NO IORG
Facebook

ئه‌ڤرۆ نیۆز:
سه‌ركرده‌كا كورد ل باژێرێ كوبانێ بۆ ئاژانسا ( BBC) گۆت: ل پڕانیا ده‌ڤه‌رێن كوبانێ چه‌كدارێن تیرۆرستێن داعشێ نه‌چار كرینه‌ خوه‌ڤه‌كێشن و ده‌ركه‌ڤن.
بهارین كه‌ندال هه‌روه‌سا دیاركر،چه‌كدارێن تیرۆرستێن ده‌وله‌تا ئیسلامى داعشێ ل هه‌موو بنگه‌هێن باژێرێ كوبانێ هاتن ڤه‌كێشان، بتنێ هنده‌ك جهێن رۆژهه‌لاتا كوبانێ نه‌بیت، هێرشێن ئه‌سمانى یێن ئه‌مریكى هاریكاریه‌كا مه‌زن بۆ ده‌رخستنا داعشێ كریه‌.
سه‌ركردا شه‌رڤانێن كوردان بهراین كه‌ندال هه‌روه‌سا راگه‌هاند، ئه‌و چاڤه‌رێ رامالینه‌كا ته‌مامن و ئازادكرنا كوبانێ ژ داعشێ، زێده‌بارى وێ گۆت: هاریكاریێن مرۆڤى و چه‌ك و ته‌قه‌مه‌نى ژى گوهشتنه‌ وان.
ژئالیه‌كێ دیڤه‌ سه‌ركرده‌كا دى یا شه‌رڤانێن (YPK ) ب ناڤێ دیجله‌ بۆ ئاژانسا رۆیته‌رز گۆت: هێش شه‌رۆپێكدادان د به‌رده‌وامن و شه‌رڤانێن كوردان هژماره‌كا زۆر ژ چه‌كدارێن داعشێ كوشتن و ته‌رمێن وان تژى جاده‌ و كولانێن كوبانێ نه‌.

ئه‌ڤرۆ نیۆز:
زارۆیێ ژیێ وى 8 سال ژ ده‌ستێن بابێ وى یێ خه‌لكێ كوسۆفو ب كریاره‌كا هه‌والگیرى یا هه‌ڤپشك ل سوریا هاته‌ قورتالكرن، سه‌رۆكێ كوسۆفو هاشم تاجى گۆت: هوالكیریا وه‌لاتێ وى ب هه‌ڤكارى ل گه‌ل وه‌لاتێ توركیا شیان وى زارۆكى یێ ب ناڤێ (ئێریون ئه‌بازى) ژ ده‌ستێن بابێ وى قورتال بكه‌ن كو ب مه‌ره‌ما جیهادێ ل گه‌ل خوه‌ بریه‌ وه‌لاتێ سوریا.
هاشم تاجێ هه‌روه‌سا گۆت: ئه‌و كریارا قورتالكرنێ یا بزحمه‌ت و ئاسێ و پڕ مه‌ترسى بوو.
ئه‌و كریارا قورتالكرنێ هات پشتى دایكا زاروكى برانڤیرا زینا ل سه‌ر تۆڕ جڤاكى فیسبۆكى بانگه‌وازیه‌ك به‌لاڤكرى و تێدا داخوازا هاریكاریێ بۆ ڤه‌گراندنا زارویێ خوه‌ تێدا كرى.

ئه‌ڤرۆ نيوز:

حوكمه‌تا توركيا راگه‌هاند كو رێژا هنارتنا په‌ترۆلا هه‌رێما كوردستانێ بۆ توركيا د رۆژێ دا يا بۆ 240 هزار به‌رميلان زێده‌بووى كو به‌رى چه‌ند حه‌فتيان دا 150 هزار به‌رميل بوو د رۆژێ دا.

وه‌زيرێ وزێ ل توركيا تانر يه‌لدز د داخۆيانيه‌كا رۆژنامه‌ڤانى دا كو رويته‌رز به‌لاڤكريه‌ راگه‌هاند: “رێژا هنارتنا په‌ترۆلا نه‌ پالاوتى ژ هه‌رێمێ بۆ به‌نده‌را جيهان ل سه‌ر ده‌ريا ناڤه‌راست گه‌هشتيه‌ 240 هزار به‌رميلان د رۆژێ دا، ل ده‌ستپێكا ڤێ حه‌فتيێ”.

هه‌تا دووماهيا هه‌يڤا بۆرى هه‌رێما كوردستانێ 19 ترێل ب رێژا 13.7 مليۆن به‌رميلان ژ په‌ترولا نه‌ پالاوتى د هنارتنه‌ توركيا سه‌ره‌راى گه‌فێن به‌رده‌وامێن حوكمه‌تا توركيا.

ژ هه‌يڤا ئه‌يارێ وه‌ره‌ و ب رێيه‌كا جودا هه‌رێما كوردستانێ په‌ترۆلا خوه‌ دهنێريته‌ توركيا و ل سه‌ر سنورێ توركيا و عيراق دچيته‌ سه‌ر بۆريێن عيراق-توركيا ل سه‌ر سنورێ هه‌ردو وه‌لاتان.

ئەڤرۆ نیۆز ، سالار دۆسکی:
جێگرێ ئەمیندارێ گشتیێ ئێکگرتوو ئیسلامی کوردستان، بۆ مالپەرێ ئەڤرۆ نیوز دیارکر کو بەربژێرێ پێشتر ھاتیە دیارکر بۆ وەرگرتنا پۆستێ وەزارەتا کوچ و کوچبەرێن عیراقێ، غازی سەعید، دێ پۆستێ وەزارەتا ھەرێمێ ل کوردستانێ وەرگریت.
سەعید عەلی عەبۆ جێگرێ ئەمیندارێ گشتیێ ئێکگرتوو ئیسلامی کوردستان بۆ ئەڤرۆ نیۆز گۆت: “غازی سەعید کو پێشبینی دھاتەکرن ببیتە وەزیرێ کوچ و کوچبەرێن عیراقێ و پشتی گۆڕان وەرگرتی، غازی سەعید پۆستێ وەزارەتا ھەرێمێ وەرگرتیە ل ھەرێما کوردستانێ و ھەتا نوکە ھاتیە دیارکرن کو دێ وەزارەتا ھەرێمێ بۆ چ بیت”.
ئەڤە دبیتە وەزیرێ پێنجێ یێ ئێکگرتوو د کابینا ھەشتێ دا سەرەرایی پۆستێ سەرۆکێ فەرمانگەھێن نەحکۆمی کو بەرامبەر وەزارەتەکێ یە.
سەعید عەلی عەبۆ گۆتژی: “وەکو سەرکرداتیا ئێکرتوو ل دھۆکێ غازی سەعید بەربژێر کربوو بۆ وەرگرتنا وی پۆستی و دەمێ وەزارەتا ژنان ل بەغدا بەر ب ئێکرتوو کەفتی ھەر مە ڤیا کاک غازی پوستەکێ وەزارەتێ وەرگرت و ھەرێم بەرکەفت”.
جێگرێ ئەمیندارێ گشتیێ ئێکگرتوو ئیسلامی کوردستان، ئەو چەندە ژی دیارکر کو وەزیر دھێنە پارڤەکرن ل سەر ئەندامێن ئێکرتوو وەکو دەسکەفت و گۆت: “نابیت دو وەزیرێن دھۆکێ بن، مە نەڤیا جھێ غازی ژن بیت، مە ھەر ڤیا غازی سەعید وەزەرتێ وەربگریت”.
عەبۆی گۆتژی: “ھێشتا سەرکرداتیێ بڕیار نەدایە کی وەزرەتا ژنان ل بەغدا وەربگریت، بەغدا و جڤاتا سەرکرداتیێ دێ روونە خوار”.

ئەڤرۆ نیوز ، سالار دۆسکی:

پشتی رێڤەبەریا گشتيا کەشناسیا هه‌رێما كوردستانێ دیارکری کو دێ حەفتیەکێ باران بن و دبیت ژ ئه‌گه‌رێ وان بارانان، له‌هى دێ دروست بن، قائیمقمامێ قەزا دھۆکێ خۆيا كر كو بەرھەڤی ھاتینەکرن و خواست مالێن نێزیکی رووبارێ ھشکەرِوو د ئامادەباشیێ دابن.

بۆتان محسن، قائیممقامێ قەزا دھۆکێ، بۆ مالپەرێ ئەڤرۆ نیوز دیارکر کو ب سەردەما ھاتنا باران و له‌هيان تایبەت کو پێشبینی دھێـتەکرن حەفتیا بھێت دژوار بن، بەرھەڤی ھاتینەکرن و کۆمبوون د گەل فەرمانگەھێن پەیوەندار ھاتینەکرن ب دیتنا چارەکێ و نەکەفتنا گرفتان وەکو سالا بۆری.

بۆتان محسن گۆت: “كار هاتيه‌ كرن كو هه‌ر جهه‌كێ ببيته‌ له‌هى زوو بهێته‌ پاقژكرن، هه‌ر چه‌نده‌ ئه‌ز ساله‌ ژ به‌ر شه‌رى مه‌ گرفتا ئاميران ژى هه‌يه‌ وه‌كو حه‌فاره‌ و شه‌فه‌ل، چونكو بۆ دروستكرنا چه‌په‌ران برينه‌ به‌رۆكێن شه‌رى”.

زێده‌تر گۆت: “ل سه‌ر ڤى بابه‌تى پارێزگارێ دهۆكێ ژى ب نڤيساره‌كا فه‌رمى هاتيه‌ ئاگه‌هدار كرن كو ئاميرێن پێدڤى بۆ باژێرڤانيێ و لايه‌نێن په‌يوه‌نديدار بهێنه‌ كرێكرن”.

سۆلينێن هنده‌ك مالێن دكه‌ڤنه‌ سه‌ر هشكه‌ڕووى هه‌تا مالتايێ و زركا هاتينه‌ چێكرن، هنده‌ك ژى ماينه‌ و گۆت: “پرۆه‌ يێ كۆنكريتى يه‌ و هه‌تا هه‌موو دهێنه‌ چێكرن، نه‌ كاره‌كێ ب ساناهى يه‌، له‌ورا هيڤى دكه‌ين ئه‌و مالێن ل ده‌وروبه‌رێن هشكه‌ڕووى د هشيار بن و نه‌هێلن سۆلينێن وان پيس ببن و ببنه‌ ئه‌گه‌رێ له‌هيان”.

قايمقامێ قه‌زا دهۆك ئه‌و ئێك ژى نه‌ڤه‌شارت كو گه‌له‌ك يا ب زه‌حمه‌ته‌ پارێن له‌هيان يێن دو سالێن بۆرى بگه‌هنه‌ ئاواران ژ به‌ر ئه‌و روودانێن ئابوورى يێن نوكه‌ وه‌لات تێدا دبۆريت.

ل دۆر ئاوارێن ل بن كاژێن زاويته‌ ژى، بۆتان محسن ب تۆره‌ى ڤه‌ گۆت: “هه‌كه‌ ب من بيت چو بۆ وان ناكه‌ين، چونكو مه‌ جهـ بۆ دابينكريه‌ و رێڤه‌به‌رێ ناحيێ ژى دو جارا چوويه‌ وێرێ و داخواز ژێ كريه‌ ژ وێرێ بچن، لێ ئه‌و ناخوازن ژ وێرێ بچن”.

رێكخراوه‌كا ئوكرانی كو تایبه‌ت ب مافین ژنان بو پشته‌ڤانیێ ل كوبانێ ئیك ژ ئه‌ندامێن وێ ل دژی چه‌كدارین داعشی و پشته‌ڤانیكرن ل كوبانێ وێنه‌یه‌كێ خو به‌لاڤ دكه‌ت و ل وێنه‌ی دا ده‌ر دكه‌ڤیت كو ل سه‌ر هاتیه‌ نڤیسین كوبانێ دێ بیته‌ گورستانا داعشێ

به‌رهه‌ڤكرن، نناجی به‌ده‌ل:

ئەڤرۆ نیوز، سالار دۆسکی:

سەرۆکێ لیستا ئێکگرتوو ئیسلامی کوردستانێ ل بەغدا بۆ مالپەرێ ئەڤرۆ نیۆز دیارکر کو رەنگە ڤێ خولا حوکمەتێ پۆستێ سەرۆک ئەرکانێن لەشکرێ عیراقێ کو بابەکر زێباری یە، ژ کوردان بھێتە وەرگرتن و دێ ھەموو رژدیێ و گڤاشتنا کەین پۆست ھەر بمینت کورد، چونکو گرنگیا خوە ھەیە و مەرج نینە کا کی بیت، ب تنێ گرنگ ئەوەیە پێگەھێ کوردان ل بەغدا یێ بھێز بیت و دڤێت ل سەر ڤێ چەندێ کورد دئێکگرتی بن.
موسەنا ئەمین سەرۆکێ لیستا ئێکگرتوو ئیسلامی کوردستانێ ل بەغدا زێدەتر گۆت: “دڤێت ھەموو د پوستان دا کوردان پشکا خوە ھەبیت، ب ھیڤی نە کو پۆستێن سالێن بۆری یێن بەھرا کوردا و ماینە ڤالا دووبارە نەبیت، چونکو ھەر بەھرەکا کوردان ل بەغدا ڤالا بمینیت، دێ کورد زەڕەرمەند بن”.

ناڤبری ئاشکرا کر ژی کو بریکارێن وەزیرا د گەل رێڤەبەرێن گشتی و شیرەتکارێ دیوانا سەرۆکاتیێ و ھەتا نوکە نەھاتیە ئێکلاکرن و ئەڤە دمینیتە ل سەر جڤاتا وەزیران د گەل وەزیران کو گەنگشێ بکەن و کوردان بەھرا خوە ھەیە و دڤێت وەربگریت.

موسەنا ئەمین گۆتژی: “سالێن بۆری سەرۆکێ دەستەیا حەجێ کو وەزیرە و بریکار و کو دڤێت ئێک کورد با و ماوەکی نەھاتە تژیکرن و ھەتا ئێکێ عەرەب ل جھێ وی ھاتیەدانان و دەستێ کوردان دەرکەفت، ئەڤە دووبارە نابیت”.
ل دۆر مووچێن فەرمانبەران ژی، سەرۆکێ لیستا ئێکگرتوو گۆت: “مووچێن خەلکی پەیوەندی ب پشکداریا کوردان دحوکمەتێ دا ھەیە، وەزیرێن کورد سوند بخۆن و بچنە سەر کارێ خوە، ئەڤ کێشە نامینیت و پێدڤی یە وەزیرێن کورد فشارێ بکەن جڤاتا وەزیران و سەرۆکێ جڤاتا وەزیران کارێ خوە بجھبینیت و مووچێ خەلکێ کوردستانێ فرێکەت، ھەتا دو مووچە ژی بن دا ببیتە رێخوشکەر بۆ چارەسەرکرنا کێشان، دیسا بودجا ٢٠١٤ دھێتە ئێکلاکرن و پێدڤیە ئەو مووچێ، نەداینە کوردستانێ ھەموو بھێنە رەوانەکرن”.

وێنه‌ ژ پۆرتالێ رووداو هاتيه‌ وه‌رگرتن

ئه‌ڤرۆ نيوز:

كۆمبوونا مه‌كته‌با سياسى يا پارتى ديموكراتى كوردستان و ئێكه‌تى نشتيمانى كوردستان ب دووماهى هات و نێچيرڤان بارزانى، جێگرێ سه‌رۆكێ پارتى ديموكراتى كوردستان و مه‌لا به‌ختيار به‌رپرسێ ده‌سته‌يا كارگێريا مه‌كته‌با سياسى يا ئێكه‌تى نشتيمانى كوردستان كۆنگره‌كێ رۆژنامه‌ڤانى گرێدا.

جێگرێ سه‌رۆكێ پارتى ديموكراتى كوردستان گۆت: “ئه‌م هه‌ردو لا ل سه‌ر وێ چه‌ندێ رێكه‌فتينه‌ كو پێداچوون د رێكه‌فتنناما ستراتيژى دا بهێته‌ كرن”.

خۆيا ژى كر كو ب گۆره‌ى وێ رێكه‌فتنا ستراتيژى گه‌له‌ك خزمه‌ت يێن بۆ كوردان هاتينه‌ پێش.

مه‌لا به‌ختيار ژى گۆت: “لژنه‌كا هه‌ڤپشك بۆ نه‌هێلانا كێشان د ناڤبه‌را پارتى و ئێكه‌تى دا هاتيه‌ پێكئينان”.

نێچيرڤان بارزانى خۆيا ژى كر كو پارتى و ئێكه‌تى د هه‌ڤده‌نگين ژ بوو چاره‌كرنا كێشێن ل گه‌ل به‌غدا و گۆت: “ئه‌ڤرۆ رۆژا پێنجشه‌مبى شاندێ وه‌زيرێن كورد دێ چنه‌ به‌غدا، يه‌كگرتوو نه‌بيت كو دێ شه‌مبيێ هنێريت”.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16.10.2014 بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 37500
گرام زێرێ (ع) 21 43500
گرام زێرێ (ع) 22 45500
1 گرام زيڤ 3000
website security
WP Facebook Auto Publish Powered By : XYZScripts.com