NO IORG
Facebook

10

ئه‌ڤرۆ نیوز:
راهێنه‌رێ نه‌رویجى و یانا مانچێسته‌ر یونایتد سولسكایر به‌رسڤا بریكارێ ستێرا ئه‌وان یا فره‌نسى پول پوگباى دا ئه‌وێ ل چه‌ند رۆژێن بورى راگه‌هاندى دبیت ئه‌و یاریزان ڤه‌گه‌ریته‌ یانا یوڤانتوس ڤه‌ ل وه‌رزێ بهێت.
زێده‌تر راهێنه‌رێ مانچێسته‌ر یونایتد بۆ رۆژناما كاتشیو مێركاتو یا ئیتالى دیاركر پوگبا یاریزانێ گرێداى هه‌ڤبه‌ستا خوه‌ یه‌ ل گه‌ل مانچێسته‌ر یونایتده‌ و ملكێ وێ یانێ یه‌ و نه‌ یێ بریكارێ وى یه‌ و بریارا دووماهیێ دێ د ده‌ستێ یانێ دا بیت .
ناڤبرى ئه‌و چه‌نده‌ ژى دیاركر یاریزان چ ئاریشه‌ ل گه‌ل یانێ نینه‌ و ل نێزیك دێ ڤه‌گه‌ریته‌ پێكهاتیێ یانێ و نوكه‌ یاریزان راهێنانێن خوه‌ دكه‌ت ل بن چاڤدێریا نوژدارێن یانێ یه‌ .

ئەڤرۆ نیوز:

ب هه‌لكه‌فتا ده‌ربازبونا 67 سالا ل سه‌ر دامه‌زراندنا ئێكه‌تیا قوتابیان وئێكه‌تیا لاوێن دیموكراتا كوردستانێ  ئه‌ڤرو سپێدێ 18/ 2/2020 به‌رێز فه‌رهاد ئه‌مین ئه‌تروشى پارێزگه‌رێ دهوكێ سه‌را كوربه‌ندێ ئێكه‌تیا قوتابیێن كوردستانێ دا ، ژلایێ به‌رپرس وئه‌ندامێن ئێكه‌تیا قوتابیان وئێكه‌تیا لاوێن دیموكراتا كوردستانێ پێشوازى لێ هاته‌ كرن.

بڤێ هه‌لكه‌فتێ پارێزگه‌رێ دهوكێ 67سالیا دامه‌زراندنا ئێكه‌تیا قوتابى ولاوان پیروز كر وسه‌ركه‌فتن بو ئه‌ندامێن هه‌ردوو رێكخراوا خواست و رولێ هه‌ر دو رێكخراوا دخه‌بات و پێشڤه‌چوونێ دا به‌رز نرخاند.

ئەڤرۆ نیوز:

سەرۆک مەسعود بارزانی پێشوازی ل جێمز جێفری نوونەرێ تایبەت یێ ئەمریکا بۆ کاروبارێن سووریێ کر و د روونشتنەکێ دا سەرۆک بارزانی راگەهاند کو نابیت ب چو رەنگەکێ زۆرداری ل سووریێ ل کوردان بهێتە کرن و دڤێت مافێن کوردان بهێتە پاراستن.

سەرۆک بارزانی ئەو یەک ژی دیار کر کو نابیت ئەمریکا و وەلاتێن رۆژئاڤا رێ بدەن کو دیموگرافیا رۆژئاڤایێ کوردستانێ بهێتە گوهۆرین، چونکو ئەو یەک دێ کارتێکرنەکا خراب ل کوردان کەت و دێ بیتە ئەگەرێ هندێ کو قەیرانا سووریێ ژی بەردەوام بیت.

40

ئەڤرۆنیوز، سەباح زوهێر زێباری:

ئەڤرۆ ب مەرەما ٦۷ سالیادا دامەزراندنا هەردوو رێکخراوێن ئێکەتیاقوتابیێن کوردستانێ وئێکەتیالاوێن دیموکراتا کوردستانێ چەند چالاکیێن جورا و جور ل ئاکرێ هاتنە ساخکرن.

دلدار فارس بەرپرسێ ئێکەتیا قوتابیێن کوردستانێ ل ئاکرێ بۆ ئەڤرۆ نیوز دا دیارکرن کو مە مەرەما ٦۷سالیاداهەردوو رێکخراوێن ئێکەتیا قوتابیێن کوردستانێ و لاوێن دیموکراتا کوردستانێ کو دو رێکخراوێن پری خزمەتن دتێکوشان و خەباتا رزگاری خوازا گەلێ کوردا کو چەندەها کەسێن بسپۆر وخودان دەستهەلات ئەدامێن ڤێ رێکخراوێ بووینەل سەر دەمێ رێبەرێ نەتەوا کور (بارزانیێ نەمر) هەتا نوکە بەردەوام شیایە کادرێن ژێهاتی بەرهەم بینیت،لەوا مە فەر زانی ژبەر خزمەتا ڤان هەردوو رێکخراوان دسالێن بوریدا خزمەتا ڤان رێکخراوان دیارکەین.

گۆت ژی ژبەر خزمەتا ڤان هەردوو زێکخراوان چەند چالاکیێن جورا و جور گێران ل ئاکرێ دناڤ قوتابخانە و چەند جهێن دی دا و هەروەسا مە فەر زانی پێشانگەهەکا تایبەت یا پەرتۆکان ڤەکەین و دناڤ هولا کونفرانساندا بۆ ماوێ چەند روژان و دێ چالاکیێن مە دبەدەوام بن و ئەڤرۆ ل هولا کونفرانسادا پێشوازیا تەڤایا مێهڤانێن ناڤەندێن حکومی و حزبی کریە ب هەلکەفتا سالیادا هەر دو رێکخراوێن ناڤبری.

14

ئەڤرۆ نیوز، عەلی حاجی :

دو ئاهەنگێن جودا دا ل باژێرێ زاخۆ ب هەلکەڤتا ٦٧ە مین سالیادا دامەزراندنا ئێکەتیا قوتابیێن کوردستانێ و ئێکەتیا لاوێن دیموکراتا کوردستانێ هاتنە گێران.

حکمەت محەمەد نوری بەرپرسێ ناڤەندا بالا ل زاخۆ بۆ ئەڤرۆ نیوز گوت : د ژیێ ٦٧ سالیا خوە دا ئێکەتیا لاوێن دیموکراتا کوردستانێ خەبات و خزمەتاک درێژ هەیە بۆ تەخا لاوان لەورا د ژیێ خوەیێ نوو دا وەکو ناڤەندا زاخۆ دێ بەرنامەیەکێ رێک و پێک دانین دا کو زێدەتر بشێن خزمەتا تەخا لاوان بکەن ل باژێرێ زاخۆ، هەر دیسان ب هەلکەڤتا ١٨ی شوباتێ د بەرنامەیەکێ رێک و پێک دا مە چەندین چالاکی ئەنجام دان و دێ ئەڤ چالاکی یە د ماوەیێ ڤێ هەیڤێ دا د بەردەوام بن،هەر دیسان گەرمترین پیروزباهیان ژی ل تەڤایا لاوێن کوردستانێ دکەین و بلا هەمی لاوا ناڤەندێن سەر ب ئێکەتیا لاوێن دیموکراتا کوردستانێ ڤە ب مالا خوە بزانن .

ژلایێ خوەڤە ئەحمەد سەعید بەرپرسێ لقا زاخۆ یق ( ئ.ق.ک ) گوت: (ماوەیێ دو روژایە مژوولی گێرانا ئاهەنگانە ب هەلکەڤتا ١٨ی شوباتێ و ئێکەتیامە پێخەمەتی ب وێ ب ئارمانجا هاتیە دامەزراندن چەندین شەهید د وێ پێناڤێ داینە لەورا دێ هەلگرێ وێ ئارمانجێ بین داکو زێدەتر تەخا قوتابیان بکەین و دێ بەردەوام بین د چالاکیێن روژانە دا و مە بەرنامەیەکێ باش ژی بۆ ڤێ چەندێ دانایە).

487

ئەڤرۆ نیوز،عەلی حاجی :

ل گورەی راگەهاندنەکا وەزاره‌تا کاره‌بێ یا حکومەتا هەرێما کوردستانێ هاتیە دیار کرن ب مەرەما راکێشانا هێلەکا دیتر یا کارەبێ ژ وێستگەها کواشێ بۆ وێستگەها تلکەبەرێ ل زاخۆ دو کۆمپانی دێ ب كارێ راکێشانا وێ رابن  .

هەر ل گورەی وێ راگەهاندنێ ل وەزارەتا کارەبێ دوهی رۆژا دو شەمبێ ب ئامادەبوونا وەزیرێ کارەبێ گرێبەستا راکێشانا هێلا ١٣٢ کەی ڤی ل وێستگەها کارەبێ ل کواشێ بۆ وێستگەها کارەبێ ل تلکەبەرێ دگەل کۆمپانیێن ستێر و شاندز هاتە گرێدان و بریارە ب کوژمێ نەهـ ملیۆن شەش سەد و بیست هزار دۆلاران ئەو هێلە بهێتە راکێشان و بریارە ئەڤ پرۆژەیە د ماوەیێ ١٨٠ رۆژان دا بهێتە راکێشان و بێ گیرو بین دا کو ب شێوەیەکێ باش کار ل سەر راکێشانا وێ هێلێ ب دوماهی بهێت ژبەرکو زاخۆ بتنێ ل سەر ئێک هێلێ یە و راکێشانا وێ هێلێ دێ خزمەتەکا باش بۆ باژێرێ زاخۆ کەت و ئەڤ چەندە پشتی وێ یەکێ هات ب بریارەکا مەسرور بارزانی ئەڤ هێلە بۆ باژێرێ زاخۆ بهێتە راکێشان .

دیسان هاتیە دیار کرن کو وەزیرێ راگەهاندی یە باژێرێ زاخۆ بەرەڤ مەزن بوونێ ڤە چوویە و ئەڤ پرۆژەیە دێ ژ پرۆژێن گرنگ بن بو وی باژێری زاخۆ و دبەرنامەیێ وەزارەتێ دایە هەمی ئاریشەیێن ڤەگوهاستنا ووزەیا کارەبێ و گرێدانا وێستگەهێن ڤەگوهاستنا کارەبێ ب کاربئێخستنا وان چارەسەر بکەت .

ئەڤرۆ نیۆز، قائید میرۆ:

پارێزگارێ بەرێ یێ کەرکووکێ ئاشکراکر، ھەتا دستورێ عێراقێ نەھێتە بجهـ ئینان رەوشا کەرکووکێ تەناھیێ بخۆڤە نابینیت و دبێژیت، کار بۆ ئەنجامدانا ھەلبژارتنێن بەروەخت دھێتەکرن.

عەبدولڕەحمان مستەفا، پارێزگارێ بەرێ یێ کەرکووکێ بۆ ئەڤرۆ نیۆز دیارکر، ئاسایی کرنا رەوشا کەرکووکێ گرێدایی بجهـ ئینانا مادێ ١٤٠ یێ دستورێ عێراقێ ڤه‌یە، ھەردەم دستور بھێتە بجهـ ئینان دێ ئاریشەیا کەرکووکێ و ھەموو دەڤەرێن دیژی بھێنە چارەسەرکرن، چونکی مادێ ١٤٠ نەخشە بۆ ئێکلاکرنا چارەنڤیسێ دەڤەرێن ناکۆکی لسەر داناینە، ھەتا دستوور نەھێتە بجە ئینان ب چو شێوەیەکی رەوشا کەرکووکێ تەناھیێ بخۆڤە نابینیت.

عەبدولڕەحمان مستەفا ئاماژەکر” رەوشا نوکەیا عێراقێ کاریگەری لسەر ھەموو دەڤەرێن دی پەیداکریە و عێراق یا بەرەف ھەلبژارتنێن بەروەخت دچیت، نوکە کار بۆ ئەنجامدانا ھەلبژارتنان دھێتەکرن ھەتا دوماھی بڤێ رەوشا ئالۆز بھێت، ئەڤە داخوازا خەلکێ عێراقێ یەژی ھەلبژارتن بھێنە ئەنجامدان.

120

ئه‌ڤرۆ نیوز:
یانا به‌رشه‌لۆنا ماوه‌كێ درێژه‌ چاڤدێریا هێرشبه‌رێ ئه‌رژه‌نتینى و یانا ئه‌نتر میلان لاوتارو مارتینێز دكه‌ت بوو ده‌ستڤه‌ ئینانا ئه‌وى یاریزانێ گه‌نچ كو وه‌كو پێگوهورێ هێرشبه‌رێ ئه‌وان یێ ئورگوایى لویس سوارێز بیت ل چه‌ند سالێن بهێت ل یانێ ژبه‌ركو نوكه‌ ژیێ سوارێز گه‌هشتى یه‌ 33 سال و دخوازن پێگوهوره‌كێ باش هه‌بیت بۆ چه‌ند سالێن دى یێ به‌رده‌وام بیت ل گه‌ل پێكهاتیێ یانێ .
رۆژناما سپورت یا ئیسپانى دیاركریه‌ به‌رپرسێن یانا به‌رشه‌لۆنا دخوازن ل هاڤینا بهێت دو ستێرێن خوه‌ بفروشن داكو مارتینێز ب ده‌ستخوڤه‌ بینن ئه‌وژى هه‌ر ئێك ژ یاریزانان ئیڤان راكیتچ و ئه‌رتورو ڤیدال .
هه‌ردیسان وێ رۆژنامێ دیاركریه‌ ژى به‌رپرسێن به‌رشه‌لۆنا د به‌رهه‌ڤن گوهورینه‌كێ ل گه‌ل ئه‌نتر میلان بكه‌ن ئه‌وژى هه‌ردو یاریزانێن خوه‌ بده‌نه‌ وێ یانێ به‌رامبه‌ر وى ستێرا گه‌نچ یا ئه‌رژه‌نتینى لاوتارو مارتینێز .

Image result for راكيتيتش وفيدال

ئه‌ڤرۆ نیوز:

سه‌رۆك كۆمارێ به‌رێ یێ توركیا راگه‌هاند: ئاریشه‌یا كورد بوویه‌ پرسه‌كا نێڤ ده‌وله‌تی ئێكه‌ ژ گرنگترین پرسێن توركیا و پیدڤیه‌ توركیا ڤه‌گه‌ریته‌ سیسته‌مێ په‌رله‌مانی.

عه‌بدلا گول سه‌رۆك كۆمارێ به‌رێ یێ توركیا راگه‌هاند: ل چاڤ وه‌لاتێن دی یێن هه‌ڤسی زۆرترین كورد ل توركیا دا ئاكنجی و هه‌نه‌‌، هه‌كه‌ ئه‌ڤێ ئاریشه‌یێ دناڤخۆدا چاره‌ بكه‌ین، وه‌لاتێ مه‌ ل ده‌ڤه‌رێ بهیزتر دبیت، به‌لێ دترسم ده‌ما ئه‌ڤێ ئاریشا كوردان ل ناڤخویا وه‌لاتی دا چاره‌ نه‌كه‌ین ئاریشه‌ دناڤ وه‌لاتی دا نامینیت و ره‌هنده‌كێ نێڤ ده‌وله‌تی بخوڤه‌ دگریت.

ئه‌ڤرۆ نیوز:

نوونه‌ری حكومه‌تا هه‌رێما كوردستانێ ل به‌غدا دیاركر وه‌زیرێ دارایی یێ عیراقێ هنارتنا موچه‌یێ هه‌رێما كوردستانێ ئیمزاكریه‌ دێ ره‌وانه‌ كه‌ت.

فارس عیسا نوونه‌رێ حكومه‌تا هه‌رێما كوردستانێ ل به‌غدا راگه‌هاند: ئه‌ڤا ل راگه‌هاندنان دا دهێته‌گۆتن  راست نینه‌، د.فوئاد حسێن هنارتنا پشكا بودجا هه‌رێمێ ئیمزاكریه‌ و دێ هنێریت، پاشكه‌تنا وێ ب ئه‌گه‌رێ هنده‌ك گوهورینێن ناڤخویی یێن وه‌زاره‌تێ بوویه‌.

نوونه‌رێ حكومه‌تا هه‌رێما كوردستانێ ل به‌غدا ل سه‌ر په‌یوه‌ندیێن هه‌رێمێ و عیراقی راگه‌هاند: چ ئاریشه‌ د په‌یوه‌ندیان دا نینه‌، هنده‌ك كه‌سا پێنه‌خوشه‌ ئه‌و په‌یوه‌ندی هه‌بن ل گه‌ل حكومه‌تا عیراقێ ئاریشه‌یێن دارایی بۆ جكومه‌تا هه‌رێما كوردستانێ دروست دكه‌ن.

فارس عیسا نوونه‌رێ حكومه‌تا هه‌رێما كوردستانێ ل به‌غدا دازانین چ مه‌ترسی ل سه‌ر موچه‌ و ئایسته‌یێن دارای یێن خه‌لكێ هه‌رێما كوردستانێ نینه‌ و دڤێ هه‌فتیێ پشكا بودجا هه‌رێمێ هێته‌ ره‌وانه‌كرن.

website security
WP Facebook Auto Publish Powered By : XYZScripts.com