NO IORG
نوچێن گرنگ

ئەڤرۆ نیوز:

 

 

جڤاتا وەزیرێن هەرێما کوردستانێ ب سەرپەرشتیا مەسرور بارزانی، سەرۆک وەزیرێن هەرێما کوردستانێ، ب رێیا ڤیدیۆ کۆنفرانسی کۆمبوون و دەستپێکرنا قۆناغا دویێ یا سیستەمێ بایۆمەتری پەسەند کر.

 

 
د وێ کۆمبوونێ دا، قوباد تالەبانی راپۆرتەک دەربارەی بایۆمەتریێ بەرچاڤ کر و تێدا ب زانیاری و هووورکاریان بەحسێ قۆناغێن وی سیستەمی و ئارمانج و ئەنجامان کر، کە پرۆژەکێ گشتگیر و فراوانترە، ژ هندێ، کو ب تنێ داتابێسەک بیت بۆ تۆمارا بایۆمەتریا مووچەخۆران.

 

هەروەسا جڤاتا وەزیرێن هەرێما کوردستانێ دەستپێکرنا قۆناغادویێ یا سیستەمێ بایۆمەتری پەسەند کر ب ئاراستا بەرجەستەکرنا حکومەتا ئەلەکترۆنی و مفا وەرگرتن ژ تەکنەلۆژیا زانیاریان بۆ رێڤەبرنا سازیێن حکومەتێ و بەرفرەهکرنا ڤی پرۆگرامی، هەتا وارێن دیتر ژی ڤەگریت و ببیتە هاریکارەکێ سەرەکی بۆ جێبەجكرنا کریارێن چاکسازیا ب ئەلەکترۆنیکرنا دامودەزگەهێن حکومەتا هەرێمێ.

ئەڤرۆ نیوز:

رێڤەبەرێ گشتی یێ خانەنشینان ل هەرێما کوردستانێ راگەهاند کو بریارا حوکمەتا هەرێما کوردستانێ یا بۆ کێمکرنا مووچەی ب رێژا ٢١% بۆ مووچێ مەها دو دێ خانەنشینان ژی گریت.

حازم ئیسماعیل رێڤەبەرێ گشتی یێ خانەنشینان ل هەرێما کوردستانێ راگەهاند کو مووچێ هەموو خانەنشینان دێ هێتە کێمکرن و ئەوێن ب پلێن تایبەت یێن سەربازی یان ژی مەدەنی هاتینە خانەنشین کرن دێ ٥٠% ژ مووچێ وان هێتە بڕین و یێن دی ژی دێ ٢١% بیت لێ کەسێ مووچێ وان ٣٠٠ هزار بیت دەستکاری د مووچێن وان دا ناهێتە کرن.

ئەڤرۆ نیوز:

وەزارەتا ساخلەمیا عیراقێ ئامارا ٢٤ دەمژمێرێن بۆری یا کۆرۆنایێ بەلاڤکر کو تێدا هاتیە دیار کرن د ماوەیێ ٢٤ دەمژمێرێن بۆری دا دو هزار و ٧٤١ کەس ل عیراقێ تووشی ڤایرۆسێ کۆرۆنایێ بووینە و هەروەسا ٩٤ کەسان ژی ب ڤایرۆسێ کۆرۆنایێ جانێ خوە ژ دەست داینە.

ئەڤرۆ نیوز:

فەرماندێ فەرمانداریا ناڤەندی یا هێزێن ئەمریکا راگەهاند کو نها مستەفا کازمی سەرۆک وەزیرێن عیراقێ پێدڤی ب هاریکاریا ئەمریکا یە، ژ بەر هندێ ژی ئەمریکا چو بەرنامە بۆ هندێ نینن کو هێزێن خوە ژ عیراقێ ڤەکێشیت.

جەنەرال کینیس ماکینزی راگەهاند کو کازمی دڤێت ئاریشێن نها ل عیراقێ چارەسەر بکەت، ژ بەر هندێ ژی ئەو پێدڤی ب هاریکاریا هێزێن ئەمریکا یە، ئەمریکا ژی ژ بەر هندێ بریار دایە کو هێزێن خوە ل عیراقێ بهێلیت و جارێ مە چو بەرنامە بۆ هندێ نینن کو هێزێن خوە ژ عیراقێ ڤەکێشین.

ئه‌ڤرۆ نیوز:

رێكخراوا ساخله‌میا جیهانێ راگه‌هاند هێشتا ڤه‌كۆلین بۆ پێشڤه‌برنا زانیاریێن ده‌ربارێ چه‌وانیا ڤه‌گۆهاستنا كورونایێ دهێنه‌كرن و جیهانێ بۆ دارا ئێكێ یه‌ نه‌خوشیه‌كا وه‌ك كورونایێ بخوڤه‌ دگریت هه‌می ئاكنجیێن جیهانێ كرینه‌ بارمته‌.

ماریا ڤان كیرخوڤ سه‌رۆكا یه‌كا نه‌خوشیێن كۆ ژ ئاژه‌لی دهێنه‌ ڤه‌گۆهاستن بۆ مرۆڤان ل رێكخراوا ساخله‌میا جیهانی راگه‌هاند نوكه‌ بزاڤ بۆ زێده‌كرنا زانیاریێن ده‌ربارێ چه‌وانیا ڤه‌گۆهاستنا كورونایێ ل چه‌ند رۆژێن بهێت زانیاریێن نوو دێ هێنه‌ به‌لاڤكرن.

لگوری ئه‌وان ئامارێن هه‌تا ئه‌ڤی ده‌می كۆ ژماره‌یا توشبوویێن ڤایرۆسێ كورونایێ ل جیهانێ گه‌هشته‌ 11 ملیۆن و 957 هزار و 577 كه‌سان، ژ ئه‌ڤێ ژماره‌یێ ژی پێنج سه‌د و 46 هزار و 785 كه‌سان ژی گیانێ خوه‌ ژ ده‌ست دایه‌.

ل سه‌ر ئاستێ وه‌لاتێن جیهانی، ئه‌مریكا زۆرترین رێژا توشبوویێن ڤایرۆسێ كورونایێ تێدا هاتیه‌ توماركرن، گه‌هشتیه‌ سێ ملیۆن و 97 هزار و 84 كه‌سان و 133 هزار و 972 كه‌سان ژی گیانێ خوه‌ ژ ده‌ست دایه‌.

ئه‌ڤرۆ نیوز:

په‌یڤدارێ حكومه‌تا عیراقێ راگه‌هاند دانوستاندن ل گه‌ل هه‌رێما كوردستانێ وه‌ك كیانه‌كێ دستوری به‌رده‌وامه‌ و ده‌ربارێ چه‌ند پرسه‌كێن هه‌لاویستی دكه‌ین، دستور دێ بیته‌ بنه‌مایێ چاره‌كرنا هه‌ر ئاریشه‌یه‌كا دناڤبه‌را به‌غدا و هه‌ولێرێ دا.

ئه‌حمه‌د مه‌لا ته‌لال په‌یڤدارێ حكومه‌تا عیراقێ راگه‌هاند سه‌ره‌دانا شاندێن هه‌ردو لایان به‌رده‌وامن ب ئارمانجا چاره‌كرنا ته‌ڤایا ئاریشان، ئه‌ڤه‌ژی پێنگاڤه‌كا گرنگه‌ د په‌یوه‌ندیێن دناڤبه‌را حكومه‌تا هه‌رێمێ و حكومه‌تا فیدرال ل سه‌ر بنه‌مایێ دستوری، ئه‌م ل به‌غدا ژبلی دانوستاندنێ چ دی مه‌ نینه‌، هه‌می هیزێن سیاسی یێن كوردستانێ ژی باوه‌ری ب دانوستاندنێ هه‌یه‌، گه‌له‌ك شاند ژ هه‌رێمێ هاتینه‌ به‌غدا و زۆر شاند ژ به‌غدا سه‌ره‌دانا هه‌رێمێ كرینه‌ د پێخه‌مه‌تا چاره‌كرنا ئاریشه‌یێن هه‌لاویستی یێن دناڤبه‌را هه‌ردو ئالیان دایه‌.

په‌یڤدارێ حكومه‌تا عیراقی ئه‌و چه‌نده‌ ژی دازانین دپێخه‌مه‌تا بهێزكرنا په‌یوه‌ندیێن دناڤبه‌را هه‌ریمێ وه‌ك هه‌ریمه‌كا فیدرال و دچارچوڤه‌یێ عیراقێ دا ل گه‌ل حكومه‌تا ناڤه‌ندی پیدڤیه‌ بكردار زێده‌تر بیت.

ئه‌ڤرۆ ینوز:

لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته‌ 11 ملیۆن و 957 هزار و 477 كه‌سان.

لگری ئه‌وان ئامارێن هه‌تا ئه‌ڤی ده‌می كۆ ژماره‌یا توشبوویێن ڤایرۆسێ كورونایێ ل جیهانێ گه‌هشته‌ 11 ملیۆن و 957 هزار و 577 كه‌سان، ژ ئه‌ڤێ ژماره‌یێ ژی پێنج سه‌د و 46 هزار و 785 كه‌سان ژی گیانێ خوه‌ ژ ده‌ست دایه‌.

ل سه‌ر ئاستێ وه‌لاتێن جیهانی، ئه‌مریكا زۆرترین رێژا توشبوویێن ڤایرۆسێ كورونایێ تێدا هاتیه‌ توماركرن، گه‌هشتیه‌ سێ ملیۆن و 97 هزار و 84 كه‌سان و 133 هزار و 972 كه‌سان ژی گیانێ خوه‌ ژ ده‌ست دایه‌.

ڤایرۆسێ كورونایێ نه‌خوشیه‌كا كۆژه‌كه‌ و هه‌یڤا 12 یا سالا بوری ل باژێرێ ئوهان یێ چینێ سه‌رهلدا و نوكه‌ ل زێده‌تری 210 وه‌لاتێن جیهانێ به‌لاڤ بوویه‌.

ئه‌ڤرۆ نیوز:

بریاره‌ ئه‌ڤرۆ كۆمبوونا جڤاتا وه‌زیرێن حكومه‌تا هه‌رێما كوردستانێ بهێته‌ كرن، د ئه‌وێ كۆمبوونێ دا دانوستاندنێ ل سه‌ر په‌یره‌وێن بجهكرنا یاسایا چاكسازیێ بكه‌ن.

د كۆمبوونا جڤاتا وه‌زیرێن هه‌رێما كوردستانێ دا دیارترین ته‌وه‌ر پرسا بجهكرنا یاسایا چاكسازیێ یه‌ كۆ د ده‌ستپێكا ئه‌ڤێ هه‌یڤێ كه‌تیه‌ بیاڤێ بجهكرنێ دا.

دهێته‌ چاڤه‌ریكرن ل كۆمبوونا ئه‌ڤرۆ ده‌نگ ل سه‌ر په‌یره‌وێن بجهكرنا یاسایێ بهێته‌ دان كۆ ل كۆمبوونا هه‌فتیا چووی یا لژنا بلندا چاكسازیێ هاتینه‌ په‌سندكرن.

ئه‌ڤرۆ نیوز:

په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند بانگه‌شه‌كرن بۆ بكارئینانا ده‌رمانێن گیایی بۆ  چاره‌سه‌ركرنا ڤایرۆسێ كورونایێ چ بنه‌مایێن زانستی نینن.

د. محه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند رێكخراوا ساخله‌میا جیهانی بریارا دابینكرنا كۆمه‌كا پێدڤیێن خوه‌ پارێزیێ و پشكنین و ژماره‌كا ئامێرێن ئوكسجینێ پشتی ته‌مام بوونا رێكاران ل چه‌ند رۆژه‌كێن بهێن ئه‌و پێدڤی بگه‌هنه‌ هه‌رێما كوردستانێ.

د. محه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده‌ ژی راگه‌هاند ده‌رمانێن گیایی ژ رویێ نوژداری و ساخله‌میێ بۆ چاره‌كرنا ڤایرۆسێ كوروناێ چ بنه‌مایێن زانستی نینن و سه‌ره‌ده‌ریكرن ب ڤان گیایان قه‌ده‌غه‌ و داخازێ ژ وه‌لاتیان دكه‌ین بۆ ئه‌وێ مه‌به‌ستێ بكار نه‌ئینن.

ئه‌ڤرۆ نیوز:

ئیدارا تره‌مپی كۆنگرێس ئاگه‌هداركریه‌ كۆ ئه‌مریكا ب فه‌رمی خوه‌ ژ رێكخراوا ساخله‌میا جیهانی ڤه‌كێشا.

روبێرت مینیندێز سیناتوری دیموكراتان راگه‌هاند كۆنگرێس هاتیه‌ ئاگه‌هداركرن ب فه‌رمی ژلایێ سه‌رۆكێ ئه‌مریكا گه‌هشتیێ ده‌ربارێ ڤه‌كێشان ژ رێكخراوا ساخله‌میا جیهانی، تره‌مپ ب شێوه‌یه‌كێ بێسه‌روبه‌ر سه‌ره‌ده‌ریێ ل گه‌ل به‌ربه‌لاڤبوونا ڤایرۆسی دا كریه‌ و ئه‌ڤ بریاره‌ ژی نه‌ ل به‌رژه‌وه‌ندا ئه‌مریكا و نه‌ ژیانا ئه‌مریكیا دپارێزیت.

دونالد تره‌مپ سه‌رۆكێ ئه‌مریكا ده‌ستپێكا هه‌یڤا ئایارا ئیسال حه‌زا خوه‌ بۆ ڤه‌كێشانێ ژ رێكخراوێ ئاشكراكر و ژ وی ده‌می وه‌ره‌ به‌رده‌وام رێكخراوا ساخله‌میێ ژ هه‌ڤكاریكرنا چینێ د ڤه‌شارتنا چه‌وانیا سه‌رهلدانا ڤایرۆسی تومه‌تبار دكر.

ل دوماهیا هه‌یفا ئایارێ، دونالد تره‌مپ ئاماژه‌ ب وێ چه‌ندێ دایه‌ كر سالانه‌ 450 ملیۆن دۆلارا دده‌نه‌ رێكخراوا ساخله‌میا جیهانێ و چین بتنێ 40 ملیۆنان دده‌ت، ده‌ست ب سه‌ر رێكخراوێ دا گرتیه‌.

website security
WP Facebook Auto Publish Powered By : XYZScripts.com