NO IORG
Facebook

ئەڤرۆ نیوز:
بۆ دەمێ چەند رۆژانە ھێزەکا پارتا کارکەرێن کوردستانێ (پەکەکە)، ل سنورێ پارێزگەھا ھەلەبجە ھاتینە بجھکرن و بەرپرسەکێ پارتی ژی رادگەھینیت، ھەبوونا پەکەکێ ل دەڤەرێ ب ئاگەھداریا ئێکەتیێ یە و پەکەکە ل سەر سنوری باجێ ژ خەلکی وەردگریت و کارێ رێکخستنێ دناڤ سەنتەرێ پارێزگەھا ھەلەبجە دا ئەنجام ددەت.

فارووق کەریم، کارگێڕێ لقا 12 یا پارتی دیموکراتی کوردستان ل پارێزگەھا ھەلەبجە بۆ رۆژناما ئەڤرۆ گۆت” بەری چەند رۆژان ھێزەکا چەکدارێن پارتا کارکەرێن کوردستانێ (پەکەکە) ل سنورێ پارێزگەھا ھەلەبجە ھاتینە بجھکرن و ھژمارا وان نێزیکی 100 چەکداران دبیت و ھاتنوچوونێ ل دەڤەرێ دکەن، ئەڤ ھێز ل دەڤەرەکا سنوری ل سەر سنورێ ئیرانێ ھاتینە بجھکرن و ل سەر ھەرسێ گوندێن( ھاوار و گریالە و دەرەتفی) بارەگایێن خوە یێن داناین و رۆژانە گومرکێ ل وان کەسان وەردگرن یێن ھاتنوچوونێ د ناڤبەرا ھەرێما کرودستانێ و ئیرانێ دا دکەن، بەری نوکە ژی ھێزەکا پەکەکێ ل سنورێ قەزا پێنجوینێ ھاتینە بجھکرن و ل سەر سنوری گومرکێ ژ خەلکی وەردگرن”.
فارووقی زێدەتر گوت” ھەروەسا ئارمانجەکا دی ژ ھاتنا ڤێ ھێزا چەکدارێن پەکەکێ یا ھەی، ئەوژی بۆ رێگریێ یە ل پێشمەرگێن رۆژھەلاتێ کوردستانێ و ڕێ نەدەن چالاکیێن خوە ل سەر سنوری ئەنجام بدەن “.
ل دووڤ بۆچوونا ڤی کارگێرێ لقا 12 یا پارتی ل ھەلەبجە” ئەڤ ھێزا پەکەکێ ب ئاگەھداریا دەستھەلاتا دەڤەرێ یا ھاتیە پارێزگەھا ھەلەبجە، ئەوژی ئێکەتی نیشتیمانی کوردستانە و مە وەکو پارتی پرسیار ژ حوکمەتا ناڤخوەیا ھەلەبجە کریە و ئەو ئاگەھداری بابەتی نە، بەلێ ئێکەتی و لایەنێن دی گەلەک د رژد نینن ل سەر ھاتنا پەکەکێ و دیارە ھەلویستێ وان ل دۆر چەکدارێن پەکەکێ یێ نەرمە و رێککەڤتن ل گەل ھەڤدو یا ھەی، چونکی ئەڤ ھێزا پەکەکێ ب فەرمانا سەرکردایەتیا خوە یا ھاتیە دەڤەرێ و بێگومان سەرکردایەتیا پەکەکێ ژی بەری نوکە رێککەفتن ل گەل ئێکەتیێ ھەبوویە، لەوما مە ژی وەکو پارتی چو ھەلویست نابن، چونکی ھەکە مە ھەلویست ھەبیت، دێ ب ڕێیا دەزگەھێن ئەمنی یێن پارێزگەھێ بیت و حوکمەتا ھەرێما کرودستانێ یا بەرپرسە ژ ھەر ئەگەرەکێ روو بدەت”.
فارووقی ئاشکراکر ژی” ل گۆرەی پێزانینێن مە، نوکە پەکەکە یا کارێ رێکخستنێ دناڤ پارێزگەھا ھەلەبجە دا دکەت و رەنگە ئێک ژ ئەگەرێن ھاتنا چەکدارێن وێ بۆ پارێزگەھا ھەلەبجە پشتەڤانیکرنا رێکخستنێن خوەبیت و خوە دیار بکەن، ھەتا چو لایەن نەشێن رێگریێ ل وان کەسان بکەن یێن کاری بۆ پەکەکێ دکەن، ئەز باوەرناکەم ئیرانێ ژی چو ھەلویست ھەبن، ژ بەر کو پەکەکە رێ نادەت چو ھێزەکاد ی ل دەڤەرێ چالاکیان بکەت و دێ بیتە پەرژینەکێ سنوری بۆ رێگریکرنێ ل چالاکیێن حزبێن رۆژھەلاتا کوردستانێ”.

ئەڤرۆ نیوز:
سکرتێرێ مەکتەبا سیاسی یا پارتی دیموکراتی کوردستان راگەھاند، سەرۆکێ پەرلەمانێ کوردستانێ نەشیا د ڕێڤەبرنا پەرلەمانی دا یێ سەرکەفتی بیت، پێدڤی ژی دزانیت لایەنێن سیاسی ناکۆکیێن خوە یێن لاوەکێ لابدەن، د ھەمان دەمدا ئەندامەکێ سەرکردایەتیا پارتی سێ سیناریۆ بۆ چارەکرنا قەیرانا سیاسی ل ھەرێمێ بەرچاڤکرن.
فازل میرانی سکرتێرێ پارتی دیموکراتی کوردستان د بەرنامێ (دووماھیا ھەفتیێ) ل کوردستان تیڤی گوت” پێدڤیە ھێزێن سیاسی پێکڤە روونن و ئێک گۆتار ھەبیت بۆ وان گوھۆرینێن ل دەڤەرێ روو ددەن و پێدڤیە جوداھیێن لاوەکی لابدەین و بۆچوونێن ھەڤپشک مە ھەبن ل دۆر رەوشا ل دەڤەرێ دێ ھێتە پێش”.
میرانی ل دۆر کۆمبوونێن پارتی و ئێکەتیێ گوت” ھەردو لایەن د رژدن ل سەر کۆمبوونان د بەردەوامبن ھەتا دگەھنە ھەلویستەکێ ھەڤپشک بۆ وێ چەندێ ئاسایشا ھەرێمێ بپارێزین و ھەتا 10 سالێن دی ژی مە پێدڤیا ب ھەڤدو ھەی” دیسا گوت” پارتی و ئێکەتی نەشێن بێ ھەڤدو حوکمەتێ ب ڕێڤەببەن، بەلێ ئەڤە ڕامانا وێ چەندێ نینە کو لایەنێن دی بھێنە پەراویزخستن”.
ل دۆر رۆلێ یوسف محەمەدی د ڕێڤەچوونا کارێن پەرلەمانی دا، فازل میرانی گوت” سەرۆکاتیا پەرلەمانی و ب تایبەت سەرۆکێ پەرلەمانی، د سەرکەفتی نەبوون د ڕێڤەبرنا پەرلەمانی دا و نەشیان ململانیا سیاسی ژ پەرلەمانی دووربێخن، لەوما پێدڤیە سەرۆکێ پەرلەمانی ب رەنگەکێ قانوونی بھێتە گوھۆرین و ب دیتنا من گۆڕانێ ئەو شەنسە نینە پۆستێ سەرۆکێ پەرلەمانی وەربگریت”.
ژلایەکێ دی ڤە، ھێمن ھەروامی ئەندامێ سەرکردایەتیا پارتی د دیدارەکێ دا ل گەل کەنالێ سپێدە راگەھاند، د بەرھەڤین بێ مەرج دانوستاندنێ ل گەل بزاڤا گۆڕان بکەین و سێ سیناریۆ بۆ چارەکرنا قەیرانا سیاسی ل ھەرێما کوردستانێ ئاشکراکرن و گوت” سیناریۆیا ئێکێ، دەستپێکرنا دانوستاندنایە ل گەل بزاڤا گۆڕان بێ مەرج، د بەرامبەر دا وەزیرێن بزاڤا گۆڕان بزڤرن بۆ ناڤ حوکمەتێ و دەستەیەکا نوو بۆ سەرۆکاتیا پەرلەمانی بھێتە ھەلبژارتن”.
ل دۆر سیناریۆیا دویێ، ھێمن ھەورامی گوت” ھەکە نەگەھشتینە ڕێککەفتنەکێ، ئەو رەوشا نوکە ھەی، بەردەوام بیت ھەتاکو سالا 2017 ێ، کو ب چو ڕەنگەکی پارتی ناخوازیت رەوش ب ڤی ڕەنگێ نوکە یا بەردەوام بیت”.
سەبارەت سیناریۆیا سیێ گوت”ھەکە ڕێکەفتن ل سەر ھەردوو سیناریۆیێن ئێکێ و دویێ نەھاتە کرن، سیناریۆیا سیێ ئەوە کو ھەموو ئەندامێن پەرلەمانێ کوردستانێ دەست ژ کاری بکێشن و داخوازا ھەلبژارتنێن پێشوەخت بھێتە کرن”.
ل دۆر ھەلویستێ پارتی دیموکراتی کوردستان، ھێمن ھەورامی دبێژیت” پارتی ل گەل سیناریۆیا ئێکێ یە و ھاتنا وەزیرێن بزاڤا گۆڕانە بۆ ناڤ حوکمەتێ ب گۆرەی ڕێککەفتنەکا نوو و درێژەدان ب کابینا حوکمەتێ ھەتا ھەلبژارتنێن 2017 ێ”.

ئەڤرۆ نیوز:
وەزیرێ دەرڤە یێ بریتانیا د داخۆیانیەکێ دا راگەھاند کو ئەڤرۆکە یێن ل دژی داعشێ شەری دکەن و براستی ژی یێن کو رۆلێ ھەڤپەیمانەکا دلسۆز بۆ رۆژئاڤا دگێرن ھەر کوردن، ژ بەر ھندێ ژی دڤێت ھەر دو وەلاتێن سووریا و عیراق پارچە ببن دا کو دەولەتا کوردی بھێتە راگەھاندن، چونکو یێن سنۆرێ نھا دروست کری فرەنسا و بریتانیا بوون و دڤێت ئەو دیسان سنۆرێن نھا ب گوھۆرن.
ل گۆر راپۆرتەکا مالپەرێ نێرینا ئازاد ڤیلیام ھیگ وەزیرێ دەرڤە یێ بریتانیا د داخۆیانیەکێ دا راگەھاند کو مەترسیا داعشێ ل سەر جیھانێ رۆژ ب رۆژێ زێدەتر لێ دھێت و نھا وێ رێکخراوا تیرۆرستی بەرێ خوە دایە ئورۆپا و دخوازیت ترسەکا مەزن د ناڤ خەلکی دا دروست کەت، ژ بەر ھندێ ژی دڤێت گوھۆرینێن بەرچاڤ د ستراتیژیا شەرێ ل دژی داعشێ دا بھێتە کرن و دڤێت وەلاتێن رۆژئاڤا پێکڤە ب رەنگەکێ جدی شەرێ داعشێ بکەن و وێ ژناڤ ببەن و گۆت: (براستی ھێزێن پێشمەرگێن کوردستانێ وەک قارەمانان شەرێ داعشێ دکەن و شیاینە پرانیا ئاخا خوە ژ دەستێ وان تیرۆرستان ئازاد بکەن، ل سووریایێ ژی کورد شیاینە تیرۆرستان ژ گەلەک دەڤەران دەربخینن و دربێن کوژەک ل وان بدەن، ئەو یەک ژی نیشا ددەت کو نھا براستی کورد ھەڤپەیمانێ مەنە و ب ناڤێ مە شەرێ داعشێ دکەن، ژ بەر ھندێ ژی دڤێت وەلاتێن رۆژئاڤا ب رەنگەکێ جدی ھاریکاریا کوردان بکەن دا ئەو داعشێ ژناڤ ببەن و ھەروەسا ژ بۆ نەخشێ نوو یێ رۆژھەلاتا ناڤین ژی فەرە کو دەولەتا کوردی بھێتە ئاڤاکرن).
ڤیلیام ھیگ د پشکەکا دی یا ئاخڤتنا خوە دا ئەو یەک ژی نەڤەشارت کو بریتانیا و فرەنسا د چەرخێ بیستێ دا ژ بەر بەرژەوەندیێن خوە یێن وی دەمی سنۆرێن نھا داناینە و بێگومان ژ بەر وان سنۆران ژی گەلەک ئاریشە بۆ کوردان دروست بوون، لێ نھا دەم ھاتیە کو سنۆر بھێنە گوھۆرین و ھەر دو وەلاتێن سووریایێ و عیراقێ بھێنە پارچەکرن، چونکو ھەتا ئەو ھەر دو وەلاتە پارچە نەبن، کورد نەشێن بریارێ ل سەر چارەنڤیسێ خوە بدەن و دەولەتا خوە راگەھینن و گۆت: (وەلاتێن ھەڤپەیمانان شەرێ ل دژی داعشێ کو نھا ب رەنگەکێ لاواز پشتەڤانیا پێشمەرگێن کوردستانێ دکەن دڤێت ھاریکاریا کوردان بکەن دا ئەو بشێن بریارێ ل دۆر چارەنڤیسێ خوە بدەن و ژ بەر ھندێ ژی دەم ھاتیە کو نەخشێ دەڤەرێ ب تەمامی بھێتە گوھۆرین و وەک پێنگاڤا یەکێ ژی دڤێت سووریا و عیراق بھێنە پارچەکرن و دەولەتا کوردی بھێتە راگەھاندن و دڤێت وەلاتێن ئورۆپا ژی ب رەنگەکێ فەرمی پشتەڤانیێ ل دەولەتا کوردی بکەن).
وەزیرێ دەرڤە یێ بریتانیا ئەو یەک ژی دیار کر کو ل عیراقێ و سووریایێ گەلەک نەتەوە و خەلکێن جودا جودا دژین کو ب سالانە زۆلم و زۆرداری ل وان ھاتیە کرن، ھەتا ئەو نەتەوە نەگەھنە مافێ خوە و ب رەنگەکێ ئازاد نەژین و بریارێ ل سەر چارەنڤیسێ خوە نەدەن قەیرانێن ل سووریایێ و عیراقێ ژی چارە نابن، ژ بەر ھندێ ژی باشترین رێ ئەوە کو ھەر دو وەلات بھێنە پارچەکرن و ھەکە ئەو یەک روو بدەت دێ کورد د زووترین دەم دا شێن دەولەتا خوە راگەھینن و بۆ رۆژئاڤا ژی گەلەک دێ باش بیت کو پشتەڤانیێ ل دەولەتا کوردی بکەن چونکو کورد دێ بنە باشترین ھەڤپەیمانێ ئورۆپا ل رۆژھەلاتا ناڤین.
د دووماھیا ئاخڤتنا خوە دا ویلیام ھیگ ئەو یەک ژی دیار کر کو ئاڤابوونا دەولەتا کوردی دێ رێگریێ ل ب ھێزبوونا گرۆپێن ھشکباوەر گریت و دێ بیتە دەستپێکەکا باش بۆ پرۆسیسا دیموکراسیێ ل رۆژھەلاتا ناڤین، چونکو نھا ژی ھەرێما کوردستانێ شیایە نموونەکا باش یا پێکڤەژیانێ ل گەل خەلکێن دی دروست بکەت و کوردان کەلتورەکێ باش یێ پێکڤەژیانێ ھەیە و ئەو یەک دشێت ببیتە کلیلا دیموکراسی و پێکڤەژیانێ ل رۆژھەلاتا ناڤین و دێ کاریگەریا خوە ل ھەموو وەلاتێن جیرانێن خوە کەت.

152

ئه‌ڤرو نیوز،بارزان مزوورى

ئه‌ڤرو ده‌مژمێر 3:15 خوله‌ك 28/11/2015 ل سه‌ر رێیا سه‌ره‌كیا ئه‌تروش بو ده‌ڤه‌را چه‌مكانێ ل نێزیك گوندێ بلان ترومبێله‌ك ژ جورێ پیكاب دێر د وه‌رگه‌ریێت و د ئه‌نجام دا ژن و مێره‌ك یێن گه‌نج دناڤ دا بون ب دژوارى برینداربون و بو نه‌خوشخانا شێخان هاتن ڤه‌گوهاستنو حه‌تا نها لبن چاڤدێریا نوژدارانه‌ .
لدوڤ گوتنێن شوفێرى كو ل سه‌ر رێ حسو رژیا بو، سه‌ر رێ چه‌ند پێ خو ل ستوپێ دا ترومبێل دا لێك زڤرى و چه‌ند مه‌تره‌كا چوو و هه‌ر حه‌سو بو حه‌تا ترومبێل وه‌رگه‌ریایى و پێدڤیه‌ خودانێ وێ ترومبێلا بارهه‌لگر بهێته‌ سزادانو بشێوه‌یه‌كێ نه‌یێ یاسایى حه‌سو رژیا بو سه‌ر رێ و نه‌هات بو پاقژ كرن ئه‌و گه‌رێ وه‌رگریانا ترومبێلێ حه‌سو بو .

QQ

ئه‌ڤرۆ نیوز:
ژئه‌گه‌رێ تیرۆركرنا پارێزه‌رێ كورد تاهر ئێلچی دده‌مه‌كێ كێم دا پتری 2 هزار كوردێن ل سته‌نبۆلێ دژین رژیانه‌ مه‌یدانا ته‌قسیم ل سته‌نبولێ، چه‌ندین سلۆگان گۆتن و تیرۆركرنا ئێلچی ئیدانه‌ كرن، پۆلیسێن تورك ژی ب هاڤێتنا گازا رۆندكرێژ و ئاڤا خۆرت بزاڤ كرن خوه‌نیشانده‌ران به‌لاڤه‌ پێبكه‌ن.

CU6Hu-wWIAERo4R

CU6IHZSUkAAY1Bh

CU6JBIAWcAEyQlH (1)

CU6MjwNUAAA0STa

cu6df_nwcaexnbv

CU6HNqSWIAArCQ-

elci-protesto4

tahir-elci555

167

ئه‌ڤرۆنیۆز، ئه‌یاد به‌رواری

سه‌رۆك وه‌زیرێن ئیسرائیلێ پشته‌ڤانیا وه‌لاتێ خوه‌ بۆ سه‌ربخوه‌یا كوردستانێ دیاركر و دوپاتی ل سه‌ر وێ چه‌ندێ ژی كر كو پێدڤیه‌ هه‌ڤپه‌یمانیه‌ك د ناڤبه‌را هێزێن میانڕه‌و ل ده‌ڤه‌رێ دروست ببیت.
بنیامین ناتانیاهۆ سه‌رۆك وه‌زیرێن ئیسرائیلێ د گۆتاره‌كێ دا ل ناڤه‌ندا ڤه‌كۆلینێن (ته‌ل ئه‌بیب) گوت” د چارچۆڤێ هه‌ڤپه‌یمانیه‌كا به‌رفره‌ه دا د ناڤبه‌را هێزێن میانڕه‌وێن ده‌ڤه‌رێ، پێدڤیه‌ ده‌وله‌تا كوردی یا سه‌ربخوه‌ دروست ببیت”.
ناتانیاهۆی گوت ژی” زێده‌بوون و به‌رفره‌هبوونا توندڕه‌وێن سونی ب هاریكاریا قاعیده‌، ل گه‌ل زێده‌بوون و به‌رفره‌هبوونا شیعان ب هاریكاریا ئیرانێ، ره‌وشه‌كا وه‌سا یا دروستكری كو پێدڤیه‌ هاریكاریا كوردستانێ بكه‌ین كو ئۆتۆنومی یا هه‌ی ل باكوورێ عیراقێ و ده‌ڤه‌ره‌كا زه‌نگێن ب ڕێڤه‌دبه‌ن” دیاركر ژی” كورد نه‌ته‌وه‌كێ شه‌ڕكه‌رن و یا سه‌لماندی ژی كو دشێن پێگیریا سیاسی بپارێزن و هه‌ژی سه‌ربخوه‌یێ نه‌ و پێدڤیه‌ پشته‌ڤانیا خه‌ونا كوردان بۆ سه‌ربخوه‌یێ بكه‌ین”.

163

ئه‌ڤرۆنیۆز، ئه‌یاد به‌رواری
پرۆفیسۆره‌كێ سویدی یێ تایبه‌تمه‌ند دبیاڤێ شرۆڤه‌كرنا پێزانینێن هه‌والگیری ل زانكۆیا لوند یا سویدی دیاركر كو كریارێن تیرۆرستی ئه‌وێن پاریس رووداین و به‌رسڤا فره‌نسا ل سه‌ر وان دوپاتیه‌ ل سه‌ر هه‌لبوونا شه‌ڕێ جیهانیێ سیێ.
ویلهلم ئه‌گریل د دیداره‌كێ دا ل گه‌ل رۆژناما ( سیدسفینسكا) یا سویدی گوت” شه‌ڕێ جیهانیێ سیێ دێ گه‌له‌ك یێ جودا بیت ژ هه‌ردو شه‌ڕێن جیهانی یێن ئێكێ و دویێ و راده‌یا وی دێ به‌ده‌وام زێده‌تر لێهێت”.
گوت ژی” شه‌ڕێ د ناڤبه‌را رێكخستیێن تیرۆرستی یێن ئیسلامی ژلایه‌كی ڤه‌ و وه‌لاتێن ئورۆپی ژلایه‌كێ دی ڤه‌، ب ره‌نگه‌كێ باش دیاردكه‌ن كو شه‌ڕێ جیهانیێ سیێ یێ هه‌لبووی”.
ب دیتنا وی شاره‌زایێ پێزانینێن هه‌والگیری” ژ كارڤه‌دانا فره‌نسا، رێكخستیا ده‌وله‌تا ئیسلامی (داعش) یا تیرۆرستی دێ چه‌كێ شه‌ڕه‌كێ به‌رفره‌هتر كه‌ت، داخویانیا فره‌نسا ژی كو ئه‌و یا د شه‌ڕی دا ل گه‌ل تیررۆێ، ئارمانجا داعشێ بوو و تێدا سه‌ركه‌فت”.
خویاكر ژی” پشكداریا چار وه‌لاتان د ڤی شه‌ڕی دا، ژ سه‌رجه‌مێ پێنج وه‌لاتێن ئه‌ندامێن به‌رده‌وام د جڤاتا ئاسایشا نێڤده‌وله‌تی دا، وی شه‌ڕی دكه‌ته‌ شه‌ڕه‌كێ جیهانی” گوت ژی” شاشی یه‌ كه‌ هه‌كه‌ هزر بهێته‌ كرن كو شه‌ڕێ جیهانیێ سیێ دێ وه‌كو هه‌ردو شه‌ڕێن جیهانی یێن ئێكێ و دویێ بیت، به‌لكو ئه‌م نوكه‌ یێن د شه‌ڕێ جیهانیێ سیێ دا، به‌لێ ئه‌م وێ چه‌ندێ نزانین”.
گوت ژی” شه‌ڕێ نوكه‌ و ئه‌نجامێن وی، كارتێكرنێ ل سه‌ر رۆژهه‌لاتا ناڤین و ئه‌فریقیا ب تنێ ناكه‌ت، به‌لكو دێ ل سه‌ر ئورۆپا ژی كه‌ت و ئه‌م نوكه‌ یێ زنجیره‌كا روودانێن مه‌زن ل وه‌لاتێن ئێكه‌تیا ئورۆپی دبینین، بێ كو ئه‌م بشێن كونترۆلێ ل سه‌ر بكه‌ین”.
ل دۆر پێشبینیێن ڤی شه‌ڕی، پرۆفیسۆرێ سویدی دبێژیت” ئه‌م نزانین دێ چاوا ئه‌ڤ شه‌ڕه‌ب دووماهی هێت، ب زه‌حمه‌ته‌ ژی د چه‌ند هه‌فتیه‌كان دا پێشبینیێ بكه‌ین و بێژین كا دێ ره‌وش ل رۆژهه‌لاتا ناڤین و ئێكه‌تیا ئورۆپی پشتی چه‌ند سالان یا چاوان بیت، به‌لێ پێشبینیه‌كا مه‌زن یا هه‌ی ئه‌وژی به‌رفره‌هبوونا بیاڤێ ڤی شه‌ڕی كو دێ بیته‌ شه‌ڕه‌كێ مال وێرانكه‌ر د پاشه‌رۆژێ دا”.

147

ئه‌ڤرۆنیۆز، ئه‌یاد به‌رواری

ئاژانسا وزا نێڤده‌وله‌تی پێشبینیا بلندبوونا بهایێن په‌ترۆلێ دكه‌ت و دبێژیت دێ به‌رده‌وام بهایێن په‌ترۆلێ بلندبوونێ ب خوه‌ڤه‌ بینیت و ل سالا 2020 دێ گه‌هیته‌ 80 دۆلاران بۆ هه‌ر به‌رمیله‌كێ.
ل دووڤ راپۆرته‌كا ئاژانسا ناڤبری كو ل رۆژا ئه‌ینیێ 27/11/2015 ێ ده‌ركری” پشتبه‌ستنا هندستانێ ل سه‌ر كڕینا په‌ترۆلی دێ 90% زێده‌تر لێهێت ل سالا 2040 ێ و هندستان پێدڤی ب وه‌به‌رهێنانێ یه‌ د وزێ دا ب گۆژمێ دترلیۆن و 800 ملیۆن دۆلاران”.
د راپۆرتا ناڤبری دا هاتیه‌” وه‌به‌رهێنانێن په‌ترۆلی ل جیهانێ 20% یێن كێمبووین دسالا 2015 ێ دا و ل سالا 2016 ێ دێ كێمتربن، به‌لێ هندستان دێ بیته‌ ئه‌گه‌رێ زێده‌بوونا داخوازیێ ل سه‌ر وزێ ل جیهانێ د سالێن داهاتی دا پتر ژ چینێ”.

ئه‌ڤرۆ نیوز: ڤه‌ده‌ر ره‌شاڤایی:

وه‌زاره‌تا دارایی و ئابۆری راگه‌هاندییه‌ كو دێ بڤی ره‌نگێ خارێ مووچه‌یێ مه‌ها 8 دابه‌شكه‌ت:
رۆژا ئێكشمه‌مبی 2015/11/29 مووچەیێ مه‌ها ته‌باخێ (مه‌ها هه‌شت) یێن هەردوو وەزارەتێن دارایی و ئابووریی و كاروبارێن شەهید و ئەنفالكریان، خێزانێن شەهیدان و ئەنفالكری و زیندانیێن سیاسی دێ هێنه‌ دابه‌شكرن.

رۆژا دووشەمبی 2015/11/30 مووچەیێ تیرمه‌هێ یێ وەزارەتێن ئاڤه‌دانكرن و ئاكنجیكرنێ، كارەبا، ئەوقاف و كاروبارێن ئایینی، سامانێن سرووشتی، بازرگانی و پیشەسازی، پلاندانان و دەزگه‌هێن مینان، دیوانا چاڤدێرییا دارایی و كۆمسیۆنا بلندا هەڵبژارتن و دەستەیێن ماف، ژینگەهـ، وەبەرهێنان، دەستپاكی و ناوچێن دەرڤه‌ی هەرێما كوردستان دێ هێنه‌ دابه‌شكرن.

رۆژا سێشەمبی 2015/12/1 مووچەیێ وەزارەتێن خواندنا بلند و لێكۆلینێن زانستی، ڕۆشنبیری و لاوان و ڤه‌گوهاستن و گەهاندن دێ هێنه‌ دابه‌شكرن.

وەزارەتا دارایی و ئابووری
28-11-2015

website security
WP Facebook Auto Publish Powered By : XYZScripts.com