NO IORG
Facebook

ئه‌ڤرۆ نیوز:
فه‌ریق جه‌مال محه‌مه‌د سوپالاسارێ وه‌زاره‌تا پێشمه‌رگه‌ى ئاماژه‌ ب وێ یه‌كێ دكه‌ت كو چه‌ند ئوتومبێلێن زریپوش یێن ئه‌مریكى گه‌هشته‌ هه‌ولێرێ كو یێن تایبه‌تن ب په‌قاندنا ته‌قه‌مه‌نیان و بۆ باس گۆت” ژمارا وان 25 ترۆمبێلێن درعن ژ جورێ ( ئیمراس) كو دژى مینانن”.

ئەڤرۆ نیوز، نیوار محەمەد سەلیم:

راگەھاندنا رێڤەبەریا ھاتنوچوونا پارێزگەھا دھۆکێ ئاگەھدارا وەلاتیان دکەت کو ژ بەر رەوشا ئەڤرۆ یا بەفرێ ئەو ب رێیا رادیۆیا خوە بەردەوام شیرەت و ھوشداریا ددەنە وەلاتیان و دیار دکەن کا کیش رێ ھەیە و کیش نینە.

ملەت جەمال، رێڤەبەرێ رادیۆیا ترافیک ل دھۆکێ بۆ ئەڤرۆ نیوز گۆت: “ئەڤە رەوشا کەشوھەوایی تێکچوویی کارمەندێن وان یێ بەردەوام شیرەتان ل شوفێران دکەن دا کو تووشی چو روودانێن ھاتنوچوونێ یێن دل تەزین نەبن”.

زێدەتر گۆت: “بەرەدەوام یێ وەلاتیان ئاگەھدار دکەن کا چ رێ ھاتە ڤەکرن و چ ژی ھاتە گرتن، دا د ھشیار بن و نەچنە چ رێیا بمیننە ئاسێ”.

ھیڤی ژی ژ وەلاتیان خواست یێ کارەکێ فەر نەبیت ترۆمبێلا خوە نەبەتە ژ دەرڤە و دەمێ د بەن ژی ب ھشیاری ب ھاژوون دا تووشی چو روودانان نەبن.

پەخشێ رادیۆیا ترافیک ل سەر شەپۆلا ٩٠.٩٠ دھێتە پەخشکرن.

راديۆ ترافيك

326

شێخان، بارزان مزوورى

ل سه‌ر رێیا شێخان بۆ كومه‌لگه‌ها چره‌ به‌رامبه‌ر كومه‌لگه‌ها مه‌هه‌ت به‌رى چه‌نده‌كێ 10 روودانێن هاتن و چوونێ په‌یدابوون كو سێ كه‌س برینداربووینه‌.
نه‌قیب به‌درخان محه‌مه‌د ژ رێڤه‌به‌ریا هاتن و چوونا شێخان بۆ ئه‌ڤرۆ نیوز دیاركر كو ژبه‌ر هاتنا به‌فرێ رێ ئالوز بووینه‌ و ژ ڤان 10 روودانان سێ كه‌س برینداربووینه‌.

فوتو‌: بارزان مزوورى

 

 

 

ئه‌ڤرۆ نیۆز، قائید میرۆ
به‌ری نیڤرۆیا ئه‌ڤرۆ ل سه‌نته‌رێ قه‌زا به‌رده‌ڕه‌ش شه‌ڕ د نێڤبه‌را دوو هه‌ڤژینان چێدبیت و پشتی زه‌لامی هه‌ڤژینا خوه‌ قوتای گیانێ خوه‌ ژ ده‌ستدا.
رائیدێ مافپه‌روه‌ر عه‌فوان عه‌بدولحه‌مید، به‌رپرسێ نڤیسینگه‌ها توندوتیژیان ل دژی ئافره‌تان ل به‌رده‌ڕه‌ش بۆ ئه‌ڤرۆ نیۆز گۆت” ئه‌ڤرۆ ده‌مژمێر 11ی به‌ری نیڤرۆ ئه‌م هاتینه‌ ئاگه‌هداركرن ژ حاله‌ته‌كێ گیان ژ ده‌ستدانا ژنه‌كێ دناڤا سه‌نته‌رێ قه‌زا به‌رده‌ڕه‌ش.
عه‌فوانی گۆتژی” ئه‌ڤ ژن و زه‌لام ب ئه‌گه‌رێ ئاریشه‌یه‌كێ بشه‌ڕ هاتینه‌ و زه‌لامی ژنا خوه‌ قوتایه‌ و پشتی هنگی گیانێ خوه‌ ژده‌ستدایه‌، به‌لێ هێشتا خویا نه‌بوویه‌ ئه‌ڤێ ژنێ ب ئه‌گه‌رێ ئێشانا قوتانا زه‌لامی گیانێ خوه‌ ژده‌ستدایه‌ یانژی نه‌.
هه‌روه‌سا دیاركر، نوكه‌ زه‌لام ژلایێ پۆلیسانڤه‌ هاتیه‌ ده‌سته‌سه‌ركرن و لێكۆلین یا به‌رده‌وامه‌.

89

ئه‌ڤرۆ:

كارلو ئه‌نچیلوتى راهێنه‌رێ یانا ریال مه‌درید یێ بێزاره‌ ژ ئاستێ یاریكه‌رێن خوه‌ پشتى د یاریا دێربیا باژێرێ مه‌درید دا ب ئه‌نجامێ دو گولان یانا وى خوساره‌ت بووى.
ئه‌نچیلوتى ئاماژه‌ ب ئاستێ خرابێ هێلا هێرشبرنێ یا یانا خوه‌ كر و دیسان به‌حسێ بهێزیا به‌ره‌ڤانیكه‌رێن ئه‌تله‌تیكو كر كو ده‌ربازكرنا وان یا بزه‌حمه‌ه‌ته‌.
ل دۆر ئاستێ گاریس بەیل كو روى ب روى ره‌خنا بوویه‌ كو ئاسته‌كێ خراب نیشادایه‌، كارلۆ گۆت: بابه‌ت نه‌ یێ گرێدایى یه‌ ب گاریس بەیل ڤه‌، ب گشتى هێلا مه‌ یا هێرشبرنێ یا لاواز بوو.

562

موسل، بارزان سلێمان مزوورى
به‌رپرسێ لقا 14 مووسل ل میحوه‌رێ باشیك، عصمت ره‌جه‌ب، بۆ ئه‌ڤرۆ نیوز دیار كر كۆ چه‌كدارێن تیرورستێن داعش ئه‌ڤرۆ پرا شندوخا دناڤبه‌را كه‌سكێ مووسل TNT كر و په‌قاند.
ژ ئالیه‌كێ دى ڤه‌، ناڤبرى ئاماژه‌ ب وێ یه‌كێ كر كو ئه‌ڤرۆ سپێدێ چه‌كدارێن تیرورستێن داعش 12 ته‌رمێن خو یێن ل شه‌نگال ده‌ربازى ده‌ڤه‌را ره‌شیدیێ مووسل كرن ئه‌وێن ب ده‌ستێن پێشمه‌رگه‌ى هاتین كوشتن .

118

مووسل ،بارزان سلێمان مزوورى
كارگێرێ لقا 14 ل مووسل ، شێخ محی الدین مزوورى ، بۆ ئه‌ڤرۆ نیوز دیار كر كۆ ل دوڤ زانیاریێن دروست كۆ ژ لایێ به‌رپرسێ به‌شێ نوشداریا داد یا نه‌خوشخانا مووسل یاگشتى ل پارێزگه‌ها مووسل گه‌هشتینه‌ وان د مه‌ها حوزه‌یرانێ دا هه‌‌تا ئه‌ڤرۆ 1206 ته‌رمێن وه‌لاتیێن پارێزگه‌ها مووسل گه‌هشتینه‌ وان.
ناڤبرى دیار كر كۆ ئه‌و وه‌لاتى هه‌مى ژلایێ چه‌كدارێن تیرورستێن داعش ڤه‌ هاتینه‌ كوشتن و سێداره‌دان .

ئه‌ڤرۆ نيوز، نيوار محه‌مه‌د سه‌ليم:

ل دووڤ بڕيارا دادگه‌ها تاوانان ل دهۆكێ، دادگه‌هكرنا بكوژێ دونيايێ يێ ب ناڤێ سلێمان دياب هاته‌ كرن و سه‌ره‌رايى پێكهاتنا جڤاكى د ناڤبه‌را هه‌ردو بنه‌مالان دا هاته‌ زيندانكرن.

كه‌وسه‌ر محه‌مه‌د، پارێزه‌را خێزانا دونيايێ بۆ ئه‌ڤرۆ نيوز دياركر كو ل رۆژا 29\12\2014 ل دهۆكێ دادگه‌ها بكوژێ دونيايێ هاته‌ ئه‌نجام دان، و ل دووڤ مادێ 405 يێ تايبه‌ت ب كوشتنێ هاته‌ سزادان.

دونيا يا 15 سالى د شوويێ خوه‌ يێ دويێ دا، شوو ب بابێ شه‌ش زارۆيان كربوو كو 45 سالى بوو و خه‌لكێ كۆمه‌لگه‌ها كه‌له‌كچى يا سه‌ر ب پارێزگه‌ها دهۆك ڤه‌ بوو، هه‌ڤژينێ وێ يێ نوو ئه‌وێ ب ناڤێ سلێمان دياب ب تۆمه‌تا هه‌بوونا په‌يوه‌نديان ل گه‌ل گه‌نجه‌كێ كه‌له‌كچى كوشت.

كه‌وسه‌ر محه‌مه‌د گۆت: “ژ به‌ر كو خێزانا كچكێ سكالايا خوه‌ ڤه‌كێشابوو، سلێمان دياب ل دووڤ ماددێ 405 يێ قانوونا سزايێن عيراقى بۆ ماوێ 10 سالان ب تنێ هاته‌ زيندانكرن”.

پارێزه‌را خێزانا دونيايێ ئاماژه‌ ب وێ چه‌ندێ ژى كر كو بڕيار بوو هنده‌ك كه‌سێن دى ژى ل كێشێ بهێنه‌ زێده‌كرن كو برايێن وى ژى ل گه‌ل بن، به‌لێ ژ به‌ر كو پێكهاتن د ناڤبه‌را هه‌ردو خێزانان دا هاته‌ كرن ئه‌وان خوه‌ ل ئه‌نجامێن ته‌ميزێ نه‌گرت و دادگه‌هـ هاته‌ كرن و گۆت: “مه‌ ژى نه‌ڤيا خوه‌ بكه‌ينه‌ لايه‌ك د كێشێ دا”.

ل دووڤ ئه‌و پێزانينێن ب ده‌ست ئه‌ڤرۆ نيوز كه‌فتين، ئه‌ڤ كێشه‌ پێش وه‌خت ب رێيا جڤاكى هاتبوو چاره‌كرن  و وه‌كو نه‌ريته‌كێ جڤاكى ل گه‌ل ڤێ پێكهاتنێ كۆژمه‌كێ پاره‌يى دايه‌ خێزانا كچكێ.

شێخان، بارزان سلێمان مزووری:

ژێدەرەکى ژ ئاسايشا کومپانیا بەرھەم ئینانا په‌ترولێ ل گوندێ مغارا سەر ب ناحیا ئەترووش ڤە بۆ ئەڤرۆ نیوز دیار کر کو نوکە د دەمێ پشکنینێ دا د گەل شوفێرێن تورک یێن ترۆمبێلێن ڤەگوھاستنا نەفتا خام ل کۆمپانیێ بۆ جھەکێ دا شوفێرکێ رەگەز تورک ناسناما داعش د ناڤا بەریکێن وی دا بوون، ژ لایێ ئاسايشێ ڤە ھاتە دەستەسەرکرن.

ئەڤە دو شوفێرێن تورک ل قەزا شێخان دھێنە گرتن، بەری دو رۆژانە ئێکێ دى ل کۆمپانیا بەرھەم ئینانا په‌ترۆلێ ل گوندێ بیسات سەر ب ناحیا قەسرۆک ڤە هاتبوو گرتن ھەردو ژ وان ناسنامێن وان یێن داعش ڤێ بوون.

ئه‌ڤ كارته‌ ڤێ هاتيه‌ گرتن كو هه‌موو پێزانينێن محه‌مه‌د پێغه‌مبه‌ر (س) ل سه‌ر د نڤيسينه‌ و وه‌سان هاتيه‌ چێكرن هزر بكه‌ن ب تنێ پێزانينێن ژيانا وى نه‌ ل سه‌ر هاتينه‌ چێكرن
ئه‌و كه‌سێ گۆمان ل سه‌ر هه‌يى كو داعش بيت و نوكه‌ ل ژێر كۆنترۆلا زێره‌ڤانێن كۆمپانيا په‌ترۆلێ يه‌

ئەڤرۆ نیۆز، قائید میرۆ:
بۆدەمێ دو رۆژانە پێلەکا بەفر و بارانێ ھەرێما کوردستانێ ڤەگرتی و ب ئەگەرێ ھاتنا بەفرەکا زۆر رێیا سەرەکیا ھەرێما کوردستانێ و کۆمارا ئیسلامیا ئیرانێ ل خالا سنوریا حاجی ئومەران ھاتیە گرتن.
ژێدەرەکێ ئەگەھدار ل ناحیا حاجی ئومەران ب ئەڤرۆ نیۆز راگەھاند، دوھی وەرە بەفر بارینێ ل سنورێ بالەکایەتی و حاجی ئومەران دەستپێکریە و ھەتا نوکە پتری ٣٠ سم بەفرێ بارینە، بەلێ تیمێن پاقژکرنا بەفرێ بەردەوامن ل ڤەکرنا رێیا گشتی.
ئەڤی ژێدەری گۆتژی” ل حاجی ئومەران تنێ بۆدەمێ دو دەمژمێران رێیا وەلاتیان ھاتبووگرتن، بەلێ ئەف رێیا دکەڤیتە ناف سنورێ ئیرانێ بتەمامی نەھاتیە پاقژکرن و بۆیە ئەگەرێ گرتنا خالا سنوریا حاجی ئومەران و نوکە ھاتن وچوون دنێڤبەرا ھەرێما کوردستانێ و ئیرانێ ب زەحمەت کەفتیە.

website security
WP Facebook Auto Publish Powered By : XYZScripts.com