NO IORG
Facebook

113

ئەڤرۆ نیۆز،زنار تۆڤی:

ب مەبەستا پشتەڤانیکرنێ بۆ پرۆسا ریفراندۆما سەربەخۆیا كوردستانێ،ئەڤرۆ ئێکشەمبی هژمارەیەك ژ رێكخراوێن جڤاکێ مەدەنی ل سنوورێ ئیدارەیا گەرمیان،دێ كەرنەڤالەكێ ب ترۆمبێلان ل سنوورێ قەزا كەلار ئەنجامدەن.

ئەحمەد گلی بەرپرسێ ڕێكخراوا ئایدیالیست بۆ پەرەپێدانا هشیاریا نیشتمانی و ئەندامێ لیژنا بلند یا هەماهەنگی و جەماوەری بۆ ریفراندۆما سەربەخۆیێ دبێژیت ب مەبەستا پشتەڤانیکرنێ ل پرۆسا ریفراندۆما سەربەخۆیا كوردستانێ،هژمارەکا رێكخراوێن جڤاکێ مەدەنی،دەمژمێر 4 ئێڤاریا ئەڤرۆ 10/9/2017 دێ كەرنەڤالەکێ ب ترۆمبێلان ل باژێرێ رزگاری و قەزا كەلار ئەنجامدەن.

ئەڤرۆ نیۆز،زنار تۆڤی:

ئەڤرۆ پارتی و ئێکەتی دێ ل هەولێرێ کۆمبن بۆ هندێ کو پرسا کاراکرنا پەرلەمانێ کوردستانێ بکەنە کریار و پشتی دو سالا دەرگەهێ پەرلەمانێ کوردستانێ بهێتە ڤەکرن.

شاندێ پارتی دێ ب سەرۆکاتیا نێچیرڤان بارزانی جێگرێ سەرۆکێ پارتی بیت و شاندێ ئێکەتیێ ژی دێ ب سەرۆکاتیا مەلا بەختیاری،بەرپرسێ دەستەیا کارگێری یا مەکتەبا سیاسی یا ئێکەتیێ بیت.

ژبلی ڤێ کۆمبوونێ کو ئەڤرۆ دێ د ئاستەکێ بلند دا هێتە ئەنجامدان،بریارە سوبەهی دوشەمبێ 11-9-2017 کۆمبوونەکا دیتر دناڤبەرا پارتی و ئێکەتیێ دا بهێتە ئەنجامدان،کو تێدا مەسعود بارزانی،سەرۆکێ هەرێما کوردستانێ،دێ ئامادە بیت و ل دووڤ زانیاریان د وێ کۆمبوونێدا رێککەفتنا دوماهیێ بۆ کاراکرنا پەرلەمانێ کوردستانێ دێ هێتە ئیمزاکرن.

338

ئەڤرۆ نیۆز،زنار تۆڤی:

چه‌كدارێن رۆهینگا ل وەلاتێ میانمار (بۆرما)،ئێکلایەنی ئاگربه‌ست بۆ ماوێ ئێک هەیڤ راگه‌هاند،كو‌ ئەڤرۆ ئێكشه‌مبی‌ (10/ 9/ 2017) دێ ده‌ست پێکەت،ئەڤەژی د راگه‌هاندنەکێدا بەلاڤکریە،بۆ هندێ کو‌ رێكخراوێن خێرخوازی هاریكاریا بگه‌هیننه‌ وێ دەڤەرێ و قه‌یرانا مرۆڤی ل باكۆرێ رۆژئاڤایێ میانمار سڤک بكه‌ن.

ئاژانسا (رۆیته‌رز) بەلاڤکریە‌،کو نێزیكى 300 هزار وەلاتیێن رۆهینگا،كو‌ كێمینەیێن موسلمانێن وەلاتێ میانمارن،به‌ره‌ف به‌نگلادشێ ڤە چووینە و 300 هزار وەلاتیێن ئاینێن دیتر ل ناڤا میانمار، ئاواره‌ بووینە.

رەڤینا موسولمانێن رۆهینگا و ئاواره‌بوونا وەلاتیان،پشتی هندێ هات كو‌ سۆپایێ وی وەلاتی هێرشەكا پێچه‌وانه‌ ئه‌نجامدا،کو‌ ل‌ 25 تەباخا بوری سۆپایێ رزگاركه‌رێ رۆهینگا ئه‌راكان (ئارسا) هێرش كرە‌ سه‌ر 30 بنگەهێن پۆلیسا و سۆپای.

هەروەسا سۆپایێ (ئارسا) د راگەهاندنەکێ دا بەلاڤکریە‌ ‌:ب ‌هه‌موو شیانێن خوە دێ هانا لایه‌نێن‌ مرۆڤی ده‌ین، كو ل ماوێ‌ ئاگربه‌ستێ ‌دا هاریكاریان بگه‌هیننه قوربانیان،بێی کو ئایین و نەتەوە ل بەرچاڤ بهێنە وەرگرتن.

ئه‌ڤرۆ نیۆز،ره‌مه‌زان هه‌رنى:

سكرتێرێ پارتا سوسیالستا دیمۆكراتا كوردستانێ دیاركر:پشتى سالا 2003 مه‌ ڤیا هه‌ڤبه‌شێن راسته‌قینه‌یێن عیراقێ بین به‌لێ هه‌رجار ب بهانه‌یه‌كا جودا وان خو لمه‌ دوورکر و ئاریشه‌ بۆ مه‌ كوردا دروستكرن،هه‌تا ئه‌م گه‌هشتینه‌ وى راده‌ى كو هەکە پێكڤه‌ به‌رده‌وام بین دێ ئاریشێن مه‌زنتر دروست بن، له‌ورا بریارا ریفراندومێ گه‌له‌ك یا جهى َخوه‌ دایه‌ و دره‌نگ ژى بوویه‌،چونکی بەغدا به‌ری هه‌ر تشتى نان ل كوردان برى و ڤیا مه‌زنترین نه‌خۆشى ب سه‌رێ كوردا بینیت،وان د ڤیا وه‌زیر و په‌رله‌مانتار و كارمه‌ند و كار بده‌ستێن كورد ل به‌غدا تومه‌تبار بكه‌ن ب كه‌یسێن نه‌قانوونى و نه‌دروست،بتنێ كو ئه‌ڤرۆ كورد بووینه‌ ئه‌مرێ واقع ل مه‌یداتا سیاسى و له‌شكه‌رى.

محه‌مه‌دى حاجى محمود سكرتێرى پارتا سوسیالستا دیمۆكراتا كوردستانێ بۆ ئه‌ڤرۆ نیۆز خویاكر:هەکە كوره‌ده‌كێ ڤیا بچیته‌ به‌غدا پێدڤیه‌ وه‌سیه‌ت نامه‌یا خۆ بنڤیسیت نه‌كو نه‌زڤریته‌ڤه‌،مه‌ گه‌له‌ك جارا ڤیا ل گه‌ل به‌غدا رێك بكه‌ڤین به‌لێ نیه‌تا وان یا باشیێ نه‌بوو، له‌ورا ئه‌ڤا دروست بووى پێدڤى بۆ مه‌ زووتر وه‌ك كورد بریار ل سه‌ر دابا و هزرا ریفراندۆمێ كربا.

محه‌مه‌دى حاجى مه‌حمود ئاشكرا كر ژى:پێدڤیە پێشمه‌رگه‌ پشکەک بایه‌ ژ وه‌زاره‌تا به‌رگریا عیراقێ به‌لێ مخابن چو تشته‌ك ل به‌رژه‌وه‌ندیا ێشمه‌رگه‌ى دا نه‌هاتیه‌ كرن ل به‌غدا ئه‌و تشتێ ژلایێ وه‌لاتێن بیانى ڤه‌ دهاته‌ هنارتن بۆ پێشمه‌رگه‌ى به‌غدا بهانه‌ دیتن و دڤیا راگریت،له‌ورا ئه‌م جاره‌كادى نازڤرینه‌ڤه‌ دێ هه‌ر به‌رەف پێشڤە چین،ناڤبرى گۆت ژى:هێشتا ریفراندۆم نه‌هاتیه‌ كرن به‌غدا ده‌ست ب بهانه‌یێن خراب كریه‌ ب نه‌قانوونى دزانن،به‌لێ وێ چه‌ندێ ب نه‌قانوونى نزانن ده‌مێ بوودجه‌ برى و رێك بۆ تیرۆرێ خوشكرى،له‌ورا ریفراندۆما كوردستانێ دێ بیته‌ ده‌رمانێ هه‌موو وان برینێن حكومه‌تا عیراقێ ل سه‌ر جه‌سته‌یى َمه‌ دروست كرین.

سكرتێرێ پارتا سوسیالیستا دیمۆکراتا کوردستانێ خویاكر ژى:ریفراندۆم مافه‌كێ گه‌له‌ك ده‌ستپێكیه‌ بۆ مه‌ هه‌موویان پێدڤیه‌ به‌ریا نها مه‌ ئه‌ڤ بریاره‌ دابایه‌،به‌لێ چاڤێ مه‌ ل باش بوونا عیراقێ بۆ،ل گه‌ل نه‌مانا شه‌رێ تیرۆرێ ل ده‌ڤه‌رێ ئه‌ڤرۆ چۆ بهانه‌ نینه‌ بۆ سه‌ربه‌خۆیا كوردستانێ و دێ گەهینە مافێن خۆ یێن رەوا.

ئەڤرۆ نیوز:
سترانبێژێ کوردێ باکۆر محەمەد عەلیشان جزیری کو بەری نھا د پرۆگرامەکێ ئۆنلاین دا د گەل سترانبێژا بریتانی يا ناڤدار ئانماریێ دا سترانەکا دوێت گۆتبوو و وێ سترانێ گەلەک دەنگڤەدا و ب ملیۆنان کەسان ل تۆرێن جاڤکی تەماشە کر.
لێ ڤێ جارێ ئانمارییێ جزیری گازیکرە ئاگەھەنگەکا خوە و بۆ ئێکەم جار ھەڤدیتن پێکئینا و سترانا خوە پێکڤە و ب ئامادەبوونا جەماوەرەکێ مەزن گۆت.

939

ئەڤرو نیوز ، نەوزاد هلوری

پشتی کو بەرەیێ نەخێر کەرنەڤالەک بو پشتەڤانیا نەخێر ئەنجامدای ، توشی رەخنەیێن زور بو ، د بەرامبەر دا پەسنا خەلکێ سلێمانیێ کرن کو ل دوڤ گازیا وان نەکری.

تورێن جڤاکی ژ فێسبوک و ئەنستاگرامێ رەخنەیێن توند ل کەرنەڤالا نەخێرگرتن و دوپات کرن کو هەموو پێکڤە دێ ب بەلێ پشکداریێ د ریفراندۆمێ دا کەن

٢٠١٧٠٩٠٩_٢١١٨٥٩

٢٠١٧٠٩٠٩_٢١١٩١٤

٢٠١٧٠٩٠٩_٢١١٨٠٥

٢٠١٧٠٩٠٩_٢١١٧٤٣

٢٠١٧٠٩٠٩_٢١١٨٤١

٢٠١٧٠٩٠٩_٢١١٨٢٤

٢٠١٧٠٩٠٩_٢١٢٠٢٤

٢٠١٧٠٩٠٩_٢١٢٠٠٨

٢٠١٧٠٩٠٩_٢١١٩٤٩

٢٠١٧٠٩٠٩_٢١١٩٣٠

٢٠١٧٠٩٠٩_٢١٢١٣٢

٢٠١٧٠٩٠٩_٢١٢١١٥

٢٠١٧٠٩٠٩_٢١٢٠٥٨

٢٠١٧٠٩٠٩_٢١٤١٥٣

٢٠١٧٠٩٠٩_٢١٢٠٤٢

٢٠١٧٠٩٠٩_٢١٣٢٠٤

٢٠١٧٠٩٠٩_٢١٣١٤٦

٢٠١٧٠٩٠٩_٢١٣١٣٠

ئه‌ڤرۆ نیۆز،ره‌مه‌زان هه‌رنى:

سكرتێرێ پارتى یا سوشیالیستا كوردستانێ دیاركر:بابه‌تێ ریفراندۆما سه‌ربه‌خۆیا كوردستانێ ئه‌ركێ هه‌موو لایه‌كێ یه‌ نه‌ك ب تنێ پارتێن سیاسى و مه‌ گازندە هه‌یه‌ ل وان كه‌سێن كو رابردویێ عیراقێ دیتى و ژبیركرى،داکو ئه‌و روودان دوباره‌ نه‌بنه‌ڤه‌ دێ ریفراندۆمێ کەین.

غه‌فۆر مه‌خمورى سكرتێرێ پارتى یا سوشیالیستا كوردستانێ بۆ ئه‌ڤرۆ نیۆز خویاكر:مه‌ گه‌له‌ك ئه‌زمون هه‌نه‌ ل گه‌ل عیراقێ و ل هه‌موو قوناغ و گفتوگویان دا نه‌گه‌هشتینه‌ چۆ رێككه‌فتنا ل گه‌ل عیراقێ پشتى ئازاد كرنا عیراقێ بریاربوو عیراقه‌كا فیدرال بهێته‌ دروستكرن و مافێ هه‌موو ئایین و نه‌ته‌وه‌یان وه‌ك ئێك بهێته‌ پاراستن،به‌لێ مخابن چۆ راستى بۆ ڤێ عیراقى نه‌بوون ئه‌وا ب ناڤ فیدرال.

هەروەسا خویاكر ژى: برینا بوودجه‌ی كێم تر نینه‌ ژ وان كاره‌ساتێن ب سه‌ر ملله‌تێ كورد دا هاتین ل سالێن بورى ل سه‌ر ده‌ستێ حكومه‌تێن ئێك ل دووف ئێكین عیراقێ.
لەورا بابه‌تێ سه‌ربه‌خۆیا كوردستانێ گه‌له‌ك یا گرنگه‌ نابیت كێمتەر خەمی ل ئاست ڤێ پرسێ دا بكه‌ین،نها ل كوردستانێ ب گشتى ئه‌م به‌ره‌ف قۆناغه‌كا مه‌زن و چاره‌ نڤیساز ڤە دچین و پێدڤیه‌ ئه‌م بگه‌هینە مافیێن خوه‌.

مه‌خمورى ئاشكراکر ژى: ئه‌گه‌ر ریفراندۆم نه‌هێته‌ كرن دى ره‌وشا مه‌ خرابتر بیت، له‌ورا پێدڤیه‌ بێ دودلى بریارێ ل سه‌ر ڤى پروژه‌یى مه‌زن بده‌ین و بگه‌هێنە ئارمانجێن خوه‌ كو ئەو ژی سه‌ربه‌خۆیا كوردستانێ یه‌.

ئه‌ڤرۆ نیۆز،ره‌مه‌زان هه‌رنى:

نڤیسه‌ر و سیاسەتمه‌داره‌كێ كورد دیاركر:سەرخوەبوونا كوردستانێ ئاخفتنه‌ك نینه‌،به‌لكو پروژه‌یه‌كه‌ ب ناڤێ سه‌رخوەبوونا كوردستانێ كه‌سێن شاره‌زا ل روویێ یاسایى ڤه‌ باشتر دزانن كو باشترین ده‌لیڤه‌یه‌ بۆ سه‌رخوەبوونا كوردستانێ،عیراق هێشتا نزانیت ل سه‌ر چو بنه‌ما كورد جودا نه‌بیت ل گه‌ل وێ مینین عیراق یا تۆشى نه‌ساخیا سایكولوژى بوویه‌.

ئازاد جوندیانى ئەو نڤیسه‌ر و سیاسه‌تمه‌دارێ كوردە بۆ ئه‌ڤرۆ نیۆز دبێژیت:كوردان پێدڤى ب مانه‌ڤه‌یا ل گه‌ل عیراقێ نینه‌ كورد پشتى سه‌د سالێن سایكس پیكو، ئه‌ڤرۆ گه‌هشتینه‌ پتریا وان خالێن كو پێدڤى بۆ ن بۆ مه‌ كوردا،هەروەسا ل گەل عێراقێ هەردەم هێرش ل سه‌ر مە هه‌بوویه‌.

جوندیانى خویاكر ژى:مه‌ كوردا گه‌له‌ك پێدڤى ب هه‌بوونا سه‌ربه‌خۆیا كوردستانێ هه‌یه‌ و پشتى چه‌ندین سالێن مانه‌ڤێ ل گه‌ل عیراقێ و تاقیكرنا هه‌موو رێیا ئه‌ڤرۆ عیراق نه‌چاره‌ دانپێدانێ بكه‌ت كو ده‌مێ سه‌ربه‌خویا كوردستانێ یه‌ و سه‌ربەخۆیا كوردستانێ ل ئاخفتنێ بۆیە پروژه‌ و گه‌له‌ك نه‌مایه‌ بهێته‌ بجهكرن،هەروەسا نەساخیەک هه‌یه‌ ل عیراقێ كو ده‌رمانێ وێ نه‌ڤیا ن و نه‌مانا كوردایه‌،دڤێت مه‌زنترین دروشمێ مه‌ سه‌ربه‌خویا كوردستانێ و جودا بوون بیت ل عیراقێ.

ئەڤرو نیوز ، نەوزاد هلوری

ئێڤاریا ئەڤرو ب بەرهەڤبوونا پارێزگارێ دهوک و پێنج کونسولگەرێن جیهانێ ل هەرێمێ و سینەماکار و دەرهێنەر و ئەکتەرێن نافخوە و جیهانی فلمە ڤیستیڤالا دهوک یا نیڤدەولەتی یا پێنجێ ب رێڤەچو.

عادل عەبدولرەحمان ژ پشکا پەنەل و پرێسکونفرانسان بو ئەڤرو نیوز گۆت: (فلمە ڤیستیڤالا دهۆک یا نیڤدەولەتی یا پێنجێ ئەڤرۆ ئێڤاری ل دهوکێ دەستپێکر و تێدا چەند گوتارەک هاتنە خواندن و بەحس لسەر رولێ سینەمایێ ل  کوردستان  پارێزگەها دهوک هاتەکرن و ڤیستیڤال ب فێمێ زەرێ دەستپێکر و دێ بو دەما حەفتیەکێ ژی یا بەردەوام بیت)

زێدەتر گۆت : ( د فلمه‌ ڤیسته‌ڤالا دهۆک یا نیڤده‌وله‌تى یا پێنجێ دا دوو گروپ و 11 كورته‌ فلمێن هه‌ردوو ڤیسته‌ڤالێن بناڤ و ده‌نگێن جیهانى ” كان و ئوسكار ” دێ پشكداربن كو ئه‌ڤ یه‌ك ژى شانازیه‌كا مه‌زنه‌ بو پارێزگه‌ها دهۆك و هه‌تا ئه‌وان بخوه‌ ئه‌ڤ یه‌ك ب شانازى دیته‌ و هەر دچارچوڤێ رۆژانێن فلمه‌ ڤیسته‌ڤاڵا دهۆك یا نیڤده‌ولى دێ پێنج په‌نه‌لێن تایبه‌ت لسه‌ر سینه‌مایێ و چه‌وانیا به‌ر ب پێشڤه‌برنا وێ و كێماسى و خالێن لاواز و ب هێزێن بوارێ سینه‌مایێ هێنه‌ رونكرن و دانوستاندن لسه‌ر هێنه‌كرن كو ژلایێ كه‌سایێ بسپوور و تایبه‌تمه‌ن دوارێ سینه‌مایێ ل جیهانێ هێنه‌ ب رێڤه‌برن و ئێك ژوانان ژى سه‌رۆكا ئێكه‌تیا ره‌خنه‌گرێن سینه‌مایێن جیهانى لژێر ناڤ و نیشانێن ره‌خنه‌یێن سینه‌مایى كو مه‌ره‌م ره‌وشه‌نبیركرنا بوارێ سینه‌مایێ و پێگه‌هاندنا كادرێ سینه‌مایێ یه‌ ل كوردستانێ ب تایبه‌تى ل پارێزگه‌ها دهۆك و هژماره‌كا زور یا مێهڤانێن بیانى و نافخوه‌ى دوارێ سینه‌مایى دا دێ مێهڤان بن و دانوستادنێ لسه‌ر كه‌ن ، ئه‌ڤه‌ زێده‌بارێ كو رۆژانه‌ دێ ورگ شوپ و كونفرانسێن رۆژنامه‌ڤانى دێ بو ده‌رهێنه‌ر و سینه‌ماكار و زارڤه‌كر و به‌رهه‌ڤهێنه‌رێن فلمان هێنه‌ ئه‌نجامدان و زورترین زانیارى دێ هێنه‌ به‌حسكرن و گه‌هاندن ب تایبه‌تى ژى بو رۆژنامه‌ڤانان )

بزاڤێن خورت دێ هێنه‌كرن كو كه‌رتێ تایبه‌ت بهێته‌ رازیكرن كو خوه‌ ل بوارێ سینه‌مایێ بكه‌ن خودان و ده‌ست ب وه‌به‌رهێنانا فلمان بكه‌ن ، و كومه‌كا سوپرازێن گرنگ دێ د فلمه‌ ڤیسته‌ڤاڵا دهۆك یا نیڤده‌ولى دا هێنه‌ پێشكێشكرن هه‌ر بوو نموونه‌ ڤیستیڤاڵ دێ پێشوازیا فلمێ ئه‌فسانه‌یا پاشایى كو چێروك لسه‌ر ژیانا ده‌رهێنه‌رێ كوردێ بناڤ و ده‌نگ یه‌لماز گونه‌یه‌ و كچا یه‌لماز گونه‌یى بخوه‌ دێ به‌رهه‌ڤى نمایشێ بیت و ره‌نگه‌ دوڤدا كومه‌كا دیدار و زانیاریان ژى روون بكه‌ت ، عادلى هوسا گۆت.
به‌رپرسێ پشكا په‌نه‌ل و پرێسكونفرانسان ل فلمه‌ ڤیسته‌ڤاڵا دهۆك يا نیڤده‌ولى دیاركر ژى كو بزاڤێن خورت دهێنه‌كرن كو ئه‌ڤ ساله‌ جودا ژ سالێن بورى زورتین بینه‌ر به‌رهه‌ڤى ڤیستیڤالێ ببن و گۆت ژى: ( ڤیسته‌ڤال دێ ب فلمێ زه‌رێ یێ ده‌رهێنه‌رێ كورد كازم ئوس ده‌ست پێ كه‌ت و خه‌لكێ باكورێ كوردستانێ یه‌ ، چێرۆكا فلمى لسه‌ر سترانه‌كا كه‌لتورى یا كوردى یه‌ و بینه‌ره‌كێ ئه‌مریكا گه‌له‌ك پێڤه‌ دهێته‌گرێدان و لدوڤ ناڤ و ده‌نگیێن وێ دهێت هه‌تاكو دهێته‌ جهێ ئه‌وێ سترانێ كو رامان ژى ئه‌وه‌ لدوڤ نوخ وازیێ دچیت)
عادلى د درێژاهیا ئاخفتنێن خودا دیاركر ژى كو بو ئێكه‌مین جار ئه‌ڤ ساله‌ پشكه‌كا نوو ل فلمه‌ ڤیسته‌ڤالا دهۆك یا نیڤده‌ولى هاتیه‌ زێده‌كرن كو ئه‌و ژى پشكا نوهاده‌ و گۆت ژى: ( ئه‌ڤ پشكه‌ تایبه‌ته‌ بوان كه‌سانێن كو ژ نوو چوینه‌ دناڤا جیهانا سینمایى و كارێن وان ل قوناغێن ده‌ستپێكێ نه‌ ، و دناڤا ئه‌ڤێ پشكێ دا دێ سیمنار و ورگ شوپ لسه‌ر نڤیسین و ده‌رهێنه‌ریا فلمان و چه‌ند بابه‌ته‌كێن دن ژى هێنه‌ پێشكێشكرن و چوار رۆژان دێ یا به‌رده‌وام بیت و باوه‌رنامه‌ دێ لسه‌ر پشكدارێن وێ هێنه‌ پێشكێشكرن )
فلمه‌ ڤیسته‌ڤالا دهۆك یا نیڤده‌ولى دێ ژلایێ حكومه‌تا هه‌رێما كوردستانێ و چه‌ند سپونسه‌ره‌كان ب رێڤه‌چیت و 131 فلمێن نافخوه‌ و بیانى پشكداریێ لسه‌ر ده‌ستڤه‌ئینانا 17 خه‌لاتان كه‌ن ، دیسان د ڤیسته‌ڤاڵى دا 70 فلمێن بیانى بخوڤه‌ دگریت و نێزیكێ 30 فلمێن درێژ و 17 دیكیومێنتارى و هژماره‌كا فلمێن كورت پشكدارن.

فوتو ، شەهلا رێکانی:

image-0-02-05-6d2a5b9fbe410267d0df4b07bcf166abfe337f7ef36ce561f4182fca447d4247-V

image-0-02-05-3cedf4e9e663e03b415554a7b3f1f479197b248d8bc086d522fae75392f8e0ea-V

image-0-02-05-89bc32e02ee3a7bbf948dc7e5cc3290a7060e78edccc298c3e4a038c1f96a34a-V

image-0-02-05-cebf043a2caa8249e4b99acf6e361d4b9328a085d54d8ac0217a765acce18074-V

image-0-02-05-11065342e8996122eca7608f7eed17318b6aeac366befc9548c65db48d016ee4-V

image-0-02-05-0e5a0a2d8619250e826324340b747259b7505b74e31dd81110694f65360ff932-V

image-0-02-05-7bfcbb9129e27bed305ad40e9a037842d98539bd34e2abaa9b4caa3581934b6d-V

image-0-02-04-770dc6a99fe45c258b2132186f74bccc731a9b55b2aa90f5ec40cc747bf0d41a-V

website security
WP Facebook Auto Publish Powered By : XYZScripts.com