایێت سار و گه‌رم، یان ژى گه‌زینا ده‌ست و پێیا، بێهن ته‌نگى، لێدانێن دلى زێده‌ دبن، هشكبوونا ده‌ڤى، عێلنجى، ئێشانا ماسولكا، گێژبوون).

گوت ژى: ل دووف وان ڤه‌كولینێن هاتینه‌ كرن چ ئه‌گه‌رێن ده‌ست نیشانكرى نینن بۆ توشوون ب نه‌خوشیا نه‌ئارامیێ، هه‌ر وه‌كى نه‌خوشێین دى یێن مێشكى گه‌له‌ك تشت كارتێكرنێ دكه‌ن. ژوانا ژى: گوهرینێن سه‌ر مێشكى دهێنه‌ كرن، هه‌روه‌سا گڤاشتنێن ژینگه‌هى هه‌تا كو ژلایێ بنه‌مالێ قنێت (جیناتێن) وى كه‌سى.گوت ژى: نه‌خوشیێن نه‌ ئارامیێ گه‌له‌ك جارا دناڤ خێزانێ داد هێنه‌ دیتن، هه‌روه‌سا دهێنه‌ گرێدان ب بازنه‌یا مێشكى یا كونترولا ترسێ و هه‌ستێن دیتر دكه‌ت.

نوشدارا دێرین نه‌خوشێت ده‌روونى زارۆ و سنێلا گوت ژى: ده‌ستنیشانكرنا نه‌خوشیێ هه‌ر كه‌سێ ئه‌و نیشانێن سه‌رى ئاماژه‌ پێداین هه‌بن، دێ هێته‌ پشكنین كرن ژلایێ نوشدارى تایبه‌تمه‌ندڤه‌، گه‌له‌ك جاران هنده‌ك تشت دهێنه‌ كرن بۆ ئێكلاكرنا نه‌بوونا نه‌خوشیێن دیتر یێن له‌شى كو هه‌مان نیشانا په‌یدا دكه‌ن.چ تشتێن تایبه‌ت نین بۆ ده‌ستنیشانكرنا نه‌خوشییا نه‌ ئارامیێ.نوشدارێ تایبه‌تمه‌ندێ ده‌روونى برێیا هنده‌ك پرسیار و رێین تایبه‌ت دێ هه‌ول ده‌ت بزانیت كا چ جورێن نه‌خوشیا نه‌ئارامییا ده‌روونى هه‌نه‌.

گوت ژى: ئێك ژ لایه‌نێن گرنگ بۆ ده‌ستنیشانكرنا نه‌خوشیێ ئه‌وه‌ كا كه‌نگى و هه‌تا چ رێژه‌ نیشانێن نه‌خوشیێ هێزن ل ده‌ف نه‌خوشى، هه‌روه‌سا كا ئه‌ڤ نیشانه‌ دبنه‌ ئه‌گه‌ر بۆ تێكچوونا بارێ ئاسایێ رۆژانه‌ یێ نه‌خوشیێ.

سه‌باره‌ت چاره‌سه‌ریێ گوت: دوو جورێن چاره‌سه‌ریێ هه‌نه‌ و چێ دبیت ئێك ژ وانا یان ژى هه‌ردوو پێكڤه‌ بهێنه‌ بكار ئینان، چاره‌سه‌ریا ئێكێ،ده‌رمان: هنده‌ك ده‌رمانێت تایبه‌ت دهێنه‌ بكارئینان ژوانا، ده‌رمانێت دژى خه‌موكیێ(antidepressant)ده‌رمانێت تایبه‌ت یێن ته‌پ(صرع)(Anticonvulsant)و هنده‌ك جار ده‌رمانێن دژى نه‌ ئارامیێ (Anxiolytic) دهێنه‌ بكارئینان، بۆ ده‌مه‌كێ دیاركرى و بتایبه‌تى بۆ جورێ پانێك و نه‌ئارامییا گشتى.

 دو:چاره‌سه‌ریا ده‌روونى، ئه‌ڤ جورێ چاره‌سه‌ریێ نه‌خوشى ب رێین رینشتن دگه‌ل چاره‌سه‌رێ ده‌روونى بۆ ڤه‌دیتنا سه‌ره‌ده‌ریا هه‌ستان دگه‌ل نه‌خوشیێن مێشكى.چاره‌سه‌ریا ده‌روونى دێ هاریكاریا نه‌خوشى كه‌ت دا كو دهه‌ستێن خوه‌ بگه‌هیت و هه‌روه‌سا چه‌وا سه‌ره‌ده‌ریێ دگه‌ل وان هه‌ستان بكه‌ت.

 سه‌ره‌ده‌ریا دگه‌ل نیشانا، هنده‌ك رێین هه‌ین بۆ هاریكاریا نه‌خوشى بۆ كونترولكرنا یان ژى كێمركنا نیشانا، ژوانا:

  1. نه‌خارن و ڤه‌خارنێن ماددێ كافائین تێدا هه‌بن، وه‌كى: قه‌هوه‌، چا، كولا، ڤه‌خارنێن هێزێ، شكولاتایى..
  2. خارنه‌كا برێكوپێك و دروست، راهێنانێن وه‌رزشى،و نڤستنه‌كا ساخله‌م و باش.
  3. ئاریشێن نڤستنێ و نه‌خوشیێن نه‌ئارامییا ده‌روونى هه‌رده‌م پێكڤه‌ گرێداینه‌، پێدڤیه‌ به‌رده‌وام بره‌نگه‌كێ رێك وپێك نڤستن و بێهنڤه‌دانه‌كا باش و دروست هه‌بیت.

ديمه‌نه‌ك ژ پاركا بارزانى ل دهۆكێ فۆتۆ: نيوار باشوورى

ئه‌ڤرۆنيوز:

ريڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ره‌وشا سه‌قايێ ئه‌ڤرۆ وسوباهى يێن پارێزگه‌هێن هه‌رێما كوردستانێ به‌لاڤكر.

رێڤه‌به‌ريا ناڤبرى ئاماژه‌ دا كو ره‌وشا سه‌قايێ ئه‌ڤرۆ ل پارێزگه‌ها دهۆكێ دێ ئه‌ور بيت وپلا گه‌رمێ ژى دێ 21 بيت.

ل دۆر ره‌وشا سه‌قايێ سوباهى شه‌مبيێ ل پاريزگه‌ها دهۆكێ، دياركر”سوباهى شه‌مبيێ 10/11/2018 دێ ئه‌ور ونيڤ هه‌تاڤ بيت وپلا گه‌رمێ ژى دێ 22 بيت”.

ئەڤرۆ نیوز:

ل‌ هندەک وەلاتێن جیهانێ هندەک جه هه‌نە كو ب تنێ ژن لێ د‌ژین و چو زەلام تێدا نینن‌.

ئۆمۆژا – كینیا:
گوندێ ئۆمۆژا ل‌ كینیا ل سالا 1990 ژ لایێ ژنەکێ ڤه‌ بناڤێ رێبێكا هاتیە ئاڤاکرن‌، ب تنێ ژن ل ڤی گوندی دژین و چو زەلام لێ نینن.

سه‌ماحه‌ – مسر:
گوندێ سه‌ماحه‌ ل مسرێ ل سالا 1998 هاتیە ئاڤاکرن‌ و ب سه‌دان بیژن ل وی گوندیدا د‌ژین و چو زەلام ل گەل نینن‌، ئەڤ گونده‌ ژ لایێ‌ وه‌زاره‌تا چاندنا مسرێ هاتیە دانان و ئەردێ چاندێ یێ دایە وان ژنێن ل وی گوندی ‌دا دژین بۆ هندێ کو خوە ب کارێ جۆتیاریێ ڤە مژۆل‌ بكه‌ن.

نۆیڤا – بەرازیل:
هەموو خەکێ گوندێ نۆیڤا ل بەرازیل هه‌موو ژنن‌ و چو زەلام لێ نیین، د وی گوندی دا نێزیکی 600 كچ و ژنان کو ژیێ وان ژ 25 بۆ 40 سالیێ دایه‌، ئەو ژی کارێ جۆتکاریێ و بخودانکرنا تەرشوکەوالی دکە

ئه‌ڤرۆ نیوز، نه‌وزاد هلۆرى:

ئه‌ڤرۆ به‌رى نیڤرو قه‌واره‌یێ هه‌ڤپه‌یمانى بۆ دیموكراسى و دادپه‌روه‌رى كومبوونا گشتى ئه‌نجام دا و تێدا ب كوما ده‌نگان بریارهاته‌دان كو هه‌ڤپه‌یمانى به‌رده‌وام بیت و ناڤێ خوه‌ گوهرى و په‌یره‌وه‌ێ نافخوه‌یێ خوه‌ ژى هه‌مواركر.

ب گوره‌ى ئه‌وان زانیاریێن كو دناڤا كومبوونێ دا ده‌ست ئه‌ڤرۆ نیوز كه‌فتى، ئه‌ڤرۆ به‌رى نیڤرو كومبوونا گشتى یا قه‌وارێ هه‌ڤپه‌یمانى بو دیموكراسى و دادپه‌روه‌رى هاته‌ ئه‌نجامدان و هه‌تا نوكه‌ ژى یا به‌رده‌وامه‌، دوێ كومبوونێ دا بریارهاته‌دان كو هه‌ڤپه‌یمانى بناڤێ (هه‌ڤپه‌یمانیا نیشتمانى) به‌رده‌وامیێ ب كار و سیاسه‌تا خوه‌ بده‌ت، هڤده‌م دكومبوونێ دا هه‌موار لسه‌ر په‌یره‌وێ نافخوه‌یێ وێ قه‌واره‌یێ ژى هاته‌كرن.

محه‌مه‌د ره‌ئوف ئێك ژ ئه‌نجامێن ده‌سته‌یا دامه‌زراندنا هه‌ڤپه‌یمانیێ د كومبوونێ دا گوتاره‌ پێشكێشكر و دیاركر كو هه‌ڤپه‌یمانى دێ وه‌كو حزب به‌رده‌وام بیت و گۆت: (هه‌ڤپه‌یمانى بریاردایه‌ كو ناڤێ خوه‌ بگوهریت و گورانكاریان ژى د په‌یره‌وێ نافخوه‌ دا بكه‌ت و هه‌موار بكه‌ت، هه‌ڤپه‌یمانیێ دێ سێ ئه‌نجومه‌ن هه‌بن كو ئه‌و ژى ئه‌نجومه‌نا سیاسى، بجهكرن و نونه‌رایه‌).

پشتى كو به‌رهه‌م سالح وه‌كو سه‌روكێ قه‌واره‌یێ هه‌ڤپه‌یمانى بو دیموكراسى و دادپه‌روه‌رى نه‌مایى و گه‌هشتیه‌ ئێكه‌تیا نیشتمانیا كوردستانێ و بویه‌ سه‌روك كومارێ عیراقێ وه‌سا دهاته‌ چاڤه‌رێكرن كو هه‌ڤپه‌یمانى بهێته‌ هه‌لوه‌شاندن ب تایبه‌تى پتشى ك بایكوتا هه‌لبژارتنێن په‌رله‌مانێ كوردستانێ كرى، ئه‌ڤرۆ د كومبوونا گشتى یا وێ قه‌وارێ دا بریارهاته‌دان كو لسه‌ر كار و سیاسه‌ت و چالاكیێن خوه‌ به‌رده‌وام بیت.

ئەڤرۆنیوز،ڕەزوان ڕۆژبەیانی

ئاوازدانەرێ کورد هەلکەوت زاهیر بۆ ئەڤرۆنیوز راگه‌هاند،  دوهى پێنج شه‌مبى کارێ من  یێ نوو کو کلیپە سترانه‌‌  ل سەر زانایێ مەزن یێ ئاینی سەعید نورسی  من به‌لاڤكر.

 گوت ژی   ئەڤ سترانە ب زمانێ عەرەبی يه‌  ل سەر زانایێ مەزنێ کورد سەعید نورسی ژلایێ هونەرمەند میرا  ڤه‌ هاتیە گۆتن

دياركر كو  ستران ژپەیڤێن خۆشناو تیلۆ یە و ئاوازا وێ ژلایێ من ب خوه‌ڤه‌ هاتیە دانان و کارێ ديرۆكى و ئاینیە ل سەر رۆل وخەباتا زانایێ کورد یێ ئاینی سەعید نورسی.

ئەڤرۆ نیوز ، زنار تۆڤی:

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: د روودانەکا ترافیکێ دا کەسەکێ گیانێ خوە ژ دەستدا.

ناڤهاتی زێدەتر دیارکر: ل شەڤا بوری ل سەر جادا سه‌ره‌كی یا دناڤبه‌را كومه‌لگه‌ها چره‌ بۆ شێخان و ل نێزیك گوندێ زیناڤا روودانه‌ك روودایه‌ ژ جورێ لێدان، کو ترومبێله‌كا تایبه‌ت ژ جۆرێ ئۆدی ل ژنەکێ دایه‌ و د ئه‌نجامدا‌ وێ ژنێ گیانێ خۆ ژ ده‌ست دایە.

ئه‌ڤرۆنيوز:

ژێده‌ره‌كێ ئه‌منى ئه‌ڤرۆ پێنجشه‌مبى 8/11/2018 راگه‌هاند، ئه‌ندامه‌كێ خۆلا بۆرى يا په‌رله‌مانێ عيراقێ ب تۆمه‌تا تيرۆرێ يێ هاتيه‌ ده‌سته‌سه‌ركرن.

وى ژێده‌رى بۆ مالپه‌رێ(بغداد اليوم) گۆت” هێزێن ئه‌منى په‌رله‌مانتارێ خۆلا بۆرى يا په‌رله‌مانێ عيراقێ ژ پارێزگه‌ها سه‌لاحه‌دين (زيا محێ خه‌له‌ف عه‌بدوللا ئه‌لدورى) ده‌سته‌سه‌ركر”.

دياركر ژى” زيا ئه‌لدۆرى ب تۆمه‌ته‌كا گرێداى ب تيرۆرێ ڤه‌ يێ هاتيه‌ ده‌سته‌سه‌ركرن”.

ئه‌ڤرۆنيوز:

پشتى مراربوونا مليۆنان ماسيان ل باشوور وناڤه‌راستا عيراقێ ژئه‌گه‌رێ ژه‌هراوى بوونێ، حوكمه‌تا هه‌رێما كوردستانێ ب فه‌رمى بريارا  قه‌ده‌غه‌كرنا كرينا ماسيان ژ باشوور وناڤه‌راستا عيراقێ ده‌ركر، هه‌موو بازرگان ژى ئاگه‌هداركرن كو ماسيێن وان ده‌ڤه‌ران بۆ هه‌رێمێ نه‌ئينن.

جڤاتا وه‌زيرێن هه‌رێمێ ووه‌زاره‌تا چاندنێ وژێده‌رێن ئاڤێ ورێڤه‌به‌ريێن ڤێتێرنه‌ريان هاتينه‌ راسپاردن كو مامه‌لا بازرگانى وئينانا ماسيان ژ باشوور وناڤه‌راستا عيراقێ رابگرن ژبه‌ر ژه‌هراوى بوونێ.

ل دۆر چاوانيا پركرنا خواستا بازارێ ناڤخوه‌يى ل هه‌رێمێ بۆ ماسيان ورێگريكرنێ ل گرانبوونا بهايێ وان، سيروان سه‌عيد رێڤه‌به‌رێ سامانێ ماسى ل رێڤه‌به‌ريا گشتى يا سامانێن ئاژه‌لى وڤێتێرنه‌رى ل وه‌زاره‌تا چاندنێ وژێده‌رێن ئاڤێ راگه‌هاند، دێ رێ ده‌ين بۆ ئينانا ماسيێن زێده‌تر ژ ئيرانێ وتوركيا بۆ هه‌رێما كوردستانێ.

ئه‌ڤرۆنيوز:

رێڤەبەرێ گشتی یێ ساخلەمیا پارێزگەھا دھۆکێ دیارکر کو ئەڤرۆ ٨-١١-٢٠١٨ وەلاتیەکی ب ناڤێ (ھاشم سالح سادق) ھژمارەکا کەرەسته‌ و پێدڤیێن نوشداری و ساخلەمیێ بۆ دەزگەھێن ساخلەمیێ ل دھۆکێ دابينكرن.

نزار عسمەت، رێڤەبەرێ گشتی یێ ساخلەمیا پارێزگەھا دھۆکێ، ل دووڤ نوش نيوز، سۆپاسیا وى و وان کەسێن خێرخواز كر يێن ڤان ره‌نگه‌ هاريكاريان بۆ ساخله‌ميێ دابين دكه‌ن و پشتەڤانیا كه‌رتێ ساخله‌ميێ دكه‌ن و ھيڤى خواست نموونێن وەکو وان زێدە بن بۆ پشتەڤانى و ھاریکاریکرنا ساخلەمیا دھۆکێ و گۆت: “ئەڤ کەرەسته‌ و پێدڤیێن ساخلەمیێ دێ بۆ دەزگەھیێن ساخلەمیێ ھێنە رەوانەکرن دا کو وەلاتی مفایی ژێ وەربگرن دەمێ قەستا دەزگەھێن ساخلەمیێ دکەن ب تایبەتی ژی کەسێن خودان پێدڤیێن تایبەت و پەكکەفتی”.

وەلاتی ھاشم سالح سادق گۆت: “من وەکو ئەرکەکێ مرۆڤایەتی ب فەر دیت ھژمارەکا کەرەسته‌ و پێدڤیێن ساخلەمیێ ژ وەلاتێ ئەلمانیا بینم و پێشکێشی رێڤەبەریا گشتی یا ساخلەمیا پارێزگەھا دھۆکێ بکەم ئەڤە بۆ جارا ئێکێ يه‌ ڤی کاری د گەل ساخلەمیا دھۆکێ ئەنجام ددەين، به‌لێ دێ بەردەوام بين بۆ ئینانا کەرەسته‌ و پێدڤیێن ساخلەمیێ و نوشداری بۆ دھۆکێ”.

دياركر ژى کو ٩٥ کارتۆنیێن جلکان ژی د گەل خۆ یێن ئیناین دێ ل سەر ئاوارێن سنۆرێ پارێزگەھا دھۆکێ ھێنە بەلاڤکرن.

ئەڤرۆنیوز:
رێكخەرێ راسپاردێن نێڤدەولەتی ل حوكمەتا هەرێما كوردستانێ، دیندار زێباری راگەهاند،
پشتی هێرشێن تیرۆرستی یێن داعشێ ژبلی رەڤاندنا وەلاتیێن كوردێن ئێزدی، پەیرەوێن ئاینێن دی ژی ژ وی كارێ درندانە بێ بەهر نەبووینە وهژمارەكا زۆر ژێ هاتینە رەڤاندن ژوان ژی مەسیحی كو نیزیكی 200 هزار كەس ژێ ئاوارەی هەرێما كوردستانێ ببوون، هەروەسا هژمارەكا وەلاتیێن مەسیحی ژی ژلایێ داعشێ ڤە هاتبوونە رەڤاندن ب ڤی شێوەی: هژمارا وان رەڤاندیێن كو كەیسێن وان ژ 3/4/2017 تاكو 18/7/2017 هاتینە دیكیۆمێنتكرن 250 كەس بوون، ژوان 82 ژن و168 زەلام ژوێ هژمارێ ژی 174 كەس ب شێوازێن جۆراوجۆر، بەلێ هەتا نوكە 76 كەس نەهاتینە رزگاركرن كو هژمارەكا وان ژنن.
دیندار زێباری، ل دۆر رەڤاندیێن ئێزدی ژی گۆت” حوكمەتا هەرێما كوردستانێ دبزاڤێن بەردەوام دایە بۆ رزگاركرنا وان ئێزدیێن كو هەتا نوكە دبێ سەروشوینن”. دیاركر ژی” ئەوێن هاتینە رزگاركرن ژی هەمان مافێ ژنێن هەرێما كوردستانێ هەی ول دووڤ وان قانوونێن ل هەرێمێ دهێنە پەیرەوكرن دێ مافێن وان ژی دپاراستی بن وبزاڤێن جدی هاتینە كرن بۆ دوبارە ڤەگەراندنا ژنێن رزگاركری بۆ ناڤ جڤاكی ول دۆر ڤێ چەندێ سەنتەرێ راوێژكاریا خێزانی ل پاریزگەها دهۆكێ هاتیە دامەزراندن كو ژ چەندین خەلكێ بسپۆرێن قانوونی ودەروونی پێك دهێت.

website security
WP Facebook Auto Publish Powered By : XYZScripts.com