NO IORG
Facebook

 ئەڤرۆ نیوز ، زنار تۆڤی:

شێوەکارا کورد بەفرین رەشید بۆ ئەڤرۆ نیوز گۆت: کو وێ ب شەش تابلۆیان پشکداری د پێشانگەها تاما هونه‌ری دا کریە ل رۆژئاڤایێ باژێرێ له‌نده‌ن، ل گه‌له‌ریا زه ‌ستودیۆ، کو پێشا‌نگەهەکا هەڤبه‌ش ‌هاتبوو رێکخستن بۆ كۆمه‌کا هونه‌رمه‌ندێن شێوه‌كار ل جیهانێ.

ناڤهاتیێ گۆت ژی: ڤێ پێشانگەهێ حه‌فت شێوه‌كار، کو هه‌ر ئێک ژ پێشینه‌کا گەلەک جۆداتر ژ ئێک، هه‌ر ئێک ب‌ تامەکا جۆداتر ژ ئێک د ئێک جهدا كۆمكربوون‌، کو وێ ب شه‌ش تابلۆیان پشکداری تێدا کربوو، تابلۆیێن وێ زێدەتر فیگه‌ر و ئینتیباعی بوون، پتریا وان زەیت ل ‌سه‌ر كه‌نڤه‌س بوون، ب قه‌بارێن جۆدا. هەروەسا تابلۆیێن وێ تاما سروشتی پێڤه‌ دیار بوون، هه‌ر ژ‌ ره‌نگ و روویان ڤە، هەروەسا ئەڤ پێشانگەهە ئه‌زموونەکا تازه‌ بوو بۆ وێ، چ ژ روویێ ناساندنا هونه‌رێ وێ ب خەلکەکێ دیتر، دیسان ژ ئالیێ ناساندنا شێوه‌كارێن جۆدا ب شێواز و هونەرێ وێ.

70397833_504741913425773_1182111974956204032_n

ئەڤرۆ نیوز،عەلی حاجی :
ئەڤرۆ ئاگر بەر ب کارگەھەکا دارتاشیێ ل باژێرێ زاخۆ دکەڤیت و زیانەکا مەزن بەر ب وێ کارگەھێ دکەڤیت.
رائید بێوار عەبدولعەزیز بەرپرسێ راگەھاندنا بەرەڤانیا باژێرى ل پارێزگەھا دھوکێ بۆ ئەڤرۆ نیوز دیارکر ئەو ئاگرە ل سپێدەھیا ئەڤرۆ ل دەمژمێر ٨:٠٠ی سپێدێ بەر ب کارگەھەکا دارتاشیێ یا مەزن ل تاخێ بێداری کەڤت و بوو ئەگەرێ ھندێ زیانەکا مەزن یا ماددی بەر ب وێ کارگەھێ بکەڤیت، د وێ روودانا ئاگر بەربوونێ دا گیان ب سلامەت بوون و ھیچ کەسەک دوێ روودانێ دا بریندار نەبوویە، ل گورەی ئاخاڤتنێن خودانێ وێ کارگەھێ دیار دکرن کو ژبەر ھێتەرەک بەردەوام یێ ھەلکری یە بوو وێ یەکێ ئامێرەیەکێ وان پێ گەرم بیت ئەو روودانا ئاگر بەربونێ پەیدابویە و ژ ئەگەرێ مەزنیا وێ کارگەھێ ژی کونترول کرنا ئاگری یا ب زەحمەت بوو و ل دوماھیێ ژی تیمێن مە شیان وی ئاگری کونترول بکەن.
و گوت ژی : سێ ئامیرەیێن مەزنێن وێ کارگەھێ سوتن و زێدەباری وێ چەندێ ژی ئەو پێدڤیێن دروست کرنا موبێلیاتان ئەو ژی ب تەمامی سوتن،ژبەریا شەش سالان ژی موبێلیاتەکا سەر ب ڤێ کارگەھێ ڤە ژئەگەرێ چوونا ژورا ئاڤێ دناڤ پێشانگەھەکا وان یا موبێلیاتان ڤە توشی زیانێن مەز دبیت و ئەڤە دووەم جارە توشی وێ زیانا ماددی دبن.

ئه‌ڤرۆ نیۆز، محه‌مه‌دعه‌لی نوری:
كارگێریا یانا دهۆك یا وه‌رزشی ب فه‌رمی هه‌ڤبه‌ست  دگه‌ل پیشه‌كارێ‌ وه‌لاتێ‌ غانا بێنجامین تێری بۆ ماوێ‌ ئێك وه‌رز ئیمزاكر، ژبۆ پشكداریێ‌ دگه‌ل تیما ته‌پاپێ‌ یا یانێ‌ د هه‌ردو خولێن پلا نایابا كوردستانێ‌ و پلا ئێكا عیراقێ‌.
یاریزانێ‌ ناڤهاتی د ژیێ‌ 25 سالی دایه‌ و ل هێلا هێرشبرنێ‌ ل وه‌رزێ‌ بۆری یێ‌ خولا پلا نایابا عیراقێ‌ یاری بۆ یانا به‌حری یا به‌غدایی كریه‌ و شیایه‌ 10 گۆلا تۆماربكه‌ن

ئه‌ڤرۆ نيوز:

ئه‌ڤرۆ چارشه‌مبى 18/9/2019 ب به‌رهه‌ڤبوونا (خەدیجە محمد) رێڤەبەرا رێك و پرا ل قەزا دهوكێ‌ و رێڤەبەرێ‌ ناحیا روڤیا وزكرى به‌شير سەرۆكێ‌ كۆمپانیا كاڤین گرۆپ پێنج كيلۆمه‌ترێن رێيا سەرەكی دهۆك – هەولێر ژ رۆڤیا بۆ چەمەیی هاتنە ڤەكرن وكەفتنە د خزمەتا هاتنوچونا وەلاتیان دا.

رێيا سەره‌كی یا دهۆك  بۆ هەولێرێ ژرۆڤیا هەتا گوپالی و چەمەی(22)كم هەموو دو سایدی یە و(26) متران یا فرەهە وهەتا نوكە 70% هاتیە بجهئینان و ئه‌ڤرۆ پێنج كيلۆمه‌تر ل هەمبەر هاتنوچوونا گشتی یا وەلاتيان هاتنە ڤەكرن ، رێيا ناڤبری هەموو ل دووڤ پیڤەرێن ئەندازیاری يێن پێشكه‌فتى دهێتە چێكرن وحەفت ئوڤەر پاس و90 قەنتەرا بخوه‌ڤە دگریت وهەموو جوت سایدە ودهێتە چاڤەرێكرن ل دووماهیا ئەڤ سالە هەموو رێ ب دوماهی بهێت وبكەڤیتە د خزمەتا وەلاتیێن كوردستانێ‌ دا.

حوكمه‌تا هەرێما كوردستانێ‌ گۆژمێ‌ (80) مليۆن دۆلار بۆ پرۆژەی تەرخانكرینە وپشتی ب دووماهی دهێت، هاتن وچوون ژ دهۆكێ بۆ هەولێرێ‌ دێ‌ ساناهى تر لێ‌ هێت و نێزیكی نیڤ دەمژێرێ‌  دێ‌ كورت بيت و روودانێن هاتنوچوونێ‌ ژی دێ‌ كێمتر لێ‌ هێن .

1I4A0017

هەولێر، قائید میرۆ
ئەندامەكا لژنا پەروەردێ ل پەرلەمانێ كوردستانێ ئاشكراكر، هەتا نوكە وەزارەتا خواندنا بەرسڤا پەرلەمانی بۆ ڤەگەڕاندنا دەرمالێ هەیڤانە یێ قوتابیێن زانكۆ و پەیمانگەهان نەدایە و دبێژیت، پێشبینی دهێتەكرن بۆ سالا داهاتی 2019 دەرمالە بهێتە ڤەگەڕاندن.
حەسیبە گەردی، ئەنداما لیژنا پەروەردێ ل پەرلەمانێ كوردستانێ بۆ رۆژناما ئەڤرۆ دیاركر” لیژنا پەروەردێ ب فەرمی داخوازا ڤەگەڕاندنا دەرمالێ قوتابیێن زانكۆ و پەیمانگەهان ژ وەزارەتا خواندنا بلند و ڤەكۆلینێن زانستی یا حوكمەتا هەرێما كوردستانێ كریە، بەلێ هەتا نوكە وەزارەتا خواندنا بلند بەرسڤا نڤیسارا لژنا پەروەردێ ل دۆر ڤەگەڕاندنا دەرمالێ قوتابیان نەدایە، چونكە ئەم پشتەڤانیا قوتابیان دكەین بۆ ڤەگەڕاندنا دەرمالێ وان یێ هەیڤانە و پێدڤیە بۆ بهێتە ڤەگەڕاندن وەك سالێن بەری هاتنا قەیرانا دارایی”.
حەسیبە گەردی گۆت ژی” بزاڤێن پەرلەمانی دێ بەردەوامبن هەتا وی دەمێ دەرمالێ قوتابیێن زانكۆ و پەیمانگەهان دهێتە ڤەگەڕاندن، ئەز ب خوە وەك ئەنداما لژنا پەروەردێ یا گەشبینم دێ دەرمالێ قوتابیان هێتە ڤەگەڕاندن، بەلێ هەكه‌ ئەڤسالە ژی نەبیت، ئەڤە بۆ سالا داهاتی 2019 دێ دەرمالە ژ لایێ حوكمەتێ هێتە مەزاختن و قوتابی دێ مفاداربن ژ دەرمالێ هەیڤانە كو هاریكاریەكا باشە بۆ بەردەوامیدان ب خواندنێ.

ئەڤرۆ نیوز،عەلی حاجی:

د داخویانیەکێ دا بەرپرسێ راگەھاندن و پەیوەندیان ل دەزگایێ روانگە بۆ ئەڤرۆ نیوز دیار کر ب رێیا پروژەیەکێ تایبەت دەلیڤێن کاری ل سەر ھەر سێ پارێزگەھێن کوردستانێ بۆ ٣٤ کچ و کوران ھاتنە دیتن و دنوکە دا دەست ب کار بوینە ل کەرتێ تایبەت دا .

زێدەتر ئاری رەسول گوت : ئەڤ پروژەیە ل بن چاڤدێریا وەزارەتا کار و کاروبارێن کومەلایەتی و ب ھڤکاری دگەل دەزگایێ وروانگە و رێکخراوا کرکرنێ دژی برسایەتیێ ھاتیە بجھ ئینان،پشتی ھەژمارەکا گەنجان ل ھەر سێ پارێزگەھێن دھوک و ھەولێر و سلێمانیێ سیڤیئێن خوە پێشکێش کری،ل دوماھیێ ٣٤ گەنج ھاتنە دەست نیشان کرن و ب رێیا راھێنان خولێن راھێنانان بۆ وان گەنجان ھاتنە ڤەکرن و پشتی دوماھی ھاتنا وان خولێن راھێنانان دنوکە دا ئەو ٣٤ گەنجە کێمتری ھەیڤەکێ یە دناڤ کومپانیان دا دەست ب کاربوینە .

گوت ژی : ١٢ گەنچ ژ پارێزگەھا دھوکێ و ١١ ل پارێزگەھا ھەولێرێ و ١١ ژی ل پرێزگەھا سلێمانیێ پشکداری وی پروژەی بوینە ، ل دو ھەیڤێن دەست پێکی دا وەکو دەزگایێ روانگە دێ موچەیی بۆ گەنجان دابین کەت و ل دووڤ را ئەو کومپانی دێ موچەیی بۆ وان گەنجان دابین کەت، بریارە ل روژا پێنچ شەمبێ ١٩/٩/٢٠١٩ درێ و رەسمەکێ تایبەت دا باوەرنامە ژی ل سەر وان کەسان بھێنە بەلاڤ کرن.

 ئەڤرۆنیوز،سەباح زوهێر:

 ئەڤرۆ ئێڤاری ل ناحیا روڤیێ روودانه‌ك دناڤبەرا ترومبێلەکێ و قەلابەکێ دا رویدا د ئەنجامدا چار کەس بوونە قوربانی و هاتنە رەوانەکرن بۆ نەخۆشخانا هەوارهاتنا ئاکرێ.

حسێن هێرش نوبەدارێ کارگێری ل نەخۆشخانا هەوارهاتنا ئاکرێ بۆ ئەڤرۆ نیوز دا دیارکرن کو ژ ئەنجامێ ڤێ بوویەرێ دا چار کەس برینداربووینە كو برینێن زوربەیا وان د كورن و سەرە هەمی هاتینە رەوانەکرن بۆ نەخۆشخانا هەوارهاتنا دهۆکێ و هەمی خەلکێ قەزا ئاکرێ نە.

39

ئەڤرۆ نیوز:

سەرۆکێ گشتی یێ پارتیا سەعادەتێ تەمەل کەرەموللا ئوگلۆ راگەهاند کو وی د هەڤدیتنا خوە یا ل گەل سەرۆک کۆمارێ تورکیا دا داخوازا ئازادکرنا سەلاحەدین دەمیرتاش هەڤسەرۆکێ بەرێ یێ هەدەپێ کریە.

ناڤهاتی راگەهاند کو دڤێت دادگەه بریارێن سەربخوە بدەن و ئازادکرنا دەمیرتاشی د بەرژەوەندیا هەموو تورکیا دایە و ئەم نها چاڤەرێین دا بزانین کا دێ بریارا دووماهیێ یا دادگەهێ چ بیت.

21

ئەڤرۆ نیوز، عەلی حاجی :

ل گوره‌ی راگەھاندنەکێ ژ دەروازا نێڤدەولەتیا ئیبراھیم خەلیل ھاتنا ھنگڤینی ژ دەرڤەی کوردستانێ بۆ ناڤ کوردستانێ ب رێیا دەروازا ناڤبری ڤە ھەر ژ رێکەڤتی ٢٥/٩/٢٠١٩ ھاتە قەدەغە کرن و نابیت ئێدی ھنگڤین بھێتە دناڤ ئاخا ھەرێما کوردستانێ دا.

ھەر ل وێ راگەھاندنێ دا ھاتیە ئەڤ بریارە ل گوری نڤێسارەکا وەزارەتا کشتولی و ژێدەرێن ئاڤێ یە بۆ ھنگڤینێ شەما و بێ شەما و ئەڤ بریارە ژبەر وێ چەندێ یە کو زێدەتر پشتەڤانی ل بەرھەمێن ناڤخویی بھێتە گرتن.

ئەڤرۆ نیوز:

سەرۆکێ حوکمەتا هەرێما کوردستانێ مەسرور بارزانی پێشوازی ل ماتیۆ تولەر بالیۆزێ ئەمریکا ل عیراقێ کر و د هەڤدیتنێ دا بالیۆزێ ئەمریکا دیار کر پێشڤەچوونێن باش د ناڤبەرا هەولێرێ و بەغدایێ هەنە و ئەمریکا پشتەڤانیێ ل چارەسەرکرنا ئاریشان دکەت.

ژ ئالیێ خوە ڤە سەرۆکێ حوکمەتا هەرێما کوردستانێ ژی دیار کر کو مە چەندین بژاردە بۆ چارەسەرکرنا ئاریشان دیار کرینە و مە دڤێت ئاریشێن خوە ل گەل عیراقێ ب رێیا دستووری چارەسەر بکەین.

website security
WP Facebook Auto Publish Powered By : XYZScripts.com