NO IORG
Facebook

 
ئەڤرۆ نیوز:

 

 

ئەڤە هزاران سالە مرۆڤان گیانەوەرێن کەهی بۆ مەرەمێن جۆدا بکار ئیناینە، هەروەسا بخودانکرنا گیانەوەرێن کەهی مفایەکێ زێدە بۆ ساخلەمیێ هەیە.

 

مالپەرێ CDC یێ ئەمریکی دیار کریە، هەبوونا گیانەوەرەکێ کەهی و دروستکرنا پەیوەندیێ ل؛گەل دا، چەندین مفا بۆ ساخلەمیێ هەنە، ژبەر کو مرۆڤی ژ دلتەنگیێ و دودلیێ دەردئێخن و ب یاریکرنێ ل گەل وان دا دلخۆشیەکا زێدە و جۆدا ب وان دهێتەدان کو چێدبیت ل گەل مرۆڤێن دی ب دەستنەکەڤیت، هەروەسا بخودانکرنا وان، یا هاریکارە بۆ داکەفتنا گڤاشتنا خوینێ، هاریکاریا داکەفتنا ئاستێ کۆلیسترۆلێ ددەت، ترایگلیسێرایدا خوینێ کێم دکەت، هەستکرنا ب تنێ بوونێ کێم دکەت، دەلیڤەیا وەرزشکرنێ و چالاکیا دەرڤە زێدە دکەت.

 

ئەڤرۆ نیوز:

 

رێبەرێ باسکێ سەدر د په‌یامه‌كێدا گه‌فا ئەنجامدانا خوەنیشاندانه‌كا ملیۆنی و مانگرتنێ دکه‌ت، هەکە ل ڤێ حه‌فتیێ پەرلەمان ‌كۆمنەبیت و دەنگی ب کابینا نوو یا عەلاوی نەده‌ت.

 

د نوکە دا موقتەدا سه‌در چاڤه‌رێی كۆمبوونا پەرلەمانی دكه‌ت و ئه‌و حوکمه‌تا كو عه‌للاوی بزاڤێ بۆ پێكئینانا وێ دده‌ت ، ب حكومه‌ته‌كێ وه‌سف دكه‌ت پشك پشكانێ نینه‌ و گه‌فا وێ یه‌كێ ژی دكه‌ت، هەکە باوه‌ری ب كابینا عه‌للاوی نه‌هێته‌دان یان ژی كابینه‌ ل ئاست چاڤه‌ڕێكرن و ره‌زامه‌ندیا گه‌ل و لێڤەگەرێ نه‌بیت، دێ ده‌ست خوەنیشاندانا ملیۆنی كه‌ین ل عیراقێ.

 

گه‌فێن موقتەدا سەدری د ده‌مه‌كێ دانه‌ پەرلەمانتاره‌كێ هه‌ڤپەیمانیا سائیروون رادگه‌هینیت: ئەڤرۆ دێ محەمەد عەللاوی لگه‌ل ئەندامێن پەرلەمانێ عێراقێ کۆمبیت و ناڤ و سیڤی یێن وەزیران و بەرنامێ کارێ حکومەتێ دێ ئێخیته‌ به‌رچاڤ.

 

ئەڤرۆ نیوز:

 

ژێدەرەکێ ژ وەزارەتا دارایی یا حوکمەتا هەرێما کورستانێ راگەهاند، سۆبەهی ئێکشەمبیێ دێ مووچێ وەزارەتا سامانێن سرۆشتی هێتە دابەش کرن.

 

هەروەسا گۆتیە ژی، ل گەل گەهشتنا پارێ بەغدا دێ ب ئێکجاری لیستا مووچێ وان وەزارەت و جهێن کو هەتا نوکە مووچێن خۆ وەرنەگرتیە راگەهینین.

 
ئەڤرۆ نیوز:
ئێڤاریا ئەڤرۆ شەمبیێ ب ئەگەرێ ئاریشەکا جڤاکی ل ناحیا حەریرێ یا سەر ب قەزا شەقلاوا ڤە، کور و بابەک ب چەکێ هاتینە کوشتن و دو کەسێن دی ژی بریندار بوون.

 

د بوویەرەکا تەقەکرنێ دا دو کەسان ژیانا خوە ژ دەستدایە و دو کەسێن دیتر ژی بریندار بوون، دو ژ کوشتیان کور و بابن و ب ناڤێ (ف.ع) و (س.ف) هەر وەسا دو کەسێن دی ژی د هەمان بوویەرێ دا بریندار بووینە.

ئەڤرۆ نیوز:

 

 

وەزیرێ ناڤخوە یێ حکومەتا هەرێمێ ڕاگەهاند، مە هەموو رێکار بۆ دەستبسەردانەگرتنا بازاری گرتینەبەر و رێکێ نادەین چ کەل و پەل و پێدڤیێن نۆشداری بچنە ژ دەرڤەی هەرێما کوردستانێ.
ئەڤرۆ شەمبیێ، د کۆنفڕانسەکا ڕۆژنامەڤانی دا ڕێبەر ئەحمەد وەزیرێ ناڤخوە یێ هەرێمێ راگەهاند، دێ هەموو سنورێن نەفەرمی هێنە داخستن و پەیوەندیێن بازرگانی ژی دێ بەردەوام بن.

 

هەروەسا گۆت ژی، ئەو وەلاتیێن کو ب رێیا حاجی ئۆمەران و دەروازێ باشماخ دەربازی هەرێمێ دبن، دێ هەموو ڕێکارێن قانوونی و نۆشداری بەرامبەر وان هێنە گرتن و ١٤ ڕۆژان ژی دێ ئێخینە بن چاڤدێریێ.
دەربارەی گرانبوونا بهایێ ماسک و دەرمانخانە و جهێن فرۆشتنا پێدڤیێن نۆشداری دیارکر، مە هەموو ڕێکار بۆ دەستبسەر دانەگرتنا بازاڕی گرتینەبەر و رێکێ نادەین چ کەل و پەل و پێدڤیێن نۆشداری بچیتە ژ دەرڤە.
هەڤدەم، سامان بەرزنجی وەزیرێ ساخلەمیا حوکمەتا هەرێمێ ڕاگەهاند، هەتا نوکە چ حالەتەک یان گومانلێکریەکێ توشبووی ب کۆڕۆنایێ نەهاتیە تۆمارکرن.

 
ئەڤرۆ نیوز:
کۆمپانیەکا ئەمریکی راگەهاند، وان چارەسەریەک بۆ کۆڕۆنایێ دیتیە و د نوکە دا مژوولی تاقیکرنا وێ چارەسەریێ نە ل سەر زیندەوەرێن تاقیگەهێ.

 

جۆن برایس ڕێڤەبەرێ جێبەجێکرنێ ل کۆمپانیا گریفیکس ل ویلایەتا تەکساس یا ئەمریکا راگەهاندیە، کۆمپانیا وان دڤێ حەفتیێ دا هەموو کارێن درۆستکرنا چارەسەریەکێ بۆ ڤایرۆسا کۆڕۆنایێ تەمام کرینە و د نوکە دا مژوولی تاقیکرنا وێ چارەسەریێ نە.

 

هەروەسا گۆتیە: پێنگاڤا داهاتیا کۆمپانیا وان دێ وێ چارەسەریێ ئێخیتە بازاڕی و گۆت ژی، ئەگەر ئەو چارەسەر یا سەرکەفتی بیت و ڕازیبوون ل سەر وێ چارەسەریێ بهێتە دان وی دەمی دێ کۆمپانیا وان بێ بەرامبەر وان چارەسەریان دەتە وان وەلاتێن کو کۆڕۆنا تێدا بەلاڤبووی.

کۆمپانیا گریفیس گرێبەستەک بۆ پێشڤەبرنا چارەسەریا ڤایرۆسان و نەخۆشیێن هەستیار ب کوژمێ ١٨.٩ ملیار دۆلاران ل گەل حوکمەتا ئەمریکا دا ئیمزاکریە، دیتنا وێ چارەسەریێ ژی بۆ کۆرۆنایێ د چارچۆڤێ جێبەجێکرنا وێ رێککەفتنێ یە.

769

ئەڤرۆ نیوز:

ئاژانسا سپوتینگ یا روسیا چەند ڤیدیۆ و وێنە بەلاڤکرن کو تێدا فرۆکێن شەری یێن روسیا هێرشی کاروانەکێ سەربازی یێن تورکیا دکەن.

بەری نها ژی چەندین جاران وەزیرێ دەرڤە یێ روسیا هۆشداری دابوو تورکیا کو هێزێن سەربازی رەوانەی ئدلبێ نەکەت و حەفتیا بۆری ژی ئەردۆگانی راگەهاند کو وان هەموو بەرهەڤی کرینە و دێ دەست ب ئۆپەراسیۆنا ئدلبێ کەن و زانایێن تورکیا ژی هۆشداریێ ددەنە ئەردۆگانی کو ل سووریێ شەرێ روسیا نەکەت، چونکو ئەو یەک دێ ئەنجامێن خوە یێن خراب بۆ تورکیا هەبن.

44

ئەڤرۆ نیوز:

رەجەب تەیب ئەردۆگانێ سەرۆک کۆمارێ تورکیا بۆ جارا ئێکێ دانپێدان ب هندێ کر کو چەکدارێن سووری ل لیبیا شەری دکەن.

بەری نها گەلەک دەزگەهێن راگەهاندنێ ئاماژە ب هندێ کربوون کو تورکیا چەکدارێن سووری ل سووریێ دەربازی لیبیا کرینە دا شەری بکەن، چەندین جاران ژی جەنەرال خەلیفە حەفتەر فەرماندارێ لەشکرێ نشتیمانی یێ لیبیا ل دۆر هندێ هۆشداری ژی دابوو تورکیا، نها ژی ئەردۆگان ب فەرمی قەبوولکر کو تورکیا چەکدارێن سووری بۆ شەری برینە لیبیا.

29

ئه‌ڤرۆ نیوز:
یانا به‌رشه‌لۆنا دخوازیت ل هاڤینا بهێت هه‌ڤبه‌ستێ ل گه‌ل گولچیه‌كێ نوو ئیمزا بكه‌ن وه‌كو گولچیێ دوێ یێ تیمێ و پێگوهورێ تێر شتیگن .
زێده‌تر رۆژناما سپورت یا ئیسپانى دیاركریه‌ به‌رپرسێن به‌رشه‌لۆنا هزر ل وێ چه‌ندێ كریه‌ هه‌ڤبه‌ستێ ل گه‌ل گولچیێ یانا ئه‌جاكس ئه‌مستردام ئوناناى ئیمزا بكه‌ن كو بیته‌ گولچیێ دوێ یێ یانێ و پێگوهورێ تێرشتیگن بیت ل قاره‌مانیێن نافخوى و ئورۆپى.
هه‌ردیسان وێ رۆژنامێ دیاركریه‌ ژى یانا ئه‌جاكس نابیته‌ رێگر به‌رامبه‌ر چوونا وى گولچیێ خوه‌ لێ به‌رامبه‌ر ده‌ست به‌ردانا وى دێ داخوازیا 40 ملیون یورۆیا كه‌ن.

هه‌ژى گوتنێ یه‌ ئه‌ندریه‌ ئونانا  یێ 23 سالى ده‌ستپێكا خوه‌ یا وه‌رزشى ل ئه‌كادمیا ساموێل ئیتو ل وه‌لاتێ كامیرون ده‌ستپێكربوو پاش یارى بۆ تیمێن تازه‌ پێگه‌هشتى و پێگه‌هشتى و لاوێن به‌رشه‌لۆنا كربوون پاش و ل سالا 2015 په‌یوه‌ندى ب یانا ئه‌جاكس ئه‌مستردام كر و هه‌تا نوكه‌ ل گه‌ل وێ یانێ یێ به‌رده‌وامه‌ و شیایه‌ 175 یاریان ل گه‌ل وێ یانێ بكه‌ت و هه‌ردیسان گولچیێ سه‌ره‌كى یێ هه‌لبژارتیێ كامیرون .

Image result for andré onana barcelona

Image result for andré onana barcelona

Image result for andré onana barcelona ئونانا ل ده‌مێ ل گه‌ل تیما لاوێن یانا به‌رشه‌لۆنا

22

ئەڤرۆ نیوز:

ئیمانوێل ماکرۆن سەرۆکێ فرەنسا راگەهاند کو بەری نها وەلاتێن ئێکەتیا ئورۆپا ل گەل ئەمریکا گەلەک بزاڤ کرن کو قەیرانا سووریێ ل جڤاتا ئاسایشێ یا نەتەوێن ئێکگرتی بهێتە چارەسەرکرن لێ مخابن روسیا و چینێ نەهێلان و هەموو بەرنامێن چارەسەریێ ژی ڤیتۆ کرن.

ناڤهاتی راگەهاند کو نها کارەساتەکا مەزن یا مرۆڤی ل ئدلبێ روو ددەت، ژ بۆ چارەسەریێ ژی روسیا، ئەلمانیا، فرەنسا و تورکیا دشێن وەکو کۆمبوونا سالا بۆری یا ل ئستەنبولێ پێکڤە چارەسەریەکا گونجای بۆ قەیرانا ئدلبێ پەیدا بکەن.

website security
WP Facebook Auto Publish Powered By : XYZScripts.com